SAANI KaaNi ( Konkani Bhashentu )
Preeti mahLLeri yitlechi ve ? ಪ್ರೀತಿ ಮ್ಹಳ್ಳೇರಿ ಇತ್ಲೆಚಿ ವೇ ?
ಲಿಫ್ಟಾಂತು ಭರ್ ಪೂರ್ ಲೋಕು ಸುತ್ತು ಮುತ್ತು ರಬ್ಬುನ್ ಅಶಿಲೆ . ಪಂಚಾ ಮಾಳಿ ಯೇವ್ನು ಲಿಫ್ಟ್ ರಬ್ಲೆ . ನೆಟ್ ಲಿಂಕ್ ಕಂಪನಿ ಆಫೀಸ್ ಸೊದ್ದುನ್ ಗೆಲ್ಲಿ . ಆಜಿ ಕಾಮಾಕ ಜಾಯಿನ್ ಜಾವ್ಚೆ ಸುರ್ವೆದಿವಸು . ಆಫೀಸ್ ಮ್ಯಾನೇಜರ್ , ಖಂಯ್ ಮೋಣು ನಿ೦ಮ್ಗೂ ನ್ ಭಿತರಿ ಗೆಲ್ಲಿ . ಮ್ಯಾನೇಜರಾನ ಅಪ್ಪೋಯಿಂಟ್ ಮೆಂಟ್ ಲೆಟರ್ ಹತ್ತಾ ಘೇವ್ನ್ ಕಂಪನಿ ರೂಲ್ಸ್ , ಆಫೀಸ್ ಟೈಮಿಂಗ್ಸ್ ಇತ್ಯಾದಿ ವಿಷಯಾಂತು ಮಾಹಿತಿ ದಿಲ್ಲಿ . ಗ್ರೂಪ್ ಲೀಡರ್ ವಸಂತಾಕ ಮ್ಯಾನೆಜರಾನ ಅಪ್ಪೋನ್ ದೊಗ್ಗ೦ಕಾಯ್ ಇಂಟ್ರಡ್ಯೂಸ್ ಕೆಲ್ಲೆ . "ಕಾಮಾ ಮಾಹಿತಿ ಲಾಯೇಕ್ ರೀತೀರಿ ದೀವ್ನು ಟ್ರೈನಿಂಗ್ ಕರಿ ತುಗೇಲೆ ಗ್ರೂ ಪಾಂತ್ ಘಲ್ತಾ" ಮೋಣು ಸಂಘುನ್ ರಮ್ಯಾಕ ಅಪ್ಪೋನ್ ವ್ಹರಿ ಮ್ಹಳ್ಳಲೋ . ರಮ್ಯಾ ತಿಗೆಲೆ ಕಂಪ್ಯೂಟರಾ ಮುಕಾರಿ ಬಯಿಸುನ್ ಕಾಮ್ ಶಿಕ್ಚಾ ಶುರು ಕೆಲ್ಲೆ . ಡೌಟ್ ಅಸ್ಲೆರಿ ವಸಂತಾ ಲಗ್ಗಿ ನಿ೦ಮಗುಚೆ , ತಾಣೆ ತಿಕ್ಕಾ .. ಪ್ರಾಜೆಕ್ಟ್ ವರ್ಕ್ , ಮಾಹಿತಿ ಸಂಗ್ರಹಣ , ಅಶಿ ಕಾಮ ಕರ್ತಾಚಿ ರಮ್ಯಾಲೆ ದಿವಸ ಗೆಲ್ಲೆಲೆ ತಿಕ್ಕಾಚಿ ಕಳ್ನಿ .
ವಸಂತಾಲೆ ಅನಿ ರಮ್ಯಾಲೆ ಮನ ಲಗ್ಗಿ ಲಗ್ಗಿ ಯೆವ್ಚ್ಯಾಕ ಕಾರಣ ತನ್ನಿ ಕೊರ್ಚೆ ಆಫೀಸ್ ಕಾಮ . ದೊಗ್ಗಯಿ ದನ್ಪಾರಾ ಲಂಚ್ ವೊಟ್ಟು ಕರ್ತಾಲೀಂತಿ . ವೊಟ್ಟುಚಿ ಸಂಜೆ ಘರಾ ವೋಚ್ಛೆ , ಕಾಫಿ ಜ್ಯುಸ ಐಸ್ ಕ್ರೀಂ ಮೊಣು ಯೇಕ್ ಜಾಗೇರಿ ಮೆಳ್ಚೆ . ಕಾಮಾ ವಿಷಯ , ಸಿನೆಮಾ ವಿಷಯ , ರಾಜಕೀಯ , ಸಾಂಸ್ಕ್ರತಿಕ ವಿಷಯಾಂತು ಚರ್ಚೆ ಕೊರ್ಚೆ ... ವಸಂತಾಕ ರಮ್ಯಾ ಮ್ಹಳ್ಳೆರಿ ಇತ್ಲೆ ಖುಷಿ ಝತ್ತಾ ಶಿಲಿ .. ರಮ್ಯಾಕಯಿ ವಸಂತ ನಾಶಿ ರಬ್ಬು ಜಾಯ್ನಾ. ನಾತ್ತಿಲೆ ಪ್ರೀತಿ ವಾಡ್ಲಿ ತಾಂಗೆಲೆ ದೋಗ ಜನಾ ಮಧ್ಯೆ . ಫೇಸ್ಬುಕ್ ವಾಟ್ಸಪ್ಪ್ .. ಮೆಸೇಜ , ಫೋನಾರಿ ಉಲ್ಲಯಿಲೆ ತಿತ್ಲೆ ಊಣೆ ಮೋಣು ದಿಸ್ತಾಲೆ .ಮೆಸೇಜ್ ಯೇನಾ ನಾತ್ಲೆರಿ ಫೋನ್ ಕೋರ್ನು ಉಲ್ಲಯಿತಶೀಲೀಂತಿ . ಸಾಕಾಣಿ ದುಕುನ್ ಸಂಜೆ ತಾಯ್ ಒಫಿಸಾಂತು ಎದುರ- ಬದುರ ಬಯಿಸುನ್ ಉಲ್ಲಯಿಲೆ ಪಾವನ ಕೀ ... ರಾತ್ರಿ ಜೇವಣ್ ಝಲ್ಲೆ ವೇ .. ? ವಿಚಾರು . ನಿದ್ಧನಿ ... ಅನಿಕಯಿ ನೀದ ಯೇನಿ. ... ಒಫಿಸಾಂತು ಚೂಕಿ ಜಾಲ್ಲೆಲೆ ತೆದ್ನಾ ಹತ್ತಾ ಚಿ೦ಮಟೋ ಕಾಡ್ಚೊ ... ಫಂತಿ ಧೋರ್ನ್ ತಂಡುಚೆ ... ತೀಣೆ ತಗೆಲೆ ಗಲ್ಲಾಕ ಚಿ೦ಮಟೋ ಕಾಡ್ಚೆ ... ಕಾನು ಧೋರ್ನು ಕಸಲೆ ವಿಸರ್ಲೊ .. ? ಮೋಣು ನಿಂಮಗುಚೆ ... ಅಶಿ ತಾಂಗೆಲೆ ಮಧ್ಯೆ ಅನ್ಯೋನ್ಯತಾ ವಾಡ್ಲಿ . ಯೇಕ ಪೋಟಿ ರಮ್ಯಾನ ಫೋನ್ ಕೆಲ್ಲೋ . ಜವಾಬ ದೀನಿ .. ದೊನ್ನಿ ಪಂಕ್ತಾ ... ತಿನ್ನಿ ಪಂಕ್ತಾ ... ಅಶಿ ಸಹ ಸಾಥ್ ಪೋಟಿ ಪೋನ್ ಕೆಲ್ಲಾರಿಯಿ ಜವಾಬ ನಾ . ಅರ್ಧ ಘಂಟೆ ನಂತರ ತಗೆಲೊಚಿ ಫೋನ್ ಅಯಿಲೊ . " ಕಿತ್ಯಾ ಫೋನ್ ಕಾಣಿ ? ಆಜಿ ಮಿಗೆಲೆ ಬರ್ತ್ ಡೇ ಮೋಣು ಗೊತ್ತಸ್ಸ ಕೀ .. ವಿಶ್ ನಾ ... ಹೊಟ್ಲಾ ಪ್ರೋಗ್ರಾಮ್ ನಾ ... ಹಾಂವ ತುಕ್ಕ ಇತ್ಲಿ ಸಸಾರ ಝಲ್ಲಿ ವೇ ? ಫಲ್ಲೆ ದುಕೂನ್ ಉಲ್ಲೋಚೆ ನಕ್ಕಾ ತುಂವೆ ಮಿಗೆಲೇಗಿ " ಮೊಣು ಸಂಘುನ್ ಫೋನ್ ಕಟ್ ಕೆಲ್ಲೊ . ವಸಂತಾ ಕ ಮಸ್ತ ಮನ ದುಕ್ಲೆ . ಸಂಜೆ ನಂತರ ಕಂಪೆನಿ ಡೈರೆಕ್ಟರ್ ಒಫಿಸಾಕ ಅಯಿಲೊ . ಮೀಟಿಂಗ್ ಝತ್ತಾ ಝತ್ತಾ ವೇಳು ಗೆಲ್ಲೆಲೆ ಕಳ್ನಿ ... ಹೊಟ್ಲಾ ವೊಚ್ಚುಕಾ ಮೋಣು ಲೆಕ್ಕಿಲೆ ... ಗಿಫ್ಟ್ ಘೇವ್ನ್ ದೀವ್ಕಾ ಮೋಣುಯಿ ಅಶಿಲೆ ... ಛೆ .. ! ಅತ್ತ ಹೀ ಅಶಿ ಕೋಪ್ಲಿ ಮೂ .... ! ಮನ ದುಖ್ಲೆ . ಹೆರದಿವಸು ಒಫಿಸಾಂತು ಗುಡ್ ಮಾರ್ನಿಂಗ್ ಸಾಂಗ್ಲೆರಿ ಜವಾಬ ನಾ .. ದಿವಸು ಭರಿ ಸುಜ್ಜಿಲ್ ತೊಂಡಾರಿ ಅಸ್ಸ . ಓಹೋ ಅನಿಕಾಯ್ ಕೋಪು ನೀವಿನಿ . ಉಪಾಯು ನಾಶಿ ವಸಂತು , ರಮ್ಯಾಲೆ ಫರಾ ದಿಕಾನ ತಿಕ್ಕಾ ಮೇಳ್ನ್ ಉಲ್ಲೋಕಾ ಮೋಣು ಭಾರ್ಸರ್ಲೊ . ರಮ್ಯಾ ಭಾಯಿರಿ ಆಯ್ಯಿಲೆ ತೆದ್ನಾ , ಉಲ್ಲೋಕಾ ಮೊಣು ತಿಗೆಲೆ ಯೆದ್ರಾ ಯೇವ್ನ್ ರಾಬ್ಲೊ ... " ಮಕ್ಕಾ ತುಗೆಲೆ ಉಲ್ಲೋಚೆ ಅಗತ್ಯ ನಾ " ಮ್ಹಳ್ಳಲಿ . " ಮಿಗೆಲೆ ಆನಮ್ಮಾ ಮಕ್ಕ ಸೌರಿಕ ಪೊಳೈತಾ ಆಸ್ಸತಿ " ಮೋಣು ಸಂಘುನ್ ಸರ್-ಸಟಿ ಮುಕಾರಿಗೆಲ್ಲಿ.
ದೋನಿ ದಿವಸು ವೊಚ್ಚೊ ಮೊಣು ನುತ ಮಾಕ್ಷಿ ಗೆಲ್ಲೊ .
" ಚಾಂಗ್ ಚೆಲ್ಲೊ ಇಂಜಿನಿಯರ್ ಶಿಖ್ಲಾ ... ಜಾತಕಾ ಮೇಳಾ ಮೇಳಿ ಲಾಯಕ್ ಅಸ್ಸ ... ಅಂಮ್ಕಾ ಗೊತ್ತಶಿಲೆ ಕುಟುಂಬ .. ತೂ ಸುಖಾರೀ ಆಸ್ತಾಲಿ " ತಿಗೆಲೆ ಅಮ್ಮಾನ ಬುದ್ಧಿ ವಾದು ಸಾಂಗ್ಲೊ . ರಮ್ಯಾಲೆ ಮನ ಹೇತಾ ತೇತಾ ಘಡಿಯಾಳಾ ಲಂಬಕ್ ಶೆ ಹಲ್ಲೆ . ಒಫಿಸಾಂತು ವಸಂತು ರಮ್ಯಾಕ ಯೇವ್ನ್ ಮೆಳ್ಳೊ ." ಸೋರಿ ರಮ್ಯಾ ... ಮಿಗೆಲಿ ಚೂಕಿ ಝಲ್ಲಿ ... ಅನಿ ಮುಕಾರಿ ಅಶಿ ಜಾಯ್ನಾಶಿ ಪೊಳೈತಾ" ಮ್ಹಳ್ಳಲೋ ... " ಆಜಿ ಅನ್ನಾಲೆಗಿ ಯೇವ್ನು ಉಲ್ಲಯಿ" ಮ್ಹಳ್ಳಲಿ . ಮಾಫಿ ಕೆಲ್ಲೆ ಮೋಣು ವಸಂತಾಕ ಸಂತೋಷು ಝಲ್ಲೋ . ಸಂಜೆ ಪಾರ್ಕಾ೦ತ್ ವೊಟ್ಟು ಝಲ್ಲೆ . ದೊಗ್ಗಾಲೆ ಮನ ನಿತ್ತಳ್ ಆಶಿಲೆ . ಮನ ಬೋರ್ನ್ ಅಯಿಲೆ ... ಹಾಥ ಹಾಥ ವೊಟ್ಟು ಝಲ್ಲೆ ... ಪ್ರೀತಿನ ದೋಳೆ ಬೋರ್ನ್ ಅಯಿಲೆ ... ಎಕ್ಲೇ೦ಕ ಸೋಣು ಅನ್ನೇಕ್ಲೇಕ ಸೋಣು ರಬ್ಬು೦ ಜಾಯ್ನಾ... ಮ್ಹಳ್ಳೆಲೆ ಅನುಭವು ಝಲ್ಲೋ .
ಉಮಾಪತಿ
No comments:
Post a Comment