Kacha Devayani konkani Story

ಕಚ - ದೇವಯಾನಿ    ಕೊಂಕಣಿ ಸ್ಟೋರಿ                              ಬ್ರಹಸ್ಪತಿ , ಸರ್ವ ದೇವತಾ ಲೋಕಾಂಕ ಪುರೋಹಿತ ಜಾವ್ನು ಅಸ್ಲೆರಿ : ಶುಕ್ರಚಾರ್ಯು ಹಿರಣ್ಯ ಕಷಿಪು ತಸಲೆ ರಾಕ್ಷಸ ಸಮಾಜಾ ಕ ಪುರೋಹಿತ ಜಾವ್ನ್ ಅಶಿಲೋ . ಶುಕ್ರಚಾರ್ಯು ....  ಶಿವಾಲೆ ನಾಮ ಸ್ಮರಣ , ಮಸ್ತ ಕಠಿಣ ತಪಸ್ಯ , ಉಪಾಸನಾ ಕೊರ್ನ್ .. ಮೆಲ್ಲೆಲೆ  ಜೀವ ರಾಶಿಕ ವಾಪಾಸ್ ಪ್ರಾಣ ಪ್ರತಿಷ್ಠ ಕೊರ್ಚೆ " ಮೃತ ಸಂಜೀವಿನಿ " ವಿದ್ಯೆ ವರು ಜಾವ್ನ್ ಸಂಪಾದನಾ ಕೆಲ್ಲೆಲೋ ಮಹಾ ತಪಸ್ವಿ .  ಏಕ್ ಪೊಟಿ ದೇವ - ರಾಕ್ಷಸಾ ಮಧ್ಯೆ ಘನ ಘೋರ ಯುದ್ಧ ಜಾವ್ನ್ ದೊನ್ನಿ  ಬದೀನ ಮಸ್ತ ಲೊಕು ನಾಶ ಝಲ್ಲೊ . ತ್ಯೇ ವೆಳ್ಯೇರಿ ಶುಕ್ರಾಚಾರ್ಯು , ಸಂಜೀವಿನಿ ವಿದ್ಯೆ ನಿಮಿತ್ಯ ಮಲ್ಲೆಲೆ  ಮಸ್ತ ರಾಕ್ಷಸ ಲೋಕಾಂಕ ವಾಪಾಸ್ ಜೀವು ಬೊರ್ಲೊ . ದೇವ ಪಕ್ಷಾಂತು ಅಸಲೆ ವಿದ್ಯೆ ಗೊತ್ತಶೀಲೆ ಕೊಣಯ್ ನಾ ಜಾವ್ನ್ ದೇವ ಚಿಂತಿತ ಝಲ್ಲೆ . " ತುಮ್ಗೆಲೆ ಮಧ್ಯೆ ಕೊಣಾಯ್ಯ್ ಪುಣಿ ಶುಕ್ರಾಚಾರ್ಯಾಲೆ  ಶಿಷ್ಯ ಜಾವ್ನ್ ....; ತೀ ಮೃತ ಸಂಜೀವಿನಿ ವಿದ್ಯೆ ಶಿಕ್ಕುನ್ ಯೆವ್ಕಾ " ಮ್ಹಳ್ಳಲೋ . ಶತ್ರು ಮಧ್ಯೆ ರಬ್ಬುನ್ ತೀ ಮೃತ ಸಂಜೀವಿನಿ ಶಿಕ್ಚ್ಯಾ ಕ ಕೊಣಾಯ್ಯ್ ಧೈರ್ಯಾರೀ  ಮುಕಾರಿ ಯೇನೀತಿ .                         ಬ್ರಹಸ್ಪತಿಕ  ಕಚ ಮ್ಹಳ್ಳಲೊ ಪೂತು ಅಶಿಲೋ  ... ಸರ್ವ ದೇವ , ಕಚ ಲಗ್ಗಿ " ತೂ ಕಶೀ  ಪುಣಿ ತೀ ವಿದ್ಯೆ ಶುಕ್ರಾಚಾರ್ಯಾ ಲಗ್ಗಿ ಶಿಷ್ಯ ಜಾವ್ನ್ , ಆಮ್ಗೆಲೆ ಖತಿರಿ ಶಿಕ್ಕುನ್ ಯೋ " ಮೋಣು  ಪ್ರಾರ್ಥನಾ ಕೆಲ್ಲಿ . ಬಪ್ಸುಲೆ ಆಶೀರ್ವಾದು ಘೇವ್ನ್ ಕಚ , ಶುಕ್ರಾಚಾರ್ಯಾ ಲೆ ಆಶ್ರಮಕ್ಕೆ ಯೇವ್ನ್ ಪಾವಲೋ . ಗುರು ಕ ಸಾಷ್ಟಾಂಗ ವಂದನ್ ಕೋರ್ನು " ಗುರು ವರ್ಯಾ ... ಹಾಂವ ತುಮ್ಗೆಲೆ ಶಿಷ್ಯ ಜಾವ್ಕಾ ಮೋಣು , ತುಮ್ಗೆಲೆ ಸೇವಾ ಕೋರ್ಕಾ ಮೋಣು ವಿದ್ಯಾರ್ಚನೇಕ ಅಯಿಲಾ ..ಕೃಪಾ ಕೋರ್ಕಾ ಗುರುದೇವಾ " ದಿವ್ಯ ದೃಷ್ಟಿರಿ ಶುಕ್ರಾಚಾರ್ಯಾಕ  ಕಚ , ದೇವಾ ಪಕ್ಷಾ ದುಕುನ್ ಸಂಜೀವಿನಿ ವಿದ್ಯೆ ಶಿಕ್ಕುಂಕ ಅಯಿಲಾ ... ಬ್ರಹಸ್ಪತಿಲೆ ಪೂತು .. ಮೋಣು  ಕಳ್ಳೆ  . ಜಲ್ಲೇರಿಯಿ ಸರ್ವತ್ರ ಸಮ ಬುದ್ಧಿ ಅಶಿಲೋ ಶುಕ್ರಾಚಾರ್ಯನ ತಕ್ಕಾ  ಶಿಷ್ಯ ಜಾವ್ನ್ ಆಶ್ರಮಾಂತು ದವೋರ್ನ್ ಘೆತ್ಲೊ .                           ಕಚ ಸ್ಪುರ ದ್ರೂಪಿ , ತೇಜಸ್ವಿ , ವಿನಯಾದಿ , ಸದ್ಗುಣ ಶೀಲ , ಶಾಂತ ಮನೋ ಚಿತ್ತ , ಸದಾ ಹಸನ್ಮುಖಿ , ಜಾವ್ನ್ ಸರ್ವಾಂಗೆಲೆ ವೊಟ್ಟು ಮೇಳ್ನ್ ಚಲ್ತಶಿಲೋ ... ಕ್ರಮೇಣ ಗುರುಲೆ ಪ್ರೀತಿ ಪಾತ್ರ , ವಿಶ್ವಾಸಿ  ಮೊಣೋನ್  ಘೆತ್ಲೆ  . ಶುಕ್ರಾಚಾರ್ಯಾಕ ದೇವಯಾನಿ ಮ್ಹಳ್ಳೆಲಿ ಎಕ್ಲಿ ಚಂದಿ .. ಸ್ಪುರದ್ರೂಪಿ , ಯೌವನಾವಸ್ತೆರಿ ಧೂವ ಅಶಿಲಿ . ಕಚ , ತಿಗೆಲೆ  ಆಜ್ಞಾನು ವರ್ತಿತ ಸಕಲ ಆಶ್ರಮಾ ಕಾಮ ಕೋರ್ನು ದಿತ್ತಶಿಲೋ  . ಆಶ್ರಮ ಫುಟ ಕೊರ್ನ್ ದೊವೊರ್ಚೆ  , ಯಜ್ಞ ಯಾಗಾಕ  ಜಾವ್ಕಾ ಜಲ್ಲೆಲೆ ರುಕ್ಕಾಡಿ , ಮೂಳ ಪಾಳ ಪಲ್ಲೋ ಒಟ್ಟು ಕೋರ್ನು ದಿವ್ಚೆ ... ವನಾಂತು ಮೆಳ್ಚೆ ನಮುನ್  ವಾರ ಫಲ ಪುಷ್ಪ ವೊಟ್ಟು ಕೊರ್ನ್ ದಿವ್ಚೆ ... ಆಶ್ರಮಾ ಪ್ರತೀ ಏಕ ಕಾಮಾಂತು ಶ್ರದ್ಧಾ ಭಕ್ತಿ ರಿ ಭಾಗಿ ಜಾತ್ತ ಶಿಲೋ  . ಸಾಂಜ್ವಾಳಾ ಚೆ  ಪುರ್ಸೋತಿ ಮೆಳ್ಳೆಲೆ ತೆದ್ನಾ ಸಂಗೀತ ,ನೃತ್ಯ , ವಾದ್ಯ ವಾಜ್ಜುನ್ ಗುರು ಲೆ  ಮನಾಕ ದೇವಯಾನಿ ಲೇ ಮನಾಕ ಸಂತೋಷು ಕರ್ತಶಿಲೋ . ದೇವಯಾನಿಲೆ ಮನಾಂತು ನಿತ್ಯ ಉದಯ ಸೂರ್ಯು ಝಲ್ಲೋ ಕಚ . ಪ್ರೇಮ ಭಾವ ತಿಕ್ಕಾ ಕಳ್ನಾಶಿ ವಡ್ಡತ ಗೆಲ್ಲೆ . " ಇತ್ಲೆ ಗುಣ ಸಂಪನ್ನ ಕಚ ಮಿಗ್ಗೆಲೆ ಬಮ್ಮಣು  ಜಾವ್ನ್ ಮೆಳ್ಳೆರಿ ... ಮಿಗೆಲೆ ಕಿತ್ಲೆ ಹೋಡ  ಭಾಘ್ಯ ಅಶಿಲೆ .... ! "  ಮನಾಂತು ಹೃದಯಾಂತು ಆಶಾ ಚಿಗುರ ಫುಟ್ಟುನ್  ರಬ್ಬಲೆ.                            ರಾಕ್ಷಸಾಂಕ ಕಚಾ ವೈರಿ ದ್ವೇಷ ಉತ್ಪನ್ನ ಝಲ್ಲೆ . ಮೃತಸಂಜೀವಿನಿ ವಿದ್ಯೆ ಹಾಣೆ ಶಿಕ್ಕುನ್ ಕಳ್ಳೇರಿ  ಮುಕಾರಿ ಆಮ್ಗೆಲೆ ಅವಸ್ಥಾ ಕಸಲಿ .. ?ಮೋಣು ದಿಸ್ಲೆ . ಕಶೀ ಪುಣಿ  ಕಚಾ ಕ ದಿವಿಶಿ ಮಾರ್ಕಾ ಮೋಣು ನಿರ್ಧಾರ್ ಕೆಲ್ಲೊ . ಏಕು ದಿವಸು .. ಆಶ್ರಮಾ ಗೊರ್ವಾಂಕ ಚೋರೋಚಾ ಕ ಮೋಣು ರನ್ನಾಕ ವೊಚ್ಚುನ್ ಅಶಿಲೆ ವೆಳ್ಯೇರಿ ಕಚಾ ಕ ಧೋರ್ನ್ ದಿವಿಶಿ ಮಾರ್ನ್ , ತಾಗೆ ಲ್ ಶರೀರ ಕುಡಕೆ  ಕೋರ್ನ್ ಕೊಲ್ಲೆ ಸೂಣೆ೦ಕ ಖಾವೈಲೆ . ಸಂಜೆ ಗೊರವಂ ಮಾತ್ರ ವಾಪಾಸ್ ಆಯಿಲಿ೦ತಿ ಕಚ ಏನಿ . ದೇವಯಾನಿ ಕಚ ಯೇನಾ ನಾತ್ತಿಲೆ ಪೊಳೊನ್ ಬಪ್ಸೂಲಗ್ಗಿ  " ಬಹುಷಃ ರಾಕ್ಷಸಾನಿ ತಕ್ಕ ಡಿವಿಶಿ ಮಾರ್ಲಾ ... ಕಚಾ ನ  ನಾಶಿ ಹಾಂವ ಜೀವಂತಿ ಅಸ್ಸ ನಾ ಅನ್ನಾ ... ತಾಣೆ  ವಾಪಾಸ್ ಯೆವಚೆ ತಶಿ ಕರಿ .. " ದೇವಯಾನಿಲೆ ಸಂಕಟ ಪೊಳೊನ್  " ಕಚಾ ... ತು ಕ೦ಯ್ಯ್ ಅಸ್ಲೆರಿ ಜೀವಂತಿ ಉಠಾನು ಯೋ ವತ್ಸಾ " ಮೋಣು  ಸಂಜೀವಿನಿ ವಿದ್ಯಾ ಪ್ರಯೋಗ ಕೆಲ್ಲೆ . ಖಾವ್ನ್ ಘಾಲ್ಲೆಲೆ ಕೊಲ್ಲೆ  ಸೂಣೆ  ಪೋಟ ಭೇತ್ತುನ್ . ವೊಟ್ಟು  ಜಾವ್ನ್ ... ಜೀವು ಬೋರ್ನ್ .. ಗುರು ಸನ್ನಿಧಿ ಕ ಯೇವ್ನು ಆಡ  ಪೊಳ್ಳೋ . ಆನ್ನೇಕ ಪೋಟಿ ಕಚಾ ಕ ದಿವಿಶಿ ಮಾರ್ನ್ ಚೂರು ಕೊರ್ನ್ ಸಮುದ್ರಾ೦ತು ಉಡಯಿಲೆ . ಅತ್ತಯಿ  ದೇವಯಾನಿಲೆ ಒತ್ತಾಯಾ ವೈರಿ ... ಕಾಚಾ ಕ ವಾಂಚಯಿಲೊ . ರಾಕ್ಷಸಾನಿ ತಾಂಗೆಲೆ ಹಠ ಸೋಣಿ ... ಹಯೇ ಪಂಕ್ತಾ ಕಚಾ ಕ ದಿವಿಶಿ ಮಾರ್ನ್ .. ಲಸ್ಸೂನು ಗೊಬ್ಬೊರೂ ಕೊರ್ನ್ ಮಧ್ಯ ಭಿತರಿ ಖಿರೋನ್ ಶುಕ್ರಾಚಾರ್ಯಾಕ ಪಿವ್ವೊನ್  ಸೊಳ್ಳೆ . ಅತ್ತ ವಾಪಾಸ್ ದೇವಯಾನಿ ಕಾಚಾ ಖತಿರಿ ದುಃಖ ಪಾವ್ಲಿ . ಪ್ರೀತೀ  ಧೂವೆಲೆ ಸಂಕಟ ಪೊಳೊನ್ ಶುಕ್ರಚಾರ್ಯಾ ನ ದಿವ್ಯ ದೃಷ್ಟಿ ನ ಪೊಳಯಿ ಲೆ . ತಾಗೆಲ್ ಪೊಟ್ಟಾ೦ತು ಜೀವು ಹಾಡೊನ್ತಾಗೆಲ ಉಲ್ಲೋನ್ ... " ವತ್ಸ ಹಾಂವ ತುಕ್ಕ ಸಂಜೀವಿನಿ ವಿದ್ಯಾ ಮಂತ್ರ ಶಿಖಾಯಿತಾ ... ತು ಮಿಗ್ಗೆಲೆ ಪೋ ಟ ಶಿಗುಳ್ನು ಭಾಯಿರಿ ಯೇವ್ನ್ ಮಂತ್ರ ಫಲಾನ ಮಕ್ಕ ವಂಚಯಿ " ಮೋಣು  ಸಂಘುನ್ ದಿಲ್ಲೆ . ಏಕ್ ವಿಲಕ್ಷಣ ಕ್ಷಣಾಂತು ಮೃತ ಸಂಜೀವಿನಿ ವಿದ್ಯೆ ಶಿಖ್ಲೋ . ಮಂತ್ರ ವಿದ್ಯೆ ನಿಮಿತ್ಯ ಕಚ ವಾಂಚುನ್ ಬಾಯಿರಿ ಅಯಿಲೊ ನಂತರ ಶುಕ್ರಾ ಚಾರ್ಯಾ ಕಯಿ ವ೦ಚೈಲೋ .                             ಮುಕಾರಿ ಯೇಕು ದಿವಸು ... ಕಚ , ಶುಕ್ರಾಚಾರ್ಯಾ ಲೇ ಆಶೀರ್ವಾದು ಘೇವ್ನ್ ಘರಾ ವಾಪಾಸ್ ವೊಚ್ಚುಕಾ ಮೋಣು  ಭಾರ್ ಸರ್ಲೊ . ದೇವಯಾನಿ ಮುಕಾರಿ ಯೇವ್ನ್ " ಹಾಂವೆ ತುಕ್ಕ ಮನಸಾರಾ ಪ್ರ್ರೇತಿ ಕೆಲ್ಲಾ . ಮಕ್ಕ ತುಂವೆಚಿ ವ್ಹರ್ಡಿಕಾ ಕೋರ್ಕಾ " ಮ್ಹಳ್ಳಲಿ . " ತೂ ಮಕ್ಕ ಗುರು ಪುತ್ರಿ ... ಹಾಂವೆ ತುಕ್ಕ ವ್ಹರ್ಡಿಕಾ ಕೆಲ್ಲೇರಿ ತ್ಯೆ ಧಾರ್ಮ ವಿರುದ್ಧ ಝತ್ತ " ದೇವಯಾನಿ ಕ ಆಶಾ ಭಂಗ ಝಲ್ಲೆ ... ಮನ ಉದ್ರೇಕ ಪಾವಲೆ .. ಕೋಪು ಯೇವ್ನ್ " ಮಿಗೆಲೆ ಅನ್ನಾ ಲಗ್ಗಿ ಶಿಕ್ಕಿಲೆ ಸಂಜೀವಿನಿ ವಿದ್ಯಾ ಫಲ ತುಕ್ಕ ಮೇಳ್ನಾಶೀ   ವೊಚ್ಚೊ " ಮೋಣು  ಶ್ರಾಪ್ ದಿಲ್ಲೊ . ತ್ಯೆ ಕ್ಷಣಾರಿ ಕಚಾ ಕಯಿ , ಕೋಪು ಅಯಿಲೊ " ತು ,  ಸಕಲ ಶಾಸ್ತ್ರ ಸಂಪನ್ನ ಭೂ ಸುರೋತ್ತಮ ಶುಕ್ರಾಚಾರ್ಯಲೆ ಧೂವ್ ಜಾವ್ನ್ ಅಸ್ಲೆರಿಯಿ ಮಕ್ಕ ಧರ್ಮಾ ವಿರುದ್ಧ ವ್ಹರ್ಡಿಕೆ ಕಾರ್ಯಾ ಕ ಬಲಾತ್ಕಾರ ಕೆಲ್ಲೆಲೆ ನಿಮಿತ್ಯ ಖಂಚೆ ಬ್ರಹ್ಮಣು  ತುಕ್ಕ ವ್ಹರ್ಡಿಕಾ ಕರ್ನಾಶಿ ಅಸ್ಸೋ  ... " ಮೋಣು  ಪ್ರತಿ ಶ್ರಾಪ್  ದಿಲ್ಲೊ . ತಶಿ  ಜಾವ್ನು ಮುಕಾರಿ ದೇವಯಾನಿ ಕ್ಷತ್ರಿಯ ಮಹಾರಾಜ ಯಯಾತಿ ಲೇ ಹಾತು ಧೊರ್ಕಾ ಝತ್ತ .ಉಮಾಪತಿ 

GURUVAANI Ayicho suvicharu

GURUVANI        Ayicho Suvichaaru     ( Konkani bhashentu )ಇಂದ್ರಜಾಲ ಕರ್ತಾಲೊ ಚಿತ್ರ ವಿಚಿತ್ರ ವಸ್ತು ಸೃಷ್ಟಿ ಕೊರ್ನ್ ದಕ್ಕಯಿತಾನ ಅ೦ಮ್ಕಾ ಸರ್ವಾಂಕ ಆಶ್ಚರ್ಯ ಜಾವ್ನು ದಿಸ್ತಾ . ಮಾಯಾ ಲೋಕಾಂತು ಕಸ-ಕಸಲೆ ವಸ್ತು ದಕ್ಕೋನ್ ತಗೆಲೆ ಕಸಲ್ಕಿ ಶಕ್ತಿ ಅಸ್ಸ ಮೋಣು ನ೦ಮ್ಗುಚೆ ತಶಿ ಕರ್ತಾ . ಅ೦ಮ್ಕಾಬ್ರಮ್ಹ ಜ್ಞಾನ ಜವ್ವೊ ತಾಯಿ ಹೇ ಅಜ್ಞಾನ ಆಸ್ತಾ . ವೇದಾಂತಾಂತು " ರಜ್ಜು ಸರ್ಪ ನ್ಯಾಯ " ಮ್ಹಳ್ಳೆಲೆ ದ್ರಷ್ಟಾಂತ ದೀವ್ನ್ ಸ್ಪಷ್ಟೀಕರಣ ಕೆಲ್ಲಾ . ಮಣ ಮಣ ಮಂತ್ರ ಸಂಘುನ್ ಏಕ ದೊರಿ ಕುಡ್ಕೊ ದೂರ ಉಡಯಿಲೆ ಸತಾನ ಸೊರೋಪು ಶೆ ಹಲ್ಲುನ್  ಹಲ್ಲುನ್ ಪ್ರೇಕ್ಷಕಾ ೦ಗೆಲೆ ಪಯ್ಯ ಮುಳಾ೦ತು ಯೆತ್ತ ನಾ ... ನಿಜಾವನು ಸರೋಪು ಮೋಣು  ಭೀವ್ನ್ ದೂರ  ಧಾಂವ್ತಾಲೆ ಆಸ್ಸತಿ . ಸಮ ಉಜ್ವಾಡಾ ಕ ಪೊಳೈತಾನಾ ' ಸರೋಪು ನಂಯ್ಯ್ ' ದೊರಿ , ರಾಜ್ಜ್ಯೋ ಮೋಣು ಕಳ್ತಾ .        ಸ್ವಾಮಿ ಸಮರ್ಥ ರಾಮ ದಾಸ ಅದ್ವೈತ ಶಾಸ್ತ್ರ ಪಂಡಿತಾ ಕ ಸಂಮ್ ವಾಟ್ಟೇರಿ ಹಳ್ಳೆಲೆ ಕಾಣಿ ಕಸಲೆ ಮೋಣು  ಪೋಳೋಯಾ .  ಸಮರ್ಥ ರಾಮ ದಾಸಾಲೆ ವೊಟ್ಟು ಎಕ್ಲೋ ವೇದಾಂತ ಪಂಡಿತು ಅಶಿಲೋ . ತತ್ತವಳಿ " ಜಗತ್ಯ ರಜ್ಜು ಸರ್ಪ ಮ್ಹಣ್ಕೆ " ಮೋಣು ವೇದಾಂತ ದ್ರಷ್ಟಾಂತ ದೀವ್ನು ಬಾಕಿ ಶಿಷ್ಯಾ೦ಗೆಲೆ ಮನಾಂತು  ವ್ಯಾಮೋಹ ಸೃಷ್ಟಿ ಕರ್ತಾಶಿಲೋ . " ಜಗತ್ಯ ಚಿ  ಮಿಥ್ಯ ಜಾಲ್ಲೆಲೆ ನಿಮಿತ್ಯ ಕೊರ್ಚೆ ಪೂರಾ ಸಾಧನಾ  ವ್ಯರ್ಥ ... ಸಾಧನಾ  ಆನಿ ಸಾಧ್ಯ ಪೂರಾ ಮಾಯಾ" ಮೋಣು  ಸಂಘುನು ಬಾಕಿ ಶಿಷ್ಯಾ೦ಗೆಲೆ ಸಾಧನೆ ಕ ಆಡ ಯೆತ್ತಾಶಿಲೋ . ಹಕ್ಕಾ ಕಶಿ ಪುಣಿ ಉಪಾಯು ಕೋರ್ನು ಸಮ್ಮ ವಾಟ್ಟೇರಿ ಹಾಡ್ಕಾ ಮೋಣು  ಗುರು ರಾಮ ದಾಸು ಲೆಕ್ತಾಶಿಲೋ .                ತಸಲೊ ಏಕು ಸಂಧರ್ಭ ಮೆಳ್ಳೊ . ಇಂದ್ರಜಾಲ ಕರ್ತಾಲೊ ಸಮರ್ಥ ರಾಮದಾಸಾ ಲಗ್ಗಿ ಯೇವ್ನು " ಮಿಗ್ಗೆಲೆ ಹತ್ತಾ ಚಮತ್ಕಾರು ದಕ್ಕೋನು ತುಂಮ್ಕಾ  ಸಂತೋಷು ಕೋರ್ಕಾ ಮೋಣು ಲೆಕ್ಲಾ ಮಕ್ಕ ತುಮ್ಮಿ ಆಶೀರ್ವದು ಕೋರ್ಕಾ ಸ್ವಾಮೀ " ಮೋಣು ವಿನಮ್ರ ಜಾವ್ನು ಮಾಗ್ಲೆ . ಜಾಯಿತಾ ತಶೀ೦ಚಿ ಜಾವ್ವೋ ಮೋಣು ಏಕು ದಿವಸು ನಿಗದಿ ಕೆಲ್ಲೊ . ವಿಷಯು ಗಾಂವ್ಚೆ ಲೋಕಾಂಕ ಕೋಳ್ನು ಸರ್ವ ಲೋಕು ಜಾದು  ಪೋಳೋಚಾ ಅಯಿಲೆ . ವೇದಾಂತ ಪಂಡಿತುಯಿ , ಗುರು ರಾಮದಾಸಾ ಲೆ ಸನ್ನಿಧಿ೦ತು ಬಾಯಿಸುನ್ ಅಶಿಲೋ . ಜಾದು  ದಕ್ಕಾಯಿತಾ ದಕ್ಕಾಯಿತಾ ಹತ್ತಾ ಅಶಿಲೆ ರಾಜ್ಜ್ಯೋ  ದಕ್ಕೋನು ..." ಹೇ ಅತ್ತ ನಾಗರ ಸರೋಪು ಝತ್ತ ಪಳಯಾ " ಮೊಣು ಸಂಘುನ್ ಸಭೆ ಎದ್ರಾಕ ಉಡಯಿಲೆ . ತೊ ರಜ್ಜ್ಯೋ ಸರ್ಪಾ ಮ್ಹಣ್ಕೆ ಆ೦ಗ ವೊಳ್ನ್  ಹೇಡೊ ದಕ್ಕೋನ್ ಪುಂಗೀ ಶಬ್ಧಾಕ ಸಮ್ಮ ಜಾವ್ನು ನಾಂಚು ಶುರು ಕೆಲ್ಲೆ . ಹೇ ಚಿ ಸಮ್ಮ್ ವೇಳು  ಮೋಣು ಲೆಕ್ಕುನ್ ಸಮರ್ಥ ರಾಮದಾಸಾ ನ ವೇದಾಂತಿ ಕ ಅಪ್ಪೋನ್ " ಉಡಯಿಲ್ ರಜ್ಜ್ಯೋ ವೆಂಚುನ್ ಮಿಗೆಲೆ ಹತ್ತಾ೦ತು  ಹಾಣು ದೀ " ಮೋಣು  ಆಜ್ಞಾ ಕೆಲ್ಲಿ . ವೇದಾಂತಿಲೆ ದೊಳೇಕ ಸರೋಪು ದಿಸ್ತಾ ಅಸ್ಸ . ಉಡಯಿಲೊ ರಜ್ಜ್ಯೋ ವೈ ... ಜಲ್ಲೇರಿ ... ಹಾಂಗಾ ಸರೋಪು ಅಸ್ಸ ಮು ... ! ಲಗ್ಗಿ ವೊಚ್ಚುನು ಭೀವ್ನ್ ಧಾಂವ್ನು ಅಯಿಲೊ . ತಗೆಲೆ ವರ್ತನಾ ಪೊಳೊನ್ ತ೦ಯ್ ಅಶಿಲೆ ಸರ್ವ ಲೋಕು ಹಾಸ್ಲೆಂತಿ . ಸಮರ್ಥ ರಾಮದಾಸು ಖುದ್ಧಾ ವೊಚ್ಚುನ್ ಹತ್ತ ಧೋರ್ನ್ ಹಳ್ಳೆ . ವೈ ... ಸರೋಪು ನಯ್ಯ್ ಬರಿ ರಜ್ಜ್ಯೋ . " ಪೋಳೆ  ವೇದಾಂತಿ ... ! ಹೇ ನಿಜಾವ್ನ್ ರಜ್ಜ್ಯೋ  ಚಿ .. ಸರ್ಪಾ ಮ್ಹಣ್ಕೆ  ಭಿವಯಿಲೆ ... ಹಜ್ಜೆ ಮ್ಹಣ್ಕೇಚಿ ... ಜಗತ್ಯ ನಿಜಾವ್ನು ಜಗತ್ಯಾ ಮ್ಹಣ್ಕೆ ಅಸ್ಸ ನಾ ಪರಮಾತ್ಮಾ ಕ ಅರ್ಥ  ಕೋರ್ನು ಘೆನಾ ನಾತ್ತಿಲೆ ತ್ಯೆ ಸತ್ಯ ಜಾವ್ನು ದಿಸ್ತಾ . ಭಕ್ತಿನ ಪರಮೇಶ್ವರಾಲೆ ಸಾಕ್ಷಾತ್ಕಾರ ಕೋರ್ನು ಘೇನಾಶಿ , ಅನಿ ಕೊಣಯ್ ಜಗತ್ಯ ರಜ್ಜು ಸರ್ಪಾ ಮ್ಹಣ್ಕೆ ಮೋಣು  ಸಂಘುಕ ಅಧಿಕಾರ ನಾ " ಗುರು ಉತ್ತರಾಂತು ಸತ್ಯ ಕೋಳ್ನು , ಗುರುಲೆ ಪಯ್ಯಾರಿ ವೇದಾಂತಿ ಫೋಣು  ಕ್ಷಮಾ ಪಣ ಮಾಗಲಿ .                 ವಲ್ಲಿ ಮತ್ತಿ ಯೇ ಮುದ್ದೊ ಭುರ್ಕುಳೋ ಝಲ್ಲೆಲೆ ತೆದ್ನಾ , ಸೂತ  ಆ೦ವ್ಗಲೆ ಝಲ್ಲೆಲೆ ತೆದ್ನಾ  , ದೂಧ ಧ೦ಯ ಝಲ್ಲೆಲೆ ತೆದ್ನಾ , ಲೋಣಿ ತೂಪ ಝಲ್ಲೆಲೆ ತೆದ್ನಾ , ಮೂಲ ವಸ್ತು ರೂಪಾಂತರ ಝತ್ತ . ತಕ್ಕ ವೇದಾಂತಾತು ಪರಿಣಾಮ ವಾದ ಮ್ಹಣತಾತಿ . ವೇದಾಂತಿ ಲೋಕು ಜಗತ್ಯಚಿ ...  ಬ್ರಹ್ಮ್ಮಾಲೆ  ವಿವರ್ತ ಸ್ವರೂಪ ಮೋಣು  ಲೆಕ್ತಾತಿ 

 

GURUVANI ... Pravachana saara

GURU VAANI .... Pravachana Saaraದೇವಾಲಿ ಪೂಜಾ ಕರ್ತಾನಾ .. ದೀನ ಜಾವ್ನು ಭಾವುಕ ಜಾವ್ನ್ ಭಕ್ತೀನ " ದೇವಾ ಹಾಂವ ತುಗೆಲೆ ಪಾದ ಚರಣಾಂಕ ಶರಣು ಝಲ್ಲಾ ಮಕ್ಕಾ ಅನಿ ತುಂವೆಚಿ ರಕ್ಕೂಕಾ " ಮ್ಹಳ್ಳೆಲೆ ಭಾವ ಪದೇ ಪದೇ ಹಾಡೊನ್ ಘೆವ್ಕಾ . ಶ್ರೀನಿವಾಸ ... ವೆಂಕಟರಮಣಾ ... ಪುರುಷೋತ್ತಮಾ ಮಕ್ಕಾ ತೂ ಸೊಳ್ಳೇರಿ ಅನಿಕೊಣಾಯ್ ನಾತಿ .... ದಾಸ ಜಾವ್ನು ಮಕ್ಕ ಸ್ವೀಕಾರ ಕರಿ . ದೇವಾ ಕ ದಾಸ ಜಾಯ್ನಾಶಿ ಕಸಲೆಯೀ ಪೂಜಾ ಫಲ ಕೋಣಾಕಯಿ ಮೆಳ್ನಾ . ಅಮ್ಮಿ ಜೀವನ  ಕೊರ್ಚೆ ಖತಿರಿ ಕಿತ್ಲೆಕೀ ಜನಾಲೆ ದಾಸ ಝತ್ತಾತಿ . ತಶಿ ಆಸ್ತಾನಾ ದೇವಾ ಕ ದಾಸ ಜಾವಚೆ ಹೋದ ವಿಷಯು ವೇ ..? ಆ೦ಮ್ಕಾ ಕಸಾಲೆ ನಮೂನೆ ಫಲ ಯೇವ್ನು ಮೆಳ್ತಕೀ .. ಧನ ಧಾನ್ಯ ದ್ರವ್ಯ ಫಲ ಫುಲ್ಲಂ ...  ತೇ ,  ಪೂರಾ ಮನಸ್ಪೂರ್ವಕ ಜಾವ್ನ್  ಭಕ್ತೀನ ತ್ಯೇ  ಭಾಗವ೦ತಾಕ  ಅರ್ಪಣಾ ಕೋರ್ಕಾ . ಹೇ ಕ್ರಿಯಾ ಮನಾ ನಿಮಿತ್ಯ ಜಾವ್ಚೆ ವಿಷಯು . ಭಗವಂತಾ ವೈರಿ .. ಪರಿ ಪೂರ್ಣ ಚಿತ್ತ ...  ಧ್ಯಾಸಾರಿ ದೊವೋರ್ಕಾ ಝಲ್ಲೆರಿ ಆಮ್ಗೆಲೆ ಭಿತರಿ ಸುಗುಣ , ಸುಚಿಂತನ , ಶುಧ್ಧ ತ್ಯಾಗ , ನಿರ್ಮಲ ಮನ ಅತ್ಯಗತ್ಯ ಜಾಯಿ . ಹೇ ಸಾಧನೆಂತು ದೃಢ ನಿಶ್ಚಿತ ಸಾಧನ ... ಅನಿ ನಿಶ್ಚತ ವೇಳು ಜಾವ್ಕಾ . ಸಕ್ಕದ ಭೋಗ ಅನುಭವ ಘೇವ್ನ್ ... ಮನಾ ಕಸಲೆಯ್ ಸಂಕಟ ಚಿಂತಾ ನಾತ್ಲೆ ಮ್ಹಣ್ಕೆ ಆಸ್ಸುಚೆ , ಉಪಾಸನೆ ಚೆ ನಿಜಾವ್ನ್ ಘುಟ್ಟು . ವಿದ್ವತ್ತ , ದುಡ್ಡುವಾ ಪ್ರಭಾವಾ  ಪೋಷಿ ... ಉಪಾಸನೆ ಪ್ರಭಾವ ಮಹತ್ತರ ಪ್ರಭಾವ ದಕ್ಕಯಿತಾ . ಪ್ರಪಂಚಾಂತು ಕೋಣ ಉಪಾಸಕ ಜಾವ್ನ್ ಆಸ್ಸತಿ ಕೀ ತನ್ನೀಚಿ ನಿಜಾವನು ಕಾರ್ಯ ಕರ್ತಾಲೆ ಮೊಣೋ ನ್  ಘೆತ್ತಾತಿ ಅಮ್ಮಿ ಪ್ರತಿ ನಿತ್ಯ ಕಸಲೆಯ್ ಪುಣಿ ಅಯಿಕತಾತಿ ... ಜಾವ್ಕಾ ಜಲ್ಲೆಲೆ , ನಕ್ಕಾ ಜಲ್ಲೆಲೆ , ಹಿತ ಅಶಿಲೆ , ಜೀವಾಕ ಕರ್ಕಶ ಜಲ್ಲೆಲೆ ಅಯಿಕತಾತಿ . ಅಪ್ಪಡ್ತಾತಿ , ಹುಂಕ್ತಾತಿ , ವಜ್ಜಿತಾತಿ , ಉಲ್ಲಯಿತಾತಿ ಹ್ಯೇ ಪೂರಾ ಲೌಕಿಕ ಕರ್ಮ ಝಲ್ಲೆ . ತ್ಯೇ ೦ಚಿ ಭಗವತ್ ಪ್ರೀತೀಕ ಕೋರು ಜಾತ್ತಾ ಕೀ  ... ಮ್ಹಳ್ಳೆರಿ ವೈ ...  ಕೊರುಂಕ ಝತ್ತಾ . ಆಮ್ಗೆಲೆ ಜೀವನ ರಥು ಮುಕಾರಿ ವೊರುಂಕ ನಕ್ಕ ಜಾಲ್ಲೆಲೆ ಕೀ ....   ಜಾವ್ಕಾ ಜಾಲ್ಲೆಲೆ ಕೀ .... ವಿಷಯು ಕೋರ್ಕಾ ಚಿ ಪೊಡ್ತಾ . ಹೇ ಸರ್ವ ವಿಷಯು ಭಗವಂತಾನ ಅಂಮ್ಕಾ ದಿಲ್ಲೆಲೆ ... ಆ೦ಮ್ಕಾ ಪರೀಕ್ಷಾ ಕೊರುಂಕ ದವರ್ಲೆಲೆ ಏಕ ಸೂತ್ರ . ಅಮ್ಮಿ ಕೊರ್ಚೆ ಕ್ರಿಯಾ ಭಗವತ್ಪ್ರೀತಿಕ ಮೋಣು  ಲೆಕ್ಕುಕಾ . ಹಾಂವೆ ಕೊರ್ಚೆ ಪ್ರತೀ ಏಕ ಕಾಮ ದೇವಾಲಿ ಖತಿರಿ ಮೋಣು  ಲೆಕ್ಕುಕಾ . ದಿತ್ತ ಲೋಯಿ  ತೋಚಿ , ಕಾಡ್ತಾ ಲೋಯಿ ತೋಚಿ , ದವರ್ತಾಲೋಯಿ ತೋಚಿ ... ತೋ ಮಿಗೆ ಲೆ ಫಟೀ ಬಲಾಕ ಕೆದನಾಯ್ ಅಸ್ಸ . ಮಕ್ಕ ಜಾಲ್ಲೆಲೆ ಕಲ್ಯಾಣ ಅನುಭೂತಿ ತಾಗೆಲ್ ನಿಮಿತ್ಯ ಚಿ ಝಲ್ಲೆಲೆ . ಹಾಂವೆ ಕೊರ್ಚೆ ಸರ್ವ ಕಾಮ ದೇವಾ ಕ ಪ್ರೀತ್ಯರ್ಥ ಜಾವ್ನ್ ಕೆಲ್ಲೆಲೆ . ಮಿಗೆಲೆ  ಕಾಮ ಪೋಳೋನು  ದೇವು ಸಂತುಷ್ಠಿ ಝಲ್ಲಾ .. ಸಮಾಜಾ ಕ ತಾಜ್ಜೆ ಪ್ರಯೋಜನ ಝಲ್ಲಾ . ಹೇ ಕ್ರಿಯಾ ಕರ್ತಾನಾ ಚಿ ದೇವಾಲೆ ಪರಮ ಭಕ್ತಿ೦ತು ಮನ  ಲೀನಾ ಜಾವ್ಚಾಕ ಸಹಾಯು ಝತ್ತ . ಜಾಲ್ಲೆಲೆ ನಿಮಿತ್ಯ ಜನ್ಮಾ  ಆಯ್ಯಿಲೆ ನಂತರ ಮೊರ್ಚೆ ಪರ್ಯಂತ ಅಮ್ಮಿ ಕೊರ್ಚೆ ಲೌಕಿಕ ವೈದಿಕ ಕರ್ಮ ಭಗವಂತಾ ಕ ಅರ್ಪಣ ಕೋರ್ಯಾ ... ತ ಗೆಲೆ  ಚರಣಾ ದಾಸತ್ವ ಮೆಳ್ಚೆ ತಶಿ ಪ್ರಾರ್ಥನಾ ಕೊರ್ಯಾ

DEEPAVALI GREETINGS AND BLESSINGS IN KONKANI

 DEEPAVALI GREETINGS AND BLESSINGS IN KONKANI

ಲಯ್ಯಿಲೊ ಪ್ರತಿ ಏಕ ಪೊಣ್ತೆ ದಿವ್ವೋ , ಜ್ಞಾನಾರಂಭಾ ಕೀಟಿ ಜವ್ವೋ
ಅಂಧಶ್ರದ್ಧಾ  ಅಂಧ ಕಾರಾ೦ತು ಮಾರ್ಗ ದೀಪ ಜವ್ವೋ
ಭಕ್ತಿ ಕಷ್ಟಾ ಕರ್ಮ ಫಲ ನಿತ್ಯ ಮೇಳ್ನು ಆನಂದ ಜವ್ವೋ
 
ಕೊಂಕಣಿ ಆಶೀರ್ವಾದು ತುಕ್ಕಾ ಚರ್ಡ ,ಶಾರದೆ ವೀಣೆ  ಝೇಂಕಾರು ಝಾ
ಆನು ಅಮ್ಮಾಲೆ ಆಶಾ ಕಿರಣ , ಭಕ್ತಿಹೃದಯ ಮಾಗಣೆ ಆನಂದಿ ಝಾ
ಪ್ರೀತಿ ಮಮಕಾರ ಆರತಿ ಝಾ , ಪ್ರೀತಿ ಬಾಂಧವ್ಯ ಮಧುರ ಸಂಗೀತ ಝಾ

ಮಯೂರ ಪಾಕಾ ನವರಂಗ ಝಾ ,ರಮಣ ಕೊಳಲ ಸಪ್ತ ರಾಗ ಝಾ
ಆಶೀರ್ವಾದ ಅಕ್ಷತ ಝಾ , ಶಾರದೆ ಮತ್ಯಾಚ್ಯಾ ಸುಗಂಧ ವೇಣಿ ಝಾ ..
ಸಪ್ತ ರಂಧ್ರ ಸಪ್ತ ರಾಗ , ಮೇಘ ಮಲ್ಹಾರ್ ಶಾಂತಿ ಝಾ
 
ಕೊಂಕಣಿ ಸಮಾಜಾ ಹಿಮಾದ್ರಿ ಝಾ , ಕುಟುಂಬೆ ನಂದಾ ದಿವ್ವೋ ಝಾ
ರಂಗೋಲಿ ಮಧ್ಯೆ  ದಿವ್ವೋ ಝಾ , ಕುಟುಂಬೆ ಪಾಗಡಿ ತುರಾಯಿ ಝಾ
ಕೊಂಕಣಿ ಭಾಷಾ ಶ್ರೀ ಚಕ್ರ ಝಾ , ವಿಶ್ವ ಕೊಂಕಣಿ ತಿರಂಗ ಝಾ

ಸಸ್ಯ ವೃಕ್ಷ ಝಾವ್ಕಾ ಚೆರ್ಡಾ ,ಲಕ್ಷ ಪಕ್ಷಿ ಧಾಮ ಝಾ
ಆಶಾ ಕಿರಣ ಆಮ್ಗೆಲೆ ಭ೦ಗ್ರಾ , ಕುಟುಂಬೆ ಧಾಮ ಶ್ರೀ ಚಕ್ರ ಝಾ
ಗರ್ವ ಪಾವ್ತಾ ಕೊಂಕಣಿ ಕೇಸರಿ , ಪಾಗಡಿ ತುರಾಯಿ ಶೇಷು ಝಾ
ಉಬ್ಬಯಿ ಹಜಾರ ಕೊಂಕಣಿ ತಿರಂಗ , ವಿಶ್ವ ರಂಗ ಚಕಿತ ಝಾ
ಉಮಾಪತಿ 

DEEPAVALI GREETINGS AND BLESSINGS IN KONKANI
लायिलो प्रति एक पोणते दिव्वो , जनानारम्भा कीटी  जव्वो
अँधाश्रद्धा अँधा कारांतु मार्ग दीप जव्वो
भक्ति कष्टा कर्मा फल नित्य  मेळ्नु  आनंद जव्वो

कोंकणी अशीर्वादु तुक्का चेर्डा , शारदे वीणा झंकारु झा
आनु अम्माले आशा किरण , भक्ति हृदया मागणे आनन्दि झा
प्रीती ममकार आरती झा , प्रीति बांधाव्या मधुरा संगीत झा

मयूरा पाका नवरंग झा , रमणा कोळला सप्त राजा झा
आशीर्वाद अक्षत झा , शारदे मत्याच्या सुगंधा वेणि झा
सप्त रन्ध्रा सप्त रागा , मेघा मल्हार शांति झा

कोंकणी समाजा हिमाद्रि झा , कुटुम्बे नंदा दिव्वो झा 

रंगोली मध्ये दिव्वो झा , कुटुम्बे पागड़ी तुरायी झा
कोंकणी भाषा श्री चक्र झा , विश्व कोंकणी तिरंगा झा

सस्य वृक्ष जावका चेर्डा , लक्ष पक्षी धाम झा
आशा किरण अमगेले भंगरा , कुटुम्बे धाम श्री चक्र झा
गर्व पावता कोंकणी केसरी , पागड़ि तुरायी सेषु झा
उब्बायि हजार कोंकणी तिरंग , विश्व रंगा चकित झा

उमापति   

               

GURUVAANI .... Ayiche Suvichaaru ( Swaamele Pravachana Saara )

 GURU VAANI... ( swamele Pravachanaa saara )

ಎಕ್ಲೊ ಮನುಷು ಕನ್ನಡಿ ಪೊಳೋನು ಭೀತ್ತಾ . ಅನ್ನೇಕ್ಲೊ ತ್ಯೇ೦ಚಿ ಕನ್ನಡಿ ಪೊಳೊನ್  ಸಂತೋಷು ಬ್ಹೊಗ್ತಾ . ಕನ್ನಡಿ ಎಕ್ಕಚಿ . ಕನ್ನಡಿ೦ತು .... ಖಂಚೆಯ್ ವಿಕಾರ ಗುಣ ನಾ . ಅಶಿಲೆ ತಶೀ೦ಚಿ ಪ್ರತಿ ಬಿಂಬ ದಕ್ಕೋಚೆ . ಕನ್ನಡಿ ಪೊಳೈತಾಲೆ ಮನುಷ್ಯಾಲೆ  ಮನಾ ಅಶಿಲೆ ತಶೀ೦ನ್ಚಿ ... ಚಾಂಗ ಗುಣ , ಚಾಂಗ ಮನ , ಶಾಂತ ಮನ , ದೈವೀಕ ಆತ್ಮಾಕ ...ತಂಗ್  ತಾಂಗೆಲೆ ತೊಂಡ ಚಂದ ದಿಸ್ತಾ . ತಸಲೆ ಲೋಕಾಂಕ ಸಗಳೆ  ಜಗತ್ಯ ಚಂದ ಜಾವ್ನ್ ದಿಸ್ತಾ . ತ್ಯೇ  ದೈವೀಕ ಶಕ್ತಿ ನಿಮಿತ್ಯ ... ಸತ್ಯಂ ... ಶಿವಂ .. ಸುಂದರಂ ... ಶಾಂತಿ ...  ಶಾಂತಿ ....  ಶಾಂತಿ , ಕಣ್  ಕಣಾಂತು ದೈವೀಕ ಶಕ್ತಿ ದಿಸ್ತಾ . ವಿಂಗಡ ವಾಯ್ಟ್  ವಿಷಯು ಮನಾ ಯೇನಾ . ಕುರೂಪಿ ದೃಷ್ಟಿ ... ಪೈಶಾಚಿಕ ಆಲೋಚನಾ ... ಮನಾ ಯೇನಾ . ತ್ಯೇ೦ಚಿ ದುಷ್ಟ ಲೋಕಾಂಕ ... ದುಷ್ಟ , ವಿನಾಶ ಕಾರಿ , ಕಠೀಣ , ವ್ಯಾಘ್ರ , ಉದ್ರೇಕ ರೂಪ ಕನ್ನಡಿ೦ತು ದಿಸ್ತಾ . ಕನ್ನಡಿ ಅಶಿಲಿ ತಶೀ೦ಚಿ ರೂಪ ಗುಣ ದಕ್ಕಯಿತಾ  . ತ್ಯೇ - ತ್ಯೆ  ಭಾವನೆ ತಕೀತ .... ತಾಗೆಲ್ ತೊಂಡ ಪರಿವರ್ತನಾ ಜತ್ತಾ . ತೊಂಡ ಪೊಳೈತನಾ ಚಿ ತಗೆಲೆ ಗುಣ ಕಷ್ಶಿ ಮೋಣು ಸಂಘುಯೇತ . ಬಣ್ಣಾ ಕನ್ನಡಕ ಘಲ್ಲೆರಿ ... ತ್ಯೆ ಬಣ್ಣಾ ಚೆ ಗುಣ ಘೇವ್ನ್ ಸಗಳೆ  ಜಗತ್ಯ ತ್ಯೆ ಬಣ್ಣಾ೦ತು ದಿಸ್ತಾ  ದೊಳೇಕ ..! ತಾಜ್ಜೆ ಖಾತ್ತಿರಿ ಮನ ಶಾಂತ ರೀತ್ಯೇರಿ ದೊವರ್ನ್ನು ಘೆವ್ಕಾ . ದೇವಾಲೆ ಧ್ಯಾನ ಕೋರ್ಕಾ , ಚಾಂಗ ಗುಣ ಮನಾ ಘೇವ್ಕಾ , ಗುಣ ವಂತ ಲೋಕಾಲೆ ಉತ್ತರಂ ಅಯಿಕುಕಾ , ತಂಗೆಲೆ ಜೀವನ ಅಧ್ಯ ಯನ ಕೋರ್ನು ಚಾಂಗ ವಿಷಯು ಮನಾ ಘೆವ್ಕಾ . ತೆದನಾ ದೈವೀಕ ಶಕ್ತಿ ದೈವೀಕ ಗುಣ ವಾಡ್ತಾತಿ  . ಕೊಡು ಬಿಯ್ಯಾಳ  ಘಾಲ್ನು ... ಗೋಡ ಕೊಬ್ಬು ಉತ್ಪನ್ನ ಕೋರು ಜಾಯ್ನಾ . ಘಾಲ್ಲೆಲೆ  ಬಿಯ್ಯಾಳ ಕಸಲೆ ಕೀ ತಾಜ್ಜೆ ಫಲ ಚಿ ಮೆಳ್ತಾ ಶಿವಾಯಿ ...  ವಿಂಗಡ ಕಸಲೆಯ್ಯ್ ಮೆಳ್ನಾ . ಫಲ ಹತ್ತಾ೦ ತು  ಮೆಳ್ತರಿ ... ಫಲಾ ಗುಣ ಅನುಭವ ಕೋರ್ಕಾಚಿ  ಪೊಡ್ತಾ . ಕೊಡು ಝಲ್ಲೆರಿ ಕಷ್ಟ  ... ಗೋಡ ಝಲ್ಲೇರಿ ... ಸಂತೋಷು ಆನಂದ ಮೆಳ್ತಾ . ದೇವಾಲಿ ಸ್ತುತಿ ಕರ್ಯಾ , ದೇವಾಲಿ ಉಡ್ಘಾಸು ಕಾಡ್ಯಾ  .ಆತಮೋಧ್ಧಾರ ಕೋರ್ನು ಘೆಯ್ಯಾ . ದೇವು ಸರ್ವಾಂಕ ಬೋರೆ  ಕೊರೋ ಮೋಣು  ಪ್ರಾರ್ಥನಾ ಕೋರ್ನು ... ಆಶೀರ್ವಾದ ಕರ್ತಾ

                          

Jwaala Mukhi shakti PeeTha Kangraa ( Himachal Pradesh )

 Jwaala Mukhi shakti PeeTha Kangraa ( Himachal Pradesh )

                           ಭಾರತಾ೦ತು ಸುಮಾರ 64 ಶಕ್ತಿ  ಪೀಠ ಅಸ್ಸ ಮ್ಹಣತಾತಿ . ತಂತು ಜ್ವಾಲಾ ಮುಖಿ ಶಕ್ತಿ ಪೀಠ ಕಾಂಗ್ರಾ ಹಿಮಾಚಲ ಪ್ರದೇಶ , ಏಕ ಮಹಾ ವಿಶಿಷ್ಠ ಶಕ್ತಿ ಪೀಠ . ಹೇ ಜಾಗೇರಿ ಶಕ್ತಿ ಲೆ ಜೀಬ ಪೊಳ್ಳೇಲಿ ಮೋಣು ಪುರಾಣ ಸಾಂಗ್ತಾ . ತಾಜ್ಜೆ ನಿಮಿತ್ಯ ಕಾಲ ಕ್ರಮೇಣ ಲೋಕಾಲೆ ವಿಶ್ವಾಸು ವಡ್ಡುನ್ , ಜನಾಲೆ ಮನೋ ಕಾಮನಾ ಪೂರ್ತಿ ಜಲ್ಲೆಲಿ ವಿಚಿತ್ರ ಕಾಣಿಯೊ ಸುಮಾರ ಅಯಿಕುಚಾ ಮೆಳ್ತಾ . ದೇವಸ್ತಾನಾ ಚೆ ಸುತ್ತಾ ಕ  ವತ್ತನಾ ಚಿ ಶಿಲೆ ಮೆಟ್ಟಾ ಎಡೆಂತು ದುಕುನ್ ನೀಲಿ ತಂಬ್ಡಿ ಬಣ್ಣಾಚೆ ಜಿಬ್ಬೆ ಆಕಾರಾರಿ ಭೊಯಿಂಚೆ ಮುಳಾ  ದುಕುನ್ ಉದ್ಭವ ಝಲ್ಲೆಲಿ ,  ಶಕ್ತಿಲೆ ಜೀಬ ಶಿ  ವೈರಿ ಆಯ್ಯಿಲೆ , ಸ್ವಯಂ ಪ್ರಕಟಿತ  ಉಜ್ಜೆ ಜ್ವಾಲಾ ದೊಳೇಕ ದಿಸ್ತಾ . ಹೇ ಜ್ವಾಲೆಕ ಕೊಣಯ್ ತೇಲ ಘಾಲ್ಚೆ , ಅಂವ್ಗಲೆ ವಾತಿ ಕೋರ್ನು ಘಲ್ಚೆ .. ತತ್ತವಳಿ ಉಜ್ಜೆ  ಜ್ವಾಲಾ ಸಮ್ಮ ಕೊರ್ಚೆ , ಅಸಲೆ ಕಾಮ ಕೊಣಾಯ್ ಕರ್ನಾತಿ . ಅಪ್ಪಣಿತ್ಲೆಕ ಚಿ ಜೋಳ್ಚೆ ಶಕ್ತಿ ಜ್ವಾಲಾ ಸುಮಾರ 2000 ದುಕೂನ್ ಜೊಳ್ನು ಯೆತ್ತಾ ಅಸ್ಸ ಮೋ ಣು ಸಾಂಗ್ತಾತಿ .  ಹೇ ದೇವಿಕ ಜ್ವಾಲಾ ಮುಖಿ ಅಮ್ಮ ಮೋಣು ಅಪ್ಪಯಿತಾತಿ . ಭಾರತ ಆದ್ಯಂತ ಅಶಿಲೆ ಹಿಂದೂ ಲೋಕು ಹೇ ದೇವಿಕಾ ನಂಮ್ಗತಾತೀ ಅನಿ ಭೇಟಿ  ದೀವ್ನ್ ದರ್ಶನ ಕೋರ್ನು ಕೃತಾರ್ಥ ಜತ್ತಾತಿ . ಹಂಗಾ ಚಡಾವತ ಮಾನಸಿಕ , ಮಾಟ ಮಂತ್ರ , ತಾಂತ್ರಿಕ ಶಕ್ತಿ ನಿಮಿತ್ಯ ಕೋಣ ಕಷ್ಟ ಪಾವ್ತಾ ಆಸ್ಸತಿ ಕೀ ... ತನ್ನಿ ಹಾಂಗಾ ಯೇವ್ನು ದೇವೀಲೆ ಉಪಾಸನಾ ಕೋರ್ನು , ತಿಗೆಲೆ ದಯೇನ ಗೂಣ ಜಾವ್ನ್ ಗೆಲ್ಲೆಲೆ ನಿದರ್ಶನ ಕಿತ್ಲೆಕೀ ಅಯಿಕುಚಾ  ಮೆಳ್ತಾ . ದೇವಿಕ ದೂಧ ಉದ್ದಾಕ ದೀವ್ನು  ನೈವೇದ್ಯಕೋರ್ನು ಪೂಜಾ ಕರ್ತಾತಿ 

ಸ್ಥಳ ಪುರಾಣ : ತ್ಯೆ ಕಾಲಾಂತು ಹೇ ಪ್ರಾಂತ್ಯ ಶಾಸನ ಕರ್ತಾಲೊ ರಾಯು .. ಭೂಮಿ ಚಂದ್ ಕಟೋಚ್ ರಾಯಾಕ್ ಸ್ವಪ್ಪನಾ೦ತು ಜ್ವಾಲಾ ದೇವಿ ಪ್ರಕಟ ಜಾವ್ನು ಜಾಗೊ ದಕ್ಕೊನ್  ಸಾನ ಮಂದಿರ ಬಾಂಧುನ್ ದೀವ್ಕಾ ಮೋಣು ಆಡೇಷು ದಿತ್ತಾ . ದೇವಿಲೆ ವಾಕ್ ಪ್ರಕಾರ ದೇವಸ್ಥಾನ ರಾಯಾನ್ ಬಾಂಧುನ್ ದಿಲ್ಲೆ ಮೋಣು ಸ್ಥಳ ಪುರಾಣ ಸಾಂಗ್ತಾ .. ಮಗಿರಿ , ನೇಪಾಳ್ ರಾಯಾನ ಮುಕಾರಿ ಮಂಡಪ ಬಂಧುನ್ ಏಕ ಹೊಡ ಪಂಚ ಲೋಹಾ ಘಾ೦ಠ ಕಾಣಿಕಾ ಜಾವ್ನ್ ದಿಲ್ಲಿ ಮ್ಹಣತಾತಿ . ತಶೀ೦ಚಿ ಸುಮಾರ 1009 ಇಸ್ವೀ೦ತು ಮುಘಲ್ ರಾಯು  ಮೊಹಮ್ಮದ್ ಘಜನಿ , ಮುಘಲ್ ಸುಬೇದಾರ ಹೇ ದೇವಸ್ಥಾನಾಕ ಕೊಳ್ಳಿ ಮಾರ್ನು ದೇವಸ್ಥಾನಕ್ಕೆ ಮಸ್ತ್ ನಷ್ಟ ಕೆಲ್ಲೆ ಮ್ಹಣತಾತಿ ಇತಿಹಾಸ ಕಾರ . ಸುಮಾರ 1813 ಪಂಜಾಬ್ ರಾಯು ರಂಜಿತ್ ಸಿಂಘ್ ಹೆ ದೇವಸ್ಥಾನಾಕ ಭೇಟಿ ದೀವ್ನ್ ದೇವಸ್ಥಾನಚೆ ಪುನರ್ ಪ್ರತಿಷ್ಠಾ ಕೆಲ್ಲಿ ಮೋಣು  ಇತಿಹಾಸ ಅಸ್ಸ .  ತವಳಿ ದೇವಸ್ಥಾನಾ ಗೋಪುರಾಕ  ಭಾಂಗ್ರ ಕವಚ ಗಾಲ್ನ್ ..  ರುಪ್ಪೇ ದ್ವಾರ, ಕಂಡಿಯೊ ಬಾಂಧುನ್  ಯೆಥೇಷ್ಟ ದಾನ ದಿಲ್ಲೆ ಮೋಣು ಇತಿಹಾಸ ಸಾಂಗ್ತಾ

                                ಭಾರತಾಂತು ದೇವಿ ಕ 9  ರೂಪಾರಿ ಆರಾಧನಾ ಕರ್ತಾತಿ ,, ಮಹಾಕಾಳಿ , ಮಹಾಸರಸ್ವತಿ , ಮಹಾಲಕ್ಷ್ಮಿ , ಅನ್ನಪೂರ್ಣಿ , ದುರ್ಗೇಶ್ವರಿ , ಚಾಮುಂಡಿ , ಮಹಿಷಾಸುರ ಮರ್ದಿನೀ , ರಣಶಕ್ತಿ , ಆದಿಶಕ್ತಿ . ನವರಾತ್ರಿ೦ತು ಅನಿಕಾಯ್ ವಿಶೇಷ ಜಾವ್ನು ಪೂಜಾ ವಿಧಾನ ಕರ್ತಾತಿ . ಜ್ವಾಲಾ ಮುಖಿ ದೇವಸ್ಥಾನ ಸುಮಾರ 30 KM ಕಾಂಗ್ರಾ ಟೌನ್ ದುಕೂನ್ ಅಸ್ಸ .  ಧರ್ಮಸಾಲ ದುಖುನ್ 55  ಕಿ ಮೀ ದೂರ ಅಸ್ಸ . ಲಗ್ಗಿಚೆ ಏರ್ ಪೋರ್ಟ್ ಮ್ಹಳ್ಳೆರಿ  "ಗಗ್ಗಾಲ್ " ಏರ್  ಪೋರ್ಟ್ ( ಧರ್ಮಸಾಲ ಏರ್ರ್ಪೋರ್ಟ್ ) ನ್ಯೂದಿಲ್ಲಿ ದುಕೂನ್ ಧರ್ಮ ಸಾಲಾಕ ರೆಗ್ಯುಲರ್ ಡೊಮೆಸ್ಟಿಕ್ ಫ್ಲೈಟ್ಸ್ ಅಸ್ಸ

 ಉಮಾಪತಿ

 

PANCHALI SHAPATHA ( Konkani kavita )

 

PANCHALI   SHAPATHA    ( Konkani kavita )

ಪಂಚ ಪಾ೦ಡವ ರಾಖೇಲಿ ತೀ , ಇಂದ್ರ ಪ್ರಸ್ತ ರಾಣಿಕೀ ತೀ ...  
ಪಣಾoತು ಮೆಳ್ಳೆಲಿ ವಸ್ತು ತೀ  , ಆಜಿ ಆ೦ಮ್ಗೆಲಿ ದಾಸಿ ತೀ
ಪೊಳೈತಾ ಕಸಲೆ ದುಃಶ್ಯಾಸನಾ , ಬೊಸ್ಕರಾಯಿ ಮಿಗೆಲೆ ಹಾಂಗಾ ಝಾ೦ಗೆರಿ        
ಕಪ್ಪಡ ತಾಂಡಿಲೆ ಸೆರಗ ನಿಸರ್ಲೆ , ಭರ್ಲೆಲೆ ಸ್ಥನ ಸಭೆಕ ದಿಸ್ಲೆ

ಅಹಹ ಹಾಹಾ ಕಿತ್ಲಿ ಚಂದಿ , ನಗ್ನ ಕರಿ ದುಃಶ್ಯಾ  ಸನಾ
ಪಾಂಚಾಲಿ ರಳ್ಳಿ ಪಾ೦ಯ್ಯ್ ಪೊಳ್ಳಿ , ದಯಾ ಭಿಕ್ಷೆ ಮಾನ ರಾಖ ಮಳ್ಳೇಳಿ
ಕಠೋರ ಪಾಪಿ ದುಃಶ್ಯಾಸನ ,  ತಂಡಿತ ಗೆಲ್ಲೊ ವಸ್ತ್ರ ಹರಣ
ಅಯ್ಯೋ ಭೀಷ್ಮ ದ್ರೋಣ ವಿದುರ , ಧ್ರತರಾಷ್ಟ್ರ ಅನ್ಯಾಯ ನಕ್ಕಾಪಿತಾಮಹಾ  

ಕೃಷ್ಣಾ ... ಕೃಷ್ಣಾ  ಮಕ್ಕಾ ಕೊಣಾಯ್ ನಾತಿ ... ಅನಾಥ ಬಂಧು ರಾಖ ಮಾನ
ಸ್ತ್ರೀ ಅಪಮಾನ ಕುಲಾಕ ಲಗ್ಗಿಲೆ , ಕಳಂಕ ಶ್ರಾಪ ರಾಖ ಕೃಷ್ಣಾ
ಗಜೆ೦ದ್ರ  ಮೋಕ್ಷ , ಪ್ರಹ್ಲಾದ ರಕ್ಷಿತಾ , ಕೂರ್ಮ ವರಾಹ ವಾಮನ ಲೋಕ  ಮೋಕ್ಶ
ರಾಖ ಮಕ್ಕಾ ಕೃಷ್ಣ ಮುರಾರಿ , ಜೈಜೈ ಗೋವಿಂದ ಕೃಷ್ಣ ಮುರಾರಿ
                   
ಗಮಪ ದನಿಪ ನಿಗಾ ನಿರೀಸಾ ಕೊಳಲ ರಾಗ ಗುಂಜಿಲೆ ಸಭಾ
ಉದ್ಭವ  ಕಪ್ಪಡ ಮಾಕ್ಷಿ ಮಾಕ್ಷಿ , ಪೊಳ್ಳಿ ವಸ್ತ್ರ ರಾಶಿ ರಾಶಿ
ಹತ್ತಾ ರಟ್ಟೆ ಸೊಲ್ವಲೆ ದುಃಶ್ಯಾ   , ಹೃದಯ ರಬ್ಬುನ್ ಮೂರ್ಚಿತ ಝಲ್ಲೋ

ನಾರಿ ಚಂದಾಯಿ ಪೊಳೋಚ್ಯಾ ಗೆಲ್ಲೆಲೋ ,  ಯಮಪಾಶ ಗಾಳೇಕ ಪೊಳ್ಳೇ ದುಃಶ್ಯಾ   
 

ಹರ್ದೆ ರಗತ ಲಾಯಿತಾ ದುಃಶ್ಯಾಸನ , ಕೇಶ ರಾಶಿ ಸೊಡ್ತಾ ಅಶೀಚಿ
ಉಡ್ಘಾಸ್ ಯೆವ್ವೋ ಪಾಂಡವಾಂಕ , ಕೌರವ ಕುಟುಂಬ ನಾಶ ಝವ್ವೊ , 

ಭರೀ ಸಭೆ೦ತು ಶ್ರಾಪು ಹೊ

ಕೊಲ್ಲೆ ಸೂಣೆ  ಗಾವಾಂತು ರಳ್ಳೆ .. ಭೂಯಿ ಗಡ್-ಗಡ್ಲಿ ,ಪರ್ವತ ಶಿಖರ ಕಾಂಪ್ಲಿ
ರಣ ಕಾಯ್ಯಳೆ ರುಕ್ಕಾರಿ ಉಡ್ಲಿ , ವಿಪರೀತ್ಯ ನಾಶ ಸೂಚನಾ ಕೀ ... 

 

ಅಗ್ನಿ ಪುತ್ರಿ ಪಾಂಡವ ಪತ್ನಿ , ಧರ್ಮಾ ಸಂಮ್ ಚಲ್ಲಲಿ ಸತಿ
ದರ್ಲೆ ಲೋಕ ಕಸಲೆ ಝಲ್ಲೆ , ಕಿತ್ಯಾ ರಕ್ಷೆ ಕೊರುಂಕ ಏನಿ ?
ಕುರು ವಂಶ  ನಾಶ ಝವ್ವೊ , ಮುಷ್ಠಿ ಬಾಂಧುನ್ ನೆಲಾರಿ ಮಾರ್ನ್
ಶ್ರಾಪ ದಿಲ್ಲೊ ಮಾತೇನ , ಕ0ಕಣಾ ಚೂರು ಉಸೊಳ್ನ್ ಪಳ್ಳೆ
ಕಿಣಿ ಕಿಣಿ ಹೀ೦ಕಾರ ಕೆಲ್ಲೆ , ಮೃತ್ಯು ದೇವತಾ  ತೊಂಡಾರಿ ದಿಸ್ಲಿ      

ದ್ರೌಪದಿ ಉಟ್ಲಿ ದುರ್ಗೆ ಉಟ್ಲಿ , ಹಸ್ತಿನಾವತಿ ಸಭಾ ಕಂಪನ ಝಲ್ಲಿ            
ಸ್ತ್ರೀಕ ಪಣ್ಣ ಕಂಚೆ ನ್ಯಾಯ , ಮುಕಾರಿ ಖಂಚೇ ಕಾಲಾಂತು ಜವ್ವು ನಜ್ಜ
ಕುಲ ಸ್ತ್ರೀ ಅಪಮಾನ ಜವ್ವು ನಜ್ಜ , ಬಂಧು ಬಾ೦ಧವ್ಯ ಭಂವಢ ದೇರ
ಸ್ತ್ರೀ ಕ ಮರ್ಯಾದಿ ದಿವ್ವು ಜಾಯಿ , ಸ್ತ್ರೀ ರಕ್ಷಾ ಕೊರುಂಕ ಜಾಯಿ  
ಉಮಾಪತಿ

  PANCHALI   SHAPATHA     ( Konkani kavita )
पंचा पांडवा राखेली ती , इंद्रा प्रस्ता राणिकी ती। ..
पणान्तु  मेळ्ळेलि वस्तु ती , आजि अमगेलि  दासि ती
पोळैता कसले धुष्यासना , बोसकरायी मिगेल हंगा जांघेरि
कप्पड़ा तांडिले सेरग निसरले , भरलेले स्तन सभेक दिस्ले

अहह हाहाहा कितली चंदि  , नग्न करि धुष्या सना
पांचालि रळ्ळि  पाँय पोळ्ळि , दया भिक्ष माना रखा महळेळलि
कठोर पापि धुष्यासना , टंडिता गेल्लो वस्त्र हरण

अययो भीष्म द्रोण विदुर धृतराष्ट्र अन्याय नक़्क़ा पितामहा 

 

कृष्णा ... कृष्णा मक्क़ा कोणेय नाती  ... अनाथ बंधु राख मान 

स्री अपमान कुलाक़ लग्गीले , कळंक श्राप कृष्णा
गजेंद्र मोकष , प्रहलाद रक्षित , कूर्म वराह वामन लोका मोक्ष
रख मक्का कृष्णा मुरारी , जय जय गोविंद कृष्णा मुरारि    

गमपा दनिपा निगा निरिसा , कोळला राग गुंजिले सभा
उदभव कप्पड़ा मक्षी मक्षी , पो िळ्ळ वस्त्र राशि राशि
हत्ता रट्टे सोल्वाले धुष्या , हृदय रब्बुन मूर्छित झल्लो
नारि चंदाई पोळोच्या  गेल्लेलो , यमपाश गळेक  पोळ्ळे धुश्या

 

 हरदे  रगत लायिता  धुष्यासना , केशा राशि सोडता अशीचि 

उडघासु एव्वो पांडवान्का , कौरव कुटुम्बा नाश झव्वो  ...  
भरी सभेंतू श्रापु हो
कोल्ले सूणे गावान्तु  रळ्ळे  ... भूयि गड - गड़ली , पर्वत शिखर कॉम्पली
रण काय्ळे रुक्कारि उड़ली , विपरीत्या नाश सूचना की    

अगनि पुत्रि पांडव पत्नी , धर्मा सम्म चाललेली सति
दर्ले लोक कसले झल्ले , कित्या रक्षा कोरुंकम एनिती
कुरु वंश नाशा झव्वो  , मुष्टि बांधून नेलारी मार्न
श्राप दिल्लो मातेन , कंकण भेत्तुंन चूरु उसळ्ळे
किणी किणी हिंकार केले , मृत्यु देवता तोंडारि दिसलि

 

द्रौपदि उटली दुर्गे उटली , हस्तिनावति सभा कंपन झल्ली
स्त्री पण कंचे न्याय ,  मुकारि खंचे कालान्तु जव्वु नज्ज
कुल स्त्री अपमान जव्वू नज्ज , बंधू बांधव्य भंवंढ देरं
स्त्री मर्यादि  दिव्वू जाई  , स्त्री ऱक्षा कोरुंक जाई

उमापति