YEKA CHINTANA ( Konkani Bhashentu )

 YEKA CHINTANA    ( Konkani Bhashentu )

ಮನಷ್ಯಾನ ತಾಣೆ ಕೊರ್ಚೆ  ಕಾಮ  ನಿಷ್ಠೆ ನ  ಕೋರ್ಕಾ  .ನಿಷ್ಠಾ  ಮ್ಹಳ್ಳೆರಿ  .. ಕಾಯಾ , ವಾಚಾ  ,  ಮನಸಾ  ,ಹೃತ್ಪೂರ್ವಕ  ಜಾವ್ನು  ಸಂತೋಷಾರಿ  ಕೊರ್ಚೆ  ..ಅನಿ  ಕೊರ್ಚೆ  ಕಾರ್ಯಾಂತು  ಸಂತೋಷು  ಪಾವಚೆ .ವ್ಯಾಪಾರೀ  , ಕೃಷಿಕು  , ಸೈನಿಕ  ,ವೈದ್ಯ   , ಇಂಜಿನಿಯರ್ , ನರ್ಸ್ , ಟೀಚರ್ ; ತ್ಯೆ -  ಕೊಣಾಯ್  ಅಸ್ಸೋತಿ  . ಕೊರ್ಚೆಕಾಮಂತು  ಸಂತೋಷು  ಅಸ್ಸುಕಾ  .. ನಿಷ್ಠೆ  ಅಸ್ಸುಕ  . ತನ್ನಿ  - ತನ್ನಿ  ಕೊರ್ಚೆ  ಕಾಮ  , ದೇವಾಕ   ಸಮ್ಮ  ಜಾವ್ನು  ಕರ್ತಾ  ಅಸ್ಲೆರಿ  .. ತ್ಯೆಚಿ ಹೊಡ ದೇವಾಲಿ  ಸೇವಾ  ಝತ್ತಾ  .ಕೆಲ್ಲೆಲೆ  ಕಾಮಾಂತು  ಆತ್ಮ  ತೃಪ್ತಿ  ಮೆಳ್ತಾ  .ಚೂಕಿ  ನಾಶಿ  , ಲೋಕಾಂಕ  ಹಿತ  ಜಾವ್ಚೆ  ತಶಿ  ಅಸ್ಲೆರಿ  , ತ್ಯೆ  ಕಾಮಾ  ನಿಮಿತ್ಯ  ಸಂತೋಷು  ಝಲ್ಲೆರಿ  ತಾಜ್ಜೆ  ಪೊಷಿ ಹೊಡ ಆಶೀರ್ವಾದು  ಆನಿ  ಕಸಲೇ ಜಾಯಿ  ? ಸ್ವಲ್ಪ  ಲೋಕು , ತೇ  ಸಮ್ಮ ನಾ ...  ಹ್ಯೇ ಸಮ್ಮ್ ನಾ ..... ತಶಿ   ಜಾವ್ಕಾ  ಅಶಿಲೆ .. ಅಶಿ  ಅಸ್ಸುಕಾ ಅಶಿಲೆ  .. ಭಿನ್ನ ಅಭಿಪ್ರಾಯು ಮನಾಂತು  ಲೆಕ್ಕುನ್ , ದುಸ್ರೆಲೆ  ಮನಯಿ ಪಾಡ್  ಕೋರ್ನು  ,ಕೊರ್ಚೆ  ಕಾಮ  ಸಮ್ಮ್ ಕರ್ನಾಶಿ ಅತೃಪ್ತಿ  ಕ  ಕಾರಣ  ಝತ್ತಾತಿ  . ಅಪ್ಪಣ ಸಮ್ಮ  ಅಸ್ಸವೆ  ? ಮೋಣು ಚಿಂತನ  ಕರ್ನಾತಿ . ಫಕ್ತಾ ..  ದುಸ್ರೆಲೆ  ಚೂಕಿ ಸೊದ್ದುಚೆ  ಕಾಮ  ಕರ್ತಾ  ಅಸ್ತಾತಿ .ಹ್ಯೇ ನಿಮಿತ್ಯ  ಕೊಣಾಲೆಯಿ  ಮನಾಂತು  ಸಮಾಧಾನ  ಶಾಂತಿ  ಮೆಳ್ನಾ ಝತ್ತಾ  .ಕೊರ್ಚೆ  ಕಾಮಾಂತು  ಇಷ್ಠ  ನಾ  ಝಲ್ಲೇರಿ  ಸೋಣು  ಸೊಡ್ಕಾ  . ದುಸ್ರೆ  ಪುಣಿ  ಕರ್ತಾಲೆ ..ಮ್ಹಳ್ಳೆಲೆ  ಮನಾಂತು  ಆಸ್ಸುಕಾ  .ಶ್ರದ್ಧಾ ಭಕ್ತಿ  ನ  ಕೊರ್ಚೆ  ಕಾಮ  ದೇವಾ  ಕ  ಕೆಲ್ಲೆಲೆ  ಆರತಿ  ಅನಿ  ಪೂಜಾ  ಝತ್ತಾ  . ಜನತಾ  ಸೇವಾ  ಕೋರ್ನು  ಆಯ್ಯಿಲೆ  ಕಿತ್ಲೆ  ಕೀ  ಲೋಕಾಲೆ  ಜೀವನ  ಪೋಳಯಿತನಾ   ಆಶ್ಚರ್ಯ  ಝತ್ತ  .ಅಮ್ಮಿ  ಸರ್ವ  ವೂಟ್ಟು  ಜಾವ್ಯಾ ..ಆಮ್ಗೆಲೆ ಕೊಂಕಣಿ  ಸಮಾಜಾ  ಖತೀರಿ ಕಸಲೆ  ಚಾಂಗ ಕಾರ್ಯ  ಕೊರ್ಯೇತ  ಮೋಣು  ಚಿಂತನ  ಕೋರ್ಯಾ .ಧನ  ಧಾನ್ಯ  ಸಹಾಯು  ಕೋರ್ನು  ಧುರ್ಭಳೆ  ಲೋಕಾಂಕ  ಸಹಾಯು  ಕೋರ್ಯಾ .ಏಕ  ಏಕ  ಬಿಂದು  ಉದ್ದಾಕ   ನಯ್ ಜಾವ್ನು ... ಸಮುದ್ರ  ಜಾವ್ನು  ಲೋಕೋಪಯೋಗಾ ಯೆವ್ಚೆ   ಕಾಮ  ಕೋರ್ಯಾ .

ಉಮಾಪತಿ   

    

TANDLAA MOODO ... Amgele Reeti Rivaaja

Tandlaa MuuDo ... Amgele reeti rivaaja ಅಮ್ಮಿ ಸಾನ್ ಆಸ್ತಾನಾ ಘರ್ ಘರಾಂತು ತಂದ್ಲ್ಯಾ ಮೂಡೋ ಅಸ್ತಶಿಲೋ . ಪಾವ್ಸಾಡಿ ಕ ಜಾಯಿ ಜಲ್ಲೆಲೋ ತಿತ್ಲೊ ತಂದುಲು ವೊಟ್ಟು ಕೋರ್ನು ದೊವೋರ್ಚೆ ಅಷ್ಶಿಲೆ .ತಾಂಬಡೊ ತಂದುಲು ಭಾರಿ ಪೊರೊಂಬೊಳು .. ಅನಿ ಭಾರಿ ರೂಚಿ . ಆಮ್ಗೆಲೆ ಮಂಗಳೂರು ಉಡುಪಿ ಬದಿನ ,ದಕ್ಷಿಣ ಕನ್ನಡ ಪ್ರಾಂತ್ಯಾ೦ತು ತಂದ್ಲಾ ಮೂಡೊ ಬಂಧುಚ್ಯೇ ಆನಿ ವಿಕ್ಚಯೇ ಏಕ ಆರ್ಥಿಕ ವ್ಯವಹಾರ್ ಅಷ್ಶಿಲೋ .ಅತ್ತ ದಿವಸಾಂತು ತಂದ್ಲಾ ಮೂಡೊ ಭಾರಿ ಅಪರೂಪ ಝಲ್ಲಾ .ವ್ಹರ್ಡಿಕಾ , ಮೂ೦ಜಿ ,ನವ್ವೆ ಘರ ಪ್ರವೇಶು ಅಸಲೆ ವೆಳ್ಯೇರಿ ತಂದ್ಲಾ ಮೂಡೋ ದವೋರ್ನು ಅನ್ನಪೂರ್ಣಿಲೇ ಉಡ್ಘಾಸು ಕಾಣು , ಧನ ಧಾನ್ಯ ಘರಾ ಬೋರೋ .. ಮೊಣು ಪ್ರಾರ್ಥನ ಕೋರ್ಚ್ಯೇ , ಆರತಿ ಕೋರ್ಚ್ಯೇ ಆಂಜೆಲೋ ಯೇಕು ಚಂದು ರಿವಾಜು . ಅತ್ತಚ್ಯೆ ಪೀಳಿಕ ಅಮ್ಮಿ ಚಿತ್ರ ದಕ್ಕೋನು ಹ್ಯೇ ಕಸಲೆ ಮೋಣು ಸಂಗ್ಚ್ಯೇ ಕಾಲು ಅಯಿಲಾ . ಯೆಯ್ಯಾ ತಂದ್ಲಾ ಮೂಡೋ ಕಷ್ಶಿ ಕರ್ತಾತಿ ,ಕಷ್ಶಿ ಬಂಧಿತಾತಿ , ಕಸಲೆ ಖತಿರಿ ಬಂಧಿತಾತಿ , ಏಕ ಮೂಡೆ೦ತು ಕಿತ್ಲೊ ತಂದುಲು ಆಸ್ತಾ , ತಾಜ್ಜೆ ಜಡಾವಣ ಕಿತ್ಲೆ ಅಸ್ಸುಕಾ ಮ್ಹಳ್ಳೆಲೆ ವಿಚಾರು ಕೊರ್ಯಾ . ಹ್ಯೇ ಲೇಖಿ ವೊಟ್ಟು ತೊಡೆ ಚಿತ್ರ ತುಮ್ಮಿ ಸರ್ವಾನಿ ಪೋಳೋಕಾ ಮೋಣು ಶೇರ್ ಕೆಲ್ಲಾ . ಚಿತ್ರಾ೦ತು ಕಳ್ಸೊ , ಸೇರು ,ಪಾವು , ಮೂಡೋ ಬಂದುಚ್ಯೆ ಪೆಟ್ಟಾಣೊ ,ತಣ ವೆಂಟುನು ಕೆಲ್ಲೆಲೋ ರಜ್ಜ್ಯೋ ಕತ್ತೋರ್ಚ್ಯೇ ಕೊಯಿತಿ ... ತುಮ್ಮಿ ಪೋಳಯಿಲೆ . ಏಕ ಮೂಡೆ೦ತು 3 ಕಳ್ಸೊ ತಂದುಲು ಅಸ್ಸುಕಾ . ಏಕ ಕಳ್ಸೊ ಮ್ಹಳ್ಳೆರಿ ..14 ಸೇರು ..ಏಕ ಸೇರು .. ಮ್ಹಳ್ಳೆರಿ ..4 ಪಾವು . ಹ್ಯೇ ತ್ಯೆ ಕಾಲಾಚ್ಯೆ ಏಕ ಮಾಪ . ಹ್ಯೇ ಲೆಕ್ಕಾರಿ ತಂದ್ಲಾ ಮೂಡೋ ಬಂಧಿತಾತಿ . ಜಡಾವಣ ಸುಮಾರ 38 kg ಆಸ್ತಾಲೆ . ಅಷ್ಶಿ ಮೂಡೆ೦ತು ಸುಕ್ಕಿಲೆ ಭಾತ ಯೆವ್ಚ್ಯೇ ಸಾಗುವಳಿಕ ಬಿಯ್ಯಾಳ ಜಾವ್ನು ದವರ್ತಾ ಅಷ್ಶಿಲೀಂತಿ . ಅಸಲೆ ಬಿಯ್ಯಾಳಾ ಮೂಡೆಕ ಶೇಣ ಬಾಯಿಲ್ಚ್ಯಾ ನ ಲಾವನು ಸುಕ್ಕೋನು ಕುಟ್ಟಾಟರಿ ಮ್ಹಳ್ಳೆರಿ ರಾನ್ನಿ ಧುವೋರು ಲಾಗ್ಚ್ಯೋ ಜಾಗೇರಿ ದವರ್ತಾ ಅಷ್ಶಿಲೀಂತಿ . ಅಷ್ಶಿ ಜೋಪಾನ ಕೋರ್ನು ದಾವೊರ್ಲೆಲೆ ಭಾತ 3 ವರ್ಷ ತಾಯಿ ವಾಯ್ಟ್ ಜಾಯೀನಾಶಿಲೆ ಮ್ಹಣತಾತಿ .ಪಾವ್ಸಾಡಿ ಯೆತ್ತಾ ಮ್ಹಣ್ತಾನಾ ಘರಾಂತು 20 -30 ತಂದ್ಲಾ ಮೂಡೆ ಘೇವ್ನು ವೊಟ್ಟು ಕೋರ್ನು ದಾವೊರ್ಚ್ಯೇ ತ್ಯೆ ಕಾಲು ವಿಶೋರೂ೦ಕ ಜಾಯ್ನಾ . ತ್ಯೆ ಕಾಲಾಂತು ಘರಾಂತು ಎಲೆಕ್ಟ್ರಿಕ್ ಬಲ್ಬ್ ನಾ .ಚಿಮಿಣಿ ಲಾವನು ತ್ಯೆ ಉಜ್ವಾಡಾಕ ಪೇಜ ಜೊವ್ಕಾ ಅಷ್ಶಿಲೆ. ಭಾಯಿರಿ ಜೋರು ಕಣ್ಣಾ ಧಾರಾ ಪಾವ್ಸು ...ಗುಡ್ ಗುಡು ಮಿಂಚು ... ನಳೆ ಮಾಡಾರಿ ಪೊಡ್ಚೆ ಪಾವ್ಸಾ ಹಾ ಹಾ ಕಾರು .... ಚಿಮಿಣಿ ದಿವ್ವೆ ಉಜ್ವಾಡಾಕ ಹೂನ ಹೂನ ಪೇಜ , ಮೀಟ್ ತೂಪ ಘಾಲ್ನು .. ಕೀರ್ಲ್- ಅಂಬಡೆ ನೊಣಚೆ .... ಅಂಬೋ ಪಾಸ್ ಫೊನ್ ಸಾ ಗೊಜ್ಜು .... ಲಗ್ಗಿ ಅಸ್ಲೆರಿ ... ದೇವಾ ... ಕಸಲೊ ಸ್ವರ್ಘು ... ತ್ಯೆ ದಿವಸ ... ಮಿಗೆಲೇ ಸನ್ ಪೂಣಾ ದಿವಸ .... ಅನಿ ಎತ್ತಲೇ ಕೀ .... ? ಫುಳ್ಳೆ ದಿವಸ ವುಡ್ಗಾಸು ಯೆತ್ತಾನಾ ... ಸುತ್ತು ರಬ್ಬುನು ವಾಡ್ತಲೆ ... ಪ್ರೀತಿ ದಕ್ಕಯಿತಲ್ ಉಲ್ಲಯಿತಲ್ ಮಲಘಡೆ ...ಅಮ್ಮ ಮಮಮ್ಮ ಬಪಮ್ಮ ಅತ್ತ ಖಯಿ ... ? ದೊಳೆ ಭೋರ್ನು ಯೆತ್ತಾ ... ಅನಾಥ ಭಾವನಾ ಜಾಗ್ರತ ಝತ್ತ . ಉಮಾಪತಿ

ThanD Utkaa naaNa ( Konkani Kavita )

ThanD Utkaa NaaNa   ( konkani kavita )

ಸನ್ನ ಸನ್ನ ಆಶಿ  .. ಉತ್ಕಾ ಖೇಳ್ಚ್ಯೇ  ಆಶಿ 

ಥಂಡ್ ಉತ್ಕಾ ನಾವಕಾ .. ಮತ್ತೇರಿ  ಉದ್ದಾಕ  ಘಲಕಾ

ಪಾವ್ಸಾ ಭರಿ ತಿಂಬುಕಾ .. ಮಿಗೆಲಿ  ಏಕಿ  ಆಶಿ

  

ಘಾಲಿ ಗೋ  ಅಮ್ಮಾ .. ಥಂಡ  ಉದ್ದಾಕ  ಅಮ್ಮಾ

ಸ್ವರ್ಘು ಮೆಳ್ಳೊ ಮಾಕ್ಕಾ .. ಘರಾಂತು ಮಾಕ್ಕಾ ಅಮ್ಮಾ 

ಸನ್ನ ಸನ್ನ ಆಶಿ  .. ಉತ್ಕಾ ಖೇಳ್ಚ್ಯೇ  ಆಶಿ 

ಮೋಡ ಅಂಚಾ ಪೊಳೆ .. ಪಕ್ಷಿ ಉಬ್ತಾ ಅಮ್ಮಾ 

ದುಂಬಿ ಫುಲ್ಲಾಂ ಪೊಳೆ .. ಖೂಷಿ ಕಿತ್ಲಿ ಅಮ್ಮಾ 

ಸನ್ನ ಸನ್ನ ಆಶಿ  .. ಉತ್ಕಾ ಖೇಳ್ಚ್ಯೇ  ಆಶಿ

ದೇವ ಲೋಕು ದೇವಲಾ .. ಹಾಂಗಾ ಘರಾ ಅಮ್ಮಾ 

ಗಂಗಾ ಕಾವೇರಿ ಯಮುನಾ  .. ಹಂಗ ಹೊಳ್ತಾ ಅಮ್ಮಾ 

ಸನ್ನ ಸನ್ನ ಆಶಿ  .. ಉತ್ಕಾ ಖೇಳ್ಚ್ಯೇ  ಆಶಿ 

संन्न संन्न आशि .. उत्का खेळचे आशि 

थंड उत्का नावका .. मत्तेरी उद्दाक घालका 

पावसा भरी तिमबुका .. मिगेलि एकी आशि 

घालि गो अम्मा .. थंड उद्दाक अम्मा 

स्वरघु   मेळ्ळो मक्का  .. घरांतू  मक्का अम्मा  

संन्न संन्न आशि .. उत्का खेळचे आशि 

मोडा अंचा पोळे .. पक्षि उबता अम्मा 

दुंबि फुल्लं पोळे .. खूशि कितली अम्मा 

संन्न संन्न आशि .. उत्का खेळचे आशि 

देव लोकु देवला .. हांगा घरा अम्मा 

गंगा कावेरी यमुना  .. हंगा होळता अम्मा 

संन्न संन्न आशि .. उत्का खेळचे आशि 

UMAPATHI

https://www.facebook.com/vijith.kr.31/videos/562068620553218/    

INDIA POSTAL SERVICE ( Konkani Bhashentu )

INDIA POSTAL SERVICE ( Konkani Bhashentu )

              ಭಾರತಾ0ತು ಪೋಸ್ಟಲ್ ಸರ್ವಿಸ್ ಯುರೋಪಿಯನ್ ಲೋಕಾನಿ ಯೆವ್ಚ್ಯೇ ಫುಡೇ ದುಕೂನು ಅಶಿಲೆ . ರಾಜ ಮಹಾರಾಜಾ೦ಗೆಲೇ    ಕಾಲಾಂತು ಘೊಡೆರೀ  ಸವಾರಿ ಕೋರ್ನು ಕೀ , ಧಾವನು ವೊಚ್ಛೆ ದೂತ , ಪರ್ವೆ ಪಕ್ಷಿ ಸಹಾಯಾನ .. ವಾರ್ತಾ ಪಾವ್ತಾ ಅಷ್ಶಿಲೆ .ಹೀ ವಾರ್ತಾ ಸೈನಿಕ ಬಲ ವಡ್ಡಯಿತಶಿಲೆ . ರಾಜ್ಯಾ೦ತು  ಜಾವ್ಚೆರಾಜ ಕೀಯ , ಸಾಮಾಜಿಕ , ವಾಣಿಜ್ಯ ,ಆರ್ಥಿಕ ಖಬ್ಬರ ಘೆವ್ಚ್ಯೆ ಖತಿರಿ , ತ್ಯೆ ಪ್ರಾಂತ್ಯಾ ರಾಯ , ಶಾಸನ ದ್ರಷ್ಟಿರಿ  ಗುಪ್ತ ಚರ ಲೊಕಾಂಕ ನಿಯುಕ್ತ ಕರ್ತಾ ಅಶಿಲೀಂತಿ . ಅಷ್ಶಿ ಆರಂಭ ಝಲ್ಲೆಲೆ ವಾರ್ತಾ ವಿನಿಮಯ ಡಾಕ್ ರೂಪಾರಿ ಪರಿವರ್ತನ ಝಲ್ಲೆ .ರಾಜ ಶಾಸನಾ ಕ ಮುದ್ರಾ ಘಾಲ್ನು ರಾಯಸ ಪೆಟೋಚೆ ,ಕ್ರಮು ಅತ್ತಾಚೆ ಸ್ಟ್ಯಾಂಪ್ ಲಾವನು ಪೋಸ್ಟ್ ಕೊರ್ಚೆ ಕ್ರಮಕ್ಕೆ ಹೋಲಿಕಾ ಕೊರ್ಯೆತ . ಅಸಲೆ ಕ್ರಮು .. ಮರಾಠ , ಮುಘಲ್ , ಹೈದೆರಾಬಾದ್  ನವಾಬ  , ವಿಜಯನಗರ , ಗ್ವಾಲಿಯರ್ , ರಾಜಸ್ಥಾನ್ , ಮೈಸೂರ್ , ಚೋಳ , ಚೇರ, ಪಾಂಡ್ಯ , ಟ್ರಾವಂಕೋರ್ , ಕೊಚ್ಚಿ ರಾಯಾಂಗೆಲೆ ಕಾಲಾಂತು ಅಷ್ಶಿಲೆ ಮೊಣು  ಇತಿಹಾಸ ಸಾಂಗ್ತಾ .ಅತರ್ವ ವೇದ , ಚಾಣಕ್ಯ ಅರ್ಥ ಶಾಸ್ತ್ರ ,ಭಾರತಾಂತು  3rd century ಚೆ ವಾರ್ತಾ ವಿನಿಮಯ ಕಶಿ ಅಷ್ಶಿಲೆ ಮೋಣು ಸಾಂಗ್ತಾ   

                   ಪೋರ್ಚುಗೀಸ್ ,ಡಚ್ ,ಫ್ರೆಂಚ್ ,ಬ್ರಿಟಿಷ್ ಈಸ್ಟ್ ಇಂಡಿಯಾ ಕಂಪನಿ ಹನ್ನಿ ಯೆತ್ತರಿ ತಂಕ ಸಮಝಾವ್ನು ಡಾಕ್ ಸುಧಾರಣಾ ಝಲ್ಲೆ  . ಸುಮಾರ 1837  ಆನ್ತು  ಈಸ್ಟ್ ಇಂಡಿಯಾ ಕಂಪನಿ ಚಾನಿ Indian Postal Services ಮೋಣು ಶುರು ಕೆಲ್ಲೆ .ಅನಿ " ಸಿಂಧೂ ಡಾಕ್ "  ಮೊಣು  ಸುರ್ವೆಚೆ ..Adhessive stamp ಹಳ್ಳೆ .    ಬ್ರಿಟಿಷ್ ಈಸ್ಟ್ ಇಂಡಿಯಾ ಕಂಪನಿ ಪೋಸ್ಟಲ್ ಸರ್ವಿಸ್ ಬರ್ಮಾ , ಭೂತಾನ್ , ಸಿಲೋನ್ , ಅಫ್ಘಾನಿಸ್ಥಾನ್  ದೂರ ದೂರ .. ಇಂಡೋನೇಷ್ಯಾ , ಚೀನಾ , ಜಪಾನ್ ತಾಯಿ ಪಾವಲೆ . ಇಂಗ್ಲೆಂಡ್ ನಮೂನೇರಿ ಪೋಸ್ಟಲ್ ಸರ್ವಿಸ್ ಪ್ರಾರಂಭ   ಕೆಲ್ಲೆಲೆ ಶ್ರೇಯ Mr Rolland Hill ಮ್ಹಳ್ಳೆಲೆ ಬ್ರಿಟಿಷ್ ಜನರಲ್ ಕ ವತ್ತಾ. Imperial ಪೋಸ್ಟ್ ಅನಿ ಭಾರತಾಚೆ ಮಹಾರಾಜ ಪೋಸ್ಟ್ ವೊಟ್ಟೂಚಿ ಸುಮಾರ ವರ್ಷ ಕಾಮ ಕರ್ತಾ ಅಷ್ಶಿಲೆ .

                   ಟೆಲಿಫೋನ್-ಟೆಲಿಗ್ರಾಫ್ ಆವಿಷ್ಕಾರ ಝಲ್ಲೆ ನಂತರ ( 1847 ಅಮೆರಿಕಾ೦ತು Alexander Graham Bell Invented ) ಇಂಪೀರಿಯಲ್  ಪೋಸ್ಟಲ್  ಸರ್ವಿಸಸ್ ನ , ಟೆಲಿಫೋನ್ ಡಿಪಾರ್ಟ್ಮೆಂಟ್- ಪೋಸ್ಟಲ್ ಡಿಪಾರ್ಟ್ಮೆಂಟ್ ವೊಟ್ಟು ಕೆಲ್ಲೆ . ಹೊ ಕ್ರಮು ಭಾರತಾ೦ತು ಮುಕಾರ್ಸುನು ಗೆಲ್ಲೆ  . ಅಮ್ಕಾ  ಸ್ವಾತಂತ್ರ್ಯ 1947 ತು ಮೆಳ್ಳೆ ನಂತರ  ಇಂಡಿಯನ್ ಪೋಸ್ಟಲ್ ಸೆರ್ವಿಸೆಸ್ ಉಣೆ ಖರ್ಚಾರಿ ದೇಶಾದ್ಯಂತ  ಅತಿ ಮುಖ್ಯ ಜಾವ್ನು ಅಶಿಲೆ ಖಬ್ಬರ  ವಿನಿಮಯ ಕಾಮ ಕರ್ತಶಿಲೆ . ಇಂಡಿಯನ್ ಪೋಸ್ಟಲ್ ಸರ್ವಿಸ್ ಸಗಳೇ ಭಾರತ ವೊಟ್ಟು ಕೊರುಂಕ ಮಸ್ತ ಸಹಾಯು ಕೆಲ್ಲಾ . ಸ್ವಾತಂತ್ರ್ಯ ಮೆಳ್ಳೆ ನಂತರ  ಪೋಸ್ಟಲ್  ಸರ್ವಿಸಸ್ , ಸ್ಟಾಮ್ಪ್ , ಮಸ್ತ ನಮುನೆ ಸುಧಾರಣಾ ಝಲ್ಲೆ . ಕಾಲ ಬಾದಲ್ ಝಲ್ಲೆಲೆ ತಶಿ .. ಕಾಲಾ ಕ ಸಮ್ಮ್ ಝಾವನು ಯಂತ್ರ , ವಾಹನ , ಯೇವ್ನು ಆಮ್ಗೆಲೆ ಪೋಸ್ಟಲ್ ವಿಭಾಗಾಂತು ಮಸ್ತ್ ಸುಧಾರಣಾ ಝಲ್ಲಿ . ಪ್ರಪಂಚಾಂತು ಹೊಡ ರೀತ್ಯೇರಿ ಜನತಾ  ಸೇವಾ ಕೊರ್ಚೆ  ವಿಭಾಗ ಝಲ್ಲೆ .

                   ಅತ್ತ ಪೋಸ್ಟಲ್ ವಿಭಾಗ  22 posta circles , 155000 post offices , nearly 450000 employees ವೊಟ್ಟು ಕೋರ್ನು ಕಾಮ ಕರ್ತಾ . ಪೋಸ್ಟಲ್ ಪಿನ್ ಕೋಡ್ 15/8/1972 ತು ಶುರು ಕೆಲ್ಲೆ .( ಉದಾಹರಣೆ ಕ  .. 575004  ಹ್ಯೇ  ಕೋಡ್  ಸುರ್ವೆ ಕೋಡ್ 5 region , 57 indicate sub region / postal circle ,575 indicate sorting district ,  last three digit ..004 indicate delivery post office . nearly 19200 PIN Codes are in operation . post office mostly operating in remote villages , giving services like  Electronic Indian postal order , Postal life Insurance , Postal Savings Account , MahiLa  monthly savings a/cs , Nationala Saving Certificates , Kisan Certifcates , Public Provident Fund a/c , Time Deposit schemes with monthly Income , post office ATM service , Postal Debit cards , E - Commerce post parcel delivery , speed post , Express post , Electronic Fund transfer from one place another place , Electronic Money orders Etc . )

                    ಪೋಸ್ಟ್ ಮಾನ್ ಕ  ಅಮ್ಮಿ ಸರ್ವ ರಕ್ಕುನು ಬಯಿಸುನು ಆಮ್ಗೆಲೆ ಡಿಗ್ರಿ ಸರ್ಟಿಫಿಕೇಟ್ , ಆಪೋಯಿಂಟ್ ಲೆಟರ್ , ಲವ್ ಲೆಟರ್ಸ್, ಪಾಸ್ ಪೋರ್ಟ್ , ಮನಿ ಆರ್ಡರ್ಸ್  ಘೆತ್ತಿಲೆ ವಿಸೋರು ಜಾಯ್ನಾ . ಆಮ್ ಕಾ ಸಂತೋಷು ಝಲ್ಲೆಲೆ ತೆದ್ನಾ... ಭಕ್ಷೀಶ ದೀವ್ನು ತಗೆಲೆ ಮನ  ಖುಷಿ ಕೆಲ್ಲೆಲೆ .. ತೊಂಡಾರಿ ಸಂತೋಷು ವಾಂಟುನು ಘೆತ್ತಿಲೆ ವಿಸೋರು ಜಾಯ್ನಾನತ್ತಿಲೆ ಕ್ಷಣ ... ಆಮ್ ಗೆಲೆ ಸೇವಾ ಕೆಲ್ಲೆಲೆ ಪೋಸ್ಟಲ್ ಡಿಪಾರ್ಟ್ಮೆಂಟಾಕ ಅಮ್ಮಿ ಕೆದನಾಯಿ ಋಣಿ ಜಾವ್ನು ಆಸ್ಸತಿ . ಪೋಸ್ಟ್ ಆಫೀಸ್ ಕ ವಿಸರನಾಶಿ ವ್ಯವಹಾರ ಕೋರ್ನು ತಾಜ್ಜೆ ಉನ್ನತಿ ಕೊರುಂಕ ಪೋಳೋಯಾ ... ಜೈ ಹಿಂದ್ .

ಉಮಾಪತಿ  

       

                         

KONKANI QUOTE

KONKANI  QUOTE

ಕಿತ್ಲೆ ಚಿತ್ರಾ ಮನುಷು  ಅಸ್ಸ ಕೀ 
ತಿತ್ಲೆ ವಿಚಿತ್ರ ಮನ ತಗೆಲೆ .. ಅನಂತ ಆಲೋಚನಾ 
ಅಪರಿಮಿತ ವಿಪರೀತ ಆಶಾ ..ಕಾರ್ಯ ಸಿದ್ದಿ ಶೂನ್ಯ 
ಸಪ್ತ ಸಮುದ್ರ ಉತ್ಕಾ ಶಾಯಿ ಕೋರ್ನು 
ನಿಘಂಟ ಬೋರಾಯ್ಲ್ಯಾರೀ ಮನುಷಾ ಆಶಾ , 
ಅನಿಕಾಯಿ ವರ್ತಾ. ಲೇಕ ನಾತ್ತಿಲೆ ಅನಿಕಾಯಿ ಆಶಾ ವರ್ತಾ . 
ಸಕ್ಕಡ ವಿಷಯು ಅರ್ತು ಝಲ್ಲೇ ಮ್ಹಣ್ಕೆ ದಿಸ್ಲೇರಿಯಿ 
ಕಸಲೆಯೀ ಅರ್ತು ಜಾಯ್ನಾ ನಾತ್ತಿಲೆ ವಿಶ್ವ ರಹಸ್ಯ  ... ಮಾನವ ಮನ 
कीतले चित्रा मनुषु अस्सं की 
तिथले विचित्र मन तागेले ... अनंत आलोचना 
अपरिमित , विपरीत आशा .. कार्य सिध्दि शून्य 
सप्त समुद्रा उत्का शाई कोरनु 
निघंट बोरायलारी मनुष्य आशा ,
अनिकायी उरता . लेक नातील अनिकायी आशा उरता 
सक्कड वीषयु अर्थु झल्ले म्हणके दिसलेरीयी , 
कस्लेयी अर्थु जायना नातील विश्व रहस्य  ... मानव मन 
UMAPATHI 

NILGIRI RAILA GAADI  ( Konkani kavita ) 

ಚುಕ್ಕು ಪುಕ್ಕು ರೈಲಾ ಗಾಡಿ , ಕುಹೂ ಕೂ ರೈಲ ಗಾಡಿ 

ಆಮ್ಗೆಲೆ ಕಾಲ ರೈಲಾ ಗಾಡಿ ,ಪ್ರೀತಿ ಬಾಂಧವ್ಯ ಬಂಧಿಲೇ ಗಾಡಿ 

ನೀಲ ಗಿರಿ ಥ೦ಢ ಧಾಮ , ವ್ಹರೆತ ವ್ಹಕ್ಕಲಾ ಮಧುಚಂದ್ರ ಧಾಮ 

ದ್ರಷ್ಟಿ ದ್ರಷ್ಟಿ ಮಿಲನಾ ಗಾಡಿ , ಅಂಕುರ ಪ್ರೇಮ ಜೀವನ ಗಾಡಿ 

ಚಿಕ್ಕು ಪುಕ್ಕಾ ತಾಳ ಮಾನಾಚ್ಯೇ , ಹೃದಯ ಝೇಂಕಾರ ವೀಣಾ ಲಯಾಚೆ

ವಾರೇ ಉಬ್ಬಿಲೆ ಕೇಶ ರಾಶಿ ,ಓಡನಿ ಉಬ್ಬಿಲೆ ಮೋಹಕ ಪಾಶಿ

ಕುಹೂ ಕೂ ಸೀಟಿ ಗಾಡಿ , ಜಾಗಾಯಿತ ಮನಾ ಪ್ರತಿನಿತ್ಯ ರಾತಿ

ಊಟಿ ಉದಕ ಮಂಡಲ ಗಾಡಿ ,ನಾತ್ತಿಲೆ ಜೀವನ ವ್ಯರ್ಥ ಕಾಡಿ 

ಕುಹೂ ರಾಗಾರಿ ಸರಲಿ ಗಾಡಿ , ಚಕ್ರ ಘು೦ವತ ಧಾ೦ವಲಿ ಗಾಡಿ 

ವರುಷ ನಿಸರ್ಲಿ ಆಯುಷ್ಯ ಸರಲಿ , ಜೇವನ ಗಾಡಿ ಧಾ೦ವುತ ಗೆಲ್ಲಿ 

ಲಕ್ಷ ಕೋಟಿ ಲೋಕು ಪಾವಲೆ , ಜೀವನ ಸುಗಮ ಸೂತ್ರ ಮ್ಹಳ್ಳಲೆ 

ಧೋರ್ನು ಬಯಿಸುನು ಲಾಂಬುನು ಗೆಲ್ಲೆ ,ಚಕ್ರ ಜೀವನ ಪೂರ್ತಿ ಕೆಲೆಲೆ 

ಸುಂದರ ಪಯಣ ರೈಲಾ ಪಯಣ , ನೀಲ ಗಿರಿ ಪಯಣ ಸ್ಮರಣ 

ಮಧ್ಯೆ ದೇವನು ಚೋಣು ಗಾಡಿ , ಅದ್ಭುತ  ವಿಹಂಗಮ  ಧಾಮ ಪಯಣ 

ಚೆರ್ಡು ಬಾಳ  ನಾತ್ರ ಪೋಣ್ತ್ರ  ,  ನೀಲ ಗಿರಿ  ಪಯಣಾ ಯೆತ್ತಲೇ 

ಯೆತ್ತಲೇ ಮಿಗೆಲೆ ಸ್ಟೇಷನ್ ಯೆತ್ತಲೇ , ದೇವನು ವತ್ತಲೂ ಯೇಕು ದಿವಸು

ಉಮಾಪತಿ 

NILGIRI RAILA GAADI  ( Konkani kavita )  

चुक्कू पुक्कु रैला गाडि , कुहू कू रैला गाडि

आमगेले काला रैला गाडि , प्रीति बांधाव्या  बांधिले गाडि 

नील गिरी थंढ धाम , वाहरेत वाह्क्काला मधुचंद्र धाम

दृष्टि दृष्टि मिलन गाडि ,अंकुर प्रेम जीवना गाडि 

चिक्कू पुक्का ताळ मानाचये  , हृदय झेंकार वीणा लायाचे 

वारे उब्बीले केश राशि , ओडनि उबबिले मोहक पाशि 

कुहू कू सीटी गाडि , जागयता मना प्रति नित्य राति 

ऊटि उदक मांडला गाडि , नात्तील जीवन व्यर्थ काडी 

 कुहू रागारि सरली गाडि , चक्र  घूंवत  धांवलि गाडि 

वरुष निसरलि आयुष्य सरली , जीवन गाडी धावूंत गेल्लि 

लक्ष कोटी लोकू पावले , जीवन सुगम सूत्र म्हळले 

धोरनु बाईसुनु लांबूनु गेल्ले , चक्र जीवन पूर्ती केलेले 

सुंदर  पयण रैला पयण , नील गिरी पयण स्मरण 

मध्ये देवनु चोणु गाडि , अदभुत विहंगम धम्म  पयण 

चेरडु बाळ नात्र पोनत्र , नील गिरी पयणा येत्ताले 

येत्ताले  मिगॆले स्टेशन  येत्ताले , देवनु वत्तालो ऐकू दिवसु  

उमापति

VOVYA KAVITA ( konkani Kavita )

VOVYA KAVITA

( ವ್ಹರ್ಡಿಕೆ  ಮಂಟವೆಂತು  ವ್ಹರೆತ - ವ್ಹಕ್ಲಾ೦ಕ  ಬುದ್ಧಿವಾದ  ಸಂಗ್ಚ್ಯೇ  ಪದ  . ಅಸಲೆ  ಪದ  ತ್ಯೆ  ವೆಳ್ಯೇರಿ , ತ್ಯೆ  ಕ್ಷಣಾರಿ  ಬಂಧುನು  ಕೋರ್ಚ್ಯೇ  ಕವಿತಾ  . ಬೊರೋನು  ದಾವೊರ್ಚ್ಯೇ..  ತ್ಯೆ  ಕಾಲಾಂತು  ನಾತ್ತಿಲೆ  . ಹ್ಯೇ ಕವಿತಾ  Dr Jyotsna kamath ಹನ್ನಿ " ಸುರ್ಗ್ಯಾ ಸರ  " ಮ್ಹಳ್ಳೆಲೆ  ಪುಸ್ತಕಾಂತೂಲೆ  ಏಕ  ಪದ  ತುಮ್ಗೆಲೆ  ಮುಕಾರಿ  ಪ್ರಸ್ತುತ  ಕೆಲ್ಲಾ )

 ವೊಹ್ಕ್ಲೆಕ  ಉಪದೇಷು  ( Edited )

ಗುರು ಲಗ್ಗಿ ಗರ್ವ ನಕ್ಕಾ , ಉಜ್ಜಾ ಲಾಗ್ಗಿ ಖೇಳು ನಕ್ಕಾ

ಖಂಚೇಯಿ ಝಗ್ಡ್ಯೆಂತು ಮೆಳ್ನುಕ್ಕಾ  , ಜಾಗ್ರತ  ಕರಿ ಧೂವ ರತ್ನಾ  II

ಮಾಯಿನ ಮಾವಾನ ಸಂಘಿಲ್ ಉತ್ತರಂ , ಮನಾಂತು ದೊವೋರ್ನು ಚೋಲ್ಚೆ ಪೊಳೆ

ವ್ಹರ್ಡಿಕೆ ನಂತರ ಮಾಯಿ ಮಾವು  , ಆನು ಅಮ್ಮ .. ತುಗೇಲಿ ಚೆರ್ಡಾ   II

ಹಿತ್ಲ  ರುಕ್ಕಾರಿ ಪಿಕ್ಲಾ  ಪೊಣೊಸು , ಗೋಡು ಮೊವ್ವಾಳ ಉತ್ತರಂ ಜಿಬ್ಬೇರಿ 

ಪೋಣಸಾ ಪೊರೊಂಬೊಳು  ಉತ್ತರಾಂತು ಅಸ್ಸೋ  , ಕುಟುಂಬೆ ಸರ್ವಾಲೆ ಮಿತ್ರ ಝಾ  II

ದಿವ್ಚ್ಯಾ  ಘೆವ್ಚ್ಯಾ   ಭಾಗ್ಯ  ಜಾವ್ಕಾ  , ಸರ್ವಾಲೆ ಬೊರ್ಶಿ ಚಂದಾಯೇರಿ  ಚಲ

ಚೆಲ್ಲಿ ಚೆರ್ಡಾ ಸಂಸಾರು  ತುಗೆಲೊ  , ಆನಂದ ಸಂತೋಷು ಘರಾ ಭೋರೋ  II

ಆಮ್ಗೆಲಿ  ಚೆಲ್ಲಿ ಅಸ್ಸ ಮೊವಾಳು , ಚಂದಿ ಫೂಲ  ಆಮ್ಗೆಲಿ ಅಂಗಣಾಚಿ  

ಕುಲದೇವಾ  ಉಡ್ಘಾಸು  ಮನಾಂತು  ಅಸ್ಸೋ  , ರಮಣ ದೇವಾಕ  ಆಡ ಪೊಡ II

ಸಂಸಾರು ಸಾಂಬಾಳಿ ಶಾಂತ ಮನಾನ್ , ಕೋಪು ತಾಪು ನಕ್ಕಾ ಚೆರ್ಡಾ

ಘರಾಂತು ನಂದಾ ದಿವ್ವೋ ಲಾಯಿ  , ಕುಟುಂಬೆ ಪ್ರೀತಿ  ಸರ್ವಾಂಕ ವಾಂಟಿ  II

ಗೋತ್ರ  ಸೋಣು ಗೆಲ್ಲೆಲಿ ಚೆರ್ಡಾ  , ದಿಲ್ಲೆಲೆ  ಘರಾ ಮಾನ  ರಾಖ

ಗೆಲ್ಲೆಲೆ  ಘರಾ  ವೃದ್ಧಿ  ಪೊಳೆ , ದೊನ್ನಿ ಘರಾ  ಮಾನ  ರಾಖ II

ಶಾಸ್ತ್ರ  ಸಂಸ್ಕ್ರತಿ  ಮುಷ್ಠಿ ಧರಿ  , ಶಿಕ್ಕಿಲೇ ವಿದ್ಯಾ ಆತ್ಮಾ ಧರಿ  

ಮೊಗಾರೆ ಫಾಡ್ಡೆ ಚಂಪೇ ಫೂಲ , ಮಿಗ್ಗೆಲೆ ಘರಾ ಶ್ರ೦ಗ ರತ್ನಾ II

ಯೆತ್ತಾನ ನೆಲ್ಯಾರಿ  ವತ್ತನಾ ಕಂಡಿಯೇರಿ   , ಕಷ್ಟ ಹಾಸಾರಿ  ಉವ್ವಾಳ್ನು ಉಡಯಿ 

ಬಮ್ಮಣ ಘರಾ ಆನಂದಿ ಝಾ ,ಕುಟುಂಬೆ ಸಗ್ಲೆಕಸ್ತೂರಿ ಝಾ  II

ನಿತ್ಯ ನಿರ್ಮಲ ಹಾಸು ಅಸ್ಸೋ  , ಸುಧೀಂದ್ರ ಹಾಸು ಮನಾಂತು ಅಸ್ಸೋ 

ಜೀವನ ತುಗೆಲೆ ಸುಗಮ ಝವ್ವೊ , ರಮಣಚರಣಾ ಶಾಂತಿ  ಐಕ್ಯ  ಝವ್ವೊ II 

KONKANI MAA ( konkani Kavita )

Konkani Maa   ( konkani Kavita )

ಹೃದಯ ಮಿಗೆಲೆ ಸರಸ್ವತಿ ತೂ ,ವೀಣಾ ಪಾಣಿ ಶಾರದೆ ತೂ 

ತಂತಿ ಹಾಂವ ಶ್ರುತಿ ತೂ , ಕಲ್ಪ ಲೋಕ ಝೇಂಕಾರ ತೂ

ಬೊಟ ಲೇ ತಂತಿ ಶ್ರುತಿ ಗಾನ , ಸಪ್ತ ಸ್ವರಾಚ್ಯಾ ಸುಶ್ರಾವ್ಯ  ತೂ 

ಶಬಧ್ಧ  ಶಬಧ್ಧ ಗಾಂತುನು ಕವಿತಾ , ಶ್ರಾಂಗಾರ ಮಾಳಾ ಕೊಂಕಣಿ ತೂ

ಅಮೃತ ಧಾರಾ ಜಿಬ್ಬೇರಿ ಅಮ್ಮ , ಓ೦ಮಕಾರ  ಹೃದಯ ಬಿಯ್ಯಾಳ ತೂ

ತುಂಗಾ ಗಂಗಾ ಕೃಷ್ಣ ಕಾವೇರಿ ,ಅಮೃತ ವರ್ಷಾ ಧಾರಾ ತೂ

ಭಾಗ್ಯ ಅಮ್ಚ್ಯೇ ಸುಂದರ ನಾಡ ,  ಕೊಂಕಣಿ ಲೋಕಾ ಸಾರಸ್ವತ ತೂ , 

ಸಸ್ಯ ಶ್ಯಾಮಲಾ ಮಲ್ಹಾರ ತೂ , ಸ್ವರ್ಘ ಲೋಕಾ ಕವಿಶ್ರ೦ಗಾ  ತೂ

ಐಕ್ಯತಾ ಯೆವ್ವೋ ಕೊಂಕಣಿ ಉಲ್ವಣಿ , ಕೊಂಕಣಿ ಲೋಕಾ ಏಕತಾ ತೂ  

ಚರಣ ಧುತ್ತಾ ಕೊಂಕಣಿ ಮಾ , ಕೃಪಾ ಕರಿ  ಘೋಷಣಾ  ತೂ

ಉಮಾಪತಿ 

Konkani Maa   ( konkani Kavita )

हृदया  मिगेले  सरस्वती तू , वीणा पाणि शारदे तू 

तंती हांव श्रुति तू  , कल्प लोक झेंकार तू 

बोट ले  तंती श्रुती गान , सप्त स्वराच्या  सुश्राव्य तू 

शब्ध शब्ध गांतुनु कविता , शृंगारा माळा कोंकणी तू 

अमृता धारा जिब्बेरी अम्मा , ओंकार हृदय बिययाळ तू  

तुंगा गंगा कृष्णा कावेरी  , अमृता वर्षा धारा तू  

भागय आमच्ये सुंदर नाड , कोंकणी लोका सारस्वत तू 

सस्य श्यामला मल्हार तू  , स्वारघा लोका कविश्रांग तू 

ऐक्यता येव्वो कोंकणी उल्वाणि , कोंकणी लोका एकता तू 

चरण धुत्ता कोंकणी माँ  , कृपा करी घोषणा तू 

उमापति