PREETI MAHLLERI YITLECHI VE ? Short Story No 2 ( Konkani Bhashentu )

PREETI  MAHLLERI YITLECHI VE ?   

 SHORT STORY .... 2          ಸಾನಿ ಕಾಣಿ  

ಆಜಿ ಕಾವ್ಯಾಕ ಮಸ್ತ್ ಸಂತೋಷು . ಇಂಕ್ರಿಮೆಂಟ್ ಮೇಳ್ನ್ ಪ್ರಮೋಷನ್ ಮೆಳ್ಳೆ ಮೋಣು . ತಿಗೆಲೆ  ದೋನಿ  ತೀನಿ ದೋಸ್ತಾ೦ಕ ಘೇವ್ನ್ ಐಸ್ ಕ್ರೀಮ್ ಖಾವ್ಚ್ಯಾಕ ಪಬ್ಬಾಸ್ ಪಾರ್ಲರ್  ಐಲೆ . ಕೋಣ್ ಕೊಣಾಕ  ಕಸಲೆ ನಮುನೆ ಐಸ್ ಕ್ರೀಮ್ ಜಾವ್ಕಾ ಮೋಣು ನಿಂಮ್ಗೂನ ಆರ್ಡರ್ ಕೊರ್ನ್ ರಾಕ್ತಾ ಆಸ್ಸತಿ .

ಪ್ರಜ್ಞ : " ಮಸ್ತ ಥ್ಯಾಂಕ್ಸ್ ಕಾವ್ಯಾ ಪಾರ್ಟಿ ದಿಲ್ಲೆಲೇಕ ... ಆನ್ನೇಕ ಪಾರ್ಟಿ ಅನಿಕಯ್ ಬಾಕಿ ಅಸ್ಸ ..! ಮಾರ್ರೇಜ್ ಆನಿವರ್ಸಾರಿ ... ಆಂಮ್ಗೆಲೋ ಉಡ್ಘಾಸು ಅಸ್ಸೋ "

ಸರ್ವ ಕಿಲ ಕಿಲನಿ ಹಸ್ಲೀ೦ತಿ . 

ಕಾವ್ಯ : " ಖಂಡಿತ ಅಸ್ಸ .. ಆನ್ನೇಕ ದಿವಸು ಅಶೀ  ವೊಟ್ಟು ಜಾವ್ಯಾ ... ಗಮ್ಮತ್ ಕೊರ್ಯಾ "

ಪ್ರಜ್ಞ : " ಕಾವ್ಯಾ .. ! ಹಾಂವೆ ಏಕ ವಿಷಯು ನಿ೦ಮಗುಚೆವೇ ? ತೂ ಗಮ್ಮತ್ತೆರಿ ಅಸ್ಸ ನವೆ ? ಕಾವ್ಯಾ ? " 

ಕಾವ್ಯ : " ಕಿತ್ಯಾ ಗೋ ..  ತಶಿ ನಿ೦ಮಗಿತಾ ? "

ಪ್ರಜ್ಞ : " ನಯ್ ಗೋ .. ಹೌಸಿಂಗ್ ಲೋನ್ , ಫರ್ನಿಚರ್ ಲೋನ್ , ಕಾರ್ ಲೋನ್ , ಇತ್ಲೆ ಲಕ್ಷ ಗಟ್ಟಲೆನ  ಲೋನ್ ಕಾಣು ಘರಾ ಖರ್ಚಾ ...  ಕ .. ಪೂರೋ ಝತ್ತ ಗೋ .. ?ತಾಜ್ಜೆ ವೈರಿ ಬಮ್ಮಣಾಕ  ಬೈಕ್ ಘೇವ್ನ್ ದಿಲ್ಲಾ ... ಪೂರಾ ತುಗ್ಗೆಲ್ ಸಂಭಳಾನಚಿ .. ಜಾವ್ಕಾ ..  ಪೊಳೆ ! .. ಆಯ್ಯಿಲೋ ಸಂಭೋಳು ಲೋನಾಕ ಭೋರ್ಚೆ ಝಲ್ಲೆರಿ ... ಕಸಲೆ ಕೊರ್ಚೆ .. ? ಫಲ್ಲೇ .. ಜನ್ಮಾ  ಯೆವಚೆ ಚೆರ್ಡು೦ವಾ  ಖರ್ಚು ಏಕ ರಾಶಿ .. ನಾ ಗೋ ? ಬಮ್ಮುಣು ಕಸಲೆಯ್ ಘರಾ ಖರ್ಚು ಮೋಣು  ...  ದಿತ್ತಾ ಕೀ .. ಗೋ ? ತಾಕ್ಕಾಚಿ ಮೋಣು ಜವಾಬ್ದಾರಿ ನಕ್ಕಾ ವೇ ? "

ಕಾವ್ಯ : "ವೈ ಗೊ .. ತೂ೦ವೆ ಸಂಗ್ ಚೆ ಸಮ್ಮ ... ಯೆದೊಳ್ ತಾಯಿ ಹಾಂವ್ ನಿಂಗೂಚ್ಯಾ ವಚ್ಚನಿ " 

ಪ್ರಜ್ನ : " ಘರಾ ಕಾಮಾಂತು ಪುಣಿ ಹೆಲ್ಪ್ ಕರ್ತಾ ಕೀ ... ? "

ಕಾವ್ಯ : " ನಾ ... ಹಾಂವೇ ಚಿ ಕೊರ್ಚೆ ... ತಾಣೆ ಕೆಲ್ಲೇರಿ ಮಕ್ಕಾ  ಸಮ್ಮ್ ಜಾಯ್ನಾ ... ಕಾಯೀ ಫುಟಕಾಯಿ ನಾ ... ವಾಪಾಸ್ ಕೋರ್ಕಾ ಪೊಡ್ತಾ ... ಸಂಗಚೆ ಪೋಷಿ ಕೋರ್ನು ಕಯಿದ ಕೊರ್ಚೆ ಬರೆ ನವೇ .. ? " 

ಪ್ರಜ್ಞ : " ಪೊಳೆ ..! ಹಾಂವ್ ಸಾಂಗ್ತಾ ಮೊಣು .. ತೂ ವಿಂಗಡ ಲೆಕ್ಕುನುಕ್ಕಾ ... ಘರ ಚಲಾಯಿಸಿತನಾ ಸಮಾ ಸ೦ಮ್ಮ್ ಘರಾ ಕಾಮ ಕೊರುಂಕ ಸಾಂಗ್ ... ದುಡ್ಡುವಾ ವಿಷಯಾನ ಯಿ ... ತಿತ್ಲೆಚಿ . ಫಾಲ್ಲೇ ತುಕ್ಕಾ ಚಿ ಮೋಸು ರಾಬತಾ ... ಅತ್ತ ಚಿ ಸಮ್ಮ ಕರಿ "

                        ಪ್ರಜ್ನಾಲೆ  ಉತ್ತರಂ ಮನಾ೦ತು ಖಂಯ್ ಕೀ ಯೆಕ ಮುಲ್ಲೆ೦ತು ಬೋಸ್ಲೆ ಕಾವ್ಯಾಕ . ದೋನಿ  ತೀನ್ ದಿವಸಾ ನಂತರ ಪ್ರಕಾಶಾ ಲಗ್ಗಿ ಉಲ್ಲಯಿತನಾ ... 

" ಕಿತ್ಯೆ .. ! ತುಮ್ಮಿ ಕಾಫಿ ಕೋರ್ನು ಪೀವ್ಚ್ಯಾ ನಜ್ಜ ವೇ .. ? ಹಾಂವೆಚಿ ಕೋರ್ಕಾ ಮೋಣು  ಅಸ್ಸ ವೇ .. ? ಘರಾ  ಕಾಮಾಂತು ಮಕ್ಕ ಕಸಲೆ ಹೆಲ್ಪ್ ಕರ್ತಾತಿ ತುಮ್ಮಿ ? ಘರಾ ಕಾಮ ಅಫೀಸಾ ಕಾಮ .. ಮೋಣು ಕಿತ್ಲೆ ದಣು ಝತ್ತಾ ತುಮ್ಕಾ ಕಾಯೀ ಗೊತ್ತಸ್ಸ ಕೀ ? "

ಪ್ರಕಾಶ್ : " ಕಾವ್ಯ ತುಕ್ಕಾ  ಗೊತ್ತಸ್ಸ್  ನವೆ .. ? ಮಕ್ಕ ಸಾಕಾಣಿ ಚೆ ವೆಳ್ಯೇರಿ ಟೈಮ್ ಮೆಳ್ನಾ . ಘರಾ ದುಕೂನ್ ... ಮಿಗೆಲೆ ಆಫೀಸಾ ಪಾವ್ಚ್ಯಾಕ ದೇಡ್ ಘಂಟೊ ಇಂದಿರಾ ನಗರಾಕ ಲಾಗ್ತಾ ... ತೇವೈ ಬೈಕಾರಿ ವೊಚ್ಚುನ್ ... ಮಿಗೆಲ್ ಮ್ಯಾನೇಜರ್ ಭಾರೀ ಸ್ಟ್ರಿಕ್ಟ್ ... ಪಾಂಚ ಮಿನುಟ್ ವೇಳು ಝಲ್ಲೇರಿ ಆಬ್ಸೆಂಟ್ ಮಾರ್ಕ್ ಕರ್ತಾ . ಸಂಬೋಳು ಕಟ್ ಕರ್ತಾ ... ಯೆವಚೆ ಸಂಭೋಳು ಊಣೆ ಹಾಂವೆ ಕಸಲೆ ಕೊರ್ಚೆ .. ? "
ಕಾವ್ಯ : ತಶಿ ಮೋಣು ..! ಸಂಜೆ ,  ರಾತ್ರಿ ..  ಅಯಿತಾರಾಚೆ ... ಹೆಲ್ಪ್ ಕೋರುನಜ್ಜವೇ ? ಘರಾ ಖರ್ಚು , ಲೋನ್ ಇನಸ್ಟಾಲ್ಮೆಂಟ್ , ಕಾರ್ ಲೋನ್ , ಬೈಕ್ ಲೋನ್  ಇನಸ್ಟಾಲ್ಮೆಂಟ್ , ಪೆಟ್ರೋಲು , ಘರಾ ಸಾಮನಾ ಖರ್ಚು ...  ಕಿತ್ಲೆ ಮೋಣು ಹಾಂವೆ ಪೋಳೋಚ್ಯೆ ... ?ಹಾಂವ್ ಮನಿಶಿ ಕೀ ಮಷೀನ್ ? .. ಮಿಜ್ಜಾನ ಜಾಯ್ನಾ ..! ಫಲ್ಲೇ ಚೆರ್ಡು೦ವ ಜತ್ತರಿಯೀ ಅಶೀಚಿ ವೇ .. ? ತುಮ್ಗೆಲ್ ಹ್ಯೇ  ಸಂಭ್ಳಾಕ ಕಸಲೆ ಕೊರ್ಚೆ .. ? "

ಪ್ರಕಾಶ್ : " ಪೊಳೆ ಕಾವ್ಯಾ ... ! ವ್ಹರ್ಡಿಕೆ ಫುಡೇ ಚ್ಯಿ ಮಿಗ್ಗೆಲೆ ಸಂಬೋಳು .. ಕಾಮಾ ಪ್ರೆಷರ್ ಸಕ್ಕಡ ತುಕ್ಕಾ ಸಂಘಲಾ ... ಮಕ್ಕಾ ತೂಗೇಲೆ ಪೊಶಿ ಸಂಬೋಳ್ ಊಣೆ .. ಮೋಣು ಸರ್ವಾಂಕ ಗೊತ್ತಸ್ಸ ... ತೂಚಿ ವಾಪಾಸ - ವಾಪಾಸ ಸಾಂಗ್ತಾ ರಬ್ತಾ .. ಆನಿ  ಮಿಗೆಲಿ ಮರ್ಯಾದಿ ಕಾಡ್ತಾ ... ಕಸಲೆ ತುಕ್ಕ ಡೈವೋರ್ಸ್ ಜಾವ್ಕಾವೇ .. ? " ಪ್ರಕಾಶಾ ಉತ್ತರಾಂಕ ಕಾವ್ಯಾ ಕ ಬಳ್- ಬಳೀ ದೊಳೆ ಉದ್ದಾಕ ಅಯಿಲೆ . ತೀನಿ ಕೂಡಾ ಘರ ... ಕಾವ್ಯ ಏಕ ಕುಡಾ ಗೆಲ್ಲಿ ಬೋಲ್ಟ್ ಘಾಲ್ನ್ ನಿದ್ದಲಿ ... ಪ್ರಕಾಶ್ ಆನ್ನೇಕ ಕೂಡಾ ಗೆಲ್ಲೊ . ಅಶಿ ಯೇಕ್ ವಾರು ಗೆಲ್ಲೊ . ಉತ್ತರ್ ನಾ ದೋಗ ಜನಾ ಮಧ್ಯೆ ... ವ್ಹರ್ಡಿಕ ಝಲ್ಲೆಲೆ ನವಾಳೇರಿ ... ಕಾವ್ಯ ಹತ್ತಾ ಕೆದನಾ ಯೆತ್ತಾ ಮೋಣು ರಾಕ್ತಾ ಅಶಿಲೋ ... ವೇಳು  ಝಲ್ಲೆರಿ ಸೊದ್ದುನ್ ವೊಚ್ಚುನ್ ಫೊಟೊನ್ ಧರ್ತಾಲೊ ... ಅಫೀಸಾ ವತ್ತಾನಾ .. ಯೆತ್ತಾನಾ ತೀಣೆ ಘಲ್ಲೆಲೆ ಡ್ರೆಸ್ , ಚಂದಾಯಿ , ಉಬ್ ಚೆ  ಕೇಸು , ದಾವಣಿ ... ಪೋಳೋನ್ .. ಪೋಳೋನ್ ಖುಷಿ ಪಾವತಾಲೊ .. ದೇವಾ ಲೋಕಾ ಅಪ್ಸರಾ ಕೀ ... ಹಾಂವೆ ಪ್ರೀತಿ ಕೆಲ್ಲೆಲಿ ಕಾವ್ಯ ಕೀ ... ಆಶ್ಚರ್ಯ ಪಾವ್ತಾಲೊ . 

                          ಆಫೀಸಾ ದೋಸ್ತಾ ಲಗ್ಗಿ  ಮನಾ ಕಷ್ಟ ಸಂಘುನ್ ಕಸಲೆ ಕೊರ್ಚೆ ಮೋಣು ಅಭಿಪ್ರಾಯ್ ನಿ೦ಮಗಿಲೆ . ತಾಣೆ ಸಿನೆಮಾ ಅಪ್ಪೋನ್ ವ್ಹರಿ ...  ರಾತ್ರಿ ಹೊಟ್ಲಾ  ಜೇವಣ  ಕರ್ಯಾ ... ಲಾಂಗ್ ಡ್ರೈವಾಕ  ವಚ್ಯಾ... ಮೋಣು ಸಲಹಾ ದಿಲ್ಲಿ . ಫೇಸ್ ಬುಕ್ ಚಾಟ್ ಕೊರ್ನ್ ಪ್ರೋಗ್ರಾಮ್ ವಿಷಯು ಸಾಂಗ್ಲೊ ಕಾವ್ಯಾಕ . ಜಾಯ್ತ ಹಾಂವ ಯೆತ್ತಾ ... ವೊಚ್ಚ್ಯಾ ! ... ಮೋಣು ಒಪ್ಪಿಗ ದಿಲ್ಲಿ ಕಾವ್ಯಾನ . ಪ್ರಕಾಶಾಕ ಮನಾ ಹಿತ , ಸಂತೋಷು ಜಾವ್ನ್ , ಆನಂದ ಭಾಷ್ಪ ಅಯಿಲೆ . ರಾತ್ರಿ ಲಾಂಗ್ ಡ್ರೈವಾಕ ವೊಚ್ಚುನ್ ವಾಪಾಸ್ ಘರಾ ಆಯಿಲ್ ಸತಾನ ... ಪುಷ್ಪ ಘುಚ್ಚ ದೀವ್ನ್ " ಮಾಫಿ ಕರಿ ಕಾವ್ಯಾ ... ಹಾಂವ ತುಗೆಲೆ ಸರ್ವ ಘರಾ ಕಾಮಾಂತ್ ಮನಸ್ಪೂರ್ತಿ ಸಹಕಾರ್ ದಿತ್ತಾ ... ಕಾಮ ವಂಟೂನ್ ಘೇವ್ನ್ ತುಕ್ಕಾ ಕಷ್ಟ ಜಾಯ್ನಾಶಿ ಪೊಳೈತಾ ... ಮಕ್ಕಾ ..  ತೂ ನಾಶಿ ವಾಂಚುಕ್  ಜಾಯ್ನಾ ಕಾವ್ಯಾ ... ಅಮ್ಮಿ ಫುಡೇ ವರಿ ಸಂತೋಷಾನ ರಾಬ್ಯಾ ... ತುಗೆಲೆ ಮನಾ ಕ ಬಾಧಾ ಜಾವಚೆ ಕಸಲೆಯ್ ಕಾಮ ಕರ್ನಾ ... ಹ್ಯೇ ಯೆಕ ಅವಕಾಶು ದೀ ... " ಮೋಣು ಪಯ್ಯಾ  ಗಂಟೀರಿ ರಬ್ಬುನ್ ಮಾಫಿ ಮಾಗಲಿ . ಕಾವ್ಯಾ ಕ ದೋಳೆ  ಬೋರ್ನ್  ಅಯಿಲೆ . ಧವನ್ ಯೆವ್ನ್ ಪ್ರಕಾಶಾ ಕ ಫೊಟೊನ್ ಧರ್ಲೆ 

ಉಮಾಪತಿ