MAHABHARATHA Part - 23 ( Konkani Bhashentu )
KEECHAKA SENAANI ಕೀಚಕ ಸೇನಾನಿ
ವಿರಾಟ ರಾಯು ಸದ್ಗುಣ ಪುರುಷು ಝಲ್ಲ್ಯಾರೀ ; ತಿತ್ಲೆ ಧೈರ್ಯ ಶಾಲಿ ನಯ್ . ಹ್ಯೇ ಕಾರಣಾ ನಿಮಿತ್ಯ ಕೀಚಕು ಮತ್ಸ್ಯ ರಾಜ್ಯಾ೦ತು ಮಹಾ ಸೇನಾಧಿಪತಿ ಜಾವ್ನು ರಾಬ್ಲೊ . ಮಹಾರಾಣಿ ಸುದೇಷ್ಣಾ ದೇವಿಲೆ ಭಾವು . ಕೀಚಕು ಮ್ಹಳ್ಳೇರಿ ಆಸ್ ಪಾಸ್ ಅಶಿಲೆ ರಾಯಾಂಕ ಭ೦ಯ್ಯ ಅಶಿಲೆ . ಗುಪ್ತ ಚರ ಲೋಕಾಲೆ ನಿಮಿತ್ಯ ಸರ್ವ ವಿಷಯು ತಕ್ಕಾ ಕಳ್ತಶಿಲೆ . ಮಲ್ಲ ಯುದ್ಧಾ೦ತು ಕೀಚಕಾಕ ಮಸ್ತ ಅನುಭವು ಅಸ್ಸ . ತಶಿ ಜಾವ್ನು ತಾಕ್ಕಾ ' ಸಿಂಹ ಬಲ ' ಮ್ಹಳ್ಳೆಲೆ ಕೀರ್ತಿ ಅಶಿಲೆ . ಪಾಂಡವ , ವಿರಾಟ ರಾಯಾಲೆ ಆಸ್ಥಾನಾಕ ಯೇವ್ನು ತಗೆಲೆ ರಾಜ್ಯಾ೦ತು ಕಾಮ ಕೋರ್ನು ಆಸ್ಸತಿ ಮ್ಹಳ್ಳೆಲೆ ವಿಷಯು .. ತಾಗೆಲ್ ಮನಾಕ ಮಾಹಿತಿ ಯೇನಿ . ರಾಜ ಕಾರಣಾ ನಿಮಿತ್ಯ ತ್ಯೋ ವಿಜಯ ಯಾತ್ರಾ ಕೊರುಂಕ ಭೈಲ್ಚಯೇ ರಾಜ್ಯಾ ಕ ಗೆಲ್ಲೆಲೋ ಅಶೀಲೋ . ಪಾಂಡವ ವಿರಾಟ ರಾಜ್ಯಾಕ ಯೇವ್ನು ಅತ್ತ ಧಾಹ ಮಹಿನೊ ಝಲ್ಲಾ . ಕಸಲೆಯ್ ತೊಂದ್ರೆ ನಾಶಿ ಅನಿ ದೋನಿ ಮಹಿನೆ ಗೆಲ್ಲೆರಿ .. ತಂಗೆಲೋ ಅಜ್ಞಾತ ವಾಸ ಪೂರ್ತಿ ಝತ್ತಾ ಮೋಣು ಜಾಗ್ರತೇರಿ ಆಶಿಲೆ .
ಕೀಚಕು , ತಗೆಲೆ ವಿಜಯ ಯಾತ್ರಾ ಕೋರ್ನು ಮತ್ಸ್ಯ ದೇಶಾಕ ವಾಪಸ್ ಯೆತ್ತಾ ... ಮ್ಹಳ್ಳೆಲೆ ವಿಷಯು ಆಯಿಕುನ್ , ವಿರಾಟ ರಾಯಾನ ನಗರ ಶ್ರ೦ಗಾರು ಕೊರುಂಕ ಆಜ್ಞಾ ದಿಲ್ಲಿ . ಸ್ವಾಗತ ಮಂಟಪು , ನೃತ್ಯ ಸಂಗೀತ ಮೇಳು , ಚಿಗುರು ಪಚ್ವೋ ಫುಲ್ಲಾ ಶ್ರ೦ಗಾರು ಘರ್- ಘರಾಂತು , ಭವನ ಮಹಲಾಂತು , ದಿವ್ವೆ ಅಲಂಕಾರು ಸಕ್ಕಡ ಕೋರ್ನು .. ಯೆಕ ಮಹಾ ಉತ್ಸವು ಆಯೋಜಿತ ಕೆಲ್ಲೆ ಮ್ಹಣ್ಕೆ ಅಶಿಲೆ . ವಿಜಯಿ ಯಾತ್ರಾ ದುಕೂನ್ ಯೆತ್ತಾನಾ ಸರ್ವಾಂಕ ಉಡಿಗೆರೆ ಘೇವ್ನು ಅಯಿಲಾ . ಅಕ್ಕಾ ಸುಧೇಷ್ಣಾ ದೇವಿಕ , ಅಕ್ಕಾಲಿ ಧೂವ ಉತ್ತರ ಕುಮಾರಿಕ ವಜ್ರ ವೈಢೂರ್ಯ ಖಚಿತ ಆಭೂಷಣ ... ಹಾತ್ತಾಕ ಗಳೇಕ ತಾಂಗೆಲೆ ಮನಾ ಖುಷಿ ಜಾವ್ಚೆ ವಸ್ತು ಹಾಣು ದಿಲ್ಲಾ . ಅಪಾರ ದೃವ್ಯ ರಾಶಿ ಖಜಾನೆ೦ತು ಭರ್ಲಾ . ಕೀಚಕು ಆನಿಕಯ್ ಕುಮಾರು . ಮತ್ಸ್ಯ ರಾಜ್ಯಾ೦ತು ತಕ್ಕಾ ... ಲೆಕ್ಕಾ ನಾತ್ತಿಲೆ ಪ್ರಿಯತಮ ಆಸ್ಸತಿ . ಕೀಚಕಾಲೆ ಪ್ರೀತಿ ಸಂಪಾದನಾ ಕೊರುಂಕ ಮಕ್ಕಾ ತುಕ್ಕಾ ಮೋಣು ಝಗಡ್ತಾತಿ . ಯೇಕ ದಿವಸು ರಾಣಿಲೆ ಮಂದಿರಾಕ ವತ್ತನಾ ... ದ್ರೌಪದಿ ತಾಗೆಲ್ ದೊಳೆಕ ಪಳ್ಳಿ . ದ್ರೌಪದಿಲೆ ಜಗನ್ ಮೋಹಿನ ರೂಪ ಪೊಳೊನ್ , ಯೆಕ ಪಂಕ್ತಾ ಮತಿ- ಭ್ರಮಣ ಝಲ್ಲೆ . ತಿಗೆಲೆ ರೂಪ ಪೊಳೈಲೆ ತಿತ್ಲೆ .. ಅನಿಕಾಯ್ ಪೊಳೊಕಾ ಮೋಣು ದಿಸ್ಲೆ . ಅಬ್ಬಾ ... !! ಕಿತ್ಲಿ ಚಂದಿ ಅಸ್ಸ .. ! ದೇವ ಲೋಕಾ ಅಪ್ಸರೆ ಕೀ ...! ಇತ್ಲಿ ಚಂದಿ ಬಾಯ್ಲ್ ಮನಿಶಿ ಅಕ್ಕಾಲೆ ಮಂದಿರಾ ಆಶಿಲ್ ಖಬ್ಬರ್ .. ಮಕ್ಕಾ ಕಿತ್ಯಾ ಕಳ್ನಾಶಿ ಗೆಲ್ಲೆ ? ಆಲೋಚನಾ ಕರ್ತಾ ಚಿ ತಕ್ಕ ಯೇಕ್ ಹೆಜ್ಜೋ ಮುಕಾರ್ಸುನು ದವೋರು ಜಾಯ್ನಿ ... ಅಕ್ಕಾಲೆ ಮಂದಿರಾ ವೊಚ್ಚುನ್ ಮಾಹಿತಿ ನಿ೦ಮಗಿಲೆ .
ರಾಣಿ :" ಅಯ್ಯೊ .. ತೂ ಸಂಗಚೆ ತಿತ್ಲೆ ಸುರ ಸುಂದರಿ ಆಮ್ಗೆಲೆ ಮಂದಿರಾಂತು ಕೊಣಯ್ ನಾತಿ " ಮ್ಹಳ್ಳಲಿ ರಾಣಿ
ಕೀಚಕ : " ಅಕ್ಕಾ .. ! ಅಸ್ಸ .. ಅತ್ತ ಪೋಳಯಿಲಾ .. ಕೋಣ ತೀ ..?" ಆನ್ನೇಕ ಪೋಟಿ ನಿಮ್ಗಿಲೆ ." ಚಂದಾಯಿ ವಿಷಯು ತುಕ್ಕಾ ಕಸಲೆ ಗೊತ್ತಸ್ಸ !! ಅಕ್ಕಾ .. ತುಕ್ಕಾ ತುಗೆಲೆ ಚಂದಾಯಿ ವಿಷಯುಚ್ಯಿ ಗೊತ್ತು ನಾ . ಮಾಗಿರಿ ಬಾಕೀ ಬಾಯ್ಲ್ ಮನಶ್ಯಾ೦ಗೆಲೆ ಚಂದಾಯಿ ಗೊತ್ತಸ್ಸ್ ವೇ ? ಅಕ್ಕಾ ತಿಗೆಲೆ ಚ೦ಮಕಣ ... ಆಹಾ ! ತಿಗೆಲೆ ಮತ್ತೆ ಕೇಶ ರಾಶಿ ಅಂಗಾರಿ ಭರಿ .... ಕಸಲೆ ರಾಜ ಗಾಂಭೀರ್ಯ ತೊಂಡಾರಿ .. ! ಆಹಾ .. ತಿಗೆಲೆ ಕುಚ ಸ್ಥಾನ ಕೀ ... ! "
ರಾಣಿ : " ಅತ್ತ ಕಳ್ಳೆ ತೂ ಕೊಣಾಲೆ ವಿಷಯು ಉಲ್ಲಯಿತಾ ಮೋಣು ... ತಿಗೆಲೆ ನಾ೦ವ ' ಮಾಲಿನಿ ದೇವಿ 'ಖ೦ಯ್ . ಕಸಲ ಕೀ ವೃತ ಕೊರ್ಚೆ ಖಾತ್ತಿರಿ ಗಂಧರ್ವ ಲೋಕಾ ದುಕೂನು ಹಾಂಗಾ ಅಯಿಲೆ . ತೂ೦ವೆ ನಾತ್ತಿಲೆ ತೆದ್ನಾ ಹಾಂವೆ ಸೈರ೦ಧ್ರಿ ಜಾವ್ನು ಮಂದಿರಾ೦ತು ರಬ್ಬೊನ್ ಘೆತ್ಲಾ . "
ಕೀಚಕ :" ಥೂ ..! ತಸಲೆ ಗಂಧರ್ವ ಚಂದಿ ಬಾಯ್ಲ ಮನ್ಶಯೇಲೆ ಕರಾನ ಸೈರಂಧ್ರಿ ಕಾಮ ಕಸಲೆ ಕಾರೈತಾ ಅಸ್ಸ ? ತುಕ್ಕಾ ಸ್ವಲ್ಪ ಪುಣಿ ಬುದ್ಧಿ ನಕ್ಕಾ .. ? " ಮೋಣು ಕೋಪಾನ್ ಸಂಘುನ್ ಭಾಯಿರಿ ಚಮ್ಕಾಲೊ .
ತ್ಯೆಚಿ ದಿವಸು ಸಂಜೆ ರಾಜ ಕುಮಾರಿ ಉತ್ತರೆಲೆ ನೃತ್ಯ ಪ್ರದರ್ಶನ .. ನೃತ್ಯ ಶಾಲೆಂತು ಆಯೋಜಿತ ಕೆಲ್ಲೆಲೆ . " ಕೀಚಕ ಮಾಮಾ .. ! ಮಿಗೆಲೆ ನೃತ್ಯ ಪ್ರದರ್ಶನ ಪೊಳೋಚ್ಯಾಕ ಖಂಡಿತ ಯೆವ್ಕಾ . ತೂ೦ವೆ ಪೊಳೊಕಾ ಮೋಣುಚ್ಯಿ ಹ್ಯೇ ಪ್ರದರ್ಶನ ದವರ್ಲಾ " ಉತ್ತರ ಕುಮಾರಿನ ಆಮಂತ್ರಣ ದಿಲ್ಲೆ ... ಅಂತಃಪುರಾ ಸಮಸ್ತ ಜನ ನೃತ್ಯ ಪ್ರದರ್ಶನ ಪೊಳೋಚ್ಯಾ ಯೇವ್ನು ಬೊಸ್ಲಿ೦ತಿ . ಸರ್ವಾಲೆ ವೊಟ್ಟು ದ್ರೌಪದಿ , ಧರ್ಮಜ , ಭೀಮಸೇನ ಯೇವ್ನು ಬೊಸ್ಲೀಂತಿ . ಅರ್ಜುನಾಲೆ ನೃತ್ಯ ಪಾಂಡಿತ್ಯ ಯೆದೊಳ್ ತಾಯ್ ಕೊಣಯ್ ಪೊಳೈನಿ ಅಶಿಲೆ . ಬ್ರಹನ್ನಳ ಜಾವ್ನುಅಶಿಲೋ ಅರ್ಜುನ .. ಗೀತಾಲಾಪನ ಕೋರ್ನು , ತಾಳ ಘಾಲ್ನು... ತ ಥೈ ತ ಥೈ ಝಣು .. ಝಣು .. ಝಣು ಝಣು ತ ಥೈ ತ ಥೈ ಝಣು ನಾಟ್ಯ ಭಂಗಿ ದಕ್ಕೋನ್ ಪ್ರದರ್ಶನ ಶುರು ಕೆಲ್ಲೆ . ನಾಟ್ಯ ಸಂಗೀತ ಆಯಿಕುನ್ ಸರ್ವಾಂಕ ಖುಶಿ ಝಲ್ಲಿ ... ಝಲ್ಲೇರಿ ... ಕೀಚಕಾಲೆ ದೊಳೆ ದ್ರೌಪದಿಲೆ ಮಾಕ್ಷೀಚ್ಯಿ ಅಶಿಲೆ . ತಿಗೆಲೆ ಹಾವ ಭಾವ , ಮತ್ತೆ ಕೇಸು ಸೊಳ್ಳಲೋ ನಮುನೊ , ಕೇಸಾ ಮಧ್ಯೆ ಅರ್ಧ ಮರ್ದ ದಿಶ್ಚೆ ಸುಂದರ ತೋಂಡ ... ನಿಡ್ಲಾರಿ ಲಾಸ್ಯ ಜಾವ್ನು ಯೇವ್ನು ಪೊಡ್ಚೆ ಕೇಶಾ ಖೇಳು , ದೈಹಿಕ ಪೌಷ್ಠ ಆಂಗ್ಲೋಟು ....' ಆಬ್ಬಾಬ್ಬಾ ... ದ್ರೌಪದಿ ತೂ ಕಿತ್ಲಿ ಚಂದಿ .... !! ' ಉದ್ಗಾರು ಕಳ್ಳೆ ಕೀಚಕಾನ . ದ್ರೌಪದಿಕ ಪೊಳೊನ್ ಪಿಸ್ಸೋ ಶೀ ... ಝಲ್ಲೋ . ಚಾರ್ ಪಾಂಚ ದಿವಸ ನಂತರ .. ಯೆಕ ದಿವಸು ದ್ರೌಪದಿನ ಅಂತಃಪುರ ಉದ್ಯಾನಾಂತು ಫುಲ್ಲಂ ಕಾಣು ಒಟ್ಟು ಕೊರ್ಚೆ ಪೋಳಯಿಲೆ " ಆಹಾ ..! ಫುಲ್ಲಾ ಮಧ್ಯೆ ಹೀ .. ಪುಷ್ಪ ಸುಂದರಿ ಶೀ ಜಗ-ಮಗ್ತಾ ಮೂ ..! ಕೀಚಕು ದ್ರೌಪದಿ ಲಗ್ಗಿ ಅಯಿಲೊ ." ಸುಂದರಿ ತುಗ್ಗೆಲ್ ನಾಂವ ಕಸಲೆ ..? " ನಿ೦ಮಗಿಲೆ ಕೀಚಕಾನ . ದ್ರೌಪದಿ ಯೆಕ ಪೊಟಿ ಭಿಲ್ಲಿ ... " ಮಾಲಿನಿ " ಮ್ಹಳ್ಳಲಿ ಮತ್ತೆ ಮುಳಾ ಘಾಲ್ನು
ಕೀಚಕ :" ತುಗೆಲೆ ರೂಪಾಕ ಸಮ್ಮ್ ಜಾವ್ನು .. ತೂಗೆಲೆ ನಾಂವ ಅಸ್ಸ . ಹಾಂವ ಕೋಣ ಮೋಣು ತುಕ್ಕಾ ಕೊಳ್ನ್ ಆಶಾಪೂರೊ .. ಹಾಂವ ಹ್ಯೇ ರಾಜ್ಯಾಚಾ ಸೇನಾಧಿಪತಿ . ವಿರಾಟ ರಾಯು .. ನಾವಾಕ ತಕೀತ ... ಹಾಂವ ರಾಜ್ಯಾಕ ರಾಯು .. ಮ೦ತ್ರಿ , ಸೇನಾನಿ ಸರ್ವ ಹಾಂವಚಿ . ಮಿಗ್ಗೆಲೆ ಜೀವನಾಂತು ಕಿತ್ಲೆ ಕೀ ಕನ್ಯಾ ಮಣಿ೦ಕ ಪೊಳೈಲಾ ... ಝಲ್ಲೇರಿ ತುಜೆತಸಲಿ ಸುಂದರಾಂಗಿ .. ಜಗನ್ ಮೋಹಿನಿಕ ಯೆದೊಳ್ ತಾಯಿ ಪೊಳೈನಿ . ತೂ ಸೈರಂಧ್ರಿ ಜಾವ್ನು ಕಾಮ ಕರ್ತಾ ಮೋಣು ಅಯಿಕಲೋ . ತುಝೆ ತಸಲಿ ರೂಪವತಿ ರಾಣಿ ಜಾವ್ನು ಅಸ್ಸುಕಾ . ಹಾಂವೆ ಸಂಘಿಲ್ ತಶಿ ತುಂವೆ ಅಯಿಕಲ ಜಲ್ಲೇರಿ ... ಹಾಂವ ತುಕ್ಕಾ ರಾಣಿ ಕರ್ತಾ " ಮ್ಹಳ್ಳಲೋ ಕೀಚಕ . ದ್ರೌಪದಿ ಭೀವ್ನು ಫುಲ್ಲಾ ಬುಟ್ಟಿ ತ೦ಯ್ಚಿ ಉಡೊನ್ .. ಅಂತಃ ಪುರಾಕ ಧಾವನು ಗೆಲ್ಲಿ . ಕೀಚಕ ಮಾಕ್ಷೀಚಿ " ಮಾಲಿನಿ .... ಮಾಲಿನಿ " ಮೋಣು ಅಪ್ಪಯಿತಾ ಗೆಲ್ಲೊ . ದ್ರೌಪದಿನ ಜಲ್ಲಲೊ ವಿಷಯು ಸುಧೇಷ್ಣಾ ದೇವಿ ಲಗ್ಗಿ ಸಾಂಗ್ಲೆ . " ಹಾಂವ ತಕ್ಕ ಬುದ್ಧಿ ಸಾಂಗ್ತಾ ... ತ್ಯೋ ತಶೀ೦ಚಿ ಬಾಯ್ಲ್ ಮನ್ಶ್ಯಾ೦ಕ ಪೊಳೈಲ್ಯಾರಿ ಪಿಸ್ಸೋ ಝತ್ತಾ ... ಹಾಂವ ಪೋಳಯಿತಾ ... ಕಸಲೆಕಾಯ್ ತೂ ತೂಗೇಲೆ ಜಾಗ್ರತೆ ಕರಿ " ಮ್ಹಳ್ಳಲಿ . ತ್ಯೆ ರಾತ್ರಿ ಕೀಚಕಾಕ ನೀದ ಯೇನಿ . ದ್ರೌಪದಿಲೆ ರೂಪ ಪದೇ-ಪದೇ ಮನಾ ಯೇವ್ನು ಅಂಗಾ ಉಜ್ಜ್ಯೋ ಲಗ್ಗಲೇ ಮ್ಹಣ್ಕೆ ಅನುಭವು ಝಲ್ಲೊ . ರಾಣಿಲೆ ಅಂತಃ ಪುರಾಕ ಯೇವ್ನು , ನಿದ್ದೋನ್ ಅಶಿಲೆ ಸುಧೆಷ್ಣಾ ದೇವಿಕ ಜಾಗೈಲೆ " ಅಕ್ಕಾ ... ಅಕ್ಕಾ .. !! " ... ಕಿತ್ಯೇ ಕೀಚಕಾ .. ಅನಿಕಾಯ್ ನೀದ ಯೇನಿ ವೇ .. ? "
"ನೀದ ಯೇನಾ .. ಅಕ್ಕಾ "
"ಕಿತ್ಯೆ .. ? ಅಂಗಾ ಹುಷಾರ್ ನಾವೇ .. ? "
" ಮನಾ ಹುಷಾರ್ ನಾ .. ಮನ ಚಂಚಲ ಝಲ್ಲಾ ... ಉದ್ವೇಗ್ ಜಲ್ಲಾ "
" ರಾಯಾ ನ ಕಸಲೆಯ್ ಸಾಂಗ್ಲ್ ವೇ .. ? "
"ಮಕ್ಕಾ ಕಸಲೆಯ್ ಸಂಘಚ್ಯಾ ರಾಯಾ ಕ ಧೈರ್ಯ ಕಂಯ್ ಆಸ್ಸ ... ! "
" ಮಗೀರಿ ... ?"
" ಮಾಲಿನಿ ... ! ಮಾಲಿನಿ ರೂಪ ಹೃದಯಾ ಭರ್ಲಾ ... ಚಮ್ ಕುಚ್ಯಾ ಸೋಣಾ .. ನಿದ್ದೋಚ್ಯಾ ಸೋಣಾ , ಖಾವ್ಚ್ಯೇ ಜೇವ್ಚೆ ನಕ್ಕಾ ಶಿ ಜಲ್ಲಾ ... ಕಸಲೆಯ್ ಕಾಮ ಕೊರುಂಕ ಮನಾ ಯೇನಾ .. ಉಠಾಯ್ಲ್ಯಾರಿ ಬೋಸ್ಲ್ಯಾರಿ ... ತಿಗೆಲೆ ಸುರ ಸುಂದರಿ ರೂಪ ದೋಳೆ ಎದ್ರಾ ಯೇವ್ನು ಘು೦ವನು ರಾಬತಾ ಅಕ್ಕಾ ... ಸ್ವಲ್ಪ ದಿವಸ ಸೊಳ್ಳೇರಿ ಮತಿ ಭ್ರಾಂತಿ ಲಾಗ್ತಾಲಿ ಮಕ್ಕಾ . ಗಳೋ ಭರಿ ಪಿಲ್ಲೇರಿಯೀ ನೀದ ಯೇನಾ "
ರಾಣಿ :" ಕೀಚಕಾ ..! ಮಾಲಿನಿ ಸಾಧಾರಣ ಸ್ತ್ರೀ ನಯ್ ... ಗಂಧರ್ವ ಸ್ತ್ರೀ .. ತಿಕ್ಕಾ ವ್ಹರ್ಡಿಕ ಜಾವ್ನು ಪಾಂಚ ಬಮ್ಮಣ೦ ಆಸ್ಸತಿ . ತನ್ನಿ ಅದ್ರಶ್ಯ ಜಾವ್ನು ತಿಗೆಲೆ ರಕ್ಷಣ
ಕರ್ತಾ ಆಸ್ಸತಿ . ವ್ಹರ್ಡಿಕ ಝಲ್ಲೆಲೆ ಬಾಯ್ಲ್ ಮನಷ್ಯಾ೦ಲೆ ವಿಷಯು , ತಿತ್ಲೆ ಹಗುರ ಜಾವ್ನು ಉಲ್ಲೋಚಾ ನಜ್ಜ ... ತಶಿ ಲೇಕ್ಚೆ ಸಮ್ಮ ವೇ ? ಕಾಮಾಂಧ ಜಾವ್ನು ಉಲ್ಲಯಿಲೆ ಪಾಪ ಕೆದನಾಯ್ ಮತ್ತೇರಿ ರಾಬತಾ ಮ್ಹಣತಾತಿ "
ಕೀಚಕ : " ಧರ್ಮ್ ಸೂತ್ರ ಪಾಠು ಐಕುಚಾ ಆಯ್ಯಿಲೊ ನಯ್ ... " ದೋಳೆ ತಾಂಬಡೆ ಕೋರ್ನು ಉಲ್ಲಯಿಲೊ .
ರಾಣಿ : " ಝಲ್ಲೆರಿಯೀ ... ತುಗ್ಗೆಲ್ ಜಾಗ್ರತೆ ಕೋರ್ಕಾ ನವೇ ಕೀಚಕಾ ...! ತೂ ಅ೦ಮ್ಕಾ ಸದಾ ಜಾಯಿ "
ಕೀಚಕ : " ತಿಗೆಲೆ ಬಾಮ್ಮಣ೦ ... ಮಕ್ಕಾ ಕಸಲೇಯ್ ಕರ್ತಾಲೀಂತಿ ... ಮೋಣು ಭಿತ್ತ ವೇ .. ಅಕ್ಕಾ ? ಹಾಂವ ಕೋಣ ? ಸಿಂಹಬಲ ... ಮಕ್ಕಾ ಯೆದುರ ಘಾಲ್ನು ರಬ್ಬಿಲೋ ... ಯೆಕ್ಲೊ ದಾರ್ಲೊ ಮನುಷ್ಯ ನಾ ... ಗಂಧರ್ವ ಸೋಡಿ .. ತಾಂಗೆಲೆ ಪಿತೃ ಲೋಕು ಅಯಿಲೇರಿಯಿ ... ಮಕ್ಕಾ ಭಂಯ್ಯ್ ನಾ . ತೀಣೆ ಸಂಘಿಲ್ ಫಟ್ಟಿ ಉತ್ತರ೦ ... ಮಕ್ಕಾ ಸಂಘುನಕ್ಕಾ ... ತೂ ಕಸಲೆ ಕರ್ತಾಕೀ ಮಕ್ಕಾ ಗೊತ್ತ್ ನಾ ... ಮಕ್ಕಾ ತೀ ಜಾಯ್ ..! ಅಕ್ಕಾ .. ಹಾಂವ್ ಸಂಗಚೆ ತಿತ್ಲೆ೦ಚಿ .."
ರಾಣಿ : " ಮತ್ಸ್ಯ ದೇಶಾ ಸೇನಾನಿ .. ! ಅಂತಃಪುರಾ ದಾಸಿ ಕ ... ಅಪಮಾನ ಕೊರ್ಚ್ಯೇ ಮಕ್ಕಾ ... ಐಕತನಾ ಚಿ ಲಜ್ಜಿ ಕರ್ತಾ " ಮ್ಹಳ್ಳಲಿ ಸುಧೆಷ್ಣಾ ದೇವಿ
ಕೀಚಕ :" ಯೆದೋಳ್ ತಾಯ್ ... ತೂಗೇಲ್ ಭಾವು ಜಾವ್ನ್ ... ಮಿಗೆಲ್ ಮನಾ ಅಶಿಲೆ ಆಶಾ ಸಾಂಗ್ತಾ ಅಶಿಲೊ ... ಕಾನು ದೀವ್ನ್ ಆಯಿಕ .. ! ಮತ್ಸ್ಯ ದೇಶಾ ರಾಣಿ ಸುಧೆಷ್ಣಾ ದೇವೀ ... ! ಆಯಿಕ , ಫಲ್ಲೇ ತೀ ಸುಂದರಿ ಮಿಗೆಲ್ ಮಂದಿರಾಂತು ಅಸ್ಸುಕಾ ... ನಾ ಝಲ್ಲೇರಿ ... ಹೇ ಮತ್ಸ್ಯ ದೇಶಾ ರಾಣಿ ಅಸ್ಸನಾ ... ! ಜಾಗ್ರತ .. " ಮೋಣು ಕೋಪಾರಿ ಸಂಘುನ್ ತಗೆಲ್ ಮಂದಿರಾಕ ಸರ್ - ಸಟಿ ಚಮ್ಕಾಲೋ . ವಿರಾಟ ರಾಣಿ , ಕೀಚಕಾನ ಗೆಲ್ಲೆಲಿ ವಾಟ ಪೊಳಯಿತ ರಾಬ್ಲಿ . ಮನಾಂತು ಉದ್ವೇಗ , ಸಂಕಟ , ಮಾನ ಮರ್ಯಾದಿ ಕಸಲೆ ಝತ್ತಲಿ .. ? ಮ್ಹಳ್ಳೆಲೆ ಪ್ರಶ್ನೊ ಎದುರ ಯೇವ್ನ್ ರಬಲೆ ಸುಧೆಷ್ಣಾ ದೇವಿಕ .
ಉಮಾಪತಿ
No comments:
Post a Comment