PREETI MAHLLERI YITLECHI VE ?
SHORT STORY .... 3 ಸಾನಿ ಕಾಣಿ
" ಹೆಲ್ಲೋ ... ಹೆಲ್ಲೊ ... ! ಹಾಂವ ಆನು ಉಲ್ಲಯಿತಾ .. ಪೊಳೆ ಅತ್ತ ವೆಂಕಟೇಷು ಆಯ್ಯಿಲೊ .. ತಾಂಕಾ ಜಾತಕ ಮೇಳ್ನ್ ಯೆತ್ತಾ ಖೈ ಅತ್ತಚಿ ಚೆಲ್ಲಿಯೇ ಕ ಪೊಳೊಕಾ ಮ್ಹಳ್ಳಲೋ .. ತುಗ್ಗೆಲ್ ಆಫೀಸ್ ಅಡ್ರೆಸ್ ಫೋನ್ ನಂಬರ್ ತಕ್ಕಾ ದಿಲ್ಲಾ . ತುಗ್ಗೆಲ್ ಆಫೀಸಾಕ ಯೇವ್ನ್ ತುಗೇಲೆ ಉಲ್ಲೋಚಾ ಯೆವ್ಚಾ ಪೂರೋ ... ಚಂದ ಕೊರ್ನ್ ಉಲ್ಲಯಿ " ... ಛೆ .. ! ಅನ್ನಾನ ಆಫೀಸಾ ಅಡ್ರೆಸ್ ಫೋನ್ ನಂಬರ ದಿವ್ವೂ ನಜ್ಜ ಅಶಿಲೆ . ಚೆಲ್ಲಿಯೇ ಪೊಳೋಚೆ ಮೋಣು .. ಅಶಿ ಹಾಂಗಾ ಯೇವ್ನ್ ಕಸಲೆ ಪೊಳೋಚೆ .. ? ಉಲ್ಲೋಚೆ ? ಹ್ಯೇ ಸಮ್ಮ ವೇ .. ? ಸ್ವಲ್ಪ ಪುಣಿ ಮತ್ತೆಂತು ಮೆಂದು ನಕ್ಕ ವೇ .. ? ಕಸ್ -ಕಸಲೆ ಲೋಕು ಅಸ್ಸ ಪೊಳೆ .. ! ಮನಾಂತು ಲೆಕ್ಲೆ ರಮ್ಯಾನ . ಮತ್ತೇರಿ ಹಾತು ದೊವೊರ್ನ್ ಬೊಶಿಲೆ ನಮುನೋ ಪೊಳೊನ್ ಲಗ್ಗಿ ಬೊಶಿಲಿ , ಲಲಿತಾನ " ಕಸಲೆ ಝಲ್ಲೆ ರಮ್ಯಾ ? ಕಿತ್ಯಾ ಮತ್ತೇರಿ ಹಾತು ದವೋರ್ನ್ ಬೊಸ್ಲಾ ? ಕಸಲೆ ಝಲ್ಲೆ .. ? " ನಿಮಗಿಲೆ .
" ಮಕ್ಕ ಚೆಲ್ಲಿ ಪೊಳೋಚಾಕ ... ಚೆಲ್ಲೋ , ಹಾಂಗಾ ಆಫೀಸಾ ಯೆತ್ತಾ ಅಸ್ಸ "
" ವಾವ್ .. ! " ಮ್ಹಳ್ಳಲಿ . ರಿಸೆಪ್ಷನ್ ಕೌಂಟರ್ ದುಕುನ್ ಫೋನ್ ಅಯಿಲೊ ... " ವೆಂಕಟೇಶ್ ಮ್ಹಳ್ಳಲೊ ಎಕ್ಲೊ ತುಕ್ಕಾ ಮೇಳ್ಚ್ಯಾಕ ಅಯಿಲಾ "
" ತಂಯೀಚಿ ವೈಟ್ ಕೋರೂ ಸಾಂಗ .. ಅತ್ತ ಆಯಿಲಿ "
ಮತ್ತೆ ಕೇಸು ದುಪ್ಪಟ್ಟಾ ಸಮ್ಮ್ ಕೊರ್ನ್ ಘೇವ್ನ್ ಸಕಲ ರಿಸೆಪ್ಶನ್ ಕೌಂಟರಾ ದಿಕಾನ ಆಯಿಲಿ ರಮ್ಯಾ . ಕಂಪ್ಯೂಟರ್ ಬ್ಯಾಗ್ ಭುಜಾರಿ ಲಂಬತ ಘಾಲ್ನ್ .. ಇನ್ ಶರ್ಟ್ ಕೊರ್ನ್ ದೊಳೇರಿ ಕೂಲಿಂಗ್ ಗ್ಲಾಸ್ಸ್ ಘಾಲ್ನ್ ಯೆಕ್ಲೊ ಚಂದು ಮಹಾಷಯು ಸೋಫಾರಿ ಬೊಸ್ಲಾ .
" ಕೋಣ್ ಜಾಯಿ ಅಶಿಲೆ .. ? ಹಾಂವ ರಮ್ಯಾ "
" ಹಾಂವ ವೆಂಕಟೇಶ್ ... ಮಕ್ಕಾ ತುಗೆಲೇಗಿ ಉಲ್ಲೋಕಾ ಅಶಿಲೆ ... ಹಾಂಗಾ ನಕ್ಕಾ ಭಾಯಿರಿ ಕೊಫಿ ಕೊರ್ನರ್ ವೊಚ್ಚುನ್ ಉಲ್ಲಯಾವೇ ? " " ಜಾಯ್ತ "
ದೊಗ್ಗಯಿ ಕೋಫಿ ಕೋರ್ನರ್ ಯೇವ್ನ್ ದೋನಿ ಎಸ್ಪ್ರೆಸ್ಸೊ ಕೋಫಿ ಕ ಆರ್ಡರ್ ಕೊರ್ನ್ ಬೋಸ್ಲೆ೦ತಿ . ವೆಂಕಟೇಶಾನ ಲೇಪ್ ಟಾಪ್ ಕಾಣು ಮೈಲ್ ಚೆಕ್ ಕರ್ತಾ ಅಶಿಲೋ . ಟೇಬಲಾ ತ್ಯೆ ಬದಿ .. ರಮ್ಯಾ ಚೆಲ್ಲೋ ಕಸಲೆ ಉಲ್ಲಯಿತಾಲೊ ಮೋಣು ರಕ್ಕುನ್ ಅಶಿಲಿ . ಪಂದ್ರಾ ವೀಸಾ ಮಿನುಟ್ ಗೆಲ್ಲೆರಿಯ್ ಚೆಲ್ಲೆನ ಉಲ್ಲೊಚೆಕ ತಯ್ಯಾರ ಝಲ್ಲೆಲೆ ದಿಸ್ಸನಿ . ಮೈಲ್ ಚೆಕ್ ಅನಿಕಯ್ ಕರ್ತಾ ಅಸ್ಸ ... ರಮ್ಯಾ ಬೋರ್ ಜಾವ್ಚ್ಯಾಕ ಶುರು ಝಲ್ಲೆ . ಕೋಫಿ ಆಯಿಲಿ ... ದೋನಿ ತೀನಿ ಮಿನುಟಾ ನಂತರ ಲೇಪ್ ಟಾಪ್ ಬಂಧ್ ಕೊರ್ನ್ ... ದೊಗ್ಗಾನೀ ಕೋಫಿ ಪೀವ್ಚ್ಯಾಕ ಶುರು ಕೆಲ್ಲೆ . " ತುಗೇಲೆ ಶಿಖವಣ ಖಂಯಿ ತಾಯ್ ಝಲ್ಲಾ .. ? "
" ಕಂಪ್ಯೂಟರ್ ಪೋಸ್ಟ್ ಗ್ರಾಜುವೇಶನ್ ತಾಯ್ ಝಲ್ಲಾ "
" ಮುಕಾರಿ ಎಂ. ಬಿ. ಎ . ಕಿತ್ಯಾ ಕರ್ನಿ .. ? "
' ಆನಿ ಮುಕಾರಿ ತುಗೆಲೆ ನಿಮ್ಗುನ್ ಕರ್ತಾ ' ಮೋಣು ಮನಾಂತುಚಿ ಜವಾಬ ದಿಲ್ಲಿ . ರಮ್ಯಾಕ ತಗೆಲೆ ವೊಟ್ಟು ಮುಕಾರ್ಸುನ್ ಉಲ್ಲೋಚಾಕ ಮನ ಏನಿ .. ಮೌನ ಜಾವ್ನ್ ರಾಬ್ಲಿ ... " ತುಕ್ಕಾ ಕಾಸಲೆಯ್ ನಿಮಗು ಚಾ ಅಸ್ಲೆರಿ ನಿ೦ಮ್ಗಿ " ರಮ್ಯಾ ನ ಆಖೇರಿ ಕೋಫಿ ಘೋಟು ಪೀವ್ನ್ ಗ್ಲಾಸ್ ಸಕಲ ದವರ್ಲೆ . ತಿಗೆಲೆ ಪ್ರಷ್ಣೆ ಖತೀರಿ ಎದುರಾ ಪೊಳ ಯಿತಶಿಲೊ ವೆಂಕಟೇಷು
" ಮಕ್ಕ ವ್ಹರ್ಡಿಕೆ ವಿಷಯಾನ ಇಂಟರೆಸ್ಟ್ ನಾ .. ಮಕ್ಕಾ ತುಗೆಲೊ ನಮುನೋ ಲಗ್ಗನಿ .. ತು ಹಾಂಗಾ ಆಫೀಸಾ ಯೆವ್ನ್ , ಲೇಪ್ ಟಾಪ್ ಘೆವ್ನ್ ತುಜ್ಜಿತಲೆಕ , ಕಸಲ್ಕಿ ಕಾಮ ಕರ್ತಾ ಅಸ್ಸ . ತಶಿ ಝಲ್ಲೆರಿ ... ಮಕ್ಕ ಹಾಂಗಾ ಕಸಾಲೆಕ ಅಪ್ಪಯಿಲೇ .. ? ತುಗ್ಗೆಲ್ ವೊಟ್ಟು ವ್ಹರ್ಡಿಕೆಕ ಮಕ್ಕಾ ಇಷ್ಠ ನಾ .. ! ಮುಕಾರಿ ಕಸಲೆಯ್ ವಿಷಯಾನ ಫೋನ್ ಕೊರ್ಚೆ ಅಗತ್ಯ ನಾ ... ಬಾಯ್ " ಮೋಣು ಸಂಘುನ್ ವತ್ತ ರಾಬಲಿ . ವೆಂಕಟೇಷು ತೀಣೆ ವೊಚ್ಛೆ ವಾಟ ಪೊಳಯಿತಾ ರಾಬ್ಲೊ .
ಹ್ಯೀ ಚೆಲ್ಲಿಯೇಕ ಪೋಳೋ ಚೆ ಕಾರ್ಯ ಕ್ರಮು ಜಾವ್ನ್ ಸುಮಾರ ಏಕ ವರುಷ ಝಲ್ಲಾ ... ಯೆಕು ದಿವಸು ಅಯಿತಾರಾ ಸಂಜೆ ಏಕ ಕಾರ್ ಯೇವ್ನು ಘರಾ ಎದುರ ರಾಬಲೆ . ಚೆಲ್ಲೆಲೆ ಆನಮ್ಮ , ಭಾವು ಭಯಿಣಿ , ಭಾವಜ ಸಕ್ಕಡ್ ಕಾರಾರಿ ದುಕೂನ್ ದೇ೦ವ್ಲೆ . ರಮ್ಯಾಲೆ ಆನಮ್ಮ ಮುಕಾರಿ ವೊಚ್ಚುನ್ ಚೆಲ್ಲೇ ಕಾರಾಂಕ ಹೃತ್ ಪೂರ್ವಕ ಸ್ವಾಗತ ಕೆಲ್ಲೆ . ಕಾಫಿ ಟಿಫನ್ ಝತ್ತರಿ .. ಚೆಲ್ಲೆಕ ಚೆಲ್ಲಿಯೇ ಲಗ್ಗಿ ಉಲ್ಲೋಚ್ಯಾ ಅಸ್ಲೆರಿ ಮೋಣು , ಘರಾ ಟೆರೆಸಾ ವೈರಿ ಆಸ್ಪದ್ ಕೊರ್ನ್ ದಿಲ್ಲೊ . ಚೆಲ್ಲೊ , ಚೆಲ್ಲಿ ವೈರಿ ವೊಚ್ಚುನ್ ಉಲ್ಲಯಿತಶೀಲೀಂತಿ ... " ಹಾಂವ ವೆಂಕಟೇಷು .. ಏಕ ವರ್ಷಾ ಫೂಡೆ ತುಗೆಲೆ ಆಫೀಸಾಕ ಯೆವ್ನ್ ಉಲ್ಲಯಿಲೊ ... ತುಕ್ಕಾ ಉಡ್ಘಾಸು ಅಸ್ಸ ಕೀ .. ನಾಕಿ ... ತೆದ್ನಾಚಿ , ತು ... ಮಿಗೆಲಿ ಬಾಯ್ಲ್ಯಾ ಝತ್ತಲಿ ಮೋಣು ಸಂಕಲ್ಪ ಕೆಲ್ಲೆಲೆ ...ತುಂವೆ ಧೈರ್ಯಾರಿ ಜವಾಬ ದಿಲ್ಲೆಲೆ ಮಕ್ಕಾ ಖುಷಿ ಝಲ್ಲಿ .. ತುಗೆಲೆ ಆನಮ್ಮ ಲಗ್ಗಿ ಹಾಂವ ತತ್ತವಳಿ ಉಲ್ಲಯಿತಶೀಲೋ ... ಹಾಂವ ತುಕ್ಕಾ ಪ್ರೀತಿ ಕರ್ತಾ ರಮ್ಯಾ ... ಜನ್ಮ ಜನ್ಮಾಚೆ ಋಣಾನುಬಂಧ ಆಮ್ಗೆಲೆ ಭಿತರಿ ಅಸ್ಸ ಮೋಣು ನಂಮ್ಗತಾ ... ತೂ ಕಾಮಾ ಕ ಗೆಲ್ಲೆರಿ ಸೈ ... ವಚ್ಛನಾ ಝಲ್ಲೆರಿ ಸೈ ... ತುಕ್ಕಾ ಚಂದ ಕೊರ್ನ್ ಪೊಳೋನ್ ಘೆತ್ತಾ ... ಅಮ್ಮಿ ದೋಗ ಜನ ಸಪ್ತ ಪದಿರಿ ವೊಟ್ಟು ಜಾವ್ಯಾ ವೇ ? " ಮೋಣು ಹತ್ತಾ ಧರ್ಲೆಲೆ ಗುಲಾಬಾ ಫೂಲ ರಮ್ಯಾ ಕ ದಿಲ್ಲೆ . ರಮ್ಯಾಕ ಇತ್ಲೆ ಖುಷಿ ಝಲ್ಲಿ ... ದೋಳೆ ಭೋರ್ನ್ ಅಯಿಲೆ ... ಸಂತೋಷಾನ , ವ್ಹರ್ಡಿಕೆಕ ವೊಪ್ಪಿಗ ದಿಲ್ಲಿ .
ಉಮಾಪತಿ
No comments:
Post a Comment