MAHABHARATHA
PART -25 ( Konkani Bhashentu )
"AAMANTRANA
" ಆಮಂತ್ರಣ
ತ್ಯೆ ರಾತ್ರಿ ಸರ್ವ ಲೋಕು ಜವಣ್ ಕೊರ್ನ್ ನಿದ್ದೇಕ
ತಯ್ಯಾರಿ ಕರ್ತಾ ಅಶಿಲೆ ...
ದ್ರೌಪದಿ , ಕೊಣಯ್ ಜಾಗೆ ನತ್ತಿಲ್ ವೇಳು ಪೊಳೊನ್ ಅಂತಃ ಪುರಾ ರಾನ್ಪಾ ಕೂಡಾಕ ಆಯಿಲಿ .
ಭೀಮಸೇನ್ ಜೆವಣ್ ಕೋರ್ನು ನಿಡ್ಡೋನ್ ಆಶಿಲೋ . ಭೀಮಸೇನಾಕ ಜಾಗೋನ್ ತಗೆಲೆ ಹರ್ದೆರಿ ಮತ್ತೆ
ದೊವೋರ್ನು ಗಳ - ಗಳನಿ ರಳ್ಳಿ .
" ಆರ್ಯ ಪುತ್ರಾ ..! ಮಕ್ಕಾಚಿ ಕಸಲೆ ಹ್ಯೇ ಕಷ್ಠ ಯೆತ್ತಾ ... ? ಕಾಮಾಂಧ ಲೋಕಾಲೆ ದೃಷ್ಟೀಕ ಪೋಣು ... ಅಶೀಚ್ಯ್ ಕಷ್ಠ ಬೊಗ್ಗುಕಾ ವೇ ... ? ತ್ಯೆ ದಿವಸು ದುಃಶ್ಶಾಸನ .. ತೊಡೆ ದಿವಸ ಫುಡೆ ಸೈ೦ಧವ ... ಅತ್ತ ... ಕೀಚಕ
ಸೇನಾನಿ ... ಫಲ್ಲೆ ಅನಿಕೊಣಾಯ್ ಪುಣಿ . ಅಗ್ನಿ ಸಾಕ್ಷಿ ಜಾವ್ನು ವ್ಹರ್ಡಿಕ ಕೆಲ್ಲೆಲೆ ಮಕ್ಕಾ ...
ರಕ್ಷಣ ಕೋರು ಜಾಯ್ನಾ ನಾತ್ತಿಲೆ ... ತುಮ್ಗೆಲೆ ಶೌರ್ಯ , ವೀರತ್ವ ಅರ್ಥ ನಾವೇ .. ? ಅಗ್ನಿ೦ತು ಜನ್ಮಾ ಯೇವ್ನು ... ದಿವ್ಯ ತೇಜೋವಂತ ಪಾಂಡವಾಂಗೆಲೆ ಬಾಯ್ಲ್
ಜಾವ್ನು ... ಪಾಂಚ ಪುತ್ರಾ೦ಕ ಜನ್ಮ ದೀವ್ನ್ .. ಆಜಿ .. ಆಜಿ ಕೀಚಕಾನ ..ಮಿಗೆಲೆ ಅಂಗಾರಿ ಹಾತು ಘಾಲುಂಕ ಪ್ರಯತ್ನ ಕೆಲ್ಲೆ ... ಅಯ್ಯೋ " ಮೊಣು ಸಂಘುನ್ ದೊನ್ನಿ ಹಾತ್ತಾನ ಮತ್ತೇರಿ
ಮಾರ್ನ್ ಘೆತ್ಲೆ .
ಭೀಮ : " ರೋಣುಕ್ಕಾ ಪಾಂಚಾಲಿ ...
ರೋಣುಕ್ಕಾ ... ತುಗೆಲೆ ವೈರಿ
ಅಮ್ಕಾ ಮಸ್ತ ಪ್ರೀತಿ ,
ಅಭಿಮಾನ ಅಸ್ಸ . ಅತ್ತ ತೂ ಮಸ್ತ ಆವೇಶಾರಿ
ಅಸ್ಸ . ಆನಿ ತೀನಿ ವಾರು .. ಖಂಚೇಯ್ ಕಾರಣಾ ನಿಮಿತ್ಯ ಆಮ್ಗೆಲೆ ಅಜ್ಞಾತ ವಾಸ ಭಾಯಿರಿ ಕಳ್ಳೇರಿ
ಆನ್ನೇಕ ಪೊಟಿ ವನವಾಸಾಕ ವೊಚ್ಚುಕಾ ಪೊಡ್ತಾ .. ತಜ್ಜೆ ನಿಮಿತ್ಯ .. ಅಮ್ಮಿ ಶಾಂತಿ ಮಾರ್ಗಾರಿ
ವತ್ತಾತಿ . ತುಗೆಲ್ ವೈರಿ ಪ್ರೀತಿ ನಾಶಿ ನಯ್ . ತುಗೆಲ್ ಬಮ್ಮಣ೦ ಕಾಯರ್ ನಯ್ ಪಾಂಚಾಲಿ .. ! ಸ್ವಲ್ಪ ಸಮಾಧಾನ ಕರಿ . ರಾಜ್ಯ ಆಮ್ಕಾ ವಾಪಾಸ್
ಮೆಳ್ತಾ .. ತೆದ್ನಾ .. ತೂ ಮಾಹಾರಾಣಿ ಜಾವ್ನು ಅಸ್ಸುಯೇತ . "
ದ್ರೌಪದಿ : " ಹಾಂವ ರಾಜ ಭೋಗ ಜಾವ್ಕಾ
ಮೋಣು ಅಶಿಲಿ ಝಲ್ಲ್ಯಾರಿ ... ಮಿಗೆಲೆ ಕುಳಾರ ವೊಚ್ಚುನ್ ರಬ್ತಾ ಅಶಿಲಿ . ಮಕ್ಕಾ ತುಮ್ಮಿ ಜಾಯಿ
. ತುಮ್ಗೆಲಿ ಸೇವಾ ಜಾಯಿ . ಆಮ್ಗೆಲೆ ಅಜ್ಞಾತ ವಾಸ ಕಯ್ದ ಜಾವ್ಚೆ ಭಿತರಿ ... ಮಿಗೆಲೆ ಮಾನ ಹರಣ
ಝಲ್ಲೇರಿ .. ಹಾಂವ ಜೀವಂತಿ ಅಸ್ಸನಾ .. ಹ್ಯೇ ಮಾತ್ರ ವುಡ್ಗಾಸು ಆಸ್ಸೊ " ದ್ರೌಪದಿಲೆ
ಉತ್ತರಾ೦ಕ ಭೀಮಾಕ ಕೋಪು ಅಯಿಲೊ .
ಭೀಮ : " ಜಾವಚೆ ಅಶಿಲೆ ಝವೋ ... !
ಅಣ್ಣಾಲೆ ಆಜ್ಞಾ ನಾಶಿ ಕೆದನಾಯ್ ಹಾಂವ ಮುಕಾರಿ ವಚ್ಚನಿ .. ಆಜಿ ... ತುಗೆಲೆ ಖತಿರಿ ಪಾಂಚಾಲಿ ... ! ಆಣ ಘಾಲ್ನು ಸಾಂಗ್ತಾ
ತ್ಯೇ ಕೀಚಕಾಕ ದಿವಿಶಿ ಮಾರ್ತಾ ... ಜಾವ್ಚ್ಯೇ ಅಶಿಲೆ ಝವೋ ... ಹ್ಯೇ ಅಂತಃಪುರಾ ಅಡಿಪಾಯ್ ಸಮೇತ
ಹುಂಟಾನ್ ಉಡಯ್ತಾ . ಆಮ್ಗೆಲೆ ಸಮಸ್ತ ಕಷ್ಠಾಕ ಕಾರಣ ಜಲ್ಲೊಲೊ .. ತ್ಯೆ ದುಃಶ್ಶಾಸನಾಕ ಮತ್ತಿ
ಖಾವೈತಾ " ದುಃಖಾರಿ .. ಆವೇಶಾರಿ ಪಾಂಚಾಲಿಕ ಆಣ ಉತ್ತರ ದಿಲ್ಲೆ .
ದ್ರೌಪದಿ : " ಆರ್ಯಪುತ್ರಾ .. !
ತ್ಯೇ ಕೀಚಕಾಕ ಯೆವಚೆ ಅಮಾವಾಸ್ಯ ದಿವಸು ರಾತ್ರಿ ನರ್ತನಶಾಲೆಕ ಯೆವಚೆತಶಿ ಕರ್ತಾ .
ಥಂಯ್ ತಕ್ಕಾ ಶಬ್ಧ ನಾಶಿ ದಿವಶಿ ಮಾರ್ಯೆತ ... ಯುಕ್ತಿ ಮಿಗೆಲಿ ... ಶಕ್ತಿ ತು೦ಮ್ಗೆಲಿ "
ಮ್ಹಳ್ಳೆಲಿ ದ್ರೌಪದಿ .
" ಜಾಯ್ತ ತಶೀ ಝಾವೊ " ಮ್ಹಳ್ಳಲೊ ಭೀಮು . ಸಂತೃಪ್ತಿ ಮನಾರಿ ದ್ರೌಪದಿ
ಅಂತಃಪುರಾಕ ವಾಪಾಸ್ ಚಮ್ಕಲಿ .
ಹೆರದಿವಸು ಅಂತಃಪುರಾ೦ತು .. ಸುಧೆಷ್ಣಾ :
" ಮಾಲಿನಿ .. ! ಕಾಲಿ ಝಲ್ಲೇಲೆ ವಿಷಯು ಮಹಾರಾಜಾ ಲಗ್ಗಿ ಸಂಘು ನಜ್ಜಅಶಿಲೆ ... ಮಕ್ಕಾಯಿ
ತಂಕಾಯಿ ... ಮನಾ ದುಃಖ ಝಲ್ಲೆ .. ಜವವೋ ತ್ಯೆ ವಿಷಯು ವಿಸರಿ " ದ್ರೌಪದಿ ಮೌನ ಜಾವ್ನು
ರಬಲಿ ... ಬದಲ್ ಉತ್ತರ ದೀನಿ . ಮತ್ತೆ ದೂಕಿ ಮೋಣು ನಾಟಕ ಕೋರ್ನು ... ಮಾದಿರಾ ಹಾಡ್ಚ್ಯಾಕ ಕೀಚಕಾಲೆ ಮ೦ದಿರಾಕ ಪೆಟಯಿಲೆ
ಹೀಣೆ ನವೆ ..! ಮೋಣು ಅರ್ಥ ಕೊರ್ನ್ ಘೆತಲೊ " ಕಿತ್ಯೆ ..ಮಾಲಿನಿ ಮಿಗೆಲೆ ವೈರಿ ಕೋಪು
ವೇ .. ? " ರಾಣಿನ ನಿಮಗಿಲೆ .
ದ್ರೌಪದಿ : " ತುಮ್ಗೆಲೆ ವೈರಿ ಕೋಪು
ಕಸಲೇಕ ಮಹಾರಾಣಿ .. ? ತುಮ್ಮಿ ದೇವತಾ ಮನುಷ್ಯ ಚೂಕಿ ಹಾಂವೆಚಿ ಕೆಲ್ಲಾ .
ವಿಷಯು ಮಹಾರಾಜ ಲಗ್ಗಿ ಸಂಘು ನಜ್ಜ ಅಶಿಲೆ ... ಮಿಗೆಲೆ ಗಂಧರ್ವ ಬಮ್ಮಣಾ೦ಗೆಲೆ ನಿಮಿತ್ಯ
ತುಮ್ಗೆಲೆ ಭಾವಾಕ , ಆಮ್ಗೆಲೆ ಸೇನಾನಿಕ ಪ್ರಾಣ ಹರಣ ಜಾವ್ವೋ .. ಕಸಲೆಯ್ ಕಷ್ಠ ಯೆವ್ಚ್ಯಾ ನಜ್ಜ
ಮೋಣು ಲೆಕ್ಕಿಲೆ . ಚೂಕಿ ಝಲ್ಲಿ ಮಹಾರಾಣಿ ದಯ ದವೋರ್ನ್ ಕ್ಷಮ ಕರಿ "
" ಮಿಗೆಲೆ ವೈರಿ ತುಕ್ಕಾ ಕೋಪು ನಾ .. ನವೆ ?
"
" ನಾ ಮಹಾರಾಣಿ .. "
ತಿತ್ಲೆ ಭಿತರಿ ಕೀಚಕು ಸುಧೆಷ್ಣಾ ದೇವಿಲೆ ಮಂದಿರಾ ಕ ಅಯಿಲೊ .. ದ್ರೌಪದಿ ಮೌನ
ಜಾವ್ನ್ ಮಂದಿರ ದುಕೂನ್ ಭಾಯಿರಿ ಚಮ್ಕಲಿ . ಕೀಚಕು ದ್ರೌಪದಿನ ವೊಚ್ಛೆ ಪೋಳಯಿತ್ ರಾಬ್ಲೊ .
ಸ್ವಲ್ಪ ವೇಳು ರಾಣಿ ಲಗ್ಗಿ ಉಲ್ಲೋನ್ ಭಾಯಿರಿ ಗೆಲ್ಲೊ . ದ್ರೌಪದಿನ ಭಾಯಿರಿ ಗೆಲ್ಲೆಲೆ ದ್ವಾರ ದಿಕಾನ ಬಾಯಿರಿ ವೊಚ್ಚುನ್ ಪೊಳೈಲೆ . ದೂರ ಏಕ ಮಂಟಪಾ ಸಕಲ
.. ಫುಲ್ಲಂ ಗಂತುನ್ ಮಾಳ ಕೊರಚ್ಯಾಕ ಬೊಶಿಲೆ ಪೊಳೈಲೆ . ಕೀಚಕಾ ಲೇ
ಮನ .. ಮಯೂರ್ ನಾಟ್ಯ ಕೋರು೦ ಶುರು ಕೆಲ್ಲೆ . " ಮಾಲಿನಿ " ಮೋಣು ಮಧುರ
ಸ್ವರಾಂತು ಅಪ್ಪಯಿಲೆ . ದ್ರೌಪದಿ , ಸೇನಾನಿಕ ಮರ್ಯಾದಿ
ದೀವ್ನ್ ಉಠಾನ್ ರಾಬ್ಲಿ . ತಿಗೆಲ್ ಚಂದಾಯಿ .. ದೊಳೆನ ಚಿ .. ಪೊಳೋನ್ ಆನಂದ ಪಾವ್ಲೋ . ' ಆಹಾ ..! ಅಂಗಾ ಸೌಷ್ಠವ ಕೀ ... ಚಂದ ಬಾಹು ಭುಜ ಕೀ ... ಉಠಾನ್ ರಬ್ಬಿಲೆ ಕುಚ ದ್ವಯ ಕೀ ... ಮಾಟ ಜಾವ್ನ್ ಸೆರಗ
ಧಾಂಕಿಲೆ ಫಟೀ ಚಿತ್ರಣ ಕೀ ... ರಬ್ಬಿಲೆ ವಯ್ಯಾರ ಕೂರ್ಟ್ ಕೀ ... ಕೋಮಲ
ಪಯ್ಯಾಕ ಘಲ್ಲೆಲೆ ಝಣಕಾರಾ ನುಪುರ ಕೀ ... ಲಜ್ಜೇನ ಪಯ್ಯಾ ಬೊಟ್ಟ೦ನಿ .. ಶಿಲೆರಿ ಬೊರೊಚೆ
ಪಾಂಚಾಲ ಲಿಪಿ ಕೀ ... ಲಲಾಟ ಕೇಶ ನೃತ್ಯ ಕೀ ... ಅತಿ ಸುಂದರ ದೊಳೆ , ನಾಸಿಕ ,
ವಜ್ರಾ ಫಳ್-ಫಳ್ ಚೆ ನತ್ತು ,
ಥರ ಥರ ಕಂಪನಾ ಅಧರ ಕೀ ... ಲಾಸ್ಯ
ಸೊಳ್ಳೆಲೆ ಕಾಳೆ ನಾಗರ ಕೇಶ ರಾಶಿ ಕೀ ... ಆ ಹಾ ..! ಮಾಲಿನಿ .. ! ಅಪ್ರತಿಮ ಸುಂದರಿ ಮಾ .. ಲಿ
.. ನೀ ... ತೂ ಕಿತ್ಲಿ ಚಂದಿ ಅಪ್ಸರಾ '
ಕೀಚಕ : " ವಿಧಿ ನ ಬೋರಯಿಲ್ ಕ್ಷಣ ಕೀ
... ವಿಪರ್ಯಾಸ ಕೀ .. ಮಕ್ಕ ಕಳ್ನಾ .. ತುಕ್ಕ ಪೋಳಯಿಲೆ ಮಿನುಟಾ ದುಕೂನ್ ಮಿಗೆಲಿ ಬುದ್ಧಿ
ಮಿಗೆಲೆ ಸ್ವಾಧೀನ ನಾ ... ಬುದ್ಧಿ ಹೀನ ಝಲ್ಲಾ ಹಾಂವ .. !ಸತ್ಯ ಸಾಂಗ್ತಾ ಮಾಲಿನಿ ...
ತುಗ್ಗೆಲ್ ತಿತ್ಲಿ ಚಂದಿ ಬಾಯ್ಲ ಮನಿಷ್ಯೆಕ ಯೆದೋಳ್ ತಾಯ್ ಪೊಳೈನಿ . ತೂಗೇಲಗ್ಗಿ ... ಕಸಲ್ಕೀ
... ಪುರುಷಾಕರ್ಷಣ ಶಕ್ತಿ ಅಸ್ಸ . ತೀನಿ ಲೋಕಾ ಚಂದಾಯಿ ಹಾಣು .. ತ್ಯೆ ಬ್ರಹ್ಮ್ಮಾನ ತುಕ್ಕಾ ಸೃಷ್ಟಿ
ಕೋರ್ನು ಅಸ್ಸುಕಾ . ಸೃಷ್ಟಿ ಕರ್ತಾಲೆ ಕಲಾ ಚಮತ್ಕಾರ .. ತುಕ್ಕಾ ಪೊಳೈತನಾಚಿ ಕಳ್ತಾ .
ತುಗ್ಗೆಲ್ ಮಧುರ ಮೋಹನ ಚಂದಾಯ್ ಪೊಳೋನ್ ಹಾಂವ ಅನಿಕಯ್ ಪಿಸ್ಸೋ
ಝತ್ತಾಕೀ ... ಮೋಣು ದಿಸ್ತಾ "
ದ್ರೌಪದಿ : " ಮಿಗೆಲೆ ಗಂಧರ್ವ
ಬಮ್ಮಣಾ೦ಗೆಲೆ ವಿಷಯು ತುಮ್ಕಾ ಗೊತ್ತನಾ ... ಅಕಾರಣ ಜಾವ್ನು ತುಮಗೆಲೆ ಪ್ರಾಣಾಕ ಸಂಚ ಕಾರ
ಯೆವ್ವು ನಜ್ಜ " ಮ್ಹಳ್ಳಲಿ ದ್ರೌಪದಿ.
ಕೀಚಕ : " ಮಾಲಿನಿ .. ! ತುಗೆಲೆ
ಬಮ್ಮ ಣಾ೦ಗೆಲೆ ಸ್ತುತಿ ಕೋರ್ನು ... ಮಿಗೆಲೆ ಅಪಮಾನ್ ಕರ್ತಾ ಕೀ ... ? ತೂ೦ವೆ ಸಂಘಲೇ ಮ್ಹಣ್ಕೆ .. ತಿತ್ಲೆ ಶಕ್ತಿವಂತ ಝಲ್ಲೇರಿ ... ತಾಂಗೆಲೆ
ಹತ್ತಾ೦ತು ಮೊರ್ಚಾಕ ಹಾಂವ ಸದಾ ತಯ್ಯಾರ್ ... ತುಕ್ಕಾ ವಿಸೋರು ಜಾಯ್ನಾ ಮಾಲಿನಿ .. ತೂ ಮಕ್ಕಾ ಜಾಯಿ ... ತುಕ್ಕಾ ಸೊಡು೦ಕ ಮಕ್ಕಾ ಮನ ನಾ . "
ದ್ರೌಪದಿ : " ಹಾಂವೆ ಕಸಾಲೆ ಸಾಂಗ್ಚೆ
.. ? ಯೆವಚೆ ವಿಗ್ನ ತುಮ್ಗೆಲೆ ಪ್ರಾಣಾಕ ಸಂಚಕಾರ್ ... ಜಾವ್ಚ್ಯಾ ಪೂರೊ ಮೋಣು ... ಸುರ್ವೆಕಚಿ ಜಾಗ್ರತೆ ಸಂಘಿಲೆ .... ತಿತ್ಲೆಚಿ . ತಶಿ ಝಲ್ಲೆರಿ
... ಫಲ್ಲೇ ಅಮಾಸ ... ಅಂತಃಪುರಾ ಕಾಮಾಚ್ಯಾ೦ಕ ರಜಾ ಅಸ್ಸ . ಫಲ್ಲೆ ರಾತ್ರಿ ಎಕ್ಲೊಚಿ ನರ್ತನಶಾಲೆ ಕ ಯೆಯ್ಯಾತಿ . ಹಾಂವ ತುಮ್ಗೆಲೆ ಖತೀರಿ ರಕ್ಕುನ್
ಬೊಸ್ತಾ . ಕೊಣಯ್ ನಾತ್ತಿಲೆ ಜಾಗೇರಿ ಅಮ್ಮಿ ಮೆಳ್ಯಾ . " ಮೋಣು ಸಂಘುನ್
ಅಂತಃ ಪುರಾ ಕ ಧಾ೦ವ್ನ್ ಗೆಲ್ಲಿ . ಕೀಚಕು
ಸ್ಥಾ೦ಭಿತ ಝಲ್ಲೊ . ಮೌನ ಝಲ್ಲೋ . ಮನ ಹೃದಯಾಕ ಪಕ್ಕಂ- ಪುಕ್ಕ೦ ಅಯಿಲೀ೦ತಿ ... ಸಂತೋಷಾ ಭಾವನಾ
ಆಯಿಲಿ . ಕನ್ನಾನಿ ಆಯಿಕಲೆಲೆ ದ್ರೌಪದಿಲೆ ಉತ್ತರಂ ನಂಗುಚ್ಯಾ ಜಾಯ್ನಿ . ಯಿತಲೇ ದಿವಸ ತನು ಮನ
ಆಂಧೀ ಮ್ಹಣ್ಕೆ ಹಲ್ಲೆಯಿಲಿ .. ಹ್ಯೀ ಚಂದಿ ... ಆಜಿ ತೀ ಇತ್ಲಿ ಮನಾ ಖುಷಿ ಕರ್ತಾಲಿ ಮೋಣು ಲೆಕ್ಕನಿ . ಭೂಮಿ
ಹಲ್ಲೋಚೆ ಮಹಾ ಶಕ್ತಿ ಸುಂಟರವಾರೆ ಯೆಕ್ಕ ಪಂಕ್ತಾ ರಬಲೆ ಮ್ಹಣ್ಕೆ ದಿಸ್ಲೆ . ಮನ ಹೃದಯ ಹಗುರ
ಝಲ್ಲೆ . ಮನ ವೂಹ ಲೋಕಾಂತ್ ... ಊ೦ಚ ಆಕಾಶಾರಿ ... ಪರ್ವತಾರಿ ಪಕ್ಕಂ ಸೊಡ್ವಾನು ಉಬ್ಲೆ ಮ್ಹಣ್ಕೆ
ಅನುಭೂತಿ ಝಲ್ಲಿ .. ಸಂತೋಷು ಇತ್ಲೆ ತಿತ್ಲೆ ಮೋಣು ಧೊರುಂ ಜಾಯ್ನಿ . ಫಲ್ಲೆ ಅಮಾವಾಸ್ಯ ... ಕಿತ್ಲೆಕೀ ಅಮಾವಾಸ್ಯ ಹ್ಯೇ ಜೀವನಾಂತು ಯೇವ್ನ್ ಗೆಲ್ಲೆ . ಲೇಕ .. ನಾ . ಫಲ್ಲೇ ಅಮಾವಾಸ್ಯ ... ಮಕ್ಕ
ಪುನ್ನವ ಝತ್ತಲೇ .. ಮ್ಹಳ್ಳಲೆ ಆನಂದ .. ಮಹದಾನಂದ ಸಂತೋಷು ಝಲ್ಲೆ . ಮದಿರಾ ಹತ್ತಾ ಘೇವ್ನು .. ಪೀವ್ನು
ಕನ್ನಡಿ ಎದ್ರಾ ವೊಚ್ಚುನ್ ರಾಬ್ಲೊ .. ಕನ್ನಡಿ೦ತು ಮನ್ಮತು ಶೀ ದಿಸ್ಲೊ ಮತ್ತೆ ಕೇಸು ಮಕ್ಷಿ
ಕೋರ್ನು ... ಮೀಶಿ ಕೊಂಬು ಶೀ ಘು೦ವಡಾನ ... ಪ್ರೀತಿ ದೊಳೆಂತ್ ಹಾಣು ಆನಂದ ಪಾವಲೋ . ಕಾಲ ಚಕ್ರ ಮಿಗೆಲೆ ಹಾತ್ತಾ೦ತ್ ಅಶಿಲೆ
ಝಲ್ಲೆರಿ .. ಫಲ್ಲೇ ದಿವಸು ಅತ್ತಾಚಿ ಹಾಡ್ತಾಶಿಲೋ ಮೂ ... ತಹ ತಹ ಸಂಕಟ ಪಾವಲೋ .
ತ್ಯೇ ರಾತ್ರಿ .. ದ್ರೌಪದಿ ರಹಸ್ಯ ಜಾವ್ನ್ ಭೀಮಸೇನಾಕ ವೊಚ್ಚುನ್ ಮೆಳ್ಳಿ . ಕೀಚಕಾಲೆ ವಿಷಯು ಸಂಘಲೊ
...ಕೀಚಕಾಲೆ ಮರಣ ಮುಹೂರ್ತ ನಿಶ್ಚಯ ಕೆಲ್ಲೆ .
ಉಮಾಪತಿ
No comments:
Post a Comment