KONKANI CHINTANA ( Konkani Bhashentu )
ShravaNa Punnava , Sutta Punnava , Raakhi Punnava
ರಕ್ಷಾ ಬಂಧನ ಅನಿ ಸುತ್ತಾ ಪುನ್ನವ ಅಮ್ಮಿ ಸರ್ವ ಹಿಂದೂ ಲೋಕ ಆಚರಣ ಕರ್ತಾತಿ . ಶ್ರಾವಣ ಪುನ್ನವ ಆಗಸ್ಟ್ ಕಡೇ ವಾರಾಂತು ಯೆತ್ತಾ . ತ್ಯೆ ದಿವಸು ಘರಾ ಯಜಮಾನು ದೇವಸ್ಥಾನ ವೊಚ್ಚುನು ಭಕ್ತೀರಿ ನಾರ್ಲ ಕೇಳೆ , ಫಲ ವಸ್ತು ದೇವಾಕ ಸಮರ್ಪಣಾ ಕೋರ್ನು,ನವ್ವೆ ಜನ್ನುವೆ ಘಾಲ್ನು, ಪಿತೃಆತ್ಮಾ೦ಕ
ಹ್ಯೆಚಿ ದಿವಸು ರಕ್ಷಾ ಬಂಧನ ಕಾರ್ಯ ಕ್ರಮು ಅಸ್ತ .ಸಕಾಣಿಫುಡೆ ಭೈಣಿ ಭಾವಾಕ ಸೊದ್ದುನು ವೊಚ್ಚುನು ನಿಡ್ಲಾ ತೀಳೋ ಕೋರ್ನು ಆರತಿ ಕೋರ್ನು ಭಾವಾಲೆ ಉಜೆವೆ ಹತ್ತಾಕ ರಕ್ಷಾ ಬಂಧನ ಬಂಧುನು ಭಾವಾಲೆ / ಅಣ್ಣಾಲೆ ಆಯುರ್ ಅರೋಗ್ಯ ಖತೀರಿ ಪ್ರಾರ್ಥನಾ ಕೋರ್ನು ತೊಂಡಾಂತು ಗೊಡ್ಶೆ ಖಾಣ ಖಾವ್ವೋನು ಆಶೀರ್ವಾದು ಕರ್ತಾತಿ ನಾತ್ಲೆರಿ ಅಶೀರ್ವಾದು ಮಾಗ್ತಾತಿ . ಭಾವಾಕ ಸನ್ಪಣಾ ದಿವಸ ಉಡ್ಘಾಸ್ ಕರ್ತಾತಿ . . ಫೋಟೋನು ಧೋರ್ನು ತಾಂಗೆಲೆ ಪ್ರೀತಿ ವ್ಯಕ್ತ ಕರ್ತಾತಿ , ತ್ಯೆಚಿ ವೆಳ್ಯೇರಿ ಭಾವು - ಭಯಿಣೆಕ ಉಡ್ಗಿರೆ ಕೋರ್ಚ್ಯೇ ಕೀ ಅಶೀರ್ವಾದ ಕೋರ್ನು ಆಶ್ವಾಸನ ಕರ್ತಾ ತುಗ್ಗೆಲ್ ರಕ್ಷಣಾ ಹಾಂವ ಕರತಾ , ತುಗ್ಗೆಲ್ ಮನಾ ಅಷ್ಶಿಲೊ ಚೆಲ್ಲ್ಯಾಕ ದೀವ್ನು ವ್ಹರ್ಡಿಕ ಕರತಾ , ತುಕ್ಕಾ ಕೆದನಾಯಿ ಸೋಣು ಘಾಲ್ನಾ , ಕಷ್ಟಾ೦ತುಯೀ ಹಾಂವ ಯೇವ್ನು ಪಾವತಾ . ಆನಮ್ಮಾ ನಂತರ ಪಿತೃ ಸ್ಥಾನಾರಿ ರಾಬ್ಬೊನು ಕುಳಾರ್ಚ್ಯೇ ಪರಿಪೂರ್ಣ ಸುಖ ಶಾಂತಿ ಹಾಂವ ತುಕ್ಕಾ ದಿತ್ತಾ ಮ್ಹಳ್ಳೆಲೆ ಪ್ರತಿಜ್ಞಾ ಕರತಾ . .ರಕ್ಷಾ ಬಂಧನ ಭೈಣಿನ ಭಾವಾಕ ದಕ್ಕೋಚ್ಯೇ ಪ್ರೀತಿ ..ಬಾವನ ಭೈಣೆಕ ದಿವ್ಚ್ಯೇ ಆಶ್ವಾಸನ ,ಮುಕಾರ್ಚ್ಯೇ ರಕ್ಷಣಾ ತಿಕ್ಕಾ ತಿಗೆಲೆ ಚೆರ್ಡುವಾಂಕ ಆರಕ್ಷಣಾ .. ಹ್ಯೋ ಯೇಕು ಆತ್ಮಮೀಯ ಸನ್ನಿವೇಷು . ಭಾವನಾತ್ಮಕ ಸಂಬಂಧು .
ಆಮ್ಗೆಲೆ ಪುರಾಣ , ಇತಿಹಾಸ , ಆಮ್ಗೆಲೆ ಸಂಸ್ಕ್ರತಿ .. ರಕ್ಷಾಬಂಧನಾಕ ಅತೀ ಮಹತ್ವ ದಿತ್ತಾ . ವಿಷ್ಣು ಪುರಾಣಾಂತು .. ಯಶೋಧೆ ಶ್ರೀ ಕೃಷ್ಣಾಕ ರಕ್ಷಾ ಬಂಧನ ಕೋರ್ನು ತಗೆಲೆ ರಕ್ಷಣೆಕ ವಿಷ್ಣುಲೆ ಸ್ತುತಿ ಕೆಲ್ಲೆಲೆ ಕಳಿತಾ ಯೆತ್ತಾ . ಭವಿಷ್ಯ ಪುರಾಣಾಂತು ದೇವ ದಾನವ ಮಧ್ಯೆ ಯುದ್ದ್ಧ ಝತ್ತನ ಸಚಿ - ಇಂದ್ರಾಲೆ ಹತ್ತಾಕ ಹಳದಿ ದೊರಿ ಬಂಧುನು ವಿಷ್ಣುಲೆ ಅನುಗ್ರಹ ... ದೇವ ವಿಜಯಾಕ , ಇಂದ್ರಾಲೆ ದೀರ್ಘ ಕಾಲ ದೇವ ಪದವೀಕ ಮಾಗಣೆ ಕರ್ತಾ . ಭಾಗವತ ಪುರಾಣಾಂತು ಶ್ರೀ ಲಕ್ಷ್ಮಿ ... ಬಲಿಚಕ್ರವರ್ತಿಕ ರಾಖಿ ಬಂಧುನು ,ಭೈಣಿಲೆ ಪ್ರೀತಿ ದಕ್ಕೋನು ಶ್ರೀಮನ್ನಾರಾಯಣಾಕ ವೈಕುಂಠಾ ಅಪ್ಪೋನು ಹಾಡ್ತಾ . ಶಿಶುಪಾಲ ವೊಟ್ಟು ಯುದ್ಧ ಜಾತ್ತಾನಾ ..ಕೃಷ್ಣಾಲೇ ಹಾತ್ತಾ ಘಾಯು ಪೊಳೋನು ದ್ರೌಪದಿ ತಿಗೆಲೆ ಕಪ್ಪಡಾ ಅಂಚು ಪಿಂದುನು ಕೃಷ್ಣಾಲೆ ಹತ್ತಾ ಘಾಯಾಕ ಬಂಧುನು ತಿಗೆಲೆ ಪ್ರೀತಿ ವ್ಯಕ್ತ ಕರ್ತಾ , ಶಿವಾಲಿ ಪ್ರಾರ್ಥನಾ ಕರತಾ . ಕೃಷ್ಣು ದ್ರೌಪದಿಕ ವಚನ ದಿತ್ತಾ ' ತುಗ್ಗೆಲ್ ಹ್ಯೇ ಸುತ್ತಾ ಋಣ ಏಕ ನಾ ಏಕ ದಿವಸು ತುಗೆಲೆ ರಕ್ಷೇಕ ಪಾವೈತಾ 'ತುಗ್ಗೆಲ್ ಮಾನ ರಾಕ್ತಾ ಮೋಣು ಸಾಂಗ್ತಾ . ಅಲೆಕ್ಸಾಂಡರ್ ರಾಯು ಭಾರತಾ ವೈರಿ ಗ್ರೀಕ್ ಲೋಕ ಆಕ್ರಮಣ ವೆಳ್ಯೇರಿ , ತಗೆಲಿ ಬಾಯ್ಲ್ ರೊಕ್ಸಾನ ಭೈಣಿ ಜಾವ್ನು ಪುರೂರವ ಚಕ್ರವರ್ತೀಕ ರಕ್ಷಾ ಬಂಧನ ಕೋರ್ನು ಅಲೆಕ್ಸಾಂಡರ್ ರಾಯಾಕ ಕಕಸಲೆಯೀ ಘಾಯು ಜಾಯ್ನಾಶಿ ಜೀವ ದಾನ ಮಾಗ್ತಾ .ಯುದ್ಧಾ ಏಕ .ಲುಕ್ಸಾಣ್ಡ್ರ್ ವೆಳ್ಯೇರಿ .... ಅಲೆಕ್ಸಾ೦ಡರ್ ರಾಯು ಘೊಡೆ ವೈಲಾನ ಸಕಲ ಪಡ್ತಾ ಅನಿ ಪುರೂರವಾಲೆ ಬಂಧಿ ಝತ್ತ .ಪುರೂರವ ರಕ್ಷಾ ಬಂಧನ ಉಡ್ಘಾಸು ಯೇವ್ನು ಅಲೆಕ್ಸಾ೦ಡರ್ ಕ ಬಂಧಿ ದುಕುನು ವಿಮುಕ್ತಿ ಕರತಾ . ಹ್ಯೇ ಚರಿತ್ರೆ೦ತು ಯೆವ್ಚ್ಯೇ ಏಕ ಸಾನ ವಿಷಯು . ಅಸಲಿ ಕಿತ್ಲೆಕೀ ಉದಾಹರಣ ಸಾಂಗ್ತಾ ವೊಚ್ಛ್ಯೇತ . ರಾಬೀ೦ದ್ರನಾಥ ಟಾಗೋರ್ ಹಿಂದೂ ಮುಸ್ಲಿಂ ಐಕ್ಯತೆಕ ರಾಖಿ ಬಂಧುನು ಸಹೋದರ ಭಾವ ವ್ಯಕ್ತ ಕೋರ್ಕಾ ಮೋಣು ಬಂಗಾಲ್ ವಿಭಜನೆ ವೆಳ್ಯೇರಿ ಟಾಗೋರ್ ನ ಬೋರಾಯಿಲ್ ಕವಿತೆಂತು ಕಳ್ತಾ ..ಅಸಲೆ ಪುಣ್ಯ ಚರಿತ್ರ ಅಷ್ಶಿಲೆ ರಕ್ಷಾ ಬಂಧನಾ ದಿವಸು ...ಅಮ್ಮಿ ಸರ್ವ ಸ್ತ್ರೀ ಜಾತಿಕ ಮಾನ ರಕ್ಷೇಕ ಬದ್ಧ ಜಾವ್ಯಾ .. ಸ್ತ್ರೀ ಕುಲಾಕ ಮಾನ್ಯ - ಗೌರವ ದೀವ್ಯಾ . ತಾಂಗೆಲೆ ಪ್ರತಿಷ್ಠಾ ಸ್ವಾಭಿಮಾನ ಕ ಆತ್ಮ ಸಮರ್ಪಣಾ ಕೋರ್ಯಾ .
ಉಮಾಪತಿ
No comments:
Post a Comment