MAHABHARATH Part - 9 ( Konkani Bhashentu )
ದ್ರೌಪದಿ ಸಾಂತ್ವನ
ಭೀಷ್ಮ :" ಪುತ್ರ ದೃಥರಾಷ್ಟ್ರಾ ! ದೋಳೆ ನಾಶಿ ತೂ ಕುರ್ಡೊ ಜಾವ್ನು ಅಸ್ಸ . ಮಕ್ಕಾ ಪೊಳೆ ! ಸರ್ವ ಶಕ್ತಿ ಅಸ್ಸುನು ... ಮಾನಸಿಕ ಕುರ್ಡೊ ಹಾಂವ ಝಲ್ಲಾ ಪೊಳೆ ! ಪಾಂಡವಾಂಕ .. ವಿನೋದಾ ಖತಿರಿ ದ್ಯೂತ ಖೇಳು೦ಕ ಆಮಂತ್ರಿತ ಕೋರ್ನು ... ಅಷ್ಶಿ ಅವಮಾನ ಕೊರ್ಚೆ ಸ೦ಮ್ಮ್ ನೈ . ಆಜಿ ಪಾಂಡವಾಂಕ ಜಲ್ಲೆಲೆ ಅವಮಾನಾಕ ಸಾಂತ್ವನ ಕೊರ್ಚೆ ತುಗೆಲೆ ಕಾಮ . ತುಗೆಲೆ ಪುತ್ರ ಪ್ರೇಮ ಸರ್ವ ನಾಶಾಕ ಕಾರಣ ಜವ್ವು ನಜ್ಜ . ತುಗೆಲೆ ಚೆರ್ಡು೦ವಾನಿ ತಾಂಗೆಲೆ ಸ್ವನಾಶ ತನ್ನೀಚಿ ಹಾಡೋನು ಘೆತ್ಲಾ . ಖಂಚೇಯಿ ಏಕ ದಿವಸು ಸರ್ವ ನಾಶ ಜಾವಚೆ ಖಂಡಿತ.... ಝಲ್ಲೆಲೆ .. ಝಲ್ಲೆ . ಪಾಂಡವಾಂಕ ಸಂತೋಷಾರಿ ವಾಪಸ್ ಧಾಣು ದೀ . ದ್ರೌಪದಿ , ತೂಗೇಲ್ ಸೂನ . ತಿಗೆಲೆ ಮನಾಕ ತೃಪ್ತಿ , ಶಾಂತಿ ಹಾಡಯಿ . ಭ-ಭಾ೦ವಾ ಮಧ್ಯೆ ಶುರು ಝಲ್ಲೆಲೆ ದ್ವೇಷ ಸಮಾಪ್ತ ಕರಿ . ಕುರು ವಂಶಾ ಮಾಲ್ಘಡೊ ಜಾವ್ನು ತುಕ್ಕಾ ಆಜ್ಞಾ ಕರತಾ ". ಮೋಣು ಸಂಘುನು ವತ್ತಾ ರಾಬ್ಲೊ . ಮಾಕ್ಷೀಚಿ ಸರ್ವ ಉಠಾನು ರಾಬಲೆ ಸಭಾ ಅಂತ್ಯ ಝಲ್ಲೆ .
ದೃಥರಾಷ್ಟ್ರ :" ಅಮ್ಮಾ ದ್ರೌಪದಿ ! ಮಿಗೆಲೆ ಚೆರ್ಡು೦ವಾ ನಿಮಿತ್ಯ.... ತುಕ್ಕಾ ಮಸ್ತ ಅಪಮಾನು ಝಲ್ಲೆ . ಹಾಂವ ಕುರ್ಡೊ ...ನಿಸ್ಸಹಾಯಕು . ಮಿಗೆಲೆ ಚೆರ್ಡು೦ವಾ ತರ್ಪೇನ ... ಹಾಂವ ಕ್ಷಮಾಪಣಾ ಮಾಗ್ತಾ ಬಾಳಾ .! ಝಲ್ಲೆಲೆ ಯೆದೊಳ್ ತಾಯಿ ... ವಿಸರಿ ಅಮ್ಮಾ . ಗಂಧಾ ರುಕ್ಕಾ ಮೋಲ ... ರನ್ನಾ ರಬ್ಟಾಲೆಂಕ ಕಸಲೆ ಕಳ್ತಾ ! ತಶೀ೦ಚಿ ತುಗೆಲೆ ಪತಿ ವ್ರತೆ ಪಾವಿತ್ರ್ಯ ತಾ೦ಕಾ ಕಸಲೆ ಕಳ್ತಾ ! ಅಮ್ಮಾ ದ್ರೌಪದಿ ..! ತೂ೦ವೆ ಸಂತೋಷಾರಿ ಅಸ್ಸುಕಾ ... ನಿಮಗೀ ಚರ್ಡಾ ... ತುಗೆಲೆ ಸಂತೋಷಾ ಖತಿರಿ ಹಾಂವ ವರು ದಿತ್ತಾ ... ನಿಮಗೀ .... " ಮ್ಹಳ್ಳಲೋ .
ದ್ರೌಪದಿ :" ಮಾಮಾ ..! ಶಾಂತ ಮೂರ್ತಿ ಧರ್ಮರಾಯಾಕ , ಅನಿ ಮಿಗೆಲೆ ಬಾಕಿ ಬಾಮ್ಣಾ೦ಕ ದಾಸ್ಯಾ ದುಕುನು ವಿಮುಕ್ತಿ ಪ್ರಸಾದು ದೀ "
ದೃಥರಾಷ್ಟ್ರ :"ಜಾಯ್ತ ಚೆರ್ಡಾ ! ಹಾಂವ ತುಕ್ಕಾ ಅನಿ ಯೆಕು ವರು ದಿತ್ತಾ . ಮಿಗೆಲೆ ಸೂನ ಝಲ್ಲೆಲಿ ತುಕ್ಕಾ .. ಇಂದ್ರಪ್ರಸ್ಥ ರಾಜ್ಯ , ಪಾಂಡವಾನಿ ಪರಾಜಯ ಝಲ್ಲೆಲೆ ... ಧನ , ಕನಕ ,ಗಜ , ತುರಗ , ಪದಾತಿ ಸೈನ್ಯ ,ರಾಜ್ಯ ಪ್ರಜಾ ಲೋಕಾಂಕ ... ವಾಪಾಸ್ ತುಕ್ಕ ಉಡ್ಗಿರೆ ಜಾವ್ನು ದಿತ್ತಾ .... ತೂ.. ತುಗೆಲೆ ಬಮ್ಮ್ಣಾ೦ಗೇಲ್ ವೊಟ್ಟು .. ಸುಖಾರಿ .. ಸುಮಂಗಲಿ ಜಾವ್ನು , ದೀರ್ಘಾಯು ಜಾವ್ನು ರಾಬ ಅಮ್ಮಾ "ಮೋಣು ಸಂಘುನು ಆಶೀರ್ವಾದ್ ಕೆಲ್ಲೊ . ತಿತ್ಲೆ ಭಿತರಿ ಧುರ್ಯೋಧನ , ಕರ್ಣ , ಶಕುನಿ ಥಂಯ್ ಯೇವ್ನು , ಪಾಂಡವಾಂಕ ಪೊಳೊನ್ ಅಪಹಾಸ್ಯ ಕೆಲ್ಲೆ . ಮಹಾ ಪೌರುಷವಾನ್ ಲೋಕು ... ಅಭಿಮಾನ ಭೋರ್ನು ವಿರಕತಲೇ ಲೋಕು ... ಬಾಯ್ಲ್ ಮನ್ಶೇಲೆ ದೊಳೆ ಉತಕಾನಿ ಸಂಪಾದನ ಕೆಲ್ಲೆಲೆ ರಾಜ್ಯ ಕಷ್ಶಿ ಪಾಲನಾ ಕರ್ತಾತಿ ಕೀ !... ಥೂ ..!ಮರ್ಯಾದಿ ನಾತ್ತಿಲೆ ಜೀವನ ಹಾಂಗೇಲೆ ..! ತಸಲೆ ರಾಜ್ಯ ಅಸ್ಲೆರಿ ಕಿತ್ಯೇ ..! ನಾತ್ಲೆರಿ ಕಿತ್ಯೇ .. ! ಹನ್ನಿ ಕ್ಷತ್ರಿಯ ವೇ ..? ದೃಥರಾಷ್ಟ್ರ ಮಹಾರಾಜಾನ ದ್ಯೂತಾ೦ತು ಮೆಳ್ಳೆಲೆ ಸ್ವತ್ತು ಸೈನ್ಯ , ರಾಜ್ಯ , ಧನ , ಕನಕ , ಪಾಂಡವಾಂಕ ವಾಪಾಸ್ ಕೆಲ್ಲೆಲೆ ... ಧುರ್ಯೋಧನಾಕ ಲಗ್ಗನಿ . ವಾಪಾಸ್ ತಾಗೆಲ್ ಮನ , ದ್ರೌಪದಿ 'ಪ್ರತೀಕಾರ' ಮನಾ ಅಯಿಲೆ . ಛೇ ! ಹತ್ತಾ ಅಯಿಲೆ ಮಿಠಾಯಿ .. ಜಿಬ್ಬೆ ಲಗ್ಗಿ ಪಾವನಿ ಮೂ ... ಮೋಣು ಸಂತಾಪು ಝಲ್ಲೋ .
ಶಕುನಿ :" ಧುರ್ಯೋಧನಾ ! ಮಿಗೆಲೆ ದ್ಯೂತ ಸಾಧನಾ ಉತ್ಕಾಂತು ಕೆಲ್ಲೆಲೆ ಹೋಮುಸೋ ಝಲ್ಲೊಮೂ .... ಮೋಣು ಸಂಕಟ ಝತ್ತಾ . ವಣ್ತಿ ಕ ಮಾರ್ಲೆಲೆ ಮೋಳೋ ಕಾಣು ... ಕನ್ನಾ೦ತು ಮಾರ್ನು ಘೆತ್ಲೆ ಮ್ಹಣ್ಕೆ ಝಲ್ಲೆ . ಪೊಳೆ ಧುರ್ಯೋಧನಾ ! ಪಾಂಡವ ಮಾರ್ ಲಗ್ಗಿಲೆ ಸರೋಪು ಶೀ ಜಲ್ಲಿ೦ತಿ ... ತಾನ್ನಿ ಆಯೀಚೆ ಘಠನೆ ವಿಷಯು ಘೇವ್ನು ಪ್ರತೀಕಾರು ಕರ್ನಾಶಿ ರಬ್ಬನಾತಿ . ಯೆದ್ದೋಳು ಭಿತರಿ ಹಸ್ತಿನಾವತಿ ಯುಧ್ಧ ಘೋಷಣ ಕೆಲ್ಲೇರಿಯಿ ತಂತು ಆಶ್ಚರ್ಯ ಕಾಯಿ ನಾ ... ತುಗೆಲೆ ಸಹಾಯಾಕ ಹಾಂವೆ ಅನಿ ಕರ್ಣಾನ ಮಾತ್ರ ಯೇವ್ಕಾ ....! ವಿನಾಃ ..ಅನಿ ಕೊಣಾಯ್ಯ್ ಯೆತ್ತಲಿ೦ತಿ ಮೋಣು ಲೆಕ್ಕುನುಕ್ಕಾ ... ಕಸಲೆಕ ಮ್ಹಳ್ಳಾರೀ .. ಭೀಷ್ಮ , ದ್ರೋಣ , ಕೃಪಾಚಾರ್ಯ , ಬಾಹ್ಲಿಕ , ಸೋಮದತ್ತ , ಭೂರಿಶ್ರವ , ವಿದುರ ಹಾನ್ನಿ ಪೂರಾ ಪಾಂಡವ ಪಕ್ಷಪಾತಿ . ತುಗೆಲೆ ತರ್ಪೇನ ಯೆತ್ತಾತಿ ಮೋಣು ಸ್ವಾಪ್ಪನಾ ತಾಯಿ ಲೆಕ್ಕುನುಕ್ಕಾ ..." ಅನೀಕಯಿ ಧುರ್ಯೋಧನಾಲೆ ಮನಾ೦ತು ಉಜ್ಜೋ ಘಲ್ಲೋ .
ಧುರ್ಯೋಧನ : " ತಶಿ ಝಾಲ್ಲ್ಯಾರಿ .. ಕಸಲೆ ಕೊರ್ಚೆ ಮಾಮಾ ! ? "
ಕರ್ಣ :" ಮಿತ್ರ ಧುರ್ಯೋಧನಾ ! ಕಸಲೆಕ ಯಚ್ಚನ ಕಾಡ್ತಾ ?... ತು೦ವೆ .. ಅನಿ ಹಾಂವೇ .. ಯುದ್ಧ ರಂಗಾ೦ತು ಧೈರ್ಯಾರಿ ರಾಬ್ಲೇರಿ ... ಅಸಲೆ ಶಂಬರಿ ಪಾಂಡವ ಆಯ್ಲೆರಿಯ್ .. ಭೀವ್ಕಾ ಮೋಣು ನಾ”
ಶಕುನಿ :" ಕರ್ಣಾ ! ಪ್ರತೀ ಏಕ ಸಮಸ್ಯೇಕ ಯುದ್ಧ ಪರಿಹಾರ್ ನಯ್ . ಹತ್ತಾ ನಾ೦ಕಟಾನ ಚಿವುಟುನು ಕಾಡ್ಚೆ ಕಾಮಾಕ ... ಕುರ್ರಾಡಿ ಜಾವ್ಕಾ ವೇ ? ಕರ್ಣಾ ! ಸ್ವಲ್ಪ ಭುದ್ಧಿ ಉಪಯುಕ್ತ ಕರಿ .. ಆನ್ನೇಕ ಪೊಟಿ ದೃಥ ರಾಷ್ಟ್ರಾಕ ... ಶರಣ ವೊಚ್ಚುಕಾ .. ಧುರ್ಯೋಧನಾ ! ಹೇ ಪಂಕ್ತಾ ದೃಥರಾಷ್ಟ್ರಾಲೆ ವೊಚ್ಚುನು ಮೆಳ್ಚೆ ನಕ್ಕಾ ... ತಾಣೆಚಿ ತುಗೆಲೇ ಯೆವ್ಚೆ ತಶಿ ಕೊರ್ಚೆ .. ಏಕ ಉಪಾಯು ಸಾಂಗ್ತಾ ... " ಮ್ಹಳ್ಳಲೋ
ಉಮಾಪತಿ
No comments:
Post a Comment