MAHABHARATH Part - 71 Gaandhari shrapu ( Konkani Bhashentu )

MAHABHARATH  Part - 71  ( Konkani Bhashentu ) 

Gaandhari Shrapu ...ಗಾಂಧಾರಿ ಶ್ರಾಪ

                           ಭೀಮ ಸೇನಾಲೆ ಲೋಹ ಮೂರ್ತಿ ... ಭೀಮ ಸೇನಾ ಮೋಣು ಲೆಕ್ಕುನ್ ನ್ನಿ  ಹತ್ತಾ  ಮಧ್ಯೆ ಆಲಿಂಗನ ಕೊರ್ಚೆ ನೆವನೇರಿ ಶಕ್ತಿ ಘಾಲ್ನ್ ಪ್ರತಿಶೋಧಾ ಪ್ರಯತ್ನ ವಿಫಲ ಝಲ್ಲೆ ನಂತರ ಧ್ರಥರಾಷ್ಟ್ರಾಕ ಮಸ್ತ ಲಜ್ಜಿ ಝಲ್ಲಿ . ಕೃಷ್ಣ ಅನಿ ವ್ಯಾಸ ಮಹರ್ಷಿ ನ ಚೂಕಿ  ಕೆಲ್ಲಿ ಮೋಣು ಬುದ್ಧಿವಾದ ಸಾಂಗ್ಲೆ . ದೃಥ ರಾಷ್ಟ್ರಾ ಕ ಸಾಂತ್ವನ ಕರ್ತಾ ಚಿ .. ಧರ್ಮರಾಯು ", ಮಂಥಾ .. ! ಅ೦ಮ್ಮಿ ತುಗೆಲೆ ಭಾವಾಲೆ  ಚೆರ್ಡು೦ವ , ತಶೀಚಿ ತುಗ್ಗೆಲ್ ಚೆರ್ಡು೦ವಯಿ ನವೇ  .. ?ಮಂಥಾ ... 

ಕೊಣಾಲೆಯಿ ನಿಮಿತ್ಯ ಅಪಚಾರ ಜಾವ್ನ್ ಅಸ್ಲೆರಿಯಿ .. ನಿಡ್ಲಾರಿ ಬರೆಯಿಲೆ ತಶಿ ಜಾವ್ನ್ ಗೆಲ್ಲೆ . ಧುರ್ಯೋಧನಾನ ಆಸ್ತಾನಾ ಅಂತಃಪುರಾಂತು ಖಂಚೆ ನಮುನೆ ರಾಜೋಪಚಾರ ತುಕ್ಕಾ ಝತ್ತಾ ಅಷ್ಶಿಲೆ ಕೀ .. ತಿತ್ಲೆಚಿ ರಾಜೋಪಚಾರು ಆತ್ತಯಿ ಜಾವ್ಚೆ ತಶಿ ಅಮ್ಮಿ ಪೊಳೊನ್ ಘೆತ್ತಾತಿ . ತುಗೆಲೆ ಮಲಘಡೆ ಪಣಾಕ , ತುಗೆಲೆ ಸ್ವಾಭಿಮಾನಾ ಕ ಕಸಲೇಯ್ ಊಣೆ ಜಾಯ್ನಾಶಿ ಅಮ್ಮಿ ಪೊಳೊನ್ ಘೇವ್ನ್ ತುಗೆಲ್ ಸೇವಾ ಕರ್ತಾತಿ . ತುಗೆಲೆ ಆಜ್ಞಾ ಪ್ರಕಾರ ಅಮ್ಮಿ ಚಲ್ತಾತಿ  " 

                             ಗಾಂಧಾರಿ ದೇವಿಕ , ಧರ್ಮರಾಯಾ ವೈರಿ ಅಷ್ಶಿಲೊ ಕೋಪು ಕಾಯೀ ಊಣೆ ಜಾಯ್ನಿ . ವಿನಯಾನ ಧರ್ಮರಾಯಾನ ಉಲ್ಲೋಚೆ ಪೊಳೊನ್ ಅನಿಕಯ್ ತಿಕ್ಕಾ ಕೋಪು ಅಯಿಲೊ . " ಧರ್ಮಜಾ ... ! ಪೂರೋ ಕರಿ ... ಉಲ್ಲೋಚೆ ಉತ್ತ್ರಾ೦ತು ಮಾತ್ರ ... ಧರ್ಮಾಚೆ ಗೊಡ್ಸಾಣಿ ... ಮನಾಂತು ಕೋಡು ವಿಷ ... !ಕುರು ಕುಲಾಕ ಮೂಲ ಸ್ಥ೦ಬೋಶೀ  ಅಶಿಲೋ ಭೀಷ್ಮಾಚಾರ್ಯಾಕ ಶರ ಮಂಚಾರಿ ಘಾಲ್ಲಾ ಮೂ ... ! ಹೇ ಖಂಚೆ ಧರ್ಮಾ ಪ್ರಕಾರ .. ? ಗುರು ದೇವ ದ್ರೋಣಾಚಾರ್ಯಾಲೆ ಪೂತು' ಅಶ್ವಥಾಮ ಮರಣ ಪಾವ್ಲೋ ' ಮೋಣು ಫಟ್ಟಿ ಸಂಘಿಲೆ .... ಶಸ್ತ್ರ ಸನ್ಯಾಸ ಕೊರೊನ್ ... ದಿವಿಶಿ ಮಾರ್ಲೆಲೆ ಖಂಚೆ ಧರ್ಮ ಆಧಾರ್ ಕೋರ್ನು ..? ರಥಾ ಚಕ್ರ 

ಸ೦ಮ್ಮ್ ಕೊರುಂಕ ರಥಾರಿ ದುಕೂನ್ ದೆವ್ವಿಲೆ ಕರ್ಣಾಕ  ... ನಿಶಸ್ತ್ರ ಜಾವ್ನ್ ಅಷ್ಶಿಲೆ ವೆಳ್ಯೇರಿ , ಬಾಣ ಪ್ರಯೋಗ ಕೋರ್ನ್ ದಿವಿಶಿ ಮಾರ್ಲೆಲೆ ... ಖಂಚೆ ಧರ್ಮಾ ಆಧಾರಾರಿ .. ? ಆಪ್ತ , ಆತ್ಮೀಯ , ಬಂಧು ಮಿತ್ರ , ಕೊಣಯ್ ಲಗ್ಗಿ ನಾಶಿ .. ಮನ ಸ೦ಮ್ಮನಾಶಿ , ಚಿಂತಾ ಜನಕ ಪರಿಸ್ತಿಥಿರಿ ವೈಶಂಪಾಯನ ತಳೆ೦ತು ಅಷ್ಶಿಲೆ ಆಯ್ಕುನ್ , ತಾಗೆಲ್ ಮನ ಅನಿಕಯ್ ಉದ್ರೇಕ ಕೊರ್ನ್ , ಅಧರ್ಮ ಗಧಾ ಯುದ್ಧ ಕೊರ್ನ್ ... ಧುರ್ಯೋಧನಾಕ ದಿವಿಶಿ ಮಾರ್ಲೆ ಮೂ .. ! ಖಂಚೆ ಧರ್ಮಾ ಆಧಾರಾರಿ .. ? ಧರ್ಮರಾಯಾ ... ! ಉಜ್ಜ್ಯೋ  ವಾಡ್ವಾಚ್ಯಾಕ  ಉಜ್ಜ್ಯೋಚ್ಯಿ ಜಾಯಿ ಕೀ .. ? ಅಧರ್ಮ.. ಅಧರ್ಮಾ ನಿಮಿತ್ಯಚಿ ..  ಅಂತ್ಯ ಕೋರ್ಕಾ ಕೀ .. ?ಮಿಗೆಲೆ ಅಷ್ಶಿಲೆ ಪತಿವೃತಾ ಶಕ್ತಿ ನಿಮಿತ್ಯ ... ಅತ್ತಾಚಿ ಭಸ್ಮ ಕರ್ತಾ ತುಕ್ಕಾ " ಮೋಣು  ಸಂಘುನ್ ಉಠಾನ್ ರಬ್ಲಿ ಗಾಂಧಾರಿ ದೇವಿ ... ಕೃಷ್ಣು ಧಾಂವ್ನ್ ಅಯಿಲೊ ಮಧ್ಯೇ೦ತು ... " ಅಮ್ಮಾ .. ! ಗಾಂಧಾರಿ ದೇವಿ .. ಪೂರೋ ಕರಿ .. ರಾಬ . ಹಾಂಗಾ ಹಾಂವ ಅಸ್ಸ ... ವ್ಯಾಸ ಮಹರ್ಷಿ ಅಸ್ಸ ... ಹಾಂಗಾ ತುಗ್ಗೆಲ್ ಕೋಪಾನ ದಿವ್ಚೆ ಶ್ರಾಪ ಕಾಮ ಕರ್ನಾ " ಗಾಂಧಾರಿ ಕ ಅನಿಕಯ್ ಕೋಪು ಅಯಿಲೊ . " ಪತಿವೃತಾ ಲೋಕಾಂಕ  , ತ್ಯೆ ತ್ರಿಮೂರ್ತಿ ತಾಂಯ್ ಭಿತ್ತಾತಿ ... ಕೃಷ್ಣಾ .. ! ಹೇ ಕುರುಕ್ಷೇತ್ರ ಯುದ್ಧಾ ಕ 

ಕಾರಣ.. ಕಾರಕು .. ತೂಂಚಿ .. ! ದಂಡನ ಕೊರ್ಚ್ಯೇ ಅಸ್ಲೆರಿ .. ತ್ಯೆ ಸುರ್ವೆಕ ತುಕ್ಕಾ .. ಕೋರ್ಕಾ ಕೃಷ್ಣಾ ..! ಸಂಧಾನಾಕ ಮೋಣು ಹಸ್ತಿನಾವತಿಕ ಯೇವ್ನ್ .. ಕೌರವಾಂಕ ಉದ್ರೇಕ ಹಾಡಾಯಿಲೊ . ಸಮಸ್ತ ಜಗತ್ಯಾಕ ... ಪಾಂಚ ಪಟ್ಟಣ ದಿವ್ಚ್ಯಾ ಜಾಯ್ನಾ ನತ್ತಿಲೊ .. ದುರಾತ್ಮ ಧುರ್ಯೋಧನ .. ಮೋಣು ಪ್ರಚಾರ ಕೆಲ್ಲೆ . ಕುರು ಸಭೆ೦ತ್  , ಪಾಂಡವಾಂಗೆಲೆ ಶಕ್ತಿ ವಿಷಯಾನ ವರ್ಣನಾ ಕೊರ್ನ್ ... ಯುದ್ಧಾ ಕ ನಾಂದಿ ದಿವ್ವೋ  ಲಯ್ಯಿಲೆ ತೂ೦ವೇ ... ಮಿಗೆಲೆ  ಶಂಬರಿ ಚೆರ್ಡು೦ವ ..ನಾತ್ರ೦... 

ಭಾಂವ್ಢ .. ಜಾವೈ .. ಸಕ್ಕಡ  ಯುದ್ಧಾ೦ತು ನಾಶ ಜಾವ್ಚ್ಯಾಕ  ಕಾರಣ ತೂ ... ತುಗೆಲೆ ಕುಹಕಿ ಕುಟಿಲ ನೀತಿ ... ಕುಹಕಿ ಬುದ್ಧಿ ನಿಮಿತ್ಯ ಪಾಂಡವ ಯುದ್ಧ ಕೊರುಂಕ ಮುಕಾರ್ಸುನ್ ಅಯಿಲೆ . ಇತ್ಲೆ ಸರ್ವ ನಾಶಾಕ  ಕಾರಣ ತೂ .. ಕೃಷ್ಣಾ ... ! ಕುರು ವಂಶ ಕಷ್ಶಿ ನಾಶ ಝಲ್ಲೆ ಕೀ  ... ತಶೀ೦ಚ್ಯಿ ... ತುಗೆಲೆ ಯದುಕುಲ ಸರ್ವ ನಾಶ ಝವ್ವೊ ... ! ಧುರ್ಯೋಧನಾ ಮ್ಹಣ್ಕೆ ... ತೂ೦ವೈ ಕೊಣಾಲೇಯ್ ದಿಶಾ ನಾಶಿ ... ತೂ೦ವೈ ... ಕೋಣಾಲೇಯ್ ಸಹಾಯು ನಾಶಿ .. ಮೋರ್ಕಾ .. ! ಹ್ಯೇ  ಮಿಗೆಲೆ ಶ್ರಾಪ ತುಕ್ಕಾ .... ! " ... ಕೃಷ್ಣು  ಹಾಸ್ಲೊ .. " ಜಾವ್ವೋ  ... ಅತ್ತಾ .. ! ತುಕ್ಕ ಸಂತೋಷು ಝಲ್ಲೋ ನವೇ .. ? ತಿತ್ಲೆಂಚಿ ಪೂರೋ ಮಕ್ಕಾ . ದುರ್ವಾಸ ಮಹರ್ಷಿನ .. ಹೇ ಶ್ರಾಪ

ಮಕ್ಕಾ  ಕೆದನ್ಕೀ ದಿಲ್ಲಾ ... ! ತ್ಯೇ೦ಚಿ ಶ್ರಾಪ ...  ಆಜಿ ತೂ೦ವೆ ಮಕ್ಕಾ ದಿಲ್ಲೆ . ವಿಧಿ ನಿಯಮ ಕೋಣಾಕಯಿ ಸೋಣಾ . ದ್ವಾಪರ ಯುಗ ಸಮಾಪ್ತ್ ಝತ್ತಾ ..ಕಲಿಯುಗ ... ಯೆತ್ತಾ ಅಸ್ಸ . ನವ್ವೋ   ಚಿಗುರು ಯೆತ್ತಾನಾ ... ಪೊರ್ನೆ ಫಲ್ಲೋ , ಫಲ , ಬಾವ್ನ್ ಸಕಲ ಪೊಡ್ಚೆ ಪೃಕೃತಿ ನಿಯಮ . ತುಗೆಲೆ ಶ್ರಾಪಾ ನಿಮಿತ್ಯ ಮಕ್ಕಾ ಕಾಯೀ ಕೋಪು ಏನಿ ... ಮಕ್ಕಾ ಮನಾ ದೂಕಿ ಜಾಯ್ನಿ ... ಸಂತಾಪು ಜಾಯ್ನಿ ... ದುಃಖ ಜಾಯ್ನಿ " ಮ್ಹಳ್ಳಲೊ ಕೃಷ್ಣ . 

                                  ಗಾಂಧಾರಿ ಶ್ರಾಪು , ಕೋಪು , ಸಂತಾಪು ಪೊಳೊನ್ ವ್ಯಾಸ ಮಹರ್ಷಿಲೆ ಮನಾ ದುಃಖ ಝಲ್ಲೆ  .. " ಪುತ್ರಿ .. ಗಾಂಧಾರಿ .. ! ಕೃಷ್ಣಾ ಕ ಶ್ರಾಪ್ ದೀವ್ನ್ .. ತುಗೆಲೆ ಪತಿವೃತಾ ಶಕ್ತಿ ನಾಶ ಕೊರ್ನ್ ಘೆತ್ಲೆ ... ಕೃಷ್ಣಾ ಕ ಶ್ರಾಪ ದೀವ್ನ್ ತೂ  ವಾಯಿಟಿ ಝಲ್ಲಿ . ಕೃಷ್ಣು ... ಸಾಕ್ಷಾತ್ ಶ್ರೀಮನ್ನಾರಾಯಣ .. ! ಹೇ ಮಹಾ ಯುದ್ಧ ಕೋರ್ಕಾ ಮೋಣುಚಿ ಅವತಾರು ಘೆತ್ತಿಲೊ ಮಹಾ ಪುರುಷ . ಮರಣ ನತ್ತಿಲೆ ದೇವತಾ ರೂಪಾಕ ಮರಣ ಶ್ರಾಪ ದೀವ್ನು ... ತ್ಯೆ ಪರಮಾತ್ಮಾಕ ಅನ್ಯಾಯು ಕೆಲ್ಲೆ . ಗಾಂಧಾರಿ ... ! ವಸ ..  ಕೃಷ್ಣಾಲೆ ಪಯ್ಯಾರಿ ಪೋಣು ಕ್ಷಮಾಪಣ ಮಾಗ . " ಮ್ಹಳ್ಳಲೊ ವ್ಯಾಸ ಮಹರ್ಷಿ . ಗಾಂಧಾರಿಕ ತೀಣೆ  ಕೆಲ್ಲೆಲೆ ಚೂಕಿ  ಮೋಣು ಕಳ್ಳೆ . ಕೃಷ್ಣಾಲೆ ಪಯ್ಯಾರಿ ಫೋಣು , ಚರಣಾರಿ ದೊಳೆ ಉತ್ಕಾನಿ ಅಭಿಷೇಖ ಕೆಲ್ಲೆ . " ದೀನ ಶರಣ್ಯಾ .. ಪರಮ ಪುರುಷಾ .. ಭಕ್ತ ರಕ್ಷಕಾ ... ಆವೇಷು ಯೇವ್ನ್ ಕೋಪಾನ ಚೂಕಿ ಕೆಲ್ಲೆ .ಹೇ ಮಿಗೆಲೆ ಅಪರಾಧಾಕ ಕ್ಷಮಾ ಕರಿ ಮಿಗೆಲೆ ಅನ್ನಾ ... ! " ಕೃಷ್ಣು  ಹಾಸ್ಲೊ .. " ಆಜಿ ನಯ್ ಝಲ್ಲೆರಿ ... ಅನಿ ಕೆದನಾಯ್ ಪುಣಿ , ತುಗೆಲಿ ಪತಿವೃತಾ ಶಕ್ತಿ ಪಾಂಡವಾಂಕ ಅಪಕಾರು ಝತ್ತ ಅಷ್ಶಿಲೋ ಮೋಣು ... ತುಗೆಲೆ ಪತಿವೃತಾ ಶಕ್ತಿ ತುಗೆಲೆ ದುಕೂನ್ ದೂರ ಕೆಲ್ಲೆ ..  ಶ್ರಾಪ ರೂಪಾರಿ . ಅತ್ತ ತೂ , ಸಾಮಾನ್ಯ ಸ್ತ್ರೀ ಝಲ್ಲಿ . ಪಾಂಡವ ಮಕ್ಕಾಚಿ ನಂಮ್ಗೂನ್ ಆಸ್ಸತಿ . ತಂಗೆಲೆ ರಕ್ಷಾ ಕೊರ್ಚೆ ಮಿಗೆಲೆ ಕರ್ತವ್ಯ " ಮ್ಹಳ್ಳಲೊ ಶ್ರೀ ಕೃಷ್ಣ .

                                   ವ್ಯಾಸ ಮಹರ್ಷಿ ಅನಿ ಕೃಷ್ಣಾಲೆ ನೇತ್ರತ್ವಾರಿ ಸರ್ವಾಂಕ ಪಿಂಡ ಪ್ರದಾನ , ಶ್ರಾದ್ಹ್ ಕೊರ್ಚೆ ಕಾರ್ಯ ಶುರು ಝಲ್ಲೆ . ಯೇಕ್ -ಎಕ್ಲೇ೦ಗೆಲೇ  ನಾಂವಾ ಸಾಂಗ್ತಾಚಿ .. ಪಿಂಡ ಪ್ರದಾನ ಕರ್ತಲೆ .. ಧರ್ಮಜಾಕ , ಚಿತ್ರ ವಿಚಿತ್ರ ಭಾವಾ ವೇಷ ಜಾವ್ನ್ ದೊಳೆ ಉದ್ದಾಕ ಅಯಿಲೆ . " ವಾಸುದೇವಾ .. ! ದೊಳೆ ಧಾಂಕ್ಲೇರಿ ಕರ್ಣಾಲೆ ಉಡ್ಘಾಸು ಯೆತ್ತಾ ... ತಗೆಲೆ ಪ್ರತಿ ರೂಪ ದೋಳೆ ಎದ್ರಾಕ ಯೇವ್ನ್ ರಾಬ್ತಾ ... ಕಸಲೆಯ್ ಶಾಂತಿ ಕಾರ್ಯ ಕೊರ್ಚೆ ವೇ .. ? " ಕೃಷ್ಣಾ ನ ಸ೦ಗ್ಲೆ ... " ಏಕ ಕಾಮ ಕರಿ ಕರ್ಣಾಲೆ ನಾ೦ವಾರಿ ತೂ೦ಚಿ ಪಿಂಡ ಪ್ರದಾನ ಕರಿ . ಮೆಲ್ಲೆಲೆ ಮನುಷ್ಯಾಲೆ ಆತ್ಮಾಕ ಖಂಯ್ ಕುಲ - ಜಾತಿ ಅಸ್ಸ ..  ಕುರುಕ್ಷೇತ್ರ ಯುದ್ಧಾ೦ತು ಲ್ಲೆಲೆ ಸರ್ವಾಂಕ

ಪಿಂಡ ಪ್ರದಾನ ಕರಿ .. " ಮ್ಹಳ್ಳಲೊ ಶ್ರೀ ಕೃಷ್ಣ .  

ಉಮಾಪತಿ