MAHABHARATH
Part-72 PINDA PRADAANA ( konkani Bhashentu )
ಪಿಂಡ ಪ್ರದಾನ
ಯುದ್ಧಾ೦ತು ಮೆಲ್ಲೆಲೆ ಸರ್ವ ಬಂಧು ಲೋಕಾಂಕ ಪಿಂಡ ಕೊರ್ನ್ ಶ್ರಾದ್ಧ ಕರ್ಮ ಕೋರ್ಕಾ . ವಿದುರಾನ ದೌಮ್ಯ ಪುರೋಹಿತಾಕ ಘೇವ್ನ್ , ವೀರ ಮರಣ ಪವ್ವಿಲೆ ಸರ್ವಾಂಕ ಪಿಂಡ ಪ್ರದಾನ ಕೊರ್ಚೆ ವ್ಯವಸ್ಥಾ ಕೆಲ್ಲಾ . ಧರ್ಮರಾಯು ಎಕ್ಲೆ - ಎಕ್ಲೆ೦ಗೆಲೇ ನಾ೦ವ ಸಂಘುನ್ ಪಿಂಡ ಪ್ರದಾನ ಶ್ರಾದ್ಧ ಕರ್ಮಾ ಕರ್ತಾಷ್ಶಿಲೊ . ಹೇ ವೆಳ್ಯೇರಿ ... ಧರ್ಮಜಾಲೆ ಮನಾಂತು ಚಿತ್ರ ವಿಚಿತ್ರ ಭಾವ ಯೇವ್ನ್ ವಿಚಲಿತ ಝತ್ತಶಿಲೊ . ದೊಳೆ ಧಾಂಕುನ್ ಸೊಳ್ಳೆ ಝಲ್ಲೇರಿ ಕರ್ಣಾಲೆ ಉಡ್ಘಾಸು ಯೆತ್ತಾಶಿಲೆ . ಧರ್ಮಜ ಶ್ರೀಕೃಷ್ಣಾ ಲಗ್ಗಿ ಯೇವ್ನ್ ... " ವಾಸುದೇವಾ .. ! ಕರ್ಣಾಲೆ ಉಡ್ಘಾಸು ಮಸ್ತ ಯೆತ್ತಾ .. ತಗೆಲೆ ಆತ್ಮಾಕ ಶಾಂತಿ ಜಾವ್ಚ್ಯಾಕ ಕಸಲೆಯ್ ವಿಂಗಡ ಶಾಂತಿ ಹೋಮು ಜವ್ವೋ ಕೊರ್ಕಾ ಕೀ .. ? " ನಿಂಮ್ಗಿಲೆ . " ವಿಂಗಡ ಶಾಂತಿ ಹೋಮು ಕಸಲೇಕ .. ? ತುಗ್ಗೆಲ್ ಹಾತ್ತಾನ ತಗೆಲೆ ನಾವಾರಿ ಪಿಂಡ ಪ್ರದಾನ ಜವ್ವೋ ... ದೋಷು ಸರ್ವ ಪರಿಹಾರ ಝತ್ತಾ . " " ಥೂ ! ... ಥೂ ! ನೀಚ ಕುಲಾ ಸೂತ ಪುತ್ರ ಕರ್ಣಾ ಕ ಪಿಂಡ ಹಾಂವ ಕರ್ನಾ ... ಮಿಜ್ಜಾನ ಜಾಯ್ನಾ .. " ಮ್ಹಳ್ಳಲೊ ಧರ್ಮಜಾ ..! " "ಮೆಲ್ಲೆ ನಂತರ ಕುಲ ಖಂಯಿ ಅಸ್ಸ .. ಧರ್ಮಜಾ ? ತುಗೆಲೆ ಆಣ್ಣಾ ಮೋಣು ಲೆಕ್ಕುನ್ ಕರಿ ... ಕರ್ಣಾಕಯಿ ಪಿಂಡಪ್ರದಾನ ಕರಿ ... ಪಾಪ ಪರಿಹಾರ ಝತ್ತಲೆ .. " ಮ್ಹಳ್ಳಲೊ ಕೃಷ್ಣು . " ಕಸಲೇಕ ವಾಸುದೇವಾ ..! ಹೇ ವೆಳ್ಯೇರಿ ತುಗೆಲೆ ಹಾಸ್ಯ ಕಸಲೇಕ .. ? ಸಂಗ್ಚೆ ಅಷ್ಶಿಲೆ ಸಮಾ ಸಂಘುನಜ್ಜ ವೇ .. ? ತುಗೆಲೆ ಉತ್ತರಾ೦ ಮರ್ಮ ಕಸಲೆ ಮೋಣು ಕಳ್ನಾ... ! " " ಧರ್ಮಜಾ ಸಂಘು ನಜ್ಜ ಝಲ್ಲೇರಿಯಿ ಸಂಘಚೆ ಕಾಲು ಅಯಿಲಾ ... ಕರ್ಣ ತುಗೆಲೆ ಭಾವು .. ! ತುಗೆಲೆ ಪೋಷಿ ಸುರ್ವೇಕ ಜನ್ಮಾ ಆಯ್ಯಿಲೊ ಕುಂತಿಲಿ ಗರ್ಭಾ೦ತು ... ಕುಂತಿ ಪುತ್ರ ಕರ್ಣ ತುಗೆಲೆ ಮಲಘಡೊ ಭಾವು ... ! ಹಾಂವ ಸತ್ಯ ಸಾಂಗ್ತಾ ಅಸ್ಸ .. ! " ದೋನಿ ಮಿನುಟ ಧರ್ಮಜಾಕ ಆಶ್ಚರ್ಯ ಜಾವ್ನ್ ಕೃಷ್ಣಾಕ ಪೊಳೈಲೆ . " ವಸ ತುಗೆಲೆ ಆವಸೂ ಲಗ್ಗಿ ನಿಂಮ್ಗಿ .. " ಧರ್ಮಜಾನ ಕುಂತಿ ಲಗ್ಗಿ ನಿಂಮ್ಗಿಲೆ ... " ಅಮ್ಮಾ .. ! ಕರ್ಣ ಕೋಣ .. ? ಮಕ್ಕಾ ಕಸಲೆ ಲೆಕ್ತಾ ... ? ಕರ್ಣಾ ಕ ಆನಿ ತುಕ್ಕಾ ಕಸಲೆ ಸಂಭಂಧ .. ಅಮ್ಮಾ ? " ಮೋಣು ನಿಂಮ್ ಗಿಲೆ. " ಕರ್ಣಾಕ ಅನಿ ಮಕ್ಕಾ ಆವ್ಸುಪುತ್ತಾಲೆ ಸಂಬಂಧ ಅಸ್ಸ ಧರ್ಮಜಾ .. ಕರ್ಣ ತುಗೆಲೆ ಮಲಘಡೊ ಭಾವು ... " ದೊಳೆ ಉದ್ದಾಕ ಕಡ್ತಾಚಿ .. ಕರ್ಣಾ ಲೆ ಜನ್ಮ ರಹಸ್ಯ ಸಂಘಲೆ ಕುಂತಿ ನ . ಧರ್ಮಜಾ ಕ ಆಕಾಶು ಮತ್ತೇರಿ ಪೊಳ್ಳೇ ಮ್ಹಣ್ಕೆ ಝಲ್ಲೆ ... ! ಭೂ೦ಯಿ ದೋನಿ ಭಾಗ ಝಲ್ಲೆ ಮ್ಹಣ್ಕೆ ದಿಸ್ಲೆ .. ! ಮತ್ತೇರಿ ಮಿಂಚು ಪೊಳ್ಳೇ ಮ್ಹಣ್ಕೆ ಝಲ್ಲೆ .. ! ಶ್ರೀ ಕೃಷ್ಣ ಮಧ್ಯೆ ಯೇವ್ನ್ ಧರ್ಮಜಾಕ ಸಮಾಧಾನ ಕೆಲ್ಲೆ . " ಧರ್ಮರಾಯಾ ... ಹ್ಯೇ ವಿಷಯು ಗುಪ್ತ ಜಾವ್ನ್ ಅಸ್ಸುಕಾ ... ಕೋಣಾಕಯಿ ಕೊಳ್ಚೆ ನಕ್ಕಾ ... ಅನಾವಶ್ಯಕ ಜಾವ್ನ್ ಪ್ರಚಾರ ಜಾವ್ಚೆ ನಕ್ಕಾ ... ಹ್ಯೇ ಪುಣ್ಯಾ ಕಾಮ ಮುಕಾರ್ಸುನ್ ವೊಚ್ಚೊ .. ಹೇ ಗುಪ್ತ ವಿಷಯು ... ಆಮ್ಗೆಲೆ ತೀನಿ ಲೋಕಾ ಮಧ್ಯೆ ಅಸ್ಸೊ .. " ಮ್ಹಳ್ಳಲೋ ಶ್ರೀ ಕೃಷ್ಣ . ಧರ್ಮರಾಯಾನ ಕರ್ಣಾಲೆ ಧರ್ಮಪತ್ನಿ ಚಂದ್ರಮತಿಕ ಸಕಲ ಮರ್ಯಾದಿ ದೀವ್ನ್ ಅಪ್ಪೋನ್ , ಕರ್ಣಾಕ ಪಿಂಡ ಪ್ರದಾನ ಕಾರ್ಯ ಕೆಲ್ಲೆ . ಕುರುಕ್ಷೇತ್ರ ಯುದ್ಧಾ೦ತು ವೀರ ಸ್ವರ್ಘು ಪಾವಿಲೆ ಸಕ್ಕಡ ಲೋಕಾಂಕ ಶ್ರಾದ್ಧ ಕರ್ಮ ಕೆಲ್ಲೆ . ಕರ್ಣಾಕ ಮಾತ್ರ ಕಸಲೇಕ ಸೊಡ್ಕಾ ... ? ಮಹಾವೀರ ಕರ್ಣ , ದಾನ ವೀರ ಕರ್ಣ , ಮೋಣು ಲಾಯೇಕ ನಾ೦ವ ಘೆತ್ಲಾ ತಾಣೆ .. ಮಹಾವೀರ ಝಲ್ಲೋ .. ಮೆಲ್ಲೆ ನಂತರ ಮಿಗ್ಗೆಲೆ ಭಾವಾ ಮ್ಹಣ್ಕೆ ... ಜೀವಂತಿ ಆಸ್ತಾನಾ ಮಾತ್ರ ವೈಷಮ್ಯ .. ! ಮೆಲ್ಲೆ ನಂತರ ಕಸಲೆಕ .. ? ಮಿಗೆಲೆ ಭಂವ್ಢಾ೦ಗೆಲೆ ವೊಟ್ಟು .. ತಕ್ಕಾಯಿ ಪಿಂಡ ಪ್ರದಾನ ಕರ್ತಾ " ಮ್ಹಳ್ಳಲೊ . ಮೆಲ್ಲೆಲೆ ಸರ್ವ ಕೌರವ ಲೋಕಾಲೆ ನಾವಾರಿ .. ಕರ್ಣಾಲೆ ನಾವಾರಿ ಗೋದಾನ , ಭೂದಾನ , ಸುವರ್ಣ ದಾನ ಕೆಲ್ಲೆ . ಕರ್ಣಾಲೆ ಬಾಯ್ಲ್ ಚಂದ್ರಮತಿಲೆ ಹತ್ತಾನಿ ಸುವರ್ಣ ದಾನ ಬ್ರಾಹ್ಮಣ ಲೋಕಾಂಕ ದಿವೈ ಕರಯಿಶಿಲೆ . ಧ್ರಾಥರಾಷ್ಟ್ರಾಲೆ ಅನ್ನೆಕ್ಲೊ ಪೂತು .. ಯುಯುತ್ಸು ಧರ್ಮಜಾ ಲೆ ವೊಟ್ಟು ರಬ್ಬುನ್ ಶ್ರಾದ್ಧ ಕರ್ಮ ಕೆಲ್ಲೆ . ಅರ್ಜುನಾನ ದ್ರೋಣಾಚಾರ್ಯಾಲೆ ನಾವಾರಿ ... ದ್ರುಪದಾ , ದ್ರಷ್ಟದ್ಯುಮ್ನ , ಶಿಖಂಡಿಕಯಿ ಧರ್ಮರಾಯಾನ ತಿಳೆ ಉದ್ದಾಕ ಸೊಳ್ಳೆ . ವಿರಾಟ , ಉತ್ತರಾಕ ... ಅರ್ಜುನಾನ , ಘಟೋತ್ಕಚಾಕ ಭೀಮಸೇನಾನ , ಶಲ್ಯ ಮಹಾರಾಜಾಕ ನಕುಲಾನ .. ಶ್ರಾದ್ಧ ಕಾರ್ಯ ಕೆಲ್ಲೆ . ಸರ್ವಾಂಕ ಪಿಂಡ ಪ್ರದಾನ ಕೊರ್ನ್ , ಶ್ರಾದ್ದ್ ಕರ್ಮಾ ಕಯಿದ ಕೊರುಂಕ ಪಾಂಚ ದಿವಸ ಲಾಗ್ಲೆ . ಹ್ಯೇ ಪಾಂಚ ದಿವಸ ... ಧರ್ಮಜಾಕ ಕರ್ಣಾಲೆ ಉಡ್ಘಾಸು ತ - ತ್ತವಳಿ ಯೆತ್ತಶಿಲೊ . ಶ್ರೀ ಕೃಷ್ಣಾನ ಏಕಾಂತ ಜಾವ್ನ್ ಅಷ್ಶಿಲೆ ವೆಳ್ಯೇರಿ ... " ವಾಸುದೇವಾ .. ! ಲಕ್ಷೋಪ ಲಕ್ಷ ವೀರ ಸೈನ್ಯ .. ಯುದ್ಧಾಗ್ನಿಕ ಆಹುತಿ ಝಲ್ಲಿ೦ತಿ . ಬಂಧು ಮಿತ್ರ , ಅಪಾರ ಕುರು ಕುಲಾಚೆ ಮಿಗೆಲೆ ಭಂವಡ ... ವೀರ ಗತಿ ಪ್ರಾಪ್ತ ಝಲ್ಲಿಂತಿ . ಇತ್ಲೆ ಜನಾ ಲೆ ರಗತ ಭರ್ಶಿಲೆಲೆ ಶೀತ ... ಹಾಂವೆ ಕಷ್ಶಿ ಖಾವ್ಚೆ .. ? ಅಶಾಶ್ವತ ಹೇ ಜೀವಾ ಖತಿರಿ , ಅನಿತ್ಯ ಝಲ್ಲೆಲೆ ಹೇ ಅಧಿಕಾರಾ ಖತಿರಿ , ಕ್ಷಣಿಕ ರಾಜ್ಯ ಲಾಭಾ ಖತಿರಿ , ಮಿಗೆಲೆ ಕೀರ್ತಿ ಖತಿರಿ ,ಇತ್ಲೆ ಲೋಕಾಂಕ ದಿವಿಶಿ ಮಾರ್ಕಾ ಝಲ್ಲೆ ಮೂ ಕೃಷ್ಣಾ ... ! ಮಿಗೆಲೆ ಪೊಷಿ ಸುರ್ವೇಕ ಮಿಗೆಲೆ ಮಲಘಡೆ , ಹಜಾರ ಹಜಾರ ಲೋಕಾನಿ ಚಕ್ರವರ್ತಿ ಜಾವ್ನ್ ಹೇ ಭೂ೦ಯಿ ಪರಿಪಾಲನ ಕೆಲ್ಲಾ . ಮರ್ತಾನಾ .. ಎಕ್ಲೇನಯ್ ಏಕ ಮುಷ್ಠಿ ಮತ್ತಿ ತಾಂಯ್ಯ್ ವ್ಹರ್ನಿ ... ನಕ್ಕಾ ನಕ್ಕಾ ಮೋಣು ಯುದ್ಧ ರಂಗಾಂತು ದೆವ್ವಿಲೊ . ಕೃಷ್ಣಾ .. ! ಯುದ್ಧ ಕೆಲ್ಲೆ ... ಚೂಕಿ - ಚೂಕಿ ಮೋಣು ಲೆಕ್ಕುನ್ ... ಹಾಂವೆ ಹೊಡಿ ಚೂಕಿ ಕೆಲ್ಲೆ ವಾಸುದೇವಾ .. !ಹ್ಯೇ ಸರ್ವ ವಿನಾಶಾಕ ಕಾರಣ ಹಾಂವ .. ಸರ್ವಾಂಗೆಲೆ ದುಃಖಾಕ ಕಾರಣ ಹಾಂವ ಝಲ್ಲಾ ... ಹಾಂವ ಪಾಪಿ ವಾಸುದೇವಾ .. ! ಮಿಗೆಲೆ ಪಾಪಾಕ ಪ್ರಾಯಶ್ಚಿತ್ತ ನಾವೇ .. ? " ಧರ್ಮಜಾನ ದೊಳೆ ಉದ್ದಾಕ ಕಾಣು ಕೃಷ್ಣಾ ಲಗ್ಗಿ ಸಾಂಘಲೆ .
ಧರ್ಮರಾಯಾ ... ! ಸಮಾಧಾನ ಕರಿ ... ತುಂವೆ ಕೆಲ್ಲೆಲೆ ಕಾಮ , ಕ್ಷತ್ರಿಯಾಕ ಸ೦ಮ್ಮ ಝಲ್ಲೆಲೆ ಕಾಮ ಕೆಲ್ಲಾ ... ಹಕ್ಕಾ ತುಂವೆ ಪಶ್ಚಾತ್ತಾಪ ಪಾವ್ಚೆ ಅಗತ್ಯ ನಾ .. ವೊಕ್ಕಲಾಂಚಾನಿ ಭುಂಯಿ ಹದ ಕೊರುಂಕ ಹಲ್ಲಾಸ್ತ್ರ ಉಪಯೋಗ ಕರ್ತನಾ .. ತ್ಯೆ ವೆಳ್ಯೇರಿ ಭೂಯಿ೦ತು ಅಶ್ಚೆ ಲಕ್ಷೋಪ - ಲಕ್ಷ ಕ್ರಿಮಿ ಜೀವಾಣು ನಾಶ ಝತ್ತಾತಿ ... ಜೀವ ಹಿಂಸೆ ಕ ಭೀವ್ನ್ ವೋಕ್ಲಾಂಚಾನಿ ಕೃಷಿ ಕೊರ್ಚೆ ರಬ್ಬಾಯ್ಲ್ಯಾರೀ , ಸರ್ವ ಜನ ಭೂಕೇನ ಮರ್ತಾಲೀಂತಿ . ಆಹಾರ ಉತ್ಪಾದನಾ ವೋಕ್ಲಾಂಚಾಂಗೆಲೆ ವೃತ್ತಿ ಧರ್ಮ , ಉದ್ದೇಶು . ಹೇ ಜೀವ ಹಿಂಸಾ ವೋಕ್ಲಾಂಚಾಂಕ ಲಗ್ಗನಾ . ತಶೀ೦ಚಿ ಕ್ಷತ್ರಿಯಾಕ ಯುದ್ಧ ಕೊರ್ಚೆ , ರಾಜ್ಯ ಪರಿಪಾಲನ ಕೊರ್ಚೆ .. ವೃತ್ತಿ ಧರ್ಮ . ರಾಜ್ಯ ಹಿತಾಕ ಕೆಲ್ಲೆಲೆ ಯುದ್ಧಾ೦ತು , ಸೈನ್ಯ ಮೊರ್ಚೆ ಸಾಧಾರಣ ವಿಷಯು ... ಝಲ್ಲೆಲೆ ನಿಮಿತ್ಯ ತೂ೦ವೆ ದುಃಖ ಕೊರ್ಚೆ ಅಗತ್ಯ ನಾ " ಮ್ಹಳ್ಳಲೋ ಶ್ರೀ ಕೃಷ್ಣ ( ಹಾಂಗಾ ಸ್ತ್ರೀ ಪರ್ವ ಸಮಾಪ್ತ ಝತ್ತಾ )
ಉಮಾಪತಿ
No comments:
Post a Comment