Mahabharath Part - 67 Gadha yuddha ( Konkani Bhashentu )

MAHABHARATH   Part - 67  ( Konkani Bhashentu )

     GADA YUDHDHA  .. / ಗಧಾ ಯುದ್ಧ 

                      ಸಂಜಯಾ ನ ಸಂಘಿಲ್ ಅಯಿಕುನ್ ... ಯೆಕು ದಿವಸು ಧುರ್ಯೋಧನು ತಾಗೆಲ್ ಆನಮ್ಮಾ೦ಕ ಪೋಳೋಚ್ಯೆ ಖತಿರಿ ಹಸ್ತಿನಾವತಿ ಕ ಯೆತ್ತಾ ... 

ಧುರ್ಯೋಧನ : " ಪ್ರಣಾಮ ಮಾತಾ " 

ಗಾಂಧಾರಿ : ಆಜೀಕ ಸತ್ರ ದಿವಸಾ ದುಕೂನ್ ... ಪುತ್ರ ಶೋಕಾ ದುಕೂನ್ ಭಾಯಿರಿ ಯೆವ್ಚ್ಯಾ ಜಾಯ್ನಿ ... ಮಕ್ಕ ದಿಸ್ತಾ .. ಅತ್ತ ಪುಣಿ ಸಂಧಿ ಕ ಆಲೋಚನಾ ಕೊರ್ಚೆ ಲಾಯೇಕ ನವೇ ಪುತಾ .. ? "     

ಧುರ್ಯೋಧನ : " ಮಾತಾ ... ! ಹಾಂವ ಕ್ಷತ್ರಿಯ ಕುರು ವಂಶಾ ಜನ್ಮಾ ಆಯ್ಯಿಲೊ .. ! ಮಾತಾ .. , ಸತ್ರ ದಿವಸಾ ದುಕೂನ್ , ಪ್ರತಿ ನಿತ್ಯ ಮಿಗ್ಗೆಲೆ ಭಂವಡಾ  ವೊಟ್ಟು ಮೋರ್ನ್ ವಂತಾ ಅಸ್ಸ ... ! ಕಿತ್ಯಾ ಸಂಧಿ .. ? ಮಿಗೆಲೆ  ಪ್ರಿಯ ಮಿತ್ರ ಕರ್ಣ ,  ನಿರಾಯುಧ ಜಾವ್ನ್ ಅಷ್ಶಿಲೆ ವೆಳ್ಯೇರಿ ದಿವಿಶಿ ಮಾರ್ಲೆಲೆ ಘಡಿ ವಿಸೊರ್ನ್ ಸಂಧಿ ಕೋರ್ಕಾ ವೇ .. ?  ಪ್ರ ಪಿತಾಮಹ ಭೀಷ್ಮಾಚಾರ್ಯಾಕ , ಶಿಖಂಢಿಕ ಯೆದ್ರಾ ದವೋರ್ನ್ , ಹಜಾರ ಬಾಣ ಅಂಗಾ ತೊಪ್ಪುನ್ ... ಶರ ಶಯ್ಯಾರಿ ಘಲ್ಲೆಲೆ ... ಕಷ್ಶಿ ವಿಸೊರ್ಚೆ .. ? ಗುರು ದ್ರೋಣಾಚಾರ್ಯಾಕ ಫಟ್ಟಿ ಸಂಘುನ್ , ಶಸ್ತ್ರ ತ್ಯಾಗ ಕೊರೊನ್ ... ಶಿರ ಛೇದನಾ ಕೆಲ್ಲೆಲೆ ಕಷ್ಶಿ ವಿಸರೂ .. ?  ದುಃಶ್ಯಾಸನಾದಿ ಮಿಗೆಲೆ ಭಂವ್ಧಾಂಕ ದಿವಿಶಿ ಮಾರ್ಲೆಲೆ ರೀತಿ ... ಲಕ್ಷ ಲಕ್ಷ ಅಮ್ಗೆಲ್ ಸೈನ್ಯ ದಿವ್ಯಾಸ್ತ್ರಾ ಕ ಲಸ್ಸುನ್ ಗೊಬ್ಬೊರೂ ಝಲ್ಲೆಲೆ ನಮ್ಯೂನೋ ಪೊಳೈಲಾ .. ? ಅತ್ತ ಸಂಧಿ ಕೊರ್ನ್ ಹಾಂವೆ ಮಾತ್ರ ಕಸಲೇ ಕ ವಾಂಚುಕಾ ಅಮ್ಮಾ ... ? " 

ಗಾಂಧಾರಿ : "  ಝಲ್ಲೆರಿ ...  ಪುತಾ ... ತುಗೆಲೆ ಪಿತಾಶ್ರೀ ... ತುಗ್ಗೆಲ್ ವೈರಿ ಜೀವು ದೊವೊರ್ನ್ ಆಸ್ಸತಿ ... ಅಂಮ್ಕಾ ತೂ೦ವೆ ವಾಂಚುನ್ ಅಸ್ಸುಕಾ ಮ್ಹಳ್ಳೆಲಿ  ಆಶಾ . ತೂ೦ವೆ ಮೋರ್ಕಾ ಮೋಣು ಖಂಚೇಯ್ ಆನಂಮ್ಮಾ೦ಕ ದಿಸ್ಸನಾ ಬಾಳಾ .. ! "

ಧುರ್ಯೋಧನ : " ನಾ .. ಅಮ್ಮಾ .. ! ಮುಕಾರ್ಚ್ಯೆ ಪೀಳಿ ... ಅಮ್ಮಾಲೆ ಉತ್ತರಂ ಆಯಿಕುನ್ ... ಜೀವಾ ವೈಲೆ ಆಷೇರಿ ಸಂಧಿ ಕೆಲ್ಲೆ ಮೋಣು ಸಾಂಗ್ತಲೇ ... ಮಿಗೆಲೆ ಜೀವು ಯುದ್ಧಾ೦ತು ಗೆಲ್ಲೇರಿಚಿ .. ಮಕಾ ಕ್ಷತ್ರಿಯ ಸನ್ಮಾನ ಮೆಳ್ತಲೆ ಅಮ್ಮಾ .. ಚಂದ್ರಾಕ ಸಾಕ್ಷಿ ಕೊರ್ನ್ ... ಮಕ್ಕಾ  ವಿಜಯಶ್ರೀ ಆಶೀರ್ವಾದು ಕರ್ತಾ ವೇ .. ?

ಗಾಂಧಾರಿ : " ನಾ .. ಬಾಳಾ .. ! ನಾ .. ಹ್ಯೇ  ಆಶೀರ್ವಾದ ತುಕ್ಕಾ ದೀನಾ . ಮಿಗೆಲೆ ಶಂಬರಿ ಚೆರ್ಡುವಾ೦ಲೆ ಹತ್ಯೆ ಝಲ್ಲೆರಿಯೀ ಹೇ ಆಶೀರ್ವಾದು ತುಕ್ಕಾ  ದೀನಾ ... ಝಲ್ಲೇರಿ ... ಹಾಂವ ಶಿವ ಭಕ್ತಿಣಿ ,  ತುಕ್ಕಾ ಸುರಕ್ಷಾ ಕವಚ ಘಾಲ್ನ್ ಸೊಡ್ತಲಿ .... ಪುತಾ .. ! ಗಂಗಾ ನಂಯ್ತು ನಾ೦ಹ್ವನು ಯೋ .. ಸೀದಾ ಹಾಂಗಾ ಯೋ .. ಝಲ್ಲೇರಿ ... ತುಂವೆ ಕಷ್ಶಿ ಜನ್ಮು ಘೆತ್ತಿಲೆಕೀ  ತಶೀ೦ಚಿ ನಗ್ನ ಜಾವ್ನ್ ಮಿಗೆಲೆ ಯೋ ... ! " 

ದುರ್ಯೋಧನ : "  ನಗ್ನ ಜಾವ್ನ್ ಯೆವ್ಕಾವೇ .. ಅಮ್ಮಾ .. ! " 

ಗಾಂಧಾರಿ : " ಆವ್ಸೂಲೆ ಯೆದ್ರಾಕ ಕಸಲೆ ಲಜ್ಜಿ .. ?  ಆವ್ಸೂಲೆ ಯೆದ್ರಾಕ ಯೆವ್ಚ್ಯಾಕ .. ಅಸಲೆ ಪ್ರಶ್ನೋ ಘಾಲೂ ನಜ್ಜ ಬಳಾ .. ! ಹಾಂವೆ ಸಂಘಿಲ್ ತಶಿ ಕರಿ .. " ಜಾಯ್ತಾ ಅಮ್ಮಾ " 

                          ಗಂಗೆಂತು ನಾ೦ಹ್ವನು , ಧುರ್ಯೋಧನು ಗಾಂಧಾರಿ ಶಿಬಿರಾ ದಿಕಾನ ನಗ್ನ ಜಾವ್ನು ... ಅಂಗಾರಿ ಏಕ ವಸ್ತ್ರ ತಾ೦ಯ್ ನಾಶಿ ಯೆತ್ತಶಿಲೊ ... ಕೃಷ್ಣು ತಕ್ಕಾ ಎದ್ರಾಕ ಮೆಳ್ಳೊ 

ಕೃಷ್ಣ : " ಯುವರಾಜ ಧುರ್ಯೋಧನಾ .. ! ತುಗ್ಗೆಲ್ ಅಂಗಾರಿ ಎಕ್ಕಯಿ ವಸ್ತ್ರ ನಾ ... ! ಖಂಯಿ ವಿಸರ್ಲೊವೆ .. ? ತುಂವೇ ವೊಚ್ಛೆ ಪೊಳೈಲ್ಯಾರಿ ... ಗಾಂಧಾರಿ ಶಿಬಿರಾ ಕ ವತ್ತಾ ಅಸ್ಸ ಮೋಣು ದಿಸ್ತಾ ... ತುಗೆಲೆ ಅಮ್ಮಾಲೆ ಯೆದ್ರಾಕ ಅಶೀ೦ಚಿ ವತ್ತ ವೇ .. ? " 

ಧುರ್ಯೋಧನ : " ಮಿಗೆಲೆ ಅಮ್ಮಾನ ಹೇ೦ಚಿ ಆದೇಷು ಕೆಲ್ಲಾ ಕೇಶವಾ " 

ಕೃಷ್ಣ : ತೀ ..  ತುಗೆಲಿ ಆವ್ಸು .. ಧುರ್ಯೋಧನಾ .. ! ತೀಣೆ ಕಿತ್ಲೆ ಕೀ ಪೋಟಿ ಸಾನಸ್ತಾನಾ .. ತುಕ್ಕಾ ಆಲಿಂಗನಾಂತು ಘೇವ್ನ್ ಝಾ೦ಗೀರಿ ಬೊಸ್ಕಾರಾನ್ ... ನಾ ..  ನಾ ನಮೂನೇರಿ ಮೋಗು ಕೊರ್ನ್ ಅಷ್ಶಾಪೂರೋ ... ಝಲ್ಲೆರಿ ತೀ ಆವ್ಸು ನೈವೇ .. ? ತೂ .. ತಿಗೆಲೆ ಪೂತು ... ತೇವಯ್ ಪ್ರಾಯೇರಿ ವಡ್ಡಿಲೋ ವಯಸ್ಕ ಯುವ ಪೂತು ... ತೂ . ಯುವ ಪುತ್ರ ...  ತಾಗೆಲ್ ಆವ್ಸುಲೆ ಎದ್ರಾಕ ನಗ್ನ ಜಾವ್ನ್ ವತ್ತಾ ... ! ಹ್ಯೇ ಖಂಚೆ ರಾಜ ಪರಂಪರಾ ... ಹೇ ಖಂಚೆ ಧರ್ಮ .. ಯುವರಾಜಾ .. ? ಆವ್ಸುಲೆ ಯೆದ್ರಾಕ ಯುವ ಅವಸ್ಥಾರಿ ಅಷ್ಶಿಲೆ ಪುತ್ತಾನ ... ಅಷ್ಶಿ ನಗ್ನ ಜಾವ್ನ್ ವೊಚ್ಛೆ ಮಕ್ಕಾ ಸ೦ಮ್ಮ ಮೋಣು ದಿಸ್ಸನಾ ... ಥೊಡೆ ಪುಣಿ ಮರ್ಯಾದಿ , ಸಂಸ್ಕಾರು ದೊವೋರ್ನ್ ಘೆವ್ಕಾ ಯುವರಾಜಾ ... ! ಆಲೋಚನ ಕರಿ .. ಅ ಹ ಹ ಹ ಹ ... ಮಗಿರಿ ತುಗ್ಗೆಲ್ ಖುಷಿ . ವಸ .. ವಗ್ಗಿ ವಸ ತುಗೆಲಿ ಆವ್ಸು ... ರಕ್ಕುನ್ ಆಸ್ತಾಲಿ .. " ಕೃಷ್ಣಾ ನ ಸಂಘಿಲ್ ಉತ್ತರಂ ಸ೦ಮ್ಮ ಮೋಣು  ದಿಸ್ಲೆ ಧುರ್ಯೋಧನಾ ಕ . ವತ್ತ ನಾ ವಾಟ್ಟೇರಿ ಏಕ ಕೇಳೀ ಪಾನ ಕುರ್ಟಾಕ  ಬಾಂಧುನ್ .. ಗಾಂಧಾರಿಲೆ ಯೆದ್ರಾಕ ಗೆಲ್ಲೊ . 

ಧುರ್ಯೋಧನ : " ಪ್ರಣಾಮ ಮಾತೇ ... ! ನಾ೦ಹ್ವನ್ ಅಯಿಲೊ .. " 

ಗಾಂಧಾರಿ : " ಹಾಂವೆ ತುಕ್ಕ ಜವ್ವೋ ... ತುಗೆಲೆ ಭಂವ್ಢಾಂಕ ಜವ್ವೋ ... ಕೆದನಾಯ್ ಪೊಳಯಿನಿ ಬಾಳಾ .. !  ಆಜಿ ತುಕ್ಕ ಪೊಳಯಿತಾ .. ಮಿಗೆಲೆ ಪತಿವೃತಾ ಶಕ್ತಿ .. ಮಿಗೆಲೆ ದೃಷ್ಟಿ ಮುಖಾನ ತುಕ್ಕ ಪೋಳಯಿತಾ ... ತುಗೆಲೆ  ಆಂಗ ವಜ್ರ ಕಾಯ ಜಾವ್ವೋ  .. ಯೋ ಮಿಗೆಲೆ ಯೆದ್ರಾಕ ಯೇವ್ನ್ ರಾಬ " ಗಾಂಧಾರಿನ ದೊಳೆ ಬಂಧಿಲೆ ಪಟ್ಟಿ ಸೊಡವಾನ್ ಧುರ್ಯೋಧನಾಕ ಪೋಳಯಿಲೆ . ಏಕ್ ಕ್ಷಣಾರಿ ಮಿಂಚಾ ಶಕ್ತಿ ಧುರ್ಯೋಧನಾಲೆ ಅಂಗಾ ಕ ಲಾಗ್ಲೆ ... ವಜ್ರ ಕಾಯ ಝಲ್ಲೆ . ಕೇಳಿ ಪಾನ ಆಡ ದವರ್ಲೊಲೊ ಜಾಗೊ ವಜ್ರ ಕಾಯ ಜಾಯ್ನಿ . " ಹ್ಯೇ ಕಸಲೆ, ಕೆಲ್ಲೆ ಬಳಾ ... ? "
ಧುರ್ಯೋಧನ : " ಹಾಂವೆ ತುಗೆಲೆ ಯೆದ್ರಾಕ ನಗ್ನ ಜಾವ್ನ್ ಕಷ್ಶಿ ಯೆವಚೆ ಅಮ್ಮಾ ... ? "

ಗಾಂಧಾರಿ : " ಹಾಂವೆ ತುಕ್ಕ ನಗ್ನ ಜಾವ್ನ್ ಯೆವ್ಕಾ ಮೋಣು  ಸಂಘಿಲೆ ... ಝಲ್ಲೇರಿ ಮಿಗ್ಗೆಲೆ ದೃಷ್ಟಿ ಖಂಯಿ ಪಣಿ ಕೀ ತೊ ಜಾಗೊ ದುರ್ಭಲ ಜಾವ್ನ್ ಆಸ್ತಾ .. ಬಾಕೀ ಜಾಗೊ ವಜ್ರ ಕಾಯ ಜಾವ್ನ್ ಆಸ್ತಾ . ಏಕತ್ ವೇಳಾ ತುಂವೆ ಮಲಘಡೇನಿ ಸಂಘಿಲ್ ಆದೇ ಷು ಅಯಿಕಾಲೆಲೆ ಝಲ್ಲೇರಿ .. ತೂ ಅಜೇಯ ಝತ್ತ ಅಶಿಲೋ ... ಮಿಗೆಲೆ ಉತ್ತರ ಕೆದನಾಯ್ ತೂ ಆಯ್ಕನಿ ಆಜಿ ತಾಂಯ್ ... !! ಮಿಗ್ಗೆಲೆ ದೃಷ್ಟಿ೦ತು ... ಮಿಗೆಲೆ ತಪಸ್ಯ ... ಮಿಗೆಲೆ ಸತೀತ್ವ .. ಪತಿವೃತಾ ಶಕ್ತಿ ಪೂರಾ ಭಕ್ತಿನ ತುಗೆಲೆ ಅಂಗಾರಿ ಧಾರಾ ಧರ್ಲೆಲಿ ವ್ಯರ್ಥ ಝಲ್ಲಿ ದಿಸ್ತಾ ಪುತಾ ... ಅನಿ ಹಾಂವ ಕಸಲೆ ಕರ್ತಾಲಿ .. ? "  

ಧುರ್ಯೋಧನ : " ತೂ ಕಾಯೀ ಭೀವ್ನುಕ್ಕಾ ಅಮ್ಮಾ ... ಹಾಂವ ಫಲ್ಲೆ  ಭೀಮ ಸೇನಾ ವೊಟ್ಟು ಗಧಾ ಯುದ್ಧ ಕೊರ್ನ್ .. ತಾಣೆ ರಗತ ವೊಂಕ್ಚ್ಯೇ ತಶಿ ಕರ್ತಾ ... ಗಧಾ ಯುದ್ಧ ನಿಯಮಾ ಪ್ರಕಾರ ಕುರ್ಟಾ  ಪೋಷಿ ಸಕಲ ಪ್ರಹಾರು ಕೋರು ನಜ್ಜ ಮ್ಹಳ್ಳೆಲೆ ನಿಯಮ ಅಸ್ಸ . ಮಕ್ಕ ಕಾಂಯ್ ಜಾಯ್ನಾ ... ಮಕ್ಕಾ ಆಶೀರ್ವಾದು ಕರಿ ಅಮ್ಮಾ " ಮೋಣು  ಸಂಘುನ್ ಚರಣ ವಂದನಾ ಕೊರ್ನ್ ಕಕ್ಷಾ ದುಕೂನ್ ಭಾಯಿರಿ ಗೆಲ್ಲೊ . 

                           ವೈಶಂಪಾಯನ ಸರೋವರಾ ಲಗ್ಗಿ ದುಕುನ್ ಪಾಂಡವ , ಶ್ರೀಕೃಷ್ಣ ಅನಿ ಧುರ್ಯೋಧನ ಸಮೇತ ,  ಕುರುಕ್ಷೇತ್ರ ಯುದ್ಧ ಭೂಮಿಕ ಅಯಿಲೀ೦ತಿ . ದೋನಿ ಬದಿಚ್ಯೆ ಸೈನ್ಯ ... ಭೀಮ ಧುರ್ಯೋಧನಾಲೆ  ಧ್ವ೦ಧ್ವ ಗಧಾ ಯುದ್ಧ ಪೋಳೋಚ್ಯಾಕ ವೊಟ್ಟು  ಝಲ್ಲಿ೦ತಿ . ಭೀಮ ಧುರ್ಯೋಧನಾ ನಿ ಜಾಗೊ ನಿರ್ಧಾರ್ ಕೆಲ್ಲೆ . ಹ್ಯೆಚಿ ವೆಳ್ಯೇರಿ ... ಬಲರಾಮು ತೀರ್ಥ ಯಾತ್ರಾ ಕೈದ ಕೊರ್ನ್ , ಕುರುಕ್ಷೇತ್ರಾ ಕ  ಅಯಿಲಾ . ಬಲರಾಮು ಗಧಾ ಯುದ್ಧಾ೦ತು ಪಂಡಿತ ... ಧುರ್ಯೋಧನು ಬಲರಾಮಾ ಲಗ್ಗಿ ಶಿಷ್ಯ ಜಾವ್ನ್ ಗಧಾಯುದ್ಧ ಶಿಕ್ಲಾ . ಭೀಮ ಸೇನಾ ದ್ರೋಣಾಚಾರ್ಯಾಲೆ ಶಿಷ್ಯ ಜಾವ್ನ್ ಶಿಕ್ಕುನ್ ಸಾಧಕು ಝಲ್ಲಾ . ಕುರುಕ್ಷೇತ್ರ ಯುದ್ಧ ಆರಂಭ ಜಾವ್ಚೆ ಫೂಡೆ ... ಧುರ್ಯೋಧನು ದ್ವಾರಕೆ ನಗರಾ ಕ ಗೆಲ್ಲೆಲೇ ವೆಳ್ಯೇರಿ , ಬಲರಾಮಾ ಕ ತಗೆಲೆ ತರ್ಪೇನ  ರಬ್ಬುನ್  ಯುದ್ಧ ಕರಿ ಮೋಣು ವಿನಂತಿ ಕೆಲ್ಲೆಲಿ ಅಸ್ಸ . ಕೃಷ್ಣಾ ನ ಪಾಂಡವ ಪಕ್ಷಾಂತು ಆಸ್ತ ನಾ .. ಹಾಂವೆ ಪ್ರತಿಪಕ್ಷಾಂತು ರಬ್ಬುನ್ ಯುದ್ಧ ಕೊರ್ಚ್ಯೇ ಸ೦ಮ್ಮ ನಯ್ ಮೋಣು  ಸಂಘುನ್ ... ಬಲರಾಮು ತೀರ್ಥ ಯಾತ್ರೇಕ ಗೆಲ್ಲೆಲೋ ... ಅತ್ತ ಯಾತ್ರ ಕೈದ ಕೊರ್ನ್ ಕುರುಕ್ಷೇತ್ರಾ ಕ ಅಯಿಲಾ . 

                            ಬಲರಾಮಾ ಕ ಪೋಳಯಿಲೆ ಸತಾನ .. ಧುರ್ಯೋಧನಾ ಕ ಅಂಗಾತು ನವ ಚೇತನ ಅಯಿಲೆ . ಹರುಷ ಝಲ್ಲೆ .. ಧಾವ್ನ್ ಯೇವ್ನ್ ಬಲರಾಮಾಲೆ ಪಯ್ಯಾರಿ ಪೋಣು ಗುರು ವಂದನಾ ಕೆಲ್ಲಿ " ಗುರುದೇವಾ .. ! ತೂ೦ವೆ ಆಯ್ಯಿಲೆ .. ಮಕ್ಕಾ ಭಾರೀ ಸಂತೋಷು ಝಲ್ಲೆ . ಮಿಗ್ಗೆಲೆ ಅಂಗಾಂತು ನವ ಚೈತನ್ಯ ಅಯಿಲೆ ... ಪಾಂಡವಾನಿ  ... ಸುರ್ವೆ ದುಕುನ್ ಕೃಷ್ಣಾಲೆ  ಉತ್ತರಂ ಅಯಿಕುನ್ ಅಂಮ್ಕಾ ಅನ್ಯಾಯು ಕೊರ್ನ್ ಮೋಸು ಕೆಲ್ಲಾ . ಹ್ಯೇ ಆಖೇರಿ ಯುದ್ಧ .. ತುಗೆಲೆ ಸಮಕ್ಷಮಾರಿ ಜಾವ್ಕಾ , ನ್ಯಾಯ ನಿರ್ಣಯ ತೂ ವೇಂಚಿ ಕೋರ್ಕಾ ; ಮೋಣು ವಿನಂತಿ ಕೆಲ್ಲಿ . ಬಲರಾಮು ' ಜಾಯ್ತ ' ಮ್ಹಳ್ಳಲೊ . ಪಾಂಡವ , ಬಲರಾಮಾ ಕ ಮೇಳ್ನ್ ಸ್ವಾಗತ ಕೋರ್ನ್ ನಮಸ್ಕಾರು  ಕೆಲ್ಲೆ . ಕೌರವ ವೀರ ಸರ್ವಾನಿ ಮೇಳ್ನ್ ... ಅಭಿಮನ್ಯುಕ ಕಷ್ಶಿ ದಿವಿಶಿ ಮಾರ್ಲೆ .. ಮ್ಹಳ್ಳೆಲೆ ವಿವರಣ ದಿಲ್ಲಿ . ಬಹಿಣಿಲೆ ಪೂತು ... ಅಭಿಮನ್ಯುಲೆ ಮರಣ ಆಯಿಕುನ್ ಬಲರಾಮಾ ಕ ಮಸ್ತ ದುಃಖ ಝಲ್ಲೆ .

                               ಕೃಷ್ಣಾ ನ ಗಧಾ ಯುದ್ಧಾಚ್ಯೆ ನಿಯಮ ಕಸಲೆ ಮೋಣು , ಸರ್ವಾನಿ  ಅಯಿಕುಚೆ ತಷ್ಶಿ ಸಂಘಲೆ . ಪಾಂಡವ ಅನಿ ಕೌರವ ಸೈನ್ಯ ತಾಂಗೆಲೆ ದ್ವೇಷ ವಿಸೋರ್ನ್ ... ಭೀಮ ಧುರ್ಯೋಧನಾ ಗಧಾ ಯುದ್ಧ ಪೊಳೋ ಚ್ಯಾಕ ರಾಬ್ಲೀ೦ತಿ . ಭೀಮ ಸೇನಾನ ಧರ್ಮಜಾ ಲೆ ಚರಣಾಕ ವಂದನಾ ಕೋರ್ನು ಆಶೀರ್ವಾದು ಘೆತ್ಲೊ . ಅರ್ಜುನ , ಕೃಷ್ಣಾ ಕ ಆಲಿಂಗನ ಕೊರ್ನ್ .. ತಾಂಗೆಲೆ ಶ್ರೇಯ ಮಾಗ್ಣೆ  ಕೆಲ್ಲೆ . ಧುರ್ಯೋಧನಾನ ಗುರು  ಬಲರಾಮಾಲೆ ಚರಣ ಸ್ಪರ್ಶಕೊರ್ನ್  ವಂದನಾ ಕೆಲ್ಲಿ . ಯುದ್ಧ ಆರಂಭ ಝಲ್ಲೆ . ಸೊಕ್ಕು ಲಗ್ಗಿಲೆ ರನ್ನಾ ಹಸ್ತಿಯೊ ಘೀ೦ಕಾರ ಕೊರ್ನ್ .. ಢೀ ಮಾರ್ಲೆ ಮ್ಹಣ್ಕೆ ... ದೋನಿ ಕುಲ ಪರ್ವತ ಕೋಪು ಯೇವ್ನ್ ಎಕ್ಕಾ ಯೇಕ ಯೇವ್ನ್ ಅಡ್ಡಲೇ ಮ್ಹಣ್ಕೆ ... ಕಂಬಳ್ ಕುರ್ವಾನಿ ಮತ್ತೇಕ ಮತ್ತೇ ನಿ  ಮಾರ್ನ್ ಢೀ ಮಾರ್ಲೆ ಮ್ಹಣ್ಕೆ ... ದೋನಿ ನಭೋಮಂಡಲಾ ಗೃಹ ವಾಟ ಚುಕ್ಕುನ್ , ಗತಿ ಚುಕ್ಕುನ್ ಘಟ್ಟುನ್ ಘೆತ್ಲೆ ಮ್ಹಣ್ಕೆ ... ಸೊಕ್ಕು ಲಗ್ಗಿಲೆ ದೋನಿ ಸಿಂಹ ..  ಹ್ರೀ೦ಕಾರ ಕೊರ್ನ್ ಎಕ್ಕಾಕ ಎಕ್ಲೆ ಘಾಯು ಕೊರ್ನ್ , ಕ್ರೂರ ದಾಂತ ದಕ್ಕೋನ್ ಭಕ್ಷ್ಯ ಕೊರುಂ ..  ದಿವಿಶಿ ಮಾರೂ೦ ಅಯಿಲೆ ಮ್ಹಣ್ಕೆ ... ಬೋಬ ಆರ್ಭಟ ಕೊರ್ನ್ ಗಧೇನ ಪ್ರಹಾರು ಕೊರ್ನ್ .. ದಿವಿಶಿ ಮಾರುಂಕ ಯತ್ನ ಕರ್ತಾ ಆಸ್ಸತಿ . ಧುರ್ಯೋಧನಾ ಲೆ ಆಂಗ ವಜ್ರ ಕಾಯ  ಜಾವ್ನ್ ಲೋಹಾ ಮ್ಹಣ್ಕೆ  ಅಸ್ಲೆರಿ ... ಭೀಮಾ ಲೆ ಆಂಗ , ಧಾಹ್ ಹಸ್ತೇ ಬಲ ಅಷ್ಶಿಲೆ ಮ್ಹಣ್ಕೆ ದಿಸ್ಲೆ ... ಹ್ಯೇ ಧ್ವ೦ಧ್ವ ಯುದ್ಧ ವರ್ಣನಾ ಕೋರು ಜಾಯ್ನಾ ಸಾಮಾನ್ಯ ಲೋಕಾಂಕ . ಹಜಾರ ಮತ್ತೆ ಅಷ್ಶಿಲೆ ಆದಿಶೇಷಾನ ಚ್ಯಿ  ಯೆವ್ಕಾ . ಗುಡುಗು ಆಕಾಶಾರಿ ದುಕೂನ್ ಭುಯಿಂಚೇರಿ ಪೊಳ್ಳೇ ಮ್ಹಣ್ಕೆ ... ವರುಣಾನ ಘರ್ಝನಾ  ಕೆಲ್ಲೆ ಮ್ಹಣ್ಕೆ ... ದೊಗ್ಗಾ೦ಯಿ ಗಧಾ ಪ್ರಹಾರು ಕರ್ತಶಿಲೀಂತಿ . ಪೊಳೈತಲೆ ಲೋಕಾಂಕ  ಆ೦ಗ  ರೋಮಾಂಚನ ... ಆಂಗ್ ಝಂಮೈತಲೆ ... ಹರ್ದೆ  ರಬ್ಬಲಾ ಮ್ಹಣ್ಕೆ  ಅನುಭೂತಿ ಝತ್ತಶಿಲೆ . ದೊಗ್ಗ೦ಯಿ ನೆಲಾರಿ ದುಕೂನ್ ಉಡ್ಡುನ್ ಉಬ್ಬುನ್ ಉಬ್ಬುನ್ ಗಧಾ ಪ್ರಹಾರು ಕರ್ತಾಶಿಲೀಂತಿ . ಗಧಾ ಯೆಕ್ಕಾ ಏಕ ಲಾಗ್ತಾನಾ .. ಮಿಂಚು ಭಾಯಿರಿ ಪೋಣು.. ಅಗ್ನಿ ಸೃಷ್ಟಿ ಝತ್ತಲಿ ... ಮೊರ್ಚ್ಯಾಕ ತಯ್ಯಾರ್ ಝಲ್ಲಲೊ ಧುರ್ಯೋಧನು ... ವಿಜಯ ಝಲ್ಲೇರಿಯೀ ಏಕ ... ನಾತ್ಲೆರಿ ವೀರ ಸ್ವರ್ಘ ಝಲ್ಲೇರಿಯಿ ಏಕಚಿ ... ಮೋಣು  ಭೀಮಾ ವೈರಿ ಆಕ್ರಮಣ ಕರ್ತಾ ಅಸ್ಸ . ಭೀಮು ಝಲ್ಲೇರಿ ... ಧುರ್ಯೋಧನಾ ಕ ದಿವಿಶಿ ಮಾರ್ಚೆ ಖತಿರಿ ... ಮತ್ತೇರಿ ... ಭುಝಾರಿ ... ಫಟೀರಿ .. ಹರ್ದೇರಿ .. ಪೂರ್ತಿ ಶಕ್ತಿ ಘಾಲ್ನ್ ಪ್ರಹಾರು ಕರ್ತಾ ಅಸ್ಸ . ಗಾಂಧಾರಿಲೆ ಸತಿ ಶಕ್ತಿ ನಿಮಿತ್ಯ ಧುರ್ಯೋಧನಾಲೆ  ಆಂಗ ವಜ್ರ ಕಾಯ ಝಲ್ಲಾ . ಭೀಮಾಲೆ ಪ್ರಹಾರು ಕಾ೦ಯೀ  ಪರಿಣಾಮ ಜಾಯ್ನಿ . ಅತ್ತ ಭೀಮಾನ ಕೃಷ್ಣಾ ದಿಕಾನ ಪೊಳೈಲೆ ... ಕೃಷ್ಣಾ ನ ಝಾ೦ಗಿ ದಕ್ಕೋನ್ ' ಶಹಬ್ಬಾಷ್ ಭೀಮಾ ' ಮೋಣು ಝಾ೦ಗಿ ಮಾರ್ನ್ ಪ್ರಶಂಸ ಕೆಲ್ಲಿ  . ಅರ್ಥ ಘರ್ಭಿತ ಕೃಷ್ಣಾಲೆ  ಸೂಚನಾ ಕಳ್ಳಿ ಭೀಮಾಕ .   " ದಾಸಿ ತೀ ... ' ಪಾಂಚ ಜನ ಕಿತ್ಯೆ ... ಧಾಹ್ ಜನ ಕಿತ್ಯೆ ... ದುಃಶ್ಶಾಸನಾ .. ! ತಿಕ್ಕಾ ಮಿಗೆಲೆ  ಝ೦ಗೀರಿ ಬೊಸ್ಕರಾಯಿ ' ಮ್ಹಳ್ಳೆಲೆ ಉತ್ತರಂ ... ತುಗೆಲಿ ಝಾ೦ಗಿ ಮೋಣು .. ದಿವಿಶಿ ಮಾರ್ತಾ ... ಮೋಣು  ಶಪಥ ಘಲ್ಲೆಲೆ ಉಡ್ಘಾಸು ಅಯಿಲೊ . ನೆಲಾರಿ ಪೊಳ್ಳೋಲೊ  ಭೀಮು ಉಠಾನ್  ರಾಬ್ಲೊ ... ವಾಯು ಪುತ್ರ ಹನುಮಾನಾಲೆ ಉಡ್ಘಾಸು ಕಾಣು ... ಬಲ ಘಾಲ್ನ್ ಧುರ್ಯೋಧನಾಲೆ  ಝ೦ಗೀರಿ ಪ್ರಹಾರು ಕೆಲ್ಲೆ . ದೂಕಿ ತಡ್ಸುನ್ ಘೆವ್ಚ್ಯಾ ಜಾಯ್ನಾಶಿ ಧುರ್ಯೋಧನಾನ ಬೊಬ್ಬ ಮಾರ್ಲಿ ... ಅಯ್ಯೋ ...! ಅಯ್ಯೋ ..! ಹಾ ...! ಹಾ... ! ಮೋಣು ಚೀತ್ಕಾರ ಕೆಲ್ಲೆ . ಭೀಮಾ ನ ಆನ್ನೇಕ ಪ್ರಹಾರು ಘಲ್ಲೆ ... ಹ್ಯೇ ಪೊಟಿ ಧುರ್ಯೋಧನು ಸ್ಮೃತಿ ಚುಕ್ಕುನ್ ನೆಲಾರಿ ಧೊಪ್ಪನಿ ಪೊಳ್ಳೋ ... ಜೀವು ಸೊಡ್ಚ್ಯೇ ತಾಯ್ ... ಭೀಮಾನ ಗಧಾ ಪ್ರಹಾರು ಕೆಲ್ಲೆ ... ದುಕ್ಕಿನ ದೊಳೆ ಸೊಡುಂಕ ಜಾಯ್ನಿ ... ಕೂರ್ಟ್ ಝಾ೦ಗಿ ಪುಡ್ಡಿ ಜಾವ್ನ್ ಹಲ್ಲುಂಕ ಜಾಯ್ನಿ . ಹ್ಯೇ ಸಕ್ಕಡ ಪೊಳೈತಾಶಿಲೊ ಬಲರಾಮಾಕ ಕೋಪು ಅಯಿಲೊ . ಭೀಮಾನ ಗಧಾಯುದ್ಧ ನಿಯಮ ಪಾಲನ ಕರ್ನಿ ಮೋಣು  ಘೋಷಣ ಕರ್ತಾಚಿ ಭೀಮಾ ವೈರಿ ಕೊಪ್ಲೊ . " ತುಕ್ಕಾ ಅತ್ತ ಸ೦ಮ್ಮ್ ಝಲ್ಲೆಲಿ ಶಿಕ್ಷ ದಿತ್ತಾ " ಮೋಣು ಬಲರಾಮಾನ ಗಧಾ ಉಬ್ಬಾರ್ಲಿ . ಕೃಷ್ಣಾ ನ ಸಮಾಧಾನ ಕೆಲ್ಲಿ . ಬಲರಾಮಾ ಕ ತಾಣೆ  ನಾತ್ತಿಲೆ ವೆಳ್ಯೇರಿ ... ಧುರ್ಯೋಧನಾನ ಕಿತ್ಲೆ ಅಧರ್ಮ ಕೆಲ್ಲಾ ಮ್ಹಳ್ಳೆಲೆ ವಿಷಯು ವಿಸ್ತಾರ ಜಾವ್ನು ಸಂಘಲೆ  .. ನ್ಯಾಯ , ಧರ್ಮ , ನೀತಿ ಕೊಣಾಲೆ ಪಕ್ಷಾಂತು ಅಸ್ಸ ಮೋಣು ಕೃಷ್ಣಾ ನ ಘೋಷಣ ಕೆಲ್ಲಿ . " ಭೀಮಾ .. ! ಅನಿ ತಾಕ್ಕಾ ಮೋರ್ಚಾ ಸೋಡಿ ... ತಾಣೆ  ಕೆಲ್ಲೆಲೆ ಪಾಪ ಲೆಕ್ಕುನ್ ..  ಲೆಕ್ಕುನ್ ಪ್ರಯಶ್ಚಿತ್ತ  ಪಾವ್ವೋ ... ಅಮ್ಮಿ ಶಿಬಿರಾಕ  ವೊಚ್ಚಾ " ಮೋಣು ಸಂಘುನ್ ಕೃಷ್ಣಾ ನ ಸರ್ವಾಂಕ ಅಪ್ಪೋನ್ ಘೇವ್ನ್ ಗೆಲ್ಲೊ .... 

ಧ್ರತರಾಷ್ಟ್ರ : " ಸಂಜಯಾ .. ! ಮಿಗೆಲೆ ಪುತ್ತಾಕ ಕಿತ್ಲೆ ಕಷ್ಟ ಝಲ್ಲೆ ಕೀ ... ಮಿಗೆಲಿ ಆಶಾ ... ರಾಜ್ಯಾ ಕಾಂಕ್ಷ , ಹಠ ... ಬಹುಷಃ ಧುರ್ಯೋಧನಾ ಕ ಮಿಗೆಲೆ ನಿಮಿತ್ಯಚಿ ಯೇವ್ನು ಆಸ್ತಲೆ ... ! ಸಂಜಯಾ ... ! ಧುರ್ಯೋಧನಾಲೆ  ಮರಣಾ ಕ ಹಾಂವ ಕಾರಣ ವೇ .. ? "

ಸಂಜಯ : " ಮಹಾರಾಜಾ ... ! ಧುರ್ಯೋಧನಾಲೆ  ಪ್ರಾರಬ್ಧ ಜಾವ್ನ್ ಅಷ್ಚ್ಯಾ ಪೂರೊ ......  ಪೂರ್ವ ಜನ್ಮಾ  ಫಲ ಜಾವ್ನ್ ಅಶ್ಚ್ಯಾ ಪೂರೋ  ... "

ಉಮಾಪತಿ