Ek Suvicharu (
konkani Bhaashentu )
ಫಟ್ಟಿ ಕಸಲೇಕ ಉಲ್ಲೋಕಾ ..? ಕಸಲೆ ಖಾತ್ತಿರಿ ಉಲ್ಲೋಕಾ .. ? ಉಲ್ಲಯಿಲೆ ನಿಮಿತ್ಯ ಎದುರ ಅಶಿಲೆ ಮನುಷ್ಯಾ ವೈರಿ ಕಸಲೆ ಪರಿಣಾಮ ಝತ್ತಾ ... ? ಹ್ಯೇಚಿ ಅಯಿಚೊ ವಿಚಾರು .... ಧನುಷ್ಯಾ ದುಕುನು ಸೊಳ್ಳೋಲೊ ಬಾಣು ಎದ್ರಾ ಕ ರಬ್ಬಿಲೆ ಮನುಷ್ಯಾ ಹರ್ದೆ ಪಿಸೊಳ್ನು ಘಾಲ್ತಾ .ತಶೀ೦ಚ್ಯಿ .. ತೊಂಡಾ ದುಕೂನು ಆಯ್ಯಿಲೆ ಫಟ್ಟಿ ದೊಗ್ಗ ಜನಾಲೆ ಹರ್ದೆ ಪಿಸುಳ್ತಾ .ಸಾಂಘಿಲ್ ಮನಷ್ಯಾಲೆ ... ಆನಿ ಎದುರ ಅಶಿಲೆ ಮನಷ್ಯಾಲೆ . ಹೃದಯಾ ಝಲ್ಲೆಲೆ ಘಾಸಿ , ಮನಾ ಝಲ್ಲೆಲೆ ಸಂಕಟ ಇತ್ಲೆಚ್ಯ್ ಮೋಣು ಸಂಘು ಜಾಯನಾ . ಫಟ್ಟಿ ಉತ್ತರ೦ , ವಿಚಾರು ,ತ್ಯೆ ವೇಳೆಯೆರಿ ಮಾತ್ರ ನಯೀ ... ಜನ್ಮ ಪರ್ಯಂತ ಮನಾಂತು ಬೋಸ್ತಾ . ತೊಡೆ ಲೋಕು ನರಕ ಅನುಭವ ಕರ್ತಾತಿ . ಕಸಲೇಕ ಹಗೆಲ್ ಉತ್ತರ೦ ಅಯಿಕಲೋ ... ಮೋಣು ದಿಸ್ತಾ .' ದೂರ ಏಕ ರುಕ್ಕಾರಿ , ಮಸ್ತ ಅಂಬೆ ಆಸ್ಸತಿ' ಮೋಣು ಸಂಘಿಲೆ ಏಕ ಫಟ್ಟಿ ... ತ್ಯೆ ಅಯಿಕಲೋ ಮನುಷ್ಯು ... ಫಲಾ ಅಪೇಕ್ಷ ಕೋರ್ನು ರುಕ್ಕಾ ದಿಕಾನ ವತ್ತಾ ... ಅಯಿಕಲಿ ಸತಾನ ತಗೆಲೆ ಮನಾ ಯೆವ್ಚ್ಯೇ ಆಶಾ .. ಸಂಭ್ರಮು ... ವಾರೆ ಬಂಧಿಲೇ ಸ್ವಪ್ನ ... ಫಟ್ಟಿ ಮೋಣು ಕಳ್ತರಿ .. ತಕ್ಕ ಜಾವ್ಚ್ಯೇ ಸಂಕಟ ... ಲೆಕ್ಕೂ ಸಾಧ್ಯ ನಾ . ಹ್ಯೇತಾಂತು ಫಟ್ಟಿ ಉಲ್ಲಯಿಲೆ ಮನುಷ್ಯಾಲೇ ಮನಾಂತುಯಿ ... " ಹಾಂವೆ ಚೂಕಿ ಕೆಲ್ಲಿ " ಮಳ್ಳೆಲೆ ಭಾವನಾ ಯೆತ್ತಾ ... ದೊಗ್ಗ ಜನಾಲೆ ಮನಾಂತು ಪ್ರತೀಕಾರಾ ಭಾವನಾ ಯೆತ್ತಾ . ಅಸಲೆ ಫಟ್ಟಿ ಕೊಣಯಿ ಸಂಘು ನಜ್ಜ ಅಸಲೆ ಫಟ್ಟಿ "ತಾಮಸ " ಫಟ್ಟಿ ಮ್ಹಣತಾತಿ .
ಥೊಡೆ ಫಟ್ಟಿ .... ಉತ್ತರ ಕುಮಾರಾಲೆ ಫಟ್ಟಿ ... ಉಲ್ಲಯಿತಾ ಉಲ್ಲಯಿತಾ ಕಿತ್ಲೆ ಫಟ್ಟಿ ಉಲ್ಲೊಚ್ಯೆ ಮೋಣು ಖಬ್ಬರ ನಾ . ವಂದಿಮಾಗದ ,ಹೊಗಳಿಕ ಕೋರ್ನು ಉಲ್ಲಯಿತಲ್ ಲೋಕ , ತಾಂಗೆಲೆ ಹೊಡ್ದಸ್ತಿಕಾ ... ಘರ,ಕಾರ, ಬಂಗ್ಲೊ,
ಬಾಯ್ಲ್ , ಚೆರ್ಡು , ಬಂಗರ , ವ್ಯವಹಾರು , ದಕ್ಕಯಿಲೆ ಬುದ್ದೋ೦ತ ಕಾಯಿ , ಕಳ್ಳೆಲೆ ಕಷ್ಠ ,.... ಭಾರಿ ಕಷ್ಠ ಶ್ಯೆ ಸಾಂಗ್ಚ್ಯೇ ... ಅನಿ ಆನಂದ ಘೆವ್ಚ್ಯೇ .. ತಾಕ್ಕಾ ಇತ್ಲೆ ಯೋಗಿತ್ಯ ಅಸ್ಸ ವೇ ಮೋಣು ದಿಸ್ತಾ ...ಫಟ್ಟಿ ಉಲ್ಲಯಿತ್ ಕೀ ಬದ್ದ ಉಲ್ಲಯಿತಾ ... ಮೊಣು ಕಳ್ನಾ ... ಅಲ್ಪ ಝಾಲ್ಲ್ಯಾರಿಯಿ .. ಹೊಡು ಮೋಣು ದಕ್ಕೋನು ಘೆವ್ಚ್ಯೇ ... ಅನಿ ತೋಡೆ ಜನ , ದುಸ್ರೆಂಕಾ ಸಂತೋಷು ಕೋರ್ಚ್ಯೇ ಖತೀರಿ .. ಫಟ್ಟಿ ಉಲ್ಲಯಿತಾತಿ ಜೋಕ್ ರೂಪಾರಿ . ಅಸಲೆ ಉತ್ರಾ ನಿಮಿತ್ಯ ಕೊಣಾಕಯಿ ನಷ್ಠ ನಾ . ಜಲ್ಲೇರಿ ಉಲ್ಲಯಿತಲ್ ಮನಶ್ಯಾ ಕ ... ತಾಣೆ ಉಲ್ಲೋಚೆ ಫಟ್ಟಿ ಮೋಣು ಗೊತ್ತಸ್ಸ . ತಗೆಲೆ ಮನಾ ಘಾಯು ಅಸ್ಸಚ್ಯಿ ... ಫಟ್ಟಿ ಉಲ್ಲೋನು ಹೊಡು ಮನುಷ್ ಝಲ್ಲಾ ಮೋಣು ಭಾವನಾ ಯೇವ್ನು ಮನ ಸಾನ್ ಜಾತ್ತಾ . ಅಸಲೆ ಫಟ್ಟಿಯೊ "ರಾಜಸ ಫಟ್ಟಿಯೋ " ಮಣತಾತಿ .ತಮಾಷಾ ಕೊರುಂಕ ಸಂಘಿಲ್ ಫಟ್ಟಿಯೋ ಹಾಂತು ಮೆಳ್ತಾತಿ
ಅನಿ ಥೊಡೆ ಫಟ್ಟಿಯೋ ಎದುವಯಿಲೆ ಮನುಷ್ಯಾ ಕ ಉಪ್ಪರ್ ಕೋರ್ಚ್ಯಾಕ ...ರಾಜ ಕಾರಿಣಿ ತಗೆಲೆಗಿ ತಸಲೆ ಗುಣ ನಾ ಝಾಲ್ಲ್ಯಾರಿಯ್ ..... ಅಸ್ಸ ಮೋಣು ಸಂಗ್ಚ್ಯೇ ಫಟ್ಟಿಯೋ . ರಂಗ ಮಂಚಾರಿ ಮಾಳ ಘಾಲ್ನು' ಹೊ... ಹೊ' ಮೋಣು ಚಾರಿ ಫಟ್ಟಿಯೋ ಉಲ್ಲೋನು ... ತಗೆಲೆ ನಿಮಿತ್ಯ ಕಾಮ ಕೊರೊನ್ ಘೆವ್ಚ್ಯಾಕ ಸಾಂಗ್ತಾತಿ . ದುರ್ಜನಾಂಕ ಸುಜನ ಕೋರ್ಚ್ಯಾ ಕ ಪ್ರಯತ್ನ ಕೋರ್ಚ್ಯೇ ಕ ಅಸಲೆ ಫಟ್ಟಿಯೋ ಸಾಂಗ್ತಾತಿ . ಸಜ್ಜನಾ೦ಕ ರಕ್ಷಣಾ ಕೋರ್ಚ್ಯಾ ಕ ಅಸಲೆ ಫಟ್ಟಿಯೋ ಸಾಂಗ್ತಾತಿ . ಅಸಲೆ ಫಟ್ಟಿಯೋ " ಸಾತ್ವಿಕ್ ಫಟ್ಟಿಯೋ " ಮೋಣು ಸಾಂಗ್ತಾತಿ .
ಪಂಚತಂತ್ರಾ ಯೆವ್ಚ್ಯೇ ಕಾಣಿಯೊ ಶುದ್ಧ್ ಫಟ್ಟಿ ಜಾಲ್ಲ್ಯಾರಿಯ್ ... ಹಯೇ ಫಟ್ಟಿಯೋ ಸಾತ್ವಿಕ ಫಟ್ಟಿಯೋ . ಗಾಂಧಿ - ಬುದ್ಧ್ ಕಾಣಿಯೊ ,ಹರಿ ದಾಸ ಚರಿತ್ರ ... ಹಾಂತು ಮೇಳ್ನು ಅಶಿಲೆ , ಬಾಕಿ ಲೋಕಾನಿ ಮೆಳೋನ್ ಘೆತ್ತಿಲೆ ನೀತಿ ಬೋಧಕ ಚರಿತ್ರ ಮಸ್ತ ಅಸ್ಸ . ಜಲ್ಲಾರಿಯಿ ಸಾಂಗ್ತಾಲೆಕ ಜಾವ್ವೋ , ಅಯಿಕತಾಲೇಕ ಮನ ಹಿತ ಜಾತ್ತಾ . ಸಾಂಗ್ತಾಲೆಕ ಪೊಶಿ .. ಅಯಿಕತಾಲೇಕ ಮನಾ ಶಾಂತಿ , ಉತ್ಕರ್ಷಾಕ ಕಾರಣ ಜಾತ್ತಾ .
ವಿವಾಹ ಕಾಲ , ಬಮ್ಮಣ- ಬಾಯ್ಲಾ ಸರಸ ಸಂಭಾಷಣಾ , ಪ್ರಾಣಾಕ ಸಂಚಕಾರು ಆಯ್ಯಿಲೆ ವೆಳ್ಯೇರಿ , ಸಕ್ಕಡ್ ನಷ್ಠ ಜಾವ್ಚ್ಯೇ ವೆಳ್ಯೇರಿ , ಗೋರ್ವ೦ - ಬ್ರಾಹ್ಮಣ ಸಂರಕ್ಷಣೆ ವೆಳ್ಯೇರಿ ... ಹ್ಯೇ ಪಾಂಚ , ವೆಳ್ಯೇರಿ ಸಂಘಿಲ್ ಫಟ್ಟಿ ಪಾತಕ ನಯಿ ... ಮೋಣು ಏಕ ಉತ್ತರ ಆಸ್ಸಾ . " ಅ ಪಾತಕ ಫಟ್ಟಿಯೋ " ಮಳ್ಳೇರಿ .. ದೋನಿ ಬದೀನ ನಷ್ಠ ಜಾಯ್ನಾ ನಾತ್ತಿಲೆ ಫಟ್ಟಿಯೋ . ಫಟ್ಟಿ ಸಂಘುನು ವಾರ್ಡಿಕ ಕೋರ್ನು ಮಗಿರಿ ತಾಜ್ಜೆ ಪರಿಣಾಮ ಭೋಗ್ಚ್ಯೇ ತಶಿ ಅಸ್ಸುನಜ್ಜ . ರತಿ ಕಾಲಾ ಫಟ್ಟಿ , ದಾಂಪತ್ಯ೦ತು ವಿರಸಾ ಕ ಕಾರಣ ಜಾಯ್ನಾಶಿ ಪೊಳೊಕಾ .ತಶಿ ಜಾವ್ನು ಅಸತ್ಯ ,ಸತ್ಯ ವಿಷಯು ಶಿ ... ಸಾಂಗುನ್ ಪುಣಿ ವರ್ಡಿಕ ಕೋರ್ಕಾ ಮೋಣು ಅಭಿಪ್ರಾಯು .
ಯಜ್ಞ ವಲ್ಕ್ಯಾ ನ ಫಟ್ಟಿ ಉಲ್ಲೊಚ್ಯೇ ... ಸುರಾ ಪಾನ ತಸಲೆ ಪಾಪ ವೊಟ್ಟು ಘಲ್ಲಾ . ವಿಷ್ಣು ಸ್ಮ್ರತಿಂತು ಫಟ್ಟಿ ಉಲ್ಲೊಚ್ಯೇ ಉಪಪಾತಕ ಸೂಚಿಂತು ಘಾಲ್ನು ... ಪ್ರಾಯಶ್ಚಿತ್ತ ಜಾವ್ನು .. ಹೋಮು ಅನಿ ತೀನಿ ದಿವಸಾ ಉಪವಾಸು ಕೋರ್ಕಾ ಮೋಣು ದಂಡನ ಘಲ್ಲಾ . ಜಲ್ಲೇರಿ 'ಸಾಧಾರಣ ಮನುಶ್ಯಾನಿ ಫಟ್ಟಿ ಸಾಂಗ್ಲ್ಯಾರೀ ಆಚಮನ ಕೆಲ್ಲೇರಿ ಪೂರೋ' ಮೋಣು ಸಾಂಗ್ಲಾ .
" ರಾಜಸ ಫಟ್ಟಿ" ಸಂಘು ನಜ್ಜ . ಜಲ್ಲೇರಿ ... ವಿನೋದಾ ಖತೀರಿ ಉಲ್ಲಯಿಲ್ಯಾರಿ ಚೂಕಿ ನಾ . ಸಜ್ಜನ ರಕ್ಷಣೆ ಖತಿರಿ ಉಲ್ಲಯಿಲೆ ಫಟ್ಟಿ ಪರೋಪಕಾರ ಕೆಲ್ಲೆಲೆ ತಿತ್ಲೆ ಪುಣ್ಯ . ಹಾಂಗಾ ಫಟ್ಟಿ ಬದ್ದ ಝತ್ತಾ ... ಸತ್ಯ ಚಿ ಫಟ್ಟಿ ಜಾತ್ತಾ . ಜಾಲ್ಲೆಲೆ ನಿಮಿತ್ಯ ಫಟ್ಟಿ ಕಸಲೆ ಖತಿರಿ ಉಲ್ಲಯಿತಾ ಮಳ್ಳೆಲೆ ಜ್ಞಾನ ಅಸ್ಸುಕಾ .ಕೊಂಕಣಿ ಭಾಷಾ ಸುಂದರ್ ಭಾಶಾ ...ಮಾತ್ರ ಭಾಶಾ ಅಮ್ಮಿ ಸರ್ವ ಉಲ್ಲೋಯಾ ... ಕೊಂಕಣಿ ಉಲ್ವಣಿ ಮಾಧುರ್ಯ ಪೋಳೋಯಾ . ಕನ್ನಡ ಭಾಶೇಂತು " ಮಾತಿ ನಿಂ ನಗೆ ನುಡಿಯು ... ಮತಿ ನಿಂ ಹಗೆ ಕೊಲೆಯು ... ಮಾತೇ ಮಾಣಿಕ್ಯವು ಸರ್ವಜ್ಞ " ಮೋಣು ಸಾಂಗ್ಲಾ . ಆಮ್ಗೆಲೆ ಉತ್ರಾ೦ತು ಮಾಧುರ್ಯ ಅಸ್ಸೋ ... ಪ್ರೀತಿ ಮಮತಾ ವಂಟುನು ಘೆವ್ಯಾ
ಉಮಾಪತಿ
No comments:
Post a Comment