MAHABHARATHA Part - 44 ( Konkani Bhashentu )
Yudhdha Niyama ಯುದ್ಧ ನಿಯಮ
ಕೌರವ ಪಕ್ಷಾಂತು ಯಿಕ್ರ ಅಕ್ಷೋಹಿಣಿ ಸೈನ್ಯ ಅಸ್ಸ , ಯಿಕ್ರಾ ಸೇನಾಧಿಪತಿ ನಿಯುಕ್ತ ಝಲ್ಲೀ೦ತಿ . ಪಾಂಡವ ಪಕ್ಷಾಂತು ಸಾಥ ಅಕ್ಷೋಹಿಣಿ ಸೈನ್ಯ ಅಸ್ಸ . ಧರ್ಮಜಾ ನ ಸಾಥ್ ಸೇನಾಧಿಪತಿ೦ ಕ ನಿಯುಕ್ತ ಕೆಲ್ಲಾ . ಭೀಷ್ಮಾಲೆ ಶಿಭಿರಾಂತು ಯುದ್ಧ ನಿಯಮ ಕಷ್ಶಿ ಆಸ್ಸುಕಾ ಮೋಣು ವಿಚಾರ ಕರ್ತಾ ಆಸ್ಸತಿ . ನಿಯಮಾ ಪ್ರಕಾರ .. ಸೂರ್ಯಾಸ್ತ ಝಲ್ಲೆ ನಂತರ ಕೋಣಯ್ ಶಸ್ತ್ರಾಕ ಅಪ್ಪೊಡು ನಜ್ಜ . ದೋನಿ ಪಕ್ಷಾ ಸೈನಿಕಾ೦ನಿ .. ಮಿತ್ರಾ ಮ್ಹಣ್ಕೆ ವ್ಯವಹಾರ ಕೋರ್ಕಾ . ರಾತ್ರಿ ಭೋಜನಾ ವೆಳ್ಯೇರಿ , ಅನ್ನ ಆಹಾರ , ಆಯುಧ ವಂಟೂನ್ ಘೆವ್ಯೆತ . ಯುದ್ಧಾ ಕ ಸಹಾಯು ಕೊರ್ಚೆ ಸೇವಕ ಲೋಕು ... ವೈದ್ಯ , ರಾನ್ಪೆ , ಪೌರ ಲೋಕಾಂಕ ಕೊಣಯ್ ಬಾಧಾ ದಿವ್ವು ನಜ್ಜ . ಎಕ್ಲೇಲೆ ವಸ್ತು ಅನ್ನೇಕ್ಲೇನ ಖಂಪೂ ನಜ್ಜ . ಕುಂಭಾರ , ಅಗ್ಸಳೆಂಚೆ , ಕೂಲಿ ಕರ್ತಾಲೆಂಕ ಕೊಣಾಯ್ ದ೦ಡನ ಕೋರು ನಜ್ಜ . ಯುದ್ಧಾ೦ತು ಧಾವ್ನ್ ವತ್ತಲೆ ಸೈನಿಕಾಂಕ ದಿವಿಶಿ ಮಾರು ನಜ್ಜ . ಶರಣಾಗತ ಜಾವ್ನ್ ಪಾಂಯ್ಯ್ ಪೊಡ್ತಲೆ ಲೋಕಾಂಕ ದಿವಿಶಿ ಮಾರು ನಜ್ಜ ... ಹತ್ತಾ೦ತು ಆಯುಧ ನಾತ್ಲೆರಿ , ದಿವಿಶಿ ಮಾರ್ಚೆ ಪ್ರಯತ್ನ ಕೋರು ನಜ್ಜ . ರಥಿಕಾನ ರಥಿಕಾಲೆ ವೊಟ್ಟು ಯುದ್ಧ ಕೋರ್ಕಾ ... ಅಶ್ವಿಕಾನ ಅಶ್ವಿಕಾ ವೊಟ್ಟು ಯುದ್ಧ ಕೋರ್ಕಾ . ಕುಹಕ ಮೋಸ ವಂಚನ ಮನಾ ದೊವೊರ್ನ್ .. ಮಾಕ್ಷಿ ಬದಿನ ಯೇವ್ನ್ ಪ್ರಹಾರ ಕೋರು ನಜ್ಜ . ಸೂರ್ಯಾಸ್ತ ವೆಳ್ಯೇರಿ ಯುದ್ಧ ರಾಬ್ಬೊಕಾ ... ರಾತ್ರಿ ವೇಳ್ಯೇರಿ ... ನಿದ್ದೋನ್ ಅಶಿಲೆ ಲೋಕಾಲೆ ವೈರಿ ಶಸ್ತ್ರ ಉಠಾಚ್ಯಾ ನಜ್ಜ . ಬಾಯ್ಲ್ ಮನಷಾ೦ಕ ಕೊಣಯ್ ಅಪ್ಪೊಡು ನಜ್ಜ .. ನಿರ್ಬಂಧ ಘಲು ನಜ್ಜ .. ಹಠಾತ್ ಜಾವ್ನ್ ಯುದ್ಧ ಪ್ರಹಾರ ಕೋರು ನಜ್ಜ . ಯೆಕ್ಕ ಪೋಟಿ ... ಕುರುಕ್ಷೇತ್ರ ಭುಯಿಂತು ಯುದ್ಧಾ ಖತಿರಿ ದೆವ್ವು ನಜ್ಜ . ಅಕ್ಷೋಹಿಣಿ ಮ್ಹಣ್ಕೆ ಯುದ್ಧಾಕ ಯೆವ್ಕಾ ಆನಿ ಯುದ್ಧ ಕೋರ್ಕಾ ಅಷ್ಶಿ ಯುದ್ಧ ನಿಯಮಾವಳಿ ತಯ್ಯಾರ್ ಕೆಲ್ಲೆ .. ಭೀಷ್ಮಾ ನ ಸಂಘಿಲ್ ಯುದ್ಧ ನಿಯಮಾವಳಿ ಸರ್ವಾಂಕ ಸ್ವೀಕೃತಿ ಝಲ್ಲಿ .
ತ್ಯೆ ದಿವಸು ಅಮಾವಾಸ್ಯೆ ದಿವಸು ... ಹೇಮಂತ ಋತು ... ಶಿಂಯ್ಯಾ ದಿವಸ .. ಪೂರ್ವ ದಿಕಾನ ತೊಂಡ ಕೊರ್ನ್ ಪಾಂಡವ ಸೈನ್ಯ ರಬ್ಲಾ ... ಪಶ್ಚಿಮ ಡಿಕಾನ ತೊಂಡ ಕೊರ್ನ್ ಕೌರವ ಸೈನ್ಯ ರಬ್ಲಾ . ಅತಿರಥ , ಮಹಾರಥ ತಾಂಗ್ - ತಾಂಗೆಲೆ ರಥಾರಿ ಧನುಷ್ಯ ಬಾಣ , ಅಸ್ತ್ರ ಶಸ್ತ್ರ ಧೋರ್ನ್ , ಇಷ್ಟ ದೈವಾಕ ನಮನ ಕೊರ್ನ್ , ಮಲಘಡೆ ಲೋಕಾಂಕ ಪಾ೦ಯ್ಯ್ ಪೋಣು , ಯುದ್ಧ ವಿಜಯಾ ಖತಿರಿ ಪ್ರಾರ್ಥನ ಕೆಲ್ಲಿ . ಅತ್ತ ಯುದ್ಧ ಆರಂಭ ಜಾವಚಾಕ ರಕ್ತಾ ಆಸ್ಸತಿ . ಧರ್ಮಜಾ ನ ಕುರುಕ್ಷೇತ್ರಾ ಕ ಆಯಿಲ್ ಸತಾನ ಯೆದ್ರಾಕ ರಬ್ಬಿಲೆ ಗುರು ವೃದ್ಧ , ಮಲಘಡೊ ... ಭೀಷ್ಮ ಪಿತಾಮಹಾ ಕ ಪೋಳಯಿಲೆ . ರಥಾರಿ ದುಕೂನ್ ದೆವ್ನ್ ಚಂಮ್ಕುನ್ ವೊಚ್ಚುನ್ ಭೀಷ್ಮ ಪಿತಾಮಹಾಲೇ ಪಯ್ಯಾರಿ ಫೋಣು ವಂದನಾ ಕೆಲ್ಲಿ . " ಪಿತಾಮಹಾ .. ! ಯುದ್ಧಾ ಕ ತಯ್ಯಾರ್ ಜಾವ್ನ್ ಅಯಿಲಾ . ಅಂಮ್ಕಾ ಸರ್ವಾಂಕ ತುಗೆಲೊ ಆಶೀರ್ವಾದು ಜಾಯಿ . ಕುರು ವಂಶಾಚ್ಯೆ ರಕ್ಷಣೆ ಖತಿರಿ ತೂಗೇಲೆ ಜೀವು ಧಾರಾ ಧರ್ಲೊಲೊ ಮಹಾತ್ಮ ತೂ ... ತುಗ್ಗೆಲ್ ಯೆದ್ರಾಕ ರಬ್ಬುನ್ ಯುದ್ಧ ಕೊರ್ಚೆ ಆಮ್ಗೆಲೆ ದುರಾದೃಷ್ಠ ... ! ಅಂಮ್ಕಾ ಕ್ಷಮಾ ಕರಿ ಪಿತಾಮಹಾ .. ! ತುಂವೇ ಆಜ್ಞಾ ದಿಲ್ಲೆರಿ ಮಾತ್ರ ... ಅಮ್ಮಿ ಯುದ್ಧ ಆರಂಭ ಕರತಾತಿ " ಮೋಣು ಸಂಘುನ್ ನಮನ ಕೊರ್ನ್ ರಾಬ್ಲೊ . ಧರ್ಮಜಾಲೆ ಭಕ್ತಿ , ಶ್ರದ್ಧಾ , ಅಭಿಮಾನ ಪೊಳೋನ್ ಭೀಷ್ಮಾಕ ಆನಂದ ಝಲ್ಲೆ .
ಭೀಷ್ಮ : " ಪ್ರಿಯ ಧರ್ಮಜಾ ..! ತುಗೆಲೆ ಕುಟುಂಬೆ ಮಲಘಡೇ ವೈರಿ ದವರ್ಲೆಲೆ ಮರ್ಯಾದಿ , ಪ್ರೀತಿ ಪೋಳೋನ್ ಮಕ್ಕಾ ಸಂತೋಷು ಝಲ್ಲೊ ... ತುಕ್ಕ ಕಸಲೆ ವರ ಜಾಯಿ ಕಿ ನಿಮಗೀ ... ಆಜಿ ತುಕ್ಕ ವರ ದೀವ್ಕಾ ಮೋಣು ಲೆಕ್ತಾ ."
ಧರ್ಮಜ : " ಪಿತಾಮಹಾ ..! ತುಗೆಲೆ ಹತ್ತಾ೦ತು ಧನುರ್ ಬಾಣ ಅಶ್ಚ್ಯೆ ತೆದೊಳ್ ತಾ೦ಯ್ ... ದೇವಾ ದಾನವ ಪೊಳೋನ್ ಭಿತ್ತಾತಿ ... ಅಶಿ ಆಸ್ತಾನಾ .. ಅಂಮ್ಚೇ ತಸಲೆ ಸಾಮಾನ್ಯ ಮನುಷ್ಯಾ೦ಕ ತುಗೆಲೆ ಎದುರಾ ರಬ್ಬುನ್ ಯುದ್ಧ ಕೋರೂ ಸಾಧ್ಯ ವೇ ? "
ಭೀಷ್ಮ : " ವಯ್ ... ಧರ್ಮಜಾ .. ಹ್ಯೇ ಸತ್ಯ .. ಝಲ್ಲೇರಿ ಹಾಂವೆ ಅತ್ತ ಕಸಲೆ ಕೋರ್ಕಾ .. ? "
ಧರ್ಮಜ : " ತುಗೆಲೆ ಎದುರಾ ಜಯ ಪಾವ್ಚ್ಯಾಕ ವಿಂಗಡ ವಾಟ ಅಸ್ಸ ವೇ .. ಪಿತಾಮಹಾ .. ?"
ಭೀಷ್ಮ : " ತ್ಯೆ ವಿಷಯು ಅತ್ತ ತುಗೆಲೆ ಸಂಗ್ಚ್ಯೇ ತಶಿ ನಾ . ತೂ೦ವೆ ನಿ೦ಮಗುಚೆ ತಶಿ ನಾ .. ಹಾಂವೆ ಸಾಂಗ್ಚ್ಯಾ ನಜ್ಜ . ತುಂಮ್ಕಾ ಸರ್ವಾಂಕ ಆಶೀರ್ವಾದು ಕರ್ತಾ ... ಸಿಂಹಾ ಮ್ಹಣ್ಕೆ ಯುದ್ಧ ಕರ್ಯಾತಿ ... ವಿಜಯೀ ಭವ ... " ಆಶೀರ್ವಾದು ಕೆಲ್ಲೊ . ತಜ್ಜೆ ನಂತರ , ಗುರು ದ್ರೋಣಾಚಾರ್ಯಾಲೆ ವೊಚ್ಚುನ್ ... " ಆಚಾರ್ಯ ದೇವಾ ... ತುಗೆಲೆ ಚರಣಾಂಕ ವಂದನಾ ... ವಿದ್ಯೆ ಬುದ್ಧಿ ಶಸ್ತ್ರಾಸ್ತ್ರ ಪ್ರಯೋಗ ಶಿಖೋನ್ ದಿಲ್ಲೆಲೆ , ಗುರುಲೆ ಎದ್ರಾಕ ಯುದ್ಧ ಕೊರುಂಕ ರಾಬ್ಲೀ೦ತಿ . ಹ್ಯೇ ಅಮ್ಗೆಲೆ ಧುರ್ವಿಧಿ . ಕ್ಷಮಾ ಕರಿ ಗುರು ದೇವಾ ... ಅಮ್ಮಿ ತುಗೆಲೆ ಪ್ರಿಯ ಶಿಷ್ಯ೦ . ತೆದನ ಕಷಿ ಅಶಿಲೀಂತಿ ಕೀ .. ತಶೀ೦ಚಿ ಆಜಿಯ್ ಆಸ್ಸತಿ . ಹೋಡ ಮನ ಕೊರ್ನ್ ಕ್ಷಮಾ ಕೋರ್ಕಾ ... ಯುದ್ಧಾ ಕ ಆಜ್ಞಾ ದೀವ್ಕಾ ."
ದ್ರೋಣ : " ಅಪೂರ್ವ ತುಗೆಲಿ ಗುರು ಭಕ್ತಿ ಕ ಹಾಂವ ಮನಸಾ ಅಭಿನಂದನ ಕರ್ತಾ ... ಹ್ಯೇ ಯುದ್ಧ ರಂಗಾಂತು .. ಹಾಂಗಾ ಶೌರ್ಯ , ಸಾಹಸ , ಪರಾಕ್ರಮ ಚಲ್ತಾ ವಿನಹಾ ... ಭಕ್ತಿ ಬಾಂಧವ್ಯಾಕ ಜಾಗೊ ನಾ ... ನ್ಯಾಯು , ಧರ್ಮ ಖಂಯ್ಯಿ ಅಸ್ಸ ಕೀ ... ಥಂಯ್ಯ ವಿಜಯ ಆಸ್ತಾ ... ತುಗೆಲೆ ಪಕ್ಷಾಂತು ವಿಜಯ .. ಪ್ರತಿ ರೂಪ ವಾಸುದೇವಾ ನ ಆಸ್ಲೆ ನಂತರ , ಮಿಗ್ಗೆಲೆ ಆಶೀರ್ವಾದಾಕ ಮೋಲ ನಾ ... ಆಯುಷ್ಮಾನ ಭವ .. ವೊಚ್ಚುನ್ ಯೋ " ಆಶೀರ್ವಾದ ಕೆಲ್ಲೊ .
ಧರ್ಮಜ : " ಗುರು ದೇವಾ .. ! ತುಗ್ಗೆಲ್ ಎದುರ ಯುದ್ಧ ಕೋರು೦ಕ ಸಾಧ್ಯ ನಾ ... ಆಮ್ಗೆಲೆ ಪ್ರಾರಬ್ಧ ತಸಲೆ ... !ವೇಳು ಅಯಿಲೇರಿ ತುಗ್ಗೆಲ್ ವೈರಿ ಜಯ ಕಶಿ ಪಾವ್ಚೆ ... ? ಏಕ ವಾಟ ಸಂಘುಕಾ " ಪಾಯ ಧೋರ್ನ್ ನಿ೦ಮಗಿಲೆ .
ದ್ರೋಣ : " ಕುಮಾರಾ .. ! ಖಂಚೇಯ್ ಕಾರಣಾ ನಿಮಿತ್ಯ ... ನಾತ್ಲೆರಿ .. ಖಂಚೆಯ್ ಅಪಘಾತ ಝಲ್ಲೆಲೆ ಖಬ್ಬರ ಅಯಿಕುನ್ ಧನುರ್ ಬಾಣ ಸಕಲ ಘಲ್ಲೆರಿ ... ಮಿಗ್ಗೆಲೆ ವೈರಿ ವಿಜಯ ಸಾಧನಾ ಕೊರುಂ ಝತ್ತಾ . ಮಿಗೆಲಿ ವಿಧಿ ಮಕ್ಕಾ ಹಾಂಗಾ ತಂಡುನ್ ಹಳ್ಳಾ . ಮಕ್ಕಾ ಗೊತ್ತಸ್ಸ . ಮಿಗೆಲಿ ಆಖೇರಿ ಉಸ್ರು ಕುರುಕ್ಷೇತ್ರಾ೦ತು ಸೊಡ್ಕಾ ಮೋಣು ಅಸ್ಸ . ಮಿಗೆಲೆ ಶಿಷ್ಯ೦ ಕಷ್ಶಿ ಯುದ್ಧ ಕರ್ತಾತಿ ... ಪೊಳೊಕಾ ಮೋಣು ಆಶಿ ಝಲ್ಲಾ .. ಜಾಯ್ತ ವೊಚ್ಚುನ್ ಯೋ .. ವಿಜಯೀ ಭವ . " ಮೋಣು ಆಶೀರ್ವಾದ ಕೆಲ್ಲೊ . ವಿದ್ಯಾಗುರು ಕೃಪಾಚಾರ್ಯಾಕ ಪೊಳೊನ್ ಆಶೀರ್ವಾದ ಘೆತ್ಲೊ . ಶಲ್ಯ ಮಾಮಾಕ ಪೊಳೊನ್ ನಮಸ್ಕಾರ್ ಕೆಲ್ಲೊ . ಶಲ್ಯ ಮಹರಾಜಾನ ದೋಳೆ ಉದ್ದಾಕ ಕಾಣು ಆಶೀರ್ವಾದ್ ಕೆಲ್ಲೊ . ಧರ್ಮರಾಯಾನ ಸರ್ವ ಮಲಘಡೆ೦ಗೆಲೊ ಅನುಮತಿ ಘೆವ್ನ್ , ... ಕುರು ಸೈನ್ಯಾ೦ಕ ಪೋಳಯಿತಾಚಿ ... ಗುರು ಮಲಘಡೆ , ಬಂಧು ಬಾಂಧವಾ೦ಕ ... ಆತ್ಮೀಯ ಭಂವಡಾ೦ಕ ... ಪೊಳೊನ್ " ಮಿಗೆಲೆ ಮಿತ್ರಾ೦ಕ ವಂದನಾ ... ವಿಧಿ ಪ್ರೇರಣಾ ನಿಮಿತ್ಯ .. ಹ್ಯೇ ಯುದ್ಧಾ ಕ ತಯ್ಯಾರ್ ಝಲ್ಲಾ . ತು೦ಮ್ಗೆಲ್ ಸರ್ವಾ ಲಗ್ಗಿ ಯುದ್ಧ ಕೊರುಂಕ ಮಕ್ಕಾ ಮಸ್ತ ದುಃಖ ಝತ್ತಾ . ಹಾಂವ ನ್ಯಾಯಾ ಖತಿರಿ , ಧರ್ಮಾ ಖತಿರಿ , ಹಾಂವ ಯುದ್ಧಾ ಕ ತಯ್ಯಾರ್ ಝಲ್ಲಾ . ತುಮ್ಗೆಲೆ೦ತು ... ಕೊಣಯ್ .. ಆಮ್ಗೆಲೆ ವೈರಿ ಅಭಿಮಾನ ದೊವೋರ್ನ್ ... ಆಮ್ಗೆಲೆ ಪಕ್ಷಾ ರಬ್ಬುನ್ ಯುದ್ಧ ಕೋರ್ಕಾ ಮೋಣು ದಿಸ್ಲೆರಿ .. ತಾಂಕಾ ಸ್ವಾಗತ ಅಸ್ಸ " ಧ್ರತರಾಷ್ಟ್ರಾ ಕ ಎಕ ವೈಶ್ಯ ಸ್ತ್ರೀ ನಿಮಿತ್ಯ ಜಲ್ಲಲೊ ಪೂತು ' ಯುಯುತ್ಸು ' ಪಾಂಡವ ಪಕ್ಷಾ೦ತು ಯೇವ್ನ್ ಮೆಳ್ಳೊ . ಧ್ರತರಾಷ್ಟ್ರಾಕ ಪಿಂಡ ಘಲೂ೦ಕ ಹ್ಯೋ ಎಕ್ಲೊ ಪುಣಿ ಅಸ್ಸ ನವೇ ... ! ಮೋಣು ಭೀಮ ಸೇನಾ ನ ಮನಾಂತು ಲೇಕ್ಲೇ . ಯುಯುತ್ಸು ಕ ಧರ್ಮರಾಯಾನ ಸ್ವಾಗತ ಕೊರ್ನ್ ನಮಸ್ಕಾರ್ ಕೆಲ್ಲೊ .
ಉಮಾಪತಿ
No comments:
Post a Comment