MAHABHARATH Part - 42 Mahatma Barbareek

MAHABHARATH  Part - 42  ( konkani Bhashentu )

              ಮಹಾತ್ಮಾ ಬರ್ಬರೀಕ   Mahatmaa Barbareek 

ಬರ್ಬರೀಕ , ಘಟೋತ್ಕಚಾಲೇ ಪೂತು .. ಭೀಮ ಸೇನಾಲೆ ನತ್ತು ... ಸ್ವತಃ ಭೀಮ ಸೇನಾ ನ ತಗೆಲೆ ನಾತ್ವಾಕ ಆಜಿ ತಾಯ್ ಪೊಳಯಿನಿ ಅಶಿಲೆ . ಗುರು ಸಿದ್ಧಸೇನಾಲೆ ವರ ಪ್ರಸಾದು ಜಾವ್ನ್ ... ಬರ್ಬರೀಕಾ ಕ ದಿವ್ಯಾಸ್ತ್ರ , ದಿವ್ಯ ಶಕ್ತಿ ಮೇಳ್ನ್ ಅಸ್ಸ . ಗುರು ಸಾಂಗ್ತಾ " ಹ್ಯೇ ದಿವ್ಯಾಸ್ತ್ರ ಆಜಿ ದುಕೂನ್ ತುಗೆಲೆ ... ತು ಮಹಾ ಯೋಧ ಝತ್ತಾ ... ಜಲ್ಲೇರಿ ... ಹ್ಯೇ ಅಸ್ತ್ರ೦ ಯುದ್ಧಾ೦ತು  ಮಾತ್ರ ಉಪಯೋಗ ಕೊರ್ಯೆತ . ಸಿಂಧೂರ ಲಾವ್ನ್ ಸೊಳ್ಳೆಲೆ ಬಾಣ , ತುಗೆಲೆ ಲಕ್ಷ್ಯಾ ಅಶಿಲೆ .. ಹಜಾರ ಹಜಾರ ಸೈನ್ಯಾಕ ದಿವಶಿ ಮಾರ್ಚೆ ಶಕ್ತಿ ಅಸ್ಸ . ಮಾತ್ರ .. ತುಂವೆ ದುರ್ಭಲ ಪಕ್ಷಾಂತು ರಬ್ಬುನ್ ಯುದ್ಧ ಕೋರ್ಕಾ ಝತ್ತಲೆ . ಶಕ್ತಿ ಮಾನ್ ಪಕ್ಷಾಂತು ರಬ್ಬಲೇರಿ ಉಪಯೋಗಾ  ಯೇನಾ . ಮಕ್ಕಾ ವಚನ ದೀ .. ಹ್ಯೇ ಅಸ್ತ್ರ ಬಿನಾ ಕಾರಣ , ಸ್ವಂತ ಉಪಯೋಗಾಕ ವಾಪರ್ನಾ ,  ದುರ್ಭಲ ಪಕ್ಷಾಂತ್ ರಬ್ಬುನ್ ಯುದ್ಧ ಕರ್ತಾ ಮೋಣು " ಬರ್ಬರೀಕಾ  ನ ಗುರು ಕ ವಚನ ದಿಲ್ಲೆ . 

                   ಯೆಕು ದಿವಸು ..ಭೀಮ ಸೇನಾ , ಪದ್ಮ ಸರೋವರಾ ಕ ಪಾಯು ಧುವ್ಚೊ ಖತಿರಿ ಆಯಿಲೊ . ತ್ಯೆ ಸರೋವರಾಂತ್ ಬರ್ಬರೀಕ ನಿತ್ಯ ಸ್ನಾನ ಕೊರ್ನ್ ಪೂಜಾ ಕರ್ತಶಿಲೋ . ಆಜಿ , ಕೋಣ್ ಕೀ ಆಜಾನುಭಾಹು .. ತ್ಯೆ ಸರೋವರಾಂತು ಪಾಯು ಧುವ್ಚೆ ಪೊಳೊನ್ ಕ್ರೋಧಿತ ಝಲ್ಲೋ . " ಹ್ಯೇ ಸರೋವರ ಮಿಗೆಲೆ .. ಹಾಂಗಾ ಪಾಯ ಧುವ್ವು ನಜ್ಜ . ಪಾಯ ಧುಲ್ಲೆಲೆ ನಿಮಿತ್ಯ ಸರೋವರಾ ಉದ್ದಾಕ  ಅಪವಿತ್ರ ಝತ್ತಾ " ಮ್ಹಳ್ಳಲೋ . ಉದ್ದಾಕ ಆಸ್ಸುಚೆ ದೇಹ ಶುದ್ಧ ಕೊರುಂಕ ... ತುಕ್ಕಾ ಕಾಸಲ್ಕೀ ಭ್ರಾಂತಿ ಲಾಗ್ಲೆ ' ಮೋಣು ದೊಗ್ಗ ಜನಾ ಭಿತರಿ ವಾದ , ವಿವಾದ ಜಾವ್ನ್ ,  ಎಕ್ಲೇಕ ಎಕ್ಲೇನಿ ಲಾಕೊನ್  ಘೇವ್ನ್ ಮುಷ್ಠಿ ಯುದ್ಧಾ ಕ ಆರಂಭ ಝತ್ತಾ . ತ್ಯೆ ವೆಳ್ಯೇರಿ ವ್ಯಾಸ ಮಹರ್ಷಿ ಯೇವ್ನ್ ಯುದ್ಧ ರಬ್ಬಯಿತಾ . ಅನಿ ಬರ್ಬರೀಕಾ ಕ ಭೀಮಾಲೆ ಪರಿಚಯು ಕೊರ್ನ್ ದಿತ್ತಾ . ಹ್ಯೋ  ತುಗ್ಗೆಲ್ ನತ್ತು ಮೋಣು ಬರ್ಬರೀಕಾ ಲೆ ಪರಿಚಯು ಭೀಮಾಕ ಕೊರ್ನ್ ದಿತ್ತಾ . ದೊಗ್ಗ ಜನ ಭಿನ್ನ ಅಭಿಪ್ರಾಯ ಸೋಣು , ಬರ್ಬರೀಕ , ಭೀಮಾಲೆ ಪಯ್ಯಾರಿ ಫೋಣು  ಕ್ಷಮಾಪಣ ಮಾಗ್ತಾ . ಭೀಮ ನಾತ್ತ್ವಾಕ ಫೊಟೊನ್ ಧೋರ್ನ್ ಆಶೀರ್ವಾದ ಕರ್ತಾ .              

                           ಹಸ್ತಿನಾವತಿ ನಗರಿ ಯುದ್ಧಾ ಕ ತಯ್ಯಾರ್ ಝಲ್ಲಾ ಮೋಣು ಅಯಿಕುನ್ ಬರ್ಬರೀಕ ... ಪಾಂಡವಾಂಕ ಸಹಾಯು ಕೋರ್ಕಾ ಮೋಣು ಉಪಪ್ಲಾವ್ಯ ನಗರಾ ಕ ಯೇವ್ನ್ ಪಾವ್ಲಾ .          

 ದುಃಶ್ಶಾಸನ :" ಬ್ರಾತಾಶ್ರೀ ..ಬರ್ಬರೀಕ  ಪಾಂಡವ ಶಿಬಿರಾ ಕ ಅಯಿಲಾ ...  ಮೋಣು ಸುದ್ದಿ ಅಯಿಲಾ . ಹಗೆಲೆ  ನಿಮಿತ್ಯ ಅಂಮ್ ಕಾ ಮಸ್ತ ನಷ್ಠ ಜಾವ್ಚ್ಯಾ ಸಾಧ್ಯತಾ ಅಸ್ಸ . ತಗೆಲೇ ಅಶಿಲೆ ದಿವ್ಯಾಸ್ತ್ರ ಮಹಾ ಭಯಂಕರ ಮೋಣು ಅಯಿಕಲಾ " 

ಧುರ್ಯೋಧನ : " ವಯಿ ದುಃಶ್ಯಾಸನಾ ... ! ಹಾಂವ ಅನಿ ಕರ್ಣ ಹ್ಯೆಂಚಿ ವಿಷಯು ಉಲ್ಲಯಿತಶಿಲೆ೦ತಿ .. ಸಾ೦ಗ ಅನಿ ಕಸಾಲೆ ಕೊರ್ಯೇತ .. ? "

ದುಃಶ್ಶಾಸನ :" ತಾಣೆ ಆಯ್ಯಿಲೆ ನಿಮಿತ್ಯ ಪಾಂಡವ ಶಿಬಿರಾಂತು ಕೊಣಾಯ್ ,  ಸಂತೋಷಾರಿ ನಾತಿ ... ಕೊಣಾಲೆ ಬುದ್ಧಿ ಶಕ್ತಿರಿ .. ಇತ್ಲೆ ವಿಶ್ವಾಸು ದವರ್ಲೊಲೋ ಕೀ .. ತ್ಯೋ ... ಗ್ವಾಲ .. ಯದು ನ೦ದನ ತಾಯ್  .. ಹ್ಯೇ ವಿಶಯಾನಿ ಚಿಂತಿತ ಜಾವ್ನ್ ಅಸ್ಸ " 

ಕರ್ಣ :" ತಾಂಗೆಲೆ ಪಕ್ಷಾಂತು ಯೇವ್ನ್ ಮೆಳ್ಳೆ ನಂತರ .. ಕಸಲೇಕ  ಚಿಂತಿತ ಜಾವ್ಕಾ .. ? ತಂಗೇಲಿ ಶಕ್ತಿ ಅನಿಕಯ್ ವೃದ್ಧಿ ಝಲ್ಲಿ ನವೇ .. ? ಅಮ್ಮಿ ಪುಣಿ ವಿರೋಧಿ ಮೋಣು ಲೆಕ್ಕುಯೆತಾ .. ಕಸಲಿ  ತಾಂಗೆಲೆ ಸಮಸ್ಯಾ .. ?

ದುಃಶ್ಶಾಸನ :" ಬರ್ಬರೀಕ ಏಕ ಸಮಸ್ಯ ಮಾತ್ರ ನಯ್ ... ಏಕ ರಹಸ್ಯ ತಾಯ್ ವಯ್ . ಝಲ್ಲೇರಿ ಮಕ್ಕಾ ಹ್ಯೇ ಕಳ್ನಾ .. ಪಾಂಡವ ಶಿಬಿರಾಂತ್ ಕಿತ್ಯಾ ಗೊಂದೋಳ್  ? " 

ಕರ್ಣ : " ದುಃಶ್ಯಾಸನಾ ... ! ತಾಂಗೆಲೆ ಚಿಂತೇಕ ಜಾಲ್ಲೆ ತಿತಲೆ  ವಗ್ಗಿ ಕಾರಣ ಸೊದ್ದೂನ್  ಕಾಡಿ " 

                                  ಹೆತಾ೦ತು ಪಾಂಡವ ಶಿಬಿರಾಂತ , ಬರ್ಬರೀಕಲೆ ವಿಶಯಾಂತು , ತಗೆಲೆ ಮಹಾ ಶಕ್ತಿ ವಿಷಯಾನ್ ಸಮಾಲೋಚನಾ ಝತ್ತಾ ಅಸ್ಸ ... 

ಅರ್ಜುನ :" ಪೌತ್ರ ಬರ್ಬರೀಕಾ ಕ ಯುದ್ಧಾ೦ತು ಯೆವ್ಚಾಕ ಸೋಡು ನಜ್ಜ . ಅಮ್ಮಿ ಸಂಕಟಾ ಪಾವ್ನ್ , ಕೆಲ್ಲೆಲಿ ಪ್ರತಿಜ್ಞೆಕ ಅರ್ಥು ನಾ ಜತ್ತಾ . ಖಂಯಿ ಪುಣಿ ತ್ಯೋ  .. ತಾಂಗೆಲೆ ಪಕ್ಷಾ ಕ ಗೆಲ್ಲೆರಿ ಅಂಮ್ಕಾ ಮಹಾ ನಷ್ಠ ಝತ್ತಾ . ಏಕಾತ್ ವೇಳಾ ...  ಆಮ್ಗೆಲ್ ಪಕ್ಷಾಂತ್ ರಬ್ಬುನ್ ಯುದ್ಧ ಕೆಲ್ಲೇರಿ ... ಆಮ್ಗೆಲೆ ಪ್ರತಿಜ್ಞೆ ಕ , ಧರ್ಮಾ ಕ ವಿರುದ್ಧ ಝತ್ತಾ ... ಬರ್ಬರೀಕ ಸರ್ವ ನಾಶ ಕೊರ್ನ್ ಘಲ್ತಾಲೊ . ಹ್ಯೇ  ಯುದ್ಧ ಧರ್ಮ ನಯ್ . ಧುರ್ಭಲ  ಪಕ್ಷ ಮೋಣ್ ... ಹಾಂಗಾ ಥಂಯ್ ಅಧರ್ಮ ಝತ್ತಲೆ ." 

ಧರ್ಮಜ :" ವೈದ್ಯ .. ಸರ್ವ ರೋಗಾ ಕ ಔಷಧ ಕರ್ತಾಲೊ ಝಲ್ಲೆರಿಯಿ ... ತೊಡೆಸೇ ರೋಗ ತಾಗೆ ಲ್ ಔಷಧಿಕ ವಿರುದ್ಧ ಜತ್ತಲೇ . ತಶೀ೦ಚಿ ಬರ್ಬರೀಕ ಆಮ್ಗೆಲೆ ವಂಶಾ ಏಕ ಭಾಗ . ಖಂಚೆಯ್  ವಿಷಯು ... ಹಜಾರ್ ಪೋಟಿ ಆಲೋಚನಾ ಕೋರ್ಕಾ ಪೊಡ್ತಾಲೆ .. ಏಕ ನಿರ್ಣಯ ಘೆವ್ಚೆ ಫುಡೇ .. " 

ಅರ್ಜುನ :" ಹ್ಯೇ ಯುದ್ಧ .. ಧರ್ಮ - ಅಧರ್ಮ , ಸತ್ಯ - ಅಸತ್ಯ , ನೀತಿ - ಅನೀತಿ ಮಧ್ಯೆ ಜಾವ್ಚೆ ಯುದ್ಧ . ಏಕತ್ ವೇಳಾ .. ಅಮ್ಮಿ , ಧರ್ಮ , ಸತ್ಯ , ನೀತಿ ಕ ಸನ್ಮಾನ ಕರ್ನಾ ನತ್ಲೆರಿ ... ಅಂಮ್ಮಿ  ಪರಾಜಯ ಝಲ್ಲೆರಿ .. ಯೇವ್ಚೆ ಪೀಳಿ೦ತು , ಕೋಣಾಕಾಯ್ ಜವಾಬ ದಿವ್ವು  ಜಾಯ್ನಾ ನಾತ್ತಿಲೆ ಜತ್ತಲೀ೦ತಿ . ಆಮ್ಗೆಲೆ ಹೇ ಅಪರಾಧಾ ಕ ಕೆದನಾಯ್ ಕ್ಷಮಾ ಮೇಳ್ನಾಶಿ  ವತ್ತಲೇ .. "

ಭೀಮ :"ಏಕತ್ ವೆಳ್ಯೇರಿ ... ವಿಷಾ ನಿಮಿತ್ಯ ಖಂಚೇಯ್ ರೋಗ ವಿಮುಕ್ತಿ ಜಾತ್ತಾ ಝಲ್ಲೇರಿ ... ತ್ಯೆ ವಿಷ ಪೀವಕಾ ಪೊಡ್ತಾ ... ಏಕತ್ ವೆಳ್ಯೇರಿ ಮಿಗ್ಗೆಲೆ ನತ್ತು ಸಗ್ಳೆ  ವಂಶ , ಕುಲ ಗೋತ್ರಾ ಕ ಸಂಕಟ ಜಾವ್ನ್ ಅಯಿಲೇರಿ ... ಮಕ್ಕಾ ಸ್ವಯಂ ಮಿಗೆಲೆ ನಾತ್ವಾಕ ಮಿಗೆಲೆ ಹತ್ತಾನ ಸಮಾಪ್ತ ಕೋರ್ಕಾ ಝತ್ತಲೆ . ಹಾಂವ ಸ್ವಯಂ ಮಿಗೆಲೆ ಹಾತ್ತಾನ ವಧ ಕರ್ತಾ ... " ತ್ಯೆ ವೆಳ್ಯೇರಿ ವ್ಯಾಸ ಮಹರ್ಷಿ ಪ್ರತ್ಯಕ್ಷ ಝತ್ತಾ . 

ವ್ಯಾಸ ಮಹರ್ಷಿ :" ತೂ ತಕ್ಕಾ ವಧ ಕೋರು ಜಾಯ್ನಾ ಭೀಮಾ ..! ಬರ್ಬರೀಕ ನ ಅಕಾಲ ಮೃತ್ಯು ಸೀಮಾ ಭಾಯಿರಿ ಪಾವ್ನ್ ಜಲ್ಲಾ ..!.  ಭೀಮಾ ..! ತೂ ತಾಯ್ ತ್ಯೆ ಸೀಮಾ ಲಗ್ಗಿ ವೋಚ್ಚಾ ಜಾಯ್ನಾ ... ಸಾಧ್ಯ ನಾ ಭೀಮ್ ..! ಬರ್ಬರೀಕಾ ಕ , ಸೀಮಾ ಭಾಯಿರಿ ಪಾವೊಚ್ಯಾಕ .. ಎಕ್ಲೆಲೆ ನಿಮಿತ್ಯ ಮಾತ್ರ ಝತ್ತಾ . ತ್ಯೋ ಬರ್ಬರೀಕಾ ಲೆ ವಿಧಿ , ಭವಿಷ್ಯ ಬರಯಿಲೊ ... ಅಂತ್ಯ ಅನಿ ಆರಂಭ ಕೆಲ್ಲೆಲೋ ... ಸೃಷ್ಠಿ ಕೊರ್ನ್ ಪಾಲನ್ ಕರ್ತಲೊ ... ನಾಶ ಕರ್ತಾಲೊ . ಹ್ಯೇ ಗುಣ ಕೇವಲ್ ದೇವಕಿ ನಂದನ ವಾಸುದೇವಾ ಲಗ್ಗಿ ಮಾತ್ರ ಅಸ್ಸ ! ತ್ಯೋಚಿ ... ಸಂಕಟಾಕ ಮಾರ್ಗ  ದಕ್ಕಯಿತಲೊ " ತ್ಯೆ ವೆಳ್ಯೇರಿ  ಶ್ರೀ ಕೃಷ್ಣ ಥಂಯ್ ಯೇವ್ನ್ ಪಾವ್ತಾ .

ಕೃಷ್ಣ : " ಪ್ರಣಾಮ್ ಮುನಿವರ್ಯಾ ... ಮಿಗೆಲೆ ಉಡ್ಘಾಸು ಕಿತ್ಯಾ ಅಯಿಲೊ .. ? " 

ಧರ್ಮಜ : " ಅಮ್ಮಿ ಸರ್ವ ಬರ್ಬರೀಕಾ ಲೆ ವಿಷಯಾನ ಉಲ್ಲಯಿತಶಿಲೀ೦ತಿ ಕೇಶವಾ .. ! ಹಯೇ ಸಂಕಟ ಕಷ್ಶಿ ನಿವೃತ್ತಿ ಕೊರ್ಚೆ .. ? "

ವ್ಯಾಸ ಮಹರ್ಷಿ  : " ವಾಸುದೇವಾಕ , ಕಠೋರ ನಿರ್ಣಯ ಘೆವ್ಕಾ ಪೊಡ್ತಾಲೆ .. ! "

ಕೃಷ್ಣ :" ನಿರ್ಣಯ ... ನ್ಯಾಯ ಪೊಳೋ ನ್ ,  ಧರ್ಮ ಪೋಳೋ ನ್ , ಘೆವ್ಕಾ ಪೊಡ್ತಾಲೆ . ಏಕತ್ ವೇಳ್ಯೇರಿ .. ಹಾಂವೆ ನಿರ್ಣಯ ಘೆತ್ಲೆರಿ .. ತಾಜ್ಜೆ ನಿಮಿತ್ಯ ಕೋಣಾಕಯ್ ... ಅಸಮಾಧಾನ ಜಾಯ್ನಾ ನವೇ .. ? ಸರ್ವಾಂಕ ಸ್ವೀಕಾರ ಝತ್ತಲೇ ವೇ .. ?" 

ಅರ್ಜುನ :" ಹೇ ವಾಸುದೇವಾ ..! ತೂ ಕೆದನಾಯ್ ಅನುಚಿತ್ ನಿರ್ಣಯ ಘೆನಾ ಮೋಣು ಅಂಮ್ಕಾ ಸರ್ವಾಂಕ ತೂಗೇಲ್ ವೈರಿ ವಿಶ್ವಾಸು ಅಸ್ಸ . ತೂ ಘೇವ್ಚೆ ನಿರ್ಣಯಾ ಕ ಆಮ್ಗೆಲೆ ಸರ್ವಾ೦ಗೆಲೆ ಸಮ್ಮತಿ ಅಸ್ಸ "

ಭೀಮ :" ಕೇಶವಾ ..! ತೂ೦ವೆ  ಕಸಲೆಯ್ ನಿರ್ಣಯ ಘೆತ್ಲೆರಿ ಅಂಮ್ಕಾ ಸ್ವೀಕಾರ ಝತ್ತಾ ... ಖಂಚೆಯ್ ರೀತೀರಿ ಹ್ಯೇ ಸಂಕಟಾ ದುಕೂನ್ ಪಾರ ಕರಿ .. " 

ವ್ಯಾಸ ಮಹರ್ಷಿ :" ಆನಿ ವೇಳು  ಕೋರು ನಜ್ಜ ವಾಸುದೇವಾ ,,, ವಿಧಿ ವಿಷಯು , ವಿದಾತಾನ ಕೆದನಾ ನಿಡಲಾರಿ ಬೋರಯಿಲಾ ಕೀ ... ತಾಜ್ಜೆ ಮ್ಹಣ್ಕೇ ಜಾವ್ಕಾ" 

                            ವಾಸುದೇವು , ಬರ್ಬರೀಕಾನ ಏಕ ರುಕ್ಕಾ ಮುಳಾಂತ್ ಧ್ಯಾನಾರಿ  ಬೊಶಿಲೆ ಜಾಗೇರಿ ಯೇವ್ನ್ ಪಾವ್ತಾ . ಕೃಷ್ಣು ತಗೆಗೆಲೆ ಎದ್ರಾಕ ಯೇವ್ನ್ ರಾಬಲೊ . ಕೃಷ್ಣಾಲೇ ಅಂಗಾಕ ಚಂದನಾ ಪೊರಂಬೋಳು ಯತ್ತಶಿಲೆ . ಚಂದನಾ ಪೊರಂಬೋಳು ಪೊಳೊನ್ ಧ್ಯಾನ ದುಕೂನ್ ಭಾಯಿರಿ ಅಯಿಲೊ  ಬರ್ಬರೀಕ್ . ದೊಳೆ ಸೋಣು ಪೊಳಯಿತನಾ .. ಎದ್ರಾಕ ದೇವಕಿ ನಂದನ ವಾಸುದೇವ್  .. ! ಆಶ್ಚರ್ಯ ಅನಿ ಸಂತೋಷು ಝಲ್ಲೋ . 

ಬರ್ಬರೀಕ : " ಪ್ರಣಾಮ ದಾದಾ ಶ್ರೀ .. ! " 

ಕೃಷ್ಣ : " ತುಗೆಲೆ  ಧ್ಯಾನ ಭಂಗ ಝಲ್ಲೆ ಶೀ ದಿಸ್ತಾ .. ವತ್ಸಾ .. ! "

ಬರ್ಬರೀಕ :" ಧ್ಯಾನ ಭಂಗ ಜಾಯ್ನಿ ನಾತ್ಲೆರಿ ... ತುಗ್ಗೆಲ್ ದರ್ಶನ ಮೆಳ್ತಶಿಲೆವೆ .. ? ಆಶೀರ್ವಾದ ಕರಿ ಮಹಾತ್ಮಾ " ಮೋಣು ಸಂಘುನ್ ಕೃಷ್ಣಾ ಲೆ ಚಾರಣ ಸ್ಪರ್ಶ ಕೆಲ್ಲೆ . " ಯಶಸ್ವೀ ಭಾವ " ಆಶೀರ್ವಾದು ಕೆಲ್ಲೊ 

ಬರ್ಬರೀಕ : " ಹಾಂವ ತುಗ್ಗೆಲ್ ಧ್ಯಾನಾರಿ ಅಶಿಲೋ ವಾಸುದೇವಾ .. ! ಮಕ್ಕಾ  ಏಕ ಉತ್ತರ ಸಂಘಿಲ್ ಝಲ್ಲೆರಿ ... ಹಾಂವಚಿ ಯೇವ್ನ್ ಮೆಳ್ತಶಿಲೋ ... ಮಕ್ಕಾ ಕಸಲಿ ಆಜ್ಞಾ ದಿತ್ತಾ ಮಹಾತ್ಮಾ .. ? " 

 ಕೃಷ್ಣ :" ಹ್ಯೇ ವಿಧಿ ನಿಯಮ ವತ್ಸಾ ..! ತಾನಿ ...  ಅಯಿಲೆರಿ ಉತ್ಕಾ ಸರೋವರಾ  ದಿಕಾನ ವೊಚ್ಚುಕಾ ... ಸರೋವರ ಕೆದನಾಯ್ ತಾನ್ನಿ ಲಗ್ಗಿ  ಯೇನಾ .. "

ಬರ್ಬರೀಕ :" ಹಾಜ್ಜ್ಯೋ ಅರ್ಥ ಮಕ್ಕಾ ಕಳ್ನಿ ... ತೂ ಮಿಗೇಲೆಗಿ ... ಕಸಲೆ ಕೀ  ಕಾಮಾ ಖತಿರಿ ಅಯಿಲಾ .. ಮೋಣು ದಿಸ್ತಾ . ಆಜ್ಞಾ ಕರಿ ದೇವಾ ... ತುಗ್ಗೆಲ್ ಸೇವಾ ಕೊರುಂಕ ಕೆದ ನಾಯ್ ಹಾಂವ  ಸಿದ್ಧ  ." 

ಕೃಷ್ಣ :" ಹಾಂ .. ಬರ್ಬರೀಕ್ ... ತೂ ತುಗ್ಗೆಲ್ ಗುರು ಸಿದ್ಧಿಸೇನಾಲೆ ಕೃಪೇನ ತೀನಿ ಬಾಣ ಸಿದ್ಧಿ ಕೆಲ್ಲಾ  ನವೇ  .. ? ಹಾಂವೆ ಕೆದನಾಯ್ ಪೊಳಯಿನಿ . ತಾಜ್ಜೆ ಶಕ್ತಿ ಪೊಳೊಕಾ ಮೋಣು  ಅಷ್ಶಿಲೆ .. " ಬರ್ಬರೀಕಾ ನ ಬಾಣ ಹಾಣು ಭಕ್ತಿ ಪೂರ್ವಕ ಜಾವ್ನ್ ಕೃಷ್ಣಾ ಲೆ  ಹತ್ತಾ೦ತು  ದವರ್ಲೆ . " ಹ್ಯೇ ಬಾಣ ಪೊಳೋ ನ್ ಸಂತೋಷು ಝಲ್ಲೋ ಬರ್ಬರೀಕ ... ಹಜ್ಜೆ ಚಮತ್ಕಾರ ಪೊಳೊಕಾ ಮೋಣು ಆಶಿ ಝಲ್ಲೆ  ... ಪೊಳೆ ..! ಹ್ಯೇ ವೃಕ್ಷ .. ತುಗ್ಗೆಲ್ ಶತ್ರು ಮೋಣು ಲೇಕ ... ಆನಿ ಹೆಜ್ಜೆ ಪಲ್ಲೋ ಏಕ್ - ಏಕ್  ಸೈನಿಕ ಮೋಣು ಲೇಕ ... ಪೋಳೋ ಯಾ  ಹಜ್ಜೆ ಚಮತ್ಕಾರ . ಕೃಷ್ಣಾ ನ ರುಕ್ಕಾಚೆ ಏಕ ಪತ್ತೋ ತುಂಟೋನ್ ಪಯ್ಯಾ ಮುಳಾಂತ್ ಕೋಣಾಕಯ್ ಕಳ್ನಾಶಿ  ನಿಪ್ಪೋನ್ ದವರ್ಲೊ . ಬರ್ಬರೀಕಾ ನ ಮಂತ್ರ ಸಂಘುನ್ ಬಾಣ ಸೊಳ್ಳೋ . ಆಶ್ಚರ್ಯ ! ತ್ಯೋ ಬಾಣು ಏಕ್ - ಏಕ ಪಲ್ಲೇಕ ವೊಚ್ಚುನ್ ಲಾಗ್ಗುನ್ ಸಕಲ ಫೋಣು   ಲಾಸ್ಸುನ್ ಘೆಲ್ಲೇ ... ಆಖೇರಿಕ ಕೃಷ್ಣಾ ಲೆ ಪಯ್ಯಾ ಮುಳಾಂತ್ ಅಶಿಲೆ ಪಲ್ಲೆಕಾ ಲಾಗ್ಗುನ್ ಭಸ್ಮ ಜಲ್ಲೊ . 

ಬರ್ಬರೀಕ : " ಕ್ಷಮ ಅಸ್ಸೋ ದೇವಾ ... ! ಹ್ಯೋ  ಪತ್ತೋ ಹಾಂಗಾ ಕಷ್ಶಿ ಅಯಿಲೆ .. ? " 

ಕೃಷ್ಣ :" ಹ್ಯೇ  ಪತ್ತೋ ಹಾಂವೇ ಚಿ  ನಿಪ್ಪೋನ್ ದವರ್ಲೆಲೆ .. ಪೊಳೋ ಯಾ ತುಗ್ಗೆಲ್ ಬಾಣು ಕಷ್ಶಿ ಕಾಮ ಕರ್ತಾ ಪೋಳೋಯಾ ಮೋಣು ನಿಪ್ಪೋನ್ ದವರ್ಲೆಲೆ . ತುಗ್ಗೆಲ್ ಬಾಣಾ ದುಕೂನ್ ವಾಂಚು ಸಾಧ್ಯ ಅಸ್ಸ ಕೀ ನಾ ..! ಪರೀಕ್ಷಾ ಕರ್ತಾಶಿಲೋ ... ನಿಜಾವನು ತುಗೆಲೊ ಬಾಣು ನಿಸ್ಸ೦ದೇಹ ಜಾವ್ನು ಸ್ರೇಷ್ಠ . ತುಗೆಲಿ ಸಿದ್ಧಿ ಅತಿ ಉತ್ತಮ . ತುಂವೆ ಗುರುಕ ...  ಏಕ ವಚನ ದಿಲ್ಲೆಲೆ ... ದುರ್ಬಲ ಪಕ್ಷಾಂತ್ ರಬ್ಬುನ್  ಯುದ್ಧ ಕರ್ತಾ ಮೋಣು ನವೇ .. ? ಫಲ್ಲೇ  ಕೌರವ ಪಕ್ಷ ದುರ್ಬಲ ಮೋಣು ದಿಸ್ಲೆರಿ ... ಕೌರವ ಪಕ್ಷ ಸೈನ್ಯಾ ಕ ಸಮರ್ಥನಾ ದೀವ್ನ್ ಯುದ್ಧ ಕರ್ತಾಲೊ ಕೀ .. ? " 

ಬರ್ಬರೀಕ :" ತಶಿ ಜಲ್ಲೇರಿ ಹಾಂವೆ ವಚನ ದಿಲ್ಲೆಲೆ ಪ್ರಕಾರ , ತಾಂಗೆಲೆ ತರ್ಪೆನ ರಬ್ಬುನ್ ಯುದ್ಧ ಕೋರ್ಕಾ ಪೊಡ್ತಾಲೆ " 

ಕೃಷ್ಣ :" ಪೊಳೆ ವತ್ಸಾ ..! ಹ್ಯೇ ಯುದ್ಧ ಧರ್ಮು  ನಯ್ ... ತುಗ್ಗೆಲ್ ವಚನ ದಿಲ್ಲೆಲೆ ಪರಿಣಾಮಾ  ನಿಮಿತ್ಯ ... ಏಕ ಪೋಟಿ ಪಾಂಡವ ತರ್ಪೆನ ... ಏಕ ಪೋಟಿ ಕೌರವ ಪಕ್ಷಾ  ದುಕೂನ್  ಯುದ್ಧ ಕರ್ತಲೊ ... ತಜ್ಜೆ ನಿಮಿತ್ಯ ದೊನ್ನಿ ವಂಶ ನಿರ್ನಾಮ ಜತ್ತಲೇ ... ಆಖೇರಿಕ ತೂ ಏಕ್ಲೊಚಿ ವಂಚೂನ್ ವರ್ತಲೊ ... ಹ್ಯೇ ವಚನ ತುಕ್ಕ ಶ್ರಾಪ ಝತ್ತಲೆ ... ತೂ ಯುದ್ಧ ರಂಗಾಂತು ಎಕ್ಲೊಚ್ಯ್ ಜಾವ್ನ್ ಸುಕ್ಕಿಲೇ ರುಕ್ಕ ಮ್ಹಣ್ಕೆ ಝತ್ತಲೋ " 

ಬರ್ಬರೀಕ :" ಹಾಂವೆ ಕಸಲೆ ಕೊರ್ಚೆ ದೇವಾ ... ? ಮಕ್ಕಾ  ತುವೆಂಚಿ ಹಜ್ಜೆ ಉಪಾಯು ಸಂಘುಕಾ ... ಮಾರ್ಗ ದರ್ಶನ ಕೊರ್ನ್ ದಿತ್ತಲೋ ತಯೋಚಿ ಹೋಡು ಗುರು ಝತ್ತಾ ದೇವಾ ... ! ಹೆಜ್ಜೆ ಪೋಷಿ ಕಸಲೆ ಹೋಡ  ಅಸ್ಸ ? ತುಕ್ಕಾ ಆದರಣೀಯ ಪ್ರಣಾಮ . "

ಕೃಷ್ಣ :" ಬರ್ಬರೀಕಾ ..!  ಹಾಂವ ತುಗೆಲೆ ಗುರು ಮೋಣು ಲೇಕ್ಲೇರಿ ... ಮಕ್ಕಾ ಗುರು ದಕ್ಷಿಣ ಸುರ್ವೆಕ ದೀವ್ಕಾ ... " 

ಬರ್ಬರೀಕ :" ಸಾಂಗ ಗುರು ಮಹಾತ್ಮಾ !... ಗುರು ದಕ್ಷಿಣ ಜಾವ್ನ್ ಮಿಗೆಲೆ ಪ್ರಾಣ ಜಲ್ಲೆರಿಯಿ ದಿತ್ತಾ ... ಅಜ್ಞ ಕರಿ ದೇವಾ .. " 

ಕೃಷ್ಣ : " ಮಕ್ಕಾ ಗುರು ದಕ್ಷಿಣ ಜಾವ್ನ್ .... ತುಗ್ಗೆಲ್ ಮತ್ತೆ ಜಾಯಿ ಕುಮಾರಾ ... ! " ಬರ್ಬರೀಕ :" ದೇವಾ ...! ಹ್ಯೇ ಕುರುಕ್ಷೇತ್ರ ಯುದ್ಧ .... ಮಹಾ ಯುದ್ಧ ಪೊಳೊಕಾ ಮೋಣು  ಆಶಿ ಅಷ್ಶಿಲಿ ... ಮಿಗೆಲಿ ಆಶಿ ಮನಾಂತುಚಿ ವರ್ಲಿ ... " 

ಕೃಷ್ಣ :" ನಾ ..  ವತ್ಸಾ ..! ತುಗೆಲಿ ಆಶಾ ಪೂರ್ತಿ ಕೊರ್ಚೆ ಮಿಗೆಲೆ  ಭಾಗ್ಯ ... ತುಗೆಲೆ ಮತ್ತೆ ಜೀವಂತಿ ಆಸ್ತಾ . ಕುರುಕ್ಷೇತ್ರ ಯುದ್ಧ ತೂ೦ವೆ ಲೆಕ್ಕಿಲೆ ತಶಿ ತ್ಯೆ - ತ್ಯೇ ಜಾಗೇರಿ ವೊಚ್ಚುನ್ ಪೋಳೋಯೆತ ... ತಸಲಿ ಶಕ್ತಿ ತುಕ್ಕಾ ದಿತ್ತಾ . ತುಗೆಲೆ ಮಲಘಡೆ೦ನ ಕೊರ್ಚೆ ಧರ್ಮ ಯುದ್ಧ , ಮರಣ , ದುಕ್ಕೀ ಚೀತ್ಕಾರ , ಕ್ರೂರ ಆರ್ಭಟ ,  ಶೌರ್ಯ, ಮನಾ ಸ್ಥೈರ್ಯ , ದುಃಖ , ಪೀಡಾ , ತುಕ್ಕಾ ಕಳ್ತಾ ... ದೀ ಮಿಗೆಲಿ ಗುರು ದಕ್ಷಿಣ "   ಬರ್ಬರೀಕಾ ನ ಖಡ್ಘ  ಹತ್ತಾ೦ತು  ಘೆವ್ನ್ ಸರಕ್ಕನಿ ಮತ್ತೆ ಕತ್ತೊರ್ನ ಕೃಷ್ಣಾ ಲೆ  ಹತ್ತಾ೦ತು  ದವರ್ಲೆ . ವ್ಯಾಸ ಮಹರ್ಷಿ , ಪಾಂಡವ ರಬ್ಬುನ್ ಪೊಳೈತ  ರಾಬಲೆ . ಏಕ್ ದಿಕಾನ ದುಃಖ .. ಅಮ್ಗೆಲ್ ವಂಶಾ ಚಿಗುರು , ಅಮ್ಮಿ ಚಿ ಚಿ೦ಮ್ಟೂನ್ ಘಾಲ್ಲೆ ಮೂ ಮೋಣು ಸಂಕಟ ... ಆನ್ನೇಕ ಬದೀನ  ಇತ್ಲೆ ಸಾನ್ ಪ್ರಾಯೇರಿ ಕಿತ್ಲೆ ಧೈರ್ಯ ..! ಕಿತ್ಲೆ ಮನೋ ಶಕ್ತಿ ಅನಿ  ಸ್ಥೈರ್ಯ ...! ಆಮ್ಗೆಲೆ ವಂಶಾ ಶೌರ್ಯ ದಕ್ಕಯಿಲೆ ..! ಜೀವ ತ್ಯಾಗ ಕೃಷ್ಣಾ ನ ನಿಂಮ್ಗಿಲೆ ಸತಾನ ದಿಲ್ಲೆ ...! ಮೋಣು ಅಭಿಮಾನ ಪಾವಲೆ . ವ್ಯಾಸ ಮಹರ್ಷಿ ಸಂತುಷ್ಟಿ ಪಾವಲೋ .

ಕೃಷ್ಣ :" ಆಜಿ ದುಕುನ್  , ಲೋಕು ತುಕ್ಕಾ ..." ಮಹಾತ್ಮಾ ಬರ್ಬರೀಕ " ಮೋಣು ಅಪ್ಪಯಿತಲೆ . ಭೀಮ ಸೇನಾ ..! ಹೇ ಮಸ್ತಕಾ ಕ ಕುರುಕ್ಷೇತ್ರಾ  ಲಗ್ಗಿ , ಏಕ ಗುಡ್ಡೇರಿ ಆಧಾರ್ ದೀವ್ನ್ ರಬ್ಬಯಿ " ಮ್ಹಳ್ಳಲೋ ಕೃಷ್ಣು . ಪಾಂಡವ ಅನಿ ಕೃಷ್ಣಾ ನ ಮಹಾತ್ಮಾ ಬರ್ಬರೀಕಾ ಕ ರಾಜ ತಿಲಕ ಲಾವ್ನ್ ... ವಂಶಾಚೆ ಅತಿ ಶ್ರೇಷ್ಠ ಮನುಷ್ಯ ಮೋಣು ಆಶೀರ್ವಾದು ಕೆಲ್ಲೊ . ಮುಕಾರಿ ಜಾವ್ಚೆ ಮಹಾಭಾರತಾ ಯುದ್ಧ , ಅರ್ಜುನಾಲೆ  ಮನೋ ಸ್ಥಿತಿ , ಕೃಷ್ಣಾ ನ ಸಂಘಿಲೆ  ಗೀತಾ ಸಾರ ,  ವಿಚಾರ , ಪ್ರಶ್ನೋತ್ತರ ... ಕೃಷ್ಣಾಲೆ ವಿಶ್ವ ರೂಪ , ಧರ್ಮ , ಅಧರ್ಮಾ ಮಧ್ಯೆ ಕೊರ್ಚೆ ಕರ್ಮಾ ನೀತಿ , ಭೀಷ್ಮ ಶರ ಶಯ್ಯಾ , ಅಭಿಮನ್ಯು , ದ್ರೋಣ , ಭೀಷ್ಮ , ಕರ್ಣ , ದುಃಶ್ಶಾಸನ , ಧುರ್ಯೋಧನ ವಧಾ ಸಂಪೂರ್ಣ ಮಹಾಭಾರತಾ ಯುದ್ಧ ಪೊಳೋ ನ್ ಧನ್ಯ ಝತ್ತಾ ಮಹಾತ್ಮ ಬರ್ಬರೀಕ ...  ಕೃಷ್ಣಾಲೆ ದಯೆನ

ಉಮಾಪತಿ