MAHABHARATHA Part – 45 ( Konkani Bhashentu )
Bhagavad Geeta aarambha Bhaaga ( 1 ) ಭಾಗವದ್ಗೀತ ಆರಂಭ ಭಾಗ
ಯುದ್ಧ ಪ್ರಾರಂಭ್ ಜಾವ್ಚ್ಯಾಕ ಅನಿಕಾಯ್ ವೇಳು ಅಸ್ಸ . ಅಗ್ನಿ ದೇವಾನ ಉಡ್ಗಿರೆ ಕೆಲ್ಲೆಲೆ , ಧರ್ಮ , ಅರ್ಥ , ಕಾಮ , ಮೋಕ್ಶ , ... ಚಾರಿ ಧವೆ ಘೋಡೆ ಬಂಧಿಲೇ ದಿವ್ಯ ರಥಾರಿ ಕೃಷ್ಣು ಘೋಡೆ ಲಗಾಮು ಧೋರ್ನ್ ಬೊಸ್ಲಾ . ಗಾಂಡೀವ ಹತ್ತಾ೦ತು ಧೋರ್ನ್ ಅರ್ಜುನ್ ಬೊಸ್ಲಾ . ವೀರ ಮಾರುತಿ ರಥ ಪತಾಕೆ೦ತು ಲಾಂಛನ ಜಾವ್ನ್ ರಥಾ ರಕ್ಷಣೆಕ ರಾಬಲಾ . ಉದಯ ಕಾಲಾ ಸೂರ್ಯ ಕಿರಣ ರಥಾರಿ ಪೋಣು ಪಾರ್ಥ ಸಾರಥಿ ... ನರ ನಾರಾಯಣ ಕಾಲ ಚಕ್ರ ಘು೦ವ್ಡಾಚ್ಯಾ ರಾಬ್ಲೀ೦ತಿ ..!
ದೃತರಾಷ್ಟ್ರ : " ಹೇ ಸಂಜಯಾ .. ! ಕುರುಕ್ಷೇತ್ರಾ೦ತು ಕಸಲೆ ಜತ್ತಾ ಅಸ್ಸ ... ? ಯುದ್ಧ ಆರಂಭ ಝಲ್ಲೆ ವೇ ?"
ಸಂಜಯ : " ನಾ ಮಹಾರಾಜಾ .. ! ಯುದ್ಧಾಕ ತಯ್ಯಾರ್ ಜಾವ್ನ್ ದೊನ್ನಿಯಿ ಸೈನ್ಯ ಎದುರ - ಎದುರ ರಬ್ಬುನ್ ಅಸ್ಸ . ... ಅರ್ಜುನ್ ಕೃಷ್ಣಾಲೆ ನಿ೦ಮ್ಗಿತಾ .....
ಅರ್ಜುನ : " ಕೃಷ್ಣಾ .. ! ಹಾಂವೆ ಕೊಣಾಲೆ ವೊಟ್ಟು ಯುದ್ಧ ಕೋರ್ಕಾ .. ? " ಕೃಷ್ಣಾ ಕ , ಅರ್ಜುನಾಲೆ ಉತ್ತರಾಂತು ... ಯುದ್ಧಾ ವೆಳ್ಯೇರಿ ಏಕ ಅಪಸ್ವರ ಅಯಿಕಲಾ ಮ್ಹಣ್ಕೆ ಝಲ್ಲೆ . ಕೃಷ್ಣಾ ನ ಘು೦ವ್ನು ಅರ್ಜುನಾಲೆ ತೋಂಡ ಪೋಳಯಿಲೆ .
ಕೃಷ್ಣ : " ಹ್ಯೇ ಕಸಲೆ ಸಂಷಯು ಅರ್ಜುನಾ .. ! ಹಾಂವ ಏಕ ಪೋಟಿ ಹ್ಯೇ ದಿಕಾನ್ ದುಕೂನ್ , ತ್ಯೆ ದಿಕಾನ್ ತಾಂಯ್ ರಥ ವ್ಹರ್ತಾ ... ಅನಿ ರಥು ರಣ ಭೂಮಿ ಮದ್ಯ ರಬ್ಬಯಿತಾ . ಶತ್ರು ಸೈನ್ಯಾ ಚ್ಯೆ ಬಲ ... ಆನಿ ತಾಂಗೆಲೆ ದಿಕಾನ ರಬ್ಬುನ್ ಯುದ್ಧ ಕರ್ತಲೆ ವೀರ ರಾಯಾಂಕ ಪೊಳೆ " ಮೋಣು ಸಾಂಗ್ತಾಚಿ ಘೊಡೆ೦ಕ ಮುಕಾರಿ ಚಲಾಯಿಶಿಲೆ . ರಥು ಹಳು ಮುಕಾರ್ಸುನ್ ಕುರು ಸೇನ ರಬ್ಬಿಲೆ ಜಾಗೇರಿ ವತ್ತಾ ಅಸ್ಸ ... ಅರ್ಜುನ್ , ಎಕ್ಲೆ - ಕ್ಲೆಂಕ ಚಿ ... ಅತಿರಥ , ಮಹಾರಥ , ಪಥ ಚಲನ ಯೋಧ , ಅಶ್ವಾರೂಢ , ಗಜಾರೂಢ , ಕುರು ಸೈನ್ಯಾ೦ಕ ಪೋಳೈತಾ ... ಭೀಷ್ಮ ಪಿತಾ ಮಹಾ , ಗುರು ದ್ರೋಣ , ಕೃಪಾಚಾರ್ಯ , ಅಶ್ವಥಾಮ , ಭಂವಢ ಬಂಧು ಮಿತ್ರಾ೦ಕ ಪೋಳ ಯಿತಾ - ಪೋಳಯಿತಾ .. ಕ್ಷಣ - ಕ್ಷಣಾಕ ನಿಷ್ಶಕ್ತ ಝತ್ತಾ ಅಸ್ಸ . ಅರ್ಜುನಾ ಕ , ತಗೆಲೆ ಸನ್ಪಣಾರಿ ಭೀಷ್ಮ ಪಿತಾಮಹಾ ನ ಕೆಲ್ಲೆಲೆ ಮೋಗು ... ಆಪ್ಯಾಯತಾ , ಗುರು ದ್ರೋಣಾಚಾರ್ಯಾಲೆ ಪ್ರೀತಿ ಉಡ್ಘಾಸು ಯೆತ್ತಾ . ಯುದ್ಧ ಕೋರ್ಕಾ ಮೋಣು ಸುರ್ವೆಕ ಅಶಿಲೆ ಉತ್ಸಾಹ ಅತ್ತ ನಾ ..ನಿರಾಶ, ಮನಾ ಹೃದ್ಯಯಾಯೇವ್ನ್ ಧೈರ್ಯ ಉದ್ದಾಕ ಝತ್ತಾ ಅಸ್ಸ . ಅಶಕ್ತಾ ಮ್ಹಣ್ಕೆ ದೀರ್ಘ ಶ್ವಾಸು ಸೊಡ್ತಾ ಅಸ್ಸ . ಅರ್ಜುನ್ ಭಾವಾ ವೇಷ ಜಾವ್ನ್ .. ಬಂಧು ಪಾಷಾ ಕ ಹೃದಯ ಸುತ್ವಾನ್ ಘೇತ್ತಾ ಅಸ್ಸ . ನಿಡ್ಲಾರಿ ತೊಂಡಾರಿ , ಹೂಮೇ ಮಣಿ ನಿಸರ್ತಾ ಅಸ್ಸ . ಅರ್ಜುನಾ ನ ಗಾಂಡೀವ ಸಕಲ ಘಾಲ್ನ್ ... ದೇವೇಂದ್ರಾನ ದಿಲ್ಲೆಲೆ ಕಿರೀಟ ಸೊಡ್ವಾನ್ ಕಾಣು ಹತ್ತಾ ಧೋರ್ನ್ ರಥಾ ಏಕ್ ಮುಲ್ಲೆಂತ್ ನಿಸೋರ್ನ್ ಬೋಸ್ಲೊ . ಕೃಷ್ಣಾ ನ ಅರ್ಜುನಾಕ ಪೊಳಯಿಲೆ .
ಕೃಷ್ಣ : " ಅರ್ಜುನಾ .. ! ಕುರು ಸೈನ್ಯ ಪೊಳೊನ್ ಭಿಲ್ಲೊ ವೇ ? " ಮೋಣು ನಿ೦ಮ್ಗಿಲೆ
ಅರ್ಜುನ : " ರಥಾರಿ ತೂ .. ಹತ್ತಾ೦ತು ಗಾಂಡೀವ , ಬಾಣ , ದಿವ್ಯಾಸ್ತ್ರ ಅಕ್ಷಯ ಜಾವ್ಚೆ ಬತ್ತಳಿಗ , ಭುಜ ಬಲ , ದೊಳೆಂತ್ ದೃಷ್ಟಿ ಇತ್ಲೆ ಆಸ್ತಾನಾ ... ಭಿವ್ಚೆ ಪ್ರಸಂಗ ನಾ ಕೃಷ್ಣಾ " ಮ್ಹಳ್ಳಲೊ .
ಕೃಷ್ಣ : " ಜಲ್ಲೇರಿ ಅನಿ ಕಿತ್ಯೆ .. ! ತುಗೆಲೆ ತೊಂಡಾರಿ ದೈನ್ಯತಾ ಛಾಯಾ ... ? "
ಅರ್ಜುನ : "ಕೃಷ್ಣಾ .. ! ಕೌರವ ಸೈನ್ಯಾ೦ತು ... ಮಕ್ಕಾ ಕೊಣಯ್ ಶತ್ರು ದಿಸ್ಸನಿತಿ ... ಸರ್ವ ಆಪ್ತ .. ಗುರು .. ಪೂಜನೀಯ .. ತಾಂಗೆಲೆ ಪಾಯ್ ಧೋರ್ನ ನಮನ ಕೋರ್ಕಾ ಅಷ್ಶಿಲೆ ... ದುರಾದ್ರಷ್ಟ .. ಮಿಗೆಲೆ .. ! ಹಾಂಗೇಲೆ ವೊಟ್ಟು ಕಷ್ಶಿ ಹಾಂವೆ ಯುದ್ಧ ಕೊರ್ಚೆ .. ? ಹಾಂಕಾ ದಿವಿಶಿ ಮಾರ್ನ್ ಕಸಲೆ ಸೂಖ ಮೆಳ್ತಾ .. ? ಮಿಗೆಲೆ ಆಪ್ತ , ಬಂಧು ಮಿತ್ರಾ೦ಗೆಲೆ ವೈರಿ ... ದಿವ್ಯಾಸ್ತ್ರ ಸೊಡುಂಕ ಮಕ್ಕಾ ಮನ ಯೇನಾ ಕೃಷ್ಣಾ .. ! ಹೇ ಯುದ್ಧ ಕಸಲೇಕ .. ? ಕಸಲೆ ಸಾಧನಾ ಕೋರ್ಕಾ ಪೊಡ್ತಾಲೆ ... ಹಾಂಕಾ ದಿವಿಶಿ ಮಾರ್ನ್ ಕಸಲೆ ಸೂಖ ಮೆಳ್ತಾಲೆ .. ? ಹಂಗೆಲೆ ರಕ್ತಾ ವೈರಿ ವೊಕ್ಕುಳ ಖೇಳ್ನ್ ... ದುಃಖ , ಚಿಂತಾ ವೈರಿ ಮೆಳ್ಚೆ ರಾಜ್ಯ ಅಧಿಕಾರ ಪೊಷಿ .. ಅರಣ್ಯ ವಾಸ ಲಾಯೇಕ ಮೋಣು ದಿಸ್ತಾ ವಾಸುದೇವಾ .. "
ಕೃಷ್ಣ : "ಅರ್ಜುನಾ .. ! ಕಸಲೆ ಹ್ಯೇ ವೈರಾಗ್ಯ .. ? ಕ್ಷತ್ರಿಯ ಧರ್ಮ ವಿಸೋ ರ್ನ್ .. ಹ್ಯೇ ವೆಳ್ಯೇರಿ ವೈರಾಗ್ಯ ಪಾವ್ಲ್ಲೆರಿ ... ತುಗ್ಗೆಲ್ ಶತ್ರು ರಾಯ , ತೂಗೇಲ್ ಅಪಮಾನ ಕರ್ನಾಶಿ ರಬ್ತಲೀಂತಿ ವೇ .. ? ತೂ .. ಸುಕ್ಷತ್ರಿಯ ... ಉಠಾನ್ ರಾಬ . ಕಿರೀಟ ಮತ್ತೇರಿ ಧಾರಣ ಕರಿ ... ಗಾಂಡೀವ ಹತ್ತಾ೦ತು ಧರಿ "
ಅರ್ಜುನ : " ಕೃಷ್ಣಾ ... ! ಥಂಯ್ ಪೊಳೆ ... ಬಪ್ಪುಸು ನಾತ್ತಿಲೆ ಚೆರ್ಡು೦ವ ಅಮ್ಮಿ ... ಅಂಮ್ಕಾ ಹೋಡ್ಡ೦ ಕೊರ್ನ್ , ವಿದ್ಯಾ , ಬುದ್ಧಿ ಶಿಖೋನ್ ದಿಲ್ಲೆಲೆ ಭೀಷ್ಮ ಪಿತಾಮಹಾ ಕ ಪೊಳೆ ... ತಾಗೆಲ್ ಪ್ರೀತಿ , ಮಮತಾ , ವಾತ್ಸಲ್ಯ ಮಿಗ್ಗೆಲೆ ರಕ್ತಾಂತು ಮೇಳ್ನ್ ಗೆಲ್ಲಾ ... ಹಾಂಗಾ ಪೊಳೆ ವಾಸುದೇವಾ .. ! ಮಕ್ಕ ಧನುರ್ ವಿದ್ಯಾ ,ದಿವ್ಯಾಸ್ತ್ರ ದೀವ್ನ್ ... ಯುದ್ಧ ವ್ಯೂಹಾ ರಚನಾ ಶಿಖೋನ್ ದಿಲ್ಲೆಲೆ ಗುರು ದ್ರೋಣಾಚಾರ್ಯ ಕ ಪೊಳೆ .. ಅಂಮ್ಕಾ ಅಕ್ಷರ ಜ್ಞಾನ ದೀವ್ನ್ ... ವೇದ ಇತಿಹಾಸ , ಪುರಾಣ ಗಣಿತ ಶಿಖಾಯಿಲೆ ಕುಲ ಗುರು ಕೃಪಾಚಾರ್ಯ ಕ ಪೊಳೆ ... ಮಿಗ್ಗೆಲೆ ಸನ್ಪಣಾ ದುಕೂನ್ ಆಮ್ಗೆಲೆ ವೊಟ್ಟು ವಿದ್ಯಾಭ್ಯಾಸ ಕೆಲ್ಲೆಲೆ ಗುರು ಪುತ್ರ ಅಶ್ವಥಾಮಾಕ ಪೋಳೆ ... ಆಮ್ಗೆ ಲೆ ಅಮ್ಮಾ ಮಾದ್ರಿ ದೇವೀ ಲೆ ಭಾವು ಶಲ್ಯ ಮಹಾರಾಜಾ ಕ ಪೊಳೆ ... ಕೃಷ್ಣಾ ... ಹಾಂತು ಮಿಗೆಲೆ ಕೋಣ ಶತ್ರು .. ? ಹಾಂಕಾ ದಿವಿಶಿ ಮಾರ್ಲೆರಿ ... ಕಿತ್ಲೆ ಪಾಪ ಲಾಗ್ತಾಲೆ ಮಕ್ಕಾ .. ! ಮಿಜ್ಜಾನ ಜಾಯ್ನಾ ... ಹಾಂಗೇಲೆ ಎದ್ರಾಕ ಯುದ್ಧ ಕೊರುಂಕ "
ಕೃಷ್ಣ : " ಅರ್ಜುನಾ .. ! ಕೋಣಾಕ .. ಕುರು .. ಗುರು .. ವೃದ್ಧ ಮೋಣು ಲೆಕ್ತಾ ಕೀ .. ಕೋಣ ತುಗ್ಗೆಲ್ ಮಲಘಡೆ ಮೋಣು ಲೆಕ್ತಾ ಕೀ .. ದ್ರೌಪದಿಲೆ ವಸ್ತ್ರ ಹರಣ ಕರ್ತಾನಾ ತ್ಯೆ ವೆಳ್ಯೇರಿ ಖಂಯ್ ಅಷ್ಶಿಲೇಂತಿ .. ? ಕಸಲೆ ಕೆಲ್ಲೆ ತಾನ್ನಿ ... ? ಧುರ್ಯೋಧನಾ ಕ ಹಿತ ಬೋಧ ಸಂಘುನ್ ... ಮಾಯಾ ದ್ಯೂತ ಜಾಯ್ನಾಶಿ ಪೊಳಯಿಲೆವೇ .. ? ಸರ್ವ ಜನಾ ಮಧ್ಯೆ , ರಾಜ ಸಭೆ೦ತು ದಾಸಿ ಮೋಣು ಅಪ್ಪೋನ್ ಅವಮಾನ ಕರ್ತಾ ನಾ ... ದ್ರುಪದ ಪುತ್ರಿ ಕ ವೈಶ್ಯಾ ಮೋಣು ಅಪಮಾನ ಕರ್ತಾನಾ ಹ್ಯೇ ಮಲಘಡೆ ಖಂಯ್ ಗೆಲ್ಲೆಲೆ ... ? ಹನ್ನಿ ಸರ್ವ ಕಸಲೆ ನಮುನೆ ಮಾಲ್ಘಡೆ ..? ಖಂಚೆ ವಿಷಯಾ ಕ ಮಾನ್ಯತಾ ದೀವ್ಕಾ .. ? ಅರ್ಜುನಾ .. ! ತೂ ತುಗೆಲೆ ಬಂಧು ಬಾಂಧವ ವಿಷಯಾನ ಮಾತ್ರ ಆಲೋಚನಾ ಕರ್ತಾ ... ತುಗೆಲೆ ಪಕ್ಶಾ ಯೇವ್ನ್ , ತುಮ್ಗೆ ಲೆ ಖತಿರಿ ಪ್ರಾಣ ವಿಸರ್ಜನ ಕೊರುಂಕ ಯುದ್ಧ ಭೂಮಿಂತ್ ರಬ್ಬಿಲೆ .... ವಿರಾಟ , ದ್ರುಪದ , ದ್ರಷ್ಟ್ಯದ್ಯುಮ್ನ ,ಸಾತ್ಯಕಿ ತಸಲೆ ವೀರ ಯೋಧಾಂಕ ಪೊಳೆ ... ಅಮಾಯಕ ಜಾವ್ನ್ ತುಗೆಲೆ ತರ್ಪೆನ ಯುದ್ಧಾಕ ರಬ್ಬಿಲೆ ಲಕ್ಷ ಸೈನ್ಯಾಕ ಪೊಳೆ ... ಹಾಂಕಾ ಕೊಣಾಕಯ್ ಘರಾ ವಾಪಾಸ್ ವತ್ತಾ ಮೋಣು ನಂಬಿಕ ಅಸ್ಸ ಕೀ ... ? ಅರ್ಜುನಾ ... ! ತೂ೦ವೇ ವಂಚೂಕಾ ಮೋಣು ಲೇಕ್ಲೇರಿಯೀ ... ವ೦ತಲೆ ಹಾಂಗಾ ಕೊಣಾಯ್ ನಾತಿ . ಭೀಷ್ಮಾಲೆ ಮರಣಾ ಕ , ಶಿವಾಲೆ ವರ ಘೆವ್ನ್ ಜನ್ಮಾ ಅಯಿಲಾ ಶಿಖಂಡಿ ... ದ್ರೋಣಾಲೆ ಮರಣಾಕ ಹೋಮಾಗ್ನಿ ದುಕೂನ್ ಜನ್ಮಾ ಅಯಿಲಾ .. ದ್ರಷ್ಟದ್ಯುಮ್ನ .. ಧುರ್ಯೋಧನ , ದುಃಶ್ಶಾಸನ , ಶತ ಕೌರವಾ೦ಗೆಲೆ ನಿರ್ನಾಮ ಕೋರ್ಚ್ಯಾಕ ಜನ್ಮಾ ಅಯಿಲಾ ಭೀಮು .. ! ಕರ್ಣಾ ಖಾತಿರಿ ಜನ್ಮಾ ಅಯಿಲಾ ತೂ ... ಶಕುನಿ ಖತಿರಿ ಜನ್ಮಾಆಯಿಲಾ ಸಹದೇವ ... ಶಲ್ಯಾ ಖತಿರಿ ಜನ್ಮಾ ಅಯಿಲಾ ಧರ್ಮರಾಯು ... ! ಅರ್ಜುನಾ ... ! , ಹೇ ವಿಧಿನ ಬರಯಿಲೆ ಶಾಸನ . ಹ್ಯೇ ಕೊಣಾಚ್ಯಾನ ರಬ್ಬೊಚ್ಯಾ ಜಾಯ್ನಾ .. "
ಕೃಷ್ಣಾ ನ ಇತ್ಲೆ ಸಂಘಲೆರಿಯಿ ... ಅರ್ಜುನ ತಗೆಲೆ ಭಾವ ಪರವಶಾ ದುಕೂನ್ ಭಾಯಿರಿ ಏನಿ . ಅರ್ಜುನಾಲೆ ಮನಾಂತು ಚೈತನ್ಯ ಹಾಡೋಕಾ ಮೋಣು ... ನಿದ್ದೆಂತು ಪೊಳ್ಳೆಲೆ ತೇಜೋ ಶಕ್ತಿ ಜಾಗ್ರತ ಕೋರ್ಕಾ ಮೋಣು ಕೃಷ್ಣಾ ನ ಲೆಕ್ಲೆ . " ಅರ್ಜುನಾ .. ! ಮರಣಾ ವಿಷಯು ಲೆಕ್ಕುನ್ , ಮಮತಾ ವೈರಿ ಅಂಧ ಜಾವ್ನುಕ್ಕಾ . ದಿವಿಶಿ ಮರುಂಕ ತೂ ಕೋಣ ? ತುಗ್ಗೆಲ್ ಹಾತ್ತಾಂತು ಮರಣ ಪಾವ್ಚ್ಯಾಕ ತನ್ನಿ ಕೋಣ .. ? ಮರಣಾ ವಿಷಯಾನ ಆಲೋಚನಾ ಕೊರ್ಚೆ ... ಭಿವ್ಚೆ ... ಅವಿವೇಕ ಲೋಕಾಲೆ ಲಕ್ಷಣ ... श्लोक : जातस्यहि धृवो मृत्यू : धरावंजन्मामृतसयच
तस्माद परिहार्येर्दे ना त्वम् शोचितुमर्हसि ll
ಪಾರ್ಥಾ .. ! ಜನ್ಮಾ ಆಯ್ಯಿಲೆ ಪ್ರತಿ ಎಕ್ಲೇ೦ಕ ಮರಣ ಚುಕ್ಕನಾ . ಮೆಲ್ಲೆಲೆ ಪ್ರತಿ ಪ್ರಾಣಿ ಪಕ್ಷಿ ... ವಾಪಾಸ್ ಜನ್ಮಾ ಯೆವಚೆ ಚುಕ್ಕನಾ . ಅರ್ಜುನಾ .. !ತೂ೦ವೆ ಯುದ್ಧ ಕರ್ನಾ ನಾತ್ಲೆರಿ , ... ಜಾವಚೆ ಯುದ್ಧ ರಬ್ಬಾಯಿಲ್ಯಾರಿ .. ಹನ್ನಿ ಸರ್ವ ಮರಣ ನತ್ತಿಲೆ ಶಾಶ್ವತ ಜಾವ್ನು ರಬ್ಬನಾತಿ . ಜನನ ಮರಣ ಸತ್ಯಾ ವಿಷಯು . ಸರ್ವ ಲೋಕಾಂಕ , ಪ್ರಾಣಿ , ಪಕ್ಷಿ , ಜಂತು ಕೀಡಾ೦ಕ .. ಪರಮಾತ್ಮಾ ಲೆ ಇಚ್ಚಾ ಪ್ರಕಾರ ವ೦ತಾತಿ ... ಮರಣ ಪಾವತಾತಿ . ಹೇ ಸಮಯ ಚಕ್ರ , ಕಾಲ ಚಕ್ರ ... ಘು೦ವತಾ ರಬ್ತಾ .
श्लोक : नैनं चिन्दन्ति शस्त्राणि नैनंदहति पावक:
न चैनम क्लेदयम त्यापो , नशोशयति मारुत:
ಅರ್ಜುನಾ .. ! ಆತ್ಮ ಶಾಶ್ವತ ಜಾವ್ನ್ ಆಸ್ತಾ ... ಆತ್ಮಾಕ ಮರಣ ನಾ . ಹ್ಯೇ ಆತ್ಮಾ ಕ ಖಂಚೆಯ್ ಶಸ್ತ್ರಾ ನಿಮಿತ್ಯ ಮಾರುಂಕ ಜಾಯ್ ನಾ ... ಉತ್ಕಾಂತು ಬೊಡ್ಡೋಚ್ಯಾ ಜಾಯ್ನಾ ... ವಾಹರೇಕ ಅಪ್ಪೊಡು ಜಾಯ್ನಾ .. ದೇಹಾ ಕ ಅನಿ ಆತ್ಮಾ ಕ ಸಂಬಂಧ ನಾ . ಅಮ್ಮಿ ಸುತ್ತುವುನ್ ಘೆತ್ತಿಲೆ ಬಂಧನಾ ... ಬಾಯ್ಲ್ಯ ಬಮ್ಮಣು , ಚೆರ್ಡು೦ವ . ಆನು ಅಮ್ಮ , ಭಂವಢ , ಬಂಧು , ಮಿತ್ರ ... ಹ್ಯೇ ಪೂರಾ ಬಂಧನ .. ದೇಹಾಚ್ಯಾ ಬಂಧನ್ ... ಆತ್ಮಾ ಕ ಸಂಬಂಧ ನಾ
श्लोक : वासांसि जीर्णानि यदाविहाय
नवानि गृह्णाति नरोपराणि
तथा शरीराणि विहाय जीर्णान
अन्यानि संयाति नवानि देहि
ಅರ್ಜುನಾ .. ! ಅಮ್ಮಿ ಪೋರ್ನೆ ವಸ್ತ್ರ ಕಾಣು , ಪರಿಶುದ್ಧ ವಸ್ತ್ರ ಕಶಿ ಘಾಲ್ತಾತಿ ಕೀ .. ತಶಿ ಆತ್ಮ ಮಂತಾರ್ಪಣಾರಿ ಛಿಧ್ರ ಝಲ್ಲೆಲೆ ದೇಹ ಸೋಣು ... ಆನ್ನೇಕ ಬಾಲ್ಯ ದೇಹಾಂತು ಜನ್ಮ ಘೇತ್ತಾ . ಅಶೀ೦ಚಿ ಆತ್ಮ ನಿರಂತರ ಜಾವ್ನು ಸಂಚಾರ ಕೊರ್ನ್ , ಸಹಸ್ರ ಸಹಸ್ರ , ಲಕ್ಷಾಂತರ ದೇಹ ಬದಲ್ ಕರ್ತಾ . ದೇಹಾಂತ್ ಜೀವು ಅಸ್ಚೊ ತೆದೊಳ್ ತಾಯ್ ಹ್ಯೇ ಮಿಗ್ಗೆಲೆ ಆಸ್ತಿ , ಮಿಗೆಲೆ ಬಾಯ್ಲ್ , ಮಿಗೆಲೆ ದುಡ್ದು ಬದಿಕ , ಸರ್ವ ಮಿಗೆಲೆ ಮ್ಹಳ್ಳೆಲೆ ಮಾನಸಿಕ ಭ್ರಾಂತಿಂತು ಆಸ್ತಾ . ಹೇ ಜನ್ಮಾ ಬಾಯ್ಲ್ ಜಾವ್ನ್ ಅಶಿಲಿ ಫುಳ್ಳೆ ಜನ್ಮಾ೦ತು ಕೊಣಾಲ್ಕಿ ಬಾಯ್ಲ್ ಜಾವ್ನ್ ಆಶ್ಚ್ಯಾ ಪೂರೋ ... ಯೆವಚೆ ಜನ್ಮಾ೦ತು ಆನಿ ಕೊಣಾಲ್ಕಿ ಬಾಯ್ಲ್ ಜತ್ತಲಿ . ತಶೀ೦ಚಿ ಚೆರ್ಡು೦ವ ಆಮ್ಗೆಲಿ ಮ್ಹಳ್ಳೆಲೆ ಭ್ರಾಂತಿ . ಗತ ಜನ್ಮಾ೦ತು ಕೊಣಾಲ್ಕಿ .. ಯೆವಚೆ ಜನ್ಮಾ೦ತು ಅನಿ ಕೊಣಾಲ್ಕಿ .... ಜಾವ್ನ್ ಜನ್ಮಾ ಯೆತ್ತಾತಿ .
ಉಮಾಪತಿ
No comments:
Post a Comment