PREETI MAHLLERI YITLECHI VE ?
SHORT STORY .... 5 .
ಸಾನಿ ಕಾಣಿ
ಸಕಾಣಿ ಅನಿಕಯ್ ಫಲ್ಲೆ ಜಾಯ್ನಿ... ರತ್ನ ಮಾಯಿ ವಗ್ಗಿ ಉಠಾನ್ ಶಿತ್ತಡಿ , ರಂಗೋಲಿ ಕೊರ್ನ್ ಘರಾ ಭಿತರಿ ಯೆತ್ತನ ಫೋನ್ ರಿಂಗ್ ಝಲ್ಲೋ ... ಮೌನ ಶಾಂತ ವಾತಾವರಣಾ೦ತು ... ರಾಮ ನಾಮ ಜಪ ಕರ್ತಾಚಿ
.. ಮನ ಯೇಕ ನಮೂನೆ ಸ್ತಿಮಿತಾರಿ ಆಸ್ತಾನಾ ... ಸಕಾಣೀ ಫೋನ್ ಅಯ್ಯಿಲೆ
ಟ್ರಿಂಗ್ .. ಟ್ರಿಂಗ್ ... ಟ್ರಿಂಗ್ ..... ಶಬ್ದ
, ರತ್ನ ಮಾಯೇಕ ಕನ್ನಾಕ ಕರ್ಕಶ ಝಲ್ಲೆ . ವಗ್ಗಿ ವೊಚ್ಚುನ್ ಫೋನ್ ಕಳ್ಳೆ .. " ಹೆಲ್ಲೋ ... ಹೆಲ್ಲೋ .. ! ರತ್ನ ಮಾಯೇ ಲೆ ಘರ ನವೇ ? ಅಮ್ಮಿ ಮರಾಠಾ ರೆಜಿಮೆಂಟ್ ನಾಸಿಕಾ ದುಕುನ್ ಉಲ್ಲಯಿತಾತಿ ... ತುಗ್ಗೆಲ್ ಪೂತು
... ಕ್ಯಾಪ್ಟನ್ ಡಾಕ್ಟರ್ . ರಂಜಾನ್ ಕಾಮತ್ ... ಕಾಲಿ
ಝಲ್ಲೆಲೆ ಬಾಂಬ್ ಬ್ಲಾಸ್ಟಾಂತು ... ಅಖೇರ್
ಉಸ್ರು ತಾಂಡ್ಲೊ .... ತುಮ್ಕಾ ಕಶಿ ಸಮಾಧಾನ ಸಂಗಚೆ ಮೊಣು ಕಳ್ ನಾ ... ಆಮ್ಗೆಲೆ ರೆಜಿಮೆಂಟಾ
ಲೋಕು ರಂಜನ್ ಕಾಮ್ತಿಲೆ ಮೃತ ಶರೀರ ಘೆವ್ನ್ ಸಂಜೆ ಚಾರಿ ಘಂಟೇಕ ತುಂಗೆಲೆ ಗಾವಾಂಕ ಯೇವ್ನ್ ಪಾವತಾತಿ
ಮಾಯಿ . ಸಾಂಗ್ತಾಲೆಂಕ ಸರ್ವಾಂಕ ಸಂಘುನ್ ಸೋಡಿ . ಆಮ್ಕಾ ಶವ ಸಂಸ್ಕಾರ್ ಕೊರುಂಕ ಲಾಸ್ಟ್
ರೆಸ್ಪೆಕ್ಟ್ ಕಾರ್ಯ ಕ್ರಮಾಕ ದೇಡು ಘಂಟೊ ಜಾಯಿ ... ! " ..... " ಜಾಯ್ತ ... !
ಆನಿ ಹಾಂವ ಕಸಲೆ ಸಾಂಗ್ತಾಲಿ ... ? ಜಾಯ್ತ " ಮೋಣು
ಸಂಘುನ್ ಫೋನ್ ದವರ್ಲೊ . ಸಕಾಣಿ ಫುಡೆ ಪುತ್ತಾಲೆ ಮರಣ ವಾರ್ತ ಐಕುನ್ ... ಆಂಗ ಸಗಳೆ ಕಡ್
-ಕಡ್ಚ್ಯಾ ಶುರು ಝಲ್ಲೆ ... ಮತ್ತೆ ಘು೦ವ್ಲೆ ... ಆಧಾರ್ ಚುಕ್ಕುನ್ ಧೊಪ್ಪನಿ ಲಗ್ಗಿ ಅಷ್ಶಿಲೆ ಖುರ್ಚೆರಿ ಪೊಳ್ಳಿ . ಹೇ ದೇವಾ ... ! ಹಾಂವ
ಕೊಣಾ ಸಾಂಗ್ಚೆ .. ? ಮಿಗ್ಗೆಲೆ ಜೀವಾಂತು ಕೆದನಾಯ್ ಜಾಯ್ನಾ ನಾತ್ತಿಲೆ ಸಂಕಟ ಝತ್ತಾ ಅಸ್ಸ ಮೂ ....
ಕೋಣ ಮಕ್ಕಾ ಹ್ಯೇ ವೆಳ್ಯೇರಿ ಉಪಕಾರು ಕರ್ತಾಲೊ .. ? ಯೆಚ್ಚನೇರಿ .. ನುತ
ಬೊಸ್ಲಿ . ಸುರ್ವೇಕ ಲಗ್ಗಿ ಘರಾ ಶಾಂತಿ ಕ ಸಾಂಗ್ಯಾ ... ತಿಗೆಲೆ ಪೂತು ಆನಿ ಬಾಮ್ಮುಣು ಮಕ್ಕಾ
ಸಹಾಯು ಕರ್ತಾಲೀಂತಿ ... ಮೋಣು ವೊಚ್ಚುನ್ ಸಾಂಗ್ಲೆ .
" ಸುರ್ವೆಕ ರಂಜನಾ ಲೇ ಬಾಯ್ಲೇಕ ... ರಮ್ಯಾ ಕ ಸಾಂಘ .. ತಿಗೆಲೆ ಆನಮ್ಮಾ ಕ
ಸಾಂಘ ... ಮಿಗ್ಗೆಲೆ ದೊನ್ನಿ
ಪುತ್ತಾಕ ಸಾಂಘ . ಮಿಗ್ಗೆಲೆ ದೇರಾಕ , ಭಯ್ಯಾ೦ಕ , ಭಾವಾಕ ,
ರಂಜನಾಲೆ ದೋಸ್ತಾ೦ಕ ಸಾಂಗ್ " ರತ್ನಾ
ಮಾಯೇಕ ಸುನ್ನೆಲೀಚಿ ಯಚ್ಛನ .... ಹೇ ದೇವಾ ! ವ್ಹರ್ಡಿಕ ಜಾವ್ನ್ ತೀನಿ ವರ್ಷ ತಾಂಯ್ ಜಾಯ್ನಿ
... ತಿತ್ಲೆ ಭಿತರಿ .. ವೈಧವ್ಯ ವೇ .. ? ಕಸಲೆ ಸೂಖ ಪಾವ್ಲೇ ಮೋಣು ?
"
ರಮ್ಯಾಕ ಮತ್ತೇರಿ ಫತ್ತೋರ್ ಘಲ್ಲೆ ಮ್ಹಣ್ಕೆ ಝಲ್ಲೆ ಸುದ್ದಿ ಐಕುನ್ ...
ಧರಾಂಧರಿ ದೊಳೆ ಉದ್ದಾಕ ಐಲೆ .. ಊಟಿ ಕೊಡೈಕನಾಲ್ , ಡೆಲ್ಲಿ , ಹೈದ್ರಾಬಾದ್ , ಮುಂಬೈ ಮೋಣು ... ವ್ಹರ್ಡಿಕೆ ಜಲ್ಲೆಲೆ ನವಾಳೇರಿ ಬೋವ್ವಿಲೆ
... ಹೋಟಲ್ ಪಾರ್ಕ್ ಘು೦ವ್ವಿಲೆ ... ದೊಗ್ಗ ಜನಾನಿ ಮುಕಾವೈಲೆ ಜೀವನಾ ವಿಷಯಾನ ಪೊಳಯಿಲೆ ಸ್ವಪ್ಪನ ... ಮಕ್ಕಾ ಚೆಲ್ಲೆ ಚೆರ್ಡು ಜಾವ್ಕಾ ಮೋಣು ರಮ್ಯಾ ... ನಾ.. ನಾ .. ಚೆಲ್ಲಿಯೇ
ಚೆರ್ಡು ಮೋಣು ರಂಜನಾ ಕೆಲ್ಲೆಲೆ ಸಂವಾದು ಉಡ್ಘಾಸು ಅಯಿಲೊ .... ಆರ್ಮಿ ಕ್ಯಾಂಪಾಕ ವೊಚ್ಛೆ
ಫೂಡೆ ಬರ್ತ್ ಡೆ ದಿಲ್ಲೆಲೆ ನೆಕ್ಲೇಸ ... ದಕ್ಕಯಿಲೆ ಪ್ರೀತಿ .. ಮಮತಾ ... ಜೀವಾ ಜೀವು ಸೋ ..
ಮಾಕ್ಷಿ ಮುಕಾರಿ ಭೋವ್ನ್ ... ' ತು ... ನಾಶಿ ಮಕ್ಕಾ ರಬ್ಬು ಜಾಯ್ನಾ'ಮ್ಹಳ್ಳೆಲೆ ... ಸುಮಾರ ಹಜಾರ ಪೋಟಿ ಸಂಘುನ್
ಕೆಲ್ಲೆಲಿ ಚೇಷ್ಟಾ .. ಯೇಕಕೀ .. ದೋನಿಕೀ ... ಹಜಾರ ಪಂಕ್ತ ಸಂಘಿಲೆ ರಂಜನ್ ಆಜಿ ನಾ ... !
ಮಕ್ಕಾ ಮೋಣು ಸಂತಾನ ನಾ ... ಹಾಂವೆ ಕೊಣಾಲೆ ಖತೀರಿ ವಾಂಚುಕಾ ?
ದಿನ್ ರಾತಾ ಕಾಲು ನಿಸರ್ಲೊ ... ರಮ್ಯಾನ ಕಾಮ ಕೊರ್ಚೆ ಐ ಟಿ ಕಂಪೆನಿ೦ತು
ಜಯರಾಮ್ ಸೂಪರ್ ವೈಸರ್ ಜಾವ್ನ್ ಕಾಮ್ ಕರ್ತಾ ಅಸ್ಸ . ತಾಕ್ಕಾ ರಮ್ಯಾ ಮ್ಹಳ್ಳೆರಿ ಏಕ್
ನಮುನೆ ಪ್ರೀತಿ . ತತ್ತವಳಿ ಯೇವ್ನು ತಿಗೆಲೆಗಿ ಕಸಲೆಯ್ ವಿಚಾರು
ಘೇವ್ನ್ ಉಲ್ಲೋಚ್ಯಾ ಯೆತ್ತಶೀಲೋ . ರಮ್ಯಾ ನ ದಿವ್ಚೆ ಜವಾಬ , ತಿಗೆಲೆ ಅಭಿಪ್ರಾಯ ಸ೦ಮ್ಮ ಮೋಣು ದಿಸ್ತಾ . ಜಯರಾಮಾಕ ತಿಗೆಲೊ ಬಮ್ಮುಣ್ ಗೆಲ್ಲೆಲೋ ವಿಷಯು ಗೊತ್ತಸ್ಸ . ಹ್ಯೇ ಘಟಣಾ
ಜಾವ್ನ್ ಏಕ ವರುಷಾ ವೈರಿ ಝಲ್ಲೆ . ತಗೆಲೆ ಆನಮ್ಮಾನ ವ್ಹರ್ಡಿಕೆ ವಿಷಯು ಸೊಯ್ರಿಕೆ ವಿಷಯು ಸಾಂಗ್ತಾನಾ ... " ಅಮ್ಮಾ! ಹಾಂವೆ ವ್ಹರ್ಡಿಕಾ ಜಾವ್ಚೆ ಝಲ್ಲೆರಿ
ರಮ್ಯಾ ಕ ಮಾತ್ರ ... " ಮೊಣು ಸಂಘಲೆ . ಅಡ್ರೆಸ್ ಘೇವ್ನ್ ರಮ್ಯಾಲೆ ಮಾಯಿ೦ಕ ಪೊಳೊನ್ ತಂಗೆಲೊ ಮನಾ ವಿಚಾರು ಸಂಘಲೊ . ರತ್ನ ಮಾಯ್ ಕ ಸಂತೋಷು ಝಲ್ಲೋ
ತಿಗೆಲೆ ತರ್ಪೇನ ಅನುಮತಿ ಮೆಳ್ಳಿ. " ಲಾಗ್ಗಿ ರಬ್ಬುನ್ ವ್ಹರ್ಡಿಕಾ ಕೊರ್ನ್ ದಿತ್ತ
" ಮ್ಹಳ್ಳಲಿ . ರಮ್ಯಾಕ ಮಾಯಿ ನಯ್ ... ಅಮ್ಮಾಚಿ ಯೆದುರ ರಬ್ಬಲೇ ಮ್ಹಣ್ಕೆ ದಿಸ್ಲೆ . ಧಾ೦ವ್ನ್ ಯೇವ್ನ್ ಪಯ್ಯಾರಿ ಪಳ್ಳಿ . ಮಾಯ್ಗೇಲೆ ನಿಮಿತ್ಯ
ಅನೇಕ ಪೋಟಿ ಮಾಂಗಲ್ಯ ಭಾಗ್ಯ ಮೆಳ್ಳೆ ರಮ್ಯಾಕ .
ಉಮಾಪತಿ
No comments:
Post a Comment