MAHABHARATH Part - 28 ( konkani Bhashentu ) GOGRAHANA

MAHABHARATHA     Part 28      ( Konkani Bhaashentu )

                                   Go GrahaNa      ಗೋಗ್ರಹಣ 

              ಕೌರವ ಸೈನ್ಯ ಉತ್ತರ ದಿಶೆ ದುಕುನ್ , ಧುರ್ಯೋಧನ , ಭೀಷ್ಮ , ದ್ರೋಣ , ಕೃಪಾಚಾರ್ಯ , ಕರ್ಣ , ಅಶ್ವತ್ಥಾಮ ... ಮತ್ಸ್ಯ ದೇಶಾ ಗೋಕುಲ ಸ್ಥಾನಾ ವೈರಿ ಆಕ್ರಮಣ ಕೆಲ್ಲೆ . ಹ್ಯೇ ಗೋಕುಲಾಂತು ಸುಮಾರ ತೀನಿ ಲಕ್ಷ ಗೋ ಕುಲ ಅಶಿಲೆ ... ! ಆಶ್ಚರ್ಯ ಝತ್ತಾ ನವೇ .. ? ಇತ್ಲೆ ದೂಧ ಧ೦ಯ  ಕೋಣ ಖತ್ತಾ .. ?ಕಸಲೆ ಕರ್ತಾತಿ .. ಮೊಣು ! . ಅತ್ತ ಕಾಲಾಂತು ... ವಸ್ರಾಕ ಆವಸೂಲೆ   ದೂದ್ ಫಿವ್ಚ್ಯಾ ಸೋಣಾ ತಿ . ನ್ಯಾಯ ಜಾವ್ನು ವಸ್ರಾಕ ಮೆಳ್ಚ್ಯೇ ದೂಧ ಕಾಣು ವಿಕ್ತಾತಿ . ತ್ಯೆ ಕಾಲಾಂತು ... ಅರ್ಧಾ೦ಷ  ದೂಧ ವಸ್ರಾಕ ಫಿವ್ಚ್ಯಾಕ ಸೊಡ್ತಾಶಿಲೀಂತಿ . ರನ್ಪಾಕ  ತೂಪ ಮಾತ್ರ ವಾಪರ್ತಾ ಅಶಿಲೀಂತಿ .  ಧುರ್ಭಳೆ ಲೋಕ ತಿಳೆಲ್ ತೇಲ ವಾಪರ್ತಾಶಿಲೀಂತಿ . ದೇವಾಕ , ಅರಳೀ ತೇಲ ವಾಪರ್ತಾಶಿಲೀಂತಿ .ಆನ್ನೇಕ ಮುಖ್ಯ ವಿಷಯು ಕಸಲೆ ಮ್ಹಳ್ಳೇರಿ ... ದೂಧ , ಧ೦ಯ ತಾಕ ,ಲೋಣಿ , ತೂಪ , ಮುತ್ತಾ೦ತು ಔಷಧಿ ಗುಣ , ಆಹಾರ ಜೀರ್ಣ ಕೊರ್ಚೆ ಶಕ್ತಿ , ಮೇಧೋ  ಶಕ್ತಿ ವೃದ್ಧಿ ಜಾವ್ಚೆ , ಧೀರ್ಘಾಯುಷ್ಯ ವೃದ್ಧಿ , ನರಾ ನರಾಂತ್ ಶಕ್ತಿ ದಿವ್ಚೆ ಗುಣ ಅಸ್ಸ .. ಮೋಣು ಲೆಕ್ತಾಶಿಲೀ೦ತಿ . ಆವ್ ಸು ನತ್ತಿಲ್ ಚೆರ್ಡುವಾಂಕ ಗಾಯ್ಚೆ ದೂಧ ಅಮೃತ ... ತಶಿ ಜಾವ್ನ್ ಗೋಮಾತೆ ಮೋಣು ಪೂಜಾ ಕರ್ತಾಶಿಲೀಂತಿ . ಭಾರತೀಯ ಸಂಸ್ಕೃತೀ೦ತು ಆಜಿ ತಾಯ್ ಗೋಮಾತೆ ಕ ಅತೀ ಮಹತ್ವ ಅಸ್ಸ .         

                    ಉತ್ತರ ದಿಶೆ ಗೋಪಾಲಕ , ಅಂತಃಪುರಾಕ ಯೇವ್ನ್ ಉತ್ತರ ಕುಮಾರಾಕ ಮೇಳ್ನ್  " ಯುವರಾಜಾ .. ! ಹಸ್ತಿನಾವತಿ ದುಕೂನ್ ಕೌರವ ... ಧುರ್ಯೋಧನ ಚಕ್ರವರ್ತಿನ ಆಕ್ರಮಣ ಕೋರ್ನ್ ಅಮ್ಕಾ ಸರ್ವಾಂಕ ಅಪಾರ ನಷ್ಟ ಕೆಲ್ಲಾ . ಆಮ್ ಕ ತೂವೆಂಚಿ ರಕ್ಕುಕಾ " ಮೋಣು ನಿವೇದನ ಕೆಲ್ಲಿ . " ತನ್ನಿ ತಶಿ ಆಕ್ರಮಣ ಕಾರ್ತಾನಾ ತುಮ್ಮಿ ಕಸಲೆ ಕರ್ತಾಶಿಲೀಂತಿ... ಧುರ್ಯೋಧನ್ ಸಿಂಹು ಕೀ ವಾಗು ? ಉತ್ತರ ಕುಮಾರಾನ ನಿಮ್ಗಿಲೆ . " ಪ್ರಭೋ ... ತುಮ್ಮಿ ವಗ್ಗಿ ಉತ್ತರ ದಿಶೆ ಕ ಯೇವ್ನ್ ಗೋ ಗ್ರಹಣಾ ದುಕೂನ್ ವಿಮುಕ್ತಿ ದೀವ್ಕಾ ಆನಿ ಅಮ್ಗೆಲೆ ರಕ್ಷಣ ಕೋರ್ಕಾ " ಮ್ಹಳ್ಳೆಲೀಂತಿ . ತಿತ್ಲೆಂಚಿ ನವೇ ... ! ಹಾಂವ ಯೇವ್ನ್ ಯುದ್ಧ ಕೊರ್ನ್ ಗೋರಕ್ಷಣಾ ಕರ್ತಾ . ತಂಕಾ ಸಮ ಬುದ್ಧಿ ಶಿಖಯಿತಾ ... ಕಾಯಿ ಭೀವ್ನುಕ್ಕಾತಿ " ಮೋಣು  ಸಂಘುನ್ ದೀವ್ನ್ ಪೆಟಯಿಲೆ . ಉತ್ತರ ಕುಮಾರಿ ದೂರ ಬಯ್ಸೂನ್ , ಯುವರಾಜಾಲೆ ಆಳಶಿಪಣ್ ಉತ್ತರ೦ ಅಯಿಕತಶಿಲಿ . " ಅಣ್ಣಾ ... ಕಸಲೇಕ ಆಳಶಿಪಣ್ ... !ವಗ್ಗಿ ತಯ್ಯಾರ್ ಝಾ ... ವೇಳು  ಝಲ್ಲೇರಿ ... ಆಮ್ಗೆಲೆ ಗೋಸಂಪದ ತಂಗೆಲೆ ವಶ ಝತ್ತಾ . ತುರಂತ್ ವಸ " ಮ್ಹಳ್ಳಲಿ .   " ಉತ್ತರಾ .. ! ತು ಕಸಲೆ ಮೋಣು  ಲೆಕ್ತಾ .. ? ಯುದ್ಧ ಕೊರ್ಚೆ ಮ್ಹಳ್ಳಾರಿ ಸಾನ್ ಸುಮಾರ ಕಾಮ ವೇ .. ? ಬಿಲ್ಲು ಬಾಣ , ರಥ , ಸಾರಥಿ ಹ್ಯೇ ಪೂರಾ ಜಾವ್ಕಾ . ಮಿಗೆಲೆ ಧೈರ್ಯ ಶೌರ್ಯ  ಸಮಾನ ಅಶಿಲೋ ಸಾರಥಿ ಕೋಣ್ ಅಸ್ಸ ? " ಮ್ಹಳ್ಳಲೊ ಯುವ ರಾಯು . ಥಂಯ್ ಚಿ .. ಚಿಕೆ ದೂರ ಬಯಿಸೂನ್ ಗಾಂಧ ಜೋರೈತಾ ಅಶಿಲಿ ದ್ರೌಪದಿ , ಹಾಂಗೆಲೆ ಸಂವಾದು ಅಯಿಕತಶಿಲಿ .  " ರಾಜ ಕುಮಾರಿ ... ! ತುಗ್ಗೆಲ್ ನಾಟ್ಯಾಚಾರ್ಯ ಬ್ರಹನ್ನಳೆ ಕ ರಥ ಸಾರಥಿ ಸಾಮರ್ಥ್ಯ ಅಸ್ಸ . ತುಂವೆ ಸಾಂಗ್ಲೆರಿ ಯೆವ್ಚ್ಯಾ ಪೂರೋ " ಮೋಣು  ಸಂಘುನ್ ಯೇಕ್ ಉಪಾಯು ಸಂಘಲೊ . ಉತ್ತರೆ ಬ್ರಹನ್ನಳೆ ಕ ಅಪ್ಪೋಚ್ಯಾ ಚಮ್ಕಾಲಿ . " ಮಾಲಿನಿ ..! ಮಿಗೆಲೆ  ತಸಲೆ ವೀರ ಪುರುಷಾಕ ... ಷಂಡ ಬ್ರಹನ್ನಳ ... ಕಷ್ಶಿ ರಥ ಸಾರಥ್ಯ ಕರ್ತಾಲಿ .. ? ಕೌರವಾನಿ ಪೊಳೈಲೇರಿ ... ಮಕ್ಕಾ  ಅವಮಾನ ನವೇ .. ? ತಿಕ್ಕಾ ಬೈಲಾಗಾಡಿ ಅಂಬುಡುಕ ಯೆತ್ತಾ ಕೀ ... ನಾಕೀ .. ! "    " ಬ್ರಹನ್ನಳ ಮ್ಹಳ್ಳೆರಿ ಸಾಧಾರಣ ನಯ್ ರಾಜ ಕುಮಾರಾ .. ! ವೀರಾಧಿ ವೀರ ಅರ್ಜುನ ಮಹಾರಾಜಾಕ ಸಾರಥ್ಯ್ ಕೋರ್ನು ಅನುಭವು ಅಶಿಲಿ .. " ತೂ೦ವೇ ದೊಳೆನ ಪೊಳಯಿಲಾವೇ ... ? ಕೋಣ್ ಕೀ ಸಂಘಿಲ್ ಆಯಿಕುನ್ ಸಂಗ್ಚ್ಯೆ  ನವೇ .. ? ಮಕ್ಕಾ  ಸಾಧಾರಣ ಸಾರಥಿ ನಕ್ಕಾ ... ಮಕ್ಕಾ ಮಹಾ ಸಾರಥಿ ಜಾವ್ಕಾ ಮಾಲಿನಿ ... " ತಿತ್ಲೆ ಭಿತರಿ ಅರ್ಜುನ್ ಅಯಿಲೊ ... " ಯುವರಾಜಾ .. ! ವಗ್ಗಿ ಭಾರ್ ಸರಿ ... ಹಾಂವ ತಯ್ಯಾರ್ " ಮ್ಹಳ್ಳಲೊ ಅರ್ಜುನ್ .  " ಬ್ರಹನ್ನಳಾ .. ! ತುಕ್ಕಾ ನಿಜಾವ್ನು ರಥ ಸಾರಥ್ಯ ಯೆತ್ತವೇ .. ? " ನಿಮಗಿಲೆ ಉತ್ತರ ಕುಮಾರಾನ . " ತುಕ್ಕಾ ಯುದ್ಧ ಕೊರುಂ ಯೆತ್ತವೇ .. ? ತ್ಯೆ ಬದಿನ ಆಯ್ಯಿಲೆ ಹಸ್ತಿನಾವತಿ ಕುರು ವೀರ ಸೈನ್ಯ ... ಕುಮಾರಾ ! " ಮ್ಹಳ್ಳಲೋ ಅರ್ಜುನು . " ಆ .. ಹಾ .. ಹಾ .. ಹಾ .. ಬ್ರಹನ್ನಳಾ ! ತ್ಯೇ ಕುರು ವೀರಾಂಕ .. ಕಂಬಳ್ ಕುರ್ವಾ ಹೀಂಡು ಮಾರ್ಲೆ ಮ್ಹಣ್ಕೆ ... ಮಾರ್ನ್ ನಾಶ ಕರ್ತಾ .. ತೂ ಮಾತ್ರ ಭೀವ್ನ್ ರಥು  ಸೋಣು ಧಾಂವ್ನ್ ವೋಚ್ಚಾ ನಜ್ಜ ... ಭಿವ್ವು೦ ನಜ್ಜ ... ಭೀವ್ನ್ ರೋಡು೦ ನಜ್ಜ .. " 

                        ಉತ್ತರ ಕುಮಾರಿ , ದ್ರೌಪದಿ , ಅಂತಃಪುರಾ ಬಾಯ್ಲ್ ಮನಶ್ಯಾನಿ ಒತ್ತಾಯ ಕೊರ್ನ್ .. ರಾಜ ಕುಮಾರಾಕ ಯುದ್ಧಾ ಕ ತಯ್ಯಾರ್ ಕೊರ್ನ್ ಭಾರ್ ಸರೈಲೋ . ಬ್ರಹನ್ನಳ ಸಾರಥಿ ಜಾವ್ನ್ , ರಾಜ ಕುಮಾರ್ , ... ಯುದ್ಧ ಭೂಮಿಕ ಉತ್ತರ ದಿಶೆಕ ಪ್ರಯಾಣ ಶುರು ಕೆಲ್ಲೆ . ಯುದ್ಧ ಭೂಮಿ ಲಗ್ಗಿ ಯೆತ್ತಾನಾ ... ದೂರ ದುಕುನ್ ರಥು ರಾಬ್ಬೊನ್ , ಮಹಾ ಸಮುದ್ರ ಶ್ಯೆ ಅಶಿಲೆ ಕುರು ಸೈನ್ಯ , ಅರ್ಜುನಾನ ದಕ್ಕಯಿಲೆ .. 

ಅರ್ಜುನ :  " ಉತ್ತರ ಕುಮಾರಾ .. ! ಪೊಳೆ .. ಹೇಂಚಿ ಕುರು ಸೈನ್ಯ .. ! "

ಯುವರಾಜ : " ಬ್ರಹನ್ನಳಾ .. ! ಇತ್ಲೆ ಹೊಡ ಅಸ್ಸವೇ ಕುರು ಸೈನ್ಯ ... ? ಇತ್ಲೆ ಹೊಡ ಸೈನ್ಯ ಯೆದುರ .. ಹಾಂವೆ ಎಕ್ಲೇನ ಯುದ್ಧ ಕೋರ್ಕಾ ವೇ .. ?.. ! ಹಾಂವ ಇತ್ಲೊ ಸಾನು .. ಹಾಂಗೇಲೆ ವೊಟ್ಟು ಯುದ್ಧ ಕೊರ್ನ್ ವಾಂಚ್ಯಾ ಸಾಧ್ಯ ಅಸ್ಸವೇ .. ?

ಅರ್ಜುನ :  "  ವಯ್ .. ಯುವರಾಜಾ .. ! ಅತ್ತ ತುಂವೇ ಎಕ್ಲೆನಾಚಿ .. ಯುದ್ಧ ಕೋರ್ಕಾ " ಮ್ಹಳ್ಳಲೊ ಅರ್ಜುನು    

ಯುವರಾಜ :  " ಬ್ರಹನ್ನಳಾ .. ! ತುಕ್ಕ ಯೇಕು ನಯ್ ... ದೋನಿ ನಯ್ ... ಕೋಟಿ ಕೋಟಿ ನಮಸ್ಕಾರ್ ಘಾಲ್ತಾ ... ಮೊರ್ಚೆತಾಯ್ ತುಗೆಲೆ ನಾಂವ ಸಂಘುನ್ ಜಪ ಕರ್ತಾ ... ತುಂವೆ ಸಂಘಿಲೆ ಕಾಮ ಕರ್ತಾ ... ತುಗ್ಗೆಲ್ ದಾಸು ಜಾವ್ನ್ ರಾಬತಾ . ರಥು  ಘು೦ವ್ಡಾಯಿ ಅನಿ ಘರಾ ವ್ಹರಿ ಮಕ್ಕಾ . ಕೌರವ ಮ್ಹಳ್ಳೆರಿ ಶಂಬರಿ ಜನ ಮೋಣು  ಲೆಕ್ಕಿಲೆ . ಹಾಂಗಾ ಪೊಳೈಲ್ಯಾರಿ ಲಕ್ಷ ಲಕ್ಷ ಲೋಕು ಅಸ್ಸ .. ! ಹಾಂಕಾ ಪೊಳೈತಾನಾಚಿ ಭಂಯ್ಯ ಕರ್ತಾ ... ಹಾತು ಕಡ್-ಕಡ್ತಾ ... ತೊಂಡ  ಜೀಬ ಸುಕ್ಕುನ್ ಯೆತ್ತಾ .. ಪಯ್ಯಾ ಪಾಂವ್ಲ್ .. ಗಡ್ - ಗಡ್ತಾ ... ಬ್ರಹನ್ನಳಾ ತುಗ್ಗೆಲ್ ಪಯ್ಯಾರಿ ಪಡ್ತಾ ... ರಥು ಘು೦ವಡಾಯಿ . ಜೀವು ಆಸ್ಲೆರಿ .. ಸುಕ್ಕೆ ತಣ ಖಾವ್ನ್ ಜೀವನ ಕರ್ತಾ .. "

ಅರ್ಜುನ : " ಕಸಲೆ ಉಲ್ಲಯಿತಾ ಯುವರಾಜಾ ... ? ಆಮ್ಗೆಲೆ ಗೊರ್ವಾಂಕ ರಕ್ಷಣಾ ಕೋರ್ಚ್ಯೇ ನಕ್ಕವೇ .. ? ನಿಮಗಿಲೆ ಅರ್ಜುನಾನ 

 ಯುವರಾಜ  : " ಗೊರವ೦ಯಿ ನಕ್ಕಾ ಹ್ಯೇ ಗೊಂದೊಳ್ ಯೀ ನಕ್ಕಾ ... ಆನಮ್ಮಾಕ ಹಾಂವ ಎಕ್ಲೋ ಚಿ  ಪೂತು ... ಬ್ರಹನ್ನಳಾ .. ! ತುಕ್ಕಾ ನ್ಯಾಯು ಜಾವ್ನ್ ದಿಸ್ತವೆ ? ರಥು ಘು೦ವ್ಡಾನ್ ಘರ್ಲೆ ವೆಲ್ಲೇರಿ ... ತುಕ್ಕಾ ಸಗ್ಳೆ  ಅಂತಃಪುರ ತುಕ್ಕಾಚಿ  ದಿತ್ತಾ ... ತುಕ್ಕ ಕಸಲೆ ಜಾವ್ಕಾ ಕೀ ..  ತ್ಯೆದಿತ್ತಾ ... ನಿ೦ಮಗಿಲೆಲೆ ದಿತ್ತಾ " ಭೀವ್ನ್ ಕಡ್ - ಕಡ್ಚ್ಯಾ ಲಾಗ್ಲೊ ಉತ್ತರ ಕುಮಾರ್ . 

ಅರ್ಜುನ : " ಕೌರವಾಂಕ ಕಂಬಳ್ ಕುರ್ವಾಂಕ ಮಾರ್ಲೆ ಮ್ಹಣ್ಕೆ ದಿವಿಶಿ ಮಾರ್ತಾ ಮ್ಹಳ್ಳೆಲೆ ತೂ೦ವೇ .. ! ಮಕ್ಕಾ  ಷಂಡ .. ಪುಂಡ ... ಬೈಲಾ ಗಾಡಿ ಅಂಬುಡ್ತಾಲೊ ಮ್ಹಳ್ಳಾ ಮೂ .. ? " 

ಯುವರಾಜ :  " ಮಿಗೆಲೆ ವೈರಿ ಕೋಪು ಅಸ್ಲೆರಿ ... ಘರಾ ಗೆಲ್ಲೆ ನಂತರ ಮನಾ ಆಯ್ಯಿಲೆ ತಶಿ ಮಾರಿ ... ಅತ್ತ ವಗ್ಗಿ ವೊಚ್ಯಾ .. " 

ಅರ್ಜುನ : " ಯುವರಾಜಾ .. ! ಯುದ್ಧಾ ಕ ಯೇವ್ನ್ ,  ಭೀವ್ನ್ ಘರಾ ವೊಚ್ಛೆ ಸಾಮ್ಮ್ ನಯ್ . ಸರ್ವ ಲೋಕು ಪೊಳೊನ್ ಹಸ್ತಾಲೆ .. ಹಂಗಾ ಅಯಿಲೆ ನಂತರ ಯುದ್ಧ ಕೋರ್ಕಾಚಿ .. ಚಿ ..  ಆಮ್ಗೆಲೆ ಗೊರ್ವಾಂಕ ರಕ್ಷಣಾ ಕೋರ್ಕಾ .. ತಾಜ್ಜೆ ನಂತರ ಘರಾ ವೊಚ್ಛೆ  " ಖಡಾ -ಖಡಿ ಅರ್ಜುನಾನ ಸಂಘಲೇ 

ಯುವರಾಜ : " ಹ್ಯೇ  ತುಗೆಲೆ ಆಖೇರಿ ನಿರ್ಧಾರ್ ವೇ .. ? " ನಿ೦ಮಗಿಲೆ ಉತ್ತರ ಕುಮಾರಾನ  " ವಯ್ " ಮ್ಹಳ್ಳಲೊ ಅರ್ಜುನ್ . ಅನಿ ಉಲ್ಲಯಿಲ್ಯಾರಿ ಕಾಯಿ ಪ್ರಯೋಜನ ನಾ ಮೋಣು ದಿಸ್ಲೆ ಯುವರಾಜಾ ಕ  . ರಥಾರಿ ದುಕುನ್ ಉಡ್ಡುನ್ ಧಾಂವ್ಚ್ಯಾ ಶುರು ಕೆಲ್ಲೆ . ಅರ್ಜುನಾ ನ ತಾಗೆಲ್ ಮಾಕ್ಷಿ ಚಿ ಧಾ೦ವ್ನ್ ಉತ್ತರ ಕುಮಾರಾಕ ಧೋರ್ನ್  ರಬ್ಬಾಯಿಲೊ . " ಯುವರಾಜಾ .. ! ತುಕ್ಕ ತಿತ್ಲೆ ಭಂಯ್ಯ ಕರ್ತಾ ಝಲ್ಲೇರಿ ಯುದ್ಧ ಹಾಂವ ಕರ್ತಾ " ಮ್ಹಳ್ಳಲೋ ಅರ್ಜುನ್   " ವಯ್ ..  ಹ್ಯೇ ಯುದ್ಧ .. ಭರತ  ನಾಟ್ಯ ನಯ್ ... ಮಿಜ್ಜಾನ್ ಜಾಯ್ನಾ ಹ್ಯೇ ಯುಧ್ಧ ... ಕುರು ಯುದ್ಧ ... ಮಹಾ ಯುದ್ಧ . " 

ಅರ್ಜುನ : " ಯುವರಾಜಾ ..! ಹಾಂವ ಯುದ್ಧ ಕರ್ತಾ .. ತೂ ಮಿಗೆಲೆ ಸಾರಥಿ ಝಾ ... ಯೇವ್ನ್ ರಥಾರಿ ಬಯಿಸ " ಕೋಪಾನ ಸಂಘಲೇ ಅರ್ಜುನಾನ

ಯುವರಾಜ : " ಕಸಲೆ ನಮುನೆ ಮನುಷ್ಯು ತೂ ... ! ಜೀವಾ ವೈರಿ ಥೊಡೆ ಭಂಯ್ಯ ನಕ್ಕ ವೇ .. ? ತುಕ್ಕ ಕಾಯ್ ನಾ ... ಜಾಯ್ತ .. ! ಹಾಂವ ಸಾರಥ್ಯ್ ಕರ್ತಾ .. ತು ಯುದ್ಧ ಕರಿ ... ಯುದ್ಧ ಕೊರ್ನ್ ಅಮ್ಮಿ ದೊಗ್ಗಯಿ ಜೀವು ಸೊಡ್ಯಾ ... ! " ಮ್ಹಳ್ಳಲೋ ಉತ್ತರ ಕುಮಾರು . 

                     ಅರ್ಜುನಾನ , ಕುಮಾರಾಕ ಸಾರಥಿ ಜಾಗೇರಿ ಬಾಲಾತ್ಕಾರು ಕೊರ್ನ್ ಬೊಸ್ಕರಾಯಿಲೊ . ಅನಿ ತಕ್ಕಾ ಬನ್ನಿ ವೃಕ್ಷಾ ಲಗ್ಗಿ ವೊರುಂಕ ಆದೇಷು ದಿಲ್ಲೊ . ಬನ್ನಿ ವೃಕ್ಷಾಕ  ತೀನಿ ಸುತ್ತು ಘಾಲ್ನ್ ನಮಸ್ಕಾರ್  ಕೊರ್ನ್ ರಾಬ್ಲೊ . ಥಂಯ್ ದಿವ್ಯಾಸ್ತ್ರ ಪ್ರಹರಿ ಕರ್ತಾಲೆ ಭುತ್ತಾನ , ಅರ್ಜುನಾ ಕ ನಮಸ್ಕಾರ್  ಕೊರ್ನ್ .. ಕಸಲಿ ಆಜ್ಞಾ ಮೋಣು ನಿ೦ಮಗಿಲೆ . ಅರ್ಜುನಾನ ದಿವ್ಯಾಸ್ತ್ರ ಬಂಧಿಲೆ ಗಾಂಟಿ ಸಕಲ ದೆವೊಂಚ್ಯಾ ಆಜ್ಞ ಕೆಲ್ಲಿ . ಗಾಂಟಿ ಆಪಣಿತ್ಯಾಕ್ ಸಕಲ ಆಯ್ಲಿ . ಗಾಂಟಿ ಸೊಡವಾನ್ ಪ್ರಾಣ ಸಮಾನ್ ಗಾಂಡೀವ ಧನುಷ್ಯ ಪೊಳೊನ್ ಆನಂದ ಝಲ್ಲೆ . ಶಿವಾಲೆ ಉಡ್ಘಾಸ್ ಕಾಣು .. ಗಾಂಡೀವ ಹತ್ತಾ ಘೆತ್ಲೆ  ... ಬಾಣ ಅಕ್ಷಯ ಜಾವ್ಚೆ ಬತ್ತಳಿಗ ಫಟೀರಿ ಘಲ್ಲೆ . ಗಾಂಡೀವ ಧನು ಹಾತ್ತಾನ ಅಪ್ಪಳೆ ಸತಾನ್ ... ಅರ್ಜುನಾಲೆ  ಶ್ರಾಪು  ವಿಮೋಚನ ಝಲ್ಲೆ . ಸ್ತ್ರೀ ರೂಪ ವೊಚ್ಚುನ್ ,  ಯಥಾ ಅರ್ಜುನ ರೂಪ ಅಯಿಲೆ . ಬಾಕಿ ಅಸ್ತ್ರ ಗಾಂಟಿ ಬಂಧುನ್ ಯಥಾ ಸ್ಥಾನಾರಿ ದೊವೊರುಂಕ ಆಜ್ಞಾ ಕೆಲ್ಲಿ . ಘಟೋತ್ಕಚಾಲೆ ಸೇವಕ ಭುತ್ತಾನಿ , ರುಕ್ಕಾರಿ ತ್ಯೆಚಿ ಸ್ಥಾನಾರಿ ದೋವೊರ್ನ್ ಮಾಯ ಝಲ್ಲೆಂತಿ . ಹ್ಯೇ ಸಕ್ಕಡ್ ಪೊಳೈತಶಿಲೆ ಉತ್ತರ ಕುಮಾರಾಕ ಆಶ್ಚರ್ಯ ಝಲ್ಲೆ . ಧಾವ್ನ್ ಯೆವ್ನ್ ಅರ್ಜುನಾಲೆ  ಪಯ್ಯಾರಿ ಪೋಣು  ನಮಸ್ಕಾರ್  ಕೆಲ್ಲೊ .

" ಮಹಾತ್ಮ .. ! ಕೋಣ್ ತೂ .. ? ತೂ ಕೋಣ್ ಮೊಣು ಕಳ್ನಾಶಿ ತೊಂಡಾ ಆಯ್ಯಿಲೆ ತಶಿ ಉಲ್ಲಯಿಲೊ ಮಿಗೆಲಿ ಚೂಕೀ ಝಲ್ಲಿ .. ಕ್ಷಮಾ ಕೋರ್ಕಾ .. ಕೋಣ್  ಮಹಾತ್ಮಾ ತೂ .. ? " ಕುಮಾರಾನ ನಿ೦ಮಗಿಲೆ . 

" ಹಾಂವ ಪಾಂಡವ ಮಾಧ್ಯಮ ಅರ್ಜುನ " ಬ್ರಹನ್ನಳಾಚಿ ಅರ್ಜುನ ಮೋಣು  ಕಳ್ಳೆ ಸತಾನ , ಉತ್ತರ ಕುಮಾರಾಕಾ ಧೈರ್ಯ ಝಲ್ಲೆ . " ಮಹಾತ್ಮಾ .. ! ತುಗೇಲ್ ದರ್ಶನ ಝಲ್ಲೆಲೆ ನಿಮಿತ್ಯ ಮಿಗೆಲೆ ಭಂಯ್ಯ ದೂರ ಝಲ್ಲೆ . ಹರ್ದೇ  ಅಶಿಲೆ ಭಂಯ್ಯಾ ಪಿಶಾಚಿ ಧಾ೦ವ್ನ್ ಗೆಲ್ಲೆ . ಅನಿ ಕೆದ್ನಾಯ್ ಅಶಿ ಭೀನಾಶಿ .. ಧೈರ್ಯಶಾಲಿ ಜಾವ್ನ್ ಆಸ್ಚ್ಯೆ ತಶಿ ಆಶೀರ್ವದು ಕರ್ಯಾತಿ . "   " ಉತ್ತರ ಕುಮಾರಾ .. !ಮಿಗ್ಗೆಲೆ ದಶ ನಾಮ ಸ್ಮರಣೆ ಮಾತ್ರೆನ ಭಂಯ್ಯ ದೂರ ಝತ್ತಾ ಮೋಣು ತ್ಯೆ ಪರಮೇಶ್ವರಾನ ಮಕ್ಕ ವರು ದಿಲ್ಲಾ . " ಮೋಣು  ಅರ್ಜುನಾನ ಸಂಘಲೇ ಸತಾನ .. ಉತ್ತರ ಕುಮಾರಾನ  ದಶ ನಾಮ ಸ್ತುತಿ ಕೆಲ್ಲಿ .  " ಅರ್ಜುನಃ , ಫಲ್ಗುಣಹ , ಪಾರ್ಥಾಹ  , ಕಿರೀಟಿ , ಶ್ವೇತಹವಾಹನ , ಬೀಭತ್ಸಹ , ವಿಜಯಾಹ , ಜೀಷ್ಣಾಹ , ಸವ್ಯಸಾಚಿ , ಧನಂಜಯಾಹ : " ದಶನಾಮ ಸ್ಮರಣೆ ಕರ್ತರಿ ಉತ್ತರ ಕುಮಾರಾಕ ಖಂಯಿ ನಾತ್ತಿಲೆ ಧೈರ್ಯ , ಶೌರ್ಯ ಆಯಿಲೆ ."ಕೌ೦ತೇಯ  ಮಧ್ಯಮಾ ... ! ಆಜಿ ಮಿಗೆಲೆ ಜೀವನಾಂತು , ಮಹಾ ಪುಣ್ಯಾ ದಿವಸು . ತುಗ್ಗೆಲ್ ರಥ ಸಾರಥಿ ಜಾವ್ಚೆ ಮಕ್ಕ ಮೆಳ್ಳೆಲೆ ಹೋಡ  ಭಾಗ್ಯ .ಮಹಾವಿರಾ ...  ಕುರು ಸೈನ್ಯ ವೈರಿ ಯುದ್ಧ ಕೊರ್ಯಾ... ಮಿಗ್ಗೆಲೆ ಸಾರಥ್ಯ ಚತುರಾಯಿ ಆಜಿ ದಕ್ಕಯಿತಾ ' ಮ್ಹಳ್ಳಲೋ ಉತ್ತರ ಕುಮಾರ್ . ಅರ್ಜುನಾನ ದೇವದತ್ತ ಶಂಖ ವಾಜ್ಜುನ , ಗಾಂಡೀವ ಹಾತ್ತಾಂತು ಧೋರ್ನ್ ರಥಾರಿ ಚಳ್ಳೋ .ಅರ್ಜುನಾ ಲೆ ದೇವದತ್ತ ಶಂಖಾ ಘೋಷ ಅಯಿಕಲಿ ಸತಾನ ಭೀಷ್ಮ ದ್ರೋಣಾಕ ಸಂತೋಷು ಝಲ್ಲೋ .ದಿವ್ಯ ಶಂಖಾಚೆ ಘೋಷ ಅಯಿಕುನ್... ಗೋರ್ವ೦ ಭೀವ್ನ್ ಬಾಲ ಉಬಾರ್ನ್ ಗೋಶಾಲೆ ದಿಕಾನ ವಾಪಸ್ ಧಾಂವ್ನ್  ಗೆಲ್ಲೆ . ಆಡ ಆಯ್ಯಿಲೆ ಥೊಡೆ ಸೇ  ಸೈನಿಕ ಲೋಕು ಗೋರ್ವ ಪಾಯ್ ಮುಳಾ೦ತು ಫೋಣು ಪ್ರಾಣ ಸೊಳ್ಳೆ . 

ಉಮಾಪತಿ