MAHABHARATH Part - 74 A ( konkani Bhashentu )
Bheeshma bodha / ಭೀಷ್ಮಬೋಧ
ಶಾಂತಿ ಪರ್ವಾಂತು .. ಭೀಷ್ಮಾಚಾರ್ಯಾಲೆ ಬೋಧನೆ ಏಕ ವಿಶಿಷ್ಠ ಸ್ಥಾನ ಅಸ್ಸ . ಹೇ ಪರ್ವಾಂತು ಭೀಷ್ಮಾನ ಧರ್ಮ ರಾಯಾಕ ನೀತಿ ಬೋಧ ಕರ್ತಾ . ದಾನ ಮಹಿಮಾ , ಇಂದ್ರಿಯ ನಿಗ್ರಹ , ಧರ್ಮ , ಮೃತ್ಯು , ಅಹಿಂಸಾ , ವಾರ್ಧಕ್ಯ , ಸಾರ್ಥಕ ಜೀವನ , ರಾಜ ಪರಿಪಾಲನಾ ಧರ್ಮ , ಸ್ತ್ರೀ ವ್ಯಾಮೋಹ , ಕರ್ಮಾ ಸಿದ್ಧಾಂತ .. ಅಷ್ಶಿ ನಾ - ನಾ ನಮುನೆ ಧರ್ಮ ಬೋಧೆ ಹೇ ಪರ್ವಾಂತು ಅಸ್ಸ . ಹಂಗಾ ಝಲ್ಲೆಲೆ ತಿತ್ಲೆ ಸಂಕ್ಷಿಪ್ತ ಜಾವ್ನು ನೀತಿ ಬೋಧ ಪ್ರಸ್ತುತ ಕರ್ತಾ ...
ಧರ್ಮರಾಯು ಪ್ರತೀ ದಿವಸು ಭೀಷ್ಮಾ ಲಗ್ಗಿ ಯೇವ್ನ್ ಭೀಷ್ಮಾನ ಸಂಘಚೆ ಧರ್ಮ ಬೋಧೆ ಅಯಿಕತಶಿಲೋ ... ಮನಾಂತು ಅಶಿಲೆ ಧರ್ಮ ಸಂಕಟ ಭೀಷ್ಮಾ ಲಗ್ಗಿ ಸಂಘುನ್ ತಕ್ಕ ಪರಿಹಾರ ನಿಂಮ್ಗೀತಾಷ್ಶಿಲೊ .
ಧರ್ಮ ರಾಯ : " ಪಿತಾಮಹಾ .. ! ಕಿತ್ಲೆ ಸಮಾಧಾನ ಕೆಲ್ಲೆರಿಯೀ ... ಮಿಗ್ಗೆಲೆ ನಿಮಿತ್ಯ ಇತ್ಲೆ ನಾಶ ಝಲ್ಲೆ ... ಮಿಗೆಲೆ ನಿಮಿತ್ಯ ರಕ್ತ ಪಾತ ಝಲ್ಲೆ ... ಲಕ್ಷ ಲಕ್ಷ ಲೋಕಾಲೆ ಮರಣಾಕ ಕಾರಣ ಹಾಂವ ಮೋಣು ಮಿಗೆಲೆ ಅಂತರಾತ್ಮ ಸಾಂಗ್ತಾ "
ಭೀಷ್ಮ : "ಕುಮಾರಾ .. ಎಕ್ಲೇಲೆ ಮರಣಾ ಕ ಅನ್ನೇಕ್ಲೊ ಕರ್ತಾ ಜಾಯ್ನಾ .. ಕಾರಣ ಮಾತ್ರ ಝತ್ತಲೋ . ಮೃತ್ಯು ದೇವತಾ .. ತೀಚಿ ಜಾವ್ನ್ ಕೋಣಾಕಯ್ ಬಲಿ ಘೇನಾ ಕೋಣಾಕಯ್ ಪುಣಿ ಕಾರಣ ಕೊರ್ನ್ , ನಾತ್ಲೆರಿ ಕಸಲೆಯ್ ಕಾರಣ ದಕ್ಕೋನ್ ಬಲಿ ಘೇತ್ತಾ . ಪ್ರಾಣ ಹರಣಾ ಕ ತಾನ್ನಿ- ತಾನ್ನಿ ಚಿ ಕಾರಣ ಝತ್ತಾತಿ ನಾತ್ಲೆರಿ ತಂಗೆಲ್ ದೇಹ ಸ್ತಿಥಿ ಕಾರಣ ಝತ್ತಾ "
ಧರ್ಮಜ : " ಲಕ್ಷ್ಮಿ ದೇವೀಕ ಸರ್ವ ಲೋಕು ಪೂಜಾ ಕರ್ತಾತಿ . ತಿಗೆಲೆ ಕಟಾಕ್ಷ ಸರ್ವಾಂಕ ಜಾಯಿ . ಲಕ್ಷ್ಮಿ ದೇವೀಕ ಕೋಣ ಮ್ಹಳ್ಳೇರಿ ಇಷ್ಟ .. ? ಕೊಣಾಂಕ ತೀ ಮಸ್ತ ಪ್ರೀತಿ ಕರ್ತಾ .. ? "
ಭೀಷ್ಮ : " ಲಕ್ಷಮೀ ದೇವಿ ಚಂಚಲ ಸ್ವಭಾವಾಚಿ .. ಕೊಣಾ ಲಗ್ಗಿ ಮಸ್ತ ಕಾಳ ರಬ್ಬನಾ . ಸಮುದ್ರ ಮಂಥನಾ ವೆಳ್ಯೇರಿ ಜನ್ಮಾ ಆಯ್ಯಿಲಿ ಲಕ್ಷ್ಮೀ , ವಿಷ್ಣುಲೆ ಬಾಯ್ಲ್ಯಾ ಝತ್ತಾ . ಕೊಣಾಲೆ ಘರ ಚಂದ ಶುಭ್ರ ಜಾವ್ನ್ ಅಸ್ತಾಕಿ , ದಯಾ ಶಾಂತಿ ದಾನ ಧರ್ಮ ಖಂಯ್ಯ್ ಝತ್ತ ಕೀ .. ಸಂತೋಷು ಹಾಸು ಸುಖ ಅಸ್ಸ ಕೀ... ತಾಂಗೆಲೆ ಘರಾಂತು ವಾಸ ಕರ್ತಾ . ಸಂಪತ್ತ್ ಅಸ್ಲೆರಿ ಸುಖ ನಾ... ಅನುಭವ ಕೊರುಂಕ ಆರೋಗ್ಯ ಜಾವ್ಕಾ , ಮನಾಕ ಆನಂದ ಜಾವ್ಚ್ಯಾಕ ಘರಾಂತು ಚೆರ್ಡುವಾನಿ ಅಸ್ಸುಕಾ ಧೈರ್ಯ ಶಕ್ತಿ ಅಸ್ಸುಕಾ , ವಿದ್ಯೆ ಅಸ್ಸುಕಾ , ಹೇ ಸಕ್ಕಡ ಅಸ್ಲೆರಿ ಮಾತ್ರ ಸಂಪತ್ತಾ ನಿಮಿತ್ಯ ಸುಖ ಮೆಳ್ತಾ ಲಕ್ಷ್ಮಿ ಮ್ಹಳ್ಳಾರಿ ಸುಖ .. ಲಕ್ಷ್ಮಿ ಮ್ಹಳ್ಳಾರಿ ಸಂತೋಷು .. ಲಕ್ಷ್ಮಿ ಮ್ಹಳ್ಳಾರಿ ಸಂತತಿ ... ಲಕ್ಷ್ಮಿ ಮ್ಹಳ್ಳರಿ ಅರೋಗ್ಯ, ಸುಖ ದಾಂಪತ್ಯ . ಲಕ್ಷ್ಮಿಕ ಅಷ್ಟ ಲಕ್ಷ್ಮಿ ಮೋಣು ಆಟ ರೂಪಾರಿ ಪೂಜಾ ಕರ್ತಾತಿ . ಗೃಹಿಣಿ ನ ನಿಡ್ಲಾರಿ ತೀಳೊ ನಾಶಿ ಘರಾ ಕಾಮ ಕೋರು ನಜ್ಜ . ಸೂರ್ಯಾ ದಿಕಾನ ತೊಂಡ ಕೊರ್ನ್ ದಾಂತ ಘಸು ನಜ್ಜ , ಮಧ್ಯರಾತ್ರಿ ಸ್ನಾನ ಕೋರು ನಜ್ಜ , ಪಾಯ ಧು೦ವ್ನ್ ನೀದ ಕಾಡು ನಜ್ಜ , ಜೇವ್ತಾನ ಉಲ್ಲೋಚಾ ನಜ್ಜ , ಏಕಾಗ್ರತಾ ದವೋರ್ನ್ ಆಹಾರ ಸ್ವೀಕಾರ್ ಕೋರ್ಕಾ . ಅತೀ ಜಾವ್ನ್ ಜೇವ್ವು ನಜ್ಜ . ಘರ್ಚೆ ಚೆರ್ಡು೦ವಾಲೆ ಜೇವಣ ಜಾವಚೆ ಫುಡೆ ಘರ್ಚೆ ಯಜಮಾನಾನ ಜೆವ್ವು ನಜ್ಜ . ದೂಧ , ಧ೦ಯ , ತೂಪ ಮಸ್ತುಚಾ ನಜ್ಜ . ಗೋಮಾತೆಕ ಫತ್ರಾನ ಬೊಡ್ಡೆನ ಮರು ನಜ್ಜ . ಘರಾಂತು ಕಾಳೆ ವಸ್ತ್ರ ಧಾರಣ ಕೋರು ನಜ್ಜ . ಘರ್ಚೆ ಬಾಯ್ಲ್ ಮನ್ಶ್ಯಾನಿ ದೊಳೆ ಉದ್ದಾಕ ಘಾಲ್ಚೆ ತಶಿ ಕೊರೂ ನಜ್ಜ . ಭೇತ್ತುನ್ ಗೆಲ್ಲೆಲಿ ಕನ್ನಡಿ೦ತು ತೋಂಡ ಪೋಳೋಚ್ಯಾ ನಜ್ಜ . ಭೆತ್ತಿಲಿ ಕನ್ನಡಿ ಘರಾಂತು ದೊವೋರು ನಜ್ಜ . ದೂಧ ಪಿವ್ಚೆ ಚೇರ್ಡಾಕ ಅನಿ ಆವ್ಸುಕ ದೂರ ಕೋರು ನಜ್ಜ . ಬಾಮ್ಮುಣು ಬಾಯ್ಲಾನಿ ಕೆದನಾಯ್ ಕೊಪಾನ ಉಲ್ಲೋಚಾ ನಜ್ಜ . ಶಾಂತ ಉತ್ತರಂ , ಮೊವಾಳು ಉತ್ತರಾಂನಿ ಕಾರ್ಯ ಸಿದ್ಧಿ ಕೋರ್ಕಾ . ಕೋಪು ಅಷ್ಶಿಲೆ ಘರಾಂತು ಲಕ್ಷ್ಮೀ ದೇವಿ ರಬ್ಬನಾ . ತುಳಸಿ ಪೂಜಾ ಕರ್ತಲೆ ಘರ ಮಹಾಲಕ್ಷ್ಮಿ ಕೆದನಾಯ್ ಸೋಣಾ . ಕುಮಾರಾ ... ! ಧರ್ಮ , ವರ್ಣಾಶ್ರಮ ನಿಮಿತ್ಯ ಆರಂಭ ಜಾಲ್ಲೆಲೆ .. ಕೊಣಯ್ ಸ್ವಾರ್ಥ , ಲಾಭಾ ದೃಷ್ಟಿರಿ ಧರ್ಮ ಪೊಳೋಚ್ಯಾ ನಜ್ಜ . ಧರ್ಮ , ಮಾನವ ಹಿತಾ ಖತಿರಿ ಋಷಿ ಮಹರ್ಷಿ ಲೋಕಾನಿ ಕೆಲ್ಲೆಲೆ ನಿಯಮ . ಕೊಣಯ್ ವಿಮರ್ಶಾ ಕೊರ್ಚೆ ತಶಿ ನಾ . ಧರ್ಮ ಕೆದನಾ ಪಾಲನ ಕರ್ನಾಶಿ ರಾಬತಾತಿ ಕೀ ತೇದನಾ ಚಿ ಮಾನವ ಕುಲ ನಾಶ ಜಾವ್ಚ್ಯಾ ಶುರು ಝತ್ತಾ . ವರ್ಣ ಧರ್ಮ ತ್ಯೆ - ತ್ಯೆ ಯುಗಾಕ ಸ೦ಮ್ಮಜಾವ್ನ್ ಪಾಲನಾ ಕೋರ್ಕಾ . ತ೦ಗ - ತಾಂಗೆಲೆ ವರ್ಣ ಧರ್ಮ ತನ್ನಿ ತನ್ನಿ ಪಾಲನಾ ಕೋರ್ಕಾ ಮಾತ್ರ ನಯ್ ದುಸರೇಲೆ ವರ್ಣ ಧರ್ಮಾಕ ಗೌರವ ದೀವ್ಕಾ .. ಅಪಹಾಸ್ಯ ಕೊರೂ ನಜ್ಜ .
ಧರ್ಮಜ : " ಪಿತಾಮಹಾ .. ! ಸದಾಚಾರ ಮ್ಹಳ್ಳೇರಿ ಕಸಲೆ ದುರಾಚಾರ ಮ್ಹಳ್ಳೆರಿ ಕಸಲೆ .. ?"
ಭೀಷ್ಮ : " ಕುಮಾರಾ .. ! ವಿದ್ಯೇಚಿ ಸದಾಚಾರ ... ಅವಿದ್ಯೆಚಿ ದುರಾಚಾರ , ಸ್ವಧರ್ಮಚಿ ಸದಾ ಚಾರ .. ಪರಧರ್ಮಚಿ ದುರಾಚಾರ , ಜ್ಞಾನ ಸದಾಚಾರ ... ಅಜ್ಞಾನ .. ದುರಾಚಾರ , ಧರ್ಮಚಿ ಸದಾಚಾರ .. ಅಧರ್ಮಚಿ ದುರಾಚಾರ . ಧರ್ಮಜಾ .. ! ಹೇ ಮಹಾನ್ ಮಾನವ ಧರ್ಮ , ಸರ್ವಾನಿ ಸಾರ್ಥಕ ಕೊರ್ನ್ ಘೆವ್ಕಾ ಕೊಣಾಲೆಯ್ ಮನ ದುಕ್ಕಯ್ನಾಶಿ . ಪುರುಷ ಲೋಕಾ೦ಕ ಬ್ರ೦ಹ್ಮಚರ್ಯ , ಗೃಹಸ್ಥ , ವಾನ ಪ್ರಸ್ತ , ಸನ್ಯಾಸ ಮ್ಹಳ್ಳೆಲೆ ಚಾರಿ ಧರ್ಮ ಅಸ್ಸ ಹೇ ಆಚಾರ ಧರ್ಮ ಮ್ಹಣತಾತಿ . ಚೌದ ವರ್ಷ೦ ತಾಯ್ ಬಾಲ್ಯಾವಸ್ಥ ಆಸ್ತಾ . ಹಜ್ಜೆ ನಂತವೈಲೆ ವರ್ಷ೦ ಆಸ್ಸುಚೆ ದಶೆ ಬ್ರ೦ಹ್ಮಚರ್ಯ ಮ್ಹಣತಾತಿ . ಹಂಗ ದುಕುನ್ ಪಂದ್ರಾ ವರ್ಷಾ ದುಕುನ್ ಯವ್ವನ ದಶೆ ಆರಂಭ ಝತ್ತಾ .. ಹ್ಯೇ ವೆಳ್ಯೇರಿ ಬ್ರ೦ಹ್ಮಚರ್ಯ ನಿಯಮ ಪಾಲನಾ ಕೋರ್ಕಾ . ಹೇ ಯವ್ವನ ದೆಶೆಂತು ಕಾಮ , ಕ್ರೋಧ , ಲೋಭ , ಮೋಹ , ಮದ , ಮತ್ಸರ ಮ್ಹಳ್ಳೆಲೆ ಷಡ್ ವೈರಿ .. ಎಕ್ಕಾ ಮಾಕ್ಷಿ ಏಕ ಜಾವ್ನ್ ಅಂಗಾಂತು ಪ್ರವೇಶ ಕರ್ತಾ . ಮನುಷ್ಯಾಕಾ ಚಂಚಲ ಕರ್ತಾ . ಕಾಮ ಗುಣ , ರಾನ್ನಿ ವೈಲೆ ದುದ್ಧಾ ಮ್ಹಣ್ಕೆ ಉಕ್ಕುನ್ .. ಮೋಹ ಗುಣಾಕ ವೃದ್ಧಿ ಕರ್ತಾ . ಅಸಾಧ್ಯ ವಿಷಯ .. ಸುಸಾಧ್ಯ ಮೋಣು ದಕ್ಕೋನ್ ದಿತ್ತಾ , ಕಲ್ಪನಾ ಲೋಕಾಂತು ಬುದ್ಧೀಕ ತಂಡೂನ್ ವರ್ತಾ .. ಹಿತ ಬೋಧ ಮತ್ತೆಂತು ವಚ್ಚನಾ .. ಆಕರ್ಷಣಾಚಿ ಮುಖ್ಯ ಮೋಣು ದಿಸ್ತಾ . ಜೀವನಾ ವಾಟ ಚುಕ್ಕೋಚೆ ಕಾಲ . ಮಾನಸಿಕ ಉದ್ರೇಕ ತಡಸೂನ್ ಘೇವ್ನ್ , ದೃಢ ಮನಾನಿ ವಿದ್ಯಾಭ್ಯಾಸ ಕೋರ್ಕಾ . ಹೇ ವೆಳ್ಯೇರಿ ಕೊಣಾಲೆ ವೊಟ್ಟು ಲಡಾಯಿ ಕೋರು೦ ನಜ್ಜ . ಬಾಯ್ಲ ಮನ್ಶಾಂಗೆಲೆ ವೊಟ್ಟು ಏಕಾಂತ ಜಾವ್ನ್ ಅಸ್ಸುನಜ್ಜ .. ಕೆದನಾಯ್ ದೂರ ಅಸ್ಸುಕಾ . ದಿವಸಾಕ ಧಾಹ ಪೋಟಿ ಕನ್ನಡಿ ಪೊಳೋಚ್ಯಾ ನಜ್ಜ . ಅತೀ ಆಹಾರ ಸೇವನಾ ಕೋರು ನಜ್ಜ , ಸಂಗೀತ ,ಅಭಿನಯ ತಸಲೆ ವಿಷಯಾಂತು ಆಲೋಚನ್ ಕೋರು ನಜ್ಜ . ನೆಲಾರಿ ನಿದ್ದೋನ್ ದೇಹ ದ೦ಡನ ಕೋರ್ಕಾ . ಯೋಗ ವ್ಯಾಯಾಮ ಕೊರ್ಚೆ ನಿಮಿತ್ಯ ಏಕಾಗ್ರತಾ ವಡ್ತಾ .
" ಕುಮಾರಾ ..! ನಿಯಮಬದ್ಧ ಮನಾನಿ ಸಂಘ ಜೀವಿ ಜಾವ್ನ್ ವ್ಹರ್ಡಿಕ ಕೊರ್ನ್ ಘೇವ್ನ್ , ಬಾಯ್ಲೆಲೆ ವೊಟ್ಟು ಗೃಹಸ್ಥ ಜೀವನ ಧರ್ಮ ಬದ್ಧ ಜಾವ್ನ್ ಕೋರ್ಚೆಂಚಿ ಗೃಹಸ್ಥ ಧರ್ಮ ಮೊಣೋನ್ ಘೆತ್ತಾ . ಗೃಹಸ್ಥ ಧರ್ಮ ಪ್ರಕಾರ ಸಂಪಾದನಾ ಕೆಲ್ಲೆಲೆ ದುಡ್ಡುವಾ ನಿಮಿತ್ಯ ಘರ ಚಲಾಯಿಸುಕಾ . ಪಿತ್ರಾರ್ಜಿತ ಸ್ಥಿರ ಚರಾಸ್ಥಿ ವೈರಿ ಆಧಾರ್ ಜಾವ್ನ್ ಅಸ್ಸುನಜ್ಜ . ಮದ್ಯ , ಮಾಂಸ ವಿಕ್ರಯ ಕೋರ್ನು , ನಾತ್ಲೆರಿ ದ್ಯೂತ ಖೇಳ್ನ್ ಸಂಪಾದನಾ ಕೆಲ್ಲೆಲೆ ದುಡ್ದುವಾನ ಸಂಸಾರ್ ಚೊಲೋಚಾ ನಜ್ಜ . ಹಾಥ ಧರ್ಲೆಲೆ ಬಾಯ್ಲೇ ಲೆ ಮಾತ್ರ ಕಾಮಾಸಕ್ತ ಜಾವ್ಕಾ . ಬಾಕಿ ಪರಸ್ತ್ರೀ ಲಗ್ಗಿ ತೀ ಕಿತ್ಲೆಯ್ ಚಂದಿ ಅಸ್ಸೋ .. ತಿಕ್ಕಾ ಕಾಮನ ಕೋರು ನಜ್ಜ . ಜನ್ಮ ದಿಲ್ಲೆಲೆ ವಯೋವೃದ್ಧ ಆನಮ್ಮಾ೦ಕ ಕೆದನಾಯ್ ಹಂಗ್ಸೂಚಾನಜ್ಜ . ತಾಂಗೆಲೆ ಸೇವ ಕೊರುಂಕ ಅಸಹ್ಯ ಪಾವ್ಚಾ ನಜ್ಜ . ಭ೦ವ್ಡಾಂಕ ಪ್ರೀತ್ಯೇನ ಪೊಳೋನ್ ಘೆವ್ಕಾ . ಭ೦ಯಿಣಿ ಯಾಂಕ ಮಾನ ಸನ್ಮಾನ ಕೊರ್ನ್ ತಾಂಗೆಲೆ ವ್ಹರ್ಡಿಕೆಕ ಮನಸ್ಪೂರ್ತಿ ಪಿತೃ ಸ್ಥಾನಾರಿ ರಬ್ಬುನ್ ಸಹಾಯು ಕೋರ್ಕಾ . ಧರ್ಮಜಾ .. ! ಗೃಹಸ್ಥ ಜೀವನ ಭಾರಿ ಕಠಿಣ . ವಂಶೋಭಿವೃದ್ಧಿ ಖತಿರಿ ... ಜನ್ಮಾ ಆಯ್ಯಿಲೆ ಚೆರ್ಡು೦ವಾಲೆ ವಿದ್ಯಾರ್ಚನೆಕ ಕಠಿಣ ಪರಿಶ್ರಮ ಕೋರ್ಕಾ .. ಹೊಡ್ದ೦ ಝತ್ತರಿ ಮುಂಜಿ ವ್ಹರ್ಡಿಕ ಕೊರ್ನ್ , ತಂಗೇಲೊ ಸಂಸಾರ್ ಶುರು ಜವ್ವೋ ತಾಂಯ್ ಪೋಷಣ ಕೋರ್ಕಾ ಪೊಡ್ತಾ . ನಾತ್ರ , ಪೊಣ್ತ್ರ ನಾಮಕರಣ , ಚವ್ಲ ಕೇಶಖಂಡನಾ ಕಾರ್ಯ ಝಲ್ಲೆ ನಂತರ ಸಂಸಾರ ಬಾಧ್ಯತಾ ಚೆರ್ಡುವಾಂಕ ದೀವ್ನ್ ಭಾಗವ೦ತಾಲೆ ಧ್ಯಾನಾಸಕ್ತಿ ಜಾವ್ನ್ ಪರಲೋಕಾ ಮುಕ್ತಿಕ ಪ್ರಯತ್ನ ಕೋರ್ಕಾ .
" ಕುಮಾರಾ ... ವಾನಪ್ರಸ್ಥ ಧರ್ಮ ಮ್ಹಳ್ಳೆರಿ ... ಅರಣ್ಯ ವಾಸ .. ವನ ವಾಸ . ಕಸಲೆಯ್ ಕುಟುಂಬ ವ್ಯಾಮೋಹ ನಾಶಿ .. ಪ್ರೀತಿ ಮಮಕಾರಾ ಬಂಧನಾ ಭಾಯಿರಿ ವೊಚ್ಛೇ೦ಚಿ ವಾನ ಪ್ರಸ್ತ ಜೀವನ . ಪರಮಾತ್ಮಾಲೆ ಧ್ಯಾನ . ಅಖೇರಿ ಉಸುರು ತಾಂಯ್ ಧ್ಯಾನಾಸಕ್ತ ಜಾವ್ನ್ ಮರಣಾಕ ಆಮಂತ್ರಣ ಕೊರ್ಚೆ . ಸನ್ಯಾಸ ಧರ್ಮ ಮ್ಹಳ್ಳೇರಿ ... ಆಶಾ , ಮೋಹ ಸೋಣು , ಸಂಸಾರ ಬಂಧನಾ ದುಕೂನ್ ದೂರ ವೊಚ್ಛೆ . ದೇಹ ವ್ಯಾಮೋಹ ಸೋಣು ದಿವಸಾಕ ಎಕ್ಕ ಪೊಟಿ ಆಹಾರ ಸ್ವೀಕಾರ್ ಕೊರ್ನ್ ... ಕಸಲೆಯ್ ಮಾಗಣೆ , ಕೋರಿಕ ನಾಶಿ ... ಶಾಂತ ಮನಾರಿ ಪರಮಾತ್ಮಾಲೇ ಸ್ಮರಣ ಕರ್ತಾಚಿ ಅಂತಿಮ ಯಾತ್ರಾ ಕೊರ್ಚೆ . . ಸ್ತ್ರೀ ಧರ್ಮ ... ಧರ್ಮಜಾ ... ! ಬಾಯ್ಲ ಮನ್ಶಾಂಕ ಸಾಕ್ಷಾತ್ ದೇವತೆ .. ದೈವಾಂಶ ಭೂತ ಸ್ತ್ರೀ ರೂಪ ಮೋಣು ಮಾನ್ಯತಾ ದಿತ್ತಾಲೆ ಲೋಕು ಹೇ ಭರತ ಭೂಮಿ೦ತು .. ಆಮ್ಗೆಲೆ ಮತ್ತೀಯೆ ಧರ್ಮ . ದುಡ್ಡುವಾಂತು , ಶಿತ್ತಾ೦ತು , ಉತ್ಕಾಂತು , ವಿದ್ಯೆ೦ತು , ಶಕ್ತಿ೦ತು ಅಮ್ಮಿ ಅಮ್ಗೆಲೆ ಆವ್ಸೂಕ ಪೊಳೈಲಾ . ಭರತ ಭುಯಿಂತು ಜನ್ಮಾ ಆಯ್ಯಿಲಿ ಬಾಯ್ಲ್ ಮನಿಷಿ ಲೋಕಾಂಕ ಬರೀ ಭೋಗ ವಸ್ತು ನಯ್ .. ಕುಲದೇವತಾ , ಕುಲವಧು , ಮೋಣು ಮಾನ್ಯತಾ ದೀವ್ನ್ ಗೌರವ ದಿತ್ತಾತಿ . ತಾಕ್ಕಾ ಅತ್ತ ಝಲ್ಲೆಲೆ ಕುರುಕ್ಷೇತ್ರ ಯುದ್ಧ ಸಾಕ್ಷಿ . ಹೇ ಪ್ರಥ್ವಿರಿ .. ಹಂಗ ಮೆಳ್ಳೆಲಿ ಮರ್ಯಾದಿ ಚೌದ ಲೋಕಾಂತು ಖಂಯೀ ಮೇಳ್ನಾ . ಹಾಂಗಾ ಜನ್ಮಾ ಆಯ್ಯಿಲಿ ಬಾಯ್ಲ್ ಮನಿಷಿ ಧನ್ಯ .. ! ಚೆಲ್ಲಿಯೇ ಚೆರ್ಡುವಾಂಕ ಆಠ್ ವರ್ಶ೦ ಜವ್ವೊ ತಾಂಯ್ ಕಸಲೆಯ್ ನಿರ್ಬಂಧ ಕೋರು ನಜ್ಜ . ತಿಗೆಲೆ ಬಾಲ್ಯಾ೦ತು ತೀಣೆ ಸುಖ ಬೊಗ್ಗುಕಾ .. ಆಠ್ ವರ್ಷ ನಂತರ ಕನ್ಯಾ ಜಾವ್ನ್ ಪರಿವರ್ತನಾ ಝತ್ತ . ಋತು ಮತಿ ಝಲ್ಲೆ ನಂತರ ಚಾಂಗ ಆರೋಗ್ಯವಂತ ಯುವಕಾ ಪೊಳೊನ್ ವ್ಹರ್ಡಿಕ ಕೊರ್ನ್ ಕನ್ಯಾದಾನ ಕೊರ್ಕ. ಪವಿತ್ರ ವ್ಹರ್ಡಿಕೆ ಕ ದುಡ್ಡುವಾ ಬಂಧನ್ ಅಸ್ಸು ನಜ್ಜ . ಕುಟುಂಬ , ಗೋತ್ರ ಪೊಳೊನ್ ಕಸಲೆಯ ಸಂಬಂಧ ಅಸ್ಸ ಕೀ ಮೋಣು ಪೊಳೊಕಾ . ಅಕ್ಕಾ , ಬಯಿಣಿಲೆ ಚೆಲ್ಲಿಯೇಕ ..ಮಾವಳ್ನಿ ಧೂವ , ಪುತ್ತಾ ಕ , ಸಂಬಂಧ ಕೊರೂ ನಜ್ಜ .. ಮಮ್ಮಾಲೆ ಧೂವೆ ವೊಟ್ಟು ಸಂಬಂಧ ಕೊರುನಜ್ಜ .. ಬಪಸೂ ದಿಕಾನ ದುಕುನ್ ಸಾಥ್ ಪೀಳಿ ತಾಂಯ್ .. ಆವ್ಸೂ ದಿಕಾನ್ ದುಕುನ್ ಪಾಂಚ ಪೀಳಿ ತಾಂಯ್ ಸಂಬಂಧ ಪೋಳೋಚ್ಯಾ ನಜ್ಜ . ಏಕಾತ್ ವೇಳಾ ವ್ಹರ್ಡಿಕ ಝಲ್ಲೇರಿ .. ಬಾಯ್ಲ - ಬಮ್ಮಣಾ ಮಧ್ಯೆ ಅನುರಾಗ ಪ್ರೀತಿ ವಡ್ಡ ನಾ . ಬುದ್ದೋ೦ತ , ಆರೋಗ್ಯವಂತ ಚೆರ್ಡು೦ವ ಜಾಯ್ನಾತಿ .. ಏಕತ್ ವೆಳಾ ಜನ್ಮಾ ಅಯಿಲೇರಿ ... ಅಂಗ ವಿಕಲ , ಹಾತ್ ಪಾಯ್ ನತ್ತಿಲೆ , ಬುದ್ಧಿ ವಡ್ದನಾ ನತ್ತಿಲೆ , ಕಾನು ಅಯಿಕ್ ಪಣಾ ನಾತ್ತಿಲೆ ಅಂಗ ವಿಕಲ ಚೆರ್ಡು೦ವ ಜನ್ಮಾ ಯೆವ್ನ್ .. ಜೀವನ್ ಪರ್ಯಂತ ಕಷ್ಟ ಬ್ಹೊಗ್ಗುಕಾ ಝಲ್ಲೆಲೆ ಪರಿಸ್ತಿಥಿ ಯೆತ್ತಾ . .
ವ್ಹರ್ಡಿಕ ಝಲ್ಲೆಲೆ ಬಾಯ್ಲ್ ಮನ್ಶೇನ ಸದಾ ಪರಿಶುಭ್ರ ಜಾವ್ನ್ ಅಸ್ಸುಕಾ . ಮತ್ತೆ ಕೇಸು ಸೋಣು ಘರಾಂತು ಬ್ಹೊ೦ವ್ವು ನಜ್ಜ . ಬಮ್ಮಣಾ ಎದ್ರಾ ಕ ನಿಡ್ಲಾರಿ ಕುಂಕುಮ ನಾಶಿ ಯೆವ್ವು ನಜ್ಜ .. ಎದ್ರಾ ಬಯಿಸುನ್ ಮತ್ತೆ ಕೇಸು ವೊಳೊನ್ ಘೆವ್ವು ನಜ್ಜ ... ಎದ್ರಾಕ ಬಯಿಸುನ್ ಹಾಸ್ಯಾಸ್ಪದ ಜಾವ್ನ್ ಉಲ್ಲೋಚೆ .. ಸಂಬಂಧಿ ಲೋಕಾಂಕ ಅವಮಾನ ಕೊರ್ನ್ ಉಲ್ಲೋಚೆ .. ಬಮ್ಮುಣು ಷಂಢ , ಭಂಢ , ಅಯೋಗ್ಯ , ಪ್ರಯೋಜನ ನಾತ್ತಿಲೊ , ಕೆದನಾಯ್ ಚುಕ್ಕಿಯೊ ಕಾಣು ನಿಂದಾ ಕೊರ್ಚೆ .. ಚಾರಿ ಜನಾ ಮಧ್ಯೆ ಮರ್ಯಾದಿ ದೀನಾಶಿ ಅವಹೇಳನ ಕೋರ್ಚೆ ತಶಿ ಅಸ್ಸುನಜ್ಜ . ಪರ ಪುರುಷ ಕಿತ್ಲೆಯ್ ಚಂದು ಅಸ್ಸೋ , ಶ್ರೀಮಂತು ಅಸ್ಸೋ ಸರಸ ಪ್ರವೃತ್ತಿ ಜಾವ್ನ್ ಅಸ್ಲೆರಿಯೀ ತಾಂಗೆಲೆ ಆರಾಧನಾ ಕೋರು ನಜ್ಜ . ಕಾಮ ನಾಶಿ ಆಸ್ -ಪಾಸ್ ಘರಾಂತು ವೊಚ್ಚೆ , ನಕ್ಕ ಜಲ್ಲೆಲೆ ವಿಷಯಾನ ಉಲ್ಲೋನ್ ಮತ್ತೆ ಪಾಡ್ ಕೊರ್ನ್ ಘೇವ್ಚೆ .. ಘರಾ ಸಮಸ್ಯ ಕಾಮಾಂಚೆಲೆ ಆಸ್ - ಪಾಸ್ ಲೋಕಾಲೆ ಸಾಂಗ್ಚೆ ಕೋರು ನಜ್ಜ . ಕುಳಾರ್ಚೆ ವೈಭವ ಬಮ್ಮಣಾ ಸಂಬಂಧಿಲೆ ಸಂಗ್ಚೆ .. ತಶೀ೦ಚಿ ಬಮ್ಮಣಾ ಘರಾ ಘುಟ್ಟು , ನ್ಯೂನತಾ ಕುಳಾರ ಸಂಗ್ಚೆ ಕೊರು ನಜ್ಜ . ಕುಳಾರ ಗೆಲ್ಲೆರಿ ಮಸ್ತ ದಿವಸ ರಬ್ಬು ನಜ್ಜ . ಘರಾಂತು ಕೆದನಾಯ್ ವಿರಸ ಜಾತ್ತಾ ಅಸ್ಲೆರಿ ಘರಾಂತು ದರಿದ್ರ ದೇವತಾ ಯೇವ್ನು ಬೊಸ್ತಾ . ದೂಧ ಕೀ .. ಪೇಜ ಕೀ ಫಿವ್ವೋ .. ಘರಾ ಯಜಮಾನಿನ ಸಂತೋಷಾರಿ ಅಸ್ಸುಕಾ . ಘರಾಂತು ಸಂತೋಷು , ಪ್ರೀತಿ , ಮಮತಾ ದೊವೊರ್ಚೆ .. ಘರಾ ಮಲಘಡೆ೦ಕ ಗೌರವ ದೀವ್ನ್ ಪ್ರೀತ್ಯೇನ ಪೊಳೋನ್ ಘೆವ್ಚೆ ... ಜಾವ , ನಣ೦ದೆ ಒಟ್ಟು ಸ್ನೇಹಾರಿ ಸಂವಾದು ಕೊರ್ಚೆ .. ಕಷ್ಟ ಸುಖ ಸಂಝುನ್ ಘೆವ್ಚೆ ... ಘರಾ ಯಜಮಾನಿ ಜಾವ್ನ್ ಘರ್ಚಾ೦ಗೆಲೆ ಜಾಯಿ .. ನಕ್ಕಾ ವಿಷಯು ಪೊಳೋನ್ ಘೆವ್ಕಾ . ಬಮ್ಮಣಾ ಆದಾಯಾ ತಕೀತ ಖರ್ಚು ಅಸ್ಸೋ ತಶಿ ಕೋರ್ಕಾ , ತಂತುಚಿ ಸ್ವಲ್ಪ ದುಡ್ಡು ಒಟ್ಟು ಕೊರುಂಕ ಪೊಳೊಕಾ . ಶ್ರೀಮಂತ ಬಾಯ್ಲ್ ಮನ್ ಶೇ೦ಕ ಪೋಳೋನ್ ತಾಂಗೆಲೆ ಮ್ಹಣ್ಕೆ ಖರ್ಚು ಕೊರ್ಚೆ .. ಆಡಂಬರ ಸ್ಪರ್ಧ ಕೊರ್ನ್ ಸಂಸಾರು ವಾಯ್ಟ್ ಕೊರ್ನ್ ಘೆವ್ಚೆ .. ಆಸ್ -ಪಾಸ್ ಘರಾಂತು ಉಷಿಣೆ ಕೊರುಂ ನಜ್ಜ . ಘರಾಂತು ಅಶಿಲೆ ವಸ್ತು ಕೆದನಾಯ್ ಚಂದ ಕೊರ್ನ್ ದವೋರ್ನ್ ಘೆವ್ಕಾ . ಘರಾಂತು ಅಷ್ಲೀಲ ಶಬ್ದ ಉಲ್ಲಯಿನಾಶಿ ಪೊಳೊಕಾ . ಝಲ್ಲೆಲೆ ತಿತ್ಲೆ ಘರಾಂತು ಮೌನ ವಾತಾವರಣ ಅಶ್ಚೆ ತಶಿ ಪೊಳೊಕಾ .. ತೆದ್ನಾ ಶಿಖಚೆ ವಿದ್ಯಾಭ್ಯಾಸ ಕೊರ್ಚೆ ಚೆರ್ಡು೦ವಾಂಕ ಪ್ರೋತ್ಸಾಹ್ ದಿಲ್ಲೆ ಮ್ಹಣ್ಕೆ ಝತ್ತಾ . ಚಂದ ಉತ್ತರಾ೦ನಿ , ಚಂದ ಮನಾನಿ , ಚಂದ ಕಾಮಾನಿ , ಚಂದ ಸೇವಾ ನಿ , ಶುಭ್ರ ರುಚಿ ಶುಚಿ ಜೇವಣ ತಯ್ಯಾರ್ ಕೋರ್ನ್ ದಿವಿಚಿ ಬಾಯ್ಲ್ ಚಿ ... ಗೃಹಲಕ್ಷ್ಮಿ ... ಭಾಗ್ಯಲಕ್ಷ್ಮಿ ... ಧನ ಲಕ್ಷ್ಮಿ ..ಧಾನ್ಯ ಲಕ್ಷ್ಮಿ .. ವಿದ್ಯಾ ಲಕ್ಷ್ಮಿ.. ಅರೋಗ್ಯ ಲಕ್ಷ್ಮಿ .. ಆನಂದ ಲಕ್ಷ್ಮಿ .. ತೀಚಿ ಅನ್ನಪೂರ್ಣ .. ಘರ ಸ್ವರ್ಘ ಜಾವ್ಚೆ ... ನರಕ ಜಾವ್ಚೆ ಘರಾ ಯಜಮಾನಿ ನಿಮಿತ್ಯ . ಬಾಯ್ಲ್ಯಾ ಮನ್ಶಾಂಕ ಸಮಾಜ ಕೆದ್ನಾ ಗೌರವ ದೀನಾತಿ ಕೀ ತ್ಯೆ ದಿವಸು ದುಕುನ್ ಅಧಃ ಪತನ ಶುರು ಝತ್ತಾ . ಧರ್ಮಜಾ .. ! ಬಾಯ್ಲ್ ಮನಷಾ೦ಕ ಗೌರವ ದಿವ್ಚೆ ಜಾಗೇರಿ ಕೆದನಾಯ್ ದೇವ ಲೋಕು ವಾಸ ಕರ್ತಾ .. ದೀನಾ ನತ್ತಿಲೆ ಜಾಗೇರಿ ಭೂತ ಪಿಶಾಚಿ ಸಂಚಾರ ಕರತಾತಿ .
ಉಮಾಪತಿ 
