MAHABHARATHA Part - 19 ( Konkani Bhashentu )
" ಘೋಷಾ " ಯಾತ್ರಾ ಘೋಷಾ ಮ್ಹಳ್ಳೆರಿ ಗೋಶಾಲೆ , ಗೋಸ್ಥಾನ , ಗೋಕುಲ ...
ಗೋರಕ್ಷಣೆ ನೆವನ ಸಂಘುನು .. ಧುರ್ಯೋಧನು ಪಾಂಡವಾಂಕ ಚ್ಯೆಷ್ಠ ಕೊರುಂಕ ದ್ವೈತ ವನಾಕ ಯೆವ್ಚೆ ಏಕ ಮಹಾಭಾರತಾ ಚ್ಯೆ ಸುಂದರ್ ಭಾಗ
ದ್ವೈತ ವನಾಂತು ಆಸ್ತಾನಾ ದೌಮ್ಯ ಪುರೋಹಿತಾಲೆ ಯಜಮಾನ್ ಪಣಾರಿ " ಸದ್ಯ ಸ್ಕಂದ " ಮ್ಹಳ್ಳೆಲೆ ಯಜ್ಞ ಕೋರು ಶುರು ಕೆಲ್ಲೆ . ಹ್ಯೇ ಯಜ್ಙಾಕ ಹಸ್ತಿನಾವತಿ ದುಕುನು ಸ್ವಲ್ಪ ಪುರೋಹಿತ , ಬ್ರಾಹ್ಮಣ ಯೀ ಅಯಿಲೆಂತಿ . ಧುರ್ಯೋಧನ , ದುಃಶ್ಶಾಸನ , ಶಕುನಿ , ಕರ್ಣಾಕ ಹ್ಯೋ ವಿಷಯು ಕಳ್ಳೊ . ಪಾಂಡವ ದ್ವೈತ ವನಾಂತು ಆಸ್ಸತಿ ಮ್ಹಳ್ಳೆಲೆ ಖಾತ್ರಿ ಝಲ್ಲೆ . ಇತ್ಲೆ ವರುಷ ಅರಣ್ಯ ವಾಸ ಕೋರ್ನು , ಭೀಮು ಮಸ್ತ ಭಾಗ್ಗುನು ಆಸ್ತಾಲೊ .. ತಗೆಲೆ ಸೊಕ್ಕು ಸ್ವಲ್ಪ ಊಣೆ ಜಾವ್ನು ಆಸ್ತಾಲೊ .. ಬಾಕಿ ಪಾಂಡವ ಯೀ ಮಸ್ತ ಭಾಗ್ಗುನು ಮೋವು ಜಾವ್ನು ಅಸ್ತಲೀಂತಿ . ಏಕ ಪೋಟಿ ಪೊಳೊನ್ ಆಯ್ಯಿಲೆ ಜಲ್ಲೇರಿ ಲಾಯಕ್ ಅಷ್ಶಿಲೆ ... ಮೋಣು ಧುರ್ಯೋಧನಾ ನ ಆಲೋಚನಾ ಕೆಲ್ಲಿ . ಹೈ ವಿಷಯು ಶಕುನಿ ಮಾಮಾ ಲಗ್ಗಿ ಸಾಂಗ್ಲೆ ... " ತ್ಯೇ ಏಕ ಹೋಡ ವಿಷಯು ವೇ .. ?.. ವೊಚ್ಚುನ್ ಯೆವ್ಯಾ " ಮ್ಹಳ್ಳಲೊ ಶಕುನಿ " ದ್ವೈತ ವನಾಂತು ಕ್ರೂರ ಪ್ರಾಣಿ ಸಂತತಿ ಚಡ ಝಲ್ಲಾ . ಆಮ್ಗೆಲೆ ಗೋಸಂರಕ್ಷಣ ಕೋರುಂಕ ವೋಚ್ಚಾ .. ಆಶೀಚ್ಯಿ ಏಕ ನೆವನ ಕೋರ್ನು , ತಾಂಕಾ ಪೊಳೋನ್ ಆಯಿಲೆ ಮ್ಹಣ್ಕೆ ಝತ್ತಾ " ಮ್ಹಳ್ಳಲೋ ಶಕುನಿ .
ಧುರ್ಯೋಧನ : " ಶಹಬ್ಬಾಸ್ ಮಾಮಾ ! ತುಗೇಲಿ ಆಲೋಚನಾ ಲಾಯಕ್ ಅಸ್ಸ " ಗೋರಕ್ಷಣೆ ಮ್ಹಳ್ಳೆ ಸತಾನ .. ಭೀಷ್ಮ , ಧ್ರತರಾಷ್ಟ್ರ , ಆಸ್ಥಾನ ಮಲಘಡೆ೦ಗೇಲಿ ಅನುಮತಿ ಮೆಳ್ಳಿ . ಪಾಂಚ ಹಜಾರ ಸೈನ್ಯ , ಘೋಡೆ , ಹಸ್ತಿ , ಪೋಷಿಲೆ ಸೂಣೆ , ಆಸ್ತಾನ್ ನರ್ತಕಿ ಲೋಕು , ರಾಜ ವೈದ್ಯ , ರಾನ್ ಪೆ ಲೋಕು , ಅಶಿ ಸರ್ವ ತಯ್ಯಾರಿ ಕೋರ್ನು ಭಾರ್ ಸರ್ಲೆ . ದ್ವೈತ ವನಾಂತು ಚಿತ್ರಸೇನ ಗಂಧರ್ವಾಲೆ ಸರೋವರ ಲಗ್ಗಿ ಬಿಡಾರ ಘಲ್ಲೆ . ಸರೋವರಾ ತ್ಯೆ ಬದಿ .. ಧರ್ಮರಾಯಾಲೆ ಯಜ್ಞ ಕೊರ್ಚೆ ಜಾಗೊ . ಮದ್ಯ ಪಾನ ಕರ್ತಾ .. ಸಂಗೀತ ನೃತ್ಯ ಕೋರ್ನು ... ಧೋಲು ನಗಾರಿ ಮಾರ್ನು ಧರ್ಮರಾಯಾಲೆ ಯಜ್ಞ ಭಂಗ ಕೊರ್ಚೆ .. ಏಕ ಆಲೋಚನಾ .
ಚಿತ್ರಸೇನ ಗಂಧರ್ವಾಲೆ ಸೈನಿಕ ಯೇವ್ನು .. " ಚಕ್ರವರ್ತಿ ! ಹ್ಯೇ ಚಿತ್ರಸೇನ ಗಂಧರ್ವಾಲೆ ಸರೋವರ .. ತಗೆಲೆ ಸಹಮತಿ ನಾಶಿ .. ಹಾಂಗಾ ಹ್ಯೇ ಜಾಗೇರಿ ಪ್ರವೇಶು ಕೋರು ನಜ್ಜ . ಆನ್ನೇಕ ಖಂಚೆಯೀ ಲಾಯಕ್ ಜಾಗೇರಿ ವೊಚ್ಚುಕಾ " ಮೋಣು ವಿನಂತಿ ಕೆಲ್ಲಿ . " ಚಿತ್ರಸೇನ ಗಂಧರ್ವ ಕೀ .. ತಕ್ಕಾ ಹಂಗ ಕಸಲೆ ಕಾಮ ? ಹೇ ಗುಡಾರ ಧುರ್ಯೋಧನ ಚಕ್ರವರ್ತಿಲೆ ... ಹ್ಯೇ ಜಾಗೇರಿ , ಚಿತ್ರಸೇನಾಲೆ ಅಧಿಕಾರು ಚಲನಾ ಮೋಣು ಸಾಂಘ ." ಮೋಣು ಕರ್ಣಾ ಘರ್ಜನ ಕೆಲ್ಲಿ . ಅನಿ ತಗೆಲೆ ಸೈನಿಕಾಂಕ ಪೆಟೊನ್ ದೂರ ಧಾಂವ್ಢಾಯಿಲೆ ಕರ್ಣಾನ . ಹೇರ್ದಿವಸು .. ಚಿತ್ರಸೇನ ಗ೦ಧರ್ವು ಖುದ್ದ ಅಯಿಲೊ . ಕರ್ಣಾಕ ಅನಿ ಚಿತ್ರಸೇನಾ ಕ ವಾಗ್ವಾದ ಝಲ್ಲೆ .
ಚಿತ್ರಸೇನ : "ಅಂಗ ರಾಜ ಕರ್ಣಾ ! ಸುರ , ಸಿದ್ಧ , ಗಂಧರ್ವ , ಯಕ್ಷ , ಕಿನ್ನರ , ಹಾಂಕಾ ಹ್ಯೇ ತ್ರಿಭುವನಾಂತು ಖ೦ಯಿ ಜಲ್ಲೇರಿಯಿ ವೊಚ್ಚುಯೇತ . ರಾಜ ಪರಿವಾರಾಕ ಅರಣ್ಯ ಭೂ ಭಾಗಾ ವೈರಿ ಅಧಿಕಾರು ನಾ . ತಂಗೆಲೋ ಅಧಿಕಾರು ಜನ ವಾಸ ಆಶ್ಚಯೇ ಹಳ್ಳಿ , ಪುರ ಪ್ರದೇಶಾಂತು ಮಾತ್ರ .. ಶಿವಾಯ್ ಅರಣ್ಯ ಭೂಮಿವೈರಿ ನಯ್ ".
ಮ್ಹಳ್ಳಲೋ ಚಿತ್ರಸೇನ . " ಭೂಲೋಕಾ ನೀತಿ ನಿಯಮ ಉಳ್ಳೊಚ್ಯಾಕ ತೂ ಕೋಣ್ ? ಮರ್ಯಾದೇರಿ ವಾಪಾಸ್ ವಸ " ಮ್ಹಳ್ಳಲೋ ಕರ್ಣ . ಚಿತ್ರಸೇನಾನ ಗುಡಾರ ಹುಂಟಾನು ಉಡೋಚ್ಯಾಕ ಆಜ್ಞ ಕೆಲ್ಲಿ . ಕರ್ಣಾ ಕ ಆನಿ ಚಿತ್ರಸೇನಾಕ ಯುದ್ಧ ಝಲ್ಲೆ . ಗಂಧರ್ವಾಲೆ ಮಾಯಾ ಯುದ್ಧಾ ಮುಕಾರಿ ಕರ್ಣ ಸೊಲ್ವಲೋ .ಧುರ್ಯೋಧನಾಕ
ಮಾಯಾ ಪಾಷಾನ ಬಂಧನ್ ಕೆಲ್ಲೆ . ಕರ್ಣ ಧುಶ್ಶಾಸನ ಮೂರ್ಚಿತ ಜಾವ್ನು ಪೊಳ್ಳೇ . ಕೌರವ ಸೈನಿಕ , ಧರ್ಮಾಜಾ ಲಗ್ಗಿ ಯೇವ್ನು ವಿಷಯು ಸಾಂಗ್ಲೊ .ಧುರ್ಯೋಧನಾಲೆ
ಬಾಯ್ಲ್ ಧರ್ಮಜಾಲೆ ಪಯ್ಯಾರಿ ಪೋಣು " ಆರ್ಯಾ ! ಮಿಗೆಲೆ ಪತಿಲೆ ರಕ್ಷಣಾ ಕರಿ ... ಪತಿ ಭಿಕ್ಷಾ ದೀ ... ತುಮ್ಗೆಲೆ ದಾಯಾದಿ ಮನಸ್ತಾಪಾಕ ಮಿಗೆಲೆ ಬಮ್ಮಣಾಕ ಬಲಿ ದೀವ್ನುಕ್ಕಾತಿ . ಗಂಧರ್ವಾಲೆ ಬಂಧನಾ ದುಕೂನ್ ರಕ್ಷಣದೀ ... "
ಧರ್ಮಜ : " ಅರ್ಜುನಾ ! ಭಾನುಮತಿ ಆಮ್ಗೆಲಿ ಕುಲ ವಧು . ಧುರ್ಯೋಧನ ಧುರ್ಬುದ್ಧಿ ಭರ್ಲಲೋ ವಯ್ .. ಆಮ್ಗೆಲೆ ಕುರು ವಂಶಾ ಚ್ಯೋ . ಆಮ್ಗೆಲೆ ದಾಯಾದಿ ವೈರಿ ಅನ್ನೇ ಕ್ಲೇನ ಯೇವ್ನು ಯುದ್ಧ ಕರ್ತಾನ ಅವಮಾನು ಅಮ್ಕಾಯ್ ನವೆ ! ಏಕ ಉತ್ತರ ಉಡ್ಘಾಸು ದೊವೊರ್ಕಾ ಕಸಲೆ ಮ್ಹಳ್ಳೆರಿ .. ಅಮ್ಮಿ ಪಾಂಚ ತನ್ನಿ ಶಂಬರಿ .. ಅಮ್ಮಿ ವೊಟ್ಟು ಝಲ್ಲೇರಿ ಅಮ್ಮಿ ಶಂಬರಿ ವೈರಿ ಪಾಂಚ ಲೋಕು . ಅರ್ಜುನಾ .. ! ವಗ್ಗಿ ಭೀಮಾಕ ಸಂಗತಿ ಘೇವ್ನು ಧುರ್ಯೋಧನಾಕ ಬಂಧನ ವಿಮುಕ್ತಿ ಕರಿ . ಚಿತ್ರಸೇನಾ ಹತ್ತಾ೦ತುಲೇನ
ವಾಂಚಯಿ .... ವಸ ಸರ್ವಾಂಕ ಹಾಂಗಾ ಅಪ್ಪೋನು ಹಾಡಿ ". ಅರ್ಜುನಾಕ ... ಧರ್ಮಜಾನ ಯಜ್ಞ ದೀಕ್ಷಾ ಸೋಣು ಗಂಧರ್ವಾಲೆ ಯುದ್ಧಾ ವೊಚ್ಛೆ ಖುಷಿ ನಾ . ಕೂಡ್ಲೆ ಭೀಮಸೇನಾಕ ವೊಟ್ಟು ಘೇವ್ನು ವೊಚ್ಚುನು ಚಿತ್ರಸೇನಾಕ ಆಡ ರಾಬತಾ ... ಚಿತ್ರಸೇನಾಕ ಆನಿ ಅರ್ಜುನಾಕ ಯುದ್ಧ ಝತ್ತಾ . ಚಿತ್ರಸೇನಾಲೆ ಮಾಯಾ ಶಕ್ತಿ , ಭೀಮ ಸೇನಾ ಲೆ ವಾಯು ಸ್ತುತಿ ಎದುರ ಕಾಮ ಕರ್ನಾ . ಅರ್ಜುನಾಲೆ ಆಗ್ನೇಯಾಸ್ತ್ರ ಯೆದುರ ಚಿತ್ರಸೇನ ಮುಗ್ಧ ಝತ್ತಾ ಅನಿ ಶರಣು ಝತ್ತಾ . ಚಿತ್ರಸೇನಾಕ ಘೇವ್ನು ಅರ್ಜುನ್ ಧರ್ಮ ರಾಯಾಲಾಗ್ಗಿ ಯೆತ್ತಾ " ಆಮ್ಗೆಲೆ ಕುಟೀರಾಕ ಸ್ವಾಗತ ಅಸ್ಸ ಚಿತ್ರಸೇನಾ ! ದೇವೇಂದ್ರ ಆಮ್ಗೆಲೆ ಮಿತ್ರ . ತಗೆಲೇ ಸಾಂಘ ... ಅಮ್ಮಿ ಕ್ಷಮಾಪಣ ಮಾಗ್ಲೆ ಮೋಣು ಸಾಂಘ ... ಅರ್ಜುನಾ ! ಸರ್ವ ಗಂಧರ್ವಾ೦ಕ ಬಂಧನಾ ದುಕುನು ವಿಮುಕ್ತಿ ಕರಿ . ಆನಿ ಸರ್ವಾಂಕ ಮರ್ಯಾದೆರಿ ಪೆಟೋನ್ ದೀ" . ಭೀಮ ಸೇನಾನ ಧುರ್ಯೋಧನಾಕ ಬಂಧ ವಿಮುಕ್ತಿ ಕೆಲ್ಲಿ . ಭೀಮ ಆನಿ ದ್ರೌಪದಿ ಮನಾಂತ್ ಮಸ್ತ ಸಂತೋಷು ಪಾವ್ಲಿ೦ತಿ .ಧುರ್ಯೋಧನು.. ಮತ್ತೆ ಮುಳಾ ಘಾಲ್ನು ಧರ್ಮಜಾ ಲೇ ಯೆದ್ರಾ ಬೊಸ್ಲಾ ' ಹೇ ದೇವಾ ! ಮಿಗೆಲೆ ಪ್ರಾಣು ಅತ್ತಚಿ ಉಬ್ಬುನು ವೊಚ್ಚಾ ನಜ್ಜವೇ ! ರಾಜ ಸೂಯ ಯಾಗಾ ವೆಳ್ಯೇರಿ .. ಇಂದ್ರ ಪ್ರಸ್ತಾ ಗೆಲ್ಲೆಲೆ ವೇಳಯೇರಿ ಮಯ ಸಭೇ೦ತು ನೇಲ ಮೋಣು ಲೆಕ್ಕುನು ನಿಸೋರ್ನು ಉತ್ಕಾಂತು ಪೊಳ್ಳೆಲೆ ತೆದ್ನಾ ... ತ್ಯೆ ಚಂದಿ ದ್ರೌಪದಿಲೆ ... ಪಕ.. ಪಕ ಹಾಸು ವಿಸೋರ್ಚೆ ಕಶಿ ? ತ್ಯೆ ಹಾಸಾಕ ಪ್ರತೀ ಕಾರುಜಾವ್ನು ಮಾನ ಹರಣ ಕೆಲ್ಲೆಲೆ ಮಹಾದುರಭಿಮಾನಿ . ಪಾಂಡವಾಂಕ ಕುಚೋದ್ಯ ಅಪಹಾಸ್ಯ ಕೊರು ವೊಚ್ಚುನು ಅತ್ತ ಮಿಗೆಲಿ ಅವಸ್ಥಾ ಕಸಲಿ ಝಲ್ಲಿ ? ಫಾಟಿ ಮೊಳ್ಳೆಲೆ ಸರೋಪು ಶೀ ಝಲ್ಲೋ ಧುರ್ಯೋಧನ . ಆತ್ಮಾಭಿಮಾನ ಅಡವ ದೊವೋರ್ನು ಬೊಸ್ಲಾ . ಚಿತ್ರ ಸೇನಾ ಲೇ ಹಾತ್ತಾಂತುಚಿ ಮೊರ್ಯೆತ ಅಶಿಲೆ . . ..! ಮನ ಫಾತ್ತೋರ್ ಕೋರ್ನು ಬೊಸ್ಲಾ .
ಭೀಮ : " ಸಾರ್ವ ಭ್ಹೌಮ ಧುರ್ಯೋಧನಾ ! ದ್ಯೂತಾ ವೆಳ್ಯೇರಿ ಧ್ರತರಾಷ್ಟ್ರಾನ ಅಡವ ದವರ್ಲೆಲೆ ರಾಜ್ಯ ದ್ರೌಪದಿಕ ವಾಪಾಸ್ ಕರ್ತಾನಾ .. ತೂ೦ವೆ ಸಂಘಿಲೆ ಉಡ್ಘಾಸು ಅಸ್ಸವೆ ? " ಮಹಾ ಪೌರುಷ ಅಷ್ಶಿಲೆ .. ಬಾಯ್ಲ್ ಮನುಷ್ಯಾಲೆ ದೊಳೆ ಉತ್ಕಾನ ಸಂಪಾದನ ಕೆಲ್ಲೆಲೆ ರಾಜ್ಯ .. ಹನ್ನಿ ಮುಕಾರಿ ಕಷ್ಶಿ ರಾಜ್ಯಭಾರ ಕರ್ತಾಲೆ .. ? ಮೋಣು ಸಂಘುನು ಅಪಹಾಸ್ಯ ಕೆಲ್ಲೆಲೆ ನವೇ ... ಧುರ್ಯೋಧನಾ ! ಅತ್ತ ಭಾನುಮತಿಲೆ ದೊಳೆ ಉತ್ಕಾನ ಮೆಳ್ಳೆಲೆ ... ಪ್ರಾಣ ಭಿಕ್ಷಾ ಘೇವ್ನು .. ಮತ್ತೆ ಉಬ್ಬಾರ್ನು ಕಷ್ಶಿ ಗುಂವ್ತಾಲೊ
... ? ವಾಪಾಸ್ ದ್ಯೂತಾಂತು ಅಡವ ದವೋರ್ನು ಖೆಳ್ತಾಲೊ ಕೀ .. ? ಜೀವು ಕಾಣ್ ಘೇವ್ನು .. ಜೀವು ಮತ್ತಿ ಕರ್ತಾಲೊ.. ? ಆಲೋಚನಾ ಕೋರ್ನು ಸಾಂಘ .. "
ಧರ್ಮಜ : " ಪೂರೋ ಭೀಮ ಸೇನಾ ! ತೀಕ್ಷಣ ಉತ್ತ್ರ೦ ಪೂರೋ ಕರಿ " ಮ್ಹಳ್ಳಲೋ
ಹೆರ್ ದಿವಸು ಭಾನುಮತಿ ವೊಟ್ಟು ಧುರ್ಯೋಧನು ಹಸ್ತಿನಾವತಿಕ ಪ್ರಯಾಣ ಶುರು ಕೆಲ್ಲೆ . ಸರ್ವಾನಿ ಧುರ್ಯೋಧನಾ ತೊಂಡಾರಿ ಅಶಾಂತಿ , ಚಿಂತಾ ,ಉದ್ವಿಗ್ನತಾ , ಉನ್ಮಾದ ಅತೀ ಕೋಪು ಪೊಳೈಲೆ . ಕೊಣಯ್ ತಾಂಗೆಲೆ ಉಲ್ಲೋಚ್ಯಾಕ ಸಾಹಸ ಕರ್ನಿ . ವಾಟ್ಟೇರಿ ರಾತಿ ಝಲ್ಲೆಲೆ ಪೊಳೊನ್ , ಏಕ ಜಾಗೇರಿ ವಿಶ್ರಾಮ ಕೊರುಂಕ ಗುಡಾರ ಘಲ್ಲೆ . ಮನಾ ಶಾಂತಿ ನಾತ್ತಿಲೆ ನಿಮಿತ್ಯ ಮಧ್ಯ ಪಾನ ಹಾಡೊನ್ ಫಿವ್ಚ್ಯಾ ಶುರು ಕೆಲ್ಲೆ . ಪಿಲ್ಲೆಲೆ ತಿತ್ಲೆ ಮನಾ ಸಂಕಟ ಚಡ ಝಲ್ಲೆ . ಸಂಕಟ ಊಣೆ ಕೊರುಂಕ ಅನಿಕಯ್ ಪಿಲ್ಲೊ . ಪಿಲ್ಲೆಲೆ ತಿತ್ಲೆ ... ದ್ರೌಪದಿಲೆ ಹಾಸು ಮನಾ ಯೆತ್ತಾ ರಾಬಲೆ ... ಹಾಸ .. ಹಾಸ ... ದ್ರೌಪದಿ ..! ಹಾಸ ! ... ಛೇ .. ವಾಪಾಸ್ ತಿಗೆಲೆ ಹಾಸಾಕ ಕಾರಣ ಝಲ್ಲೋಮೂ ... ಸುವಿಶಾಲ ಭಾರತ ಸಾಮ್ರಾಜ್ಯಕ ಚಕ್ರಾಧಿಪತಿ ಹಾಂವ ! ಅತ್ತ .. ದ್ರೌಪದಿಲೆ ಯೆದ್ರಾಕ .. ತಿಗೆಲೆ ಮೋಹಕ ರೂಪಾಕ ... ಕಾಮಾಂಧ ಝಲ್ಲೋ ಮೂ .. ಹಸ್ಸುನು ಮಿಗೆಲೆ ಮರ್ಯಾದಿ ಕಳ್ಳಿ ಮೂ .. ಮೋಣು ಹೃದಯ ಅಂತರ್ ಯುದ್ಧಾ ಕ ಬಲಿ ಝಲ್ಲೋ ಧುರ್ಯೋಧನ . ಅವಮಾನ ಮ್ಹಳ್ಳೆಲೆ ಅಗ್ನಿ೦ತು ಧಗ ಧಗ ಜೊಳ್ಚೆ ಉಜ್ಜಾ ಜ್ವಾಲಾ ಶಿ ಝಲ್ಲೆ . ಮಿಗ್ಗೆಲೆ ಆತ್ಮಾಭಿಮಾನ ಲಾಸ್ಸುನ್ ಭಸ್ಮ ಜಾವ್ಚೆ ಕ್ಷಣ ಅಯಿಲೆ ... ಮಿಗೆಲೆ ನತದ್ರಷ್ಠ ಕೀ .. ! ಮಿಗ್ಗೆಲೆ ಕಸಲೆ ಊಣೆ .. ? ಅಂಗಸೌಷ್ಠ್ಯ ಕೀ ... ?ದುಡ್ಡು ಬದಿಕ ಕೀ ..? ಶೌರ್ಯ ಶಕ್ತಿ ಕೀ .. ಅಧಿಕಾರ ಕೀ ಏಕ್ ಮನ್ಶ್ಯಾಕ ಕಸಲೆ ಜಾವ್ಕಾ ಕೀ .. ತ್ಯೆ ಪೂರಾ ಅಸ್ಸುನು .. ಕಸಲೆ ಹೀ ಮನೋ ವೇದನಾ ? ದ್ರೌಪದಿಲೆ ಅಂಗ ಸೌಷ್ಟವ ಚಂದಾಯಿ ... ಕುಹಕ ಹಾಸು ' ಕುರಡಾಲೆ ಪೂತು ಕುರ್ಡೊ ' ಮ್ಹಳ್ಳೆಲೆ ಉತ್ತರ ...! ಭ್ರಮ್ಮಾಸ್ತ್ರ ಜಾವ್ನು ಮಕ್ಕಾ ಲಾಗ್ಲೆ ಮೂ ... ಮಿಗ್ಗೆಲೆ ಮನಾ ಶಾಂತಿ ಕಳ್ಳಿ ಮೂ ... ಹಾಂವೆ ಆಸ್ಸುನು ಪ್ರಯೋಜನ ನಾ .. ಆತ್ಮ ಹತ್ಯೆ ಚಿ ಏಕ ಮಾರ್ಗ ವರ್ಲಾ ಮೋನು ನಿಶ್ಚಯ ಕೆಲ್ಲೆ . ಭಂವ್ಡಾಂಕ , ಮಂತ್ರಿ ಜನಾಂಕ , ಕರ್ಣಾಕ ಸರ್ವಾಂಕ ಅಪ್ಪಯಿಲೆ .
ಧುರ್ಯೋಧನ : " ದುಃಶ್ಯಾಸನಾ ..! ಕರ್ಣಾ .. ! ಆಜಿ ತಾಯ್ ಆತ್ಮಾಭಿಮಾನಾಕ ಸಮ್ಮ ಜಾವ್ನು ವಾಂಚುನ್ ಅಷ್ಶಿಲೊ .. ಆಜಿ ಮಕ್ಕಾ .. ಜವ್ ಚಾ ನಜ್ಜ ಅಶಿಲೆ ಅವಮಾನು ಝಲ್ಲಾ . ಹ್ಯೇ ಅವಮಾನ ಮತ್ತೇರಿ ದವೋರ್ನು ಘೇವ್ನು ಹಸ್ತಿನಾವತಿಕ ವೊಚ್ಚುನ್ ಭೀಷ್ಮ ವಿದುರ , ಲೋಕಾಲೆ ಯೆದ್ರಾಕ ಮಿಗೆಲೆ ತೊಂಡ ದಕ್ಕೋಚ್ಯಾ ಜಾಯ್ನಾ ನಾತ್ತಿಲೆ ತಿತ್ಲೆ .. ಅವಮಾನ ಝಲ್ಲಾ .. ಹಾಂವೆ ಯೆಕ ನಿಶ್ಚಯ್ ಕೆಲ್ಲಾ . ಹಸ್ತಿನಾವತಿ ಮುಕಾರ್ಚೆ ಚಕ್ರವರ್ತಿ .. ದುಃಶ್ಶಾಸನಾಕ ಕೋರ್ಕಾ ಮೋಣು ಲೆಕ್ಲಾ . ಕರ್ಣಾಲೆ ಸಹಾಯು ಘೇವ್ನು ರಾಜ್ಯ ಪರಿಪಾಲನ ಕರಿ . ಹಾಂವ ಹಸ್ತಿನಾವತಿಕ ಯೇನಾ ... ಹ್ಯೇ ಜಾಗೇರಿ ಆತ್ಮಾಹುತಿ ಕರ್ತಾ " ಮ್ಹಳ್ಳಲೋ .
ದುಃಶ್ಶಾಸನ : " ಅಣ್ಣಾ ..! ಹ್ಯೇ ಕಸಲೆ ? ತೂ೦ವೇ ಬೊಶಿಲೆ ಸಿಂಹಾಸನಾ ವೈರಿ ತೂ೦ವೆ ನಾಶಿ ... ಮಿಜ್ಜಾನ ಜಾಯ್ನಾ .. ಸುಖ ಕೀ , ದುಃಖ ಕೀ .. ಸ್ವರ್ಘ ಕೀ ನರಕ ಕೀ , ಜೀವನ ಕೀ ಮರಣ ಕೀ , ತುಗ್ಗೆಲ್ ವೊಟ್ಟುಚಿ ಆಸ್ತಾ . "
ಕರ್ಣಾ : " ಮಿತ್ರಾ ! ಕಸಲೆ ಹ್ಯೇ ಪಿಶ್ಶಾಪಣ ... ತೂ ಕಸಲೆಕ ಇತ್ಲೆ ಮನಾಂತು ವ್ಯಥಾ ಕರ್ತಾ .. ? ಪಾಂಡವ ತುಗ್ಗೆಲ್ ದಾಸ . ದಾಸಾ೦ಕ ತುಗ್ಗೆಲ್ ರಕ್ಷಣ ಕೊರ್ಚೆ ಏಕು ಧರ್ಮು ಅನಿ ತಂಕಾ ತುಗ್ಗೆಲ್ ಪ್ರಾಣ ರಕ್ಷಣಾ ಕೊರ್ಚೆ ಬಾಧ್ಯತಾ ಅಸ್ಸ . ತಶ್ಶ್ಯ್ ಜಾವ್ನು ತುಗ್ಗೆಲ್ ರಕ್ಷಣ ಕೆಲ್ಲಾ . ತೂ ತುಜ್ಜಿತಲೇಕ ಕಸಲ್ ಕೀ ಲೆಕ್ಕುನು ಮನಾ ಭ್ರಾಂತಿ ಪಾವತಾ "
ಶಕುನಿ : " ವೈ .. ದುರ್ಯೋಧನಾ ! ಕರ್ಣಾನ ಸಂಘಿಲ್ ಸಮ್ಮ್ ಮೋಣು ಮಕ್ಕಾ ದಿಸ್ತಾ .. ತೂ೦ವೆ ಜೀವು ಕಾಣು ಘೆತ್ಲೆರಿ .. ಜನ ಮಾತ್ರ ತೊಂಡಾ ಆಯ್ಯಿಲೆ ತಶಿ ಉಲ್ಲಯಿತಾತಿ . ಕಾಯ್ಳೆ ಮ್ಹಣ್ಕೆ ಕಾವ್ .. ಕಾವ್ ಮ್ಹಣತಾತಿ . ತು೦ವೇ ಆತ್ಮಾಹುತಿ ಕೆಲ್ಲೆ ನಂತರ .. ಎಕ್ಕಾ ಕ ದೋನಿ ವಿಷಯು ಕೋರ್ನು ಉಲ್ಲಯಿತಾತಿ . ಕ್ಷತ್ರಿಯ ಮ್ಹಳ್ಳೆ ನಂತರ ಜಯ - ಅಪಜಯ ಮ್ಹಳ್ಳೆಲೆ ಆಸ್ಸಚಿ . ಸನ್ನ- ಸನ್ನ ವಿಷಯಾಕ ಮೊರ್ಚೆ ಝಲ್ಲೆರಿ ಜಗತ್ಯ ವರ್ನಾ ಅಷ್ಶಿಲೆ . ಕ್ಷತ್ರಿಯ ಜಾವ್ನು ಯುದ್ಧ ರಂಗಾಂತು ಮೊರ್ಕಾ ... ತ್ಯೆ ಸೋಣು .. ಆತ್ಮ ಶಕ್ತಿ ನಾತ್ತಿಲೆ , ದುಸ್ರೆಂಕ ಭಿತ್ತಲೇ , ಆತ್ಮಾಭಿಮಾನ ನಾತ್ತಿಲೆ , ಜೀವನಾಂತು ಮಹಾ ಕಾಂಕ್ಷ ನಾತ್ತಿಲೆ .. ಲೋಕು ಆತ್ಮ ತ್ಯಾಗ ಕೊರುಂಕ ನಿರ್ಧಾರ್ ಕರ್ತಾತಿ . ಆತ್ಮ ತ್ಯಾಗ ಕೆಲ್ಲೆಲೆ ಲೋಕಾಂಕ ಸ್ವರ್ಘಾರಿ ಜಾಗೊ ನಾ ... ತುಕ್ಕಾ ಮಾತ್ರ ವೇ ಹ್ಯೇ ಅವಮಾನ ... ? ಅಂಕಾಯಿ ಝಲ್ಲಾ ನವೆ ! ಹ್ಯೇ ಅವಮಾನ ಹೋಡ ಕೀ .. ? ಪಾಂಡವಾನಿ ಹಜ್ಜಾ ಹೊಡು ಅವಮಾನ ಭೋಗ್ಲಾ ... ತನ್ನಿ ಜೀವು ಕಾಣು ಘೆತ್ಲಾ ವೇ ? ಅತ್ತ ಝಲ್ಲೆಲೆ ವಿಷಯು ಅವಮಾನ ನಯ್ . ಏಕ ಸಾನ ಘಠನಾ ಮೋಣು ಲೇಕ ... ಅನಾವಶ್ಯಕ ಜಾವ್ನು ಚಿಂತಾ ಕೋರ್ನುಕ್ಕಾ ... ಅತ್ತ ವೊಚ್ಚುನು ನಿದ್ದೆ .. ಫಲ್ಲೆ ಸಕಾಣಿ ಹಸ್ತಿನಾವತಿಕ ಪ್ರಯಾಣ ಕೋರ್ಯಾ " ಮ್ಹಳ್ಳಲೊ ಶಕುನಿ . ಶಕುನಿ ಮಾಮಾಲೆ ಉತ್ತರಂ ಅಯಿಕುನು ... ಮನಾ ಚಿಕೆ ಸಮಾಧಾನ ಝಲ್ಲೆ ಧುರ್ಯೋಧನಾಕ
ಉಮಾಪತಿ
No comments:
Post a Comment