MAHABHARATH Part - 52 ( Konkani Bhashentu ) DRONA PARVA

MAHABHARATH Part- 52 ( Konkani Bhashentu )

            DRONA  PARVA ...    ದ್ರೋಣ ಪರ್ವ 

                            ಭೀಷ್ಮಾಚಾರ್ಯಾ ನ ಶರ ಶಯ್ಯಾರಿ ಪೊಡ್ತರಿ ; ಕುರು ಸೈನ್ಯ ಚೋಲೊಚ್ಯಾಕ ಮಹಾಸೇನಾನಿಕ ನಿಯುಕ್ತಿ ಕೋರ್ಕಾ . ಧುರ್ಯೋಧನಾನ , ಕರ್ಣ ಶಲ್ಯ , ಸೈ೦ಧವ , ಸುಶರ್ಮ , ಬಾಹ್ಲಿಕ , ಕುರು ವೀರಾಂಕ ಅಪ್ಪೋನ್ ಯೆಕ ಸಮಾವೇಶ ಕೆಲ್ಲೆ . ಕರ್ಣಾ ನ ಗುರು ದ್ರೋಣಾಚಾರ್ಯನ ಸೇನಾನಿ ಜಾವ್ಕಾ ಮೋಣು ಸೂಚನ ದಿಲ್ಲಿ . ಕರ್ಣಾ ನ ಸಂಗ್ಚೆ ಸಮ್ಮ ಮೋಣು ಧುರ್ಯೋಧನಾಕ ದಿಸ್ಲೆ . ದ್ರೋಣಾಚಾರ್ಯಾಕ ಸಾದರ ಪೂರ್ವಕ ಸ್ವಾಗತ ಕೊರ್ನ್ ಯೆಕ ಉಚ್ಛ್ ಸ್ಥಾನಾರಿ ಬೊಸ್ಕಾರಾನ್,  ಆರತಿ ಫುಲ್ಲಾ ಮಾಳ ,ಘಾಲ್ನ್ ಸತ್ಕಾರು ಕೆಲ್ಲೊ . ನಿಡ್ಲಾರಿ ವೀರ ತಿಲಕ ದೊವೊರ್ನ್,  ಪಾದ ಪೂಜಾ ಕೊರ್ನ್ ,  ವೀರ ಖಡ್ಘ ಹತ್ತಾ ದೀವ್ನ್ ... ಸರ್ವ ಸೈನ್ಯಾಧ್ಯಕ್ಷ ಮೋಣು ಘೋಷಣ ಕೆಲ್ಲಿ . ವಂದಿ ಮಾಗದ  ದ್ರೋಣಾಚಾರ್ಯಲಿ ಸ್ತುತಿ ಕೆಲ್ಲಿ . " ಜಯ ಹೋ ... ದ್ರೋಣ ಗುರು ದೇವಾ .. ಜಯ ಹೊ,  ಜಯ ಹೋ... "

ಮೋಣು ಜಯ ಘೋಷಣ ಕೆಲ್ಲಿ .ಕುರು ಪಕ್ಶಾಂತ್  ಅಶಿಲೆ ಸರ್ವ ರಾಯ , ದ್ರೋಣಾಚಾರ್ಯಕ ಜಯಕಾರು ಕೊರ್ನ್ ,  ಫಟೀ  ಬಾಲಾಕ ಆಸ್ಸತಿ ಮೋಣು ... ಕಡ್ಘ ಭಾಯಿರಿ ಕಾಣು...  ಜಯ ಕಾರು ಕೆಲ್ಲೆ .ದ್ರೋಣಾಚಾರ್ಯಕ ಸಂತೋಷು ಝಲ್ಲೊ .... " ಧುರ್ಯೋಧನಾ .. ! ತೂ೦ವೇ ಮಕ್ಕಾ ದಿಲ್ಲೆಲೆ ಗೌರವ , ಅಭಿಮಾನ ಪೊಳೋನ್ ಮಕ್ಕಾ ಸಂತೋಷು ಝಲ್ಲಾ . ಹ್ಯೇ ಸಂತೋಷಾ ಘಡಿರಿ , ಯೆಕು ವರ ದೀವಕಾ ಮೋಣು ದಿಸ್ತಾ ... ನಿಂಮ್ಗಿ ... ಧುರ್ಯೋಧನಾ ..! ಕಿತ್ಲೆಯ್ ಅಸಾಧ್ಯ ಜಾವ್ನ್ ಅಸ್ಲೆರಿಯಿ ... ತುಗೆಲಿ ಇಚ್ಚಾ ಪೂರ್ತಿ ಕರ್ತಾ " ಮ್ಹಳ್ಳಲೋ ದ್ರೋಣಾಚಾರ್ಯ . " ಗುರುದೇವಾ .. ! ಧರ್ಮಜಾ ಕ ಜೀವಂತಿ ಬಂಧನ್ ಕೊರ್ನ್ ಮಕ್ಕಾ ಹಾಣು  ದೀ .. "ಮ್ಹಳ್ಳಲೋ . " ಜಾಯ್ತ ತುಗ್ಗೆಲ್ ಆಶೆ ಪ್ರಕಾರ ... ಆಜಿ ಧರ್ಮಜಾ ಕ ಜೀವಂತಿ ಬಾಂಧುನ್ ಹಾಡ್ತಾ ...  ಝಲ್ಲೆರಿ ತಾಗೆಲ್ ಜೀವಾಕ ಕಸಲೆಯ್ ಸಂಚಕಾರು ಹಡು ನಜ್ಜ ... "   " ನಾ ಗುರು ದೇವಾ ... ತಗೆಲೆ ಪ್ರಾಣಾ ಕ ಕಸಲೆಯ್ ತೊಂದ್ರೆ ಕರ್ನಾ ... ಆನ್ನೇಕ ಪೋಟಿ ದ್ಯೂತ ಖೆಳ್ನ್ ... ಆನ್ನೇಕ ಪೋಟಿ ಅರಣ್ಯ ವಾಸಾಕ ಪೆಟಯಿತಾ .. ಹೇ ಯುದ್ಧ ರಬ್ಬಯಿತಾ .. " ಮ್ಹಳ್ಳಲೋ ಧುರ್ಯೋಧನು . ದ್ರೋಣಾಚಾರ್ಯಾಕ ಮನಾಂತು ಕಷ್ಟ ದಿಸ್ಲೆ .. " ಧುರ್ಯೋಧನಾ .. ! ಕ್ಷತ್ರಿಯಾನಿ ಶೋವ್ ರ್ಯಾನ   ಯುದ್ಧ ಕೊರ್ನ್ ಭೂ೦ಯಿ ಆಕ್ರಮಣ ಕೋರ್ಕಾ ... ವಿಂಗಡ ವಾಟ್ಟೇನ ಸಂಪಾದನಾ ಕೋರು ನಜ್ಜ ... ಕಸಲೆಯ್ ಜವ್ವ್ಓ   ತುಕ್ಕಾ ಉತ್ತರ ದಿಲ್ಲಾ ... ಧರ್ಮಜಾ ಕ ಜೀವಂತಿ ಬಂಧನ್ ಕೋರ್ನು ಹಾಣು ದಿತ್ತಾ .ಜಲ್ಲೇರಿ ...  ಅರ್ಜುನಾನ ಮಧ್ಯೆ ಯೆನಾಶಿ ಜಾಗ್ರತೆ  ಕೊರ್ಚೆ ತುಮ್ಗೆಲೆ ಜವಾಬ್ದಾರಿ ... "   " ಆಜಿ ಅರ್ಜುನ್ ಖಂಯ್ ಆಸ್ತಾಲೊ ಗುರು ದೇವಾ .. ? ಆಜಿ ಮಿಗೆಲೆ ಮಿತ್ರ ಕರ್ಣ ಯುದ್ಧ ರಂಗಾಂತು ಯೆತ್ತಾ .. ! ಇತ್ಲೆ ದಿವಸ ಭೀಷ್ಮ ಪಿತಾಮಹಾನ ಪಾಂಡವ ಪಕ್ಷ ಪಾತಿ  ಜಾವ್ನ್ , ತಾಂಗೆಲೆ ವೈರಿ ಪ್ರೀತಿ ಮನಾ ದೊವೊರ್ನ್  ಅರ್ಜುನಾಕ ಸಂಹಾರು ಕರ್ನಾಶಿ ಸೊಳ್ಳೆ . ಆಜಿ ದುಕೂನ್ ತಂಗೆಲೊ ಖೇಳು ರಾಬ್ಬೊಕಾ " ಮ್ಹಳ್ಳಲೋ ಧುರ್ಯೋಧನ .

                          ದ್ರೋಣಾಚಾರ್ಯಾನ  "ಧರ್ಮಜಾ ಕ ಜೀವಂತಿ ಧೋರ್ನ್ ಹಾಣು ದಿತ್ತಾ " ಮ್ಹಳ್ಳಲಿ ಖಬ್ಬರ ಗುಪ್ತಚರ ಮುಖಾಂತರ ಪಾಂಡವ ಶಿಬಿರಾಕ  ಪಾವಲೆ . ಅರ್ಜುನಾಕ ಅನಿ ಕೃಷ್ಣಾ ಕ ಅಪ್ಪೋನ್ ವಿಷಯು ಸಂಘಲೇ  " ಅಣ್ಣಾ .. ! ಹಾಂವೆ ಜೀವಂತಿ ಅಶಚೆ  ತೆದೊಳ್ ತಾಯಿ ... ತುಕ್ಕಾ ಧೋರ್ನ್ ಬಂಧನ್ ಕೊರ್ಚೆ ... ದ್ರೋಣಾಚಾರ್ಯಾ ಸೋಡಿ ... ಅನಿ ಕೊಣಾಕಯ್ ... ದೇವತಾ ಲೋಕಾಂಕ ತಾಯ್ ಜಾಯ್ನಾಶಿ ಕರ್ತಾ , ತುಗೆಲೆ ಭಂವಢ ಜೀವಂತಿ ಅಶ್ಚಯೇ ತೆದೊಳ್ ತಾಯಿ ತುಗೆಲೆ ಅಂಗಾ ಕ ಯೇಕು ಮೂಸಾ ತಾಯ್ ಅಪ್ಪೋಡು ಸೋಣಾತಿ  . ಅಪ್ಪಳ್ಳೆಲೆ ಜನಾಂಕ ಜೀವಂತಿ ಸೋಣಾತಿ  . ತೂ ನಿರ್ಭಯ ಜಾವ್ನ್ ರಾಬ ".  ಮ್ಹಳ್ಳಲೊ ಅರ್ಜುನ . 

. ಇಕ್ರಾ ದಿವಸಾ ಯುದ್ಧ ಪ್ರಾರಂಭ ಜಾವಚೆ ಫೂಡೆ ಶ್ರೀ ಕೃಷ್ಣ ಸಮೇತ ಪಾಂಡವ , ಭೀಷ್ಮಾನ ಶರ ಶಯ್ಯ್ಯಾರಿ ನಿದ್ದಲೆಲೆಜಾಗೇರಿ ವೊಚ್ಚುನ್ ಭೀಷ್ಮ ಪಿತಾಮಹಾಲೆ ಚರಣ ಸ್ಪರ್ಶ ಕೊರ್ನ್ ಶಿರಾ ನಮನ ಕೆಲ್ಲೆ . " ಪಿತಾಮಹಾ .. ! ಗಾಂಗೇಯಾ .. ! ಕಶಿ ಅಸ್ಸ .. ? " ನಿ೦ಮ್ ಗಿಲೆ ಕೃಷ್ಣಾ ನ " ಹಾಂ .. ! ಅಯಿಲೊವೇ ಕೃಷ್ಣಾ ... ಪರಂಧಾಮಾ ... ? ಚೆರ್ಡು ಬಾಳ  ನಾತ್ತಿಲೋ ಏಕಾಂಗಿ .. ಆತ್ಮೀಯ ಜಾವ್ನ್ ಅಷ್ಶಿಲೆ ಲೋಕು  ಸೊಳ್ಳೆರಿ ... ರಕ್ತ ಸಂಬಂಧಿ ನಾತ್ತಿಲೊ ಏಕಾಂಗಿ .. ! ಮಕ್ಕಾ ಪೊಳೋ ಚ್ಯಾ ಅಯಿಲೊ  ವೇ .. ? " ಮ್ಹಳ್ಳಲೋ ಭೀಷ್ಮ . " 800 ವರ್ಷ೦ ನೈತಿಕ  ಜೀವನ ಕೆಲ್ಲೆಲೆ ತುಕ್ಕಾ ಹೇ ಅಂತಿಮ ವೆಳ್ಯೇರಿ ... ಹೀ ಯಚ್ಚನಾ ತುಕ್ಕಾ ಕಸಲೇಕ  ಭೀಷ್ಮಾ ... ? ನಿ೦ಮ್ಗಿಲೆ ಕೃಷ್ಣಾ ನ . ಕಸಲ್ಕಿ ತಶಿ ದಿಸ್ಲೆ ... " ಮ್ಹಳ್ಳಲೋ ಭೀಷ್ಮ . ತಗೆಲೆ ಆಶೀರ್ವಾದು ಘೆವ್ನ್ ಪಾಂಡವ ಯುದ್ಧಾ ಕ ಭಾರ್ಸರ್ಲೆ . 

                     ಯುದ್ಧ ಪ್ರಾರಂಭ ಝಲ್ಲೆ ಸತಾನ ... ದ್ರೋಣಾನ ವಾಗಾ ಮ್ಹಣ್ಕೆ ... ಸೈನ್ಯಾಕ ಸಂಹಾರು ಕೊರುಂ ಶುರು ಕೆಲ್ಲೆ . ಖಡ್ಘ ಹತ್ತಾ  ಧೋರ್ನ್ , ಹಸ್ತೇ ಸೊಂಡಿಲ ಕುಡಿಕೆ ಕೆಲ್ಲೆ ... ಘೊಡೆ ರುಂಡ ಕತ್ತರ್ಲೆ ... ಸಹಸ್ರ ಸಹಸ್ರ ಸೈನ್ಯಾಕ ನಾಶ ಕೆಲ್ಲೆ . ರಣ ರಂಗ ರುದ್ರ ಭೂಮಿ ಶೇ ಪರಿವರ್ತನ ಕೆಲ್ಲೆ . ರಕ್ತಾ ವೊಕ್ಕುಳ ಭುಯಿಂಚೇರಿ  ಸೃಷ್ಟಿ ಕೆಲ್ಲಿ . ಅಭಿಮನ್ಯುನ  ... ಕುರು ಸೈನ್ಯಾಕ ಧ್ವ೦ಸ ಕೊರುಂಕ ಶುರು ಕೆಲ್ಲೆ . ಧುರ್ಯೋಧನ , ಅಭಿಮನ್ಯು ಲೆ  ಎದ್ರಾಕ ವೊಚ್ಚುನ್ ಅಂಗಾ ಕ ಘಾಯ ಜಾವ್ನ್ ಮಾಕ್ಷೇಲೊ ... ಕೃತವರ್ಮ ... ರಥಾರಿ ದುಕೂನ್ ಧೊಪ್ಪನೆ ಪೊಳ್ಳೋ . ಸೈ೦ಧವಾಕ ಧಾವ್ನ್ ವೊಚ್ಛೆ ತಶಿ ಕೆಲ್ಲೆ . ಶಲ್ಯಾ ನ ಸೊಳ್ಳೆಲೆ ಶಕ್ತಿ ಆಯುಧ ಹತ್ತಾ  ಧೋರ್ನ್ ... ತ್ಯೆ೦ಚಿ ಆಯುಧ ಶಲ್ಯಾ ವೈರಿ ಪ್ರಯೋಗ ಕೆಲ್ಲೆ . ಶಕ್ತಿ ಆಯುಧಾ ನಿಮಿತ್ಯ ಶಲ್ಯಾಲೇ ಸಾರಥಿ ಮೋರ್ನ್ , ರಥು ...  ಚಕಣಾ ಚೂರು ಝಲ್ಲೊ . ತಾಗೆಲ್ ಅಸ್ತ್ರ ಹತ್ತಾ  ಧೋರ್ನ್ , ತಾಗೆಲ್ ಸಾರಥಿ ಕ ತಗೆಲೇ ಅಸ್ತ್ರಾನ ದಿವ್ಶಿ ಮಾರ್ಲೆಲೆ ... ಪೊಳೋನ್ ಶಲ್ಯ ಮಹಾರಾಜಾಕ ಮಸ್ತ ಕೋಪು ಅಯಿಲೊ . ಹತ್ತಾ೦ತು ಗಧಾ ಧೋರ್ನ್ ಅಭಿಮನು ವೈರಿ ಯುದ್ಧಾಕ  ಅಯಿಲೊ . ಹೇ ದೂರ ದುಕೂನ್ ಪೋಳಯಿಲೆ  ಭೀಮ ಸೇನಾನ ರೊ೦ಯ್ಯನಿ ...  ವಾರೇ ಮ್ಹಣ್ಕೆ ಘು೦ವ್ನ್ ಶಲ್ಯಾಲೇ ಎದ್ರಾಕ ಯೇವ್ನ್ ರಾಬ್ಲೊ . ಭೀಮ ಸೇನಾಲೆ ಗಧಾ ಪ್ರಹಾರಾಕ ... ಶಲ್ಯ ಸೂಣೆ ಮ್ಹಣ್ಕೆ ನಿಪ್ಪೋನ್ ,  ಕೃತ ವರ್ಮಾಲೆ ರಥಾರಿ ಚೋಣು ಜೀವು ವಾಂಚೊನ್ ಘೆತ್ಲೊ . ಧರ್ಮಜಾ ಕ ಸೊದ್ದುನ್ ಅಷ್ಶಿಲೆ ದ್ರೋಣಾಚಾರ್ಯಾಲೆ ದೃಷ್ಟೀಕ ... ಧರ್ಮರಾಯು ಪೊಳ್ಳೋ . ದ್ರೋಣಾ ನ ದಿಗ್ಬಂಧನಾಸ್ತ್ರ ಕಾಣು ಮಂತ್ರಿತ ಕೊರ್ನ್ ಸೊಳ್ಳೆಲೆ ನಿಮಿತ್ಯ ಧರ್ಮಜಾ ದ್ರೋಣಾಚಾರ್ಯಲೆ ಬಂಧಿ ಝಲ್ಲೋ . ಪಾಂಡವ ಸೈನ್ಯಾನಿ .. " ಧರ್ಮಜಾಕ ರಾಖ್ಯಾತಿ .. " ಮೋಣು ಬೋಬ ಮಾರ್ಲಿ . ಕೃಷ್ಣಾ ನ ರಥ ತುರಂತ್ ದ್ರೋಣಾಚಾರ್ಯಾಲೆ ಎದ್ರಾಕ ಹಾಣು  ರಬ್ಬಾಯಿಲೊ . ದ್ರೋಣಾಕ ಅನಿ ಅರ್ಜುನಾ ಮಧ್ಯೆ ಮಾಹಾ ಯುದ್ಧ ಝಲ್ಲೆ . ಅರ್ಜುನಾನ ದಿವ್ಯಾಸ್ತ್ರ ಸೋಣು ಧರ್ಮಜಾ ಕ ದಿಗ್ಬಂಧನಾ ದುಕೂನ್ ವಿಮುಕ್ತಿ ದಿಲ್ಲಿ . ಹತ್ತಾ೦ತು ಧರ್ಲೆ ಲೆ ದ್ರೋಣ ಗುರು ದೇವಾಲೆ ಧನುಷ್ಯ ,  ತೀನಿ ಪೋಟಿ ಕತ್ತೋ ರ್ನ್  ಘಾಲ್ಲೆ . ಹ್ಯೇಚಿ ವೆಳ್ಯೇರಿ ಧರ್ಮಜಾ ರಥಾರಿ ದುಕೂನ್ ಸಕಲ ಉಡ್ಲೊ ಆನಿ  ಅರ್ಜುನಾಲೆ  ಬದೀ ನ ಅಷ್ಶಿಲೆ ಘೊಡೆ ವೈರಿ ಬಯಿಸೂನ್ ವಿಂಗಡ ದಿಕಾನ ಚಮ್ಕಲೋ . ಸೂರ್ಯಾಸ್ತ ಝಲ್ಲೆ . ಯುದ್ಧ ತ್ಯೆ ದಿವಸಾ ಚೆ ರಾಬಲೆ . ರಾತ್ರಿ ... ತ್ಯೆ ದಿವಸು ಧುರ್ಯೋಧನ ,  ದ್ರೋಣಾಚಾರ್ಯಲೆ ಶಿಬಿರಾಕ ಯೇವ್ನ್ ಮೆಳ್ಳೊ . " ಧುರ್ಯೋಧನಾ ... ! ಪೋಳಯಿಲ್ ವೇ .. ? ಧರ್ಮಜಾ ಕ ಹಾಂವೆ ದಿಗ್ಬಂಧನ ಕೊರ್ನ್ ಜೀವಂತಿ ಧರ್ಲೆಲೆ ... ಅರ್ಜುನಾನ ಯೇವ್ನ್ ದಿಗ್ಬಂಧನ ನಿಷ್ಪ್ರಯೋಜನ ಕೆಲ್ಲೆ . " ಮ್ಹಳ್ಳಲೊ ದ್ರೋಣಾಚಾರ್ಯ .  " ಗುರು ದೇವಾ .. ! ಮಕ್ಕಾ ಧಾರ್ಮರಾಯು ನಕ್ಕಾ.... ಪಾಂಡವಾಂಗೆಲೆ ಮುಖ್ಯ ಶಕ್ತಿ .. ತ್ಯೋ ಅರ್ಜುನ .. ! ಕಶೀ ಪುಣಿ ಅರ್ಜುನಾಕ ..  ದಿವ್ಶಿ ಮಾರ್ಕಾ . ಅರ್ಜುನ್ ನಾತ್ಲೆರಿ ಹೇ ಯುದ್ಧ ಏಕ ದಿವಸ ಭಿತರಿ ರಾಬತಾಲೆ ... "   " ಅರ್ಜುನಾ ಕ ದಿವ್ಶಿ ಮಾರ್ಚೆ ತಿತಲೆ ಸುಲಭ ನಾ ಧುರ್ಯೋಧನಾ .. ! ತಗೆಲೆ ಫಟೀ ಬಾಲಾಕ ಕೃಷ್ಣು ಅಸ್ಸ .. " ಮ್ಹಳ್ಳಲೋ ದ್ರೋಣ .

                                      ಬಾರಾ ದಿವಸ ಯುದ್ಧ ... ಕೌರವಾನಿ ಗರುಡ ವ್ಯೂಹ ....,  ಪಾಂಡವಾನಿ ಮಂಡಲ ವ್ಯೂಹ ರಚನಾ ಕೆಲ್ಲಿ . ಕುರುಕ್ಷೇತ್ರಾ ದಕ್ಷಿಣ ದಿಶೆಂತು ಸುಶರ್ಮಾ ನ ಚಾಳೀಸ ಹಜಾರ ರಥ ಸೈನ್ಯ ಘೆವ್ನ್ , ಅರ್ಜುನಾ ಕ ದಿವಿಶಿ ಮಾರ್ಚ್ಯಾಕ ರಕ್ಕುನ್  ರಾಬಲಾ . ಸುಶರ್ಮಾಲೆ ತ್ರಿಗರ್ತ ಸೈನ್ಯಾ ವೊಟ್ಟು.. ಮಾದ್ರ , ಮಾವೆಲ್ಲಿಕಾ , ಲಲಿತಾ , ತುಂಡಿಕೇರಾ ಸೈನ್ಯಾಕ  ಮೇಳೋನ್  ಘೆತ್ಲಾ . ಅರ್ಜುನಾ ಕ ರಣ ಭೂಮಿ ದುಕೂನ್ ದೂರ ಕೊರ್ನ್ ... ಬಾಕಿ ವ್ಹರ್ಲೆಲೆ ಪಾಂಡವಾಂಕ ದಿವಿಶಿ ಮಾರ್ಚೆ ... ಧುರ್ಯೋಧನಾಲೆ  ಕುಯುಕ್ತಿ ... ಅರ್ಜುನಾನ ಸುಶರ್ಮಾ ವೈರಿ ಭೀಷಣ ಆಂಧಿ ಮ್ಹಣ್ಕೆ ಯೇವ್ನ್ ಯುದ್ಧ ಶುರು ಕೆಲ್ಲೆ . ತ್ಯೆ ತಾಂತು ... ದ್ರೋಣಾಚಾರ್ಯನ ಕುರು ಸೈನ್ಯ ಘೇವ್ನ್ ... ಮತ್ಸ್ಯ , ಕೇ ಕಯ , ಪಾಂಚಾಲ ಸೈನ್ಯಾಕ ಕತ್ತೋರುಂಕ  ಶುರು ಕೆಲ್ಲೆ . ಪಾಂಡವ ಸೈನ್ಯ ಹಾ ಹಾ ಕಾರ ಕೊರ್ನ್ ಭೀವ್ಚ್ಯಾಕ ಶುರು ಕೆಲ್ಲೆ . ಇತ್ಲೆ ಭಿತರಿ ನರಕಾಸುರಾಲೆ  ಪೂತು ಭಗದತ್ತಾ ನ ಸುಪ್ರತೀಕ ಮ್ಹಳ್ಳೆಲೆ ಹಸ್ತಿ ಕ ಸೃಷ್ಟಿ ಕೊರ್ನ್ ಯುದ್ಧಾ ಕ ಯೆವಚೆ ಪೋಳಯಿಲೆ . ಭೀಮ ಸೇನ ಎದ್ರಾಕ ಯೇವ್ನ್ ಭಾಗದತ್ತಾ ಕ ಗಧಾ ಪ್ರಹಾರು ಕೋರು ಶುರು ಕೆಲ್ಲೆ .ಪಾಂಡವ ಸೈನ್ಯ ಭೀವ್ನ್ ಧಾಂವ್ಚ್ಯಾ ಶುರು ಕೆಲ್ಲೆ . ಕೃಷ್ಣಾ ನ ರಥ ,  ಸುಶರ್ಮ ಸೈನ್ಯಾಕ  ಚುಕ್ಕೋನ್ , ಪಾಂಡವ ಸೈನ್ಯಾಕ ಧೈರ್ಯ ದಿವ್ಚ್ಯಾಕ ಕುರು ಕ್ಷೇತ್ರ ಯುದ್ಧ ಭೂಮಿ ಮಧ್ಯೆ ಹಾಣು ರಬ್ಬಯಿಲೆ . ಭಾಗದತ್ತಾಲೆ ಹಸ್ತಿನ  , ಭೀಮ ಸೇನಾಲೆ ಗಧಾ  ಉಪ್ಪೋನ್ ಘೇವ್ನ್ ಸೋಂಡಾಳಿನ ಗಧಾ ಘು೦ವ್ ಡಾನ್ ಭೀಮ ಸೇನಾಕ ಘಾಯು ಕೆಲ್ಲೆ . ಹಜಾರ ಸೈನ್ಯ ಹಸ್ತಿಲೆ  ಪಯ್ಯಾ ಮುಳಾಂತು ಪೋಣು  ಜೀವು ಸೊಳ್ಳೆ . ಹೇ ಪೊಳಯಿಲೆ ಅರ್ಜುನಾನ , ಎಕ್ಕ ಪೋಟಿ ಧಾಹ್ ಬಾಣ ದಿವ್ಯಾಸ್ತ್ರ ಪ್ರಯೋಗ ಕೆಲ್ಲೆ .ಅನಿ ಭಗದತ್ತಾಲೆ  ಹಸ್ತೇ ಕ ದಿವಿಶಿ ಮಾರ್ಲೆ . ಹಸ್ತೇ ಫಟೀರಿ ಬೊಶಿಲೆ ಭಗದತ್ತ .. ಧೊಪ್ಪನಿ ಸಕಲ ಪೊಳ್ಳೋ . ತಾಗೆಲ್ ಮೊಗಾ ಹಸ್ತೇ ಕ ಬಾಣ ಲಾಗ್ಗುನ್ ಚೀತ್ಕಾರ ಕೊರ್ನ್ ಪೊಳ್ಳೆಲೆ ಪೊಳೊನ್ , ಭಾಗದತ್ತಾ ಕ ಮಸ್ತ ಕೋಪು ಅಯಿಲೊ .ಬಪ್ಸೂನ್ ದಿಲ್ಲೆಲೆ ವರ ' ವೈಷ್ಣವಾಸ್ತ್ರ' ಮಂತ್ರಿತ ಕೊರ್ನ್ ಅರ್ಜುನಾಲೆ  ವೈರಿ ಸೊಳ್ಳೆ ... ಮಹಾ ಉಗ್ರ , ತೇಜೋಮಯ , ಗುಡುಗು ಮಿಂಚಾ ವೊಟ್ಟು ಯೆವ್ಚೆ ವೈಷ್ಣವಾಸ್ತ್ರ ಪೊಳೊನ್ ಕೃಷ್ಣಾ ನ ಅರ್ಜುನಾಳೆ ಎದ್ರಾಕ ಆಡ  ರಾಬ್ಲೊ ... ಅರ್ಜುನಾಕ ದಿವಿಶಿ ಮಾರ್ಚ್ಯಾ ಆಯ್ಯಿಲೆ ವೈಷ್ಣವಾಸ್ತ್ರ ಕೃಷ್ಣಾಕ ಲಾಗ್ಲೆ ಸತಾನ ... ಫುಲ್ಲಾ ಮಾಳ  ಜಾವ್ನ್ ಕೃಷ್ಣಾ ಲೆ  ಗಳೇಕ ಪೊಳ್ಳೇ . ಅರ್ಜುನ್ ಏಕ ಪೋಟಿ ವಾಂಚ್ಲೋ . " ಅರ್ಜುನಾ .. !ಹಗೆಲೋ ಬಪ್ಪುಸು ಮಿಗ್ಗೆಲೆ ಹತ್ತಾ೦ತು ಮೆಲ್ಲೆಲೋ . ಅತ್ತ ಹ್ಯೋ ತುಗೆಲೆ ನಿಮಿತ್ಯ ಮರ್ತಾ ...ದಿವ್ಯಾಸ್ತ್ರ ಸೋಣು  ಹಕ್ಕಾ ದಿವಿಶಿ ಮಾರಿ " ಮ್ಹಳ್ಳಲೊ ಕೃಷ್ಣು . ಅರ್ಜುನಾಲೆ  ದಿವ್ಯಾಸ್ತ್ರ ಕ ಭಗದತ್ತಾ ನ ಜೀವು ಸೊಳ್ಳೊ . ಶಕುನಿಲೆ ಭಂವ್ಢ ... ಅಚಲ , ವೃಷಕ , ಅರ್ಜುನಾ ಲಗ್ಗಿ ಯುದ್ಧಾಕ ಯೆವ್ನ್ .. ತಾಗೆಲ್ ಬಾಣಾಕ  ಸ್ವಾರ್ಘಾಕ  ಪಾವಲೆ . " ಲೋ .. ಶಕುನಿ ಮಾಮಾ ಹ್ಯೇ ಮಾಯಾ ದ್ಯೂತ ನಯ್ಯ್ ... ಹಾಂವ ಧರ್ಮರಾಯು ನಯ್ಯ್ .... ವಸ ...  ಹಾ .. ಹಾ ಧಾಂವ್ನ್ ವಸ .. !ನಾತ್ಲೆರಿ ತುಗ್ಗೆಲ್ ಭಂವ್ಢಾ ವೊಟ್ಟು ತುಕ್ಕಾ ಸ್ವರ್ಘಾ ಕ ಪೆಟಯಿತಾ "ಮ್ಹಳ್ಳಲೊ ಅರ್ಜುನು .

                            ತೇರಾ ದಿವಸಾ ಯುದ್ಧ ... ತ್ರಿಗರ್ತ ದೇಶಾ ರಾಜ ಕುಮಾರ ಸುಶರ್ಮ , ಸತ್ಯಾರ್ಥ , ಸತ್ಯ ಸೇನಾ , ಸತ್ಯಕರ್ಮಾ ... ಧುರ್ಯೋಧನಾಲೆ  ಆಪ್ತ್ ಮಿತ್ರ ... " ಆಜಿ ಅಮ್ಮಿ ಅರ್ಜುನಾಕ ದಿವಿಶಿ ಮಾರ್ತಾತಿ ನಾತ್ಲೆರಿ ..  ಅಮ್ಮಿ ಅರ್ಜುನಾಲೆ  ಬಾಣಾಕ ಆಹುತಿ ಝತ್ತಾತಿ .. " ಮೋಣು  ಸಂಘುನ್ ಯುದ್ಧಾ ಕ ಅಯಿಲೆ೦ತಿ . ಯುದ್ಧ ಶುರು ಝಲ್ಲೆ ಸತಾನ ... ತ್ರಿಗರ್ತ ರಾಜ ಕುಮಾರ ... ಮುದ್ರಾ , ಆಂಧ್ರ , ಕೊಂಕಣ , ಕರ್ನಾಟಕ , ಸೈನ್ಯ  ವೊಟ್ಟು  ಕೊರ್ನ್ ... ಅರ್ಜುನಾ ಲೆ ಯುದ್ಧ ಕರ್ತಾಚ್ಯಿ ... ಯುದ್ಧ ಭೂಮಿ ದುಕೂನ್ ದೂರ ವೆಲ್ಲೆ . ಹೈ೦ಚಿ ವೇಳು  ಲಾಯಕ್ ಮೋಣು ದ್ರೋಣಾಚಾರ್ಯಾ ನ ' ಚಕ್ರ ವ್ಯೂಹ '  ರಚನಾ ಕೆಲ್ಲಿ . ಚಕ್ರ ವ್ಯೂಹಾ ಕ  ಪದ್ಮ ವ್ಯೂಹ ಮೋಣುಯೀ ಸಾಂಗ್ತಾತಿ . ಕಶೀ ಪುಣಿ ಧರ್ಮ ರಾಯಾಕ ಬಂಧನ್ ಕೋರ್ಕಾ ಮೋಣು ದ್ರೋಣಾನ ಲೆಕ್ಲಾ . ಚಕ್ರ ವ್ಯೂಹ ... ದ್ರೋಣ , ಅರ್ಜುನ , ಕೃಷ್ಣ , ಭೀಷ್ಮ ,  ಕರ್ಣ , ಹಾಂಕಾ ಮಾತ್ರ ಛೇದನ ಕೊರುಂಕ ಗೊತ್ತಸ್ಸ . ಬಾಕಿ ಲೋಕಾಂಕ ಕೊಣಾಕಯ್ ಛೇದನ ಕೊರ್ಚೆ ಮರ್ಮ .. ಗೊತ್ತುನಾ . ಸಾತ್ಯಕಿ ... ಧರ್ಮಜಾಲೆ ಅಂಗ ರಕ್ಷಕು ಜಾವ್ನ್ ರಾಬಲಾ . ಚಕ್ರ ವ್ಯೂಹ ಪೊಳೋನ್ , ಧರ್ಮಜ ಭಿಲ್ಲೋ . ಕೃಷ್ಣಾರ್ಜುನ ಮಸ್ತ ದೂರ ಆಸ್ಸತಿ . ಮಿಗ್ಗೆಲೆ ಖತಿರಿ .. ಮಕ್ಕಾ  ಬಂಧಿ ಕೊರುಂಕ ಚಕ್ರವ್ಯೂಹ ರಚನಾ ಕೆಲ್ಲಾ ... ಮಕ್ಕ ದ್ರೋಣಾಚಾರ್ಯ ಬಂಧಿ ಕರ್ತಾಲೊ ... ಹಾಂವಚಿ ವೊಚ್ಚುನ್ ಶರಣ ಝತ್ತಾ " ಮೋಣು ಸಾತ್ಯಕಿ ಲಗ್ಗಿ ಸಂಘಲೇ . " ಅರ್ಜುನಾಲೆ  ಪೂತು ಅಭಿಮನ್ಯು .. ಕೃಷ್ಣಾಲೆ  ಶಿಷ್ಯ ನಯ್  ವೇ ? ಕೃಷ್ಣಾ ಲಗ್ಗಿ ಸರ್ವ ವ್ಯೂಹ ಛೇದನ ಕೊರ್ಚೆ ವಿದ್ಯಾ ಶಿಖ್ಲಾ ... ತಕ್ಕಾ  ಅಪ್ಪಯಿ" ಮೋಣು  ಸಾತ್ಯಕಿನ ಸ೦ಘಲೇ . ಧರ್ಮಜಾನ ಅಭಿಮನ್ಯು ಕ ಅಪ್ಪೋನ್ ಘೆತ್ಲೆ ಆನಿ " ಅಭಿಮನ್ಯು ... ತುವೆಂಚಿ  ಮಕ್ಕಾ  ರಕ್ಕೂಕಾ ... ಹೇ ಚಕ್ರ ವ್ಯೂಹ ಛೇದನ ಕೋರ್ಕಾ .. " ಮ್ಹಳ್ಳಲೋ ಧರ್ಮಜಾ . " ಮಂಥಾ ... ! ಕೃಷ್ಣ ಮಾಮಾ ನ , ಸರ್ವ ವ್ಯೂಹ ಛೇದನ ಕೊರ್ಚೆ , ನಿರ್ಗಮನ ಕೊರ್ಚೆ ರೀತಿ ಶಿಖೋನ್ ದಿಲ್ಲಾ ... ಝಲ್ಲೇರಿ ... !ಚಕ್ರ ವ್ಯೂಹ ನಿರ್ಗಮನ ಶೀಖಯಿನಿ .. ಮಕ್ಕಾ ಚಕ್ರ ವ್ಯೂಹ ದುಕೂನ್ ಭಾಯಿರಿ ಕಶಿ ಯೆವಚೆ ಮೋಣು ಗೊತ್ನಾ . ತುಮ್ಮಿ ಸರ್ವ ಲೋಕು ಮಕ್ಕ ಸಹಾಯು ಕರ್ತಾ ಝಲ್ಲೆರಿ ... ಚಕ್ರ ವ್ಯೂಹ ಏಕ ನಿಮಿಷ ಭಿತರಿ ಛೇದನ ಕರ್ತಾ " ಮ್ಹಳ್ಳಲೊ ಅಭಿಮನ್ಯು ಧರ್ಮಜಾ ಕ ಧೈರ್ಯ ದೀವ್ನ್ ...  

ಉಮಾಪತಿ

                       

MAHABHARATH Part - 51 ( Konkani Bhashentu ) Shara Shayya

MAHABHARATH  Part -51    ( Konkani Bhaashentu )

  SHARA SHAYYA ... ಶರ ಶಯ್ಯಾ 

                          ಸೂರ್ಯು ಉದಯು ಝಲ್ಲೊ ... ಆಜಿ ಧಾಂಚೆ ದಿವಸು ... ಭೀಷ್ಮ ಪಿತಾಮಹ ವಗ್ಗಿ ಉಠಯಿಲೊ . ಸೂರ್ಯಾ ಕ ಅರ್ಘ್ಯ ದೀವ್ನ್ ಶಾಂತ ಮನಾರಿ ಯುದ್ಧ ರಂಗಾ ಕ ವೋಚ್ಚಾಕ ತಯ್ಯಾರ್ ಝಲ್ಲೊ . ಭೀಷ್ಮ ಪಿತಾಮಹಾಕ ಗೊತ್ತಸ್ಸ...  ಆಜಿ ತಗೆಲ್ ಆಖೇರಿ ದಿವಸು ಮೋಣು . ಝಲ್ಲೇರಿಯಿ ತಗೆಲೆ ಕರ್ಮ ದೃಷ್ಠಿ ದೂರ ಜಾಯ್ನಿ . ಗುರು ಪರಶುರಾಮಾಕ ಧ್ಯಾನ ಕೋರ್ನು ಸಾಷ್ಟಾಂಗ ವಂದನಾ ಕೋರ್ನು , ಶ್ವೇತ ವಸ್ತ್ರ ಧಾರಣ ಕೊರ್ನ್, ನಿಡ್ಲಾರಿ ಅರ್ಧ ಚಂದ್ರ ತಿಲಕ ಲಾವ್ನ್ , ಗಂಗಾ ಮಾತೆ ಕ ವಂದನ ಕೊರ್ನ್ , ಯುದ್ಧ ರಂಗಾ ದಿಕಾನ ಭಾರ್ಸರ್ಲೊ . ತಪಸ್ಯಾ ದುಕೂನ್ ಜಾಗೊ ಝಲ್ಲಲೊ ಮಹಾಶಿವಾ ಮ್ಹಣ್ಕೆ ದಿಸ್ಲೊ . ಕೃಷ್ಣಾಲೆ ಉಡ್ಘಾಸು ಅಯಿಲೊ . ಯುದ್ಧ ಭೂಮಿಂತು ಕೃಷ್ಣಾರ್ಜುನ ಖಂಯ್ ದಿಸ್ತಾತಿಕೀ  ಮೋಣು ಚಾರಿ ದಿಕಾನ ಪೋಳಯಿಲೆ ... ದೂರ ... ದೂರ .. ಅರ್ಜುನು ಕೃಷ್ಣ ಸಾರಥ್ಯಾರಿ ಯೆವ್ಚ್ಯೆ ದಿಸ್ಲೆ . ಕೃಷ್ಣಾ ಕ ದೂರ ದುಕುನು , ಮನಾಂತು ಸ್ಮರಣ ಕೋರ್ನ್ ನಮನ ಕೆಲ್ಲೆ ... ಅರ್ಜುನಾಕ ಮೆಳ್ನಾಶಿ ವಿಂಗಡ ವಾಟ ಕೊರ್ನ್ ಯುದ್ಧಾಕ ಗೆಲ್ಲೊ . ಸರ್ವಾನಿ  ಧ್ವ೦ಧ್ವ ಯುದ್ಧ ಕೊರ್ಚೆ ಸೊಳ್ಳಾ ... ಯುದ್ಧ ನಿಯಮ , ನಿಭಂಧನಾ ಅತ್ತ ಕೊಣಯ್ಯ್ ಪಾಲನ ಕರ್ನಾತಿ ... ಎಕ್ಲೆ ವೈರಿ ಧಾಹ ಜನ ಪೋಣು ಆಕ್ರಮಣ ಕೋರ್ಚ್ಯಾ ಶುರು ಕೆಲ್ಲಾ . ಅಭಿಮನ್ಯು , ವಿರಾಟ ರಾಯು , ದ್ರುಪದ , ಸಾತ್ಯಕಿ , ಚಿಕೇತನ , ದ್ರಷ್ಟಕೇತು , ಹನ್ನಿ ಪೂರಾ ಜನ ಭೀಷ್ಮಾ ಲಗ್ಗಿ ಯುದ್ಧ ಕೊರುಂಕ ಅಯಿಲೀ೦ತಿ . ಹ್ಯೇ ಪೋಳಯಿಲೆ ದ್ರೋಣಾಚಾರ್ಯನ , ಅಶ್ವತ್ಥಾಮ , ಕೃತವರ್ಮ , ಕೃಪಾಚಾರ್ಯ , ಭೂರಿಶ್ರವಾಹ , ಕಾಂಬೋಜ ರಾಯು , ಸುಶರ್ಮ , ಹಾಂಕಾ ಭೀಷ್ಮಾಲೆ ಸಹಾಯಾಕ ಪೆಟೋನ್ ದಿಲ್ಲೆ . ಕೋಣ ಖಂಯ್ಯ್ ದುಕುನ್ ... ಕೋಣ , ಕೊಣಾ ಲಗ್ಗಿ .. ಯುದ್ಧ ಕರ್ತಾ ಮ್ಹಳ್ಳೆಲೆ ಕಳ್ನಿ . ಭೀಷ್ಮಾನ ಏಕ ಬಾಣ ಹಜಾರ ಬಾಣ ಜಾವ್ಚೆ ತಶಿ ಮಂತ್ರಿತ ಕೊರ್ನ್ ... ಸೈನ್ಯ ಚೆಲ್ಲಾ ಪಿಲ್ಲಿ  ಜಾವ್ಚೆ ತಶಿ ಕೆಲ್ಲೆ . ಭೀಷ್ಮಾಕ ಸೊದ್ದು ನ್  ಆಯಿಲೆ ಮ್ಹಣ್ಕೆ... ಕೃಷ್ಣಾನ ರಥು ಭೀಷ್ಮಾಲೆ ಯೆದ್ರಾಕ ಹಾಣು ರಬ್ಬಯಿಲೆ . ಭೀಷ್ಮಾನ ಪೊಳಯಿಲೆ .... ಯೆದ್ರಾಕ ಶಿಖಂಢಿರಾಬ್ಲಾ !ಮಾಕ್ಷಿ ಅರ್ಜುನ್ ರಾಬ್ಲಾ .. ಕೃಷ್ಣಾಲೆ ತೊಂಡ ಪೋಳಯಿಲೆ...  ದೋಳೆ ಪೊಳಯಿಲೆ .. ತ್ಯೆ ದೃಷ್ಟಿ೦ತು .. ಏಕ ಹಠ ಪೋಳಯಿಲೆ... ಅತ್ತ ಕಸಲೆ ಕರ್ತಾ ? ಮ್ಹಳ್ಳೆಲೆ ಪ್ರಶ್ನೋ ಪೋಳಯಿಲೆ. 'ಹತ್ತಾ೦ತುಲೆ  ಧನುಷ್ಯ ಸಕಲ ಘಾಲಿ'ಮ್ಹಳ್ಳೆಲೆ ಆಜ್ಞಾ ಪೊಳಯಿಲಿ ... ಭೀಷ್ಮಾನ .  ವೊಂಟಾರಿ ಸಾನು ಹಾಸು ಆಯಿಲೊ  ಭೀಷ್ಮಾಕ. ಹಾತ್ತಾಂತು ಧರ್ಲೆಲೆ ಧನುಷ್ಯ ಅನಿ ಬಾಣ ಸಕಲ ಘಾಲ್ಲೆ . ಶಿಖಂಢಿ ಲೆ ಏಕು  ಬಾ ಣು ಸುರ್ವೇಕ ಪಿತಾಮಹಾಕ ಲಾಗ್ಲೆ ... ದೂರ ರಬ್ಬುನ್ ಯುದ್ಧ ಕರ್ತಾಲೊ ದ್ರೋಣಾಚಾರ್ಯಾ ಕ ದಾವೊ ದೋಳೋ ಅಧರ್ಸಲೆ ...ದಾವೊ ಭುಜೋ ಉಡ್ಲೆ . ಕಸಲೆ ಕೀ ಅಪಶಕುನ ಜಾವ್ಚ್ಯಾ ವತ್ತಾ ಮೋಣು ಅನುಭೂತಿ ಝಲ್ಲಿ . ಆಕಾಶಾಂತು ರಣ ಕಾಯ್ಳೆ ... ಖೀ ... ಖೀ ಮ್ಹಳ್ಳೆಲೆ ಚೀತ್ಕಾರ ಕೊರ್ನ್ ಘು೦ವ್ಚೆ ಪೊಳಾಯಿಲೆ ... ಆಜಿ ಕಸಲ್ ಕೀ ಹೊಡ ಧುರ್ಘಟನಾ ಜಾವ್ಚ್ಯಾ ವತ್ತಾ ಮ್ಹಳ್ಳೆಲೆ ಶಕುನ ದಿಸ್ಲೆ . ಅಶ್ವಥಾಮಾಕ ಘೇವ್ನ್ ಭೀಷ್ಮಾ ದಿಕಾನ ಅಯಿಲೊ . 

                          ಶಿಖಂಢಿಲೆ ಮಾಕ್ಷಿ ರಬ್ಬಿಲೆ ಅರ್ಜುನಾನ ಯೆಕ್ಕ ಪೋಟಿ ಧಾಹ್ ಬಾಣ ಭೀಷ್ಮಾ ವೈರಿ ಪ್ರಯೋಗ ಕೆಲ್ಲೆ . ಆರ್ಜುನು ಭಾವುಕ ಜಾವ್ನ 'ಪಿತಾಮಹಾ ....  'ಮೋಣು ಅಂತರಾಳ ದುಕುನ್ ಚೀತ್ಕಾರ ಕೆಲ್ಲೆ .. ಭೀಷ್ಮಾಲೆ ಸಂಕಟ , ದೂಕಿ .. ತಳ್ - ಮಳ್ ಚೆ ಅನುಭವ .. ಅರ್ಜುನಾಕ ಜಾವ್ನ್ ದೊಳೇ೦ತ್ ಅಶ್ರು ಧಾರಾ ಅರ್ಜುನಾ ಕ ಕಳ್ನಾಶಿ ದೆವಲೆ . ಝಲ್ಲೆರಿಯಿ ಭೀಷ್ಮಾನ ವೀಸಾ ಬಾಣ ಸೊಳ್ಳೆ . ಅರ್ಜುನಾ ನ ಸೊಳ್ಳೆಲೆ ಬಾಣ ಭೀಷ್ಮಾಲೆ  ಹರ್ದೆಕ . ಪೊಟ್ಟಾಕ , ಹತ್ತಾಕ  ಲಗ್ಗುನ್ ... ಮುಕಾರಿ ದುಕೂನ್ ಮಾಕ್ಷಿ ತಾಯ್ ಪಾವಲೆ .ಭೀಷ್ಮಾನ "ಆಹ್-ಆಹ್ ..  ಹಾ ..." ಮೋಣು ಚೀತ್ಕಾರ ಕೊರ್ಚೆ ತಶಿ ಝಲ್ಲೆ . ಹತ್ತಾ ಅಶಿಲೆ ಧನುರ್ ಬಾಣ ತಕ್ಕ ಕಳ್ ನಾಶಿ ನೆಲಾರಿ ಪೊಳ್ಳೆ . ನೆಶೀಲೆ ಶ್ವೇತ ವಸ್ತ್ರ ರಗ್ತಾ ಮಯ ಜಾವ್ನ್ ಬುಡಚೆ ಸೂರ್ಯು ಸೋ ದಿಸ್ಲೊ . ಭೀಷ್ಮಾ ಲೇ ಅಂಗಾ ಕವಚ ಭೇತ್ತುನ್ ಛಿದ್ರ ಝಲ್ಲೆ . ರಕ್ತಾ ಧಾರಾ ಮಧ್ಯೆ ಬಾಣ ಹತ್ತಾ ಧೋರ್ನ್ ಹುಂಮ್ಟಾನ್ ಕಾಡುಂಕ ಪ್ರಯತ್ನ ಕೆಲ್ಲೆ . ಮಾಕ್ಷಿ ಮಾಕ್ಷಿ ಯೆವಚೆ ಅರ್ಜುನಾಲೆ ಬಾಣ ... ಭೀಷ್ಮಾಕ  ರಥು ಸೋಣು ಸಕಲ ದೆಂವ್ಚೆ ತಶಿ ಕೆಲ್ಲೆ ಅರ್ಜುನಾನ .

ಭೀಷ್ಮ್ : " ಹಾ...  ಹಾ...  ಹಾ... ಮಕ್ಕ ಗೊತ್ತಸ್ಸ ಅರ್ಜುನಾ ... ಮಿಗೆಲೆ ಅಂಗಾ ಲಾಗ್ಗುನ್ ರಗತ ಪಿವ್ಚೆ ಏಕ್ - ಏಕ್  ಬಾಣ ತೂಗೆಲೆ ಮೋಣು ಮಕ್ಕಾ ಗೊತ್ತಸ್ಸ . ಆಚಾರ್ಯ ದ್ರೋಣಾ ... ತುಗ್ಗೆಲ್ ಶಿಷ್ಯ ಅರ್ಜುನ .. ಸಫಲ ಝಲ್ಲೋ ಹೇ ಯುದ್ಧಾ೦ತು ... ಧನ್ಯ ತೂ ಅಸಲೆ ಶಿಷ್ಯಾ ಕ ತಯ್ಯಾರ್ ಕೆಲ್ಲೆಲೊ .. " ಭೀಷ್ಮ ಚಂಮ್ಕುನ್ ಅರ್ಜುನಾಲೆ ರಥಾ ದಿಕಾನ ಯೆತ್ತಾ ಅಸ್ಸ ಕೃಷ್ಣಾ ಕ ಪೊಳೊನ್ ಹಾಸ್ಲೊ ...' ಹ್ಯೇ ! ಅಚ್ಚುತಾನಂತಾ ! ಮಕ್ಕಾ ಮೋಕ್ಶ ದೀ .. ಕೃಷ್ಣಾ ಕ ಪಾ೦ಯ್ ಪೊಳ್ಳೋ    " ಅಹ್ .. ಹಕ್ .. ಹೋ ... ಹೂ .. ವೋ .. " ಚೀತ್ಕಾರ ಕೆಲ್ಲೆ ಭೀಷ್ಮಾನ . ಯೆಕ್ಕಾ  ಮಕ್ಷಿ .. ಯೆಕ ಅರ್ಜುನಾಲೆ ಬಾಣ ಕವಚ ಭೇತ್ತುನ್ ಭಾಯಿರಿ ಯೆತ್ತಾ ಅಸ್ಸ . ಅರ್ಜುನಾಲೆ ಯೇಕ್ - ಯೇಕ್ ಬಾಣ ಅಂಗಾ ಲಗ್ತಾನಾ ,, ಭೀಷ್ಮಾನ ಅರ್ಜುನಾ ಕ ಆಶೀರ್ವಾದ್ ಕೆಲ್ಲೆ ... " ಆಯುಷ್ಯಮಾನ್ ಭವ .. " ಭೀಷ್ಮ್ಮಾ ಲೇ ಅಂಗಾಂತು ಬಾಣ ಲಗ್ಗನಾ ನಾತ್ತಿಲೆ ಜಾಗೊ ನಾ . " ಪಿತಾಮಹ ..!  ಮಕ್ಕ ಕ್ಷಮ ಕರಿ ಮೋಣು  ಸಂಘುನ್ .. ಅರ್ಜುನಾನ ಆಖೇರಿ ಬಾಣು ಮಾರ್ಲೊ . ತ್ಯೋ ಬಾಣು  ಭೀಷ್ಮಾಲೆ ಗಳೆ ಸಕಲ ಲಾಗ್ಗುನ್ ಲಕಯಿಲೆ ಮ್ಹಣ್ಕೆ ಝಲ್ಲೆ . ಭೀಷ್ಮ ಪಿತಾಮಹ ಧೊಪ್ಪನಿ ನೆಲಾರಿ ಪೊಳ್ಳೋ . ಅಂಗಾ ಲಗ್ಗಿಲೆ ಹಜಾರ ಬಾಣ ಶರ ಮಾಂಚೊ ಶೀ ಆಧಾರ್ ಘೇವ್ನು ನೆಲಾರಿ ಪೊಳ್ಳೋ . ಕೌರವ ಸೈನ್ಯ ಚಕಿತ ಝಲ್ಲೆ . ಅತಿರಥ , ಮಹಾರಥ .. ಯುದ್ಧ ರಬ್ಬೊನ್ ... ಭೀಷ್ಮ  ಪಿತಾಮಹಾ ನ ನೆಲಾರಿ ಪೊಡ್ಚೆ ಪೊಳೋನ್ ರಬಲೆ . ಧುರ್ಯೋಧನ , ದುಃಶ್ಶಾಸನ , ದ್ರೋಣ, ಕೃಪಾಚಾರ್ಯ ,  ಅಶ್ವಥಾಮ .. ಕುರು ವೀರ ಲೋಕು ಭೀಷ್ಮಾಲೇ ಸುತ್ತು ಯೇವ್ನ್ ರಬ್ಬುನ್ ಭೀಷ್ಮಾಲೇ ಕರುಣಾ ಜನಕ ಸ್ತಿಥಿ ಪೊಳೋನ್ ರಾಬಲೆ . ಅರ್ಜುನಾ ಲೆ ದೊಳೆಂತ್ ಧಾರಾ ಕಾರ ಜಾವ್ನ್ ಅಶ್ರು ದೇವ್ನ್ ಆಯಿಲ್ . ಪಿತಾಮಹಾ ..! ಪಿತಾಮಹಾ .. ! ಪಿತಾಮಹಾ .. ! ಮೋಣು ಸಂಘುನ್ ಭೀಷ್ಮ ಚರಣ ಹತ್ತಾ ಘೇವ್ನ್ ಮತ್ತೆಕ ಲಾಗ್ಗೋನ್ ಘೇವ್ನ್ ಕ್ಷಮಾಪಣ ಮಾಗಲಿ . "ಅರ್ಜುನಾ ಮಕ್ಕ ಮತ್ತೇ ಕ ಏಕ ಆಧಾರ ಜಾಯಿ ... ವೀರ ಶಯ್ಯೇಕ ಸಮಾನ ಮತ್ತೆ ಕ ಏಕ ಆಧಾರ ದೀ ... " ಮ್ಹಳ್ಳಲೋ ಭೀಷ್ಮ . ಅರ್ಜುನಾ ನ ಬಾಣ ಮಾರ್ನ್ ಮತ್ತೆ ಕ ಆಧಾರ ರ್ಕೊರ್ನ್  ದಿಲ್ಲೊ . " ಅರ್ಜುನಾ .. !ಮಕ್ಕಾ  ತಾನಿ ಯೆತ್ತಾ .. ಒಂಟ ಸುಕ್ಕುನ್ ಸಂಕಟ ಝಲ್ಲಾ .. ಮಕ್ಕಾ  ಪಾತಾಳ ಜಲ ಜಾವ್ಕಾ .. " ಅರ್ಜುನಾ ನ ವಾರುಣಾಸ್ತ್ರ ಮಾರ್ನ್ ಪಾತಾಳ ಗಂಗೆಕ ಹಡಾಯಿಲೆ . ಗಂಗಾ ಕಾರಂಜಿ ಜಾವ್ನ್ ಭೀಷ್ಮಾಲೆ  ತಾನಿ ನಿವ್ವಯಿಲಿ . ಗಂಗೆ ಕ ಪೊಳೋನ್ " ಅಮ್ಮಾ .. ತೂ ಅತ್ತ ಪುಣಿ ಆಯಿಲಿ ನವೇ .. ? ಪೊಳೆ ಅಮ್ಮಾ ಹಾಂವೆ ಮಿಗೆಲೆ ಕರ್ತವ್ಯ ಕೆಲ್ಲಾ ... ಮಿಗ್ಗೆಲೆ ಅನ್ನಾಕ ದಿಲ್ಲೆಲೆ ವಚನ ಪೂರ್ತಿ ಕೆಲ್ಲಾ . ಹಾಂವೆ ಧರ್ಲೆಲೆ ಕರ್ಮ ಮಾರ್ಗ ...ಹೇ ಕರ್ಮ ಮಾರ್ಗಾರಿ ಕುರು ರಾಜ್ಯಾಚೆ ಸೇವಾ ಕೆಲ್ಲಾ . ಪರಮಾತ್ಮಾಲಿ  ಆಜ್ಞಾ ಝಲ್ಲೇ ..ಅಮ್ಮಾ .. ! ಕೃಷ್ಣು ಸಾಂಗ್ತಾ ಹಾಂವೆ ವಂಚಿಲ್ ಪೂರೋ ಮ್ಹಣತಾ ಅಮ್ಮಾ ... ಸೃಷ್ಠಿ , ಜೀವ , ಲಯ ಜೀವನಾ ಚಕ್ರ ನಿಯಮ ಪಾಲನ ಕರಿ ಮ್ಹಣ್ತಾ .. ಅಮ್ಮಾ ! " 

ಗಂಗಾ : " ಬಳಾ ... ಪೂರೋ .. ಅತ್ತ ತೂ ಭುಯಿಂಚೇರಿ ಜನ್ಮಾ  ಆಯ್ಯಿಲೆ ಕಾರ್ಯ ಸಾಧನ ಝಲ್ಲಿ .. ತುಗೇಲಿ ಸಂಕಲ್ಪ .. ತುಗ್ಗೆಲ್ ಪಿತೃ ವಚನ ಸಮಾಪ್ತ ಝಲ್ಲೆ .. ಯೋ...  ತೂ ಮಿಗ್ಗೆಲೆ ವೊಟ್ಟು ಯೋ ... ಹಾಂವ ತುಕ್ಕ ಅಪ್ಪೋನ್ ವ್ಹರ್ತಾ ಬಳಾ .. ! " 

ಭೀಷ್ಮ : " ಅಮ್ಮಾ .. ! ಹಾಂವ ಇಚ್ಚಾ ಮರಣಿ . ಅತ್ತ ದಕ್ಷಿಣಾಯನ ಝತ್ತಾ ಅಸ್ಸ . ಉತ್ತರಾಯಣ ಯೆವ್ಚೆ ತಾಯ್ ಅನಿಕಾಯ್ 58 ದಿವಸ ಅಸ್ಸ . ತೆದೊಳ್ ತಾಯಿ .. ಹಾಂವ ಹೇ ಶರ ಶಯ್ಯಾವೈರಿ ಪ್ರಾಣ ದೊವೋರ್ನ್ ಘೆವ್ನ್ ರಕ್ಕುನ್  ರಾಬತಾ . ಮಿಗ್ಗೆಲೆ ಅಂತರಾತ್ಮ , ಪರಮಾತ್ಮಾ ಲೇ ಸ್ತುತಿ ಕೊರ್ನ್ ಪಾವನ ಜಾವ್ಕಾ ಮೋಣು  ಸಾಂಗ್ತಾ . ಅನಿಕಯ್ ಕುರು ರಾಜ್ಯ,  ಕೊಣಾಲೆ ರಾಜ್ಯ ಮೋಣು  ಇತ್ಯರ್ಥ ಜಾಯ್ನಿ .. ಹೇ  ರಾಜ್ಯ .. ಕುರುಕ್ಷೇತ್ರ ಯುದ್ಧಾ೦ತು ಕೋಣಾಕ ಜಯ ಝತ್ತಾ ಮ್ಹಳ್ಳೆಲೆ ಪೊಳೊಕಾ ಮೋಣು ದಿಸ್ತಾ .. "

ಗಂಗಾ : " ಬಳಾ ... ಯುದ್ಧ ಪರಿಣಾಮ .. ರಾಜ್ಯ ಇತ್ಯರ್ಥ್ ಕೋರ್ಚ್ಯಾಕ ವಾಸುದೇವು ಅಸ್ಸ .. !ತೂ ಕಸಲೇಕ ಹಾಂಗಾ ರಬ್ಬುಕಾ .. ? "

ಭೀಷ್ಮ : " ಕ್ಷಮಾ ಕರಿ ಮಾತೆ ... ಹ್ಯೇ  ಮಿಗೆಲೆ ನಿರ್ಧಾರು .. ! " ಗಂಗೆಕ ಮಿಗೆಲೆ  ಉತ್ತರ ಅಯ್ಕಾತಾಲೊ ಮನುಷು ನಯ್ ಮೋಣು ಕಳ್ಳೆ . ಭೀಷ್ಮಾಲೆ ಮತ್ತೇಕ ಪ್ರೀತಿನ ಅಪ್ಪೋಣ್ " ತುಗ್ಗೆಲ್ ನಾಂವ ಚಿರಾಯು ಝವ್ವೊ ... ಚರಿತ್ರಾರ್ಥ್ ಝಾವ್ವೊ .. ಸೂರ್ಯ ಚಂದ್ರ ಕೆದನಾ ತಾಯ್ ಆಸ್ಸತಿ ಕೀ .. ತೆದೊಳ್ ತಾಯ್ಯ್ ... ತುಗ್ಗೆಲ್ ನಾಮ ಸ್ಮರಣ ಲೋಕು ಕರ್ತಾಲೆ " ಮೋಣು ಆಶೀರ್ವಾದ ಕೆಲ್ಲೊ . ದೊಳೆ ಉದ್ದಾಕ  ಕಾಣು ಅಂತರ್ಧಾನ ಝಲ್ಲಿ ಗಂಗಾ . ರಾಜ ವೈದ್ಯ ಯೇವ್ನ್ ಭೀಷ್ಮಾಲೆ  ಅಂಗಾ ಜಲ್ಲೆಲೆ ಘಾಯಾ ಕ ವಕ್ಕದ , ಲೇಪು ಲಾವುಂಕ ಪ್ರಯತ್ನ ಕೆಲ್ಲೆ . ಭೀಷ್ಮಾನ ಸನ್ನಿ ಕೊರ್ನ್ ನಜ್ಜ ಮ್ಹಳ್ಳಲೋ . ಭೀಷ್ಮಾನ ಪೊಳ್ಳೆಲೆ ಜಾಗೇರಿ ಅಂಗರಕ್ಷಕ ದೊವೋರ್ನ್  ರಾತಿ ಫಲ್ಲೆ  ಸೇವೆಕ ನಿಯುಕ್ತಿ ಕೆಲ್ಲಿ ಧುರ್ಯೋಧನಾ ನ . ಕುರು ಶಿಬಿರಾಂತು ಭೀಷ್ಮಾನ ಶರ ಶಯ್ಯಾರಿ ನಿದ್ದಲೆಲೆ  ವಿಷಯು ಸರ್ವಾಂಕ ಕಳ್ಳೆ . ಭೀಷ್ಮ ಪಿತಾಮಹ , ಯುದ್ಧಾ೦ತು ಹೇ ರೀತ್ಯೇರಿ ಶರ ಶಯ್ಯಾರಿ ಪೊಡ್ತಾಲೊ ಮೋಣು ಧುರ್ಯೋಧನಾ ನ ಲೆಕ್ಕನಿ . ಕಪಟಿ ಕೃಷ್ಣ .. ! ಅರ್ಜುನಾ ವೈರಿ , ಮಹಾ ಕೋಪು ಅಯಿಲೊ . ದಾಂತ ಕರ ಕರ ನಿ ಚಬ್ಬುನ್ ... ಪ್ರತೀಕಾರ ಕೋರ್ಕಾ ಮೊಣು ನಿರ್ಧಾರ್ ಕೆಲ್ಲೊ .

                              ಕುರು ಕ್ಷೇತ್ರ ಭೂ೦ಯ್ತು ಭೀಷ್ಮ ಪಿತಾಮಹ ಶರ ಶಯ್ಯಾರಿ ಪೊಳ್ಳೆಲೆ ವಿಷಯು ಕರ್ಣಾಕ ಕಳ್ಳೆ . ತ್ಯೆ ರಾತ್ರಿ ಮತ್ತೇರಿ ನಾವ್ನ್ ಭೀಷ್ಮ ಪಿತಾಮಹಾಲೆ ಜಾಗೇರಿ ಅಯಿಲೊ . ಭೀಷ್ಮ ದೋಳೆ  ಧಾಂಕುನ್ , ಸಾಮ ವೇದ ಉಚ್ಚಾರು ಕರ್ತಶಿಲೋ . ಭುಂಯ್ಚೆರಿ ಸೊಕ್ಕು ಲಗ್ಗಿಲೆ ಸಿಂಹು , ಘಾಯು ಜಾವ್ನ್ ... ಆಖೇರಿಘಡೇಕ ರಾಕ್ಲೆ ಮ್ಹಣ್ಕೆ ಅಶಿಲೋ ಭೀಷ್ಮ ಪಿತಾಮಹ ... ಬಂಧು ಭಾಂಧವಾಂಕ ದೂರ ಜಾವ್ನ್ ... ಇಚ್ಚಾ ಮರಣಿ ಜಾವ್ನ್ .. ಆತ್ಮ ತ್ಯಾಗ ಕೋರ್ಕಾ ಮೊಣು ಅಷ್ಶಿ ಶರ ಶಯ್ಯಾರಿ ಪೊಳ್ಳೆಲೆ ಪೊಳೊನ್ .. ಕರ್ಣಾ ಕ ದೊಳೆ ಬೋರ್ನ್ ಆಯಿಲೆ . ಲಗ್ಗಿ ಪಾವ್ನ್ ಭೀಷ್ಮ ಚರಣಾಕ ಸ್ಪರ್ಶ ಕೊರ್ನ್ .. ಶಿರ ನಮನ ಕೆಲ್ಲೆ . ಕರ ಸ್ಪರ್ಶಾ ಕ ಭೀಷ್ಮ ಜಾಗೊ ಝಲ್ಲೋ ... " ಕೋಣ .. ? " ಮೋಣು ನಿಂಮ್ಗಿಲೆ . " ಹಾಂವ ಪಿತಾಮಹಾ .. ಹಾಂವ ರಾಧೇಯ " ಮ್ಹಳ್ಳಲೋ ಕರ್ಣ . 

" ಲಗ್ಗಿ ಯೋ ಬಾಳಾ " ಮೋಣು ಪ್ರೀತ್ಯೇನ ಅಪ್ಪಯಿಲೆ ಭೀಷ್ಮಾನ.

ಕರ್ಣ : " ಪಿತಾಮಹಾ .. ! ಹಾಂವೆ ಫಲ್ಲೆ  ದುಕೂನ್ ಯುದ್ಧಾ ಕ ಯೆವ್ಕಾ ಮೋಣು ಲೆಕ್ಲಾ ... ಹಾಂವ ತುಗೆಲೆ ಆಶೀರ್ವಾದ ನಿಂಮ್ಗುಚ್ಯಾ  ಅಯಿಲಾ ... ! ಫುಳ್ಳೆ  ಕೋಪು ಸೋಣು ಮಕ್ಕಾ  ಆಶೀರ್ವಾದ ಕರಿ .. ಪಿತಾಮಹಾ .. " 

ಭೀಷ್ಮ : " ಕರ್ಣಾ.. !  ಲಗ್ಗಿ ಯೋ .. ಕುಮಾರಾ ..! " ಕರ್ಣ ,  ಮತ್ತೆ ಲಗ್ಗಿ  ಯೇವ್ನ್ ರಾಬ್ಲೊ . " ಅಂಗರಾಜಾ .. ಮಕ್ಕಾ  ಕೆದನಾಯ್ ತುಗ್ಗೆಲ್ ವೈರಿ ದ್ವೇಷ ನಾ ಬಾಳಾ ... ತುಗೆಲೆ  ಹಿತ ಬೋಧ ನಿಮಿತ್ಯ  ... ಧುರ್ಯೋಧನ ಅಕಾರಣ ಜಾವ್ನು ದೈಜಿ ಕಲಹಾಂತು ಪೊಡ್ತಾ .. ಮೋಣು ಮನಾ ಬಾಧಾ ದಿಷ್ಶಿಲೆ ಅಸ್ಸ .. ತಿತ್ಲೆಂಚಿ .. ಕರ್ಣಾ .. ! ಹಾಂವೆ ಮೊರ್ಚೆ  ಫೂಡೆ .. ತುಕ್ಕಾ ಏಕ ರಹಸ್ಯ ಸಂಘುಕಾ ಮೋಣು  ಅಷ್ಶಿಲೋ ... ತಕ್ಕಾ ಕಾಲು ಅಯಿಲಾ ಮೋಣು ದಿಸ್ತಾ ... ಮಿಗೆಲೆ ಉತ್ತರಂ ಅಯಿಕುನ್ .. ಮನಾ ಸ್ಥೈರ್ಯ ಕಾಣ್ ಘೆವ್ಚ್ಯಾ ನಜ್ಜ .. "  ಕರ್ಣ : " ತ್ಯೆ ಕಸಲೆ ರಹಸ್ಯ ಪಿತಾಮಹಾ .. ? " 

ಭೀಷ್ಮ : " ತೂ .. ರಾಧೇಯ ನಯ್ಯ್ ಬಾಳಾ ... ! ತೂ ಸೂತ ಪುತ್ರ ನಯ್ಯ್ .. ! ತೂ ಕುಂತೀ ಪುತ್ರ ... !! ಸೂರ್ಯ ಭಗವಾನ್ ತುಗೆಲೆ ಬಪ್ಪುಸು ... ದೈವಾಂಶ ಸಂಭೂತ ತೂ ! ಗತ ಜನ್ಮಾಂತು ತೂ .. ' ನಿವಾತ ಕವಚ ' ಮೋಣು ತುಗೆಲೆ ನಾಂವ . ಮಕ್ಕಾ ವ್ಯಾಸ ಮಹರ್ಷಿನ ಸಂಘಿಲೆ .. ಬಾಳಾ .. !" 

                              ಇತ್ಲೆ ಸಂಗ್ತಾನ .. ಕರ್ಣಾಲೆ ದೊಳೆ ದುಕುನ್ ಧರಾಂಧರಿ ಅಶ್ರು ಜಲ ದೆಂವ್ಲೆ .. ದೋನಿ ಬಿಂದು ಭೀಷ್ಮಾ ಲೆ ಹತ್ತಾರಿ ಪೊಳ್ಳೇ . ", ದುಃಖ ಕೋರ್ನುಕಾ ಬಾಳಾ .. ! ಅಂಮ್ ಕಾ ಸರ್ವಾಂಕ ಕೋಳ್ನು ಆಮ್ಗೆಲೆ ಜನನ ಜಾಯ್ನಾ .. ಕೊಳ್ನ್ ಮರಣ ಯೇನಾ ... ಮಾತ್ರ , ಅಂಮ್ ಕಾ ಕೋಳ್ನುಚಿ ... ಜೀವನ ಚಕ್ರ , ಕಾಲ ಚಕ್ರ ಘು೦ವತಾ ಕರ್ಣಾ .. ! ಮಿಗೆಲೆ  ಮರಣಾ ನಂತರ ಪುಣಿ ಧುರ್ಯೋಧನಾ ಕ ಚಾಂಗ ಬುದ್ಧಿ ಎತ್ತಲಿ .. ತೂ ಪಾಂಡವ ಪಕ್ಷಾಕ ಮೆಳ್ಳೇರಿ ಹ್ಯೇ  ಯುದ್ಧ ರಾಬ್ತಲೆ .. ಅಕಾರಣ ಜಾವ್ನ್ ರಕ್ತ ಪಾತ ಜಾವ್ಚ್ಯೆ ರಬ್ಬತಾಲೆ .. ! ತೂ ನಾತ್ಲೆರಿ ಧುರ್ಯೋಧನ ಯುದ್ಧ ಕರ್ನಾ ಕುಮಾರಾ  .. ತುಗೆಲಿ ಸಹಮತಿ ಅಸ್ಲೇರಿ ... ಧರ್ಮಜ , ಭೀಮ , ಅರ್ಜುನಾ ಕ   ಮಿಗ್ಗೆಲೆ ಎದ್ರಾಕ ಅಪ್ಪೋನ್ , ... ತೂ ಪಾಂಡವ ಅಗ್ರಜ ಮೋಣು  ಘೋಷಣಾ ಕರ್ತಾ ಕುಮಾರಾ ... ! " ಮ್ಹಳ್ಳಲೊ ಭೀಷ್ಮ .

ಕರ್ಣ : " ಕ್ಷಮಾಪಣ  ಅಸ್ಸೋ ಪಿತಾಮಹಾ .. ! ಮಿಗ್ಗೆಲೆ ಜನ್ಮ ರಹಸ್ಯ ಕುಂತಿ ಮಾತೆಲೆ ನಿಮಿತ್ಯ ಕಳ್ಳೆ .. ತೂ೦ವೇ ಸಂಘಿಲ್ ತಶಿ .. ಹಾಂವೆ ಪಾಂಡವ ಪಕ್ಷಾಕ ಗೆಲ್ಲೆರಿ ... ಧುರ್ಯೋಧನ ,  ಆತ್ಮ ಹತ್ಯಾ ಕೊರ್ನ್ ಘೆತ್ತಲೊ ... ! ಹಾಂವ ಎಕ್ಲೊ ನತದೃಷ್ಟ ... ಸನ್ನ್ ಪಣಾ ದುಕೂನ್ ಅವಮಾನ ಬೊಗ್ಗುನ್ ಹೋಡು ಝಲ್ಲಲೊ ... ಶ್ರಾಪು ಗೀಳ್ನ್ ಜೀವನ ಕಾಡ್ತಾ ಅಸ್ಸ . ಪಾಂಡವ ಕಷ್ಶಿ ಮಿಗೆಲೆ ಭಂವಢ ಕಿ ,  ತಶೀ೦ಚಿ ಮಕ್ಕಾ ಧುರ್ಯೋಧನ ..  ಪಿತಾಮಹಾ ... ! ಧುರ್ಯೋಧನಾ ಕ ತುಮ್ಮಿ ಏಕ ದೃಷ್ಠಿರಿ  ಪೋಳ ಯಿಲಾ ಝಲ್ಲೆರಿ .. ಹಾಂವೆ ಸರ್ವ ದೃಷ್ಠಿರಿ ಪೊಳೈಲಾ . ತ್ಯೋ ಮಿಗೆಲೆ ಸ್ವಾಮಿ .. ! ಮಿಗೆಲೆ ಪ್ರಭು , ಮಿಗೆಲೆ  ಭಾವು , ಮಿಗೆಲೆ ಆಪ್ತ ಮಿತ್ರ , ಮಿಗೆಲೆ ಜೀವನಾಚೆ ಸರ್ವಸ್ವ ... ಆಪ್ತು ... ಧುರ್ಯೋಧನ . ! ತಾಗೆಲೆ ಖಾತಿರಿ  ಮೊರ್ಚ್ಯಾಂತು ಮಕ್ಕ ಸೂಖ ಅಸ್ಸ , ತೃಪ್ತಿ ಅಸ್ಸ . ಜೀವನಾಚ್ಯೆ ಆಖೇರಿ ಘಡಿಂತು ಹಾಂವ ಭ್ರಷ್ಟ ಜವ್ವು೦ಕ ತಯ್ಯರ ನಾ ಪಿತಾಮಹಾ .. ! ಮಿಗೆಲೆ ಜೀವನ ಅಶೀ೦ಚ್ಯಿ ಕಯಿದ ಝವ್ವೋ  .. ಧುರ್ಯೋಧನಾಲೆ ಮಿತ್ರ , ಸ್ನೇಹಿತ ಮೋಣು ಪ್ರಪಂಚ ಮಕ್ಕಾಪೋಳೋವೋ  . ಮಕ್ಕಾ ಪ್ರಭುಲೆ ಋಣ ಪಾವ್ವೊಕಾ .. ಪಿತಾಮಹಾ .. ! " ಮ್ಹಳ್ಳಲೋ ಕರ್ಣ  . ತಾಕ್ಕಾ ಆಶ್ಚರ್ಯ..  ದುಃಖ .. ಜನ್ಮ ರಹಸ್ಯ ... ಕುಂತಿನ ಸೆರಗ ಧೋರ್ನ್ ' ಅಮ್ಮಾ ಮೋಣು ಏಕ ಪೋಟಿ ಅಪ್ಪಯಿ ' .. ದೇಹೀ ಮ್ಹಳ್ಳೆಲೆ ... ಕೃಷ್ಣಾ ಲೆ ವಿಚಾರು .. ಹಿತ ಭೋಧ .. ಉಡ್ಘಾಸು ಅಯಿಲೊ . ಹ್ಯೇ ದೇವಾ ... ! ಮಕ್ಕಾ ಎಕ್ಲೇಕ ಸೋಣು ... ಬಾಕಿ ಸರ್ವಾಂಕ ಮಿಗೆಲೆ ಜನ್ಮ ರಹಸ್ಯ ಗೊತ್ತಶಿಲೆ ... ಸರ್ವ ಲೋಕಾನಿ ಮಕ್ಕಾ ... ಮೌನ ಜಾವ್ನ್ ... ಜೀವಂತಿ ದಿವಿಶಿ ಮಾರ್ಲೆ ... ಮ್ಹಳ್ಳೆಲೆ ಮನಾ ಆಯಿಲೆ  ಕರ್ಣಾಕ . 

ಭೀಷ್ಮ : " ಕರ್ಣ ಕುಮಾರಾ .. ! ಕಸಲೆಕ ಹ್ಯೇ  ಹಠ .. ? " 

ಕರ್ಣ : " ಹಠ ನಯ್ಯ್ ಪಿತಾಮಹಾ .. ! ಪ್ರಭು ನಿಷ್ಠಾ .. ಸ್ವಾಮಿ ಭಕ್ತಿ .. ಸ್ನೇಹ ಧರ್ಮ .. ಕರ್ಮ ದೀಕ್ಷಾ ... ಹ್ಯೇ ಸೇವಾ ಧರ್ಮಾ ನಿಮಿತ್ಯ .. ಹಾಂವ ತುಂಮ್ ಗೆಲೆ ದೃಷ್ಟಿ೦ತು  ವಾಯ್ಟ್ ದಿಸ್ತಾ . ಹಾಂವ ಕಸಲೇ ..  ಮೊಣು ಮಿಗೆಲೆ ಅಂತರಾತ್ಮಾ ಕ  ಗೊತ್ತಸ್ಸ . ಹಾಂವೆ ಕೆದನಾಯ್ ಅಧಿಕಾರಾಕ , ದುಡ್ಡುವಾಕ , ಶಾರೀರಿಕ ಕಾಮ ಭೋಗಾ ಕ ಆಶಿ ಕೆಲ್ಲೆಲೋ ನಯ್ . ಧುರ್ಯೋಧನಾ ಖತಿರಿ ಪಾಂಡವಾಂಗೆಲೆ ವೈರತ್ವ ಬಾಂಧುನ್ ಘೆತ್ಲೆ . ಮಕ್ಕ ಕೊಣಾ ವೈರಿ ವೈರತ್ವ , ದ್ವೇಶ  ನಾ ಪಿತಾಮಹಾ .. ! ಹ್ಯೇ  ಮಿಗೆಲೆ ದುರಾದೃಷ್ಟ ... ನಿಡ್ಲಾರಿ ಬೋರಯಿಲೆ ವಿಧಿ ಲಿಖಿತ .. "

ಭೀಷ್ಮ : " ಜವ್ವೋ ... ಅಮ್ಮಿ ಕಸಲ್ಕಿ ಲೆಕ್ಕುನ್ ಆಮ್ಗೆಲೆ ಜೀವನ ವಾಯ್ಟ್ ಕೊರ್ನ್ ಘೆತ್ಲೆ ... ಅಮ್ಮಿ ಲೆಕ್ಕಿಲೇ ಕಸಲೆಯ್ ಜಾಯ್ನಾ ... ಕರ್ಮಾ ಪ್ರೇರಣಾ ಜಾವ್ನ್ ಯುದ್ಧ ಕರಿ ... ಉದಾತ್ತ ಸ್ನೇಹಾ ಕ ಉದಾಹರಣ ಝಾ ... ತುಗ್ಗೆಲ್ ಜೀವನ ಚರಿತ್ರಾರ್ಥ ಜವ್ವೋ " ವಾಪಾಸ್ ಭೀಷ್ಮಾ ಕ ಪಾಂಯ್ಯ್ ಪೋಣು , ಆಶೀರ್ವಾದು ಘೆವ್ನ್ , ಕರ್ಣ ತಗೆಲ್ ಶಿಬಿರಾಕ ಚ೦ಮ್ಕಲೊ . 

                                 ತ್ಯೆ ರಾತ್ರಿ ... ವ್ಯಾಸ ಮಹರ್ಷಿನ ಯೇವ್ನ್ ಭೀಷ್ಮಾಕ ಪೊಳಯಿಲೆ . " ಗಂಗಾ ಪುತ್ರ .. ! ದೇವವೃತ ... ಭೀಷ್ಮಾ .. ! ತೂ೦ವೆ ಜನ್ಮಾ ಆಯ್ಯಿಲೆ ಕಾರ್ಯ ಸಂಪನ್ನ ಝಲ್ಲೆ . ತ್ಯೆ ಪರಮಾತ್ಮಾಲೆ  ಧ್ಯಾನ ಕರಿ . ತುಗೆಲೆ ಆತ್ಮ ಪರಮಾತ್ಮಾಲೆ ಚರಣಾರಿ ದವರಿ ಅನಿ ಪುನೀತ ಝಾ . " ಮ್ಹಳ್ಳಲೋ ವ್ಯಾಸಮಹರ್ಷಿ

ಭೀಷ್ಮ : " ಗುರು ದೇವಾ .. ! ಮಹಾತ್ಮಾ .. ! ಹಾಂವ ಉತ್ತರಾಯಣಾ ಕ ರಾಕ್ತಾ . ಮಿಗ್ಗೆಲೆ ನಾತ್ವಾನ ದಿಲ್ಲೆಲೆ ಶರ ಶಯ್ಯಾ ವೈರಿ ಆತ್ಮ ಸಮರ್ಪಣಾ ಜವ್ವೋ ತಾಯ್ ತಪಸ್ಯ ಕರ್ತಾ .. ಪರಮಾತ್ಮಾಲೆ  ಧ್ಯಾನ ಕರ್ತಾ ... ದೀಕ್ಷಾ ದೀ ಗುರುದೇವಾ " ಮ್ಹಳ್ಳಲೋ ಭೀಷ್ಮ . ದೇವ ಲೋಕಾ ದುಕೂನ್ ವಸು ಲೋಕು ಅಯಿಲೆ . ಶರ ಶಯ್ಯಾ ವೈರಿ .. ಅಂಗಾ ಜಲ್ಲೆಲೆ ಘಾಯ ದೂಕಿ ಜಾಯ್ನಾಶಿ ವರ ದಿಲ್ಲೆ . ಉತ್ತರಾಯಣಾ ತಾಯ್ ಇಚ್ಚಾ ಮರಣಿ ಕ ಮನೋ ಧೈರ್ಯ ಜಾವ್ಕಾ ಮೋಣು ಆಶೀರ್ವಾದ ಕೆಲ್ಲೆ . 

                             ಸಂಜಯಾ ನಿಮಿತ್ಯ ... ಧ್ರತರಾಷ್ಟ್ರಾಕ ವಿಷಯು ಕಳ್ಳೊ . " ಮಹಾಪ್ರಭು .. ! ವ್ಯಾಸ ಮಹರ್ಷಿನ ... ಪಿತಾಮಹಾ ಕ ದೀಕ್ಷಾ ದಿಲ್ಲಿ . ಅತ್ತ ಪಿತಾಮಹಾಲೇ ತೊಂಡಾರಿ ಏಕ  ತೇಜ ಪುಂಜ ಅಯಿಲಾ .. ಮನಾಂತು ಕಾಯೀ ದುಃಖ ನಾ .. ಕರ್ಮ ಯೋಗಿಕ ... ವ್ಯಾಸ ಗುರುದೇವಾ ಕ ಪೊಳೋನ್ , ಸಂತೋಷು ಝಲ್ಲಾ . "     ಧ್ರತರಾಷ್ಟ್ರ ... ಗಳ-ಗಳ ನಿ  ರಳ್ಳೋ ... ಹ್ಯೇ  ದೇವಾ .. ! ಪೂಜನೀಯ ಪಿತಾಮಹಾಲೆ ಹ್ಯೇ  ಪರಿಸ್ಥಿತಿ ಕ ...  ಹಾಂವ ಕಾರಣ ಝಲ್ಲೋಮು ದೇವಾ ... ! ಮೋಣು ಪಶ್ಚಾತ್ತಾಪ  ಪಾವಲೋ  . ಅಂತಃಪುರಾಂತು ಶರ ಶಯ್ಯಾರಿ ಪೊಳ್ಳೆಲೆ ... ಆತ್ಮ ಸಮರ್ಪಣಾ ಕ ರಕ್ಕುನ್  ರಬ್ಬಿಲೆ  ಪಿತಾಮಹಾಲೆ ವಿಷಯು ಆಯಿಕುನ್ ಸರ್ವ ಶೋಕ ತಪ್ತ ಝಲ್ಲೆ . 

ಉಮಾಪತಿ 

         

MAHABHARATH Part - 50 ( Konkani Bhashentu ) Maha yuddha .. Navva divasaachya yuddha

MAHABHARATHA   Part - 50    ( Konkani Bhashentu )

                                           ಮಹಾಯುದ್ಧ .. ನವ್ವಾ ದಿವಸಾಚ್ಯ್  ಮಹಾಯುದ್ಧ

                  ನವ್ವಾ ದಿವಸಾಚ್ಯೇ ಮಹಾಯುದ್ಧ ಆರಂಭ ಝಲ್ಲೆ . ಆಜಿ ಭೀಷ್ಮಾನ ' ಸರ್ವತೋ  ಭದ್ರ ವ್ಯೂಹ ' ರಚನಾ ಕೆಲ್ಲೆ .. ನೀಡಲಾರಿ ಅರ್ಧ ಚಂದ್ರಾ ಕಾರ ತಿಲಕ ದವರ್ಲಾ . ಶ್ವೇತ ರೇಶ್ಮಿ ವಸ್ತ್ರ ಧಾರಣ ಕೊರ್ನ್ ... ಭಾರ್ಘವ ರಾಮಾಲೆ ಮ್ಹಣ್ಕೆ  ದಿಸ್ತಾ ... ಭೀಷ್ಮಾಕ ಪೋಳಯಿಲೆ ಕೃಷ್ಣಾ ನ ... " ಅರ್ಜುನಾ .. ! ಪಿತಾಮಹ ಆಜಿ ಪೊಳೋ ಚ್ಯಾಕ ತಪೋ ಶಿವ ಶೀ ದಿಸ್ತಾ ... ಆಜಿ ಜಾಗ್ರತೆ ಕರಿ .. " ಭೀಷ್ಮ ಅಗ್ನಿ ಪರ್ವತಾ ಮ್ಹಣ್ಕೆ  ... ಅಗ್ನಿ ಜ್ವಾಲಾ ಭಾಯಿರಿ ಆಯಿಲ್ ಪರ್ವತಾ ಮ್ಹಣ್ಕೆ ... ಪಾಂಡವ ಸೈನ್ಯಾ ವೈರಿ ಪೊಳ್ಳೋ .. ! ಪಾಂಚಾಲ , ಮತ್ಸ್ಯ , ಕರೂಶ , ಮಗಧ , ಸೈನ್ಯಾ೦ಕ ... ಗದ್ದೆ ರಬ್ಬಿಲೆ ಭತ್ತಾ ಶೇತ ಶೇ ಕತ್ತರ್ತಾ ಅಸ್ಸ . ಅತಿರಥ , ಮಹಾರಥ ರಾಯಾಂಕ ಬೋಂಬೆ ಮ್ಹಣ್ಕೆ ನಂಚಯಿತಾ  ಅಸ್ಸ . ಭೀಷ್ಮಾಲೆ ರಥ ರಬ್ಬಿಲೇ ಕಡೆನ ರಬ್ಬ ನಾ . ಆಕಾಶ ಮಿಂಚು ಸೋ ಚಾರಿ ದಿಕಾನ ಘು೦ವ್ನು ನಾಶ ಕೊರ್ಚಾ ಲಾಗ್ಲೊ . ಪಾ೦ಡವ  ಸೈನ್ಯ ಮಧ್ಯೆ ವೊಚ್ಚುನ್ ಹಜಾರ್ ಹಜಾರ್ ಸೈನ್ಯಾ೦ಕ ನಾಶ ಕರ್ತಾ ಅಸ್ಸ . ರಣ ಭೂಮಿ೦ತು ವೀರ ವಿಹಾರ ಕರ್ತಾ ಅಸ್ಲೆರಿ ... ಪಾಂಡವ ಸೈನ್ಯ ಹಾ ಹಾಕಾರ ಕರ್ತಾಚಿ ಧಾಂವ್ನ್ ವತ್ತಾ ಆಸ್ಸತಿ  " ಕೃಷ್ಣಾ ...! ಆಜಿ ಭೀಷ್ಮ್ ಪಿತಾಮಹಾ ಕ ಪೋಳಯಿಲ್ ವೇ ? " ಮೋಣು  ನಿಂಮ್ ಗಿಲೆ ಅರ್ಜುನಾನ , "  ವಯ್ ..  ಪಾರ್ಥಾ ! ದಿವ್ವೋ  ವಾಡ್ವಾನ್  ವೊಚ್ಛೆ ಫುಡೇ ... ದಿವ್ವೋ ಅನಿಕಾಯ್ ಮಸ್ತ  ಪ್ರಕಾಶ ಮಾನ ಜಾವ್ನ್ ಜೊಳ್ತಾ . ಅತ್ತ ತುಗ್ಗೆಲ್ ರಥ , ಭೀಷ್ಮಾಲೆ ಎದ್ರಾಕ ವ್ಹರ್ತಾ... " ತೀನಿ ನಿಮಿಷ ಭಿತರಿ ಕೃಷ್ಣಾ ನ ಅರ್ಜುನಾಲೆ ರಥ , ಭೀಷ್ಮಾಲೆ ಯೆದ್ರಾ ಕ ಹಾಣು ರಬ್ಬಯಿಲೆ. ಕೃಷ್ಣಾ ಅರ್ಜುನಾಕ ಪೋಳಯಿಲ್ ಸತಾನ ಭೀಷ್ಮಾನ ಸಿಂಹ ನಾದ ಕೆಲ್ಲೆ . " ಅರ್ಜುನಾ ... ಹೇ ಮಂಥಾರೆಲೆ ಜೀವನ ಕಯಿದ ಝಲ್ಲೆ ... ಕಾಯೀ ಸಂಕೋಚ ನಾಶಿ ಯುದ್ಧ ಕರಿ ... ತುಗ್ಗೆಲ್ ಶರ ವಿದ್ಯಾ ನೈಪುಣ್ಯ ಮಕ್ಕ ದಕ್ಕಯಿ " ಮ್ಹಳ್ಳಲೊ ಭೀಷ್ಮ .  ಭೀಷ್ಮಾನ  ಅರ್ಜುನಾ ನ ಗಾಂಡೀವ ಉಬ್ಬಾರ್ನ್ ಬಾಣ ಸೊಡ್ಚ್ಯೆ ಫುಡೇ ಚಿ ... ಕೃಷ್ಣಾರ್ಜುನಾ ವೈರಿ ಹಜಾರ ಬಾಣಾ ವೃಷ್ಟಿ ಕೆಲ್ಲಿ . ರಥಾಶ್ವ ಬಾಣ ಲಾಗ್ಗುನ್ ಖೇ೦ಕಾರ ಕೆಲ್ಲೆ . ಅರ್ಜುನಾ ನ ದೊನ್ನಿ ಹತ್ತಾನಿ ಬಾಣ ಪ್ರಯೋಗ ಕೆಲ್ಲೆ . ಕೃಷ್ಣಾ ಲೇ ರಥ ಸಾರಥ್ಯ , ಅರ್ಜುನಾಲೆ  ಶರ ಸಂಧಾನ ಪೊಳೋ ನ್ ಭೀಷ್ಮಾ ಕ ಸಂತೋಷು ಝಲ್ಲೋ " ಅರ್ಜುನಾ ..! ಮಕ್ಕಾ ' ಶರಣು ' ಮೋಣು  ಸಂಘುನ್ ನಮನ ಕರಿ .. ತುಕ್ಕಾ ಸೊಡ್ತಾ ... ತೆದೊಳ್ ತಾ೦ಯಿ ತುಕ್ಕಾ ಸೋಣಾ ... " ಮೋಣು ಸಂಘುನ್ ಶರ ಪಂಜರ ರಚನ ಕೊರ್ನ್ ... ಕೃಷ್ಣಾ ಕ ರಥ ಹಲ್ಲಯಿನಾ ತಶಿ ಕೆಲ್ಲೆ . ನರ ನಾರಾಯಣಾ ಕ ಶರ ಪಂಜಾರಾಂತು ಬಂಧಿ ಕೆಲ್ಲೆ . ಆಕಾಶಾರಿ ದೇವಾ ಲೋಕಾನಿ ಭೀಷ್ಮಾ ವೈರಿ ಪುಷ್ಪ ವೃಷ್ಟಿ ಕೆಲ್ಲಿ . ಕುರು ಯೋಧಾನಿ ಶಹಬ್ಬಾಶ ಮೋಣು  ಸಂಘುನ್ ಭೀಷ್ಮಾ ಲೆ  ಜಯಕಾರು ಕೆಲ್ಲೊ . ಕೋಪು ಆಯ್ಯಿಲೆ ಕೃಷ್ಣಾರ್ಜುನಾಕ ಪೊಳೊನ್ ಭೀಷ್ಮಾಕ ಸಂತೋಷು ಝಲ್ಲೋ . ಹಾಂವ ಕೃತಾರ್ಥ್ ಝಲ್ಲೋ ... ಮಿಗೆಲೆ  ಶಸ್ತ್ರ ಪಾಂಡಿತ್ಯ ಸಫಲ ಝಲ್ಲೆ ...! ನಾತ್ಲೆರಿ ನಾರಾಯಣಾಕ ಬಂಧನಾ ಪೊಳೋಚ್ಯಾ ಝತ್ತವೇ ! ಹಾಂವ ಧನ್ಯ ಝಲ್ಲೋ .... ಮೋಣು  ಭೀಷ್ಮಾನ ಲೆಕ್ಲೆ .  " ಅರ್ಜುನಾ .. ! ಹ್ಯೇ ಶರ ಪಂಜರ ಬೇಧ ಕರಿ ... ದಿವ್ಯಾಸ್ತ್ರ ಕಾಡಿ " ಮ್ಹಳ್ಳಲೋ ಕೃಷ್ಣು . ಅರ್ಜುನಾ ನ ಇಂದ್ರಾಸ್ತ್ರ ಸೋಣು ಶರ ಪಂಜರ ಛಿಧ್ರ ಕೆಲ್ಲೆ . ಭೀಷ್ಮ ಅರ್ಜುನಾ ಮಧ್ಯೆ ಭೀಷಣ ಯುದ್ಧ ಝಲ್ಲೆ . ಅರ್ಜುನ್ ಭೀಷ್ಮಾ ವೈರಿ ... ದಿವ್ಯಾಸ್ತ್ರ ಸೊಡುಂಕ ಮಾಕ್ಷೇತ ಮೋಣು  ಕೃಷ್ಣಾ ಕ ಕಳ್ಳೆ " ಅರ್ಜುನಾ ..! ತುಜ್ಯಾ ನ ಜಾಯ್ನಾ ನಾತ್ಲೆರಿ ಸಾಂಗ .. ಹಾಂವ ಅಭಿಮನ್ಯು ಕ ಅಪ್ಪಯಿತಾ " ಮ್ಹಳ್ಳಲೊ ಕೃಷ್ಣು . ತೆದೊಳ್ ಭಿತರಿ ... ಭೀಷ್ಮಾನ ಸೊಳ್ಳ ಲೊ ಏಕು ಬಾಣು  ಕೃಷ್ಣಾಕ ಹತ್ತ ಲಾಗ್ಗುನ್ ಘಾಯು ಝಲ್ಲೋ . ಕೃಷ್ಣಾ ಕ ಅನಿಕಾಯ್ ಕೋಪು ಅಯಿಲೊ .. ಆವೇಷು ಯೇವ್ನ್ ರಥಾರಿ ಚೋಣು ರಬ್ಬುನ್ " ಭೀಷ್ಮಾ ..! " ಮೋಣು ಭೀಷ್ಮಾ ದಿಕಾನ ಪೋಳಯಿಲೆ . ಭೀಷ್ಮಾ ನ , ಕೃಷ್ಣಾಲೆ  ಹತ್ತಾ೦ತು ಸುದರ್ಶನ ಚಕ್ರ ಘು೦ವ್ಚೆ ಪೋಳಯಿಲೆ ! ಭೀಷ್ಮ ರಥಾರಿ ದುಕುನ್ ಸಕಲ ದೆವ್ನ್ ಯೇವ್ನ್ ಕೃಷ್ಣಾ ಕ ನಮನ ಕೊರ್ನ್ .. " ಪರಂಧಾಮಾ .. ! ಮಕ್ಕಾ  ದಿವಿಶಿ ಮಾರುಂಕ .. ಹ್ಯೇ ದೊನ್ನಿ  ಪೊಟಿ ಸುದರ್ಶನ ಚಕ್ರ ಧರ್ಲೆ ... ಹ್ಯೇ೦ಚಿ ಸುಮುಹೂರ್ತಾ ಕ ಹಾಂವ ರಾಕ್ತಾ ಅಶಿಲೋ ಇಹ ಸೋಣು ಪರಲೋಕಾಕ ವೊಚ್ಚಾಕ ಹಜ್ಜೆ ಪೊಷಿ ಪರಮಾರ್ಥ ಅನಿ ಕಸಲೆ ಜಾವ್ಕಾ ಮಕ್ಕಾ  ಪರಮಾತ್ಮಾ .. ! ಹಾಂವ ಮೊರುಂಕ ತಯ್ಯಾರ್ ಝಲ್ಲಾ ... ಮಕ್ಕಾ  ದಿವಿಶಿ ಮಾರಿ ವಾಸುದೇವಾ ... ! "  ಮೋಣು ಹರ್ದೆ ದಕ್ಕೋನ್ ರಾಬ್ಲೊ . ಕೃಷ್ಣು ಶಾಂತ ಝಲ್ಲೋ .  " ಕೃಷ್ಣಾ ..! ಬಾಣು  ಲಾಗ್ಗುನ್ ಘಾಯು ಝಲ್ಲೋ ವೇ ? ದುಕ್ತಾವೇ ಪರಮಾತ್ಮಾ ... ! ಜೀವನಾ ಆಖೇರಿ ವೆಳ್ಯೇರಿ .. ಮಿಗೆಲೆ ಅಸ್ತ್ರ ಶಸ್ತ್ರ ನೈಪುಣ್ಯ ದಕ್ಕೋಕಾ ಮೋಣು  ಆಶಿ ಝಲ್ಲಿ ವಾಸುದೇವಾ ! ತೂ೦ವೆ ಅಸ್ತ್ರ ಧೋರ್ನ್  ರಾಬ್ಚೆ ಪೊಳೊಕಾ ಮೋಣು  ಆಶಿ ಝಲ್ಲಿ ಮುಕುಂದಾ .. ! ಕೊಪ್ಪುನುಕ್ಕಾ ಹ್ಯೇ ಮಂಥಾರೆ ವೈರಿ .. ದೇವಕಿ ನಂದನಾ , ಮಿಗೆಲಿ ಜೀವನಾ ಗಾಡಿ ರಬ್ಬಯಿ ... 800 ವರ್ಷಾ ಜೀವನ .. ಕುರು ವಂಶಾ ಸೇವಾ ಖಾತಿರಿ ರಬ್ಬಿಲೆ ಮಿಗೆಲೆ ಇಚ್ಚಾ ಪೂರ್ತಿ ಝಲ್ಲಿ . ಹ್ಯೇ ಭೂಲೋಕಾಂತ್ ಆಯ್ಯಿಲೆ ಮಿಗೆಲೆ ಕರ್ತವ್ಯ ಝಲ್ಲೆ .. ಮಕ್ಕಾ ಆಜ್ಞಾ  ದೀ ಗೋವಿಂದಾ ... " ಮೋಣು  ಸಂಘುನ್ ರಥಾ ದಿಕಾನ ವೊಚ್ಚುನ್ ಯುದ್ಧಾಕ ತಯ್ಯಾರ್ ಝಲ್ಲೋ ಭೀಷ್ಮ . ಭೀಮ , ವಿರಾಟ , ದ್ರುಪದ , ದ್ರಷ್ಟದ್ಯುಮ್ನ, ಸಾತ್ಯಕಿ,  ನಕುಲ ಸಹದೇವ , ಸರ್ವ  ಪಾಂಡವಾಂಕ ಭೀಷ್ಮಾಲೆ ಬಾಣ  ಲಗ್ಗುನ್ ಘಾಯ , ದೂಕಿ ಯೇವ್ನ್ ಸಹನ ಕೊರ್ನ್ ರಾಬ್ಲೀ೦ತಿ . ಸೂರ್ಯಾಸ್ತ ಝಲ್ಲೆ .. ತ್ಯೆ ದಿವಸಾ ಯುದ್ಧ ರಾಬಲೆ . 

                       ತ್ಯೆ ದಿವಸು ರಾತ್ರಿ ... ಪಾಂಡವಾನಿ  ಕೃಷ್ಣಾ ಲಗ್ಗಿ ಸಮಾವೇಶ ಕೆಲ್ಲೆ " ವಾಸುದೇವಾ ..! ಪಿತಾಮಹಾ ನ ಆಸ್ಚಯೆ ತೆದೊಳ್ ತಾಯ್ ಅಂಮ್ ಕಾ ಜಯ ಮೆಳ್ಚೆ ದಿಸ್ಸನಾ . ಅಮ್ಮಿ ಸರ್ವ ಭೀಷ್ಮ ಪಿತಾಮಹಾಲೆ ಪರಾಕ್ರಮು ಅಯಿಕುನ್ ಗೊತ್ತಶಿಲೇ ... ಯೆದೊಳ್ ತಾಯ್ ಪೊಳಯಿನಿ ಅಶಿಲೀಂತಿ ... ಅತ್ತ ಪೋಳ ಯಿತಾ ಅಸ್ಸತಿ . ಇಚ್ಚಾ ಮರಣಿ ಪಿತಾಮಹಾಕ , ನಿರ್ಜೀವ ಕೊರ್ಚೆ ಕಾಮಯೀ ಅಂಮ್ಚ್ಯಾನ  ಜಾಯ್ನಾ ನಾತ್ತಿಲೆ ವಿಷಯು . ಯೆದೊಳ್ ತಾಯ್ ಲಕ್ಷಾ ವೈರಿ ಆಮ್ಗೆಲೆ ಸೈನ್ಯ ನಾಶ ಝಲ್ಲಾ ತಾಗೆಲ್ ಹತ್ತಾ೦ತು . ಏಕ ಅಕ್ಷೋಹಿಣಿ ಸೈನ್ಯ ಭೀಷ್ಮಾನ ಎಕ್ಲೆನ ಚಿ .. ದಿವಿಶಿ ಮಾರ್ಲಾ " ಮೋಣು  ಧರ್ಮಜಾನ ಸಂಗ್ಲೆ . " ಧರ್ಮಜಾ .. ! ಇಚ್ಚಾ ಮರಣಿ ವರು ಮೆಳ್ಳೆಲೋ ಭೀಷ್ಮ .. ಅಶೀ೦ಚಿ ನಿರ್ಜೀವಿ ಜಾಯ್ನಾ ... ಸಾಮ  ಭೇದೋಪಾಯ ಕೊರ್ನ್ .. ಸಾಧನ  ಕೋರ್ಕಾ . ಫಲ್ಲೆ  ತಾಗೆಲೆ ಆಖೇರಿ ದಿವಸು ಜಾವ್ಕಾ . ಧರ್ಮಜಾ ... ತುಗ್ಗೆಲ್ ಭಂವಢಾ೦ಕ ಘೆವ್ನ್ ತಗೆಲೆ ಶಿಬಿರಾಕ ವಸ . ಪಿತಾಮಹಾಲೆ ಪಯ್ಯಾರಿ ಪೊಣು ... ಕಾರ್ಯ ಸಿದ್ಧ ಕೋರ್ಕಾ " ಮ್ಹಳ್ಳಲೊ ಕೃಷ್ಣು . 

                          ಕೃಷ್ಣಾ ನ ಸಂಘಿಲ್ ತಶಿ ಧರ್ಮರಾಯು ತಾಗೆಲ್ ಭಂವಡಾಂಕ  ಘೇವ್ನ್ ಭೀಷ್ಮಾಲೆ ಶಿಬಿರಾಕ ಗೆಲ್ಲೊ . ಭೀಷ್ಮ ಮಂಚಾರಿ ನಿದ್ದೋನ್ ಆಲೋಚನಾ ಕರ್ತಾಶಿಲೋ ... ಸುದರ್ಶನ ಚಕ್ರ ಧಾರಿ ... ನೀಲ ಮೇಘ ಶ್ಯಾಮ , ತಗೆಲೆ ಶಾಂತ ಆನಿ ರೌದ್ರ ರೂಪ ಮನಾ ಯೆತ್ತಾಶಿಲೆ ... ಕೃಷ್ಣಾ ಲಗ್ಗಿ  ಸಂಘಿಲೆ  ಉತ್ತರಂ ಉಡ್ಘಾಸು ಅಯಿಲೊ ... ಜೀವನಾಚೆ ಆಖೇರಿ ಘಡಿ ಆಯಿಲೇ  ಮ್ಹಣ್ಕೆ ದಿಸ್ಲೆ ... ಶಿಬಿರಾ ಭಿತರಿ  ಅಂಧಕಾರಾಂತ್ ... ಪಾಂಡವ ಭೀಷ್ಮಾಲೆ  ಪಯ್ಯಾರಿ ಪೋಣು ಶಿರೋ ನಮನ ಕೆಲ್ಲೆ . ಅಕಾಸ್ಮಾತ್ ಜಾವ್ನ್ ಶಿಬಿರಾ ಆಯ್ಯಿಲೆ ಪಾಂಡವಾಂಕ ಪೊಳೊನ್ ಭೀಷ್ಮಾಕ ಆಶ್ಚರ್ಯ ಝಲ್ಲೆ . ಸರ್ವಾಂಕ ಆಶೀರ್ವಾದು ಕೊರ್ನ್ ಲಗ್ಗಿ ಬೊಸ್ಕರಾನ್ ಘೆತ್ಲೆ . " ತುಮ್ಮಿ ಸರ್ವ ಕಸಲೆಕ ಮಿಗೆಲೆ ಶಿಬಿರಾಕ ಇತ್ಲೆ ರಾತ್ರಿ .. ಆಯಿಲೀ೦ತಿ ... ಕಸಲೆ ಕಾರಣ ... ? " ಮೋಣು ನಿಂಮ್ಗಿಲೆ . " ಪಿತಾಮಹಾ .. !ತೂ ಸರ್ವ ಶಾಸ್ತ್ರ ಪಂಡಿತ .. ವೇದ , ತತ್ವ , ಪುರಾಣ , ಗಣಿತ , ವಿಜ್ಞಾನ ವಿಶಾರದ ... ಅಸ್ತ್ರ ಶಸ್ತ್ರ ಪಾರಂಗತ ... ದೇವಾ.. ! ,  ಗುರು ಬ್ರಹಸ್ಪತಿ ಆನಿ ಪರಶುರಾಮ ಶಿಷ್ಯ ... ಮಹಾ ಪಂಡಿತ , ಕ್ಷತ್ರಿಯ  ಝಲ್ಲೇರಿಯಿ .. ಬ್ರಾಹ್ಮಣತ್ವ ಪಾವ್ವಿಲೊ ಮಹಾತ್ಮ .. ! ವಿದ್ಯಾ ಪಾರಂಗತ ... ವಿದ್ಯಾ ಪಂಡಿತೊತ್ತಮ  ... 'ಆಚಾರ್ಯ' ಮ್ಹಳ್ಳೆಲೆ ಬಿರುದಾಂಕಿತ ... ಪಿತಾಮಹಾ ! ... ತುಗೆಲಗ್ಗಿ ಏಕ ವಿಷಯು ನಿಂಮ್ ಗುಕಾ ಮೋಣು ಮಿಗೆಲೆ ಭಂವ್ಢಾಂಕ ಅಪ್ಪೋನ್ ಘೆವ್ನ್ ಅಯಿಲಾ ... ! ನಿಂಮ್ಗೂಯೇತ ವೇ ಪಿತಾಮಹಾ .. ? " ಧರ್ಮಜಾ ನ ನಿ೦ಮ್ಗಿಲೆ . " ನಿ೦ಮ್ ಗೀ .. ಧರ್ಮಜಾ... ನಿಸ್ಸಂಕೋಚ ಜಾವ್ನ್ ನಿ೦ಮ್ಗಿ " 

ಅಮ್ಮಿ ಯುದ್ಧಾ೦ತು ವಿಜಯಿ  ಜಾವ್ಕಾ ಜಲ್ಲೇರಿ ... ಕಸಲೆ ಕೋರ್ಕಾ .. ? "    "ಹ ಹ ಹ ಹ ..." ಭೀಷ್ಮು  ಹಾಸ್ಲೊ . " ವಯಿ ಪಿತಾಮಹಾ ... ಅಮ್ಮಿ ವಿಜಯ್ ಜಾವ್ಕಾ ಝಲ್ಲೇರಿ ಕಸಾಲೆ ಕೋರ್ಕಾ .. ? " ಭೀಷ್ಮಾನ ಪಾಂಡವಾಂಗೆಲೆ ತೋಂಡ ಪೋಳಯಿಲೆ ... ಸರ್ವ ದೈನ್ಯ ಜಾವ್ನ್ ಪಾಯ್ ಮುಳಾಂತು ಬೊಶಿಲೆ ಪೋಳೋನು .. ದೋನಿ ನಿಮಿಷ ಆಲೋಚನ ಕೆಲ್ಲಿ  " ಪುತಾ ಧರ್ಮಜಾ .. ! ಮಿಗೆಲೆ ಹತ್ತಾ೦ತು ಧನುರ್ ಬಾಣ ಆಶ್ಚಯೇ ತೆದೊಳ್ ತಾಯ್ ... ಪಂಚ ಪ್ರಾಣ ಆಶ್ಚಯೇ ತೆದೊಳ್ ತಾಯ್ .... ಮೃತ್ಯು ದೇವತೆಕ ತಾಯಿ ಮಿಗೆಲೆ ಪ್ರಾಣ ಹರಣ ಕೋರು ಜಾಯ್ನಾ ... ಹಾಂವೆ ಜೀವಂತಿ ಅಶ್ಚೇ ತೆದೊಳು ತಾಯಿ ... ತು೦ಮ್ಕಾ , ವಿಜಯಿ ಜಾವ್ಚ್ಯಾ ಸಾಧ್ಯ ನಾ . ಧರ್ಮಜಾ .. ! ಹಾಂವ ಬಾಯ್ಲ್ಯ ಮನಶ್ಯಾಲಗ್ಗಿ , ನಪುಂಸಕ , ಭಂವ್ಢ ನತ್ತಿಲೆಲೆ , ಪುತ್ರ ಹೀನಾಲೆ ವೊಟ್ಟು  ಯುದ್ಧ ಕರ್ನಾ .. ತು೦ಮ್ಗೆಲ್ ಪಕ್ಷಾಂತು ದ್ರುಪದಾಲೆ ಪುತ್ರ ಶಿಖಂಢಿ ನಪುಂಸಕ ಅಸ್ಸ . ತ್ಯೋ ಮಿಗೆಲೆ ಎದ್ರಾಕ ಯುದ್ಧ ಕೊರುಂಕ ರಾಬ್ಲೇರಿ ... ಹಾಂವ ಶಸ್ತ್ರಾಸ್ರ ಸನ್ಯಾಸ ಘೆತ್ತಾ .. ತ್ಯೆ ..  ವೇಳ್ಯೇರಿ  ತು೦ಮ್ಮಿ.. ಮಕ್ಕ ನಿರ್ಜೀವ ಕೊರ್ಯೇತ . ಪಾಪ .. ! ಶಿಖಂಢಿ  ಮಕ್ಕಾ  ದಿವಿಶಿ ಮಾರ್ಚೆ ಖತೀರಿ , ಶಿವಾಲೆ ತಪಸ್ಯ ಕೊರ್ನ್ ಜನ್ಮ ಜನ್ಮಾಂತರ ಹಗೆ ಕಾಡಕಾ ಮೋಣು ಹ್ಯೇ ಜನ್ಮಾ ಆಯಿಲಾ ... ತಗೆಲೆ ದೊಳೆಂತು ಮಿಗೆಲೆ ವೈರಿ ಅಶಿಲೆ ಹಗೆ ದಿಸ್ತನಾ ...ತಗೆಲೇ ಆಶಿ ಪೂರ್ತಿ ಕೊರ್ಚೆ ಮಿಗೆಲೆ ಕರ್ತವ್ಯ ". ಮೋಣು ತಗೆಲೆ ಮರಣ ಮಾರ್ಗ ದಕ್ಕಯಿಲೆ ." ಪಿತಾಮಹಾ .. ! ತೂ ಕಿತ್ಲೆ ಮಹಾನ್  " ಮೋಣು ದೋಳೆ  ಭೋರ್ನ್ ಧರ್ಮಜಾನ , ಭೀಷ್ಮಾಲೆ ಪಯ್ಯಾರಿ ಪೊಳ್ಳೋ .  " ಧರ್ಮಜಾ .. ! ಚಿಂತ ಕೋರ್ನುಕ್ಕಾ ... ಹಾಂವ ಮಿಗೆಲೆ  ಮರಣಾ ಕ ಶರಣ ಝಲ್ಲಾ ಬಾಳಾ ... ! ಹ್ಯೇ ಕುರುಕ್ಷೇತ್ರ ಪುಣ್ಯ ಯುದ್ಧ ಭೂಮಿಂತು , ಮಿಗೆಲೆ ಆತ್ಮ ಸೊಡ್ಕಾ ಮೋಣು ಯುದ್ಧಾಕ ರಬ್ಬಲಾ... ತುಗ್ಗೆಲ್ ಅಪಾರ ಸೈನ್ಯಾಕ ನಾಶ ಕೆಲ್ಲಾ ... ಅರ್ಜುನಾ .. ಬಾಳಾ .. ! ಮಕ್ಕಾ ತೂವೆ೦ಚಿ ಮುಕ್ತಿ ದೀವ್ಕಾ ಚೆರ್ಡಾ ... ಹಯೇ ಮಿಗೆಲೆ ಆಖೇರಿ ಇಚ್ಚಾ ಅನಿ ಆಶಿ ... !" 

ಮೋಣು ಸಂಘುನ್ ಅರ್ಜುನಾಕ ಪೊಟೋನ್ ಧರ್ಲೆ . ನಿಡಲಾರಿ ಉಮ್ಮೋ ದೀವ್ನ್ ದೊಳೆ ಉದ್ದಾಕ  ಪುಶಿಲೆ . " ಪಿತಾಮಹಾ .. !"ಮೋಣು  ಸಂಘುನ್ ಅರ್ಜುನಾನ

ಭೀಷ್ಮಾಕ  ಆಲಿಂಗನ ಕೆಲ್ಲೆ . ಸನ್ಪಣಾ ದುಕೂನ್ ಪಿತಾಮಹಾನ ಕೆಲ್ಲೆಲಿ ಮೋಗು , ಪ್ರೀತಿ , ವಾತ್ಸಲ್ಯ, ಉಡ್ಘಾಸು ಯೇವ್ನು ಅಂತ ಧೋರ್ನ್ ಹಲ್ಲಯಿಲೆ ಅನುಭೂತಿ ಝಲ್ಲಿ . " ನಾ ... ನಾ ... ವೀರ ಕ್ಷತ್ರಿಯಾನಿ ದೊಳೆ ಉದ್ದಾಕ ಕಾಡು ನಜ್ಜ . ಪ್ರಾಣ ತ್ಯಾಗ ಕೊರುಂಕ ಭಿವ್ವು ನಜ್ಜ . ಜನ್ಮಾ  ಆಯ್ಯಿಲೆ ನಂತರ , ಮಂಥರೆ ಪಣಾರಿ ರೋಗ ಗ್ರಹಸ್ತ ಜಾವ್ನ್ , ಹಂತಲಾರಿ ಪೋಣು ಮರಣ ಪಾವು ನಜ್ಜ . ಯುದ್ಧ ರಂಗಾಂತು ಮೊರ್ಕಾ .. ನಾತ್ಲೆರೀ ತಪೋ ವೃತ್ತೀರಿ ಮರಣ ಪಾವಕಾ " ಮ್ಹಳ್ಳಲೋ ಭೀಷ್ಮ . ಪಾಂಡವ ಸರ್ವ ಭಾಂವ್ಢ ,  ಭೀಷ್ಮಾಲೆ  ಪಯ್ಯಾರಿ ಪೋಣು ಶಿರ ನಮನ ಕೆಲ್ಲೆ . " ಜಾಯಿತ್ತ್ ... ವೊಚ್ಚುನ್ ಯೆಯ್ಯಾತಿ ವಿಜಯೋಸ್ತು .. " ಮ್ಹಳ್ಳಲೊ ಭೀಷ್ಮ . ಅಮ್ಗೆಲೆ ಪಿತಾಮಹಾ ಕಿತ್ಲೆ ಮಹಾನ್ .. !  ಕಿತ್ಲೆ ಹೋಡು ತ್ಯಾಗಿ .. ! ಪಿತಾಮಹಾಲೆ ವಿಷಯಾನ ಪಾಂಡವಾಂಕ ತಂಗೆಲೆ ವಂಶಾ ವೈರಿ ಅಭಿಮಾನ ಝಲ್ಲೆ . ತಾಂಗೆಲೆ ಶಿಬಿರಾಕ  ವಾಪಾಸ್ ಯೇವ್ನ್ ... ಕೃಷ್ಣಾ ಲಗ್ಗಿ , ತ೦ಯ್ ಜಲ್ಲೆಲೆ ವಿಷಯು ಸಂಘಲೆ . " ವಾಸುದೇವಾ .. ! ಶಿಖಂಢಿಕ ಯೆದ್ರಾ ದವೋರ್ನ್ ಪಿತಾಮಹಾಕ ದಿವಿಶಿ ಮಾರ್ಚ್ಯಾಕ ಮಕ್ಕಾ ....  ಮನಾ ಮಸ್ತ ಸಂಕಟ , ದುಃಖ ಝತ್ತಾ ... ಕೇಶವಾ ..! " ಮೋಣು  ಸಂಘುನ್ ದೋಳೆ ಉದ್ದಾಕ  ಕಳ್ಳೆ ಅರ್ಜುನಾನ . 

        ಭೀಷ್ಮಾಲೆ ಮರಣಾಕ , ದಿವಿಶಿ ಮಾರ್ಚ್ಯಾಕ ಅಮ್ಮಿ ಕೋಣ ... ?  ಪಾರ್ಥಾ ... ! ಜನ್ಮಾಕ ಯೆತ್ತನಾಚಿ .. ವಿಧಿ ನಿಯಮಿತ ಜಾವ್ನ್ ಆಸ್ತಾ ... ಬುದ್ಧಿವಂತ

ಲೋಕಾನಿ ....  ಮಾಕ್ಷೆಚ್ಯಾ ನಜ್ಜ ... ತೂ .. ತುಗೆಲೆ ಕರ್ತವ್ಯ ಕರಿ ... ತುಗೆಲೆ ಧರ್ಮ ಪಾಲನ ಕರಿ . ಯುದ್ಧ ನಿರ್ಮಾಣ ಕರ್ತವ್ಯ ... ಪಾಂಚಾಲಿ ಕೇಶ ಅಪಮಾನಾ ಕರ್ತವ್ಯ ..... ಸ್ತ್ರೀ  ಮಾನ ಭಂಗ ಕರ್ತವ್ಯ ... !!! " ಮ್ಹಳ್ಳಲೊ ಶ್ರೀ ಕೃಷ್ಣ 

ಶ್ಲೋಕ :  ಪೂರ್ವ ದೇಹ ಕೃತಂ ಕರ್ಮಾ ಶುಭ೦ ವಾ ಯಾ ದಿವಾ ಶುಭಂ 

             ಪ್ರಾಜ್ಞಮ್ ಮೂಢಮ್ ತಥಾ ಶೂರಂ ಭಜತೇ ಯಾ ದ್ರಶಮ್ ಕೃತಂ 

ಉಮಾಪತಿ  

                    

MAHABHARATHA PART - 49 ( konkani Bhashentu ) MAHA YUDDHA

MAHABHARATHA Part - 49 ( Konkani Bhashentu )

             MAHAA YUDHDHA   ... ಮಹಾಯುದ್ಧ 

              ಚಾರೀಚ್ಯೇ .. ದಿವಸಾ ಯುದ್ಧ ಆರಂಭ ಝಲ್ಲೆ  . ಅಭಿಮನ್ಯು , ಅನಿ ದ್ರೌಪದಿಲೆ ಪುತ್ರ೦ ... ಪ್ರತಿವಿಂದ್ಯ , ಶ್ರತ ಸೋಮಾ , ಶ್ರತಾನಿಕ , ಶ್ರತಕೀರ್ತಿ . ಶ್ರತ ಸೇನಾ ಹ್ಯೇ ಪಾಂಚ ಜನ , ಭೀಮ ಪುತ್ರ ಘಟೋತ್ಕಚ ಹನ್ನಿ .. ಚಾರಿ ದಿವಸಾ ಯುದ್ಧಾ೦ತು ಪ್ರಧಾನ ಜಾವ್ನು ಮುಕಾರಿ ರಬ್ಬುನ್ ಪಾಂಡವ ಸೈನ್ಯಾಕ ರಕ್ಷಣಾ ಕೊರುಂಕ್ ಯುದ್ಧ ಕೆಲ್ಲೆಲೆ . ಅಭಿಮನ್ಯು , ಶಲ್ಯ ರಾಜಾ ವೈರಿ ಉಡ್ದುನ್ ರಥಾ ಧ್ವಜ ಕತ್ತೋರ್ನ್ ಉಡಯಿಲೆ . ಭೀಮ ಸೇನಾ ನ ತಾಗೆಲ್ ವಜ್ರ ಗಧಾ ಘು೦ವಡಾನ್ ಕೌರವ ಸೇನಾ , ಗಜ ಸೇನಾ ಪುಡ್ಡಿ ಕೊರ್ನ್ ಉಡಯಿಲೆ . ಏಕ್ ಏಕ್ ಗಧಾ ಪ್ರಹಾರು ಹಸ್ತೇ ಘೀ೦ಕಾರ್ ಅಯಿಕತ ನಾಚಿ ಸುತ್ತು ಆಶಿಲೇ೦ಕ ರೋಮಾಂಚನ ಝತ್ತಶಿಲೆ ಅನಿ ಏಕ ಏಕ್ ಹಸ್ತಿ ಮೋರ್ನ್ ಪೊಡ್ತಾಶಿಲೆ . ನರಕಾಸುರಾಲೆ ಪುತ್ರ ಭಗದತ್ತಾ ... ' ಸುಪ್ರತೀಕ ' ಮ್ಹಳ್ಳೆಲೆ ಹಸ್ತೇರಿ ಬಯಿಸುನ್ ಭೀಮ ಸೇನಾ ಲಗ್ಗಿ  ಯುದ್ಧ ಕೊರುಂಕ ಅಯಿಲೊ . ಹೇ ಹಸ್ತೆಕ  ಸೋಂಡಾಳಿ೦ತು ಗಧ ಧೋರ್ನ್  ಯುದ್ಧ ಕೊರುಂಕ ಬುದ್ದೋ೦ತಕಾಯಿ ಅಸ್ಸ . ತಸಲಿ ಹ್ಯೀ ಹಸ್ತಿ ಮ್ಹಳ್ಳೇರಿ ಭಾಗದತ್ತಾ ಕ ಭಾರಿ ಪ್ರೀತಿ . ಭೀಮ ಸೇನಾಲೆ ಗಧಾ  ಪ್ರಹಾರ ತಡ್ಸುನ್ ಘೇವ್ನ್ ... ಭೀಮ ಸೇನಾಕ ದಾಡೇನ  ಘಾಯು ಕೆಲ್ಲೊ . ಘಟೋತ್ಕಚನ ತಗೆಲೆ  ಮಾಯಾವಿ ಶಕ್ತಿನ ಚಾರಿ ದಾಡೆ ಅಶಿಲಿ ಹಸ್ತಿ ಕ ಸೃಷ್ಟಿ ಕೆಲ್ಲಿ. ಹೇ ಮಾಯಾವಿ ಹಸ್ತಿನ, ಭಗದತ್ತಾಲೆ ಹಸ್ತಿಕಾ ಘಾಯು ಕೊರ್ನ್ ಸೈನ್ಯ ಚೆಲ್ಲಾ - ಪಿಲ್ಲಿ ಕೆಲ್ಲೆ . ಸುಪ್ರತೀಕ ಭೀವ್ನ್ ಧಾವ್ನ್ ವೊಚ್ಯಾ ಶುರು ಕೆಲ್ಲೆ . ಭಾಗದತ್ತಾಕ ಭೀಮಾನ ಧೋರ್ನ್ ಗಧಾ ಪ್ರಹಾರ ಕೋರೂ ಶುರು ಕೆಲ್ಲೆ . ಭೀಷ್ಮ ದ್ರೋಣ , ಭಾಗದತ್ತಾ ಕ ಸಹಾಯು ಕೊರುಂಕ ಲಗ್ಗಿ ಅಯಿಲೆ . ಹ್ಯೇ ಪೊಳೊನ್ ಘಟೋತ್ಕಚಾನ ಆಕಾಶಾರಿ ಸಿಂಹ ಘರ್ಜನ್ ಕೆಲ್ಲಿ . ಸಿಂಹ ಘರ್ಜನ ಅಯಿಕುನ್ ಘೋಡೆ  ಭೀವ್ನ್ ಧಾಂವ್ಚ್ಯಾಶುರು ಕೆಲ್ಲೆ . ಮಸ್ತ ಘೋಡೆ ಪಾಯು ಮೋಣು  ಘೇವ್ನ್ ನೆಲಾರಿ ಪೊಳ್ಳೇ . ರಣ ಭೂಮಿ ... ಧೂಳಿ ಮಯ ಝಾವ್ನ್ ... ಸೈನ್ಯಾಕ  ವಾಟ ಕಳ್ನಾಶಿ ... ರಬ್ಬಿಲೇ ಕಡೆನ ಚಿ ... ಮತ್ತೆ ಘು೦ವನು ಪೊಳ್ಳೆ . ಘಟೋತ್ಕಚಾಲೆ ಶಕ್ತಿ .. ಸಂಜೆ ಮ್ಹಣ್ತಾನ ತಗೆಲೆ ಮಾಯಾವಿ ಶಕ್ತಿ ವಡ್ಡತ್ ಆಯಿಲಿ . ಹತ್ತಾಕ ಮೆಳ್ಳೆಲೆ ಕುರು ಸೈನ್ಯಾಕ ದಿವಿಶಿ ಮಾರ್ಲೆ . ಹ್ಯೇ  ವೆಳ್ಯೇರಿ ಭೀಮಸೇನಾನ , ಧುರ್ಯೋಧನಾಲೇ ಧಾಹ್ ಜನ ಭಂವ್ದಾಂಕ ದಿವಿಶಿ ಮಾರ್ಲೆ . ಮಾರ್ನ್ ಪೊಳ್ಳೆಲೆ ಭಂವ್ದಾಂಕ ಪೊಳೊನ್ ಧುರ್ಯೋಧನಾ ಕ ಮಸ್ತ ದುಃಖ ಝಲ್ಲೆ . ಸೂರ್ಯಾಸ್ತ ಜಾವ್ಚೆ ಪೊಳೊನ್ , ಭೀಷ್ಮಾನ ಶಂಖ ವಾಜ್ಜುನ್  ಯುದ್ಧ ವಿಶ್ರಾಮ ಸೂಚನಾ ದಿಲ್ಲಿ .                                   

                         ಪಂಚಾ ದಿವಸಾ ಯುದ್ಧ ... ಕೌರವಾನಿ  ಮಕರ ವ್ಯೂಹಾ ರಚನಾ ಕೆಲ್ಲಿ . ಪಾಂಡವಾನಿ ಗರುಡ ವ್ಯೂಹ ರಚನಾ ಕೆಲ್ಲಿ .... ಯುದ್ಧ ಆರಂಭ ದುಕುನ್ .. ಶಿಖಂಢಿ , ಭೀಷ್ಮಾಲಗ್ಗಿ ಯುದ್ಧ ಕೊರುಂಕ ಮುಕಾರಿ ಯೇವ್ನ್ ರಾಬ್ಲೊ . ಭೀಷ್ಮ...  ನಪುಂಸಕಾ ವೊಟ್ಟು ಯುದ್ಧ ಕರ್ನಾ ಮ್ಹಳ್ಳೆಲೆ ವಿಷಯು ಶಿಖಂಢಿಕ ಗೊತ್ತಶಿಲೆ . ಭೀಷ್ಮಾನ ಶಿಖಂಢಿಕ ಪೋಳಯಿಲೆ . ಬಾಣ ಧನುಷ್ಯ ಹತ್ತಾ  ಧೋರ್ನ್ ನುತಾ ಬೋಂಬೆ ಶೇ ರಾಬ್ಲೊ . ಶಿಖಂಢಿನ ಭೀಷ್ಮಾ ವೈರಿ ಬಾಣ ಸೋಣು ಘಾಯು ಕೆಲ್ಲೊ . ಹತ್ತಾ೦ತು   ಧರ್ಲೆಲೆ ಧನುಷ್ಯ ಮೋಣು  ಘಲ್ಲೆ . ಹ್ಯೇ ಪೋಳಯಿಲೆ ದ್ರೋಣಾಚಾರ್ಯ , ಭೀಷ್ಮಾಲೆ  ರಕ್ಷೆಕ ಅಯಿಲೊ . ದ್ರೋಣಾಚಾರ್ಯಾ ಕ ಪೊಳೋನು .. ಶಿಖಂಢಿ ಭೀವ್ನ್ ಮಾಕ್ಷೇಲೋ ಸಾತ್ಯಕಿ ಅರ್ಜುನಾ ಲೇ ಶಿಷ್ಯ  . ' ಗುರು ಮ್ಹಣ್ಕೆ ಶಿಷ್ಯ ' ಮ್ಹಳ್ಳೆ ಮ್ಹಣ್ಕೆ ... ಸಾತ್ಯಕಿನ ಕೌರವ ಸೈನ್ಯ ,  ಹಜಾರ್ - ಹಜಾರ್ ಲೋಕಾಂಕ ದಿವಿಶಿ ಮಾರ್ಲೆ . ರಥಿಕ ರಾಯಾಂಕ ಸಕಲ ಘಾಲ್ನ್ ,ರಥಾ ಚಕ್ರ ಪುಡ್ಡಿ ಕೊರ್ನ್ , ರಥ ಭುಯಿಂತು ಪೂರ್ನ್ ಘಾಲ್ಲೆ . ಮಿಂಚಾ ಮ್ಹಣ್ಕ್ ಬಾಣ ಸೋಣು ರಥಿಕ ರಾಯಾಂಕ ಸ್ವಾರ್ಘಾ ಕ ಪೆಟಯಿಲೆ . ಭೂರಿಶ್ರವ , ಸಾತ್ಯಕಿ ವೊಟ್ಟು ಯುದ್ಧ ಕೊರುಂಕ ಅಯಿಲೊ . ತಾಂಗೆಲೆ ಭಿತರಿ ಅಸ್ತ್ರ ಶಸ್ತ್ರ ಚಕ ಮಕಿ ಝಲ್ಲೆ . ಸಾತ್ಯಕಿಲೆ ಧಾಹ್ ಜನ ಚೆರ್ಡು೦ವ .. ಸಹಾಯಾ ಅಯಿಲೆ .ತಾಂಕಾ ಭೂರಿಶ್ರವಾ ನ ಕತ್ತೋರ್ನ್  ಉಡಯಿಲೆ . ಜೀವಾ ಹಂಗು ಸೋಣು ... ಭೂರಿಶ್ರವ , ಸಾತ್ಯಕಿ ಮಧ್ಯೆ ಯುದ್ಧ ಝಲ್ಲೆ ... ದೊಗ್ಗ ಜನಾ೦ಕ ತೀವ್ರ ಘಾಯು ಝಲ್ಲಾ . ಭೀಮ ಸೇನಾನ ಯೇವ್ನ್ ಸಾತ್ಯಕಿ ಕ ತಂಡುನ್ ಘೆವ್ನ್ ಚಮ್ಕಲೊ . ಭೂರಿಶ್ರವಾ ಕ ಧುರ್ಯೋಧನ ಯೇವ್ನ್ ತಂಡುನ್ ಘೆವ್ನ್ ಚಮ್ಕಲೊ .

                          ಸಂಚ್ಯೆ ದಿವಸಾ ಯುದ್ಧ .... ಪಾಂಡವಾನಿ ಮಕರ ವ್ಯೂಹ ರಚನ ಕೆಲ್ಲಿ ... ಕೌರವಾನಿ ಕ್ರೌ೦ಚ ವ್ಯೂಹ ರಚನ ಕೆಲ್ಲಿ .  ಭೀಷ್ಮ ದ್ರೋಣಾ ನಿ  ಯೇವ್ನ್

ಪಾಂಡವಾಂಗೆಲೆ  ಮಕರ ವ್ಯೂಹ ಭೆತ್ತಿಲೆ . ದುಃಶ್ಶಾಸನ , ಅನಿ ತಗೆಲೆ ಭಂವ್ಡ ಯೇವ್ನ್ ಭೀಮ ಸೇನಾಲೆ ವೊಟ್ಟು ಯುದ್ಧ ಶುರು ಕೆಲ್ಲೆ . ಭೀಮಾನ ಗಜ ಶಕ್ತಿ ಪ್ರಯೋಗ ಕೆಲ್ಲೆ . ದುಃಶ್ಯಾಸನಾಲೆ ಸೈನ್ಯ .. ಭೀಮಾಲೆ ಶಕ್ತಿ ಎದುರ ಧೂಳಿ ಶೀ ಉಬ್ಲೆ . ದ್ರಷ್ಟದ್ಯುಮ್ನ ಭೀಮ್ ಸೇನಾಲೆ ರಕ್ಷೆ ಕ ಅಯಿಲೊ .. ಧುರ್ಯೋಧನಾ ನ ಶಂಬರಿ ಕೌರವ ರಥಿಕಾಂಕ ಭಾವಾಲೆ ರಕ್ಷೆ ಕ ಪೆಟಯಿಲೆ . ದ್ರಷ್ಟದ್ಯುಮ್ನನ ಸಮ್ಮೋಹನ ಅಸ್ತ್ರ ಪ್ರಯೋಗ ಕೆಲ್ಲೊ  ... ಅನಿ ಕೌರವ ಸೈನ್ಯ ಬೋಧ ಚುಕ್ಕುನ್ ನೆಲಾರಿ ಪೊಳ್ಳೀ೦ತಿ . ದ್ರೋಣಾಚಾರ್ಯನ ಯೇವ್ನ್ ಪ್ರಜ್ಞಾಸ್ತ್ರ  ಪ್ರಯೋಗ ಕೊರ್ನ್ .. ಸರ್ವ ಕೌರವ ಸೈನ್ಯಾಕ ಪ್ರಜ್ಞೆ ಕ ಹಾಡಯಿಲೆ . ಯುದ್ಧ ಧಮಾಸಾನ ಝಲ್ಲೆ ಭೀಮ , ದೃಷ್ಟದ್ಯುಮ್ನಲೆ ವೀರ ಯುದ್ಧಾ೦ತು ... ಕೌರವ ಸೈನ್ಯ ಹಜಾರ್ ಹಜಾರ್ ಲೋಕಾನಿ ಜೀವು ಸೊಳ್ಳೊ . ದ್ರೋಣಾಲೆ ಶಕ್ತಿ ..  ದೃಷ್ಟದ್ಯುಮ್ನಲೆ ಬಾಣಾ ಎದುರ ಕಾಮ ಕರ್ನಿ . ಆಜಿ ಭೀಷ್ಮ ಪಿತಾಮಹ ಯುದ್ಧಾಕ ಯೇನಿ . ಕೃಷ್ಣ ಅರ್ಜುನ ತಾಯಿ ವಿಶ್ರಾಮ ಕೆಲ್ಲೆ ... 

                         ಸತ್ತಾ ದಿವಸಾ ಯುದ್ಧ ... ಆಜಿ ಕೌರವಾನಿ ' ಮಂಡಲ ' ವ್ಯೂಹ ರಚನ ಕೆಲ್ಲಿ , ಪಾಂಡವಾನಿ ' ವಜ್ರ' ವ್ಯೂಹ ರಚನ ಕೆಲ್ಲಿ . ದ್ರೋಣ , ವಿರಾಟ ರಾಯಾಲೆ ವೊಟ್ಟು , ಅಶ್ವಥಾಮ .. ಶಿಖಂಡಿ ವೊಟ್ಟು , ದೃಷ್ಟದ್ಯುಮ್ನ ... ಧುರ್ಯೋಧನಾ ವೊಟ್ಟು , ನಕುಲ ... ಶಲ್ಯ ರಾಯಾಲೆ ವೊಟ್ಟು , ಭೀಮ .. ಕೃತವರ್ಮಾಲೆ  ವೊಟ್ಟು , ಘಟೋತ್ಕಚ .. ಆಲಂಬಸಾ ವೊಟ್ಟು , ಸಾತ್ಯಕಿ .. ಭೂರಿಶ್ರವಾ ವೊಟ್ಟು , ಕೃಪಾಚಾರ್ಯ ... ಚಿಕೀತನಾ ವೊಟ್ಟು , ಧರ್ಮರಾಯು ... ಶ್ರತಾಯು ವೊಟ್ಟು , ಅಷ್ಶಿ ಎಕ್ಲೆ ವೊಟ್ಟು ಅನ್ನೇಕ್ಲೊ ... ಯುದ್ಧ ಕೋರೂ೦ ಲಾಗ್ಲೆ . ಯುದ್ಧಾ೦ತು ... ಯುದ್ಧ ಶಾಸ್ತ್ರಾ೦ತು ಶಿಕ್ಕಿಲೆ ... ಸರ್ವ ನಮುನೆ ಅಸ್ತ್ರ ಶಸ್ತ್ರ ಪ್ರಯೋಗ ಝಲ್ಲೆ .... ಮಾಯಾಸ್ತ್ರ , ದಿವ್ಯಾಸ್ತ್ರ ಹಜಾರ ನಮೂನೇರಿ ಮಂತ್ರಿತ ಜಾವ್ನ್ ಯೆತ್ತ ನಾ ... ರಣ ಭೂಮಿ .. ರೌದ್ರ ರೂಪಿ ಝಲ್ಲಿ . ಎಕ್ಲೆಲೆ ಮತ್ತೆ ತಸ್ಸುನ್ ಗೆಲ್ಲೆ , ಎಕ್ಲೆಲೆ ಹಾತು ಕತ್ತೋರ್ನ್  ಗೆಲ್ಲೊ . ಧ್ರತಿ ಚುಕ್ಕುನ್ ಧಾಂವ್ವು ಜಾಯ್ನಾಶಿ ಪಾಯ ಸೊಲ್ವುನ್ ರಬ್ಬಿಲೇ ಕಾಡಿನ ಚಿ ರಾಬ್ಲೀ೦ತಿ  . ಸ್ವಲ್ಪ ಲೋಕು  ಪಯ್ಯಾಕ ಬಾಣ ಲಾಗ್ಗುನ್ ಘಾಯು ಜಾವ್ನು ತಳ್ - ಮಳ್ ತಾಚಿ  ಬೋಧ ಚುಕ್ಕುನ್ ಪೊಳ್ಳೀ೦ತಿ . ಭೀಷ್ಮಾಲೆ ಬಾಣ ಆಕಾಶಾರಿ ದುಕೂನ್ ...  ಪೊಳ್ಳೆಲೆ ಪಾವ್ಸು ಸೊ ... ಉಕ್ಕುನ್  ಸೊಕ್ಕುನ್ ರಬ್ಬಿಲೇ ಸಮುದ್ರಾ ಪಾಳ  ಸೊ ಸುತ್ತು ಧೂಳಿ ... ಅಗ್ನಿ ಜ್ವಾಲಾ .. ಗುಡುಗು  ಮಿಂಚಾ ಧಾರಾ ಸೊ ಮಾಕ್ಷಿ ಮಾಕ್ಷಿ ಯೆತ್ತಾ ಅಸ್ಸ .ಚಾಲಕ ನಾತ್ತಿಲೆ ರಥ , ಸವಾರ ನಾತ್ತಿಲೆ ಘೋಡೆ .. ಮಾಹುತ ನಾತ್ತಿಲೆ ಗಜ ಸೈನ್ಯ ... ಅಂಧಕಾರಾಂತ್ , ಮೆಳ್ಳೆಲೆ ದಿಕಾನ ಧ೦ವ್ಚ್ಯಾ ಶುರು ಕೆಲ್ಲೆ . ಕೃಷ್ಣಾ ನ ಅರ್ಜುನಾಲೆ ರಥ ಭೀಷ್ಮಾ ಎದ್ರಾಕ ಹಾಣು ರಬ್ಬಯಿಲೆ . ಅರ್ಜುನಾ ನ ಭೀಷ್ಮಾಲೆ  ದಿವ್ಯಾಸ್ತ್ರ ಧನುಷ್ಯಾ ದುಕೂನ್ ಭಾಯಿರಿ  ಯೆವಚೆ ಫುಡೇ ಚಿ ಕತ್ತೋರ್ನ್ ಘಲ್ಲೆ . ತೀನ್ ಚಾರಿ ಪೊಟಿ ಹತ್ತಾ  ಧರ್ಲೆಲೆ ಧನುಷ್ಯ ಮೋಣು ಘಾಲ್ಲೆ . ಭೀಷ್ಮಾಲೆ  ಅಂಗಾರಿ , ಏಕ್ ಏಕ್ ಘಾಯು ಝತ್ತಾನಾ ಭೀಷ್ಮು ಅನಿಕಾಯ್ ಉದ್ರೇಕ ಝತ್ತಶಿಲೋ . ಅರ್ಜುನಾಲೆ  ಬಾಣ ಅರ್ಧಾರಿಚಿ ಕತ್ತೊರ್ನ್ ಘಾಯ ಜಾಯ್ನಾಶಿ ಜಾಗ್ರತೆ ಕರ್ತಶಿಲೋ ಭೀಷ್ಮ . ಹ್ಯೇ ಸಾಥ್ ದಿವಸಾ ಯುದ್ಧಾಂತ ಧುರ್ಯೋಧನಾಲೆ  ವೀಸ್ ಭಂವಂಢ ಸ್ವಾರ್ಘ ವಾಸ ಝಲ್ಲೆಂತಿ , ಇಕ್ರಾ ಅಕ್ಷೋಹಿಣಿ ಸೈನ್ಯಾ೦ತು ... ಚಾರಿ ಅಕ್ಷೋಹಿಣಿ ಸೈನ್ಯ ನಾಶ ಝಲ್ಲಾ . ಪಾಂಡವಾಂಗೆಲ್ ದಿಕಾನ ... ಸಾಥ್ ಅಕ್ಷೋಹಿಣಿ ಸೈನ್ಯಾನ೦ತು .. ದೋಣಿ ಅಕ್ಷೋಹಿಣಿ ಸೈನ್ಯ ನಾಶ ಝಲ್ಲಾ . ಪಾಂಡವಾ ದಿಕಾನ ಯುದ್ಧಾ೦ತು ವಿರಾಟ ರಾಯಾಲೆ ಪೂತು ಉತ್ತರ ಕುಮಾರ್ ವಿಧಿ ವಶ ಝಲ್ಲಾ . 

                        ಅಟ್ಟಾ  .. ದಿವಸಾ ಯುದ್ಧ ... ಅಯಿಚೆ ಯುದ್ಧಾಕ ಪಾಂಡವಾನಿ ' ಕೂರ್ಮ ' ವ್ಯೂಹ ರಚನ ಕೆಲ್ಲಾ ... ಕೌರವಾನಿ 'ಪರ್ವತ 'ವ್ಯೂಹ ರಚನಾಕೆಲ್ಲಾ. ಯುದ್ಧ  ಆರಂಭ ಝತ್ತನಾಚಿ ಭೀಮಸೇನಾ ನ ಹಠಾತ್ ಜಾವ್ನ್ ,ಭೀಷ್ಮಾಲೆ ರಥಾರಿ ಮಿಂಚು ಸೋ ಪೋಣು ,ಭೀಷ್ಮಾಲೆ ಸಾರಥಿ ಅನಿ ರಥಾಶ್ವ೦ಕ ದಿವ್ಶಿಮಾರ್ಲೆ . ಭೀಷ್ಮಾಲೆ ರಥಾ ಕ ಪಯ್ಯಾನ ಮಾರ್ನ್ ಧ್ವ೦ಮ್ಸಕೆಲ್ಲೆ . ಹ್ಯೇ ಪೊಳೊನ್ ಧುರ್ಯೋಧನಾ ನ ತಗೆಲೆ ಭಂವಢ ಸುನಭ ,ಆದಿತ್ಯಕೇತು, ಅಪರಾಜಿತ , ಬಹುವಾಸಿ ,ಖಾ೦ಡಿತಾ, ಕುಂಡದಾರು, ವಿಶಾಲಾಕ್ಷ , ಮಹೋದರಾ , ಮ್ಹಳ್ಳಲೆ ಸಾಥ ಜನಾ೦ಕ ಭೀಷ್ಮಾಲೆ ರಕ್ಷೇಕ ಪೆಟಯಿಲೆ .ಭೀಮಸೇನಾನ ತಗೆಲೆ ಗಧೆ ನ ಮಾರ್ನ್ ಸಾತ್ ಭಂವ್ಢಾಕ  ಪರಲೋಕಾಕ ಪೇಟಯಿಲೆ. ಧುರ್ಯೋಧನಾನ ತಗೆಲೆ ಭಂವ್ಢ ತಗೆಲೆ ದೊಳೆ ಯೆದ್ರಾಕ ಚ್ಯಿ ಮೊರ್ಚೆ ಪೋಳಯಿಲೆ . ತಾಕ್ಕಾ ಮನಾಂತು ಮಸ್ತ ದುಃಖ ಝಲ್ಲೆ .ಧಾಂವ್ನ್ ಯೇವ್ನ್ ಭೀಷ್ಮಾ ಲಗ್ಗಿ  " ಪಿತಾಮಹಾ ... ! ಮೋಣು ಸ೦ಘುನ್ ದೊಳೆ ಉದ್ದಾಕ ಕಳ್ಳೆ .  "ಕಸಲೆ ಝಲ್ಲೇ ಧುರ್ಯೋಧನಾ ..."ಮೋಣು ನಿಂಮ್ಗಿಲೆ ಭೀಷ್ಮಾನ ." ಪಿತಾಮಹಾ ..! ಮಿಗೆಲೆ ಭಂವ್ ಢ ...ತ್ಯೆ ಭಂಢ ಭೀಮಾಲೆ ಹತ್ತಾ೦ತು ಮೊರ್ಚ್ ಪೋಳಯಿಲೆ ನವೆ ...! ತೂ ಮಾತ್ರ ಪೊಳೊನ್ ..ಪೋಳಯಿನಾ ನಾತ್ಲೆ ಮ್ಹಣ್ಕೆ ಯುದ್ಧ ಕರ್ತಾ ಅಸ್ಸ ! . ಅಂಮ್ಕಾ ಸರ್ವಾಂಕ ಭೀಮಾಲೆ ಹತ್ತಾ೦ತು ದಿವಿಶಿ ಮಾರೋಕಾ ಮೋಣು ತುಗೆಲಿ ಆಶಿ ವೇ ?.. ಸಾಂಗ " 

ಭೀಷ್ಮ : "ಧುರ್ಯೋಧನಾ .. !ಯುದ್ಧ ನಕ್ಕಾ... ನಕ್ಕಾ ಮೋಣು  ಕಿತ್ಲೆ ಪೋಟಿ ಸಾಂಗ್ಲೆರಿಯಿ .. ತೂ ಅಯಿಕನಿ ... ಅತ್ತ ದೊಳೆ ಉದ್ದಾಕ ಕಾಣು ಕಸಲೆ ಪ್ರಯೋಜನ ? ಚೆರಡಾ .. ! ಪಾಂಡವ ದೈವಾಂಶ ಜಾವ್ನ್ ಜನ್ಮಾಕ ಅಯ್ಯಿಲೆ .. ತಂಕಾ ದೇವಾಲೆ ಸಹಾಯು , ಕಟಾಕ್ಷ ಅಸ್ಸ . ತೂ .. ಕರ್ಣ ಕ ನಂಮ್ಗೂನ್ ... ತಗೆಲೆ ಉತ್ತರ ಅಯಿಕತಾ ವಿನಾಃ ... ಪಾಂಡವಾ೦ಗೇಲೆ ಭುಜ ಬಲ ಕಿತ್ಲೆ ಮೋಣು ಪೊಳಯಿನಿ ... ತ್ಯೆ ಫಲ ಅತ್ತ ಖತ್ತಾ ಅಸ್ಸ ' ಯಥಾ ಕರ್ಮ , ತಥಾ ಬುದ್ಧಿ . ಯಥಾ ಬುದ್ಧಿ ತಥಾ ಫಲ ' ಕರ್ಮಾ ಯೋಗಿ ಜಾವ್ನ್ ಹಾಂವ ಯುದ್ಧ ಕರ್ತಾ ಅಸ್ಸ . ಧಾಹ್ ಹಜಾರ ಯೋಧಾಂಕ ಏಕ್ ಏಕ್ ದಿವಸು ನಾಶ ಕೆಲ್ಲಾ . ಯುದ್ಧಾ ಪೊಷಿ ಫುಡೇಕಚಿ ಹಾಂವೆ ತುಕ್ಕ ಸಾಂಗ್ಲಾ . ಪಾಂಡವಾಂಕ ಮಿಗ್ಗೆಲೆ ಹಾತ್ತಾನ ದಿವಿಶಿ ಮಾರ್ನಾ ಮೋಣು ... ಧುರ್ಯೋಧನಾ ..! ಹಾಂವ ಅತ್ತ ಆನ್ನೇಕ ಪೋಟಿ ಸಾಂಗ್ತಾ  ತುಗೆಲೆಗಿ ಶಂಬರಿ ಅಕ್ಷೋಹಿಣಿ ಸೈನ್ಯ ಆಸ್ಲೆರಿಯಿ ... ಪಾಂಡವಾಂಕ ನಾಶ ಕೋರು ಜಾಯ್ನಾ . ಧರ್ಮ ರಾಯಾಕ ಹಾಂವ ಸಂಘುನ್ ಸಮಾಧಾನ್ ಕರ್ತಾ ... ಸಂಧಾನ ಕೊರ್ನ್ ಸುಖಾರಿ  ರಾಬ ". ಮ್ಹಳ್ಳಲೊ . ಭೀಷ್ಮಾಲೆ ಉತ್ತರ ಅಯಿಕುಚೆ ಕಸಲೆ ... ? ಛೆ .. ! ಮಿಗ್ಗೆಲೆ ಪಕ್ಷಾಂತು ರಬ್ಬುನ್ ಪಾಂಡವಾಂಗೆಲ್ ವೈರೀ ಕಿತ್ಲೆ ಮೋಗು ... ! ಅಂಮ್ ಕಾ ಹಗೆಲ್ ನಿಮಿತ್ಯ ವಿಜಯ ಮೆಳ್ಚೆ ಸಾಧ್ಯ ಅಸ್ಸ ವೇ ... ! ಧಿಕ್ .. ! ಧಿಕ್ಕಾರ  ಕೊರ್ನ್ , ದಾಂತ ಚಬ್ಬುನ್ .. ಧುರ್ಯೋಧನ ಆನ್ನೇಕ ಕಡೇನ ಚಮ್ಕಾಲೊ . 

                               ಯುದ್ಧ ಭೂಮಿ ಆಜಿ ಗಡ್ - ಗಡಲಿ . ಗಜ ಸೈನ್ಯ ಭೀಮಾಲೆ ಗಧಾ ಪ್ರಹಾರಾಕ ಏಕ್ - ಏಕ್ ಜಾವ್ನ್ ನೆಲಾರಿ ಪೊಳ್ಳಿ೦ತಿ . ನಕುಲ , ಸಹದೇವಾ ನಿ ಕೌರವ ಅಶ್ವ  ಸೈನ್ಯಕ  ಕ ಧೂಳಿ ಪಟ ಕೆಲ್ಲೆ . ಉಲೂಪಿ ಅನಿ ಇರಾವಂತ ಅರ್ಜುನಾಲೆ  ಪೂತು , ಶಕುನಿಲೆ ಸಾಥ ಭಂವ್ಢಾಂಕ ನಾಗಾಸ್ತ್ರ ಸೋಣು ದಿವಶಿ ಮಾರ್ಲೆ . ಹೇ ಪೋಳಯಿಲ್ ಧುರ್ಯೋಧನಾ ನ ಅಲಂಬಸ ಮ್ಹಳ್ಳೆಲೆ ರಾಕ್ಷಸ ವೀರಾ ಕ ,  ಇರಾವಂತ ಎದ್ರಾಕ ಪೆಟಯಿಲೆ . ಹಗೆಲ್ ಮಾಯಾ ಯುದ್ಧಾ೦ ತು ಇರಾವಂತ ಆನಿ ಉಲೂಪಿನ ಜೀವು ಸೊಳ್ಳೊ . ಘಟೋತ್ಕಚಾ ಕ ,  ತಗೆಲೆ ಪೂತು ಉಲೂಪಿಲೆ ಮರಣಾ ನಿಮಿತ್ಯ .. ಭಾರಿ ದುಃಖ ಝಲ್ಲೆ . ತಗೆಲೆ ಅಂಗ ರಕ್ಷಕಾಂಕ ಘೇವ್ನ್ ಆಲಂಬಸಾ ಎದ್ರಾಕ ಯುದ್ಧಾ ಕ ರಾಬಲೊ . ಘಟೋತ್ಕಚಾಲೆ  ಅಂಗ ರಕ್ಷಕ ಮಾಕ್ಷಿ ರಬ್ಬಿಲೆ  ಧುರ್ಯೋಧನಾಲೆ ಹತ್ತಾ೦ತು ಮೇಳ್ನ್ ಪ್ರಾಣ ಸೊಳ್ಳೋ . ಇರಾವಂತಾ ಲೇ ಮರಣ .. ಅರ್ಜುನಾಕ ಸಹನಾ ಕೋರು೦ಕ  ಜಾಯ್ನಿ . ಪುತ್ರ ಶೋಕಾಂತ್ ಉದ್ವಿಗ್ನ ಝಲ್ಲೋ . ಕೃಷ್ಣಾ ನ ಅರ್ಜುನಾಕ ಸಮಾಧಾನ ಕೆಲ್ಲೆ . ಇರಾವಂತಾಲೆ  ಮರಣ , ಅರ್ಜುನಾಲೆ  ಪುತ್ರ ಶೋಕ , ಪೊಳೊನ್ ಭೀಮ ,  ಕೋಪಾನ ಉಜ್ಜ್ಯೋ  ಶಿ ಝಲ್ಲೋ . ಹತ್ತಾ೦ತು ಖಡ್ಘ ಘೆವ್ನ್ ಶತ್ರು ಸೈನ್ಯಾಲ್ ರುಂಡ ಉಬ್ಬೊಚ್ಯಾ ಶುರು ಕೆಲ್ಲೆ . ಧುರ್ಯೋಧನಾಲೆ  ಭಂವ್ಢ ... ಅನದ್ರಶ್ಯ , ಕುಂಡಬೇಧಿ , ಕನಕ ಧ್ವಜ , ವಿರಾವಿ , ದೀರ್ಘಬಾಹು , ದೀರ್ಘಲೋಚನ ,.... ಸರ್ವ ವೊಟ್ಟು  ಜಾವ್ನು ಭೀಮಾ ವೈರಿ ಶರ ವರ್ಷ ದೇವೈಲೆ.... ಝಲ್ಲೇರಿ , ಭೀಮ ಸೇನಾ ನ ಯೇಕ್ಲ್ - ಎಕ್ಲೆ೦ನ್ಕ ಧೋರ್ನ ನೆಲಾರಿ ಮಾರ್ನ್ ದಿವಿಷಿ ಮಾರ್ಲೆ ಧುರ್ಯೋಧನ , ದುಃಶ್ಶಾಸನ , ಶಕುನಿ ಯೇವ್ನ್ ... ಕೌರವ ಭಂವ್ಢಾ೦ಗೆಲೆ ಮೃತ ದೇಹ ಪೊಳೊನ್ ... ಶಕುನಿ ಕ ಆಲಿಂಗನ ಕೊರ್ನ್ ' ಭೋ' ಮೋಣು ರಳ್ಳೊ . ಶಕುನಿ ಕ ಕಷ್ಶಿ ಸಮಾಧಾನ ಕೊರ್ಚೆ ಮೋಣು ಕಳ್ನಿ . " ಧುರ್ಯೋಧನಾ ..! ಹ್ಯೇ ಆಟ ದಿವಸಾ ಯುದ್ಧ ವಿಶ್ಲೇಷಣ ಕರ್ತಾನಾ ಮಕ್ಕ ಯೆಕು ಅನುಮಾನ ಯೆತ್ತಾ . ಭೀಷ್ಮ , ದ್ರೋಣ ಕೃಪಾಚಾರ್ಯ ಹನ್ನಿ ಪಾಂಡವ ಪಕ್ಷ ಪಾತಿ  ಜಾವ್ನ್ ಯುದ್ಧ ಕರ್ತಾತಿ ಕೀ ... ಮೋಣು ದಿಸ್ತಾ . ಕಶೀ ಪುಣಿ ಕರ್ಣಾಕ ... ಯುದ್ಧ ರಂಗಾಂತು ಹಾಡಕಾ . ಅಯಿಚೆ ತುಗ್ಗೆಲ್ ಭಂವ್ಢಾ೦ಗೆಲೆ ಮರಣಾ ಸಂಕಟ , ಹಗೆ ಧೋರ್ನ್ ಪಾಂಡವಾ ವೈರಿ ಕಾಡ್ಕಾ "  " ವಯ್ ಮಾಮಾ ... ತೂ೦ವೆ ಸಂಗ್ಚೆ ಸತ್ಯ ಮೋಣು ದಿಸ್ತಾ ಮಕ್ಕಾ ... ಮಕ್ಕ ಏಕ ಪೋಟಿ ಕರ್ಣಾಕ ಪೊಳೊಕಾ .. ತೂ ವೊಚ್ಚುನ್ ಕರ್ಣಾ ಕ ಮಿಗೆ ಲೆ ಶಿಬಿರಾ ಕ ರಾತ್ರಿ ಅಪ್ಪೋನ್ ಹಾಡಿ " ಮೋಣು ಆಜ್ಞಾ ಕೆಲ್ಲಿ . ಸೂರ್ಯಾಸ್ತ ಜಲ್ಲೆಲೆ ನಿಮಿತ್ಯ ವಿರಾಮ ಘೋಷಣ ಶಂಖ ಪುಂಖಾರನ ಜಲ್ಲಿ . ತ್ಯೇ ದಿವಸಾ ಯುದ್ಧ ರಾಬಲೆ . ರಾತ್ರಿ ... ಕರ್ಣ ,ದುಃಶ್ಶಾಸನ ,ಶಕುನಿ ಧುರ್ಯೋಧನಾಲೆ ಶಿಬಿರಾಂತು ಯೇವ್ನು ಪಾವಲೀ೦ತಿ. 

ಕರ್ಣ :" ಕಸಲೆ ಮಿತ್ರಾ ..!? ಕಿತ್ಯಾಕ ಅಪ್ಪಯಿಲೆ .. ? ಹಾಂವ ಮಿಗೆಲೆ ಶಿಬಿರಾಂತು ಬಯಿಸೂನ್ ಯುದ್ಧ ಕೋಲಾಹಲ ಅಯಿಕುನ್ ಬೊಸ್ಲೊ ... ಅನಿ ಹಾಂವೆ ಕಸಲೆ ಕೊರ್ಚೆ .. ? ತುಗೆಲೆ ಮಹಾ ಸೇನಾನಿ ನ ಇಚ್ಚಾಮರಣಿ ಕವಚ ಧಾರಣ ಕೆಲ್ಲಾ . ತುಗೆಲೆ ಸೈನ್ಯಾ  ಕೋಲಾಹಲ ... ವಿಜಯೀ ಕೋಲಾಹಲ ಮೋಣು ಲೆಕ್ಕುನ್  ಅಶಿಲೋ . ತುಗೆಲೆ ತೊಂಡ ಪೊಳೈತನಾ ... ಹಾಂವೆ ಲೆಕ್ಕಿಲೆ ಚೂಕಿ ಮೋಣು ದಿಸ್ತಾ ... ಕಸಲೆ ಮಿತ್ರಾ ... ? "

ಶಕುನಿ : " ಹ್ಯೇ .. ಇಚ್ಚಾಮರಣಿ ಕವಚ ಚೀ ... ಹೋಡ ಸಮಸ್ಯ ಜಾವ್ನ್ ರಾಬಲಾ .. ಅಂಗಾರಾಜ್  , ಪಿತಾಮಹ .. ಪಾಂಡವಾಂಗೆಲೆ ವಧ ಕರ್ನಾ ... ಆನಿ ಭೀಷ್ಮಾ ಕ ಕೊಣಾಚ್ಯಾನ ದಿವಿಷಿ ಮಾರೂ ಜಾಯ್ನಾ . ಹೇ ಇಚ್ಚಾಮರಣಿ ಮಧ್ಯೆ ಯೇನಾ ನಾತ್ತಿಲೆ ಝಲ್ಲೇರಿ ... ಅನಿ ಕೋಣಾಕಾಯ್ ಪುಣಿ ಪ್ರಧಾನ ಸೇನಾಧಿಪತಿ ಕೊರ್ಯೇತಶಿಲೆ ... ಹೇ ಗಂಗಾ ಪುತ್ರ , ಭರಥ ಶಿರೋಮಣಿ , ಅಂಮ್ ಕಾ ಪರಾಜಯ್ ಜಾವಚಾ ಸೋಣಾ ... ಹ್ಯೇ ಖಂಡಿತ .. ಝಲ್ಲೇರಿ ಹೇವಯ್ ಸತ್ಯ .. ಆಯಿಕ ಧುರ್ಯೋಧನ್  , ಆಂಮ್ಕಾ ...  ಜಯ ಜಾವ್ಚ್ಯಾತಾಯ್ ಸೋಣಾ ತ್ಯೋ .. " 

ದುಃಶ್ಶಾಸನ :" ಮಾಮಾ ..! ಅಸಲೆ ನಮುನೆ ಸೇನಾಪತಿ ಅರ್ಥ ಕಸಲೆ .. ? ಅಂಮ್ ಕಾ ವಿಜಯ ಮೇಳ್ ನಾ ... ಪರಾಜಯ ಜಾವ್ಚ್ಯಾ ಸೋಣಾ ... ಮ್ಹಳ್ಳೆರಿ ಹಜ್ಜೆ ಅರ್ಥ ಕಸಲೆ .. ? " 

ಧುರ್ಯೋಧನ : " ಹಾಂವ ತಕ್ಕಾ ... ಪ್ರಧಾನ ಸೇನಾಪತಿ ಕೊರುಂಕ ಸೋಣಾ ಅಷ್ಶಿಲೊ .. !ಝಲ್ಲೇರಿ .. ಮಾಮಾ ತೂವೆಂಚಿ ಸಂಘಿಲೆ ... ಉಡ್ಘಾಸ್ ಕರಿ .."

ಶಕುನಿ :" ಹಾಂ ...  ಹಾಂ ..! ಝಲ್ಲೇರಿ ... ಗೆಲ್ಲೆರಿ ... ಶಬ್ಧಾ ಪ್ರಯೋಗ ಕೊರ್ಚೆ ಫುಡೇ ... ಸಮಾ ಆಲೋಚನ ಕೊರ್ಕಾ ಧುರ್ಯೋಧನ್ ... ತುಗ್ಗೆಲ್ ಮಿತ್ರ ಅಂಗರಾಜ ಕರ್ಣಾಕ ಸೇನಾಪತಿ ಕೆಲ್ಲೆಲೆ ಝಲ್ಲೇರಿ ... ರಣ ಭೂಮಿ೦ತು ತೂ ..  ಎಕ್ಲೊಚಿ ಝತ್ತಷ್ಶಿಲೋ ... ಭರಥ ವಂಶಾ ಧ್ವಜ ಸಕಲ ಯೆನಾಶಿಲೊ  .. ಭರಥ  ವಂಶಾ ಪತಾಕೆ ಮುಳಾಂತ್ ಅಂಮ್ ಕಾ ಸಕ್ಕಡಾಂಕ ಯುದ್ಧ ಕೋರ್ಕಾ ಅಶಿಲೆ ... ತ್ಯೆ ನಿಮಿತ್ಯ ಹಾಂವೆ .. ಭೀಷ್ಮಾನ ಪ್ರಧಾನ ಸೇನಾಪತಿ ಜಾವ್ಕಾ ಮೋಣು  ಸಂಘಿಲೆ ..."

ಧುರ್ಯೋಧನ : " ತಷ್ಶಿ ಝಲ್ಲೆರಿ ಹಾಂವೆ ಕಸಲೆ  ಕೋರ್ಕಾ ಅಷ್ಶಿಲೆ .. ? ಶಕುನಿ ಮಾಮಾ .. ! ಆಮ್ಗೆಲೆ ವಿಜಯಾ ಕ .. ಅರ್ಜುನಾಲೆ  ವಧಾ ಜಾವ್ಚೆ ಅತೀ ಅವಶ್ಯ ಅಸ್ಸ ಮಾಮಾ ... ಅರ್ಜುನ ವಧಾ ಪಿತಾಮಹ ಕರ್ನಾ .. ಹ್ಯೇ ಖಂಡಿತ . ಹಾಂ .. ! ತ್ಯೆ ಅರ್ಜುನಾ ನ  ಲಕ್ಷ - ಲಕ್ಷ  ಸೈನಿಕಾಲೆ  ಮೃತ ದೇಹ ರಾಶಿ ಘಾಲ್ಲಾ .. ಯೆಕಾತ್ ವೆಳ್ಯೇರಿ ... ಹಾ೦.. ! ಅಷಿ  ಝತ್ತ ಮೋಣು ಗೊತ್ತಶಿಲೆ ಝಲ್ಲೆರಿ ... ಅನ್ನೇ ಕ್ಲೇಕ ಸೇನಾಪತಿ ಕೊರುಂಕ ಹಾಂವ ಖುದ್ದ್ .. ಪಿತಾಮಹಾಲೆ ವಧಾ ಕರ್ತಾಶಿಲೋ .. ಮಕ್ಕಾ .. ಹ್ಯೇ ಯುದ್ಧಾಂತ್ ವಿಜಯ್ ಜಾವ್ಕಾ ... ಅನಿ ಮಿಗ್ಗೆಲೆ ಮಿತ್ರ ಕರ್ಣಾ ಲೆ ಸಹಾಯು ನಾಶಿ .. ಮಕ್ಕಾ  ವಿಜಯ್ ಜಾವ್ಚ್ಯಾ ಸಾಧ್ಯ ನಾ . ಏಕಾಂತ್ ವೇಳಾ ಅರ್ಜುನ್ ಯುದ್ಧಾ೦ತ್  ಪ್ರಶ್ನೊ ಝಲ್ಲೇರಿ ... ತ್ಯೆ ಪ್ರಶ್ನೆ ಕ ಉತ್ತರ ... ಮಿಗ್ಗೆಲೆ ಮಿತ್ರ ಕರ್ಣ ... ತ್ಯೆ ನಿಮಿತ್ಯ ಮಾಮಾ .. ! ಭೀಷ್ಮಾ ಲೆ ಜಾಗೇರಿ .. ಕರ್ಣಾಕ ಕಶಿ ಹಾಡ್ಚೆ ಮೋಣು ವಿಚಾರ ಕೊರ್ನ್ ಸಾಂಘ . " ಶಕುನಿ :" ಅರೆ ..! ಹ್ಯೇ ವಿಷಯಾಂತ್ ಮಕ್ಕಾ ವಿಚಾರ ಕೋರ್ಚ್ಯಾಕ ಕಾಯೀ  ನಾ .. ಪ್ರಿಯ ಧುರ್ಯೋಧನ್ .. ! ಯೇಕಾತ್ ವೆಳಾ .. ಪಾಂಡವಾಂಕ ಯುದ್ಧಾ೦ತು ವಿಜಯ ಜಾವ್ಕಾ ಜಲ್ಲೇರಿ ... ಭೀಷ್ಮಾಕ ದಿವಿಶಿ ಮಾರ್ಚ್ಯಾಕ ಕಾಯಿ ಪುಣಿ ಆಲೋಚನಾ .. ಉಪಾಯ ಕೊರ್ನ್ ಅಸ್ಸುಕಾ ... ತ್ಯೆ ವಿಷಯಾನ್ ಅಮ್ಮಿ ಕಸಲೇಕ ಮತ್ತೆ ಹೂನ ಕೋರ್ಕಾ .. ? ತಾಂಗೆಲೆ ವಿಚಾರು ತಾಂಕಾ ಸೋಡಿ . ತಾಂಗೆಲೆ ಪಕ್ಷಾಂತ್ ವಾಸುದೇವ್ ಕೃಷ್ಣ ಅಸ್ಸ .. ತ್ಯೋ ಕಸಲೆಯ್ ಉಪಾಯ್ ಸೊದ್ದಿತಾಲೊ ..! ಹ್ಯೋ ಕಾಂಟೊ ತಾಂಗೆಲೆ ಗಳೇ೦ತುಯಿ ಶಿರ್ಕಲಾ ಹಾಂ " ಧುರ್ಯೋಧನ :" ಮಿತ್ರ ಕರ್ಣಾ ..! ಮಿಗೆಲೆ ಖತಿರಿ ಪುಣಿ ತೂ೦ವೆ ಯುದ್ಧಾ ಕ ಯೆವ್ಕಾ .. ಮಿಗೆಲೆ ಭಂವ್ಢ ..  ತ್ಯೆ ದುಷ್ಟ ಭಂಢ ಭೀಮ ಸೇನಾಲೆ ಹಾತ್ತಾಂತುಮೊರ್ಚೆ  ಪೊಳಯಿತನಾ ಮಕ್ಕಾ ನೀದ ಯೇನಾ . ತೂ೦ವೆ ಯುದ್ಧ ಭೂಮಿಕ  ಯೇನಾ ನಾತ್ಲೆರಿ .. ಪಾ೦ಡವ , ಮಿಗೆಲೆ ಬಾಕಿ ವ್ಹರ್ಲೆಲೆ ಭಂವ್ಢಾಂಕ ದಿವಿಶಿ ಮಾರ್ತಾತಿ . ಸೇನಾಧಿಪತ್ಯ ತುಕ್ಕಾ ದಿತ್ತಾ ... ಭೀಷ್ಮ ಪಿತಾಮಹ ಸ್ವಲ್ಪ  ದಿವಸ ವಿಶ್ರಾಮ ಕೊರೋ . "

ಕರ್ಣ :" ಧುರ್ಯೋಧನಾ ..! ಭೀಷ್ಮಾ ಕ ಮಿಗೆಲೆ ವೈರಿ ದ್ವೇಷ ಅಸ್ಸ ಹ್ಯೇ  ಸತ್ಯ ... ಭೀಷ್ಮ ತ್ರಿಲೋಕ ವೀರ ಮೋಣು ಸರ್ವಾಂಕ ಗೊತ್ತಶಿಲೋ ವಿಷಯು ... ಹೇ ವಿಸೋರು ನಜ್ಜ . ಶಂಬರಿ ಜನ ಕರ್ಣ , ಅರ್ಜುನ ಎದುರ ಅಯಿಲೇರಿ ಭೀಷ್ಮಾಕ ಪರಾಜಯ ಕೊರ್ಚೆ ಅಸಾಧ್ಯ . ಭೀಷ್ಮ ದ್ರೋಣ ಅಷ್ಶಿಲ್ ನಿಮಿತ್ಯ .. ಇತ್ಲೆ ದಿವಸ ತುಗ್ಗೆಲ್ ಸೈನ್ಯ ವಾಂಚುನ್ ಉರ್ಲೆ . ಭೀಷ್ಮಾನ ಆಸ್ಚಯೆ ತೆದೊಳ್ ತಾಯ್ ...  ತುಕ್ಕಾ ಕಾಯಿ ಭ೦ಯ್ಯ  ನಾ . ತೂ ಅತ್ತ ಭೀಷ್ಮಾಲೆ ಶಿಬಿರಾ ವೊಚ್ಚುನ್ .. ನ್ಯಾಯ ವಿನಯ ಉತ್ರಾನಿ .. ಸಾಮೋಪಾಯನ ತಕ್ಕಾ  ತುಗ್ಗೆಲ್ ದಿಕಾನ  ಕೊರ್ನ್ ಘೇ . ಭೇದೋಪಾಯ ನಿಮಿತ್ಯಾನ ನಯ್ಯ್ . ತ್ಯೆ ಮಂಥಾರೆಕ ಮುಖ ಸ್ತುತಿ ಕೆಲ್ಲೇರಿ ಖುಶೀ ಝತ್ತಾ . ತಕ್ಕ ಮನಾ ಖುಷಿ ಕೊರ್ನ್ , ತುಗ್ಗೆಲ್ ವಿಚಾರಾಕ ಸಮ್ಮ ಜಾವ್ನ್ ನಾಂಚೆ ತಶಿ ಕರಿ  ಮೋಣು ವಾಟ್ ದಕ್ಕಯಿಲಿ . ಭೀಷ್ಮಾಲೆ ಶಿಬಿರಾಂತ್ .. ರಾಜ ವೈದ್ಯ , ಅಂಗಾ ಜಲ್ಲೆಲೆ ಘಾಯಾಕ ವಕ್ಕಾದ ಲಾಯಿತಾ ಆಶಿಲೇಂತಿ . ಇತ್ಲೆ ಘಾಯ ಪೊಳೋನ್ ಧುರ್ಯೋಧನಾಕ ಪಿತಾಮಹಾ ವೈರಿ ಅಭಿಮಾನ ದಿಸ್ಲೆ ... ಮನಾಂತ್ ಗರ್ವ ಪಾವ್ಲೋ ... ಅಶಿ ಚೂಕಿ ಲೆಕ್ಕುನಜ್ಜ ಅಶಿಲೆ ಮೋಣು ಸಂತಾಪು ಪಾವಲೋ . ಭೀಷ್ಮಾಲೆ ಮತ್ತೆ ಬದೀನ ರಬ್ಬುನ್ ವಾರೆ ಘಾಲ್ನ್ ರಾಬ್ಲೊ . ಭೀಷ್ಮಾನ ದೋಳೆ ಸೊಡ್ತಾನಾ .. ಧುರ್ಯೋಧನ , ದುಃಶ್ಶಾಸನ ಹಯೇ ಬದಿ ತ್ಯೆ ಬದಿ ರಬ್ಬುನ್ ವಾರೆ ಘಾಲ್ಚೆ ಪೋಳೋನ್ " ಧುರ್ಯೋಧನಾ ಹ್ಯೇ ವೆಳ್ಯೇರಿ ಕಿತ್ಯಾ ಅಯಿಲೊ .. ? " ಮೋಣು ನಿ೦ಮಗಿಲೆ . " ಕಾಯಿ ನಾ ತುಕ್ಕಾ ಪೊಳೋ ನ್ ವೋಚ್ಚಾ ಮೋಣು ಆಯ್ಯಿಲೋ " ಮೋಣು ಸಂಘುನ್ ಪಯ್ಯಾರಿ ಪೋಣು  ವಂದನ ಕೆಲ್ಲಿ .  " ಯೋ ಬಾಳಾ ..! ಬಯಿಸ ..ತುಗ್ಗೆಲ್ ಶೀತ ಖೆಲ್ಲೆಲೆ ಋಣಾ ಕಾರಣ ತುಗ್ಗೆಲ್ ದಿಕಾನ ರಬ್ಬುನ್ ಯುದ್ಧ ಕರ್ತಾ ಅಸ್ಸ . ದಿವಸ ದಿವಸಾ ಕ ಅಂಗಾ ಶಕ್ತಿ ಊಣೆ ಝತ್ತಾ ಅಸ್ಸ . ಹ್ಯೇ ಪೌರುಷ ಜೀವನಾ ಕ ಫೊಡ್ಧೊ ಘಾಲ್ಚೆ ವೇಳು ಅಯಿಲಾ ಮೋಣು ದಿಸ್ತಾ ... ಕುಮಾರಾ ..! ಕುರು ವಂಶಾ ಕುಡಿ ಎಕ್ಲೆ ಎಕ್ಲೆನ ಭುಂಯ್ಚೇರಿ  ಪೋಣು , ಮಿಗ್ಗೆಲೆ ದೊಳೆ ಎದ್ರಾಕ ಆತ್ಮ ಬಲಿದಾನ ಕೊರ್ಚೆ ಪೋಳಯಿತಾನಾ ... ಮಿಗೆಲೆ ಆತ್ಮ , ಮನ , ಮುಕ್ತಿ ಖತಿರಿ ಉತ್ತೇಜನ ಕರ್ತಾ ಅಸ್ಸ ."....  ಮ್ಹಳ್ಳಲೋ ಭೀಷ್ಮ . ಪಿತಾಮಹಾಲೇ ಉತ್ರಾಕ ಧುರ್ಯೋಧನಾ ಲೇ ಮನ ಕರ್ಗಲೆ  ..." ಪಿತಾಮಹಾ ...! ದೋಳೆ ಧಾಂಕುನ್ ಥೊಡೆ ವಿಶ್ರಾಮ ಕರಿ " ಮೋಣು  ಸಂಘುನ್ ತಾಗೆಲ್ ಸೇವಾ ಕೊರುಂಕ ಮುಕಾರ್ಸುನ್ ಅಯಿಲೊ . 

ಉಮಾಪತಿ