MAHABHARATHA Part - 47 ( Konkani Bhashentu )
YUDHDHA PRARAMBHA - Surve divasa yudhdha
ಯುದ್ಧ ಪ್ರಾರಂಭ - ಸುರ್ವೆ ದಿವಸಾ ಯುದ್ಧ
ಧುರ್ಯೋಧನಾನ ಸುರ್ವೇಕ ಯುದ್ಧ ಪ್ರಾರಂಭ ಕೋರ್ಕಾ ಮೋಣು , ಧರ್ಮರಾಯು ರಾಕ್ಲೊ ... ಸುರ್ವೇಕ ಧರ್ಮರಾಯಾನ ಯುದ್ಧ ಪ್ರಾರಂಭ ಕೋರ್ಕಾ ಮೋಣು ಧುರ್ಯೋಧನ ರಾಕ್ಲೊ . ವೃಥಾ ಕಾಲು ಕಾಡಚೆ ಪೊಳೋ ನ್ , ಧುರ್ಯೋಧನಾನ ಭೀಷ್ಮಾಕ ಪೊಳೋ ನ್ ಯುದ್ಧ ಪ್ರಾರಂಭ ಕೊರುಂಕ ಸೂಚನ ದಿಲ್ಲಿ . ರಣ ಭೇರಿ , ದುಂಧುಭಿ , ತುತ್ತೂರಿ ಎಕ್ಕ ವೇಳೇರಿ ವಾಜ್ಲೀಂತಿ , ಭೀಷ್ಮಾನ ಶಂಖು ಭೂ೦ಕಾರ್ ಕೊರ್ನ್ , ಯುದ್ಧ ಪ್ರಾರಂಭ ಜಾವ್ಚೆ ಸೂಚನಾ ದಿಲ್ಲಿ . ಕೃಷ್ಣಾ ನ ಪಾಂಚಜನ್ಯ ಶಂಖು ವಜ್ಜಿಲೆ ... ಅರ್ಜುನಾ ನ ದೇವದತ್ತ ಶಂಖು ವಜ್ಜಿಲೆ .. ಭೀಮ ಸೇನಾ ನ ಪೌಂಡ್ರಕ ಶಂಖು ವಜ್ಜಿಲೆ . ಶಂಖ ಭೂ೦ಕಾರು ಪ್ರಳಯ ಸೂಚನಾ ಜಾವ್ನ್ ಅಷ್ಠ ದಿಶೆಕ ಅಯಿಕ್ಕ್ ಪೊಳ್ಳೇ . ಹಸ್ತಿ , ಘೋಡೆ .... ಮುಕಾವಾಯಿಲ್ ದೋನಿ ಪಾಯ ಉಬಾರ್ನ ಘೀ೦ಕಾರು ಕೆಲ್ಲೆ . ಯುದ್ಧ ಪ್ರಾರಂಭ ಝಲ್ಲೊ .ಕುರು ಸೈನ್ಯ ರಕ್ಷಕು ಜಾವ್ನ್ ಭೀಷ್ಮ ರಾಬ್ಲಾ . ಪಾಂಡವ ಸೈನ್ಯಾ ರಕ್ಷಕು ಜಾವ್ನ್ ಭೀಮ ಸೇನಾ ರಾಬಲಾ . ಭೀಮ ಸೇನಾನ ಕುರು ಸೈನ್ಯ ಪೊಳೊನ್ ಕೋಪು ಆಯ್ಯಿಲೆ ಸಿಂಹಾ ಮ್ಹಣ್ಕೆ ಘರ್ಜನ ಕೆಲ್ಲಿ . ಹತ್ತಾ೦ತು ಗಧಾ ಗಿರ ಗಿರನಿ ಘು೦ವ್ಡಾನ್ ರಾಕ್ಷಸಾ ಮ್ಹಣ್ಕೆ ಭೀಷ್ಮಾ ದಿಕಾನ ಮುಕಾರ್ಸಲೋ . ಧುರ್ಯೋಧನಾನ ಭೀಷ್ಮಾ ದಿಕಾನ , ಭೀಮಾ ನ ಯೆವ್ಚೆ ಪೊಳೊನ್ ತಾಗೆಲ್ ಭಂವ್ಡಾಂಕ ಭೀಷ್ಮಾಲೆ ರಕ್ಷಣೆ ಕ ಪೆಟಯಿಲೆ . ದುಃಶ್ಶಾಸನ , ದುಃಸ್ಸಾಹ , ದುಃರ್ಮುಖ , ಧುರ್ಮರ್ಷಣ , ವಿವಿಶಂತಿ , ವೃಷಸೇನಾ , ವಿಕರ್ಣ ... ಭೀಮಾಕ ರಬ್ಬೊಚಾ ಪ್ರಯತ್ನ ಕೆಲ್ಲೆ . ಭೀಮ ಸೇನಾಲೆ ಗಧಾ ಪ್ರಹಾರಾಕ , ಕುರು ಭಂವ್ಡ ಏಕ್ ಯೇಕಲೆ , ಏಕ್ ಯೇಕ್ ದಿಕಾನ ಪೊಳ್ಳೆ . ಅಭಿಮನ್ಯು ಅನಿ ದ್ರೌಪದಿಲೆ ಪಾಂಚ ಕುಮಾರ ಭೀಮ ಸೇನಾ ಲೆ ಸಹಾಯಕ್ ಜಾವ್ನ್ ರಾಬಲೆ . ಯುದ್ಧ ಆರಂಭೊ ಝತ್ತಾನಾ ಚ್ಯಿ ಗಜಾ ರೂಢ ಸೈನ್ಯಾ ಮಧ್ಯೆ ಧಮಾಸಾನ ಯುದ್ಧ ಆರಾಂಭ ಝಲ್ಲೆ . ಆನ್ನೇಕ ಬದಿನ ... ಅಶ್ವಾ ರೂಢ ಸೈನ್ಯ ಮುಕಾರ್ಸುನ್ ಅಯಿಲೆ . ಗಜಾಶ್ವ ಪಯ್ಯಾ ಧೂಳೀಕ ಎಕ್ಲೆ೦ಗೆಲೇ ತೊಂಡ ಅನ್ನೇಕ್ಲೇಕ ದಿಸ್ಸನಿ . ರಥ೦ ಎಕ್ಕಾಏಕ
' ಢೀ'ಮಾರ್ಲೆ . ಸಾತ್ಯಕಿ .. ಕೃತವರ್ಮಾ ವೊಟ್ಟು , ಬೃಹದ್ಬಲಾ .. ವೊಟ್ಟು ಅಭಿಮನ್ಯು , ಭೀಮ .. ಭೀಷ್ಮಾವೊಟ್ಟು , ದುಃಶ್ಶಾಸನ ... ನಕುಲ ವೊಟ್ಟು , ಧುರ್ಮುಖ .. ಸಹದೇವಾ ವೊಟ್ಟು , ಧರ್ಮರಾಯು .. ಶಲ್ಯಾ ವೊಟ್ಟು , ಅಶ್ವಥಾಮಾ .. ಶಿಖಂಡಿ ವೊಟ್ಟು , ಆಲಂಭಸಾ ... ಘಟೋತ್ಕಚಾ ವೊಟ್ಟು , ದ್ರುಪದ ... ಜಯದೃಥಾ ವೊಟ್ಟು , ಕೃಪಾಚಾರ್ಯ .. ಬ್ರಹಕ್ಷಾತ್ರಾ ವೊಟ್ಟು , ಶಕುನಿ .. ಪ್ರತಿವಿಂಧ್ಯಾ ವೊಟ್ಟು , ಸುದಕ್ಷಿಣಾ .. ಶ್ರತಾಯಾ ವೊಟ್ಟು , ಶ್ರತ ಸೋಮಾ ..... ಇಳವಂತಾ ವೊಟ್ಟು ... ಅಷ್ಶಿ ಎಕ್ಲೆಲೆ ವೊಟ್ಟು ಯೆಕ್ಲೊ ... ಯುದ್ಧ ಆರಂಭೊ ಝಲ್ಲೋ . ಕರ್ಣಾ ಕ ಭೀಷ್ಮಾಲೆ ಅನುಮತಿ ಮೇಳ್ನಾಶಿ ... ಯುದ್ಧ ರಂಗಾಕ ಯೇನಿ .
ಭೀಷ್ಮಾ ಲೆ ಪರಾಕ್ರಮ ಅಯಿಕುನ್ ಗೊತ್ತಸ್ಸ ಸರ್ವಾಂಕ ..ಶಿವಾಯ್ ಪೊಳೋನ್ ಗೊತ್ನಾಶಿಲೆ . 800 ವರ್ಷ೦ , ವಯೋವೃದ್ಧ ಭೀಷ್ಮ ಕಸಲೆ ಕ ರ್ತಾಲೊಯುದ್ಧಾ೦ತು ? ಕರ್ಣ , ಧುರ್ಯೋಧನ , ದುಃಶ್ಶಾಸನ ಕ ಮನಾಂತು ಭಂಯ್ಯ್ ಅಶಿಲೆ . ಸರ್ವಾಲ್ ಮನಾಂತು ಅನುಮಾನ ಅಶಿಲೆ . ಯುದ್ಧ ನೈಪುಣ್ಯ ಸುರ್ವೆ ದಿವಸು ಭೀಷ್ಮಾನ ದಕ್ಕಯಿಲೆ . ತಗೆಲೆ ಪೌರುಷ ಪೋಳೋನ್ ಸರ್ವಾಂಕ ಆಶ್ಚರ್ಯ ಝಲ್ಲೆ . ಯುದ್ಧ ಪ್ರಾರಂಭ ವೆಳ್ಯೇರಿ ಭೀಷ್ಮ ಶಾಂತ ಜಾವ್ನ್ ಅಶಿಲೋ . ಪೋಳಯಿತಾ ... ಪೊಳೈತಾಚಿ ... ಚಂಡ -ಪ್ರಚಂಡ ಝಲ್ಲೊ . ಪಾಂಡವ ಸೈನ್ಯಾಕ ಹಜಾರ್ - ಹಜಾರ್ ಜನಾಂಕ ಕತ್ತೊರನ್ ಘಾಲ್ಲೆ . ಹತ್ತಾ೦ತು ವಜ್ರ ಸಮಾನ ಜಾವ್ನ್ ಅಶಿಲೆ ಖಡ್ಘ ಧೋರ್ನ ಏಕ್ - ಏಕ್ ಪೋಟಿ ಧಾಹ್ - ಧಾಹ್ ಜನಾಲೆ ಮತ್ತೆ ಕತ್ತೋರ್ನ ಘಾಲ್ಲೆ . ಅಭಿಮನ್ಯು , ಭೀಷ್ಮ ಪಿತಾಮಹಾಲೆ ಎದ್ರಾಕ ಯೇವ್ನ್ ರಾಬ್ಲೊ . ಪೊಣ್ ತ್ರೋ ಅಭಿಮನ್ಯು ಎದ್ರಾಕ ಯೇವ್ನ್ ರಬ್ಬಿಲೇ ಪೊಳೋ ನ್ , ಭೀಷ್ಮಾ ಕ ಮಸ್ತ್ ಸಂತೋಷು ಝಲ್ಲೋ . ಭೀಷ್ಮಾಲೆ ರಕ್ಷೆಕ .. ಕೃಪಾಚಾರ್ಯ , ಕೃತವರ್ಮ , ಶಲ್ಯ , ವಿವಿಶಂತಿ , ಧುರ್ಮುಖ ಇತ್ಲೆ ಜನ ಸುತ್ತು ಅಸ್ಲೆರಿಯಿ .. ಧನುಷ್ಯ ಹುಂಕಾರ ಕೊರ್ನ್ , ಯುದ್ಧ ಕ ಸವಾಲು ಘಲ್ಲೆ ಮ್ಹಣ್ಕ್ ದಿಸ್ಲೆ . ಅಭಿಮನ್ಯು , ಸುತ್ತು ರಬ್ಬಿಲೆ ಕೃಪಾಚಾರ್ಯ , ಕೃತವರ್ಮ , ಬಾಣ್ ಮಾರ್ನ್ ಘಾಯು ಕೆಲ್ಲೆ . ' ಹ್ಯೋ ಮಿಗೆಲೆ ಪೊಣ್ ತ್ರೋ ಸಾಮಾನ್ಯ್ ನಯ್ ... ಅರ್ಜುನಾ ಮ್ಹಣ್ಕೆ ಮಹಾ ವೀರು ... ಭಳಾ ... ! ಮೋಣು ಮನಾಂತು ಲೆಕ್ಕುನ್ ಭೀಷ್ಮ ಸಂತೋಷು ಪಾವಲೋ .. ಪ್ರಶ೦ಷ ಕೆಲ್ಲಿ . ಯುದ್ಧ ಕರ್ತಾಚಿ ಭೀಷ್ಮಾ ಲೆ ರಥ ಪತಾಕಿ ಕತ್ತೋರ್ನ್ ಉಡಯಿಲಿ . ರಥ ಪತಾಕಿ ಕತ್ತೊರ್ಚೆ .. ಯೇಕ್ ನಮುನೆ ಅಪಮಾನ ಕೆಲ್ಲೆ ಮ್ಹಣ್ಕೆಚಿ . ಅಭಿಮನ್ಯು ಕ ಮಾರುಂಕ ಬಾಣ ಧನುಷ್ಯಾ ಕ ಲಗ್ಗಯಿತಾ ನ .. ಭೀಮು ಅಭಿಮನ್ಯು ಲೆ ರಕ್ಷೆಕ ಅಯಿಲೊ . ಭೀಮಾ ನ ಕೋಪಾ ನ ಗಧಾ ಪ್ರಹಾರು ಕೊರ್ನ್ ಕೃತವರ್ಮಾ , ಕೃಪಾಚಾರ್ಯಾ ಲೆ ರಥ೦ ಪುಡ್ಡಿ ಕೆಲ್ಲೆ . ಅಭಿಮನ್ಯು ಕ ವಿಂಗಡ ಕಡೆ ಪೆಟಯಿಲೆ . ಭೀಷ್ಮಾ ಕ ... ಭೀಮಾ ವೈರಿ ಕೋಪು ಅಯಿಲೊ .. ದಿವ್ಯಾಸ್ತ್ರ ಸೋಣು ಭೀಮಾ ಲೆ ಸುತ್ತು ಅಶಿಲೆ ಹಜಾರ ಹಜಾರ್ ಸೈನ್ಯಾಕ ನಾಶ ಕೆಲ್ಲೆ . ವೃದ್ಧ ಭೀಷ್ಮಾಲೆ ರೌದ್ರಾವತಾರ , ಶಕ್ತಿ ಪೊಳೋನ್ .. ಧರ್ಮಜಾ ಕ ಯಚ್ಚನ ಶುರು ಝಲ್ಲಿ . ' ಅನಿ ಕೌರವಾಂಕ ಮಾರ್ಚಾ ಜಾಯ್ನಾ' ಮ್ಹಳ್ಳೆಲೆ ಅಧೈರ್ಯ ಮನಾ ರಿಗ್ಲೆ . 800 ವರ್ಷ೦ ದಾಂಟ್ವಾಲೊಲೊ ಭೀಷ್ಮ ಪಿತಾಮಹ ಇತ್ಲೆ ವೀರಾ ವೇಷಾರಿ ಯುದ್ಧ ಕರ್ತಾ ಝಲ್ಲೆರಿ ... ಪ್ರಾಯೆ ವೆಳ್ಯೇರಿ ಕಶಿ ಆಶಿಲೋ .. ! ಮ್ಹಳ್ಳೆಲೆ ಮನಾ ದಿಸ್ಲೆ .
ಕೃಷ್ಣಾ ನ ಅರ್ಜುನಾಲೆ ರಥ , ಭೀಷ್ಮ ಪಿತಾ ಮಹಾ ಲೆ ಎದ್ರಾ ಕ ಹಾಣು ರಬ್ಬಯಿಲೆ . ಅರ್ಜುನಾನ ಬಾಣಾ ಮಾಕ್ಷಿ ಬಾಣ ಭೀಷ್ಮಾಯ ವೈರಿ ಪ್ರಯೋಗ ಕೆಲ್ಲೆ . ದಿವ್ಯಾಸ್ತ್ರ .. ಮಂತ್ರ ಉಚ್ಚಾರ ಕೊರ್ನ್ ಬಾಣ ಸೊಡ್ತಾನಾ .... ಅಶಿಲೋ ಏಕು ಬಾಣ , ಧಾಹ್ , ಶಂಬರಿ , ಹಜಾರ ಸೃಷ್ಟಿ ಉದ್ಭವ ಜಾವ್ನು ಭೀಷ್ಮಾದಿಕಾನ ಯೆತ್ತಶಿಲೆ . ಭೀಷ್ಮಾ ನ ಕ್ಷಣ ಮಾತ್ರೆನ , ಆಯ್ಯಿಲೆ ಬಾಣ ಮಧ್ಯೆಂತ್ ಕತ್ತೋರ್ನ್ ಘಾಲ್ಲೆ . ವರುಣಾಸ್ತ್ರ , ಆಗ್ನೇಯಾಸ್ತ್ರ , ವಾಯುವ್ಯಾಸ್ತ್ರ , ದಿವ್ಯಾಸ್ತ್ರ ಮಂತ್ರ ಪಠಣ ಕೊರ್ನ್ ಪಾಂಚ ಧಾಹ್ ಸಹಸ್ರ ಬಾಣ ಸೊಳ್ಳೆರಿಯಿ .. ಭೀಷ್ಮಾ ನ ,ತಶೀ೦ಚಿ ತಾಜ್ಜೆ ಸಮಾನ ಜಾವ್ನ್ ಬಾಣ ಪ್ರತಿ ಸಂಹಾರ ಬಾಣ ಸೋಣು ಅರ್ಜುನಾ ಲೇ ಬಾಣ ಕತ್ತೋರ್ನ್ ಘಲ್ಲೆ . ಯುದ್ಧ ಕರ್ತಶಿಲೆ ಯೋಧ .. ಯುದ್ಧ ರಾಬ್ಬೊನ್ , ಭೀಷ್ಮ ಅರ್ಜುನಾಲೆ ಯುದ್ಧ ಪೊಳೊನ್ ಆಶ್ಚರ್ಯ ಜಾವ್ನ್ ಪೋಳಯಿತಾ ರಬ್ಲೆ . ದೇವಾ ಲೋಕಾ ಸರ್ವ ದೇವ೦ ಆಕಾಶಾರಿ ಯೇವ್ನ್ ಭೀಷ್ಮ - ಅರ್ಜುನಾಲೆ ಯುದ್ಧ ಚಕಿತ ಜಾವ್ನ್ರಾ ಪೋಳಯಿತಾ ರಾಬಲೆ . ದೇವೇಂದ್ರಾಲೆ ಆಶೀರ್ವಾದಾನ ಮೆಳ್ಳೆಲೆ ದಿವ್ಯಾಸ್ತ್ರ ಭೀಷ್ಮ ಪಿತಾಮಹಾಕ ತಜ್ಜೆ ಶಕ್ತಿ ದಕ್ಕಯಿಲೆ ಮ್ಹಣ್ಕೆ ... ಆಕಾಶ ದಿಕಾನ ಪ್ರಯೋಗ ಕೊರ್ನ್ ದಕ್ಕಯಿಲೆ . ಭೀಷ್ಮ್ ಪಿತಾಕ ಅರ್ಜುನಾಲೆ ಸಾಧನ ಪೊಳೊನ್ ಸಂತೋಷು ಝಲ್ಲೊ . ಗಂಗಾ ಪುತ್ರ , ಪರಶುರಾಮ ಶಿಷ್ಯ , ಭೀಷ್ಮಾನ ಸರ್ವ ದಿವ್ಯಾಸ್ತ್ರ ಬಾಣ ಕತ್ತೊರ್ನ್ ಉಡಯಿಲೆ .
ಭೀಮಸೇನಾ ನ ಗಧಾ ಧೋರ್ನ್ ಶಲ್ಯ ಮಹಾರಾಜಾ ವೈರಿ ಪೊಳ್ಳೋ . ದೋಗ ಜನಾ ಮಧ್ಯೆ ಗಧಾ ಯುದ್ಧ ಧನಾ - ಧನ್ ಝಲ್ಲೆ . ಭೀಮಾಲೆ ಗಧಾ ಪ್ರಹಾರ ತಡ್ಸುನ್ ಘೆವ್ವು ಜಾಯ್ನಾಶಿ ಶಲ್ಯ , ಕೃಪಾಚಾರ್ಯಾಲೆ ರಥಾ ಮಾಕ್ಷಿ ನಿಪ್ಪೋನ್ ಬೋಸ್ಲೊ . ಭೀಮಾ ನ , ಶಲ್ಯಾಲೆ ರಥ ಉಬ್ಬಾರ್ನ್ ವೈರಿ ಉಡೋನ್ ಪುಡ್ಡಿ ಕೆಲ್ಲೆ . ಅಪಮಾನ ಸಹಾನ್ ಕೊರುಂಕ ಜಾಯ್ನಾಶಿ , ಶಲ್ಯ ಏಕ ಹಸ್ತೇ ವೈರಿ ಬಯಿಸುನ್ 'ಢೀ' ಮಾರ್ಲೆ ಭೀಮಾಕ . ಕ್ರೋಧ ಕೊಂಡಿ ಭಿತರಿ ಅಶಿಲೆ ಶಲ್ಯಾನ ... ಉತ್ತರಾ ಕ ಶೂಲ ಆಯುಧ ಘೇವ್ನ್ ಹರ್ದೆ ಕ ಮಾರ್ಲೆ . ಉತ್ತರ ಕುಮಾರ್ ಹಸ್ತಿ ವಯ್ಲೆನ ಸಕಲ ಪೋಣು ... ಕ್ಷಣಾರಿ ಜೀವು ಸೊಳ್ಳೋ . ವಿರಾಟ ರಾಯಾಲೆ ಪುತ್ರ .. ಉತ್ತರ ಕುಮಾರ ಮರಣ ವಾರ್ತಾ ಪಾಂಡವಾಂಕ ಮೆಳ್ಳೆ . ಸುದ್ದಿ ಅಯಿಕುನ್ ಪಾಂಡವಾಂಕ ಕೋಪು ಅಯಿಲೆ . ಯೆದ್ರಾ ಮೆಳ್ಳೆಲೆ ಯೋಧಾಂಕ ಮನಾ ಆಯ್ಯಿಲೆ ತಶಿ ಕತ್ತೋರ್ನ್ ದಿವಿಶಿ ಮಾರುಂಕ ಶುರು ಕೆಲ್ಲೆ . ಯುದ್ಧ ನಿಯಮ ವಿಸರಲೀ೦ತಿ . ಕೌರವಾಂಕಯಿ ಮಹಾ ಕೋಪು ಅಯಿಲೊ ... ರಥ ಮೋಣು ಪೊಳ್ಳೇ , ಹಸ್ತಿಯೊ೦ ಮೋರ್ನ್ ಪೊಳ್ಳೇ , ಅಶ್ವಬಲ ಘಾಯ ಜಾವ್ನ್ ವಿಲ್ - ವಿಲ್ತಾಚಿ ನೆಲಾರಿ ಪೊಳ್ಳೇ . ಹಾಥ , ಪಾಯ , ಮತ್ತೆ ... ಖಡ್ಘಾ ಧಾರೆಕ ಆಕಾಶ ದಿಕಾನ ಉಬ್ಲೆ . ಖಂಯ್ ಪೊಳೈ ಲೆರಿ ಹಾಹಾಕಾರ .. ಕುರು ಭೂಮಿ ಅಯ್ಯೋ ... ! ಮೋಣು ರಳ್ಳಿ . ಉತ್ತರಾಲೆ ಮರಣ ... ವಿರಾಟ ರಾಯಾಲೆ ಭಾವು ಶ್ವೇತ ಸಿಂಹಾಕ ಕೋಪು ಹಾಡಯಿಲೊ . ದೊನ್ನಿ ಹತ್ತಾಂತು ಖಡ್ಘ ಘೆವ್ನ್ ಕೌರವ ಸೈನ್ಯಕ .. ಹಜಾರ್ ಹಜಾರ್ ಸೈನಿಕಾಂಕ ದಿವಿಶಿ ಮಾರ್ಲೆ . ಸಾಕ್ಷಾತ್ ರುದ್ರ ರೂಪಾರಿ ಯುದ್ಧ ಕೊರ್ಚೆ ಶ್ವೇತ ಸಿಂಹಾ ಕ ಭೀಮ ಸೇನಾನಾ ಮಧ್ಯೆ ಯೇವ್ನ್ ರಬ್ಬಯಿಲೆ . ಸೂರ್ಯ ಪಶ್ಚಿಮ ದಿಶೆ೦ತು ಅಸ್ತ ಝಲ್ಲೋ . ತ್ಯೆ ದಿವಸೇ ಯುದ್ಧ ರಬಲೆ
ಉಮಾಪತಿ
No comments:
Post a Comment