MAHABHARATHA Part - 39   ( konkani Bhashentu )

                  Krishna - Karnaa li bheThi /   ಕೃಷ್ಣ ಕರ್ಣಾಲಿ  ಭೇಠಿ

 ಗಂಗಾ ತೀರಾರಿ ಕೃಷ್ಣ ಕರ್ಣಾಲೆ ಖತಿರಿ ರಕ್ಕುಂನ್  ಅಸ್ಸ . ಸ್ವಲ್ಪ ವೆಳ್ಯೇನ ಸಾತ್ಯಕಿ , ಕರ್ಣಾ ಕ ಅಪ್ಪೋನ್ ಘೇವ್ನ್ ಗಂಗಾ ನಂಯ್ ಚೆ ತಟಾರಿ ಯೇವ್ನ್ ಪಾವಲೋ . ಕೃಷ್ಣಾಕ ಪೊಳೈಲೆ  ಸತಾನ , ಕರ್ಣಾನ ಆತ್ಮೀಯ ಜಾವ್ನ್ ನಮನ ಕೆಲ್ಲೆ . ಕೃಷ್ಣಾ ನ ಕರ್ಣಾಲೆ  ಭುಜಾರಿ ಹಾತು ದವೋರ್ನು ಆತ್ಮೀಯ ಜಾವ್ನು ಅಭಿನಂದನಾ ಕೆಲ್ಲೆ ಆನಿ ಏಕಾಂತ ಜಾಗೇರಿ ಅಪ್ಪೋನ್ ವೋರ್ನು , ಯೆಕ ರುಕ್ಕ ಮುಳಾಂತ್ ಬಸ್ಕರಾಯಿಲೆ . 

ಕೃಷ್ಣ :" ಅಂಗರಾಜಾ ..   ಮಕ್ಕಾ ತೂಗೇಲೆಗಿ  .. ಏಕಾಂತ ಜಾವ್ನ್ ಉಲ್ಲೋಚ್ಯಾ ಅಷ್ಶಿಲೆ ... ತಾಜ್ಜೆ ಖತೀರಿ ತುಕ್ಕ ಹಂಗಾ ಅಪ್ಪೋನ್ ಹಳ್ಳಾ . ತೂ ಶಾಂತ ಮನಾರಿ ಅಸ್ಸ ನವೇ .. ? " ಕೃಷ್ಣಾ ನ ನಿ೦ಮಗಿಲೆ . 

ಕರ್ಣ : " ವಾಸುದೇವಾ .. ! ತೂ೦ವೇ ಏಕಾಂತ ಉಲ್ಲೋ ಚ್ಯಾ ಅಪ್ಪಯಿಲಾ ಮ್ಹಣ್ತನಾಚಿ , .. ಹಾಂವೆ ಲೆಕ್ಲಾ ... ಕಸಲೆ ಕೀ ವಿಶೇಷ ಅಸ್ಸುಕಾ ಮೋಣು ..!! ಹಾಂವ ಶಾಂತ ಮನಾರಿ ಅಸ್ಸ ವಾಸುದೇವಾ ..!. ತೂ೦ವೆ ಕಸಲೆಯ್ ಉಲ್ಲೋಚೆ ಜಲ್ಲೇರಿ , ನಿಸ್ಸಂಕೋಚ ಜಾವ್ನ್ , ಮನ ಸೋಣು ಉಲ್ಲೋಯೇತ . "

ಕೃಷ್ಣ :" ತುಕ್ಕಾ ಮಸ್ತ ಆಶ್ಚರ್ಯ ಜಾವ್ನ್ ಅಷ್ಶಾಪೂರೋ ... ಹ್ಯೋ ಕೃಷ್ಣು ಹಂಗಾ , ಕಸಲೇಕ ಅಪ್ಪೋನ್ ಹಳ್ಳಾ ಮೋಣು ...  ನಯ್ ವೇ  ರಾಧೇಯ್ . ! "

ಕರ್ಣ :" ತೂಗೇಲೆ ಜಾಗೇರಿ ಆನಿ ಕೊಣಯ್ ಅಷ್ಶಿಲೆ ಜಲ್ಲೇರಿ ... ಮಕ್ಕ ಆಶ್ಚರ್ಯ ಝತ್ತ ಅಷ್ಶಿಲೆ ... ಜಲ್ಲೇರಿ , ಕೃಷ್ಣಾ ... ತುಕ್ಕಾ ಕೊಣಾಲೆಯ್ ಆಶ್ಚರ್ಯ ಸೀಮಾ ಭಿತರಿ ಧೊರುಂಕ ಜಾಯ್ನಾ ವಾಸುದೇವಾ ... ! " 

ಕೃಷ್ಣ :" ತೂ ಯೆಕ್ಲೊ ಅತೀ ಉತ್ತಮ ವ್ಯಕ್ತಿ ... ಅತೀ ಸ್ರೇಷ್ಠ ... ಸಚ್ಚರಿತ್ರ .. ಧರ್ಮ ಮೋಣು ಕಸಲೆ ಲೆಕ್ತಾ ಕೀ .. ತ್ಯೆ ಧರ್ಮಾ ಸೀಮಾ ರೇಖ ಉಲ್ಲಂಘನ ಕರ್ನಾ . ಧರ್ಮಾ ಚೆ ಸರ್ವ ... ,  ಪರ್ವಾ ಜ್ಞಾನ ಅಷ್ಶಿಲೊ ... ತುಝೆ ತಸಲೊ ಧರ್ಮ ಜ್ಞಾನಿ , ಧುರ್ಯೋಧನಾ ತಸಲೆ ದುರಭಿಮಾನಿಲೆ ಪಕ್ಷಾಂತ್ ಕಸಲೆ ಕರ್ತಾ .. ? " 

ಕರ್ಣ : " ಜಲ್ಲೇರಿ ... ಮಿಗೆಲೆ ಅನಿ ಧುರ್ಯೋಧನಾಲೆ ಸಂಬಂಧ .. ಧರ್ಮ ಆನಿ ಅಧರ್ಮಾ ಹೊಂದುನ್ ..  ನಾ ..!  ಕೇಶವಾ ... ಹ್ಯೇ  ಸಂಬಂಧ , ಸ್ನೇಹ ..  ಮಿತ್ರತ್ವ ಸಂಬಂಧ ...! ತ್ಯೋ ಮಿಗೆಲ್ ಕೃಷ್ಣು ನಯ್ ... ಜಲ್ಲೆರಿಯಿ .. ಹಾಂವ ತಗೆಲೆ ಸುಧಾಮು ...! ಕೃಷ್ಣಾ ... , ಕ್ಷತ್ರಿಯ ಸಮಾಜಾನಿ ಕೆದನಾ ಸೂತ ಪುತ್ರ ಮೋಣು ... ದೂರ ದವರ್ಲೆ ಕೀ ತೆದನಾ ... ಧುರ್ಯೋಧನಾನ , ಎಕ್ಲೋಚಿ ಕ್ಷತ್ರಿಯು , ಮಕ್ಕಾ ಆಧಾರ್ ಸನ್ಮಾನ ಕೊರ್ನ್ ಲಗ್ಗಿ ಕೊರ್ನ್ ಘೆತ್ತಿಲೊ . ಸ್ವಲ್ಪ ವರ್ಷ೦ ಮಾಕ್ಷಿ .... ಹಸ್ತಿನಾವತಿ ಪ್ರಜಾ ಯೆದುರ , ದ್ರೋಣ , ಕೃಪಾಚಾರ್ಯ ಶಿಷ್ಯ .. ತಾಂಗೆಲೆ ಬಾಣ ಶಕ್ತಿ ಪರೀಕ್ಷಾ ಝತ್ತಾನಾ .. ಮಕ್ಕಾ ಸರ್ವಾಲೆ  ಯೆದ್ರಾಕ ಕ್ಷತ್ರಿಯ ನಯ್ 'ಸೂತ ಪುತ್ರ '.. ಮೋಣು ಅವಮಾನ ಕೆಲ್ಲೆಲೆ ...!  ಧುರ್ಯೋಧನ  ಏಕ್ಲೊಚಿ .. ಮಕ್ಕಾ ಕ್ಷತ್ರಿಯ ಯೋಗ್ಯ ಮೋಣು .. ಅಂಗ ರಾಜ ಕೊರ್ನ್ .. ಅರ್ಜುನಾಲೆ ವಿರುಧ್ಧ ರಬ್ಬು೦ಕ ಪ್ರೋತ್ಸಾಹ ಕೆಲ್ಲೆಲೆ . ಹೇ೦ಚಿ ಕಾರಣ ಕೇಶವಾ . ಕೆದನಾ ಮಕ್ಕಾ ತಗೆಲೋ  ದೋಷು ದೇಕ್ಪೊಡ್ತಾ ಕೀ , ತೇದನಾ ...  ಹಾಂವ ತೊಂಡ ಬಂದ್ ಕರ್ತಾ ... ಮಿಗೆಲೆ ಸ್ನೇಹ ಧರ್ಮು .. ಹೇ ಜಗತ್ಯಾಂತು ದೋಗ ಜನಾ೦ಕ  ಮಾತ್ರ ... ಮಾನಾನ ... ಹೃತ್ಪೂರ್ವಕ ಜಾವ್ನ್ ಗೌರವ ದಿತ್ತಾ ... ಎಕ್ಲೊ ಧುರ್ಯೋಧನ ... ಅನ್ನೇಕ್ಲಿ  ಮಕ್ಕ ಜನ್ಮ ದಿಲ್ಲೆಲಿ ಮಾತಾ ... ಜನ್ಮ ದಿಲ್ಲೆಲೆ ಸತಾನ್ ತ್ಯಾಗ ಕೆಲ್ಲೆಲಿ ಸ್ತ್ರೀ ... ಮಿಗೆಲೆ ಜನ್ಮ ದಾತೆ . ಮಕ್ಕಾ ಏಕ್ - ಏಕ ಪೋಟಿ ದುಃಖ ಜತ್ತಾ ... ಹ್ಯೇ ದೋನಿ  ಜನಾಂಕ ಪೊಳೈತನಾ. ಹಾಂವ ಸೂಖ ಬೊಗ್ತಾ ..  ಹೇ ಲೋಕಾನಿ ಸುಖಾರೀ ಅಶಿಲೆ ಪೊಳೊನ್ . ಹೇ ಕೇಶವಾ ..! ಮಕ್ಕ ಮಿಗೆಲೆ ಮ್ಹಳ್ಳೆಲೆ ...  ಸೂಖ , ನಾ ... ದುಃಖ ,  ನಾ . ಮಕ್ಕಾ  ಮಿಗೆಲೆ ಜೀವನಾ ವಯಿರಿ ಕಾಯೀ ಜಿಜ್ಞಾಸ ನಾ .! ಝಲ್ಲೇರಿ ಕೆದನಾ ತಾಯ್ ಮಿಗೆಲೆ ಅಂಗಾಂತು ಜೀವು ಅಸ್ಸ ಕೀ ... ತೆದೊಳ್ ತಾಯ್ ಹ್ಯೇ ದೋಗ ಜನಾ೦ಕ ಮಾತ್ರ ಮಿಗೆಲೆ ಹೃದಯಾಂತ್ ಸ್ಥಾನ ಅಸ್ಸ . ತಿನ್ನಿ ಮನ್ಶ್ಯಾಕ  ಸ್ಥಾನ ನಾ. " 

ಕೃಷ್ಣ :" ತೂ೦ವೇ ಸಂಗ್ಚೆ ಸಮ್ಮ ಅಂಗರಾಜ .... ಕೃತಜ್ಞತಾಚ್ಯೆ ಋಣ ಕಾಡ್ಚ್ಯೆ ಸಾಧ್ಯ ನಾ ... ಝಲ್ಲೇರಿಯಿ .. ಹ್ಯೇ ಋಣ ಸತ್ಯ - ಅಸತ್ಯ , ಧರ್ಮ - ಅಧರ್ಮ , ಪ್ರಕಾಶ - ಅಂಧಕಾರಂತ್ .. ಜೀವನ ಕೊರ್ಚೆ ಸಮ್ಮ ವೇ ? ಅಶಿ ಋಣ ಪಾವೊಚ್ಯೆ ಪೋಷಿ ... ಸತ್ಯ ಕಸಲೆ ಮೋಣು ಪೋಳೋ ಚೆ ನಕ್ಕವೇ .. ಅಂಗಾರಾಜ್ .. ? ಕೆದನಾಯ್ ಪುಣಿ ತೂಗೇಲ್ ಜನ್ಮಾ ವಿಷಯಾನ್ ಆಲೋಚನಾ ಕೆಲ್ಲಾ ಕೀ ಕರ್ಣಾ .. ? "

ಕರ್ಣ :" ಕೇಶವಾ ..! ಮಿಗೆಲೆ ಜನ್ಮಾ ವಿಷಯಾನ್ ಆಲೋಚನಾ ಕೆಲ್ಲೆಲೆ ನಿಮಿತ್ಯ ಮಕ್ಕ ಕಸಲೆ ಮೆಳ್ತಾಲೇ ...ವಾಸುದೇವಾ ? ಆಲೋಚನಾ ಕೊರ್ನ್ ಕಸಲೆ ಸಾಧನ ಕೋರು ಅಸ್ಸ ... ? " 

ಕೃಷ್ಣ : " ತಷ್ಶಿ ಝಲ್ಲೇರಿ ... ತುಕ್ಕಾ .. ತೂ ಕೋಣ ಮೋಣು ಗೊತ್ನಾ .. " 

ಕರ್ಣ :" ಮಕ್ಕ ಗೊತ್ನಾ ... ಕೇಶವಾ ..! ಝಲ್ಲೆರಿ ತೀ ಕೋಣ ಮಿಗೆಲೆ  ಮಾತೆ ... ? ಮೋಣು  ಅನುಮಾನ ಕೋರ್ಚ್ಯಾ  ಸಾಧ್ಯ ಅಸ್ಸನವೇ ..? ತೀ ಯೇಕ್ಲಿ ಯೋಗ್ಯ , ಆದರಣೀಯ .. ಮಹಾನ್ ಕುಲ ವಧು ಜಾವ್ನ್ ಅಸ್ತಲಿ ! ಎಕ್ಲಿ ಕೋಣ  ಕೀ ರಾಜ ಕುಮಾರಿ ಜಾವ್ನ್ ಅಸ್ತಲಿ ! ತಿಗೆಲೆ ಘರ , ರಾಜ್ಯ ಗಂಗಾತೀರಾ ವೈರಿ  ಅಸ್ಸುಕಾ ... ತಷ್ಶಿ ಜಾವ್ನ್ .. ಮಿಗೆಲೆ ಜನ್ಮ ಝಲ್ಲೆ ಸತಾನ ... ಗಂಗಾ ಪ್ರವಾಹಾ೦ತ್ ಸೋಣು ದಿಲ್ಲೆ ... ಆಹ್ ! ಹಾಂವ ಯೆವಯ್ ಲೆಕ್ತಾ ..  ಮಿಗೆಲೆ ಜನ್ಮ ದಾತೆಕ ... ಪೊಟ್ಟಾ ಜಲ್ಲೆಲೆ ಚೆರ್ಡಾ ಪೊಷಿ , ಅಪ್ಣೆಲೆ , ಘರಾ ಮರ್ಯಾದಿ ಮುಖ್ಯ ಅಶಿಲೆ ಜಾವ್ನ್ ಅಸ್ಸುಕಾ ... ತಾಜ್ಜೆ ಖತೀರಿ ತಿಗೆಲೆ ಪುತ್ತಾಕ ತ್ಯಾಗ ಕೊರ್ನ್ ಅಸ್ಸುಕಾ ... ತಿಗೆಲೆ ಪ್ರತಿಷ್ಠೆ ರಾಕ್ಚೆ ಖತೀರಿ ... ಮಿಗೆಲೆ ಮನೋವೃತ್ತಿ , ಆಚಾರ , ವಿಚಾರ , ಕ್ಷತ್ರಿಯ ವಿದ್ಯಾ , ಮಹತ್ವಾ ಕಾಂಕ್ಷಾ .. ಮಕ್ಕ ಪೊಶಿಲೆ ಆನಮ್ಮಾ೦ಕ ನಾ ... ತನ್ನಿ ದುರ್ಭಳೆ .. ತಂಕಾ ಕಸಲೇ ನಮೂನೆ ಆಶಾ ನಾ ... ತನ್ನಿ ದಕ್ಕಯಿಲೆ ಪ್ರೀತಿ , ಸ್ನೇಹ , ಮಮತಾ , ಹೇ ಪ್ರಪಂಚಾಂತು ಕೊಣಯ್ ದೀನಾಚಿ ವಾಸುದೇವಾ .. " 

ಕೃಷ್ಣ :" ಇತ್ಲೆ ಮಾನಸಿಕ ತರ್ಕ್ ಕರ್ತಾಲೊ ... ತುಗ್ಗೆಲ್ ಹೃದಯಾಂತ್ ... ಜನ್ಮು ದಿಲ್ಲೆಲೆ ಆವ್ಸೂಲೆ ಖತಿರಿ ಕಿಂಚಿತ್ ಅಭಿಮಾನ್ ಯೇವ್ನು .. ತೀ ಕೋಣ್ ಮೋಣು ... ಖ೦ಯ್ ಅಸ್ಸ ಮೋಣು ... ಕೋಳ್ ಚ್ಯಾಕ ಕಸಲೇಕ ಪ್ರಯತ್ನ ಕರ್ನಿ ಕರ್ಣಾ  ? " 

ಕರ್ಣ : " ಖಂಚೆ ಆವ್ಸೂನ್ ... ಜನ್ಮಾ ಆಯ್ಯಿಲೆ ಸತಾನ ಮುಗ್ಧ ಚೆರಡಾಕ  ತ್ಯಾಗ ಕೆಲ್ಲೆ ಕೀ ... !! ತಸಲೆ ಆವಸೂಕ ಸೊದ್ದುನ್  ಹಾಂವೆ ಕಸಲೆ ಕೊರ್ಚೆ ... ? ಚೇರ್ಡಾಕ ಪರಿತ್ಯಕ್ತ ಕರ್ತರಿ ; ತಿಕ್ಕಾ ಏಕ ಹೊಡ ಕುಟುಂಬೆಂತ್ ವ್ಹರ್ಡಿಕ  ಜಾವ್ನ್ ಆಸ್ತಲಿ ... ನವ್ವೆ ಸಂತಾನ ಜಾವ್ನ್ ಕುಟುಂಬ ದೋಣಿ ಸುಖಾರೀ ಚಲ್ತನಾ ... ಮಿಗ್ಗೆಲೆ ಉಡ್ಘಾಸು ಕಸಲೆಕ ಯೆತ್ತಲೇ ವಾಸುದೇವಾ .. ? ಝಲ್ಲೇರಿ ... ಮಕ್ಕಾ  ಸರ್ವ ನಮುನೆ ಆವ್ಸೂಲೆ ಪ್ರೀತಿ , ಮಮತಾ ಮೆಳ್ನಿ ಮೋಣು ಲೆಕ್ಕುನುಕ್ಕಾ . ಮಿಗೆ ಲೆ ಅಮ್ಮಾಲೆ ನಾ೦ವ ರಾಧಾ .. ! ...  ವಾಸುದೇವಾ...! ಹಾಂವ ತಿಗೆಲೆ ಪೂತು ಮೋಣು ಸಂಘುನ್ ಘೆವ್ಚ್ಯಾಕ ಗರ್ವ ಪಾವತಾ ... ರಾಧೇಯ ... ಝಲ್ಲೇರಿ ಕೃಷ್ಣಾ ... ! ಮಕ್ಕಾ ಮಿಗೆಲೆ ಅತೀತ ಕಸಲೆಕ ಉಡ್ಗಾಸು ಕರ್ತಾ ಅಸ್ಸ  .. ? "

ಕೃಷ್ಣ :" ತೂಗೆಲೆ ಅನುಮಾನ ಸಮ್ಮ ಅಂಗಾರಾಜ ...! ತೂಗೆಲಿ ಜನನಿ .. ಯೆಕ್ಲಿ ಕುಲೀನ ಸ್ತ್ರೀ ... ಆದರಣೀಯ ಕುಟುಂಬೆ ಚಿ ಪುತ್ರಿ ... ತುಗೆಲೆ ಜನ್ಮ ಜಲ್ಲೆ ಸತಾನ ಸಮಾಜಾ ನಿಂದಾ ವಿಷಯಾನ ಲೆಕ್ಕುನ್  ಭಿಲ್ಲಿ ... ಆಜಿ ತೀ ... ಮಸ್ತ ವೀರ ಚೆರ್ಡು೦ವಾಲಿ ಅಮ್ಮಾ ... ಜಲ್ಲೇರಿ ತಿಗೆಲೆ ಹೃದಯಾಂತು ಯೇಕ ಹೊಡ ಸಂಕಟ ಅಸ್ಸ . ತ್ಯೇ .. ರಗತಾಚೆ ... ಮಮತಾ ಸ್ಥಾನ ... ತೀ .. ರಾತಿ ಫಲ್ಲೆ ...  ತ್ಯೆ ಚೆರ್ಡಾಲೆ ಉಡಘಾಸು ಕಾಡ್ತಾ ... ಜನ್ಮಾ ಯೆತ್ತನಾಚಿ ಕವಚ ಕುಂಡಲಧಾರಿ ಜಾವ್ನ್ ಜನ್ಮಾ ಅಯಿಲಾ ತಿಗೆಲೆ  ಚೆರ್ಡು "

ಕರ್ಣ :" ವಾಸುದೇವಾ ...! ಹಾ೦ವ ಸೂತ ಪುತ್ರ ನಯ್ ಮೋಣು ಸಾಂಗ್ತಾ ಅಸ್ಸ ಕೀ ... ? ಹಾಂವ ಕ್ಷತ್ರಿಯ ಮೋಣು  ಸಾಂಗ್ತಾ ಅಸ್ಸ ಕೀ ... ? ಮಿಗೆಲೆ ಜನ್ಮ ದಾತೆ .. ಮಾತೆಕ ಪೊಳೊನ್ ಗೊತ್ತಸ್ಸ ಕೀ ... ? ತೀ ಅತ್ತ ಜೀವಿತ ಅಸ್ಸ ಕೀ .. ? ಮಕ್ಕ ತಿಗೆಲೆ ದರುಶನ ಮೆಳ್ಚೆ ಭಾಗ್ಯ ಅಸ್ಸ ವೇ ... ? ಹಾಂವ .. ಹಾಥ ಬಾಂಧುನ್ ಪ್ರಣಾಮ ಕರ್ತಾ ಕೃಷ್ಣಾ ...! ವಿನಂತಿ ಕರ್ತಾ ಕೃಷ್ಣಾ ..!! ಮಿಗೆಲೆ ಜನ್ಮ ವೃತ್ತಾ೦ತ ಸಂಘುನ್ ... ಮಿಗೆಲೆ ಪರಿಚಯ್ ತಿಕ್ಕಾ ಕೊರ್ನ್ ದೀ ಕೃಷ್ಣಾ ... !"

ಕೃಷ್ಣ :" ಹೇ ದಾನ ವೀರಾ ...! ಮಹಾರಥಿ ಕರ್ಣಾ ...! ತುಕ್ಕ ಸತ್ಯ ಅಯಿಕುಚೆ ಅನುಭವ , ಮನಾ ಸ್ಥೈರ್ಯ , ಅಂತರಾಳ ಧೈರ್ಯ ಅಸ್ಸ ವೇ ... ? "

ಕರ್ಣ : "  ಸತ್ಯ .. ಸತ್ಯ .. ! ಅಪಮಾನಾಚೆ  ಘಾಯಾ  ಪೊಷಿ ಹೋಡ  ನಯ್ ನವೆ .. ಕೃಷ್ಣಾ .. ! " 

ಕೃಷ್ಣ :" ತುಗೆಲಿ ಆವ್ಸು ... ತುಗೆಲೆ ಮ್ಹಣ್ಕೆ ... ಆನಿ ಪಾಂಚ ಮಹಾರಥಿ೦ಗೆಲೆ ಆವ್ಸು .. ತ್ಯೇ ಪಂಚ ಮಹಾರಥಿ ಆಜಿ ತಾಯ್ ಪರಾಜಯ್ ಕಸಲೆ ಮೋಣು ಗೊತ್ತನಾ ನಾತ್ತಿಲೆ ... "

ಕರ್ಣ :" ಪಾಂಚ ... ಪಾಂಚ ಮಹಾರಥಿ ... ಕೃಷ್ಣಾ ..! ತೂ ಪಂಚ ಪಾಂಡವಾಂಗೆಲೆ ವಿಚಾರ ಮಕ್ಕ ಸಾಂಗ್ತಾ ಅಸ್ಸ ಕೀ ... ! ? " 

ಕೃಷ್ಣ :" ತಾಂಕಾ ಸೊಳ್ಳೇರಿ ಆನಿ ಪಾಂಚ ಯೋಗೀತ್ಯೆ ಅಷ್ಶಿಲೆ ಮಹಾರಥಿ ಕೋಣ ಅಸ್ಸ ಕರ್ಣಾ .. ? ಹಾ೦.. ಹಾಂವ ಪಾಂಡವಾಂಗೆಲೆ ವಿಚಾರು ಸಾಂಗ್ತಾ ಅಸ್ಸ ... ಕುಂತೀ ಪುತ್ರಾ ... ! ತೀ ಮಿಗೆಲಿ ಆತ್ಯಾ ಕುಂತತೀದೇವಿ ... ತೂಗೆಲಿ ಜನ್ಮ ದಾತೆ ಕರ್ಣಾ ... ! ತೂ ತಿಗೆಲೆ ಜ್ಯೇಷ್ಠ ಪುತ್ರ .. ! " 

ಕರ್ಣ : "  ಆನಿ ಮಿಗೆಲೆ ಪಿತಾ ... ? ಮಿಗೆಲೆ  ಜನ್ಮ ದಾತ ಕೋಣ ಮೋಣು ಸಾಂಘ ಕೃಷ್ಣಾ .. " 

ಕೃಷ್ಣ : " ತುಗೆಲೆ ಇಷ್ಟ ದೈವ ಸೂರ್ಯು ... ತುಗೆಲೆ ಪಿತಾಮಹ .. ! " 

ಕರ್ಣ : " ಕಿತ್ಯೆ .. ! ಹಾಂವ ಸೂರ್ಯ ಪುತ್ರ ... ಕೀ .. !? " 

ಕೃಷ್ಣ : " ಹಾಂ .. ಕರ್ಣಾ ... ಹಾಂ "

ಕರ್ಣ :" ಮಿಗೆಲೆ ಕಿತ್ಲೆ ದುರ್ಭಾಗ್ಯ ಪೊಳೆ ವಾಸುದೇವಾ ..! ಕಸಲೆ ಪಾಪ ಕೆಲ್ಲೆಲೆ ಕೀ ಪೂರ್ವ ಜನ್ಮಾಂತು ... ಹೇ ಮಿಗೆಲಿ ವಿಧಿ ..! ಕಿತ್ಯಾ ಮಿಗ್ಗೆಲೆ ಜೇವನಾಂತ್ ಖೇಳ್ಳೋ ತೂ ... ?  ಹಾಂವ ಸೂರ್ಯ ಪುತ್ರ ಕರ್ಣ ... ರಾಧೇಯ ನಾಮಾರಿ ಮಕ್ಕಾ ಅಪ್ಪೋಕಾ ಮ್ಹಳ್ಳಲಿ  ಆಶಿ ... ಹಾಂವ ಕುಂತಿ ಪುತ್ರ ಕರ್ಣ ..! ರಾಧೇಯ ನಾವಾರಿ ಚಿ ...  ಅಪ್ಪೋಚ್ಯಾ ಇಷ್ಠ ಪಾವತಾ .. ಹಾಂವ ಕುಲೀನ ಕುಟುಂಬೆಚೊ .. ಧರ್ಮಜ , ಭೀಮ , ಅರ್ಜುನ , ನಕುಲ , ಸಹದೇವಾ೦ಗೆಲೆ  ಜ್ಯೇಷ್ಠ ಭ್ರಾತ ....  ಹಾಂವ ರಾಧೇಯ ಜಾವ್ನ್ ಅಪ್ಪೋಚ್ಯಾ ಇಷ್ಠ ಪಾವತಾ ... ಸಗಳೇ ಪ್ರಪಂಚ ಮಕ್ಕಾ ಸೂತ ಪುತ್ರ ಮೋಣು ಅಪ್ಪಯಿತಾಶಿಲೆ ... ಹಾಂವ ಅಯಿಕತಾ ರಾಬ್ಲೊ ...ವಾಸುದೇವಾ...!  ಮಿಗೆಲೆ ಮನಾಚೆ , ಹೃದಯಾಚೆ ಪೀಡಾ ಆರ್ಥ ಕೊರ್ನ್ ಘೇವ್ಚ್ಯಾಕ ಪ್ರಯತ್ನ ಕರಿ .... ಹ್ಯೇ ದೇವಕಿ ನಂದನಾ ... ! ತುಕ್ಕಾ ..  ಮಿಗೆಲಿ ಹೀ ಕಾಣಿ ಪೂರಾ ಸುರ್ವೆಕಚಿ ಗೊತ್ತಶಿಲೆ ನವೇ .. ! ತೂ೦ವೆ ಕಸಲೇಕ ಮಕ್ಕಾ ಸುರ್ವೆಕಚಿ ಸಂಘನಿ .. ? ಆಜಿ .. ಅತ್ತ ...ಯೆದೊಳ್ ತಾ೦ಯ್ ಸಂಘ್ ನಾ ನಾತ್ತಿಲೆ ಜನ್ಮ ವೃತ್ತಾ೦ತ ,  ಕಸಲೇಕ ಸಂಘಲೇ  ಕೃಷ್ಣಾ .. ? ಪಾಂಡವಾಂಕ ,...  ಮಿಗೆಲೆ ಶತ್ರು ಮೋಣು ಲೆಕ್ಕುನ್ ... ಮಿಗೆಲಿ ಶಕ್ತಿ ಕಸಲಿ ಮೋಣು ದಕ್ಕೋಕಾ ಮೋಣು ,  ಉತ್ಸುಕ ಜಾವ್ನ್ ಅಷ್ಶಿಲೊ ... ಆಜಿ ತೂ೦ವೇ ಮಿಗೆಲೆ ಆತೀತ ಸಂಘುನ್ ... ಮಿಗೆಲೆ ಆಂತ ರೀಕ ಕ್ಷೋಭ ವಡ್ಡಯಿಲೆ .. ಹೃದಯಾ೦ತ್ ಸಮುದ್ರಾ ಪಾಳ ...  ಉನ್ಮಾದ ಜಾವ್ಚೆ ತಶಿ ಕೆಲ್ಲೆ .. ಅಷ್ಶಿ  ಕಸಲೇಕ ಮಿಗೆಲೆ ಮನಾ ಶಾಂತಿ ವಾಯ್ಟ್ ಕೆಲ್ಲೆ ಕೃಷ್ಣಾ .. ?  ಹಾಂವೆ ತುಕ್ಕ ಕಸಲೆ ವಾಯ್ಟ್ ಕೆಲ್ಲಾ .. ? ತೂ ಮಿಗೆಲೆ ಆತ್ಮಾ ಬೊಶಿಲೋ ದೇವು ... ಹಾಂವ ಪುಣ್ಯವಂತು .. ಮೋಣು ಲೆಕ್ಕಿಲೆ ...! ಆನಿ ಮುಕಾರಿ ಅರ್ಜುನಾ ದಿಕಾನ ಕಷ್ಶಿ ಬಾಣ ಸೊಡ್ತಾಲೊ ... ? ಹೇ .. ಮಧುಸೂಧನಾ .. ತೂ೦ವೇ ಮಕ್ಕಾ ಯುದ್ಧ ಶುರು ಜಾವ್ಚ್ಯೆ ಪೋಶಿ ಫುಡೇಚಿ  ... ಪರಾಭವ ಕೆಲ್ಲೊ ಮೂ ... !  . ಅಷ್ಶಿ ಕಸಲೇಕ ಕೆಲ್ಲೆ ... ಕೃಷ್ಣಾ .. ? ಜವಾಬ ದೀ .. ಅಷ್ಶಿ ಕಸಲೇ ಕ ಕೆಲ್ಲೆ ಕೃಷ್ಣಾ ... ? " ಕರ್ಣಾಲೆ ತಾಳೊ ಗದ್ಗಧಿತ ಜಲ್ಲೊ ... ದೋಳೆ  ಭೋರ್ನ್ ಅಯಿಲೆ . 

ಕೃಷ್ಣ :"ಹೇ ಭ್ರಾತಾ ಕರ್ಣಾ ...! ಕುಂತಿ ಪುತ್ರ ಕರ್ಣಾ ... ಹಾಂವೆ ಆಜಿ ತುಕ್ಕಾ ತುಗೆಲೆ ಅತೀತ ಸಂಘಿಲೆ ಕಸಲೆ ಮ್ಹಳ್ಳಾರಿ ... ಜ್ಯೇಷ್ಠ ಪುತ್ರ ಕರ್ಣಾ , ತುಗೆಲೆ ಭಂವಡಾ ಲಗ್ಗಿ ತೂ೦ವೆ ಯುದ್ಧ ಕೊರ್ಚೆ ಮಕ್ಕಾ ಮನ ನಾ . ತೂ ಜ್ಯೇಷ್ಠ ಕುಂತೀ  ಪುತ್ರ ... ತಿಗೆಲೆ  ವಿವಾಹ ಜಾವಚೆ ಫೂಡೆ ಜನ್ಮಾ  ಆಯ್ಯಿಲೋ ತೂ . ಮಹಾರಾಜ ಪಾಂಡು ಪುತ್ರ ತೂ ... ಜ್ಯೇಷ್ಠ ಪಾಂಡವ ... ಮಿಗೆಲೆ ವೊಟ್ಟು ಯೋ ಕರ್ಣಾ ... ಇಂದ್ರಪ್ರಸ್ಥ ರಾಜ ಮುಕುಟ ತುಗೆಲೆ ಮತ್ತೇರಿ ಅಸ್ತ ..!. ತುಗೆಲೆ  ಭಂವ್ಡ್ ತುಗೆಲೆ  ಚರಣ ಸ್ಪರ್ಶ ಕರ್ತಾಲೀಂತಿ ... ಶ್ರೇಷ್ಠ ಗದಾಧಾರಿ ಭೀಮ , ತುಗೆಲೆ ಮತ್ತೇರಿ ರಾಜ ಛತ್ರಿ ಧರ್ತಾಲೊ... ಅರ್ಜುನ್ ತುಗೆಲೆ ಸಾರಥಿ ಜತ್ತಲೋ ... ನಕುಲ ಸಹದೇವ ಅನಿ ಸ್ವಯಂ ಹಾಂವ ತುಗೆಲೆ ರಥಾ ಮಾಕ್ಷಿ ಯೆತ್ತಾತಿ . ಹೇ ಕರ್ಣಾ ...! ತೂ ಧರ್ಮಾಂತು .. ಧರ್ಮಜಾ ಮ್ಹಣ್ಕೆ ಅಸ್ಸ . ಧನೂರ್  ವಿದ್ಯೆ೦ತು ತೂ ಸಹಜ್ ಜಾವ್ನ್ ಅರ್ಜುನಾ ಮ್ಹಣ್ಕೆ ಅಸ್ಸ .. ನಕುಲ ಸಹದೇವಾ ಮ್ಹಣ್ಕೆ ಸೌಂದರ್ಯಾ೦ತು, ಬುದ್ಧಿ ಜಾಗ್ರತೆಂತ್ ..  ತು ಅಸ್ಸ . ಇತ್ಲೆ ಜಾವ್ನ್ ಆಜಿ ತಾ೦ಯ್ ಕೊಣಾಲೆಯ್ ದೃಷ್ಟಿ೦ತ್ ಕಸಲೇ  ಕ  ಪೋಣಿ ... ? ಮಿಗೆ ಲ್ ವೊಟ್ಟು ಯೋ .. ಅಂಗರಾಜಾ ...! ಹಾಂವ ಹ್ಯೇ ಸಗಳೇ ಪ್ರಪಂಚ , ತುಗೆಲೆ ಪಯ್ಯಾ ಮುಳಾಂತು ಘಾಲ್ತಾ . ಹಜ್ಜೆ ವೈರಿ .. ಪಾಂಚ ಭಾಂವಡ ಮೆಳ್ತಾತಿ . ಅನಿ ತುಕ್ಕಾ ತುಗೆಲಿ ಜನನಿ ಮೆಳ್ತಾ .... " 

ಕರ್ಣ :" ತೂ೦ವೆ  ಸಂಗ್ಚೆ ಪೂರಾ ಸಮ್ಮ ಕೃಷ್ಣಾ ..! ಹಾಂವ ಧುರ್ಯೋಧನಾಲೆ ಋಣಿ ಜಾವ್ನ್ ಅಸ್ಸ . ತೂ೦ವೆ ಧುರ್ಯೋಧನಾ ಋಣಾ ವಿಷಯಾನ ಕಸಲೆಯ್ ಸಂಗನಿ . ಮಕ್ಕ ಫಟ್ಟಿ ಉಲ್ಲೋಚ್ಯಾ  ಕಳ್  ನಾ ಕೃಷ್ಣಾ ...! ಪಾಂಡವ ತುಗೆಲೆ ಕೃಪಾ ಛತ್ರಿ ಮುಳಾಂತ್ ಆಸ್ಸತಿ . ಹಾಂವ ಕಸಲೆ ... ಯುದ್ಧಾ೦ತ್  ತಂಕಾ ಕೊಣಾ ಕಯ್  ಪರಾಭವ ಕೊರು೦ ಸಾಧ್ಯ ನಾ ... ವಾಸುದೇವಾ .. ?! ಮಕ್ಕ ಗೊತ್ತಸ್ಸ ... ಯುದ್ಧಾಂತ್ ಕೌರವ ಸೇನಾಚೆ  ಪರಾಭವ ನಿಶ್ಚಯ . ಝಲ್ಲೆರಿಯಿ .. ಹಾಂವ ಧುರ್ಯೋಧನಾ ಧ್ವಜಾ ಮುಳಾಂತ್ ರಬ್ಬುನ್ ಯುದ್ಧ ಕರ್ತಾ . ಧುರ್ಯೋಧನಾ ಖತಿರಿ ,  ಮಿಗೆಲೆ ಆತ್ಮ ವಿಶ್ವಾಸ ಪರಾಜಯ ಸ್ವೀಕಾರ್ ಕೋರ್ಚ್ಯಾಕ ತಯ್ಯಾರ್ ಅಸ್ಸ . ಹೇ ವಾಸುದೇವಾ ..! ಅರ್ಜುನ್ ಮಿಗೆಲೆ ಅನುಜ ಮೋಣು  ಗೊತ್ತಸ್ಸುನ್ ತಾಗೆಲ್ ಪ್ರಾಣ ಕಾಡಚೆ ಅಸ್ತ್ರ ತಗೆಲೆ ವೈರಿ ಸೊಡು ಜಾಯ್ನಾ ನವೆ ...! ಜಲ್ಲೆರಿಯಿ ,.. ಅರ್ಜುನಾ ಲೆ ಯೆದುರ ಯುದ್ಧ ಕರ್ತಾ . ತುಕ್ಕ ಗೊತ್ತಶಿಲೆ .. ಹಾಂವ ,  ಧುರ್ಯೋಧನಾ ಲೆ ಪಕ್ಷ ಸೋಣಾ ಮೋಣು .... ಹಾಂವ ಮಿಗೆಲೆ ಧರ್ಮ ಸೋಣಾ ... ಝಲ್ಲೆರಿ ಮಿಗೆಲೆ ಜನ್ಮ ರಹಸ್ಯ ಸಂಘುನ್ ಅರ್ಜುನಾ ಲೇ ಪ್ರಾಣ ರಕ್ಷಣೆ ಕೊರುಂಕ ಪ್ರಯತ್ನ ಕೆಲ್ಲೆ ತೂ೦ವೆ ... ! ವಾಸುದೇವಾ , ತೂ೦ವೆ ಮಿಗೆ ಲೆ ಜನ್ಮ ರಹಸ್ಯ ಸಂಘನಾಶಿ ಅಶೀಲೆ  ಝಲ್ಲೆರಿ ಲಾಯೇಕ ಅಷ್ಶಿಲೆ . ಕೃಷ್ಣಾ ...! ಮಕ್ಕ ಏಕ ವಚನ ದೀ ... ಮಿಗ್ಗೆಲೆ ಅನುಜಾ೦ಕ ಮಿಗೆಲೆ ಜನ್ಮ ವೃತ್ತಾ೦ತ ... ಮಿಗೆಲೆ ಮರಣ ಜಾವ್ಚ್ಯೇ ತಾಂಯ್ ಸಂಘನಾ ....  ಮೋಣು ಆಣಭ್ಹಾಶ ದೀ ... ಏಕತ್ ವೇಳಾ ..! ಯುಧಿಷ್ಠಿರಾ ಕ , ಹಾಂವ ತಗೆಲೆ ಜ್ಯೇಷ್ಠ ಭ್ರಾತ ಮೋಣು ಕಳ್ಳೇರಿ ... ತ್ಯೋ ತಗೆಲೆ ಮತ್ತೇರಿ ಮುಕುಟ ಸ್ವೀಕಾರ ಕರೈಶಿ ನಾ . ರಾಯು ಜಾವ್ಚ್ಯಾಕ ಮಿಗೆಲೆ ಭಾವು ಯೋಗ್ಯ ಅಸ್ಸ . ಏಕತ್ವೇಳ ಇಂದ್ರ ಪ್ರಸ್ತ ರಾಜ್ಯ ಮುಕುಟ ಮಿಗೆಲೆ ಮತ್ತೇರಿ ಆಯ್ಲೆರೀ .... ಹಾಂವ ತ್ಯೆ ಮುಕುಟ ... ಅಂಗ ರಾಜ್ಯಾ ಋಣ ಪಾವೋಚೆ ಖಾತಿರಿ  ಧುರ್ಯೋಧನಾ ಲೇ ಮತ್ತೇರಿ ದವರ್ತಾ ಶಿಲೋ  . ಅಷ್ಶಿ ಕೆಲ್ಲೇರಿ ... ತ್ಯೆ ಮುಕುಟಾಕ  ಮಹಾ ಅನ್ಯಾಯು ಜತ್ತಶಿಲೆ  . ಹೇ  ವಾಸುದೇವಾ ... ! ಮಕ್ಕಾ  ಆಜ್ಞಾ ದೀ ... ಅ ನಿ ಮುಕಾರಿ ಅಮ್ಗೆಲಿ ಭೇಠಿ ಯುದ್ಧ ಭೂಮಿಂತ್ ಝತ್ತಲಿ ... ಪ್ರಣಾಮ್ ಕೃಷ್ಣಾ .. " 

ಕರ್ಣ :" ಮಾಯಾ ನಾಟಕ ಸೂತ್ರ ಧಾರಿ ...! ಆಶಿ..  ದಕ್ಕೊನ್ ಮಕ್ಕಾ ... ಮಾನ ಮರ್ಯಾದಿ ಕಾಣುಘೇ ಮೋಣು ಸಾಂಗ್ತ ವೇ .? ಕುರು ರಾಯಾಲೆ ಮಿತ್ರ ಜಾವ್ನ್ ... ಅಕಾರಣ ಜಾವ್ನ್ ಏಕ ದೋನಿ ಪಂಕ್ತಾ  ಪಾಂಡವಾಂಕ ನಿಂದಾ ಕೆಲ್ಲೆಲಿ ವಯ್ . ದ್ಯೂತ ಖೆಳ್ತಾನಾ ಅಪಹಾಸ್ಯ ಕೊರ್ನ್ ನಿಂದ ಕೆಲ್ಲಾ . ನಿಷ್ಕಳಂಕ ಮಿಗೆಲೆ ಜೀವನಾ ವೈರಿ ಮತ್ತಿ ಘಾಲ್ನ್ ಘೆತ್ಲಾ ... ಹ್ಯೇ ಸೊಳ್ಳೇರಿ , ಹಾಂವೆ ಯೆದೊಳ್ ತಾ೦ಯ್ ಪವಿತ್ರ ಜೀವನ ಕೆಲ್ಲಾ . ಉಜವೆ ಹತ್ತಾಕ ದಾನ ಕಂಕಣ , ದಾಂವೆ ಹತ್ತಾಕ ರಣ ವೀರ ಕಂಕಣ ಘಾಲ್ನ್ ಜೀವನ ಕೆಲ್ಲಾ . ಹಾಂವೆ  ಪ್ರಮಾಣೆರಿ ಸಾರ್ಥಕ ಜೀವನ ಕೆಲ್ಲಾ ಮೋಣು ಲೆಕ್ತಾ . ಕೃಷ್ಣಾ ..! ತುಕ್ಕಾ ಆನ್ನೇಕ ವಿಷಯು ಗೊತ್ತಸ್ಸ ವೇ .. ? ಹಸ್ತಿನಾವತಿ ರಾಜ್ಯಾಕ ನಾವಾ ತಾಕೀತ ಧುರ್ಯೋಧನು ಚಕ್ರವರ್ತಿ . ಮಂತ್ರಾಲೋಚನಾ , ರಾಜ ಶಾಸಕ , ನೀತಿ ನಿಯಮ , ನ್ಯಾಯ ನಿರ್ಧಾರು , ಹಾಂವೆಂಚಿ ಕೊರ್ಚೆ !. ಭೀಷ್ಮ ದ್ರೋಣ , ವಿದುರ , ಸಂಜಯ ತಾಂಗೆಲೆ ಅಭಿಮಾನ ಮೆಳ್ಳಾ ... ಮರ್ಯಾದಿ ಮೆಳ್ಳಾ . ಕಿತ್ಲೆಕೀ ಪಂಕ್ತಾ ಧುರ್ಯೋಧನಾಕ ಸಮಾಧಾನ , ಹಿತಬೋಧ ಕೆಲ್ಲಾ . ತಗೆಲೆ ಬಾಫ್ಸು ಲೆ ಉತ್ತರಾಂಕ ಮೇಳ್ನಾ  ನತ್ತಿಲಿ  ಮರ್ಯಾದಿ .. ಮಿಗ್ಗೆಲೆ ಉತ್ತರಾಂಕ ಮಾನ್ಯತ ಮೆಳ್ಳಾ . ಹಾಂವ ಅನಿ ಧುರ್ಯೋಧನು ಎಕ್ಕೂ ಪ್ರಾಣು ..  ದೋನಿ ದೇಹ ಮೋಣು ಲೆಕ್ಕುನ್ ಮಂತ್ರಾಲೋಚನಾ , ರಾಜ್ಯ ಶಾಸನ ಕೆಲ್ಲಾ , ಹೇ ಆಪತ್ ಕಾಲಾರಿ ಧುರ್ಯೋಧನಾ ಕ ಸೋಣು .. ಪಾಂಡವ ಬಂಧುತ್ವ ಧರ್ಲೆರಿ ... ಹ್ಯೇ ಸಗಳೇ  ಜಗತ್ಯ ಮಕ್ಕ ಪೊಳೋನ್ ಹಸ್ತಲೇ ... 'ಮಿತ್ರ ದ್ರೋಹಿ' ಮೋಣು ಛಾಪ ಘಾಲ್ತಾಲೀಂತಿ . ವಾಸುದೇವಾ ಮಾಫಿ ಕರಿ .. ಹಾಂವ ವಿಶ್ವಾಸ ದ್ರೋಹಿ ಜಾಯ್ನಾ ... ಮಿತ್ರ ಧುರ್ಯೋಧನಾಕ ಸೋಣು ದೀನಾ”  

ಕೃಷ್ಣ : " ಮ್ಹಳ್ಳೆರಿ .. ! ತುಗೆಲೆ ಭಾಂವ್ಡಾ ವೊಟ್ಟು ಯುದ್ಧ ಕರ್ತವೇ .. ? " 

ಕರ್ಣ : " ಕೃಷ್ಣಾ ... ! ಕುರು ಪಾಂಡವಾ ಮಧ್ಯೆ ಯುದ್ಧ ಮ್ಹಳ್ಳೆರಿ ... ಭಂವ್ಡಾ ಮಧ್ಯೆ ಯುದ್ಧ ನವೆ .. ? " 

ಕೃಷ್ಣ :" ಆನ್ನೇಕ ಪೋಟಿ ಆಲೋಚನಾ ಕರಿ ಕರ್ಣಾ ..! ತುಗೆಲೆ ವೈಲ್ಚೆ  ಧೈರ್ಯಾರಿ ಧುರ್ಯೋಧನ ಯುದ್ಧಾ ಕ ತಯ್ಯಾರ್ ಝಲ್ಲಾ .. ತೂ ಎಕ್ಲೆನ ಸೊಳ್ಳೆರಿ .. ಹ್ಯೇ ಯುದ್ಧ ರಬ್ಬುನ್ ವತ್ತಾ . ತುಗ್ಗೆಲ್ ನಿಮಿತ್ಯ , ತುಗ್ಗೆಲ್ ಸ್ನೇಹ ಧರ್ಮಾ ನಿಮಿತ್ಯ , ತುಗ್ಗೆಲ್ ಸ್ವಾಮೀ ನಿಷ್ಠೆ ನಿಮಿತ್ಯ , ತುಗ್ಗೆಲ್ ಸ್ವಾರ್ಥ ನಿಷ್ಠೆ ನಿಮಿತ್ಯ , ಹೇ ಕುರು ಪಾಂಡವ ಯುದ್ಧ ಝತ್ತಾ ಉಡ್ ಘಾಸು ಅಸ್ಸೋ ಕರ್ಣಾ   " 

ಕರ್ಣ : " ವಾಸುದೇವಾ ...!  ಹಾಂವ ನಿಷ್ಠುರ ಜಾವ್ನ್ ಉಲ್ಲಯಿಲೊ ಮೋಣು ಕೊಪ್ಪುನುಕ್ಕಾ ... ಹೇ ಯುದ್ಧ ರಬ್ಬೊಚ್ಯಾಕ ಮಕ್ಕ ಇಷ್ಠ ನಾ ...!  ತುಕ್ಕಾ  ನಿಜಾವ್ನ್ ಯುದ್ಧ ರಾಬ್ಬೊಕಾ  ಮೋಣು ಅಸ್ಲೆರಿ ..  ಸಂಧಾನ ಕೋರ್ಕಾ ಮೋಣು ಮನ  ಅಸ್ಲೆರಿ ... ಧುರ್ಯೋಧನಾಕ ಚಾರಿ ಬುದ್ಧಿ ವಾದು  ಸಾಂಘುನ್ ... ತುಗ್ಗೆಲ್ ಜೋಳಿ೦ತ್ ತಕ್ಕಾ  ಘಾಲಿ .. ಮಕ್ಕ ನಂಯ್ " 

ಕೃಷ್ಣ :" ಜಾಯ್ತ ! ದೈವೇ ಚ್ಚಾ ಕಶಿ ಅಸ್ಸ ಕೀ ತಶಿ ಜಾವ್ವೋ . ಹಾಂವ ಆಜಿ ಚಿ  ಉಪಪ್ಲಾವ್ಯ ನಗರಿ ಕ  ಭಾರ್ ಸರ್ತಾ " 

                  ಕರ್ಣಾಲೆ ,ಮನಾಂತು , ಹೃದಯಾಂತು ...  ಹೋಡ  ಯುದ್ಧ ಆರಂಭ ಝಲ್ಲೆ .. ! 

" ಹೇ .. ವಿದಾತಾ .. ! ಆಜಿ ತೂ ...  ಬೊರೊಯಿಲೆ ಭಾಗ್ಯಾ ವೈರಿ ಪ್ರಶ್ನ ಚೀನ್ಹಾ ಘಲ್ತಾ ... ?  ಹಾಂವ ರಾಧೇಯ ... ಹಾಂವ ಕೌ೦ತೇಯ ಮಕ್ಕಾ  ಮಿಗೆಲೆ  ಜನ್ಮಾ ಪರಿಚಯ  ದೀ ... ಏಕತ್ ವೇಳಾ .. ಕೊಣಾಲೆಯ್ ನಿಮಿತ್ಯ ಅಪರಾಧ ಝಲ್ಲೆರಿ ... ತಾಕ್ಕಾ ... ಹಾಂವ ಕಾರಣ ನಯ್  ... ಸೂರ್ಯ ದೇವು ಆನಿ ... ಮಿಗೆಲಿ ಮಾತಾ ಕುಂತಿ ದೇವಿ ... ತಶಿ ಅಸ್ಸುನ್ ಹಾಂವೆ ಕಸಾಲೆಕ ದಂಡ ಬೋಗ್ಗುಕಾ ... ? ಸೂರ್ಯ ದೇವು ಆಜಿ ತಾಯ್ .. ಪ್ರಕಾಶ ಬಿಂದು .. ಆನಿ ಮಿಗ್ಗೆಲೆ ಮಾತಾ ರಾಜ ಭವನಾಂತ್ ಸುರಕ್ಷಿತ್ ಸುಖಾರಿ  ಅಸ್ಸ . ಮಕ್ಕಾ  ಕಸಲೇ ಕ ಅಸಲಿ ದಂಡಾ .. ? ತುಂವೇ ಮಿಗೆಲಿ ಭಾಗ್ಯ ಬರಯಿಲೆ ಭಗವಂತು ....! ಬೊರೊಯಿಲೆ ...  ಏಕ ಪೊಟಿ  ಬದಲ್ ಕೊರ್ನ್ ಪೊಳೆ ...! ಹೇ ವಿಧಾತಾ ...!  ಸೂರ್ಯ ದೇವಾಲೆ , ಅಪರಾಧಾ ಕ ಹಾಂವೆ ಕಸಾಲೆಕ ದಂಡ ಬೊಗ್ಗು ಕಾ ? ರಣ್ ಭೂಮಿಂತ್ ಮಿಗೆಲ್ ಅನುಜಾ೦ಗೆಲೆ  ವೊಟ್ಟು ಯುದ್ಧ ಕರ್ತಾನಾ ಹಾಂವಚಿ ದಿಸ್ತಾ ... ಹ್ಯೇ  ಕಸಲೆ ಅನ್ಯಾಯು .. ? ತಶ್ಶ್ಯ್ ಝಲ್ಲೇರಿ ಮಕ್ಕಾ   ಧುರ್ಯೋಧನಾಲೆ  ಋಣಿ ಕಸಲಲೇಕ ಕೆಲ್ಲೆ .. ?  ವಾಸುದೇವ ಕೃಷ್ಣಾ ಕ ಕಸಲೇ ಕ  ರಬ್ಬಯಿನಿ .. ? ಮಿಗ್ಗೆಲೆ ಜನ್ಮ ರಹಸ್ಯ ಸಂಘುನ್ ... ಮಿಗೆಲ್ ವೊಟ್ಟು  ಘೋರ ಅನ್ಯಾಯು ಜಾವ್ಚ್ಯೇ ತಶಿ ಕೆಲ್ಲೆ ಮೂ ... ! ಹಾಂವೆ ಕಷ್ಶಿ ಬಾಣ ಪ್ರಯೋಗ ಕೊರ್ನ್ ಯುದ್ಧ  ಕೊರ್ಚೆ .. ? ಹಾಂ ...  ಹಾಂ ...  ಹಾಂವ ತ್ಯೇಚಿ ಕರ್ತಾ... ಮಿಗ್ಗೆಲೆ , ಕರ್ತವ್ಯ ಕರ್ತಾ ... ಪಾಂಚ್ - ಪಾಂಚ ಮಹಾರಥಿ ಮಿಗ್ಗೆಲೆ ಭಾಂವಡ ... ಆಸ್ಸುನೂಯ್ ಹಾಂವ ಎಕ್ಲೊಚಿ  ಝಲ್ಲೋ ...! ಖಂಯ್ ಪೋಳೋಯ್ಲ್ಯಾರಿ ... ಧುರ್ಯೋಧನಾನ್ ಕೆಲ್ಲೆಲೆ ಉಪಕಾರು ದಿಸ್ತಾ ... ತೂ ಮಕ್ಕಾ  ತ್ಯಾಗ ಕೊರ್ನ್ ಅಸ್ತಾಲೊ ... ಮಿಗೆಲಿ ಮಾತಾ ಮಕ್ಕಾ ತ್ಯಾಗ ಕೊರ್ನ್ ಆಸ್ತಾಲಿ ... ಝಲ್ಲೆರಿ ಹಾಂವ ಮಿಗೆಲೆ ಮಿತ್ರಾಕ ತ್ಯಾಗ ಕರ್ನಾ ... ತ್ಯಾಗ ಕೊರುಂ ಜಾಯ್ನಾ ... ಮಿಗ್ಗೆಲೆ ಮಿತ್ರಾ ಖತಿರಿ ಯುದ್ಧ ಕರ್ತಾ ... ಮಿಗ್ಗೆಲೆ ಕರ್ತವ್ಯ ಹಾಂವ ಕರ್ತಾ ... ತ್ಯೇ೦ಚಿ  ಮಿಗೆಲೆ  ಧರ್ಮ ...

ಉಮಾಪತಿ