MAHABHARATH Part - 35 ( Konkani Bhashentu ) RAJA SABHENTU RAAYA BHAARI SANJAYU

MAHABHARATHA  Part - 35  ( Konkani Bhashentu  )

               Raaja sabhentu Raayabhari  Sanjayu ...

                ರಾಜ ಸಭೆ೦ತು ರಾಯಭಾರಿ ಸಂಜಯು 

                  ದೃತರಾಷ್ಟ್ರ ರಾಯಾನ ಕುರು ಸಭಾ ಅಪ್ಪಯಿಲೆ . ರಾಜ ಸಭೆ೦ತ್ , ಸರ್ವ ಮಂತ್ರಿ ಗಣ ಉಪಸ್ತಿತ ಅಶಿಲೆ . ರಾಯಭಾರಿ ಜಾವ್ನ್ ಗೆಲ್ಲೆಲೊ ಸಂಜಯಾಲೆ ಸಮಾಚಾರ ಅಯಿಕುಕಾ ಮೋಣು  ಸಂಜಯಾಕ ರಾಜ ಸಭೆಕ ಅಪ್ಪಯಿಲೆ ... 

ಸಂಜಯ : " ಮಹಾರಾಜಾ ಕ ಜಯ ಜವ್ವೋ " 

ಧ್ರತರಾಷ್ಟ್ರ: " ಆಮ್ಗೆಲೆ ಖತೀರಿ ... ಯುಧಿಷ್ಠಿರಾಲೆ ಪ್ರಸ್ತಾವ್ ಕಸಲೆ ಹಳ್ಳಾ ... ಸಂಜಯಾ .. ?"

ಸಂಜಯ : " ಮಾಹಾರಾಜ .. ! ಯುಧಿಷ್ಠಿರಾನ ತುಮ್ಕಾ , ವಯೋ ವೃದ್ಧ , ಪಿತಾ ಸಮಾನ ಗುರು ಗಣ್ಯ ಲೋಕಾಂಕ ಪ್ರಣಾಮ ಸಂಗ್ಲಾ ... ಅನಿ ಬಂಧು ಬಾಂಧವಾ೦ಕ 

ಸಾದರ್ ಪ್ರೀತಿ ಪೂರ್ವಕ ಪ್ರಣಾಮ ಸಾಂಗ್ಲಾ ರಾಜಾ .. " 

ಧುರ್ಯೋಧನ : " ಗೆಲ್ಲೆಲೆ ಕಾಮ ಕಸಲೆ ಝಲ್ಲೆ ಮೋಣು ಸುರ್ವೇಕ ಸಾಂಗ ರಾಜ ಸಾರಥಿ ಸಂಜಯ್  .. ! " 

ಶಕುನಿ : " ಥೋಡೆ ... ಸಹನಾ ಶೀಲತ ದೊವೊರ್ನ್ ಉಲ್ಲಯಿ ಧುರ್ಯೋಧನಾ .. ! ಶಾಂತ ಜಾವ್ನ್ ಉಲ್ಲಯಿ "

ಧುರ್ಯೋಧನ : " ಶಾಂತಿ ,  ಸಹನಾ ... ಕೆದ್ನಾಕೀ ಕಟ್ಟೆ ಭೆತ್ತುನ್ ಹೋಳ್ನು ಗೆಲ್ಲೆ ಶಕುನಿ ಮಾಮ ! ಅತ್ತ ಗದೆನ ಉಲ್ಲೋಯಾ  ಮೋಣು ದಿಸ್ತಾ ... "

ಭೀಷ್ಮ : " ಗದಾ ... ತಾಂಗೆಲೇಗಿ ..  ಯೀ ..  ಅಸ್ಸ ಧುರ್ಯೋಧನಾ ... ಶಾಂತ ಜಾವ್ನ್ ಉಲ್ಲಯಿ " 

ಧುರ್ಯೋಧನ : " ಮಕ್ಕಾ  ಖಬರ್ ಅಸ್ಸ .. ಭೀಷ್ಮ ಪಿತಾಮಹಾ ... ಕೆದನಾ 12 ವರುಷ ದೊನ್ನಿ ಪಂಕ್ತಾ ವನ ವಾಸ ಕೊರುಂಕ ಅಯಿಕನಾತಿ  ಕೀ ... ತೇದನಾ ಗದೆ ಭಾಷೆರಿ ಚಿ ಉಲ್ಲೋಕಾ ಪಿತಾಮಹಾ " 

ಕೃಪಾಚಾರ್ಯ :" ಕಸಲೆ ಸಂದೇಷು ಹಳ್ಳಾ ಮೋಣು ಸುರ್ವೆಕ ಅಯಿಕುಯಾ ಯುವರಾಜಾ ... ಪಾಂಡು ಪುತ್ರಾನ ಕಸಲೆ ಸಾಂಗ್ಲಾ ಮೋಣು ಆಯಿಕ "

ಧುರ್ಯೋಧನ : " ತುಮ್ಮಿ ಸರ್ವ ಮಂಥಾರೆ ... ಕಸಲೆಕ ಉಲ್ಲೋನ್ ಯುದ್ಧ ರಬ್ಬೊಚ್ಯಾಕ ಪೊಳೈತಾಚಿ ಕೀ .. ! ಮಕ್ಕಾ ಕಳ್ನಾ ... ಜಲ್ಲೇರಿ .. ಹಾಂವ ಶಾಂತಿ ಪ್ರಸ್ತಾವಾಕ 

ತಯ್ಯಾರ್ ನಾ ... ! ಹಾಂವ ಯುದ್ಧ ರಬ್ಬೊಚ್ಯಾ ತಯ್ಯಾರ್ ನಾ .. ! ಹ್ಯೇ ಪಾಂಡವ ಮಿಗೆಲೆ ಗದೇ ಚೆ  ... ಅನಿ ಮಿತ್ರ ಕರ್ಣಾಲೆ ಬಾಣಾಚೆ ಭಾಷ ಮಾತ್ರ ಅಯಿಕುನ್ ಅರ್ಥ  ಕೊರ್ನ್ ಘೆತ್ತಲೆ೦ತಿ . ಸಾಂಗ ಸಾರಥಿ ... ಉಪಪ್ಲಾವ್ಯ ದುಕುನ್ ಕಸಲೆ ಸಮಾಚಾರು ಹಳ್ಳಾ ... ? "

ಸಂಜಯ : " ಮಹಾರಾಜಾ .. ! ಹಾಂವೆ ತುಮ್ಮಿ ಸಂಘಿಲೆ ಸಂದೇಷು ಪಾಂಡು ಪುತ್ರಾಕ ಸಾಂಗ್ಲಾ .. " 

ಧ್ರತರಾಷ್ಟ್ರ: " ತ೦ಯ್ ಕೊಣ್ - ಕೋಣ ಅಶಿಲೀಂತಿ .. ? " 

ಸಂಜಯ : " ಪಾಂಡುಪುತ್ರಾ೦ಗೆಲೆ ಅತಿರಿಕ್ತ .. ವಿರಾಟರಾಯು , ಪಾಂಚಾಲ ನರೇಶ್ ದ್ರುಪದ , ಯುವರಾಜ್ ದೃಷ್ಟದ್ಯುಮ್ನ್ ಆನಿ ...  ವಾಸುದೇವ್ ಕೃಷ್ಣ ... "

ಧ್ರತರಾಷ್ಟ್ರ : " ಕುಂತಿ ಪುತ್ರ ಯುಧಿಷ್ಠಿರಾನ ಕಸಲೆ ಸಾಂಗ್ಲೆ .. ? "

ಸಂಜಯ : " ಸುರ್ವೆಕ ಕುಂತಿ ಪುತ್ರ ಅರ್ಜುನಾನ ... ಧುರ್ಯೋಧನಾ ಖತಿರಿ ಸಂಗಿಲೆ ಸಂದೇಷು ... "

ದೃತರಾಷ್ಟ್ರ : " ಜ್ಯೇಷ್ಟ ಪುತ್ರ ಯುಧಿಷ್ಠಿರಾ ಆಜ್ಞಾ ಘೇವ್ನ್ ಕೀ ... ಆಜ್ಞಾ ನಾಶಿ ... ?"

ಸಂಜಯ : " ಅರ್ಜುನಾ ನ ಉಲ್ಲಯಿತನಾ ... ಜ್ಯೇಷ್ಟ ಪುತ್ರ ಯುಧಿಷ್ಠಿರಾನ ಕಾಯೀ ಅಡ್ಡಿ ಉಲ್ಲಯಿನಿ ಮಹಾರಾಜಾ .. ! " 

ಧ್ರತರಾಷ್ಟ್ರ: " ತಶಿ ಝಲ್ಲೇರಿ ... ಅರ್ಜುನಾನ .. ಮಿಗೆಲೆ ಪುತ್ರ ಧುರ್ಯೋಧನಾ ಕ ಕಸಲೆ ಸಂದೇಷು ಸಂಗ್ಲಾ .. ? " 

ಸಂಜಯ : " ಮಹಾರಾಜಾ ..! ಮಿಗೆಲೆ ಆವೇಶಾರಿ ಅರ್ಜುನನ ಸಂಗಿಲೆ ಕಸಲೆ ಮ್ಹಳ್ಳಾರಿ .... ' ಹೇ .. ಸಂಜಯಾ .. !! ತ್ಯೆ ಸೂತ ಪುತ್ರ ಕರ್ಣಾ ಯೆದುರ ... ಧುರ್ಯೋಧನಾ ಕ ಸಾಂಗ .... ಆಮ್ಕಾ ಏಕತ್ ವೇಳೇರಿ ಇಂದ್ರಪ್ರಸ್ಥ ವಾಪಾಸ್ ದೀನಿ ಝಲ್ಲೇರಿ ... ಆಪ್ಣೆಲೆ ಕಪಟ , ಅಸಭ್ಯತಾ , ಅಹಂಕಾರಾ , ಹಠಾ ನಿಮಿತ್ಯ ... ತ್ಯೋ ರಣ ಭೂಮಿಂತ್ ಸುಕ್ಕಿಲೋ ರುಕ್ಕಾ ಮ್ಹಣ್ಕೆ ... ಸಾಮಾನ್ಯ ಮಾನವಾ ಮ್ಹಣ್ಕೆ ... ಫೋಣು  ಅಸ್ತಾಲೊ ... ಝಲ್ಲೆಲೆ ನಿಮಿತ್ಯ ತ್ಯೇ ಮೂರ್ಖ ಧುರ್ಯೋಧನಾಕ  ಸಾಂಗ ... ಸಂಜಯ್  ... ! ಮಹಾದೇವಾ ವೈರಿ ಆಣ  ಘಾಲ್ನ್ ಸಾಂಗ್ತಾ ಸಂಜಯ್ ... ! ಮಿಗೇಲ್ ಬಾಣ ವರ್ಷ ರಣಭುಂಯಿಚೆರಿ ದೆಂವ್ತಾನಾ ಮಹಾ  ಪ್ರಳಯ ಅಗ್ನಿ ಜಾವ್ನ್ ಕುರು ಸೈನ್ಯ ಸೇನಾಪತಿಂಕ ಭಸ್ಮ ಕರ್ತಾಲೆ ... ಅಶಿ ಭಸ್ಮ ಝತ್ತಲೆ .. ತಶಿ ...  ಗ್ರೀಷ್ಮ ಋತು೦ತು ಸುಕ್ಕಿಲೆ ಪನ್ನ೦ .. ತಣಾಕ ಜೊಳೋ ನ್ ನಾಶ ಕೆಲ್ಲೆ ಮ್ಹಣ್ಕೆ .. "

ಧುರ್ಯೋಧನ : " ರಬ್ಬಯ್ ಸಾರಥಿ ... ! ತೂ ಸಂದೇಷು ಸಾಂಗ್ತಾ ಕೀ ... ನಾತ್ಲೆರಿ .. ಅಮ್ಕಾ ಅರ್ಜುನಾಲೆ  ಉತ್ತರಂ ಸಾಂಗುನ್ ಭೀವೈತಕೀ ... ! ಆಜಿ ಹಾಂವ ಘೋಷಣಾ ಕರ್ತಾ ... ಏಕಾತ್ ವೇಳಾ .. ಪಿತಾಶ್ರೀನ ಮಿಗ್ಗೆಲೆ ಉತ್ತರ ಘೆವ್ನ್ ಕೊಣಾಕಯ್ ಅರ್ಜುನಾಲೆ ಪೆಟಯಿನಾ ನಾತ್ಲೆರಿ ... ಹಾಂವ ಸ್ವಯಂ ಉಪಪ್ಲಾವ್ಯಾಕ ವೊಚ್ಚುನ್ ತಾಗೆಲ್ ಜೀಬಾ ತಾಂಡೂನ್ ಕುಡ್ಕೊ ಕರ್ತಾ ... " 

ಧ್ರತರಾಷ್ಟ್ರ : " ಶಾಂತ ಶಾಂತ ... ಶಾಂತ ಝಾ ಧುರ್ಯೋಧನಾ .. "

ಧುರ್ಯೋಧನ : " ಶಾಂತಿ , ಸಹನಾ , ಸಮಾಧಾನ .. ಅಸಲೆ ಶಬ್ದ ಮಿಝೇ  ತಸಲೆ ಮನುಶ್ಯಾಕ ಸಂಗಿಲೆ ನಯ್ ಪಿತಾಶ್ರೀ .. ! " 

ಭೀಷ್ಮ : " ಶಾಂತ ಝಾ ಧುರ್ಯೋಧನ್ ... ಮಿಗೆಲೆ ಉತ್ತರ ಆಯಿಕ ... ತೂ೦ವೆ ' ಧರ್ಮ' ಆನಿ ' ಅರ್ಥ ' ಶಬ್ಧಾಚ್ಯೇ ಸಂಘ ಸೊಳ್ಳಾ . ತೂಚಿ ಕುರು ವಂಶಾ ..  ನಾಶಾಕ ಕಾರಣ ಝತ್ತಾ ... ಅತ್ತ ಜಲ್ಲೇರಿಯಿ ತುಂವೇ ತುಗ್ಗೆಲ್  ದೊಳೆ ಸೋಣಿ ಝಲ್ಲೆರಿ ... ಯೆವಚೆ ಮಹಾಯುದ್ಧಾ೦ತ್ ಮಹಾರಥಿ ಲೋಕಾಲೆ ಮರಣ ಪೋಳೋಚೆ ತುಗ್ಗೆಲ್  ಪ್ರಾಪ್ತಿ ಝತ್ತಲೇ . ಹೇ ಧುರ್ಯೋಧನಾ ... ! ಅತ್ತ ಪುಣಿ ಆಯಿಕ ಅಮ್ಮಿ ಸಂಗಿಲೆ ... ಝಲ್ಲೆರಿ ...  ತೂ ತೇಗ ಜನಾಲೆ ಉತ್ತರ ಮಾತ್ರ  ಆಯಿಕುನ್ ವಾಯಿಟ  ಝತ್ತಾ ... ಸುರ್ವೆಕ ಸೂತ ಪುತ್ರ ಕರ್ಣ ... ದೊನ್ನಿಚೊ ಗಾಂಧಾರ್ ನರೇಶ್ ಕಪಟಿ ಶಕುನಿ ... ತಿನ್ನಿಚೊ ದುರಾಚಾರಿ ತುಗ್ಗೆಲ ಭಾವು ದುಃಶ್ಶಾಸನ ... "

ಕರ್ಣ : " ಹ್ಯೇ ಭರ್ಲೆಲೆ ಸಭೇ೦ತ್ ಮಿಗೆಲೆ ಅಪಮಾನ ಕೊರ್ಚೆ ಅಗತ್ಯ ವೇ .. ?ಪಿತಾಮಹಾ .. ! ಹಾಂವ್ ಕ್ಷತ್ರಿಯ ಧರ್ಮ ಪಾಲನ ಕೆಲ್ಲಾ . ಹಾಂವೆ ಮಿಗೆಲೆ ಮಿತ್ರ ಧುರ್ಯೋಧನಾ ಖತಿರಿ ... ಪಾಂಡವಾಂಕ ಸಂಹಾರು ಕರ್ತಾ ಮೋಣು ಶಪಥ ಕೆಲ್ಲಾ ... ವಯ್ .. ತ್ಯೇ ಚೂಕಿವೇ .. ? ಅನಿ ಹಾಂವೆ ಕಸಲೆ ಕೊರ್ಚೆ .. ? ಹಾಂವ ರಾಜ ನೀತಿ ಗೊತ್ತಶಿಲೋ  ಮನುಷು ನಯ್ ... ಮಕ್ಕ ಗೊತ್ತಸ್ಸುಚೆ ಧನುರ್ ವಿದ್ಯಾ ಮಾತ್ರ ... ಏಕ ವಿಷಯು ಮನಾ೦ತು ಅಸ್ಸೋ ಪಿತಾಮಹಾ ... ! ಮಿಗ್ಗೆಲೆ ನಿಷ್ಠಾ ... ಕುರು ವಂಶಾ ಖಾತಿರಿ ನಯ್ ... ! ಮಿಗೆಲೆ ನಿಷ್ಠಾ ಮಹಾರಾಜಾ ಕ ಆನಿ .. ಮಿಗೆಲೆ ಮಿತ್ರ ಧುರ್ಯೋಧನಾಕ... ! " 

ಭೀಷ್ಮ : " ನಿಷ್ಠಾ ... ! ತಸಲೆ ಪವಿತ್ರ ಶಬ್ದ ,  ದುರುಪಯೋಗ ಕೋರ್ನುಕಾ ಅಂಗ ರಾಜ ಕರ್ಣಾ .. ! ತೂ ಖಂಚೆ ರುಕ್ಕಾ ಮುಳಾಂತ್ ಆಶ್ರಯ ಘೆವ್ನ್ , ವಿಶ್ರಾಮ ಕರ್ತಾ ಕೀ ... ತ್ಯೆ ರುಕ್ಕಾ ಪಾಳ  ಕತ್ತರ್ತಾ ... ! ತೂಗೇಲ್ ಮಿತ್ರ ಧುರ್ಯೋಧನಾಕ ಉತ್ತೇಜಿತ ಕೊರ್ನ್ ಯುದ್ಧಾಕ , ಸರ್ವ ನಾಶಾಕ ಪ್ರಯತ್ನ ಕರ್ತಾ .. ? ತುಗೆಲೆ ಅನಿಷ್ಠ ವಿಚಾರಾ ಕ , ತೂ ನಿಷ್ಠಾ ಮೋಣು  ಸಾಂಗ್ತಾ .. ? ತೂ ಕೋಣ .. ? ತುಗೆಲಿ ಯೋಗ್ಯಿತಿ ಕಸಲಿ .. ? ಅಮ್ಮಿ ಸರ್ವ ಅತಿರಥ , ಮಹಾರಥಿ ಅರ್ಜುನಾಲೆ  ಯೆದ್ರಾ ಕ ಸಮಾ ಸಮ್ ನಯ್ . ಅರ್ಜುನಾಲೆ ಮುಖಾ ಮುಖಿ ಆ೦ಮ್ಚೆ ಕೊಣಾಚ್ಯಾನ ಜಾಯ್ನಾ ... ತೂ ವಿರಾಟ ಯುದ್ಧಾ೦ತು  ಅಶಿಲೋ ಮೂ ... ! ತೂ ಆನಿ ತೂಗೆಲೆ ಮಿತ್ರು ಧುರ್ಯೋಧನ ಅಶಿಲೋ ಮೂ .. ಕಸಲೆ ಕೆಲ್ಲೆ .. ? ಹೇ .. ಮಹಾರಾಜಾ , ಮಿಗೆಲೆ ಉತ್ತರ ಆಯಿಕ ... ಧುರ್ಯೋಧನಾಲೆ  ಹೃದಯಾಂತ್ ಬೊಶಿಲೆ ಕರ್ಣ , ಶಕುನಿ , ದುಃಶ್ಶಾಸನ ತಸಲೆ ತ್ರಿಶೂಲ ಕಾಣು ಉಡಯಿ . ಗಂಧರ್ವಾನಿ ಹಾಂಕಾ ಬಂಧಿ ಕರ್ತಾನಾ ಹ್ಯೇ ಲೋಕು ಕಸಾಲೆ ಕರ್ತಾಲೆ .. ? ಯುದ್ಧಾ ವಿಷಯ್ ಉಲ್ಲೋಚೆ ವಿಂಗಡ ... ಆನಿ ಯುದ್ಧ ಕೊರ್ಚೆ ಆನ್ನೇಕ .  ತುಗ್ಗೆಲ್ ಚೆರ್ಡುವಾಲೆ ಆಯುಷ್ಯ ವೃದ್ಧಿ ಕೋರ್ಕಾ ಝಲ್ಲೇರಿ ಯುದ್ಧ ರಬ್ಬಯಿ ಮಹಾರಾಜಾ . ತಾಂಗೆಲೆ ಇಂದ್ರಪ್ರಸ್ಥ ರಾಜ್ಯ ತಂಕ ವಾಪಾಸ್ ಕರಿ ... " 

ಧುರ್ಯೋಧನ : " ಛೇ .. ! ಸಾಧ್ಯ ನಾ ...  ಪಿತಾಮಹಾ ! ಹ್ಯೇ ಕದಾಚಿತ್ ಸಾಧ್ಯ ನಾ ... ಸುರ್ವೆಕ ಬಾರ ವರುಷ ವನವಾಸ ಕೊರೊಂತಿ ಮಾಗೀರಿ ಉಲ್ಲೋಯಾ ಹ್ಯೇ ವಿಷಯು " 

ಧ್ರತರಾಷ್ಟ್ರ : " ತುಗೆಲೆ ಮನಾಂತು ಕಸಾಲೆ ಅಸ್ಸ ದ್ರೋಣಾಚಾರ್ಯಾ .. ?"

ದ್ರೋಣ : " ಮಿಗೆಲೆ ಮನಾಂತು ಕಸಲೆಯ್ ನಾ .. ಮಹಾರಾಜಾ .. ! ಯುದ್ಧ ಕೋರ್ಕಾ ಮೋಣು ಆಜ್ಞಾ ದಿಲ್ಲೇರಿ .... ಅವಶ್ಯ ಜಾವ್ನ್ ಯುದ್ಧ ಝತ್ತಾ .. ಮಕ್ಕಾ ಭೀಷ್ಮ ಪಿತಾನ ಸಂಘಿಲ್ ಸಮ್ಮ ಮೋಣು ದಿಸ್ತಾ . ಹ್ಯೇ ಜಗತ್ಯಾಂತು ಅರ್ಜುನಾ ನ ಅಷ್ಶಿಲೆ ಪಕ್ಷ ... ಕೊಣಾಚ್ಯಾನಯ್ ಜಯ ಪಾವ್ಚ್ಯಾ ಸಾಧ್ಯ ನಾ . ಖಂಚೆ ಪಕ್ಷಾಂತ್ ಭೀಮಾ ತಸಲೆ ಯೋಧ ಅಸ್ಸ ಕೀ ... ತ್ಯೆ ಪಕ್ಷ , ವಿಜಯ ಪ್ರಾಪ್ತ  ಜಾವ್ಚೆ ನಿಶ್ಚಯ . " 

ಧುರ್ಯೋಧನ : " ಗುರುವರ್ಯಾ ... ! ತು೦ಮ್ಚೆ ತಸಲೆ ಪಾಂಡವಾಂಗೆಲೆ  ಶುಭ ಚಿಂತಕ ... ಆ೦ಮ್ಚೆ ತಸಲೆ ಪಕ್ಷಾಂತ್ ಖಂಯ್ ತಾಯಿ ಆಸ್ಸತಿ ಕೀ ... ತೇದೊಳ್ ತಾಯ್ ಅಂಮ್ಕಾ ಜಯ ಮೇಳನಾ . ಅಮ್ಮಿ ಯುದ್ಧಾ ಫುಡೇಚಿ ಪರಾಜಯ ಪೊಳೋಚೆ ಪೊಡ್ತಾಲೆ "

ದ್ರೋಣ : " ಹ್ಯೇ ರಾಜ ಸಭೆ೦ತ್ ಮಕ್ಕಾ ಉಲ್ಲೋಚ್ಯಾ ಕೆದನಾ ಸ್ವಾತಂತ್ರ್ಯ ನಾ ಕೀ ... ಹಾಂವೆ ಕಸಲೇಕ ರಾಜ ಸಭೆ೦ತು ಅಸ್ಸುಕಾ .. ? ಶಿಷ್ಯಾಲೆ  ನಿಮಿತ್ಯ ಸಭೆ೦ತ್ ಗುರುಕ ಅಪಮಾನ್ ಝತ್ತ ಕೀ ...  ತಸಲೆ ಗುರುಕ ಭವಿಷ್ಯ ನಾ . ಮಹಾರಾಜಾ ತುಮ್ಮಿ ಯುದ್ಧಾ ಕ ಆಜ್ಞಾ ದಿಲ್ಲೆಲೆ ತೆದ್ನಾ... ಹಾಂವ ಯೆತ್ತಾ . ಆನಿ ಮಿಗೆಲೆ  ಪ್ರಿಯ ಶಿಷ್ಯ ಅರ್ಜುನಾಲೆ ಯೆದುರ ರಬ್ಬೂನ್ ಯುದ್ಧ ಕರ್ತಾ " ಮೋಣು  ಸಂಘುನ್ ರಾಜ ಸಭೆ ತ್ಯಾಗ ಕೊರುಂಕ ಬಾರ್ಸರ್ಲೊ ದ್ರೋಣು . 

ಭೀಷ್ಮ : " ಆಚಾರ್ಯ ದ್ರೋಣ್ .. ! ಹಸ್ತಿನಾವತಿ ಸೋಣು ವೊಚ್ಚುನುಕ್ಕಾ ಆಚಾರ್ಯಾ ... ! "

ಧ್ರತರಾಷ್ಟ್ರ: " ಮಕ್ಕಾ  ತುಗೆಲೊ ವಿಚಾರು ಕಳ್ಳೊ ಆಚಾರ್ಯಾ .. ! ಯೋ ಆಸನ ಸ್ವೀಕಾರ್ ಕರಿ .." ದ್ರೋಣ್  ಯೇವ್ನ್ ತಾಗೆಲೆ ಆಸನಾರಿ ಬೊಸ್ಲೊ . "ಅರ್ಜುನ್ ... ಅಗ್ನಿ ಶಿಖರ್ ವಯ್ ... ಸಂಜಯಾ ತಗೇಲ್ ವಿಷಯು ಉಲ್ಲೋನ್ ... ಮನ ಕಸಲೇಕ ವಾಯ್ಟ್ ಕೊರ್ನ್ ಘೆವ್ಕಾ .. ? ಸಂಜಯಾ ... ತು ಸುರ್ವೆಕ ಸಾಂಗ .. ಯುಧಿಷ್ಠಿರಾ ನ ಕಸಾಲೆ ಸಾಂಗ್ಲೆ .. ?ಹಾಂಗಾ ಜಲ್ಲೆಲೆ ದ್ಯುತಾಂತ್ ಯುಧಿಷ್ಠಿರಾಕ ಅಪಜಯ ಝಲ್ಲೆಲೆ.... ಅರ್ಜುನಾಕ ನಯ್ . ಯುಧಿಷ್ಠಿರಾಕ ಮಾತ್ರ ಹಕ್ಕು ಅಸ್ಸ ನಿರ್ಣಯ್ ಘೇವ್ಚ್ಯೆ . ಯುಧಿಶಿಷ್ಠಿರ ಯುದ್ಧ ತಯ್ಯಾರಿ ಕರ್ತಾ ಅಸ್ಸ ವೇ ... ? ತ್ಯೆ ಸಭೆ೦ತು ... ಯುದ್ಧಾ ಕ ವಿರೋಧ ಕರ್ತಾಲೆ ಕೊಣಯ್ ಅಷ್ಶಿಲೆ ಕೀ .. ? " 

ಸಂಜಯ : "ವಾಸುದೇವ ಕೃಷ್ಣಾಕ  ಸೊಳ್ಳೇರಿ ... ಬಾಕಿ ಸರ್ವ ಯುದ್ಧಾಕ ತಯ್ಯಾರಿ ಝಲ್ಲೆ ಮ್ಹಣ್ಕೆ ದಿಸ್ತಾ ಅಷ್ಶಿಲೆ .... ಮಹಾರಾಜಾ "

ಧ್ರತರಾಷ್ಟ್ರ: ಮಕ್ಕ ಕೊಣಾಲೆಯ್ ಭ೦ಯ್ಯ ನಾ ... ಸಂಜಯ್ .. ! ಪಾಂಡವ ಯುದ್ಧ ಕೋರ್ಕಾ ಮೋಣು ಲೆಕ್ತಾತಿವೆ .. ? 

ಸಂಜಯ : " ತಾಂಗೆಲೇಗಿ ... ದೊನ್ನಿಚಿ ...  ವಿಕಲ್ಪ ಆಸ್ಸುಚೆ ಇಂದ್ರಪ್ರಸ್ಥ ...  ಶಾಂತಿ ... ,  ಯುದ್ಧ .. ಪ್ರತೀಕಾರ ಮಹಾರಾಜಾ .. !

ದೃತರಾಷ್ಟ್ರ : " ಯುದ್ಧ ಜಾಲ್ಲೇರಿ ... ಆಮ್ಗೆಲೆ ಪರಾಜಯ ನಿಶ್ಚಯ ..  ಸಂಜಯಾ ! "

ಧುರ್ಯೋಧನ : " ಇಂದ್ರಪ್ರಸ್ಥ ವಾಪಾಸ್ ತಂಕಾ ,  ದೀವಕಾ ಮೋಣು ಲೇಕ್ಚೆಯ್ .... ಆಮ್ಗೆಲೆ ಪರಾಜಯ ಪಿತಾಶ್ರೀ .. ! " 

ದೃತರಾಷ್ಟ್ರ : " ಹ್ಯೇ ನೇತ್ರ ಹೀನ ಧ್ರತರಾಷ್ಟ್ರಾಲೆ  ದೊಳೆಂತ್ ... ಮಿಗೆಲೆ ಶಂಬಾರಿ ಜನ ಚೆರ್ಡು೦ವಾಲೆ ಮರಣ ದಿಸ್ತಾ ಅಸ್ಸ...  ಹ್ಯೇ  ಯುದ್ಧಾ ನಿಮಿತ್ಯ ಸಂಜಯಾ .. !"

ಹಾಂವೆ ಕಸಲೆ ಕೊರ್ಚೆ ಸಂಜಯಾ ... ? ಅತ್ತ ಇಂದ್ರಪ್ರಸ್ಥ ...  ಧುರ್ಯೋಧನಾಲೆ ಹತ್ತಾ೦ತು ಅಸ್ಸ . ಮಿಗೆಲೆ ಅಷ್ಶಿಲೆ ಝಲ್ಲೇರಿ ... ಹಾಂವ ಹಾತು ಉಬ್ಬಾರ್ನ್ ದಿತ್ತ  ಆಶಿಲೋ ... ಕಸಲೆ  ಕೊರ್ಚೆ ಸಂಜಯಾ .. ? " 

ಸಂಜಯ : " ಮಹಾರಾಜಾ .. ! ಹ್ಯೇ ಮಹಾ ಯುದ್ಧಾ ದುಕುನ್ ಸರ್ವಾಂಕ ಪಾರ ಕೋರ್ಕಾ ಝಲ್ಲೇರಿ ... ಏಕ ಮಾರ್ಗ ಅಸ್ಸ .. ! ಕುಶಸ್ಥಳ , ವಾಕಪ್ರಸ್ಥ , ಮಾಖಂಡಿ , ವಾರಣಾವೃತ್ ವೊಟ್ಟು ಆನ್ನೇಕ ಪಟ್ಟಣ ತುಮ್ಕಾ ಖುಷಿ ಅಶಿಲೆ .. ತಾಂಕಾ ಪಾಂಚ ಪಟ್ಟಣ ಪಾಂಚ ಬಾಬ್ಭವಾ೦ಕ ದೀವಕಾ ಮೋಣು .. ಯುಧಿಷ್ಠಿರಾನ ಅಖೇರಿ ಪ್ರಸ್ತಾವ ಜಾವ್ನು ಸಾಂಗ್ಲಾ ... ನಾ ಝಲ್ಲೇರಿ ... ಯುದ್ಧ ಕೊರ್ನ್ ಹಸ್ತಿನಾವತಿ ವಶ ಕೊರ್ನ್ ಘೆತ್ತಾತಿ ಮೋಣು ಸಾಂಗ್ಲಾ ... ತಾಂಗೆಲೆ ದೂತ ಜಾವ್ನ್ ಶ್ರೀ ಕೃಷ್ಣಾ ಕ ,  ಹಾಂಗಾ ಧಾಣು ದಿತ್ತಾ  ಮೋಣು ಸಾಂಗ್ಲಾ ಮಹಾರಾಜಾ .. !"

ಧುರ್ಯೋಧನ : " ಪಿತಾಶ್ರೀ ... ! ಆಯಿಕಲೋವೇ ... ? ಧರ್ಮಜಾ ಲೇ ಪ್ರಾರ್ಥನಾ ... ! ಪಾಂಚ ಪಟ್ಟಣ ದಿಲ್ಲೇರಿ  ಪೂರೋ ಖಂಯ್ ... ತುಮ್ಮಿ .. ತನ್ನಿ , ವೀರಾಧಿವೀರ , ಜಗದೇಕ ವೀರ ಮೋಣು  ಪ್ರಶಂಸ ಕರ್ತಾಲೀಂತಿ . ತ್ಯೆ ಪಾಂಡವ ನಿಜಾವ್ನ್ ವೀರ ಜಾವ್ನ್ ಅಶಿಲೆ ಝಲ್ಲೇರಿ ...  ಪಾಂಚ ಪಟ್ಟಣ ನಿಂಮ್ಗಿನಾತಿ ಅಷ್ಶಿಲೀಂತಿ .. " 

ದೃತರಾಷ್ಟ್ರ : " ಪಾಂಡವಾಂಕ ... ತಾಂತುಯೀ ..  ಭೀಮ ಅರ್ಜುನಾಕ ಅಲ್ಪ ಜಾವ್ನ್ ಲೆಕ್ಕುನುಕ್ಕಾ ..! ಧುರ್ಯೋಧನಾ ... ! ಜರಾಸಂಧ , ಬಕಾಸುರ , ಹಿಡಿ೦ಬಾಸುರ , ಕಿಮ್ಮೀರಾಸುರ , ಕೀಚಕಾ ಕ ಎಕ್ಲೆಲೆ ಸಹಾಯು ನಾಶಿ .. ಯಮ ಲೋಕಾ ಕ ಪೆಟಯಿಲೆ ಭೀಮ ಸೇನಾ ಲೆ ಭುಜ ಬಲ ಶಕ್ತಿ ಅಲ್ಪ ಮೋಣು  ಲೆಕ್ಕುನುಕ್ಕ . ಘೋಷ ಯಾತ್ರಾ ವೆಳ್ಯೇರಿ ಅರ್ಜುನಾಲೆ  ಪರಾಕ್ರಮ ತೂವೆಂಚಿ ಪೋಳಯಿಲಾ " 

ಧುರ್ಯೋಧನ : " ಪಿತಾಶ್ರೀ ... ! ತ್ಯೆ ಯುದ್ಧ ಮಾಯಾ ಯುದ್ಧ .. ! ವಿರಾಟ ಯುದ್ಧಾ ವೆಳ್ಯೇರಿ ... ಸಮ್ಮೋಹನಾ ಅಸ್ತ್ರ ಪ್ರಯೋಗ ಕೊರ್ನ್ ಅರ್ಜುನ್ ಧಾಂವ್ನ್ ಗೆಲ್ಲಾ . ತುಮ್ಮಿ ಸರ್ವಾನಿ  ಸಾಂಗ್ಲೆ ಮ್ಹಣ್ಕೆ ... ತನ್ನಿ ಪರಾಕ್ರಮಿ ಜಾವ್ನ್ ಅಶಿಲೆ ಝಲ್ಲೆರಿ .. ಪಾಂಚಾಲಿ ಪರಾಭವ ಝತ್ತಾನಾ ಕಸಲೇಕ  ನುತ ಬೊಶಿಲೀಂತಿ ? ಅತ್ತ ಪಾಂಚ ಪಟ್ಟಣ ದೀವ್ಕಾ  ಮೋಣು ನಿಂಮ್ಗಿತಾತಿ ... ಆಮ್ಗೆಲೆ ಅತಿರಥ ಮಹಾರಥ ಯೋಧಾಲೆ ಯೆದ್ರಾಕ ತಾಂಗೆಲೆ ಕಸಲೆಯ್ ಖೇಳು ಚಲ್ ನಾ . ಕೃಷ್ಣಕ ಧಾಣು  ದಿತ್ತಾ  ಮೋಣು ಮ್ಹಳ್ಳಾ . ಪೋಳೋಯಾ ತ್ಯೋ ಕಸಲೆ  ಸಾಂಗ್ತಾ ಮೋಣು ಅಯಿಕುಯಾ  "  ಮೋಣು ಅಹಂಕಾರಾರಿ ಸಾಂಗ್ಲೆ ಧುರ್ಯೋಧನಾನ . 

ಉಮಾಪತಿ