MAHABHARATH Part - 15 DRUPADA KRISHNAALI BHETI ( Konkani Bhashentu )

MAHABHARATHA  15  ( Konkani Bhashentu )

Drupada Krishnaa li BheTi 

ಪಾಂಡವ ಕಾಮ್ಯಕಾ ವನಾಂತು ಆಸ್ಸತಿ ಮ್ಹಳ್ಳೆಲೆ ಖಬ್ಬರ ಅಯಿಕುನು , ದ್ರುಪದ , ದ್ರಷ್ಟದ್ಯುಮ್ನ ಅನಿ  ದ್ವಾರಕೆ ದುಕುನು ಶ್ರೀ ಕೃಷ್ಣ , ಸುಭದ್ರೆ , ಅಭಿಮನ್ಯು ಹನ್ನಿ  ಸರ್ವ ಪಾಂಡವಾಂಕ ಸೊದ್ದುನು ಕಾಮ್ಯಕಾ ವನಾಂತು ಯೇವ್ನು ಪಾವಲೀ೦ತಿ . ದ್ರುಪದ ಮಹಾರಾಜಾಕ .. ದ್ರೌಪದಿಕ ಪೊಳೈಲೇ ಸತಾನ ದೊಳೆ ಭೋರ್ನು ಅಯಿಲೆ . ' ಹೇ  ದೇವಾ .. ಮಿಗೆಲೆ ಅಂತಾ ಸೌಭಾಗ್ಯ ... ದೇವಾಲೆ ಕೃಪೇನ ಜನ್ಮಾ ಆಯ್ಯಿಲೆ ದ್ರೌಪದಿಕ ಹೇ  ಕಷ್ಟ ಯೆವ್ಚ್ಯವೇ ? ಮಹಾರಾಣಿ ಜಾವ್ನು ಸುಖ ಸೋಪಾನ ಪಲ್ಲಂಗಾರಿ ನಿದ್ದೋಚೆ ಕಾಲಾಂತು .. ಹೇ ವನವಾಸ ಖಂಚೆ ಜನ್ಮಾ ಶ್ರಾಪ ? ' " ಅಮ್ಮಾ ದ್ರೌಪದಿ ! ತುಕ್ಕಾ ಹೇ ಕಷ್ಟ ಯೆವ್ವು ನಜ್ಜ ಅಶಿಲೆ ಬಾಳಾ ! ತುಕ್ಕಾ ಹೇ ಪರಿಸ್ತಿತಿ೦ತು ಪೊಳೈತಾನಾ .. ಮಕ್ಕಾ ಅಂತ ಲಶಿಲೆ ಅನುಭವ ಝತ್ತಾ ಚೆರ್ಡಾ ... !" ಮೋಣು ಸಂಘುನು ದ್ರೌಪದಿಕ ಪೊಟೋನ್ ಧೋರ್ನು ದೊಳೆ ಉದ್ದಾಕ ಕಳ್ಳೆ

ದ್ರೌಪದಿ : "ಅನ್ನಾ .. ! ಹೇ ಮಿಗೆಲೆ ಸೌಭಾಗ್ಯ .. ಪತಿ ಸೇವೆಕ ಮೆಳ್ಳೆಲೆ ಕಾಲು .. ಹಾಂವ ಅನ್ಯಥಾ ಲೆಕ್ಕನಾ . ಸಹಧರ್ಮಿಣಿ ಜಾವ್ನು ತಂಗೆಲೆ ಕಷ್ಟಾಂತು ಭಾಗಿ ಜಾವ್ಚೆ ಕಾಲು . ಅಸಲೆ ಯೋಗು ಕೊಣಾಕೈ ಮೆಳ್ನಾ... " ಬಪ್ಪುಸು , ಧೂವಾಂಗೆಲೆ ಪ್ರೀತಿ ವಾತ್ಸಲ್ಯ ಪೋಳೋನು ಬಾಕಿ ಲೋಕಾಂಕ ದೊಳೆ ಉದ್ದಾಕ ಅಯಿಲೆ . ದ್ರಷ್ಟದ್ಯುಮ್ನ ಧರ್ಮಜಾ ಲೇ ಯೇವ್ನು ಫೊಟೊನ್ ದೋರ್ನ್ನು ದೊಳೆ ಉದ್ದಾಕ  ಕಳ್ಳೆ . ಕೃಷ್ಣಾನ ಸರ್ವಾಂಕ ಸಮಾಧಾನ ಕೆಲ್ಲೆ . ಅನಿ ಎಕ್ಲೆ-ಎಕ್ಲೇ೦ಕಚಿ ಆಲಿಂಗನ ಕೋರ್ನು 

ಸಮಾಧಾನ ಕೆಲ್ಲೆ . ಜಲ್ಲೇರಿ .. ತ್ಯೆ ವಾತಾವರಣ ದುಃಖ ನಯ್೦ತು ಬುಡ್ಲೆ೦ತಿ ಕೀ .. ಮ್ಹಳ್ಳೆಲೆ ಅನುಭವಾಕ ಆಯ್ಯಿಲೆ ತಶಿ ದಿಸ್ಲೆ . ಸರ್ವ ಪಾಂಡವ ಏಕ್ ರೀತ್ಯೇರಿ .. ಸಮಾಧಾನ ಝಲ್ಲೆಂತಿ . ಝಲ್ಲೇರಿ .. ದ್ರೌಪದಿ ಮಾತ್ರ ಸಮಾಧಾನ ಜಾಯ್ನಿ . ದ್ರೌಪದಿಕ ಕಸಲೆ ಕೊರ್ಚೆ ಮೊಣು ಕಳ್ನಿ ಧಾವನು ಯೇವ್ನು ವಾಸುದೇವಾ ಪಯ್ಯಾರಿ ಪೋಣು .. ಸಾನ್ ಚೆರ್ಡಾ ಮ್ಹಣ್ಕೆ ರೋಡು೦ಕ್ ಶುರು ಕೆಲ್ಲೆ . 

ದ್ರೌಪದಿ : " ಅಣ್ಣಾ ..! ವಾಸುದೇವಾ ... ಗುರು , ಮಂತ್ರಿ , ಭೀಷ್ಮ , ವಿದುರ ದೇವಾಲೆ , ಮ್ಹಲ್ಘಡೆಲೆ ಯೆದುರ .. ಮಕ್ಕಾ  ಝಲ್ಲೆಲೆ ಅವಮಾನ ಕಷ್ಶಿ ಸಹನಾ ಕೊರ್ಚೆ ? ತೂ  ಅಯಿಕುನು ಆಸ್ತಾಲೊ .    ವಾಸುದೇವಾ ! ಹಾಂವ ಕುರು ಕುಲಾ ಮಾಲ್ಘಡಿ ಸೂನ .. ಮ್ಹಳ್ಳೆಲೆ ಜ್ಞಾನ ನಾಶಿ .. ಸರ್ವ ಪ್ರಜಾ ಯೆದುರ .. ಮಿಗೆಲೆ ಶೀಲ ಹರಣ ಕೊರ್ಚಾ ಪ್ರಯತ್ನ ಕೆಲ್ಲೆ . ಮಿಗೆಲೆ ಸೆರಗ ಧೋರ್ನು ಸ್ತ್ರೀ ಜಾತಿಕ ಅವಮಾನ ಕೆಲ್ಲೆ . ರಾಜಸೂಯ ಯಾಗ ಕೋರ್ನು , ಅವಭ್ರತ ಸ್ನಾನ ಕೋರ್ನು ಪವಿತ್ರ ಝಲ್ಲೆಲಿ ಹೇ ಮಿಗೆಲಿ ಕೇಶ ರಾಶಿ ಧೋರ್ನು , ಸಕಲ ಘಾಲ್ನು ಬರ್-ಬರೀ ಸುಣೆ ಕ ತಾಂಡಲಾ ಮ್ಹಣ್ಕೆ ತಾಂಡೂನು ರಾಜ ಸಭೆ೦ತು ಅವಮಾನ ಕೆಲ್ಲೆ ತ್ಯೆ ನೀಚ  ದುಃಶ್ಶಾಸನಾನ

..  ಕೃಷ್ಣಾ ! .. ಮಕ್ಕಾ  ದಾಸಿ .. ವೈಶ್ಯಾ ಮೋಣು ಅಪ್ಪೋನು ಅವಮಾನು ಕೆಲ್ಲೆ .. ತ್ಯೆ ಕರ್ಣಾನ . ದುರ್ಮಾರ್ಗಿ ತ್ಯೆ ಧುರ್ಯೋಧನಾನ ಝಾ೦ಗೀ ವೈಲೆ ವಸ್ತ್ರ

ಉಬ್ಬಾರ್ನು .. ಝಾ೦ಗಿ ಮಾರ್ನು ' ಯೋ ಹಾಂಗಾ ಯೇವ್ನು ಬೈಸ ' ಮೋಣು ಸನ್ನಿ  ಕೋರ್ನು ಹಾಸ್ಲೊ . .. ಅಣ್ಣಾ ! ಕೃಷ್ಣಾ ! ತೂ೦ವೆ ಖಂಚೆಯಿ ಯುಗಾಂತು , ಕಾಲಾಂತು .. ಅಷಿ   ಕುಲಸ್ತ್ರೀಕ ಅಪಮಾನು ಕೆಲ್ಲೆಲೆ ಅಯಿಕಲಾವೇ .. ? ಸರ್ವ ಬಾಯ್ಲಾಂಕ ಆಸ್ಲೆ ವ್ಹರಿ ಮಕ್ಕಾ ಏಕು ಬಾಮ್ಮುಣು ನಯ್ ... ಮಕ್ಕ ಪಂಚ ಪಾಂಡವ ಬಮ್ಮಣ ಆಸ್ಸತಿ . ದೇವೇಂದ್ರಾಕ ಸಮ್ಮ ಝಲ್ಲೆಲೆ .. ಕಿತ್ಲೆ ಹೊಡು ಶತ್ರು ಲೋಕ ಹಜಾರ ಜನ ಆಯಿಲ್ಯಾರಿಯ್ .. ತಾಂಕಾ ಯಮ ಲೋಕಾ ಕ ಕ್ಷಣ ಮಾತ್ರ ಜಾವ್ನು ದಿವಿಶಿ ಮಾರ್ಚೆ ತಾಕತ್ ಅಷ್ಶಿಲೆ ಪಾಂಚ ಬಮ್ಮಣಾ೦ಲೆ ಎದ್ರಾಕ ಯೆಕ್ಲೊ ... ಪೈಶಾಚಿಕ ... ಪಶು ಪೃವೃತ್ತಿ .. ಪಾಪಿ ದುಃಶ್ಶಾಸನಾಲೆ ಹತ್ತಾ೦ತು ಮಕ್ಕಾ ನರಕ ಯಾತನಾ ಮೆಳ್ಳೆ .. ಮಾಧವಾ !!  ಪವಿತ್ರ ಹೋಮಾಗ್ನಿ೦ತು ಜನ್ಮಾ ಆಯ್ಯಿಲೆ ಮಕ್ಕಾ ..., ಭರಥ ವಂಶಾ ಸೂನ ಝಲ್ಲೆಲಿ ಮಕ್ಕಾ ... , ಅಪ್ರತಿಮ ವೀರ ಪಂಚ ಪಾಂಡವಾ೦ಕ ಅರ್ಧಾ೦ಗಿನಿ  ಜಾವ್ನು ಅಶಿಲಿ ಮಕ್ಕಾ ... , ಹೇ ನಮುನೆ ಅವಮಾನು ಕೊರ್ಚೆ ಕೀ ? ಋತು ಮತಿ ಜಾವ್ನು ಅಷ್ಶಿಲಿ ವೆಳ್ಯೇರಿ .. ಗುರು ಕುರು ವೃದ್ಧ ಬಂಧು ಭಾಂಧವಾ ಎದ್ರಾಕ ರಾಬ್ಬೊನು ವಿವಸ್ತ್ರ ಕೊರುಂಕ ಪ್ರಯತ್ನ ಕೆಲ್ಲೆಲೆ ನವೇ ಹನ್ನಿ ? ದುಃಶ್ಶಾಸನಾನ ಕಪ್ಪಡಾ  ಸೆರಗ ಧೋರ್ನು ತಾಂಡಿಲೆ ತೆದ್ನಾ ... ಕೃಷ್ಣಾ ! ಅನಾಥ ಜಾವ್ನು ಹರ್ದೇರಿ  ಮಾರ್ನು ಘೇವ್ನು ರಕ್ಷಣೆ ಕ ಅಪ್ಪಯಿತನಾ ... ಕೊಣಯ್ ಮಕ್ಕಾ  ರಕ್ಷಣಾ ದೀನಿ . ದೀನಬಂಧು !! .. ತೂ೦ವೆ ಎಕ್ಲೇನ ಅಕ್ಷಯ ಸೆರಗ ದೀನಾ ನಾತ್ಲೆರಿ .. ಮಿಗೆಲೆ ಗತಿ ಕಸಲಿ ಝತ್ತಾಶಿಲಿ  ಕೃಷ್ಣಾ .. ಪರಂಧಾಮಾ ಕೊಳಲ ರಾಗು ಮಕ್ಕಾ  ಮಾತ್ರ ಆಯಿಕತಶಿಲೆ ... ! " ಸಾಂಗ್ತಾ ಸಾಂಗ್ತಾಶಿ ದೊಳೆ ಉದ್ದಾಕ ಕಟ್ಟೆ ಭೇತ್ತಿಲೆ ನಯ್ ಚೆ ಮ್ಹಣ್ಕೆ ... ಧಾರ ಧಾರ ಜಾವ್ನು ಉಕ್ಕುನು ಉಕ್ಕುನು ಅಯಿಲೆ . ನಿಷ್ಕ್ರಿಯ ಜಾವ್ನು ರಬ್ಬಿಲೇ ಪಾಂಡವಾಂಗೆಲೆ ವಿವರಣ ದಿತ್ತಾನಾ .. ತಾಂಗೆಲೆ ತೊಂಡ ಬಾವ್ನು .. ಕೋಪು ಯೇವ್ನು .. ರೋಷ ಅಗ್ನಿ೦ತು ಬಾವನು ಗೆಲ್ಲೆಲೆ ಪಾನ ಶೀ ಝಲ್ಲೆ . ಧರ್ಮಜ , ಅವಮಾನಾರಿ ತೊಂಡ  ಸಕಲ ಘಾಲ್ನು ರಾಬಲೊ .. ಭೀಮು ಹತ್ತಾ  ತಾಳ್ವತಿ ವೊತ್ತುನು ಮನಾ ಭುಸು ಭುಸು ಕೋರ್ನು ರಾಬಲೊ , ಅರ್ಜುನು .. ಕೋಪು ಆಯ್ಯಿಲೊ ಕಾಳಿಂಗ ಶಿ ರಾಬ್ಲೊ , ನಕುಲ ಸಹದೇವ ಮುಷ್ಠಿ ಬಂಧುನು ರಾಬ್ಲೀ೦ತಿ .ದೂರ ರಾಬಿಲೆ ದ್ರಷ್ಟದ್ಯುಮ್ನ , ಧಾವನು ಯೇವ್ನು , ದ್ರೌಪದಿ ಕ ಫೋಟೋನು  ಧೋರ್ನು ಪ್ರೀತೀನ ನಿಮಗಿಲೆ  " ಅಮ್ಮಾ  ದ್ರೌಪದಿ .. ! ಅಮ್ಮಿ ಸರ್ವ ಲೋಕು ಅಸ್ಸುನೂಯಿ ತೂ ಅನಾಥ ಝಲ್ಲಿವೆ ? " ಮೋಣು ನಿಮಗುನು ದೋಳೆ ಉದ್ದಾಕ ಕಳ್ಳೆ . 

ಕೃಷ್ಣ : " ಅಮ್ಮಾ ಪಾಂಚಾಲಿ ! ಸಮಾಧಾನ ಕರಿ .. ತೂ ಕಸಲೆ  ನಮುನೆ ಅಗ್ನಿ ಪರ್ವತು ಹೃದಯಾ ಧೋರ್ನು ಮನಾ ದುಃಖ ಪಾವ್ತಾಶಿಲಿ   .. ಅಂಮ್ ಕಾ ಸರ್ವಾಂಕ ಗೊತ್ತಸ್ಸ . ತುಗ್ಗೆಲ್ ಬಮ್ಮ ಣ೦  ಕೊಣಯ್ ಅಸಮರ್ಥ ನಯ್ . ಧರ್ಮಾ ಕ ಬಂಧಿ ಜಾವ್ನು ಅಶಿಲೆ ನಿಮಿತ್ಯ , ತುಕ್ಕಾ ಅಸಲಿ ಗತಿ ಆಯಿಲಿ . ನಿಜಾವ್ನು ಪಾಂಡು ಪುತ್ರ ಕೋಪು ಯೇವ್ನು , ದೋಳೆ ಸೊಳ್ಳೆಲೆ  ಜಲ್ಲೇರಿ .. ಸಮಸ್ತ ಕುರು ಸಭಾ ಅಗ್ನಿ೦ತು ಜೊಳ್ನು ಭಸ್ಮ ಝತ್ತ ಶಿಲೆ . ತುಕ್ಕಾ ಅಪಮಾನು ಕೋರ್ನು ಕೌರವ ತಾಂಗೆಲೆ ಮರಣಾಕ ಮುಹೂರ್ತ ನಿಶ್ಚಯ್ ಕೆಲ್ಲಾ  .  ಹೇ ಶತ ಕೌರವ ಯುದ್ಧ ಭೂಮಿಂತು .. ಅಂಗ ವಿಹೀನ ಜಾವ್ನು ಮರಣ ಪಾವತಾತಿ . ತೆದ್ನಾ ತಾಂಗೆಲೆ ಬಾಯ್ಲಾನಿ ತುಗ್ಗೆಲ್ ಪೋಷಿ ಶಂಬಾರಿ ವಾಂಟೇನ ದುಃಖ ಕರ್ತಾಲೀಂತಿ . ಸೂರ್ಯ ಚಂದ್ರ ತಾಂಗೆಲೆ ಗತಿ ಚುಕ್ಕೂ ಪೂರೋತಿ .. ಝಲ್ಲೆರಿ ಮಿಗ್ಗೆಲೆ ಉತ್ತರ೦ ಖಂಡಿತ ಸತ್ಯ ಝತ್ತಾ . ಅಮ್ಮಾ ದ್ರೌಪದಿ ! ಮಕ್ಕಾ ತೂ ವಿಂಗಡ , ಸುಭದ್ರಾ ವಿಂಗಡ ನಯ್ . ತುಗ್ಗೆಲ್ ಬಮ್ಮ್ ಣ೦ ... ತ್ಯೆ ಕೌರವಾಂಕ ಕ್ಷಮ ಕೋರು೦ ಪೂರೊಂತಿ. ಜಲ್ಲೇರಿ .., ಹಾ೦ವ ತಾಂಕಾ

ಕೆದ ನಾಯ್ ಕ್ಷಮ ಕರ್ನಾ . ಮಿಗೆಲೆ ಉತ್ತರ೦ ನಮಂಗ " ಕೃಷ್ಣಾನ ಅಶಿ ಸಂಘುನು ಸಮಾಧಾನ ಕೆಲ್ಲೆ .  " ಧರ್ಮಜಾ ಗತ ವಿಷಯು ಸೋಡಿ ಅನಿ ಮುಕಾರಿ ಜಾವ್ಚೆ ಪೊಳೆ .. ಹೇ ಬಾರಾ ವರ್ಷ ವನವಾಸಾಂತು .. ಕಾಲು ವ್ಯರ್ಥ ಕೋರ್ನುಕ್ಕಾ . ಯೋಗ ಸಾಧನಾ  ಕೋರ್ನು .. ಆತ್ಮ ಶಕ್ತಿ ಚಡ ಕರ್ಯಾತಿ . ದ್ರೌಪದಿಲೆ ಚೆರ್ಡು೦ವ ದ್ರಷ್ಟದ್ಯುಮ್ನ ಸಂಗಾತಿ ಪಾಂಚಾಲಾಕ ಪೆಟೋನು ದೀ .ತಾಂಗೆಲೆ ವೊಟ್ಟು  ರಬ್ಬುನು ವಿದ್ಯಾಭ್ಯಾಸ , ಅಸ್ತ್ರವಿದ್ಯಾ  ಪೂರ್ತಿ ಕರ್ತಾಲೀ೦ತಿ .. ತುಮ್ಮಿ ಸರ್ವಾನಿ  ಯೆಕು ವಿಷಯು ಉಡ್ಘಾ ಸು  ದೋವೋರ್ನು ಘೆವ್ಕಾ .. ಕಾಲು ..  ವ್ಯರ್ಥ ಕೋರ್ನುಕ್ಕಾತಿ . ನಿರಂತರ ಅಸ್ತ್ರ ಶಸ್ತ್ರ  ವಿದ್ಯಾ , ವ್ಯಾಯಾಮ ಕೋರ್ನು ತುಮ್ಗೆಲಿ ತಯ್ಯಾರಿ ಕೆದ ನಾಯಿ ಅಸ್ಸೋ . ದೈಹಿಕ ಶಕ್ತಿ ವೊಟ್ಟು ,  ಆತ್ಮ ಶಕ್ತಿ ವಾಡ್ಡೋನ ಘೆಯ್ಯಾತಿ . ಶ್ರಾಪ  ಜಾವ್ನು ಆಯ್ಯಿಲೆ ವನ ವಾಸ ... ವರ್ ಜಾವ್ನು ಸ್ವೀಕಾರ ಕರ್ಯಾತಿ .  ಕಾಮ್ಯಕಾ ವನಾ  ಪೋಷಿ , ತುಮ್ಮಿ ದ್ವೈತವನಾಕ  ವೊಚ್ಚುನು ರಾಬಚೆ  ಲಾಯಕ್ . ಥಂಯ್ ಚಂದ ಜಲ ಪಾತ , ಫಲ ಪುಷ್ಪ  , ಕಂದ  ಮೂಲಿ ಸ್ವಾದಿಷ್ಠ ಆಹಾರ ಮೆಳ್ತಲೆ . ಋಷ್ಯಾಶ್ರಮ ಮಸ್ತ ಆಸ್ಸತಿ .  ದ್ವೈತ ವನ .. ಸರ್ವ ವಿಧಾನೇರಿ ಜಾಗೊ ಲಾಯಕ್ ಅಸ್ಸ " ಮೋಣು  ಕೃಷ್ಣಾ ನ ಆದೇಷು ದಿಲ್ಲೊ . 

ಅರ್ಜುನ : " ಮಾಧವಾ  ! ಹೋ ಅಭಿಮನ್ಯು ಮಿಗೆಲೋ ಪ್ರಾಣಾಚ್ಯೋ .. ಅನಿಮುಕಾರಿ ಮಾತಾ ಪಿತಾ  ಗುರು ದೈವ ತೂ೦ಚಿ ಹಕ್ಕಾ . ಅನಿ ಮುಕಾರಿ ತುಂವೆಚಿ ಹಕ್ಕಾ ರಕ್ಕೂಕಾ ಮಾಧವಾ ... ಹಕ್ಕಾ ತೂ೦ಚಿ ರಕ್ಷಾ ಕೋರ್ಕಾ . " ಮೋಣು ಸಂಘುನು ಕೃಷ್ಣಾಲೆ ರಥಾರಿ ಅಭಿಮನ್ಯು , ಸುಭಧ್ರಾಕ ಚಡಯಿಲೆ 

ಕೃಷ್ಣ : " ಅರ್ಜುನಾ ..! ಕಾಯಿ ಯಚ್ಚನಾ  ಕಾಣುಕ್ಕಾ ... ಪೊಳೈತಾ ರಾಬ ತುಗೆಲೇ  ಪೊಷಿ ಹೊಡು ಮಹಾರಥಿ , ಮಹಾವೀರ ಜಾವ್ನು ತಯ್ಯಾರಾ ಕರ್ತಾ ಪೋಳೆ  " 

ಮ್ಹಳ್ಳಲೋ 

ಉಮಾಪತಿ