MAHAABHARATHA – 16         ( Konkani Bhaashentu )

Urvashi Shrapu ….

ಮಹೇಶ್ವರಾಕ ಮನ ಸಂತುಷ್ಠ ಕೋರ್ನು ಪಾಶುಪತಾಸ್ತ್ರ ಸಂಪಾದನ ಕೆಲ್ಲೆಲೆ ಅರ್ಜುನಾಕ ಸ್ವಾಗತ ಕೊರುಂಕ ಸ್ವತಹ ಇಂದ್ರ ಲೋಕಾ ದುಕುನು ದೇವೇಂದ್ರ ಯೆತ್ತಾ. ಅರ್ಜುನು ದೇವೇಂದ್ರಾಕ ಪೋಳೋನು ಸಾಷ್ಟಾಂಗ ಪ್ರಣಾಮ ಕರ್ತಾ . 

ದೇವೇಂದ್ರ :" ಭಳಾ ... ಪಾರ್ಥಾ !! ಅಸಾಧ್ಯ ಜಾವ್ನು ಅಷ್ಶಿಲೆ ಪಾಶುಪತಾಸ್ತ್ರ ಸಂಪಾದನಾ ಕೊರ್ಚೆ ತಿತಲೆ ಸುಲಭ ನಯ್ . ತೂ೦ವೆ ಮಸ್ತ ಅದ್ರಶ್ಠ್  ಕೋರ್ನುಅಸ್ಸುಕಾ . ಮಿಗೆಲೆ ವೊಟ್ಟು ತೂ೦ವೆ ಸ್ವಾರ್ಘ ಲೋಕಾ ಯೇವ್ನು ಆಮ್ಕಾಮಸ್ತ ಖುಷಿ ಕೋರ್ಕಾ . ಹೇ ಕಾಯಕ ಘೇವ್ನು ಸ್ವಾರ್ಘಾ ಕ ವೊಚ್ಛೆ ... ಅಸಲೆ ಅದ್ರಶ್ಠ್ ಸರ್ವಾಂಕ ಮೆಳ್ನಾ . ಥೊಡೆಸೇ .. ದಿವ್ಯ ಮಹರ್ಷಿ ಲೋಕಾಂಕ ಮೆಳ್ತಾ . " ಯೋ , ಮಿಗೆಲೆ  ರಥಾರಿ ಚಡ್ " ಮೋಣು ಸಂಘುನು ಅರ್ಜುನಾಕ ಇಂದ್ರ ಲೋಕಾಕ ಅಪ್ಪೋನು ವ್ಹರ್ತಾ

. ಸಕಲ ಸುರಮರ್ಯಾದಿ ದೀವ್ನು ಸ್ವಾಗತ ಕರ್ತಾ . ' ಸ್ವರ್ಘ ಸೂಖ ಮ್ಹಳ್ಳೆರಿ ಕಸಲೆ ಮೋಣು ಅನುಭವು ಝತ್ತಾ ಅರ್ಜುನಾಕ . ದೇವೇಂದ್ರು ..ಅರ್ಜುನಾಕ ದಿವ್ಯಾಸ್ತ್ರ ಶಿಖಯಿತಾ . ತ್ಯೆನಂತರ , ಚಿತ್ರರಥ ಮ್ಹಳ್ಳೆಲೆ ಎಕ್ಲೊ ಗಂಧರ್ವಾ ಲಗ್ಗಿ ಸಂಗೀತ ಅನಿ ನಾಟ್ಯ ಅಭ್ಯಾಸಾಕ ಕೊರುಂಕ ಸೂಚನ ಕರ್ತಾ . ಅರ್ಜುನು ಬರೀ  ಶೂರ ವೀರ ಮಾತ್ರ ನಯ್ ..ಪೋಳೋಚ್ಯಾಕಯ್ ಅತೀ ಸುಂದರು . ತಗೆಲೆ ಠೀವಿ , ಚೆಂದಾಯಿ , ಬುದ್ದೋ೦ತಕಾಯಿ ,ವಿನಮ್ರತಾ , ತಗೆಲೆ ಕೈಲಾಸ  ಸಾಹಸಾ ಕಾಣಿ ಐಕುನು ,ಸ್ವರ್ಘಾಚೆ ವನಿತಾ ಲೋಕು ಅರ್ಜುನಾ ಕ ಪೋಳೋನು ಸಂತೋಷು ಪಾವತಾತಿ . ದೇವೇಂದ್ರಾಲೆ ಅತಿಥಿ ಮೋಣು ಗರ್ವ ಪಾವ್ತಾತಿ . ಮನಾ೦ತು ಮೆಚ್ವಾತಾತಿ ..ತಗೆಲೆ ಸ್ನೇಹ ಸಂಪಾದನಾ ಕೊರು೦ಕ ಹಾಂವ ಮುಕಾರಿ ತೂ ಮುಕಾರಿ ಮೋಣು ಮುಕಾರಿ ಯೆತ್ತಾಶಿಲೀಂತಿ . ಅರ್ಜುನು ಏಕಾಂತ ಜಾವ್ನು ಉಲ್ಲೋಚ್ಯಾಕ ಕೆದನಾಮೆಳ್ತಾಲೊ ಮೋಣು ರಕ್ಕುನು ರಬ್ತಾಶಿಲೀಂತಿ . ದೇವಲೋಕ ಮ್ಹಳ್ಳೆರಿ ಏಕ ಸ್ವಪ್ಪನಾ ಲೋಕು .. ಥಂಯಿ .. ಸಿಧ್ಧ , ಸನ್ಯಾಸಿ , ಗಂಧರ್ವ , ಕಿನ್ನರ , ಕಿಂಪುರುಷ , ಯಕ್ಷ ..  ಯೇವ್ನು- ವೊಚ್ಚೆ ಜಾಗೊ . ನಿತ್ಯ ದೇವೇಂದ್ರಾಲೆ ಆಸ್ತಾನಾಂತು ಸಭಾ ಜತ್ತಾ . ಸಭೇ೦ತು .. ತೀನಿ ಲೋಕಾ ವಿಷಯು ಚರ್ಚೆ ಜತ್ತಾ . ವಸಿಷ್ಠ , ವಿಶ್ವಾಮಿತ್ರ ,ಬ್ರಹ್ಮ್ಮರ್ಷಿ ಲೊಕು , ಅಗ್ನಿ , ವರುಣ, ವಾಯುಯಮ , ಕುಬೇರ , ಅಷ್ಟ ದಿಕ್ಪಾಲಕ , ದೇವೇಂದ್ರ ಆಸೀನ ಜಾವ್ನು ವಿಷಯು ವಿಮರ್ಶಾ ಜತ್ತಾ ಅಶಿಲೆ .. ತಸಲೆ ದೇವಮಹಾ ಸಭೆ೦ತು .. ಇಂದ್ರಾನ ಅರ್ಧ ಸಿಂಹಾಸನ ಅರ್ಜುನಾಕ ಸೋಣು ದಿಲ್ಲಾ . ಅರ್ಜುನಾಕ ಹೇ ಮಹಾ ಭಾಗ್ಯ ಮೆಳ್ಳೆಲೆಕ ಭಾರೀ ಆನಂದ ಝಲ್ಲಾ .                                           ಏಕ ದಿವಸು ಅರ್ಜುನಾಕ ತಗೆಲೆ ಬಪ್ಪುಸು ಪಾಂಡು ಮಹಾರಾಯಾಕ ಪೊಳೊಕಾ ಮೋಣು ದಿಸ್ತಾ . ಇಂದ್ರಾಲೆ ಅನುಮತಿ ಘೇವ್ನುಅರ್ಜುನು ಪಾಂಡುರಾಯಾಕ ಪೊಳೊನ್ ಸಾಷ್ಟಾಂಗ ಪ್ರಣಾಮ ಕರ್ತಾ . ಧರ್ಮಜ , ಭೀಮ , ನಕುಲ , ಸಹದೇವ , ದ್ರೌಪದಿ  , ಕುಂತಿ ಮಾತೆಲೆ ವಿಷಯುಸಂಘುನು ತೆದೊಳ್ ತಾಯಿ ಝಲ್ಲೆಲೆ ವಿಷಯು ಸವಿಸ್ತಾರ ಜಾವ್ನು ನಿರೂಪಣಾ ಕರ್ತಾ . ಪಾಂಡುರಾಯು ವಿಷಯು ಕೋಳ್ನು ಸಂತೋಷು ಪಾವತಾ , ಅರ್ಜುನಾಕ ಪ್ರೀತಿ ಪೂರ್ವಕ ಜಾವ್ನು ಆಶೀರ್ವಾದು ಕರ್ತಾ . ತಾಜ್ಜೆ ನಂತರ ಅರ್ಜುನು ಯಕ್ಷ , ಗಂಧರ್ವ ಲೋಕಾ ವೊಚ್ಚುನು ತಾಂಗೆಲೆ ಜೀವನ ಶೈಲಿ , ಯುಧ್ಧ ರೀತಿ ಮಂತ್ರ ತಂತ್ರ ಶಿಕ್ತಾ. ತ್ಯೆಲೋಕಾಂತು ನೀದ ಯೇನಾ , ಭೂಖ ಜಾಯ್ನಾ , ಮಂತಾರ್ಪಣ ಯೇನಾ .. ಕೆದನ ಪೊಳೈಲೇರಿ ಸಂಗೀತ ನರ್ತನ .. ಸುಖ ಜೀವನ ... ಕಿತ್ಯಾಕೀ , 

ಅರ್ಜುನಾಕ ಭೂಲೊಕಚಿ ... ಸ್ವರ್ಘ ಲೋಕಾ ಪೊಷಿ ಚಾಂಗ ಅಸ್ಸ ಮೋಣು ದಿಸ್ಲೆ . ಭೂ ಲೋಕಾಂತು ಅಶಿಲೆ ಕಷ್ಠ ; ಕಷ್ಟಾ ನಂತರ ಸೂಖ ... ಪ್ರೀತಿ , ಮಮತಾ ,ಅನುಬಂಧ ಮಲಘಡೆ , ಧಾಕ್ಲೆ , ರೀತಿ , ರಿವಾಜ ,ಮರ್ಯಾದಿ , ಆತ್ಮೀಯತಾ ಸ್ವರ್ಘ ಲೋಕಾಂತು ದಿಸ್ಸನಿ . ಜಾಲ್ಲೆಲೆ ತಿತ್ಲೆ  ವಗ್ಗಿ ಭೂ ಲೋಕಾಕ ವೊಚ್ಚುಕಾ ಮ್ಹಳ್ಳೆಲೆ ಅಭಿಪ್ರಾಯ್ ಇಂದ್ರಾಕ ಸಾಂಗ್ತಾ .                     ಏಕ್ ದಿವಸು ...  ದೇವಾ ಸಭೆ ಅಂತ್ಯಾರಿ ಊರ್ವಶಿಲೆ ನಾಟ್ಯ ಕಾರ್ಯ ಕ್ರಮು ಅಶಿಲೆ . ದೇವೇಂದ್ರಾಕ ಸಮಾ ಸಮ್ಮ್ ಜಾವ್ನು ಸಿಂಹಾಸನಾಂತುಬಶ್ಶಿಲೆಅರ್ಜುನಾ ಕ ಪೋಳೋನು ತಿಗೆಲೆ  ಮನ ಚಂಚಲ್ ಝಲ್ಲೆ . ಇತ್ಲೆ ಸ್ಪುರದ್ರೂಪಿ ಮಾನವು ಕೋಣ ... ?ಮಃಳ್ಳೆಲೆ ಪ್ರಶ್ನೊ ತಿಗೆಲೆ ಮನಾಂತು ಅಯಿಲೆ . ಜಯಂತ ,ಮನ್ಮಥ ,ವಸಂತ , ನಳ , ಕುಂಭ , ತಸಲೆ ಸುಂದರ ಗಂಧರ್ವ ಸಮಾನ ... ಕೋಣ ಹ್ಯೋ ? ಅರ್ಜುನಾ ವೈರಿ ಊರ್ವಶಿ ಲೇ ಮನ ಲೀನ ಝಲ್ಲೆ . ನರ್ತನ ಕರ್ತಾಅಶಿಲಿ ಊರ್ವಶಿ ಮೋಹಿತ ಜಾವ್ನು , ಮನ ಸ್ಫೂರ್ತಿ ಸಮುದ್ರಾ ಪಾಳಶಿ ... ಉದ್ರೇಕ ಝಲ್ಲಿ . ಸಮುದ್ರ ಪಾಳ ಯೇವ್ನು ತಟಾರಿ ಅಶಿಲೆ ಫಾತ್ರಾಕ ಉಂಬಳ್ಳೇ  ಮ್ಹಣ್ಕೇ ...ತಿಗೆಲೆ  ಮನ ಚ್ಚಪ್ಪನೇ ಅರ್ಜುನಾ ವೈರಿ ಪೊಳ್ಳೇ . ಅಮ್ಮಾ ಕಸಲಿ ಹೀ ಘಡಿ .. ? ಏಕ ಸಾಧಾರಣ ಮಾನವಾ ವೈರಿ ಇತ್ಲೆ ಮೋಹ ಜಾವ್ಕಾ ಕೀ ? ಮುಕಾರಿ ಕಸಲೆ ಜಾವಚಾ ವತ್ತಾ ? ಶ್ರಾಪಾಕ ನಾಂದಿ ಜಾತ್ತಾಕಿ ಹೀ ಘಡಿ  .. ? ದೇವಾನಾ ದಕ್ಕಯಿಲಿ ವಾಟ  ಕೀ .. ? ಕಸಲೆ ರಹಸ್ಯ ಭವಿಶ್ಯಾ೦ತು  ಅಸ್ಸ ಕೀ ! ಊರ್ವಶಿಲೆ ಮನ ಛಿನ್ನವಿಚ್ಚಿನ್ಹ ಝಲ್ಲೆ.                                     ಯೆಕು ದಿವಸು ...  ಅರ್ಜುನು ಏಕಾಂತ ಜಾವ್ನು ಅಶಿಲೇ ವೇಳು  ಪೊಳೊನ್ ... ಊರ್ವಶಿ ಅರ್ಜುನಾಲೆ  ಮಹಲಾಕ ಆಯಿಲಿ ...ಅರ್ಜುನು ಏಕಾಂತ ಜಾವ್ನ ಮೆಳ್ಳೆಲೆ ಸಂತೋಷು ..  ತಿಗೆಲೆ ದೊಳೆಂತು , ಅಂಗಾಂತು , ಹಾವ ಭಾವಾಂತು , ಚಮ್ಕುಚೆ ಲಾಸ್ಯ ಬಂಗೀ೦ತು , ಉದ್ದೇನ ದಿಸ್ತಾ ಅಷ್ಶಿಲೆ .ನಾಟ್ಯ ಶಾಸ್ತ್ರ ವಿಷಯಾನ ಉಲ್ಲಯಿತನಾ ತಿಕ್ಕಾ  ಕಾಳ್ನಾಶಿ .. ಓರೆ ದೊಳೇನ್ ಪೋಳೋಚೆ ಕೀ  .. ಅರ್ಜುನಾ ಪೊಳೋನ್  ವೊ೦ಟ್ ಚಾಬ್ಚೆ ಕೀ .. ಭುಜಾ ವೈಲ್ಸೆರಗ ತಿಕ್ಕಾ ಕಳ್ ನಾಶಿ ಸೆರಗ ನಿಸೂರ್ಚೆ ನಮುನೊ ಕೀ ... ಅಕಾರಣ ಜಾವ್ನು ಫಟ್ಟನೆ ಹಾಸ್ಚೆ ಕೀ , ಹತ್ತಾ ಕ ಹಾತು ಲಗ್ಗೊಚೆ ಕೀ .. ನಿಡ್ಲಾರಿ ಸುರುಳಿ ಕೇಸು ಯೇವ್ನು ಲಾಸ್ಯ ಜಾವ್ನು ಪೊಡ್ಚೆ ಕೀ ... ಗುಂಗುರು ಮತ್ತೇ ಕೇಸು ಮಕ್ಷಿ ದುಕೂನು ಮುಕಾರಿ ಯೇವ್ನು- ಯೇವ್ನು ಪೊಡ್ತನ ಮಕ್ಷಿ ಲೊಕೋಚೆ ಹತ್ತಾ ಭಂಗಿ ಕೀ ... ಗಳೆ ಭಂಗರ , ಕನ್ನಾಝು0ಮ್ಕಿ ತಿಗೆಲೆ ಹಾಸಾಕ ತಾಳ ಮಾರ್ತಕೀ ... ಕೋಮಲ ಹತ್ತಾ ಬೊಟ್ಟ೦ ..  ಪ್ರೇಮ ರಸ ಕಂಪನ ಕೀ ... ಪಾದ ಝಣ ಕಾರ ನೃತ್ಯ ಕುರ್ಟಾ ಚಲನ ಭಂಗೀ ಭಾವ ,ಕುಚದ್ವಯ ಲಯ ಕಂಪನ ಶ್ರಾಂಗಾರ ಕೀ .. ಆಹಾ ... ಆಹಾ .. ಊರ್ವಶಿ ..! ಬ್ರಹ್ಮ್ಮ ಸೃಷ್ಟೀ ಉತ್ತುಂಗ ಸೌಂದರ್ಯ ಖನಿಜ ರಾಶಿ ತೂ !. ಅರ್ಜುನಾಕ ,...  ಊರ್ವಶಿನ ಚೋಲ್ಚೆ ನಮುನೊ ,ಅರ್ಥ್ ವಿಮರ್ಶ ಕೋರ್ಚ್ಯಾಂತು ಪೊಳ್ಳೋ " ಅರ್ಜುನಾ ..! ಉತ್ಕಾ  ಖತಿರಿ ಯೇವ್ನು ಕೊಳ್ಸೊ ನಿಪ್ಪೋನು ದವರ್ಲೆರಿ ಕಸಲೆ ಲಾಭ? ತುಗೆಲೆ  ಶೌರ್ಯ , ಪರಾಕ್ರಮಅಯಿಕುನು ಗೊತ್ತಸ್ಸ . ತುಗೆಲೆ  ಅಂಗಾ ಸೌಂದರ್ಯ ಪೋಳಯಿಲಾ ತೂ೦ವೇ  ಅಮರಾವತಿಕ ಆಯ್ಯಿಲೆ ದಿವಸು ದುಕೂನು ಹಾಂವೆಪೊಳಯಿಲಾ . ಮಿಗೆಲೆ ಮನ ತುಕ್ಕಾಪೋಳೋನು ಪಿಶ್ಶೆ ಝಲ್ಲಾ . ಬೋಸ್ಲೆರಿ , ರಾಬ್ಲೇರಿ, ನಿದ್ದಲೇರಿ ,.. ತುಗ್ಗೆಲ್ ರೂಪ ಮಿಗೆಲ್ ದೊಳೆ ಎದ್ರಾಕ ಯೆತ್ತಾ ... ಹಾಂವತುಕ್ಕಾ ...  ಮಕ್ಕ ಕಳ್ನಾಶಿ .. ಪ್ರೀತಿ ಕರತಾ . ತುಗೆಲೆ  ನಿಮಿತ್ಯ ಯೆಕು ನವೋ ಅನುಭವು ಯೆದೊಳ್ ತಾಯ್ ಜಾಯ್ನಾ ನಾತ್ತಿಲೊ ಅನುಭವು ... ಹೃದಯಾಂತುಯೇವ್ನು ಬೊಸ್ಲಾ .. ಅರ್ಜುನಾ ..! ಮಕ್ಕ ಪೊಳೆ ... ಹಾಂವಬ್ರಹ್ಮ್ಮ ಸೃಷ್ಠಿ .. ತ್ರಿಲೋಕ ಸುಂದರಿ ಮೋಣು ದೇವೇಂದ್ರಾಕ , ಸುರಾ ಲೋಕಾಕ  ದಿಲ್ಲೆಲೆ ಉಡ್ಗಿರೆ . ಸುಖಾಚೆಶಿಖರಾಗ್ರ ದಕ್ಕೋಚೆ ಮಿಗ್ಗೆಲೆ ಕಾಮ . ಮಿಗೆಲೆ ಅಂಗಾ ಚಂದಾಯಿ ಪೊಳೆ . ನಿತ್ಯಚಿ ..  ನವೆಚಿ ..  ನೂತನ ಜಾವ್ನು ದಿಶ್ಚೆ  ಮಿಗೆಲೆ ಯೌವ್ವನ ಸಾಮ್ರಾಜ್ಯಾಕ ತೂಅಧಿಪತಿ ಝಾ . ಮಿಗ್ಗೆಲೆ ವೊಟ್ಟು ಸೂಖ ಭೋಗ . ಸುಖಾಚೆ ಚರಮ ಚಾರಣಾಕ ಅಮ್ಮಿ ದೊಗ್ಗಯಿ ಪ್ರವಾಸ ಕೋರ್ಯಾ  ಅವಿರತ ಜಾವ್ನು ತಪಸ್ಯ ಕೆಲ್ಲ್ಯಾರಿ ಸತಾನ ...ಮೇಳ್ನಾ  ನತ್ತಿಲಿ ಹಾಂವ ಮಿಗೆಲೆ ಅಂಗ ಸೌಂದರ್ಯ ಧಾರದಿತ್ತಾ  ಅರ್ಜುನಾ " ಮೋಣು  ಸಂಘುನು ಅರ್ಜುನಾ ಕ ಪೋಟೋನು ಧರ್ತಾ . ಊರ್ವಶಿಲೆ ಹೂನ ಶ್ವಾಸುಅರ್ಜುನಾ ಲೆ ಹರ್ದೆಕ ಲಾಗ್ಲೆ . ಗಲ್ಲಾಕ ಗಾಲ್ ಲಾಗ್ಲೆ . ಪೊಟೋನು  ಧರ್ಲೆಲೆ ಹಾಥ ಸೊಡ್ವಾನು ಘೇವ್ನು ... " ಶಿವ ಶಿವಾ !!" ಮೋಣು ದೂರ ಗೆಲ್ಲೋ . 

ಊರ್ವಶಿ : " ಲಜ್ಜಿ ಕೀ ..? ವೈರಾಗ್ಯ ..? ಕಿತ್ಯಾ ದೂರ ವತ್ತಾ ಅರ್ಜುನಾ ...  ? ಕನ್ನಾ೦ತು ಯೇವ್ನು ಪಿಸು ಉತ್ರಾ೦ತ್ ನಿ೦ಮ್ಗಿತಾ , ಶ್ರಾಂಗಾರ ರಸ ಘಡಿ ... ಇಂಪ ಊರ್ವಶಿ ಉತ್ತರ೦ ... ದೊಳೆಂತ್ ದೊಳೆ ದೊವೊರ್ನ್ ಮಾಯಾ ಪಾಷಾ ಉತ್ತರ೦... ಕೊಣಾ ಜಲ್ಲೆರಿಯಿ ವಿಚಲಿತ ಜಾವ್ಚೆ ಕ್ಷಣ

ಅರ್ಜುನ : " ತೂ ಮಕ್ಕ ಮಾತೃ ಸಮಾನ ನವೇ ದೇವಿ  .... ? "

ಊರ್ವಶಿ : " ಹೇ ಕಸಲೆ ಬಂಧುತ್ವ ...  ಅರ್ಜುನಾ ? "

ಅರ್ಜುನ : " ತೂ ಅಮ್ಗೆಲೆ ಪಿತೃ ವಂಶಾಚ್ಯೋ ಪುರೂರವ ಚಕ್ರವರ್ತಿಲೆ ಬಾಯ್ಲ್ ಜಾವ್ನು .. 'ಆಯುವು ' ಮ್ಹಳ್ಳೆಲೆ ಪುತ್ರಾಕ ಜನ್ಮ ದೀನಿವೇ ?ಹಾ೦ವ ತ್ಯೇಚಿ ವಂಶಾಚೊ  ತ್ಯೆ ನಂತರ ಮಿಗ್ಗೆಲೆ ಪಿತ ,  ದೇವೇ0ದ್ರಾಲೇ ಪ್ರಿಯ ಭಾಮಿನಿ .. ಪ್ರೇಯಸಿ ತೂ ... ಹ್ಯೇ ದೋನಿ  ಕಾರಣಾ ನಿಮಿತ್ಯ ಮಕ್ಕಾ  ತೂ ಮಾತೃಸಮಾನ ಜಾಯ್ನಿ ವೇ ದೇವಿ  ? "

ಊರ್ವಶಿ :" ಹೂ೦ .. ಹಾಂವ ಸುರಾ ವೈಶ್ಯಾ ... ಹಾಂವ ಕೋಣಾಕಯಿ ಸಂಬಂಧು ಪಾವ್ವಿಲಿ ನಯ್ . ಹಾಂವ್ ಸ್ವತಂತ್ರ ವಿಚಾರು ಅಷ್ಶಿಲಿ .. "

ಅರ್ಜುನ : " ಕಾಮ ಅಂಧಕಾರಾಂತು ತೂಗೇಲ್ ಬುದ್ಧಿ ಭಸ್ಮ ಜಾವಚಾಕ ಸೋಣುಕಾ ದೇವಿ    " 

ಊರ್ವಶಿ :" ಮಾನವ ಸಂಬಂಧ ... ಅನಿ ದೇವಾ ಲೋಕ ಸಂಬಂಧಾ ಕ ಮಸ್ತ ಚಡ ಊಣೆ ಅಸ್ಸ . ತೂ ಮಾನವ ಸಂಬಂಧಾ ವಿಷಯು ಉಲ್ಲಯಿತಾ ಅಸ್ಸ "  

ಅರ್ಜುನ : " ಖಂಚೆ ಲೋಕಾ ಸಂಬಂಧ ಜಲ್ಲೇರಿ ಕಿತ್ಯೇ .. ? ಆವ್ಸು ... ಆವ್ಸೂಚಿ ನಯ್ ವೇ ? ತೂ ಮಿಗ್ಗೆಲೆ ಮಾತೃ ಸಮಾನ ಜಾವ್ನು .. ತುಗೆಲೊ ವಿಚಾರು ಸಮ್ಮ ವೇ ?"

ಊರ್ವಶಿ : " ತೂ೦ವೆ ಸಂಗ್ಚೆ ಉತ್ತರ೦ ವೈಶ್ಯ ಜಾವ್ನು ಅಷ್ಶಿಲೇಂಕ ಲಗಾವು ಜಾಯ್ನಾ  " 

ಅರ್ಜುನ : " ವೈಶ್ಯೆ ಕ ಆವಸು ಪಣ ನಾ ವೇ ? " 

ಊರ್ವಶಿ :" ಅರ್ಜುನಾ ..! ಯುದ್ಧಾ೦ತು ಮೆಲ್ಲೇರಿ ... ಯಜ್ಞ ಯಾಗ ಕೆಲ್ಲೇರಿ , ದಾನ ಧರ್ಮ ಕಾರ್ಯ ಕೆಲ್ಲೇರಿ , ದೈವ ಕಾರ್ಯ ಚಲಾಯ್ಸಿಲೇರಿ , ವೈರಾಗ್ಯ ಜೀವನಸಾಧನ ಕೆಲ್ಲೇರಿ .... ವೈದಿಕ ಅನಿ ದೈವಿಕ ಕಾಮ ಕಸಲೆ ಖತೀರಿ ? ಸ್ವರ್ಘ ಪ್ರಾಪ್ತಿ ಖತೀರಿ ? ಸ್ವಾರ್ಘಾ೦ತು ಮೆಳ್ಚೆ ಕಸಲೆ ? ರಂಭಾ, ಊರ್ವಶಿ , ಮೇನಕಾ

,ತಿಲೋತ್ತಮಾ,ಗ್ರತಾಚಿ  ತಸಲೆ ಚಂದ ಬಾಯ್ಲ್ಯಾ ಮನಷ್ಯ೦ಗೆಲೆ ಅಂಗಾ ಸೂಖ ನವೆ !ಕಾಮ ಸುಖ .. ಬಪ್ಪುಸು , ಪೂತು ಯಜ್ಞ ಯಾಗ ಕರ್ನಾ ಶಿ  ಅಷ್ಶಿಲೆ ಝಲ್ಲೆರಿಅಮಕಾ   ಕಸಲ್ ಲೇಕಿ...  ಕಸಲೆ ಲೆಕ್ತಾತಿ ... ಭಾಬ್ಬಂವ್೦ಡ ,  ಮೆವ್ಣೋ . ಯುದ್ಧಾಂತು  ಮೊರ್ನು ಸ್ವರ್ಘಾಕ ಪಾವಲೇರಿ ಅಮಕಾ  ಕಸಲೆ ಲೇಕ ? ಪಾರ್ಥಾ ! ಹೇಸುರ ಲೋಕ . ಹಾಂಗಾ ಮಾನವ ಧರ್ಮಕ ಮೋಲ ನಾ . ಯೋ ಮಿಗ್ಗೆಲೆ ವೊಟ್ಟು ಸಂತೋಷು ಭೋಗ . ತುಗ್ಗೆಲ್ ದ್ರೌಪದಿ,  ಸುಭದ್ರೆ , ಉಲೂಪಿ , ಚಿತ್ರಾ೦ಗದ ತಾಂಗೆಲೆ ಪೊಷಿ ... ಹಾಂವ ಚಂದಿ  ನಾವೇ ? " ವಾದು  ಕೋರು ಲಾಗ್ಲಿ .

ಅರ್ಜುನ :" ದೇವಿ ! ದ್ರೌ ಪದಿ ಅನಿ ಸುಭದ್ರೆ ಮನೋ ವಾಕ್ಕಾಯ ಕರ್ಮ ಪಾಲನ ಕೋರ್ನು , ಬಮ್ಮಣುಚಿ  ಗತಿ ... ಬಾಮ್ಮುಣುಚ್ಯಿ ಸರ್ವಸ್ವ  ಮೋಣು ನಮ್ಗಲೆಲೆ  .ಹಾಂವಏಕ ಉತ್ತರ ಸಾಂಗ್ತಾ .. ಕೊಪ್ಪುನಜ್ಜ ..  ಬ್ರಹ್ಮ್ಮರ್ಶಿ ವಸಿಷ್ಠ , ಬ್ರಘು , ಅತ್ರಿ ,  ದುರ್ವಾಸ , ಅಗಸ್ತ್ಯ , ಶುಕ, ನಾರದ , ಹಾಂಗೇಲೆ ದೇಹ ಆಲಿಂಗನ ಕೋರ್ನುಸೂಖ  ಪಾವ್ಚ್ಯಾಸಾಧ್ಯ ಕೀ ? ಸ್ವರ್ಘು  ಮ್ಹಳ್ಳೆರಿ ಬರಿಯ ಕಾಮ ಸುಖಾಚ್ಯೆ ಜಾಗೊ ನಯ್ . ಸ್ವರ್ಘಾರಿ   ಅಶಿಲೇ ಲೋಕಾಂಕ ತಾನಿ ಭೂಖ ಯೇನಾ . ಕಸಲೆಕ ಮೋಣುಗೊತ್ತಸ್ಸ ಕೀ ?ನಿತ್ಯ ಯೋಗು ಕೋರ್ನು ತಪಸ್ಯ ಕೋರ್ನು ಮೊಕ್ಷು ಪಾವ್ಚ್ಯಾಕ . ವಿವೇಕಿ , ಜ್ಞಾನಿ ಲೋಕಾಂಕ ಮೋಕ್ಶ ಸಾಧನೆ ಜಾಗೊ . ತುಗ್ಗೆಲ್ಉತ್ತರ೦ ಭೂಲೋಕಾಂತ್  ಕೊಣಾಯ್ ಅಯಿಕಲಿ ಜಲ್ಲೇರಿ .. ಸ್ವರ್ಘ ಲೋಕಾ ವಿಷಯಾನ್ ಅಸಹ್ಯ ಪಾವತಾ ಅಶಿಲೀಂತಿ . ಚೋರಾಂಕ ಸರ್ವ ಲೋಕು ಚೋರ ಶಿ ದಿಸ್ತಾತಿ  ಖೈ" ಗಲ ಗಲನಿ ಹಾಸ್ಲಿ  ಊರ್ವಶಿ

ಊರ್ವಶಿ :" ಎಕ್ಲಿ ಬಾಯ್ಲ್ಯಾ ಮನಶ್ಯೆ  ವೊಟ್ಟು ತುಮ್ಮಿ ಪಾಂಚ ಜನ ಎಕ್ಲೆ ನಂತರ ಎಕ್ಲೆ ಸೂಖ  ಬೊಗ್ತಾತಿ ಖೈ !.... ತುಮ್ಮಿ ಘರಾ ಬಾಯ್ಲ್ ಮನಶೇಕ  ವ್ಯಭಿಚಾರಿವೃತ್ತಿ ಕ ದವರ್ಲಾ ಮೋಣು .... , ? ಮಿಗ್ಗೆಲೆ ವಿಷಯಾನ ಮಾತ್ತ್ರಆಚಾರ ವಿಚಾರ  ನೀತಿ ನಿಯಮ ಧರ್ಮು ಮೋಣು ಸಾಂಗ್ತಾ  ಕೀ  ?"                            ಊರ್ವಶಿ ಲೇ ಅಲ್ಪ ಬುದ್ಧಿ ಕ ಮನಾ ಘಾಯು ಝಲ್ಲೆ ಅರ್ಜುನಾ ಕ . ಪಾಂಡವಾಂಕ ದ್ರೌಪಾದಿ ಲೇ ವೊಟ್ಟು ದೈಹಿಕ ಸಂಬಂಧು , ದೈವ ಸಂಬಂಧು.. ಪವಿತ್ರ ವೈವಾಹಿಕ ಸಂಬಂಧು ಅಶಿಲೇ ಪವಿತ್ರತಾ ಕೋಣಾ ಕಯಿ ಕಳ್ ನಾ ಮಹೇಶ್ವರಾಳೆ ವರ , ಚಿತ್ತ , ವ್ಯಾಸ ಚಿತ್ತ , ಮಾತೃ  ಚಿತ್ತ ಆಜ್ಞಾ   . ಪಾಂಡವಾಂಗೆಲೆಧರ್ಮ ನಿಷ್ಠ,  ಆಜ್ಞಾ . ಪಾಂಡವಾಂಗೆಲೆ ಧರ್ಮ ನಿಷ್ ಟ .. ನಿಮಿತ್ಯ ಮಹತ್ಕಾರ್ಯ ಸಾಧನೇಕ ಲೆಕ್ಕಿಲೇ ದೈವ ಚಿತ್ತ .. ಪವಿತ್ರ ಬಂಧನ . ವಿವೇಕ ನಾತ್ತಿಲೆಲೋಕಾಂಕ ಕಳ್ನಾ ನಾತ್ತಿಲೆ ವಿಷಯು . 

ಊರ್ವಶಿ :" ಛೇ ! ಮನ ಫೋಣು , ಆಶಿ ಕೋರ್ನು , ಅನುರಾಗ ಪಾವನು ಲಗ್ಗಿ ಆಯ್ಯಿಲೆ ಸ್ತ್ರೀಕ ..  ನಕಾರ ಕೆಲ್ಲೆಲೋ ತೂ ... ಎಕ್ಲೊ ದರ್ಲೊ ಮನುಷ್ಯ ನಯ್ .. ದರ್ಲೆಪಣ್ ಅಸ್ಸುನು ... ಪುರುಷತ್ವ ಆಸ್ಸುನೂ ಮಕ್ಕಾ ...  ನಕಾರ ಕೆಲ್ಲೆಲೆ ತುಕ್ಕಾ ... ಷಂಡ .. ನಪುಂಸಕ ಝಾ . ಷಂಡ ಜಾವ್ನು ಕೆದನಾಯಿ ಬಾಯ್ಲ್ಯಾ ಮನಿಷಾ ಮಧ್ಯೆಜೀವನ ಕೋರ್ನು ರಾಬ " ಮೋಣು  ಶ್ರಾಪ ದಿಲ್ಲೊ . ಅನಿ ಮಾಕ್ಷಿ ಪೋಳಯಿನಾಶಿ  ವತ್ತಾ ರಬಲಿ ಊರ್ವಶಿ . ಊರ್ವಶಿಲೆ ಕೋಪು .. ಶ್ರಾಪಾಕ  .. ದೇವಾ ಲೋಕ ಕಂಪನ ಝಲ್ಲೆ .                           ಊರ್ವಶಿ ಕೋಪಾರಿ , ಅಗ್ನಿ ಜ್ವಾಲಶಿ ದಿಸ್ಲಿ ಅರ್ಜುನಾಕ .ಶ್ರಾಪು ಅಯಿಕುನು ಸ್ಥ೦ಭಿತ ಝಲ್ಲೋ ಅರ್ಜುನು . ಅನುರಾಗರಿ ಬಾಯ್ಲ್ಯಾ ಮನಿಶಿ ,ಪ್ರೀತಿ  ಮೋಹಾರಿ ಬಾಯ್ಲ್ಯಾ ಮನಿಶಿ... ಸ್ವರ್ಘ ರಂಭಾ ... ಕೋಪಾರಿ ನಾರಿ  ಪ್ರಳಯಾಗ್ನಿ ಜ್ವಾಲಾ ... ಹೇ ದೇವಾ !ಮಿಗ್ಗೆಲೆ ತಪಸ್ಯ ಸಾಧನ ಪಾಶುಪತಾಸ್ತ್ರ , ದಿವ್ಯಾಸ್ತ್ರ, ಸರ್ವ ಅಪ್ರಯೋಜಕ ಝಲ್ಲೆ ಮು ದೇವಾ ..!! ಮೋಣು ಮನಾಂತು ಕರಗಲೋ  ಅರ್ಜುನು . ತ್ಯೆಚಿ  ವೆಳ್ಯೇರಿ ದೇವೇಂದ್ರ ಯೇವ್ನು ಪಾವಲೋ ,.ಅರ್ಜುನಾಕ ಸಾಂತ್ವನ  ಕೆಲ್ಲೆ . ದಿವ್ಯ ದ್ರಷ್ಟಿರಿ ಜಾಲ್ಲೆಲೆ  ವಿಷಯು ಕಳ್ಳೆ . 

ದೇವೇಂದ್ರ :" ಅರ್ಜುನಾ ! ಶಾಹ ಬ್ಬಾಸ್  ಏಕ್ ಅಗ್ನಿ ಪರೀಕ್ಷೆ ದುಕೂನು ವೈರಿ ಪಳ್ಳೊ . ತೂ ಶೂರ ಮಾತ್ರ ನಯ್ .. ಮನ ನಿಗ್ರಹ ಕೆಲ್ಲೆಲೋ ಮಹಾ ತಪಸ್ವಿ . ಏಕಸ್ತ್ರೀವಿಷಯಾಂತು ತುಗ್ಗೆಲ್ ಅಭಿಪ್ರಾಯ್ಕ್ ಅಯಿಕುನು ಮಕ್ಕ ಸಂತೋಷು ಝಲ್ಲೋ . ಹೇ ಶ್ರಾಪು ಮೋಣು ಲೆಕ್ಕುನುಕ್ಕಾ . ತುಕ್ಕ ವರು ಜಾವ್ನು ಪರಿವರ್ತನಾ ಕರ್ತಾ .ಅರಣ್ಯವಾಸ ಜಾವ್ನು ಏಕ ವರ್ಸಾ ಅಜ್ಞಾತ ವಾಸ ವೆಳ್ಯೇರಿ  ಹ್ಯೋ ಶ್ರಾಪು ತುಕ್ಕ ವರು ಝತ್ತ . ತಿಗೆಲೊ ಶ್ರಾಪಾ ಫಲ ಏಕ ವರುಷ ತೂ೦ವೇ ಬೊಗ್ಗುಕಾ .

ತಾಜ್ಜೆ  ನಂತರತೂ ಯಥಾ ಪ್ರಕಾರ ಪಾರ್ಥ ಜಾವ್ನು ತುಕ್ಕ ಸರ್ವ ಭಾಗ್ಯ, ಜಯ  ಮೆಳ್ತಾ " ಊರ್ವಶಿಲೆ ಶ್ರಾಪು  ವರ ಜಾವ್ನು ಆಶೀರ್ವಾದ್ ಕರ್ತಾ ದೇವೆಂದ್ರು 

ಉಮಾಪತಿ