MAHABHARATH Part 14 ( Konkani Bhashentu )
ಪಾಂಡವ ಕುಟೀರಾಕ ವಿದುರ ಭೇಠಿ
ಪಾಂಡವ ವನವಾಸಾಕ ಗೆಲ್ಲೆ ನಂತರ ದೃತರಾಷ್ಟ್ರಾಕ ಮುಕಾರಿ ಕಸಲೆ ಝತ್ತ ಕೀ ಮ್ಹಳ್ಳೆಲೆ ಏಕ ಚಿಂತಾ ಶುರು ಝಲ್ಲಿ . ಪಾಂಡವ ದೈವ ಶಕ್ತಿನ ಜನ್ಮಾ ಆಯ್ಯಿಲೆ , ಏಕ ಕ್ರಮಾರಿ ಶಿಕ್ಷಣ ಜಾವ್ನು ಧರ್ಮ ಜೀವನ ಕೋರ್ನು ಕಷ್ಠ ಸೂಖ ಗೊತ್ತಶಿಲೆ . ಧರ್ಮ ಅಧರ್ಮು ವ್ಯತ್ಯಾಶು ಗೊತ್ತಶಿಲೆ ... ವಿನಯ ಮೂರ್ತಿ ಜಾವ್ನು ಅಶಿಲೆ ಪಾಂಡು ಕುಮಾರ ! ಮಿಗೆಲೆ ಚೆರ್ಡು೦ವ ಸಾನಸ್ತಾನಾ ದುಕುನು .. ಅಹಂಕಾರು .. ದ್ವೇಷ , ಜಾಳ್ಕೆಪಣಾರಿ , ಆಸಂತುಷ್ಟ ವಾತಾವರಣಾ೦ತು ಹೊಡ ಝಲ್ಲೆಲೆ ... ಅಷ್ಶಿ ಕಷ್ಶಿ ಝಲ್ಲೆ ? .. ಹಕ್ಕಾ ಕಾರಣ ಕಿತ್ಯೆ? .. ಧ್ರತರಾಷ್ಟ್ರಾಲೆ ಮನ ಆಲೋಚನಾ ಕರ್ತಾಚಿ ಉದ್ವೇಗ ಝಲ್ಲೆ . ಆಜಿ ನೈ ಝಲ್ಲೇರಿ ..ಫಲ್ಲೆ .. ಕೆದನಾಯಿ ಪುಣಿ ಹಾಂಗೇಲೆ ಭಿತರಿ ಮಹಾ ಸಂಗ್ರಾಮ ಝತ್ತ ಲೆ ಮೋಣು ಅನುಮಾನ ಧ್ರಢ ಝಲ್ಲೆ . ತುರಂತ ವಿದುರಾಕ ಅಪ್ಪೋನು ಘೆತ್ಲೆ . ವಿದುರಾಲೆ ಎದ್ರಾಕ ತಗೆಲೆ ಮನಾ ಅಷ್ಶಿಲೆ ಸಂಕಟ ಸಾಂಗ್ಲೆ .
" ಮಹಾರಾಜಾ ! ಹಾಂವ ಸುರ್ವೆ ದುಕುನು ಸಾಂಗ್ತಾ ಅಷ್ಶಿಲೋ .. ಮಿಗೆಲೆ ಉತ್ತರ೦ ಕನ್ನಾ೦ತು ಘಾಲ್ನು ಘೇನಿ . ಹಯೇ ಸ್ವಯಂ ಕೃತ ಅಪರಾಧು . ತುಮ್ಗೆಲೆ ಅತೀ ಪುತ್ರ
ವ್ಯಾಮೋಹಾ ನಿಮಿತ್ಯ ತುಂಗೆಲೆ ಮನಾ ಶಾಂತಿ ತುಂಕಾ ಸೋಣು ವತ್ತಾ ಅಸ್ಸ ಮೋಣು ದಿಸ್ತಾ . ಧುರ್ಯೋಧನಾ ನಿಮಿತ್ಯ ಕುರು ವಂಶ ನಾಶ ಜಾವಚೆ ಮಾತ್ರ ಖಂಢಿತ ...
ಅತ್ತ ಝಲ್ಲೆರಿಯ್ ಕಾಲು ಹತ್ತಾ ದುಕುನು ಚುಕ್ಕುನು ವಚ್ಚನಿ . ವನವಾಸಾಕ ಗೆಲ್ಲೆಲೆ ಪಾಂಡವಾಂಕ ವಾಪಸ್ ಅಪ್ಪೋನು ಘೇಯ್ಯಾತಿ ... ತಾಂಗೆಲೆ ರಾಜ್ಯ ತಾಂಕಾ
ವಾಪಾಸ್ ಕರ್ಯಾತಿ . ತೇರ ವರ್ಷ ಕಾಲಾ ನಂತರ ಜಾವಚೆ ಮಹಾ ಯುದ್ಧ ಅತ್ತಚಿ ರಬ್ಬೊಚ್ಯಾ ಝತ್ತಾ . ಹ್ಯೇ ದಾಯಾದಿ ಸಂಗ್ರಾಮ ದಯಾ ದವೋರ್ನು ರಬ್ಬಯ್ಯಾತಿ
... ಧರ್ಮರಾಯು , ತುಮ್ಮಿಮ್ಹಳ್ಳೆರಿ ಮಸ್ತ ಮರ್ಯಾದಿ ದಿತ್ತಲೊ , ಅಭಿಮಾನು ಅಷ್ಶಿಲೋ . ತುಮ್ಮಿ ಸಂಘಿಲ್ ಉತ್ತರಾಂಕ ಮೀರವುನು ವತ್ತಲೊ ನಯ್ . ತುಮ್ಮಿ ಆಜ್ಞಾ ದಿಲ್ಲೇರಿ .. ಹಾಂವ ಅತ್ತಚಿ ವೊಚ್ಚುನು , ಪಾಂಡವಾಂಕ ಅಪ್ಪೋನು ಘೇವ್ನು ಯೆತ್ತಾ "
ವಿದುರಾಲೆ ಉತ್ತರ೦ ದೃಥರಾಷ್ಟ್ರಾಕ ಹಿತ ಜಾಯ್ನಿ... ' ಕಸಲೆಯ್ ಮಕ್ಕ ಹಿತ ಸಾಂಗ್ತಾಲೊ ಮೋಣು ಲೇಕ್ಲೇರಿ ...ಮಕ್ಕಚಿ ಬುದ್ಧಿ ವಾದು ಸಂಗತಮೂ ಮಿಗೆಲೆ ಮನಾ ಶಾಂತಿ ಅನಿಕಯ್ ಲಗಾಡಿ ಕಾಡ್ತಾ ಮೂ'.. ಮೋಣು ಲೆಕ್ಲೆ.
ದೃಥರಾಷ್ಟ್ರ: " ವಿದುರಾ ! ತೂ ಎಕ್ಲೊಚಿ .. ಪಾಂಡವ ಪಕ್ಷಪಾತಿ . ತುಕ್ಕಾ ಮಿಗೆಲೆ ಚೆರ್ಡು೦ವಾ ವೈರಿ ಕಾಯೀ ಅಭಿಮಾನು , ಪ್ರೀತಿ ನಾ . ತುಕ್ಕಾ ತಾಂಕಾ ಪೊಳೈಲೇರಿ ಜಾಯ್ನಾ.. ಧುರ್ಯೋಧನಾ ವೈರಿ ತುಕ್ಕ ಕಿತ್ಲೆ ದ್ವೇಷ ಅಸ್ಸಕೀ ..ಮಕ್ಕಾ ತಿತ್ ಲೇಯ್ ಖಬ್ಬರ್ ಅಸ್ಸ. ಹ್ಯೇ ಘರ್ಲೆಗಿ ಜನ್ಮು ಘೇವ್ನು... ಹ್ಯೇ ಘರಾ ಸಾವ್ಳಿ೦ತ್ ಜೀವನ ಕೋರ್ನು... ಅತ್ತ ಹ್ಯೇ ಘರಾಕ ದ್ವೇಷ ಕೊರ್ಚೆ ನ್ಯಾಯುವೇ ? ತೂ ವಿಶ್ವಾಸ ದ್ರೋಹಿ .. ಶೀತ ಖೆಲ್ಲೆಲೆ ಘರಾ ಉಜ್ಜೋ ಪೊಳೈತಾಲೊಮನುಷ್ಯು ತೂ... ತ್ಯೆ ಪಾಂಡವಾ ವೈರಿ ತಿತ್ಲೆ ಪ್ರೀತಿ ಅಭಿಮಾನು ಅಸ್ಸ ಝಲ್ಲೇರಿ ... ತಾಂಗೇಲೆಗೀಚಿ ವಸ .. ! ಹ್ಯೇ ಮಿಗೆಲೆ ಅಂತಃಪುರಾಂತು ರಬ್ಬುನುಕ್ಕಾ" ಕೋಪಾರಿ ತೀಕ್ಷಣ ಜಾವ್ನುಉಲ್ಲಯಿಲೊ
ಪಾಪ ! ಧ್ರಥರಾಷ್ಟ್ರಾಲೆ ಉತ್ತರಂ ಅಯಿಕುನು ... ವಿದುರಾಕ ದೊಳೆ ಭೋರ್ನು ಅಯಿಲೆ ... ಗಳ-ಗಳನಿ ರಳ್ಳೋ .... ಮಹಾರಾಜಾ !ಆಜಿ ತಾಯ್ ಕುರು ವಂಶಾ ಕ
ಸಂಬಂಧು ಅಷ್ಶಿಲೋ ಮನುಷ್ಯ ಮೋಣು ಲೆಕ್ಕಿಲೆ .. ಹ್ಯೇ ಘರಾ ಶೀತ ಖೆಲ್ಲೆಲೆ ನಿಮಿತ್ಯ ತುಮ್ಗೆಲೆ ಹೀತ , ಮನಾ ದೊವೋರ್ನು ತುಮ್ಗೆಲೆ ಹಿತಾ ವಿಷಯಾನ ಉಲ್ಲೋಕಾ ಪಳ್ಳೆ ... ಸಂತೋಷ್ ಝಲ್ಲೆ ಆಜಿ ಮಕ್ಕಾ . ಮಹಾರಾಜ ! ಹಾಂವ ರಾಜ ದ್ರೋಹಿ ವಯಿ .. ತುಮ್ಗೆಲೆ ಉತ್ತರಂ ಸತ್ಯ .ಇತ್ಲೆ ವರ್ಷ ತುಮ್ಗೆಲಿ ಸೇವಾ ಕೋರ್ನು ಆಯ್ಯಿಲೆ ಮಕ್ಕಾ ಲಾಯಕ್ ಪ್ರಶಸ್ತಿ ಮೆಳ್ಳಿ . ಅನಿ ಮುಕಾರಿ ಮಕ್ಕ ಹಸ್ತಿನಾವತಿ ಮಹಾ ಮಂತ್ರಿ ಸ್ಥಾನ ನಕ್ಕಾ . ಮಕ್ಕಾ ಮರ್ಯಾದಿ ಮಾನ ನಾತ್ತಿಲೆ ಜಾಗೇರಿ ಹಾಂವ ಏಕ ಕ್ಷಣ ರಬ್ಬಾನಾ . ತುಮ್ಮಿ ಸಂಘಿಲ್ ತಶೀಚ್ಯಿ ಹಾಂವ ಪಾಂಡವಾಂಗೆಲೆಗಿ ವತ್ತಾ . ಮಿಗೆಲೆ ಅಂತಿಮ ಜೀವನಾ ದಿವಸ ಪಾಂಡವಾಂಗೆಲ್ ವೊಟ್ಟು ರನ್ನಾ೦ತು ಕಾಡ್ತಾ .. ವಂದನಾ .. ಮಹಾರಾಜಾ !! " ಮೋಣು ಸಂಘುನು ಭಾಯಿರಿ ಗೆಲ್ಲೊ . ಅಂತಃಪುರಾ ದುಕುನು ಸೀದಾ ರನ್ನಾ ವಟ್ಟೇರಿ ಪಾಂಡವಾಂಕ ಸೊದ್ದುನು .. ವಿದುರ ಪ್ರಯಾಣ ಕೊರ್ಚ್ಯಾ ಲಾಗ್ಲೊ.
ವಿದುರಾನ ಹಸ್ತಿನಾವತಿ ಸೊಳ್ಳೆಲೆ ವಿಷಯು ಭೀಷ್ಮಾ ಕ ಹೆರದಿವಸು ಕಳ್ಳೆ. ಮಸ್ತ ಬೇಜಾರು ಝಲ್ಲೋ ಭೀಷ್ಮಾಕ . ವಿದುರಾಕ ಹೊಡು ಕೆಲ್ಲೆಲೋ ನ್ಯಾಯ ನೀತಿ ವೇದಾಂತ ಪಾಠ ಶಿಖಯಿಲೇಂಚಿ ಭೀಷ್ಮಾನ. ಧ್ರಥ ರಾಷ್ಟ್ರ , ಪಾಂಡುಕುಮಾರ ಮ್ಹಣ್ಕೆಚಿ ವಿದುರ ವ್ಯಾಸ ಮಹರ್ಷಿಲೆ ದಯೇನ ಜಲ್ಲಲೊ . ನ್ಯಾಯ ಮೂರ್ತಿ ಮ್ಹಣೊನ್ ಘೆತ್ತಿಲೊ. ತಸಲೆ ವಿದುರಾಕ .. ದೃಥರಾಷ್ಟ್ರಾನ ಅಂತಃಪುರ ದುಕುನು ಭಾಯಿರಿ ಘಾಲ್ಲೆಲೆ ವಿಷಯು ಅಯಿಕುನು ಮನಾ ಬೇಜಾರು ಜಾಲ್ಲೊ .ಕೋಪು ಆಯಿಲೊ.. ತುರಂತ ದೃಥರಾಷ್ಟ್ರಾಲೆ ರಾಜ ಮಂದಿರಾಕ ಅಯಿಲೊ ಭೀಷ್ಮ. ಭೀಷ್ಮಾಲೆ ರುದ್ರ ಅವತಾರ ಪೊಳೊನ್ ಅಂತಃ ಪುರಾ ದಾಸ ದಾಸಿ ಪೂರಾ ಭೀವ್ನು ಗೆಲ್ಲೆ .
" ಧ್ರಾಥ ರಾಷ್ಟ್ರಾ !" ಕೋಪಾರಿ ಘರ್ಜನ್ ಕೆಲ್ಲಿ . ಭೀಷ್ಮಾಲೆ ತಾಳೊ ಅಯಿಕುನು ಧ್ರಾಥ ರಾಷ್ಟ್ರ ಏಕ ಪೋಟಿ ಕಾಂಪ್ಲೊ . "ಧ್ರಥರಾಷ್ಟ್ರ! ವಿದುರ ಖ೦ಯಿ? "
" ವಿದುರ ಪಾಂಡವಾಂಗೆಲೆಗಿ ... "
" ಪಾಂಡವಾ ಲಗ್ಗಿ ಕಸಲೇಕ ಗೆಲ್ಲಾ ? "
"ಹಾಂವ .. ಸ್ವಲ್ಪ ಕೊಪ್ಪಿಲೋ ... ತ್ಯೆ ನಿಮಿತ್ಯ"
" ಹ್ಯೇ ಹಸ್ತಿನಾವತಿ ರಾಜ್ಯ ಕೊಣಾಲೆ ? " ನಿಂಗಿಲೆ ಭೀಷ್ಮಾ ನ . ಉತ್ತರ ನಾ ವಾಪಾಸ್ ನಿಂಗಿಲೆ " ಸಾಂಘ ಹ್ಯೇ ಹಸ್ತಿನಾವತಿ ರಾಜ್ಯ ಕೊಣಾಲೆ ? "
" ತುಮ್ಗೆಲೆ ಪಿತಾಶ್ರೀ " ಹಾಂಗಾ ಕೊಣಾಲೆ ಶೀತ ಕೋಣ ಖತ್ತಾ ?" ಮೌನ ಝಲ್ಲೋ ದೃಥ ರಾಷ್ಟ್ರ
" ತಾರಾ ತುರಿ ಜಾವ್ನುಅತ್ತ ಚಿ ವಿದುರಾಕ ಅಪ್ಪೋನು ಹಾಡ್ಕಾ ... ನಾತ್ಲೆರಿ ... ಹಾಂವ ಕಸಲೆ ಕರ್ತಾ ಮೋಣು ಸಂಘು ಜಾಯ್ನಾ .. ಜಾಗ್ರತೆ ದವರಿ ..! " ಇತ್ಲೆ ಕೋಪು
ಆಯ್ಯಿಲೆ ಭೀಷ್ಮಾಕ , ಕೊಣಯ್ ಪೊಳೈನಿ ಯೆದೊಳ್ ತಾಯಿ . ಭೀಷ್ಮಾನ ಗೆಲ್ಲೆ ನಂತರ, ದೃಥರಾಷ್ಟ್ರ ರಡತ್ ಬಸ್ಲೊ ." ಹಾಂವ ಕಿತ್ಲೆ ನತದ್ರಷ್ಠ ... ಅಮಾಯಕ ... ಹಾಂವ ವಿಧಿ ವಂಚಕ ... ಕೋಣಾಕಯಿ ಮಿಗ್ಗೆಲೆ ವೈರಿ ಕನಿಕರ ನಾ... ಅಭಿಮಾನ ನಾ" ಜೇವಣ ಕರ್ನಾಶಿ ನುತಾ ಬೊಸ್ ಲೊ. ಗಾಂಧಾರಿನ ಯೇವ್ನು ಸಮಾಧಾನ ಕೆಲ್ಲೆರಿಯಿ , ಅಯಿಕನಿ .ಮಕ್ಕಾ ವಿದುರ ಜಾಯಿ ... ವಿದುರಾಕ ವಗ್ಗಿ ಅಪ್ಪೋನು ಹಾಡ್ಯಾತಿ ... ತಾಣೆ ಆಯಿಲ್ ನಂತರಚಿ ಜೇವಣ ಕರ್ತಾ " ಮೋಣು ಹಠ ಕೋರ್ನು ಬೊಸ್ ಲೊ .ವಿಂಗಡ ವಾಟ ನಾಶಿ ಧುರ್ಯೋಧನಾನ ಸಂಜಯಾ ಕ ,ಪಾಂಡವಾನಿ ಅಶಿಲೆ ಜಾಗೇಕ ಪೆಟಯಿಲೆ ವಿದುರಾ ಕ ಅಪ್ಪೋನು ಹಾಡ್ಚ್ಯಾಕ . ಪಾಂಡವ ತತ್ಕಾಲಿಕ ಕಾಮ್ಯಕ ವನಾಂತು ನವ್ವೆ ಜಾಗೇರಿ ಶಿಬಿರ ಘಾಲ್ನು ರಬ್ಬುನು ಅಶಿಲೀಂತಿ .
ದನ್ಪಾರಾ ವೆಳ್ಯೇರಿ ವತ್ತಾ ಧಾವೇಕ ಉಸ್ರು ಬಿಗ್ದುನು ಕಾಡ್ತಾಚಿ ವಿದುರ ದೇವು ಪಾಂಡವ ಶಿಬಿರಾಕ ಯೇವ್ನು ಪಾವಲೋ . ಸರ್ವಾಂಕ ಆಶ್ಚರ್ಯ ಝಲ್ಲೆ . ಧರ್ಮರಾಯು ಧಾವನು ಯೇವ್ನು ವಿದುರಾಲೆ ಪಯ್ಯಾರಿ ಫೋಣು ನಮನ ಕೋರ್ನು , ಆತ್ಮೀಯ ಜಾವನು , ಪಾದೋದಕ ದೀವ್ನು ಸ್ವಾಗತ ಕೆಲ್ಲೆ . ಅಮೃತ ಸಮಾನ ಭೋಜನ ವಿದುರಾಕ ವಳ್ಳೆ . ಅಕ್ಷಯ ಪಾತ್ರಾ ವಿಷಯು ವಿದುರಾಕ ಸಂಘಲೇ . ಜೇವಣ ಝಲ್ಲೆ ನಂತರ ... " ಧರ್ಮರಾಯಾ ತುಗ್ಗೆಲ್ ವೊಟ್ಟು ಇತ್ಲೆ ಬ್ರಾಹ್ಮಣ ಸಮುದಾಯ ಅಸ್ಸ ಮೋಣು ಲೆಕ್ಕನಿ .. ಆನಿ ಮುಕಾರಿ ಹಾಂವೈ ತುಮ್ಗೆಲೆ ವೊಟ್ಟುಹಾಂಗಾಚಿ ರಾಬತಾ "
" ವಿದುರ ದೇವಾ ಕಸಲೆ ಝಲ್ಲೆ .. ? " ನಿಮಗಿಲೇ ಧರ್ಮರಾಯಾನ
ವಿದುರ : " ಧರ್ಮಜಾ ! ವಯೋ ವೃದ್ಧ ಜಾವ್ನು ಅಶಿಲೆ ಆಮ್ಗೆಲೆ ಮುಕಾರಿ ... ತು೦ಮಕಾ ಸರ್ವಾಂಕ ಅನ್ಯಾಯು ಝಲ್ಲಾ , ಅಮ್ಮಿ ಸಕ್ಕಡ ಬೋಂಬೆಶೇ ಬೈಸೂನು .ಧುರ್ಯೋಧನಾಕ ಬುದ್ಧಿ ಸಂಘುನು ನ್ಯಾಯು ಕೋರ್ಕಾ ಅಷ್ಶಿಲೆ .. ಕರ್ನಿ . ತಂಗ್-ತಾಂಗೆಲೆ ನಿಡ್ಲಾ ಬರಪ ಮೋಣು ಲೆಕ್ಕುನು ನುತ ಬೊಶ್ಚ್ಯಾ ಜಾಯ್ನಿ ಮಕ್ಕಾ . ಹಾಂವೆ
ಕೆಲ್ಲೆಲೆ ಪಾಪ ಪರಿಹಾರ ಕೊರ್ಚೆ ಖತಿರಿ ... ಹಾಂವ ತುಮ್ಗೆಲೆ ವೊಟ್ಟು ವನವಾಸ ಕೊರ್ಯಾ ಮೋಣು ನಿರ್ಧಾರ್ ಕೆಲ್ಲಾ " ವಿದುರನ ನಿಶ್ಚಯ್ ಜಾವ್ನು ಸಾಂಗಲೆ.
ವಿದುರಾಕ ತಾಂಗೆಲೆ ವೈರಿ ಕಿತ್ಲೆ ಪ್ರೀತಿ ಅಸ್ಸ ಮೋಣು ಪಾಂಡವಾಂಕ ಖಬ್ಬರ ಅಸ್ಸ . ಫುಳ್ಳೆ ಪೋಟಿ .. ವಿದುರಾಲೆ ಸಹಾಯಾ ನಿಮಿತ್ಯ ವಾರಣಾವೃತ ಲಾಕ್ಷಾ ಗ್ರಹ
ದುಕುನು ವಾಂಚುನು ಭಾಯಿರಿ ಆಯ್ಯಿಲೆ ವಿಷಯು ಲೆಕ್ತಾನ ... ಆಂಗ್ ಕಾಂಪ್ತಾಲೆ . ಹಸ್ತಿನಾವತಿ೦ತು ಅಶಿಲೆ ತೆದ್ನಾ... ಪಾಂಡವಾಂಕ ಸಂಕಟ ಆಯ್ಯಿಲೆ ತೆದ್ನಾ.. ಹಯೇ
ಕಸಲೆ ಮೋಣು ನಿಮಗಿತಲೊ ಎಕ್ಲೊಚ್ಯ್ ಹಿತೈಷಿ ವಿದುರ ದೇವು . ಸಾನಸ್ತಾನಾ ದುಕುನು ವಿದುರ ಅನಿ ಪಾಂಡು ರಾಯು ಮಸ್ತ ಪ್ರೀತಿನ ಹೋಡ ಝಲ್ಲೆಲ್ ಮಿತ್ರ .
ಜೀವನಾಚೆ ಸೂರ್ಯಾಸ್ತ ಜಾವ್ಚೆ ದಿಕಾನ ಅಶ್ಚೇ ವಿದುರಾನ ವನವಾಸಾಕ ಅಯಿಲೋ ಮ್ಹಣ್ತಾನಾ .. ಪಾಂಡವಾಂಕ ದೋಳೆ ಭೋರ್ನು ಅಯಿಲೆ . " ಹ್ಯೇ .. ವಿದುರ ದೇವಾ!!
ಆಮ್ಗೆಲೆ ವೈರಿ ತುಕ್ಕಾ ಕಿತ್ಲೆ ಪ್ರೀತಿ ಮಮಕಾರು ಅಸ್ಸ ಮ್ಹಳ್ಳೆಲೆ ವಿಷಯು ಆ೦ಮ್ ಕಾ ಸರ್ವಾಂಕ ಖಬ್ಬರ ಅಸ್ಸ . ಅಮ್ಮಿ ಸಾನಸ್ತಾನಾ ದುಕುನು ಆಮ್ಗೆಲೆ ಮಾರ್ಗ ದರ್ಶಕ
ಜಾವ್ನು , ಪಿತಾ ಸಮಾನ ವಿದುರ ದೇವಾ ತುಕ್ಕಾ ಕಷ್ಶಿ ವಿಸೋರ್ಚೆ ? ತೂ ಆಮ್ಗೆಲೆ ವೊಟ್ಟು ವನವಾಸಾಕ ಅಯಿಲಾ ಮ್ಹಳ್ಳೆಲೆ ವಿಷಯು ಐಕುನು ಆಮ್ಕಾ ಮಸ್ತ ಸಂತೋಷು ಝಲ್ಲಾ . ಆಮ್ಕಾ ಹಜ್ಜೆ ತಿತಲೆ ಹೊಡ ಭಾಗ್ಯ ಅನಿ ಕಸಲೆ ಅಸ್ಸ ? ಜಲ್ಲೇರಿ ..ಹೇ ವಾರ್ಧಕ್ಯ ಜೀವನಾ ವೆಳ್ಯೇರಿ ... ಜೀವನ ಸಂಧ್ಯಾ ಕ್ಷಣಾರಿ ರನ್ನಾ ಜೀವನ .. ಶೀಯ ವತ್ತಾ , .. ಪ್ರಕೃತಿ ವಿಕೋಪ ತಡ್ಸೂನು ಘೇವ್ಚೆ ಸಾಧ್ಯ ನಾ . ದ್ಯೂತ ಖೆಳ್ನು ಚೂಕಿ ಕೆಲ್ಲೆಲೆ ಮನುಷ್ಯ ಹಾಂವ ... ಕೆಲ್ಲೆಲೆ ಚುಕ್ಕೀಕ ಶಿಕ್ಷ ಅನುಭವ ಕೋರ್ಕಾ ಜಾಲ್ಲಲೊ ಹಾಂವ . ಮಿಗ್ಗೆಲೆ ಭಂವ್ಢ , ಅಮ್ಮಿ ಹಾತು ಧರ್ಲೆಲಿ ಪಾಂಚಾಲಿ ಮಿಗೆಲೆ ವೊಟ್ಟು ವನವಾಸಾಕ ಯೇವ್ನು ಕಷ್ಠ ಬೊಗ್ತಾ ಆಸ್ಸತಿ . ಹ್ಯೆಂಚಿ ಮಕ್ಕಳ ಸಹನ ಕೋರು ಜಾಯ್ನಾ . ಅತ್ತ ... ವಿದುರ ದೇವಾ ! ತೂ , ಮಿಗ್ಗೆಲೆ ವೊಟ್ಟು ವನವಾಸ ಕೋರ್ಕಾ ಮೋಣು ಸಾಂಗ್ತಾನಾ ಮಿಗ್ಗೆಲೆ ಅಂತ ಕತ್ತೊರ್ನು ಅಯ್ಯಿಲೆ ಮ್ಹಣ್ಕೆ ಅನುಭವು ಝತ್ತಾ ... ನಕ್ಕಾ ... ವಿದುರ ದೇವಾ ! ಮಕ್ಕ ಸಹನ ಕೋರು ಜಾಯ್ನಾ" ಮೋಣು ಸಂಘುನು .. ವಿದುರಾಲೆ ಝಾ೦ಗೇರಿ ಮತ್ತೆ ದವೋರ್ನು ರಳ್ಳೋ . ಧರ್ಮರಾಯಾಕ ಪೋಳೋನು ವಿದುರಾಲೆ ದೊಳೆ ಭೋರ್ನು ಅಯಿಲೆ . ತ೦ಯ್ಯಿ ರಬ್ಬಿಲೆ ಬ್ರಾಹ್ಮಣ ಸಮುದಾಯ ಸರ್ವಾನಿ ದೊಳೆ ಉದ್ದಾಕ ಪುಸೂನು ಘೆತ್ಲೆ .
ಹೇಚಿ ವೆಳ್ಯೇರಿ ಸಂಜಯ ಹಸ್ತನಾವತಿ ದುಕುನು , ಏಕ ಧಾಹ್ ಜನಾ ಸೈನಿಕಾ ಘೇವ್ನು ಪಾಂಡವ ಶಿಬಿರಾಕ ಯೆತ್ತಾ . ಧರ್ಮರಾಯಾಕ ಅನಿ ವಿದುರಾಕ ಪ್ರಣಾಮ್ ಕರತಾ .
ಉಭಯ ಕ್ಷೇಮ ಸಮಾಚಾರ ವಿಚಾರ ಕರ್ತರಿ ... ಸಂಜಯಾನ ಆಯ್ಯಿಲೆ ಕಾರಣ ವಿದುರನ ನಿಮ್ಗಿಲೆ .
ಸಂಜಯ : " ವಿದುರ ದೇವಾ !ತುಮ್ಮಿ ಹಸ್ತಿನಾವತಿ ದುಕುನು ಆಯ್ಯಿಲೆ ದಿವಸ ಧೋರ್ನು , ಧ್ರಥರಾಷ್ಟ್ರ ಮಹಾರಾಜಾನ ... ಅನ್ನ ಪಾನೀಯ ತ್ಯಾಜ್ಯ ಕೆಲ್ಲಾ .
ಮಹಾರಾಜಾಲೆ ವೊಟ್ಟು , ಗಾಂಧಾರಿ ದೇವಿನಯ್ ಉಪವಾಸು ಆರಂಭ ಕೆಲ್ಲಾ . ಭೀಷ್ಮಾಚಾರ್ಯ, ತುಮ್ಮಿ ಯೆವಚೆ ಸುದ್ದಿ ಅಯಿಕುಚೆ ಖತಿರಿ .. ಕಾತರ ಜಾವ್ನು ರಕ್ಕುನು ಆಸ್ಸತಿ. ಸಗಳೇ ಅಂತಃ ಪುರ ತುಮ್ಗೆಲೆ ಯೆವಚೆ ಮುಕಾರ್ಸುನ್ ಪೋಲಾಯಿತಾ ರಾಬಲೀಂತಿ . ತುಂಮ್ಕಾ ತುರಂತ್ ಅಪ್ಪೋನು ಘೇವ್ನು ಯೆವ್ಕಾ ಮೋಣು ರಾಜಾಜ್ನ ಝಲ್ಲಾ . ಸರ್ವ ಪ್ರಜಾ ಲೋಕ ತುಮ್ಗೆಲಿ ವಾಟ ರಾಕ್ತಾ ಆಸ್ಸತಿ " ಮೋಣು ಸಂಜಯಾನ ಸಂಘಲೇ .
ವಿದುರ : " ಸಂಜಯಾ ! ವಿಜ್ಞತಾ , ವಿವೇಕ ನತ್ತಿಲ್ ರಾಯಾಲೆ ಸೇವಾ ಕೊರ್ಚೆ ಪೋಷಿ .. ರನ್ನಾ೦ತು ಫಲ ಪಾಳ ಖಾವನು ಜೀವನ ಕೊರ್ಚೆ ಲಾಯಕ ಮೋಣು ದಿಸ್ತಾ .ಹಾಂವೆ ಪಾಂಡವಾಂಗೆಲೆ ವೊಟ್ಟು ಆಸ್ತಾ ಮೋಣು ಮಹಾರಾಜಾಕ ಸಾಂಘ . "ಮ್ಹಳ್ಳಲೋ ವಿದುರ . ಸಂಜೆಯ ಉಲ್ಲಯಿನಿ .
ಧರ್ಮಜ : " ಸಂಜಯಾ ! ಜೇವಣ ಕೋರ್ನು ತೊಡೆ ವಿಶ್ರಾಮ ಕರಿ . ವಿದುರ ದೇವಾಕ ಹಾಂವ ಸಮಾಧಾನ ಕರ್ತಾ .. ಸಂಘುನು ಪೊಳೈತಾ " ಮ್ಹಳ್ಳಲೊ
ವಿದುರ ದೇವಾ ! ಸರ್ವ ಧರ್ಮ ಪಂಡಿತ ತುಮ್ಮಿ .. 'ನ್ಯಾಯ ನೀತಿ ವಿಶಾರದ' ಮೋಣು ಅಖಂಡ್ಹ ಭಾರತ .. ತುಮ್ಗೆಲೆ ಗುಣ ಗಾನ ಕರ್ತಾ. ತುಮ್ಕಾ ಬುದ್ಧಿ ಸಾಂಗ ಚೆ
ತಿತಲೆ ಪ್ರಜ್ನ್ಯುನಯ್ . ಮಹಾರಾಜಾಲೆ ಆಜ್ಞಾ ಧಿಕ್ಕಾರ್ ಕೊರ್ಚೆ .. ತುಂಮಚ್ಯೇ ತಸಲೆ ಧರ್ಮ ಶಾಸ್ತ್ರಜ್ನಾಕ ಸಮ್ಮ್ ನಯೀ ಮೋಣು ಮಕ್ಕ ದಿಸ್ತಾ . ಆಮ್ಗೆಲೆ ವೈರಿ
ದವರ್ಲೆಲೆ ಅಭಿಮಾನಾರಿ ಆಮ್ಗೆಲೆ ವೊಟ್ಟು ವನವಾಸ ಕೊರ್ಚೆ ಸಮ್ಮ ನಯ್ . ಪಿತಾಶ್ರೀ ಧ್ರಥರಾಷ್ಟ್ರ ಜನ್ಮ ಅಂಧು . ತಾಂಕಾ ತುಮ್ಗೆಲೆ ಸಹಾಯು ಸಹಕಾರು ಜಾವ್ಕಾ. ತಿತ್ಲೆಯ್ ನಯ್ .. ತುಮ್ಮಿ ಹಸ್ತಿನಾವತಿ೦ತು ಆಸ್ಸತಿ ಮೋಣು ಆಮ್ ಗೆಲೆ ಮಾತಾಶ್ರೀ ಕುಂತಿ ದೇವಿಕ ತುಮ್ಗೆಲೆಗಿ ಸೋಣು ಆಯ್ಯಿಲೀ೦ತಿ . ತುಮ್ಮಿ ತಂಯ್ಯ್ ನಾತ್ಲೆರಿ .. ಆಮ್ಗೆಲೆ ಅಮ್ಮಾಕ ಕೋಣ ಸಾಂತ್ವನ ಕರ್ತಾ ? ತುಮ್ಮಿ ಖ೦ಯ್ ಅಸ್ಲೆರಿಯಿ ಆಮ್ ಕಾ ತುಂಗೆಲೋ ಆಶೀರ್ವಾದ್ ಆಮ್ ಕ ಸದಾ ರಾಕ್ತಾ . ತುಮಗೆಲೆ ಸೇವಾ ಹಸ್ತನಾವತಿ ಪ್ರಜಾ ಲೋಕಾಂಕ ಜಾಯಿ . ಮತ್ರಿ ನಾತ್ತಿಲೆ ರಾಜ್ಯ ... ಸ್ಮಶಾನಾಕ ಸಮಾನ ." ಮೋಣು ಧರ್ಮರಾಯಾನ ವಿನಮ್ರ ಜಾವ್ನು , ದೀನ ಜಾವ್ನು ನಮನ ಕರ್ತಾಚಿ ವಿದುರ ದೇವಾಕ ವಿನಂತಿ ಕೆಲ್ಲಿ . ಧರ್ಮರಾಯಾಲೆ ಉತ್ತರ೦ ಅಯಿಕುನು .. ವಿಧುರಾನ ಹಸ್ತಿನಾವತಿಕ ವಾಪಾಸ್ ವೋಚ್ಚಾಕ ಸಹಮತಿ ದಿಲ್ಲಿ
ಉಮಾಪತಿ
No comments:
Post a Comment