MAHABHARATH Part - 12 Bandhu Saanwana ( Konkani Bhashentu )

MAHABHARATH  Part - 12    ( Konkani Bhashentu )                 

                 Bandhu Santvana

                 ಪಾಂಡವ ಕಾಮ್ಯಕಾ ವನಾಂತು ಆಸ್ಸತಿ ಮೋಣು  ಗೂಢಚರ ಲೋಕಾ ಮುಖಾಂತರ ಕಲ್ಲೆಳೆ ನಿಮಿತ್ಯ ಪಾಂಚಾಲ ರಾಯು ದ್ರುಪದ ಮಹಾರಾಯು , ದ್ರಷ್ಟದ್ಯುಮ್ನ , .. ದ್ವಾರಕೆ ದುಕುನು .. ಶ್ರೀ ಕೃಷ್ಣ , ಸುಭಧ್ರ , ಅಭಿಮನ್ಯು  ... ಪಾಂಡವಾಂಕ ಸೊದ್ದುನು ಎಕ್ಕ ದಿವಸ ಪ್ರಯಾಣ ಕೋರ್ನು ಪಾಂಡವ ಆಶ್ರಮಾಕ ಯೇವ್ನು ಪಾವಲೀ೦ತಿ . ಬಪ್ಸೂಕ ಪೊಳಯಿಲೆ ಸತಾನ ದ್ರೌಪದಿಲೆ ದುಃಖ ಅನಿಕಯ್ ಚಳ್ಳೆ ... ಧಾವನು ಯೇವ್ನು ಫೋಟೋನೂ ಧರ್ಲೆ ... " ಅನ್ನಾ ... ! ಅತ್ತ ಆಯಿಲ್ ವೇ ..? ಮಕ್ಕಾ ಕೆಲ್ಲೆಲೆ ಅವಮಾನು ಅಯಿಕಲೋವೇ ..ಅನ್ನಾ .. ?  ಧರ್ಮಾ ಪ್ರಕಾರ ಕೋಣಾಕಯಿ ... ಖಂಚೆಯ್ ಬಾಯ್ಲ್ ಮನ್ಶಯಾಂಕ ಇತ್ಲೆ ಅವಮಾನು ಕೊರುಂನಜ್ಜ ಅಷ್ಶಿಲೆ ... ಜಲ್ಲೇರಿಯಿ ತನ್ನಿ .. ಭರ್ಲೆಲೆ ಸಭೆ೦ತು ' ದಾಸಿ ...  ವೈಶ್ಯಾ' ಮೋಣು ಅವಾಚ್ಯ ಶಬ್ಧಾನಿ ಅಪ್ಪೋನು ಸೆರಗ ಧೋರ್ನು ನಗ್ನ  ಕೊರುಂಕ ಪ್ರಯತ್ನ ಕೆಲ್ಲೆ ... ಹೇ ಮಿಗ್ಗೆಲೆ ಪ್ರಾರಬ್ಧ ನವೇ  ? " ದ್ರುಪದಾಕ  ಕಸಲೆ ಸಾಂತ್ವನಾ ಉತ್ತ್ರ೦ ಸಂಘುಕಾ ಮೋಣು  ಕಳ್ನಿ ... " ಶಾಂತ ಝಾ ಅಮ್ಮಾ ! ಶಾಂತ ಝಾ ... ದೇವು ರಾಕ್ತಾ ತುಕ್ಕಾ " ಮ್ಹಳ್ಳಲೋ ದ್ರುಪದ ರಾಯು . ದ್ರಷ್ಟದ್ಯುಮ್ನನ ಧರ್ಮಜಾಕ ಫೋಟೋನು ಧರ್ಲೆ  . ಶ್ರೀ ಕೃಷ್ಣಾ ನ ಪಾಂಡವಾಂಕ ಫೊಟೊನ್ ಧೋರ್ನು ಸಾಂತ್ವನ ಕೆಲ್ಲೆ . ಜಲ್ಲೆರಿಯಿ ... ದ್ರೌಪದಿಕ ಮನಾ ಸಮಾಧಾನ ಜಾಯ್ನಿ . ದ್ರೌಪದಿ ಸಾನ್ ಚೆರ್ಡಾ ಮ್ಹಣ್ ಕೆ , ಕೃಷ್ಣಾಲೆ  ಪಯ್ಯಾರಿ .. ಸುತ್ತು ಘಾಲ್ನು ಧೋರ್ನು " ಅಣ್ಣಾ ! ವಾಸುದೇವಾ ! ಗುರು ಮಲಘಡೇ ಮುಕಾರಿ ಭರ್ಲೆಲೆ ಸಭೆ೦ತು ಮಕ್ಕ ಕೆಲ್ಲೆಲೆ ಅವಮಾನು ತು ಅಯಿಕುನು ಆಸ್ತಾಲೊ . ಹಜಾರ - ಹಜಾರ ಹಸ್ತಿನಾವತಿ ಪ್ರಜೆ ಮುಕಾರಿ ... ಅಂಗಾ ವೈಲ್ ಸೆರಗ ಕಾಣು ನಗ್ನ ಕೊರುಂಕ ಪ್ರಯತ್ನ ಕೆಲ್ಲೆ . ಧೂರ್ತ ದುಃಶ್ಶಾಸನಾನ ಮತ್ತೆ ಕೆಷ್ಠ ಧೋರ್ನು ಬರ್ - ಬರೀ ಸುಣೇ ಕ  ತಾಂಡಿಲೇ ಮ್ಹಣ್ಕೆ ತಾಂಡೂನು ವೋರ್ನು ಸಭೆ೦ತು ರಬ್ಬಯಿಲೆ . ಹಾಂವ ' ವೈಶ್ಯಾಸ್ತ್ರೀ ' ಮೋಣು ತ್ಯೆ ಕರ್ಣಾನ ಸಂಗ್ಲಾ ... ತ್ಯೆ ದುಷ್ಠ ಧುರ್ಯೋಧನಾ ನ ಝಾ೦ಗೀ ವೈಲೆ ವಸ್ತ್ರ ಉಬ್ಬಾರ್ನು ಝಾ೦ಗಿ  ದಕ್ಕೋನು ' ಹಾಂಗಾ ಯೇವ್ನು ಬೈಸ '  ಮ್ಹಳ್ಳಲೋ ... ಅಣ್ಣಾ ಕೃಷ್ಣಾ ! ಖಂಚೇಯ್ ಯುಗಾಂತು ಕುಲ ಸ್ತ್ರೀ ಕ ಮಾನ ಹರಣ ಕೆಲ್ಲೆಲೆ ಐಕಲಾವೇ .. ? ಸರ್ವ ಬಾಯ್ಲಾಂಗೆಲೆ ಮ್ಹಣ್ಕೆ ಮಕ್ಕಾ ಎಕ್ಲೊ ಬಮ್ಮ ಣು ನಯ್ ... ಮಹಾವೀರ ಪಂಚ ಪಾಂಡವ ಆಸ್ಸತಿ . ದೇವೇಂದ್ರಾ ಕ ಸಮಾನ , ಶತ್ರು ಲೋಕು ಹಜಾರ್ - ಹಜಾರ್ ಅಯ್ಲಾರಿಯಿ .. ತಂಕಾ ದಿವಿಶಿ ಮಾರ್ನು ರಕ್ಷಣ ದಿವಚಾ ಸಾಮರ್ಥ್ಯ ಅಶಿಲೆ .. ಪಾಂಚ ಜನ ಬಮ್ಮಣ೦ ಆಸ್ಸುನೂಯ್ ಹಾಂವ ಎಕ್ಲೆಲೆ ಹತ್ತಾ೦ತು ನಿರ್ದಾಕ್ಷಿಣ್ಯ ಜಾವ್ನು  ಸ್ತ್ರೀ ಅಪಮಾನಾಕ ಕಾರಣ ಝಲ್ಲಿ . ಮಾಧವಾ ! ... ಪವಿತ್ರ ಹೋಮಾ ಅಗ್ನಿ೦ತು ಜನ್ಮಾಕ  ಆಯ್ಯಿಲಿ ಹಾಂವ ... ಅಪ್ರತಿಮ ವೀರ ಯೋಧಾಂಗೆಲೆ ಬಾಯ್ಲ್ ಜಾವ್ನು ಆಸ್ಸುನೂಯಿ ಹಾಂವ ಕಸಲೆ ಪ್ರಯೋಜನ ? .. ಋತುಮತಿ ಜಾವ್ನು ಅಷ್ಶಿಲೆ ವೆಳ್ಯೇರಿ ಗುರು ಕುರು ವೃದ್ಧ , ಕುಟುಂಬ ಬಾಂಧವಾ ಯೆದ್ರಾಕ ರಬ್ಕಾರಾನು ವಿವಸ್ತ್ರ ಜಾವ್ನು ... ದುಃಶ್ಯಾಸನಾಲೆ ಅಟ್ಟಹಾಸ ಮಧ್ಯೆ ... ಗತಿ ಗೋತ್ರ ನಾತ್ತಿಲಿ ಅನಾಥ ಸ್ತ್ರೀ ಝಲ್ಲಿ ಹಾಂವ ! ದೀನ ಬಂಧು ...! ತೂ೦ವೆ ಅಕ್ಷಯಅಂಬರ ಅನುಗ್ರಹ ಕರ್ನಾಶಿ ಅಷ್ಶಿಲೆ ಝಲ್ಲೇರಿ ... ತುಂವೆ ಮಿಗೆಲೆ ಮಾನ ರಕ್ಷಣಾ ಕರ್ನಾ ನಾತ್ತಿಲೆ ಝಲ್ಲೇರಿ ... ಮಿಗೆಲಿ ಗತಿ .. ಕಸಲಿ ಝಾತ್ತಷ್ಷಿಲಿ ಕೃಷ್ಣಾ ? ಸಪ್ತ ಸ್ವರಾ ಕೊಳಲ ರಾಗು ರಬ್ಬನಾಶಿ ನಿರಂತರ ಅನುಭೂತಿ , ಧೈರ್ಯ ದೀನಿ ನಾತ್ತಿಲೆ ಝಲ್ಲೆರಿ .. ! ಹಾಂವ ಜೀವು ಕಾಣು ಘೆತ್ತಶಿಲಿ ಕೃಷ್ಣಾ ! " ಮೋಣು  ಸಂಘುನು .. ಅವಿಶ್ರಾಂತ ದೊಳೆ ಉದ್ದಾಕ ಕಾಣು .. ಶೋಕ ದೇವತಾಶೀ ರಬಲಿ .

                         ಪಾಂಡವಾಂಗೆಲೆ ನಿಷ್ಕ್ರಿಯತಾ ... ಸಭೇ೦ತು ಸರ್ವ ಮತ್ತೆ ಮುಳಾ ಘಾಲ್ನು ಬೊಶಿಲಿ ರೀತಿ ... ದ್ರೌಪದಿನ ಸಾಂಗ್ತಾನಾ .. ಸರ್ವಾಂಕ ದೊಳೆ ಉದ್ದಾಕ ಅಯಿಲೆ . ಪಾಂಡವಾಂಕ ಕೋಪು ಯೇವ್ನು ... ದಾ೦ತ ಚಬ್ಬುನು .. ತೀ  ಘಡಿ ಲೆಕ್ಕುನು ಲೆಕ್ಕುನು .. ಭಸ್ಮ ಝಲ್ಲೆ ಮ್ಹಣ್ಕೆ ಅನುಭವು ಝಲ್ಲೋ . ಭೀಮಾಲೊ ಭುಸ್ ಭುಸ್ ಶ್ವಾಸು , ಅರ್ಜುನಾಲೆ ಸಂಕಟ ... ದೊಳೆ ಭೋರ್ನು .. ಜ್ವಲಿತ ಅಗ್ನಿ ಮ್ಹಣ್ಕೆ ರಬ್ಬಿಲೇ ನಕುಲ ಸಹದೇವಾ೦ಕ ಪೋಳೋನು ದ್ರಷ್ಟದ್ಯುಮ್ನ ಧಾಂವ್ನು ಯೇವ್ನು ಫೋಟೋನೂ ಧೋರ್ನು ಪಾಂಡವಾಂಕ ಸಾಂತ್ವನ ಕೆಲ್ಲಿ " ಅಮ್ಮಿ ಸರ್ವ ಅಸ್ಸುನೂಯ್  .. ಅನಾಥ ಝಲ್ಲಿವೇ  ದ್ರೌಪದಿ ... ? " ಮೋಣು  ಸಂಘುನು ದೊಳೆ ಉದ್ದಾಕ ಕಳ್ಳೆ 

                           ಸರ್ವಾಲೆ  ತೊ೦ಡ ಪೊಳೈಲೆ  ಶ್ರೀ ಕೃಷ್ಣಾನ  " ಪಾಂಚಾಲಿ ! ಸಮಾಧಾನ ಕೋರ್ನು ಘೇ .  ಕಸಾಲೆ ನಮುನೆ ಅಗ್ನಿ ಪರ್ವತು ಹರ್ದೇ೦ತು ದೊವೋರ್ನು .. ದುಃಖ ಪಾವ್ತಾ ಅಸ್ಸ ಮೋಣು  ಮಕ್ಕಾ ಕಳ್ತಾ . ತುಗ್ಗೆಲ್ ಬಮ್ಮಣ೦ ಕೊಣಯ್ ಅಸಮರ್ಥ ನಯ್ . ಧರ್ಮಾಕ ಬಂಧಿ ಜಾಲ್ಲೆಲೆ ನಿಮಿತ್ಯ ತುಕ್ಕಾ ಅಸಲಿ ಅವಸ್ಥಾ ಅಯಿಲಾ . ಪಾಂಡು ಪುತ್ರಾನಿ ಕೋಪು ಯೇವ್ನು ಡೋಳೆ  ಸೊಳ್ಳೆಲೆ ಝಲ್ಲೇರಿ .. ಕುರು ಸಭಾ ಲಾಸ್ಸೂನು ಭಸ್ಮ... ಗೊಬ್ಬೊರು ಝತ್ತಾ ಅಷ್ಶಿಲೆ . ದ್ರೌಪದಿ ... !  ತುಕ್ಕಾ ಅಪಮಾನ ಕೋರ್ನು ಕೌರವಾನಿ ತಂಗೆಲೆ ದುರ್ಮರಣಾಕ ನಾಂದಿ ಕೆಲ್ಲಾ . ಶತ ಕೌರವ , ಹೀನಾಯ್ ಜಾವ್ನು ಮರಣ ಪಾವ್ತಾಲೆ ... ತುಂವೆ ದೋಳೆ ಉದ್ದಾಕ ಕಾಣು ರಳ್ಳೇ ಲೆ ಪೊಶಿ ಶಂಬರಿ ವಾಂಟೇನ .. ತಾಂಗೆಲೆ ಬಾಯ್ಲೋ ದುಃಖ ಪಾವತಾಲೀ೦ತಿ . ಸೂರ್ಯ ಚಂದ್ರ ತಾಂಗೆಲೆ ಗತಿ ವಿಸರ್ಲೆರಿಯಿ ... ಮಿಗ್ಗೆಲೆ ಉತ್ತರ೦ ಫಟ್ಟಿ ಜಾಯ್ನಾ ದ್ರೌಪದಿ .! ಮಕ್ಕಾ ಸುಭಧ್ರೆ  ವಿಂಗಡ , ತೂ ವಿಂಗಡ ನಯ್ . ತ್ಯೆ ಕೌರವಾಂಕ ತುಗ್ಗೆಲ್ ಬಮ್ಮಣಾನ ಕ್ಷಮಾಪಣ ದಿಲ್ಲೆರಿಯೀ ಹಾಂವ ತಾಂಕಾ ಕ್ಷಮಾ ಕರ್ನಾ ... ಮಿಗೆಲೆ ಉತ್ತರ ಆಯಿಕ್ , ಮಕ್ಕಾ ನ೦ಮ್ಗ .. " ಮೋಣು ಕೃಷ್ಣಾನ ದ್ರೌಪದಿಕ ಸಮಾಧಾನ ಕೆಲ್ಲಿ . ಕೃಷ್ಣಾನ ಭಾರಸೊರ್ಚೆ ಫೂಡೆ ... ಆನ್ನೇಕ ಪೊಟಿ ಸರ್ವಾಂಕ ಅಪ್ಪೋನು ಹಿತ ಬೋಧ ಕೆಲ್ಲೆ.  " ಧರ್ಮಜಾ ! ಯೆದೊಳ್ ತಾಯ್ ಝಲ್ಲೆಲೆ ವಿಸರಿ . ಆನಿ ಜಾವಚೆ ವಿಶಯಾಕ  ಆಲೋಚನ ಕರಿ . ಹೇ ಬಾರ ವರುಷ .. ಅಸ್ತ್ರ ವಿದ್ಯಾ ಸಾಧನ ಕರ್ಯಾತಿ . ಯೋಗ ಸಾಧನೆ ನಿಮಿತ್ಯ ಆತ್ಮ ಶಕ್ತಿ ವೃದ್ಧಿ ಕರ್ಯಾತಿ . ದ್ರೌಪದಿಲೆ  ಚೆರ್ಡುವಾಂಕ ದ್ರಷ್ಟದ್ಯುಮ್ನ ವೊಟ್ಟು ಪಾಂಚಾಲ ನಗರಾಕ ಪೆಟಯಾತಿ . ತಯೀ೦ಚಿ  ಅಸ್ತ್ರ ಶಸ್ತ್ರ ವಿದ್ಯಾಭ್ಯಾಸ ಕರ್ತಲಿ೦ತಿ . ತುಮ್ಮಿ ಸರ್ವಾನಿ  ಯೆಕು ವಿಷಯು ಮನಾ ದವೋರ್ನು ಘೆವ್ಕಾ ... ಕಾಲು ಮ್ಹಳ್ಳೆಲೆ ವಿಸೋರು ನಜ್ಜ ... ಗೆಲ್ಲೆಲೋ ಕಾಲು ವಾಪಾಸ್ ಯೇನಾ ... ಶ್ರಾಪ್ ಜಾವ್ನು ಆಯ್ಯಿಲೆ ವನವಾಸ , ವರ ಮೋಣು ಲೆಕ್ಯಾತಿ . ಹೇ ಕಾಲಾಂತು ದೈಹಿಕ ಶಕ್ತಿ ವಾಡ್ಡೋನು ಘೆಯ್ಯಾತಿ . ಕಾಮ್ಯಕಾ ವನಾ  ಪೊಷಿ , ತುಮ್ಮಿ ದ್ವೈತ ವನಾಕ ವೊಚ್ಛೆ ಲಾಯಕ್ . ಮಕ್ಕ ವೇಳು  ಮೆಳ್ಳೆಲೆ ತೆದ್ನಾ ತುಂಮ್ಕಾ ಯೇವ್ನು ಮೆಳ್ತಾ " ಮೋಣು ಸಂಘುನು .. ಸುಭದ್ರೆ ಅನಿ ಅಭಿಮನ್ಯುಕ ಘೇವ್ನು ಶ್ರೀಕೃಷ್ಣು ರಥಾರಿ ಚಳ್ಳೋ . ತಶೀ೦ಚಿ ,  ದ್ರುಪದ ಮಹಾರಾಯು ದ್ರೌ ಪದಿಲೆ  ಚೆರ್ಡುವಾಂಕ ಘೇವ್ನು ಪಾಂಚಾಲ ದೇಶಾಕ ಪ್ರಯಾಣ ಝಲ್ಲೋ 

                          ರಾತ್ರಿ ಸುಸ್ತು ಜಾವ್ನು ರುಕ್ಕ ಮುಳಾ೦ತು ನಿದ್ದೋನು  ಅಶಿಲೆ ತೆದ್ನಾ .. ದ್ರೌಪದಿಕ ಫುಳ್ಳೆ ದಿವಸ ವುಡ್ಘಾಸಾಕ ಯೆತ್ತಾ ... " ಛೇ ! ಹಾಂವ ಇಂದ್ರಪ್ರಸ್ತಾ

ರಾಣಿ ... ಪಂಚ ಪಾಂಡವಾಲಿ  ಬಾಯ್ಲ್ .... ದ್ರುಪದ ಮಹಾರಾಜಾಲೆ ಧೂವ ... ಸುಖಾರಿ ಅಶೀಲಿ ... ಮೋವು  ಕಪ್ಪಸಾ .. ರೇಷ್ಮಿ ಹಂತಲಾರಿ ಜಾವ್ನು ಹೊಡಿ ಝಲ್ಲೆಲಿ ...

ಆಜಿ ತಣಾ ಹಂತಲಾರಿ ನಿದ್ದೋಕಾ ಝಲ್ಲೆ  ! ದುಃಶ್ಶಾಸನಾನ ಭರ್ಲೆಲೆ ಸಭೇ೦ತು ಮತ್ತೇ ಕೇಶ್ಠ್ ಧೋರ್ನು , ಮಿಗೆಲೆ ಶೀಲ ಹರಣ ಕೊರ್ಚೆ ವೆಳ್ಯೇರಿ ... ವೀರಾದಿ ವೀರ

ತುಮ್ಮಿ ಪಾಂಡವ , ಮತ್ತೆ ಮುಳಾ ಘಾಲ್ನು ' ಷಂಡ ಶೀ ' ಬೊಶಿಲೀಂತಿ ... ಮಿಗೆಲೆ ಮಾನ ರಕ್ಷಣೆ ಕೊರುಂಕ ಹಾಥು ಉಠಾಕಾ ಅಶಿಲೆ ... ತ್ಯೆ ಸಭೇ೦ತು ... ಮಕ್ಕ ರಕ್ಷೆ ದೀನಾ

ನಾತ್ತಿಲೆ ತುಮ್ಮಿ .. ಕಸಲೆ ನ್ಯಾಯು ಧರ್ಮು ಮೋಣು ಅನಿಕಾಯ್ ಕಿತ್ಲೆ ದಿವಸ ಕಾಡ್ತಲೀ೦ತಿ  ? ಕ್ಷತ್ರಿಯ ಜಾವ್ನು ಜನ್ಮಾ ಆಯ್ಯಿಲೆಂಕ ಎಕ್ಲಿ ಬಾಯ್ಲ್ ಮನ್ಶೇಲೆ ಮಾನ

ರಾಕ್ಕುಂಕ ಜಾಯ್ನಾ ನಾತ್ತಿಲೆ ತುಮ್ಮಿ .. ಅನಿ  ಬಾರ ವರ್ಷ೦ ರಕ್ಕೂಕಾ ಕೀ ? ಅತ್ತಚಿ ಸಮ್ಮ ವೇಳು ... ಆಮ್ಗೆಲೆ ಸೈನ್ಯ , ಮಿತ್ರ ರಾಯಾಂಕ ವೊಟ್ಟು  ಕೋರ್ನು , ಯುದ್ಧ

ಕೋರ್ನು , ತ್ಯೇ ಕೌರವಾ೦ಗೆಲೆ ನಾಶ ಪೊಳೊಕಾ ಮಕ್ಕಾ ...! "  ದ್ರೌಪದಿ ಭೀಷಣ ಉತ್ತರ೦ ಅಯಿಕುನು ಭೀಮ ಅರ್ಜುನಾ ಕ ಭಿತ್ - ಭಿತರಿ ಕೋಪು ಉತ್ಪನ್ನ ಝಲ್ಲೋ . 

ಧರ್ಮಜ : " ಪಾಂಚಾಲಿ .. ! ಮನುಷ್ಯಾಕ ಕೋಪು ಮ್ಹಳ್ಳಲೊ ಹೋಡು ಶ್ರಾಪು . ಕೋಪಾನ ಸರ್ವ ನಾಶ ಝತ್ತಾ . ಕೋಪು ಆಯ್ಯಿಲೆ ಮನ್ಶ್ಯಾಕ , ಸಮ್ಮ ಕಸಲೆ ವಾಯ್ಟ್ ಕಸಲೆ ಮ್ಹಳ್ಳೆಲೆ ಜ್ಞಾನ ಅಸ್ಸನಾ ... ವಿಚಾರು ಕೊರ್ಚೆ ಶಕ್ತಿ ಅಸ್ಸನಾ .. ಕೋಪು ಆಯ್ಯಿಲೆ ತೆದ್ನಾ ವಿಚಾರು ಕರ್ನಾಶಿ .. ಹತ್ಯಾ ಕರ್ತಾತಿ . ಏಕ ಹತ್ಯಾ ಮಾಕ್ಷಿ ..  ಧಾ ಹತ್ಯಾ .. ಮಾಕ್ಷೀಚಿ ಹಜಾರ , ಲಕ್ಷ  ಹತ್ಯಾ ಕೋರ್ಕಾ ಪೊಡ್ತಾ . ವಿವೇಕ ಅನಿ ವಿಚಾರಣಾ ಶಕ್ತಿ ಊಣೆ ಜಾವ್ನು ಮನುಷ್ಯಾಕ ಕೋಪು ಯೆತ್ತಾ . ಕೋಪು ಪಾಪಾಕ ನರಕಾಕ ವಾಟ ಕರ್ತಾ .. ವಿವೇಕ ನಾತ್ತಿಲೆ ಲೋಕು .. ಕೋಪು ತಂಗೆಲೊ ಶಕ್ತಿ ಮೋಣು  ಲೆಕ್ತಾತಿ . ಅನಿ ಕೋಪಾರಿ ಸರ್ವ ನಾಶಾಕ ಕಾರಣ ಝತ್ತಾತಿ . ಬುದ್ಧಿಮಾನ್ ಲೋಕು , ಸಮಾಧಾನ್ ಘೇವ್ನು ಧರ್ಮ ಪಾಲನ ಕರ್ತಾತಿ ... ಅಮ್ಮಿ ಧರ್ಮ ಪಾಲನ ಕೆಲ್ಲಾ . ಹ್ಯೇ ಕಷ್ಠ ಕಾಲಾಂತು .. ಅಮ್ಮಿ ವಿವೇಚನ ಕೊರ್ಚೆ ಸೊಡು ನಜ್ಜ . ವೇಳು ಅಯಿಲಾ ಪಾಂಚಾಲಿ .. ಸಮಾಧಾನ ಕೊರುಂಕ .. ಸಮಾಧಾನ ಯೇಕ ಶಕ್ತಿ ಕೊರುಂಕ .. ಮನ ಶಾಂತ ಕರಿ , ಝಲ್ಲೆಲೆ ಅವಮಾನ ಸಹನ ಕರಿ . ಹೀ ಸಹನ ಶಕ್ತಿ .. ತಾಂಕಾ ಕ್ಷಮ ಕೊರುಂಕ ಬುದ್ಧಿ ದಿತ್ತಾ . ಕ್ಷಮ ಕೆಲ್ಲೆಲೆ ತೆದ್ನಾ .. ತುಗೆಲೆ ಮನ ಶಾಂತ ಝತ್ತಾ . ಶಾಂತ ನಾತ್ತಿಲೆ ಮನಾರಿ ಸೂಖ ಪೋಳೋಚ್ಯಾ ಜಾಯ್ನಾ ಪಾಂಚಾಲಿ ! ಕ್ಷಮಾ ಕೊರ್ಚ್ಯೆ ಯೇಕ ಹೊಡ ಗೂಣ .. ತ್ಯೇ .. ಏಕ ಹೊಡ ತಪಸ್ಯ ! ಪ್ರೇರಣಾ ! ... ಆಮ್ಗೆಲಿ ಪರಂಪರಾ .. ಅನಿಕಯ್ ಪವಿತ್ರ . ಪಾಂಚಾಲಿ ! ... ಪವಿತ್ರ ಮನ .. ಶಾಂತ ಮನ .. ಹ್ಯೆಂಚಿ ಸತ್ಯ !! ಸತ್ಯಚಿ ಶಿವ ಸಮಾನ .. ಸುಂದರ . ಕೋಣ ಆಪಣೇಕ ಸ್ವತಹ ಸ್ವಯಂ ನಿಯಂತ್ರಣ ಕೋರ್ನು ಘೇತ್ತಾ ಕೀ .. ತ್ಯೋ ಮನುಷು 'ಸಾರ್ವಭ್ಹೌಮ' ಜಾವ್ಚ್ಯಾ ಸಾಧ್ಯ ಅಸ್ಸ . ಸ್ವಯಂ ನಿಯಂತ್ರಣಾಕ ..  ಕ್ಷಮ ಕೊರ್ಚೆ ಅಗತ್ಯ ಪೊಡ್ತಾ . ಹಾಂವ ಮಿಗೆಲೆ ಧರ್ಮ ಪಾಲನ ಕೊರುಂಕ .. ಸರ್ವ ಪ್ರಯತ್ನ ಕರ್ತಾ ಪಾಂಚಾಲಿ "

ದ್ರೌಪದಿ : " ಹಾಂವ ತುಮ್ಕಾ ಖೂಪ್ ಪ್ರಶಂಸಾ ಕರ್ತಾ . ತುಮ್ಗೆಲೆ ಧರ್ಮ ವಿಚಾರಾಕ ನಿಂದಾ ಕರನಾ . ಝಲ್ಯೇರಿ .. ಮನುಷ್ಯಾನ  ಹ್ಯೇ ವೆಳ್ಯೇರಿ ತಗೆಲೆ ಕರ್ತವ್ಯ ಕೋರ್ಕಾ ಮೋಣು ಸಾಂಗ್ತಾ . ಸಂಧಿ ಖತಿರಿ ರಾಕ್ತಾಲೆ , ಪ್ರಾರಬ್ಧ ಮೋಣು ನುತ ಬೊಸ್ತಾಲೆ .. ತಾಂಗೆಲೆ ಕರ್ತವ್ಯ ದಿಕಾನ ಪೊಳೈನಾತಿ ಹ್ಯೇ ತಾಂಗೆಲೆ ದುರ್ಬಲತಾ . ಕ್ರಿಯಾನ್ಮುಖಿ ಜಾವ್ನು ಕಾರ್ಯ ಶೀಲತಾ ವಿಷಯಾನ ಆಲೋಚನಾ ಕೋರ್ಕಾ ಮೋಣು ಸಾಂಗ್ತಾ . ಜಯ ಅನಿ ಅಪಜಯ ಸಂದರ್ಭಾ ಸಮ್ಮ್ ಜಾವ್ನು ಆಸ್ತಾ "

ಭೀಮ : " ಅಣ್ಣಾ ! ಹಾಂವ ತುಗೆಲೆ ವಿನಂತಿ ಕರ್ತಾ .. ಅಸಲೆ ದುಷ್ಠ ಲೋಕಾಂಕ ಅಶೀಚ್ಯ್ ಸೊಡು ನಜ್ಜ . ಹಸ್ತಿನಾವತಿ ವೈರಿ ಯುದ್ಧ ಘೋಷಣ ಕರಿ . ಧುರ್ಯೋಧನ ದುಃಶ್ಶಾಸನ ಹಂಗೆಲೆ ಹರ್ದೆ ಪಿಸೊಳ್ನು ಘಾಲ್ತಾ . ತನ್ನಿ ಕೆಲ್ಲೆಲೆ ದುರಾಚಾರಾಕ .. ಹಾಂವ ತಂಕಾ ಚಿತ್ರ ಹಿಂಸಾ ದೀವ್ನು,  ದಿವಿಶಿ ಮಾರ್ಕಾ ಮೋಣು ಲೆಕ್ಲಾ ಹೇಂಚಿ ಕ್ಷತ್ರಿಯ ಧರ್ಮು "

ಧರ್ಮಜ : " ಭೀಮಾ ! ಖರೆತರ್ ಮಿಗೆಲೆ ಆತ್ಮ .. ಅಮ್ಕಾ ಝಲ್ಲೆಲೆ ಅನ್ಯಾಯಾ ಖತಿರಿ ಜಳ್ತಾ . ತೂವೆ ಸಾಂಗ್ಚ್ಯಾಂತು ನ್ಯಾಯು ಅಸ್ಸ . ಕಿತೆ ಕೊರ್ಚೆ ? ಹಾಂವೆ ವಚನ ದಿಲ್ಲಾ . ಪ್ರತಿಜ್ಞಾ ಕೆಲ್ಲಾ ವನವಾಸಾಕ .. ಅನಿ ಏಕ ವರುಷ ಅಜ್ಞಾತ ವಾಸಾಕ . ದಿಲ್ಲೆಲೆ ಉತ್ತರ೦ ಮೀರ್ವುಚ್ಯಾ  ಜಾಯ್ನಾ . ಸದಾಚಾರ , ಸದ್ಗುಣ ಜೀವನಾಂತು .. ಏಕ ವಿಶೇಷ ಗುಣ ಅಸ್ಸುಕಾ . ತೆದ್ನಾ ಮಾತ್ರ ಜೀವನ ಉತ್ಕೃಷ್ಠ ಝತ್ತಾ ... ಆತ್ಮ ಧನ್ಯ ಝತ್ತಾ "

                    ಸರ್ವ ಮೌನ ಜಾವ್ನು ಚಿಂತನ ಕೋರು ಶುರು ಕೆಲ್ಲೆ . ಆಜಿ ನಾತ್ಲೆರಿ ಫಲ್ಲೆ .. ಯುದ್ಧ ಖಂಡಿತ ಝತ್ತಲೆ . ಯುದ್ಧಾಕ ... ದ್ರೋಣಾಚಾರ್ಯ , ಭೀಷ್ಮಾಚಾರ್ಯ ಹಾಂಗೇಲೆ ಅಶಿಲೆ ದಿವ್ಯಾಸ್ತ್ರ ಪ್ರಯೋಗಾರಿ ಯೆತ್ತಲೇ  . ತಸಲೆ ದಿವ್ಯಾಸ್ತ್ರ ಆಮ್ಗೆಲೆ ಅಸ್ಸ ಕೀ ..! ಹೇ ಚಿಂತನೆ ವಿಷಯು . ಅಸಲೆ ವೆಳ್ಯೇರಿ ವ್ಯಾಸಮಹರ್ಷಿ ತ೦ಯಿ ಯೇವ್ನು ಪಾವ್ತಾ . ಅರ್ಜುನಾಕ ಕೈಲಾಸಾಕ ವೊಚ್ಚುನು ತಪಸ್ಸ್ ಕೋರ್ನು , ಶಿವಾಲೆ ಪಾಶುಪತಾಸ್ತ್ರ ಸಂಪಾದನಾ ಕೊರುಂಕ ಸೂಚನ ದಿತ್ತಾ . ಅರ್ಜುನು,  ವ್ಯಾಸ ಮಹರ್ಷಿನ ಸಂಘಿಲ್ ತಷೀಚ್ಯ್ ಕೈಲಾಸ ಪರ್ವತ ಪ್ರಾಂತ್ಯಾಕ ಯೇವ್ನು ಪಾವ್ತಾ . ಏಕ ರುಕ್ಕಾ ಮುಳಾಂತು ಶಿವಾಲಿ ಸ್ಮರಣ ಕೋರ್ನು ಸ್ತುತಿ ಕೋರ್ನು ತಪಸ್ಯ ಆರಂಭ ಕರ್ತಾ . ಅರ್ಜುನಾಲೆ ತಪಸ್ಯ ದೀಸ್ ಪೋಷಿ ದೀಸ ತೀಕ್ಷ್ಣ ಝತ್ತಾ ವತ್ತಾ . ಅನ್ನ- ಆಹಾರ ನಾತ್ತಿಲೆ ತಪಸ್ಯಾಕ ಶಿವಾಲೆ ಗಣ ಪೋಳೋನು ಭಿತ್ತಾತಿ . ಅರ್ಜುನಾಲೆ  ಓಂಕಾರಾಕ ಕೈಲಾಸ  ಹಿಮ ಕರ್ಗಾತಾ . ಭೇತ್ತುನು ನಿಸೋರ್ನು ಹಿಮ ಧೋ ..  ಧೋ ...  ಧೋ ಮೋಣು ವಿನಾಶ ದಿಕಾನ ವತ್ತಾ 

ಉಮಾಪತಿ