UDUPA VAAGU ( Konkani Kavita )

UDUPA VAAGU ( Konkani Kavita ) ಕಿತ್ಲೇ ಚ೦ದಿ ಮೀಶಿರೆ ವಾಗಾ , ಭಂಯ್ಯ ಕರತಾ ಪೊಳೈತನ ವಾಗಾ !!

ಕನ್ನಾ ಘುಟ್ಟು ಕಸಲೆ ವಾಗಾ , ಘುರ್ - ಘುರ್ನ್ನು ಮಕ್ಕಾ ಪೊಳೈತಾ ವಾಗಾ ??

ಹಾಸು ಯೇತ್ತ್ರೆ ಮಕ್ಕ ವಾಗಾ , ಘರಾ ಕಿತ್ಯಾ ಅಯಿಲಾ ವಾಗಾ ?

ಕಿತ್ಲೇ ಭೀವೈತಾ ಮಕ್ಕ ವಾಗಾ ,ನಾ೦ಚ್ರೆ ಠಕ್ಕರ ತಾಳ ವಾಗಾ ಡು೦ಮ್ಮ ಡು೦ಮ್ಮಾ ಟಕ್ಕರ ತಾಳ , ಮತ್ತೆ ಹಲ್ಲೋನು ನಾ೦ಚರೆ ವಾಗಾ ಸಂತೋಷು ಪಾವ್ತಾ ನಂಚಾಕ ವಾಗಾ , ಚೆರ್ಡು ಬಾಳ ನಾಂತಾತಿ ವಾಗಾ

ಚಂದಿ ಮೀಶೆ ತುಗೆಲಿ ವಾಗಾ , ಮೀಶೆ ಘು೦ವಡಾನು ನಾಂಚ್ರೆ ವಾಗಾ ನಂಚುನು ಲೋಕಾಂಕ ಹಾಸೈತಾ ಕೀ ..,ಲೋಕಾಲೆ ಹಾಸಾಕ ನಂತಾ ಕೀ ? ಪೋಟೋನು ಧರಥಾ ವಾಗ ಪೆಟ್ಯಾ , ಆನಂದ ಹೃದಯ ಧರತಾ ವಾಗಾ ಮೊಗು ಕೋರ್ಕಾ ದಿಸ್ತಾರೆ ವಾಗಾ ,ಮೀಶೆ ಖೋಮಪ್ತಾ ಮಕ್ಕಾ ವಾಗಾ ! ಡ೦ಗರ ಡಿ೦ಗಿರ ಢ೦ನ್ನ ವಾಗಾ ,ನಂಚುನು ದಕ್ಕಯಿ ಪಟ್ಟೇ ವಾಗಾ ಲೋಕು ಪೋಳೋನು ಹಸ್ತಾರೆ ವಾಗ , ಲಿಂಬಿಯೊ ಕಿತ್ಯಾ ತೊಂಡಾ ವಾಗಾ ? ಬಣ್ಣಾ ವೇಷು ಪಟ್ಟೇ ವೇಷು ,ಚಿಟ್ಟೆ ಚಿತ್ರ ವಿಚಿತ್ರ ವೇಷು .. ಕಿತ್ಲೊ ಚಂದು ಝಲ್ಲಾರೆ ವಾಗಾ ! ಆನಂದ ಪಾವ್ತಾ ನಂಚಾರಿ ವಾಗಾ    ನಂಚುನು ಮಂಥಾರೋ ಝಲ್ಲೋ ವಾಗಾ , ಮನಾತ್ ಅನಿಕಯ್ ಕುವರು ವಾಗಾ ಬೊಶಿಲೆ ಕಡೇನ ಭುಜ್ಜ್ಯೋ ಹಲ್ಲೆಯಿತಾ , ತುಗೆಲೆ ತಾಳಾಕ ನಂತಾ ವಾಗಾ ಕುಟುಂಬ ಘೇವ್ನು ಅಯಿಲಾ ವಾಗಾ , ಅಷ್ಠಮಿ ಚವತಿ ಉಂಡೊ ಖಾರೆವಾಗ

ಖೊಟ್ಟೊ ಮಡ್ಗಣೆ ಭುರ್ಖುನ್ ನಾ೦ಚ , ಮತ್ತೆ ಬಾಲ ಹಲ್ಲೋನು ನಾ೦ಚ ಶಂಬರಿ ಪಾವನಾ ಪಾಯಿಂಶಿ ಜಾಯಿ , ಸಂಪಾದನಾ ಖಂಯ್ ಮಕ್ಕಾ ವಾಗಾ ?

ತುಕ್ಕಾ ಭೀನಾ ಅತ್ತ ವಾಗಾ , ಭಿತ್ತ ಅತ್ತ ದುಡ್ಡುವಾಕ ವಾಗಾ ... !

ಶಂಬರಿ ಹತ್ತಾ ಧರಿ ವಾಗಾ , ನಾಂಚಾ ಶಿಖ್ಲೀ೦ತಿ ಚೆರ್ಡು೦ವ ವಾಗಾ ಪರತ ಯೋರೆ ದಸರಾ ವಾಗಾ , ರಕ್ಕುನು ರಬ್ತಾತಿ ನಾಂಚಾಕ ವಾಗಾ ಉಮಾಪತಿ

UDUPA VAAGU ( Konkani Kavita )

कितले चंदि मीशे रे वागा , भंयया करता पोळैतना वागा ! कन्ना घुट्टु कसले वागा , घुर - घुर्नु मक्का पोळैता वागा ? हासु एत्त्रे मक्का वागा , घरा कित्या अईला वागा ? कितले भीवैता मक्का वागा , नांचरे ठक्कर ताळ वागा डुमम डुममा टककर ताळा , मत्ते हल्लोन नांचरे वागा संतोष पावता नांचाक वागा , चेरडु बाळ नंताति वागा चंदि मिषें तुगेलि वागा , मिषें घुंवडान नांचरे वागा नंचुणू लोकांक हासैता की , लोकाले हासाक नंता की ? पोटोन धरता वागा पेट्या , आनंद हृदया धरता वागा मोगू कोरका दिस्तारे वागा , मिषें खोम्पता मक्का वागा !

डांगर डिंगीर  दण्णा वागा , नाचून दक्कायी पट्टे वागा 

लोकू पोळोन हासतारे वागा , लिंबियो कीत्या तोंडा वागा ?

बण्णा वेशू पट्टे वेशू , चिट्टे चित्र विचित्र  वेशू  ..

कितलो चंदु झल्लारे वागा !, आनंद पावता नांचारि वागा 

नाँचूनु   मंथारो झाल्लो वागा , मनात अनिकय कुवरु वागा 

बोशीले कडेन भुज्जो हल्लयीता , तुगेले ताळाक  नंता वागा 

कुटुंब घेवनू आईला वागा , अष्टमी चावती उंडो खारेवागा 

खोट्टो मडगणे बुरखून नांच , मत्ते बाल हल्लोन नांच                          

शंबरि पावना पायिंशी जायिं , संपादन खंय मक्का वागा  ? 

तुक्का भीना अत्ता वागा , भित्ता अत्ता दुड्डूवाका वागा ...!

शंबरि  हत्ता धरीं वागा , नांचा शिखलींती  चेरडूंव वागा 

परत योरे दसरा वागा , रक्कूनू राबताती नांचाक वागा 

उमापति         

KONKANI SUNDARA BHOONYI ( Konkani Kavita )

KONKANI SUNDAR BHOONYI         ( konkani Kavita )

ಹಾ೦ವ  ಕೊಂಕಣಿ ವಿಚಾರ್ ಕೊಂಕಣಿ , ಜೀವನ ಮಿಗೆಲೆ ಸಂಸ್ಕೃತಿ ಚರಣಿ

ಕೊಂಕಣಿ ಮಿಗೆಲೆ ಧ್ಯಾಸು ರಮಣಿ , ಹೃದಯಾ ಧರತಾ ನಿರ್ಮಲ ಪಾವನಿ 

ಗರ್ವ ಪಾವ ಕೊಂಕಣಿ ಬಂಧು , ಉಲ್ಲಯಿ ಬೊರಯೀ  ಪ್ರತಿನಿತ್ಯ ಕೊಂಕಣಿ 

ದೇವನಾಗರಿ ಕೊಂಕಣಿ ನಿತ್ಯ ಬೊರೈ , ಸಾಹಿತ್ಯ ಕವಿತಾ ಸಮಾಜ ವಡ್ಡಯಿ 

ಎತ್ತಲಿ ಮುಕಾರ್ಚಿ ಆಮ್ಚಿ ಪೀಳಿ , ವಜ್ಜಿತಲಿ ಕೊಂಕಣಿ ವರ್ತಲಿ ಸಂಸ್ಕೃತಿ 

ಉಠಾನು ರಾಬ ಕೊಂಕಣಿ ಬಂಧು , ಉಬ್ಬಯಿ ಹಜಾರ ಪತಾಕ ಕೊಂಕಣಿ

ವಿಶ್ವ ಪೊಳೊನ್ ಚಕಿತ ಝವ್ವೊ , ಕೊಂಕಣಿ ವಿಜ್ನಾನ ಹ೦ಗಾ ಭಾರತಿ 

ಗಂಗಾ ಗೋದಾರಿ ಯಮುನಾ ಕಾವೇರಿ , ಮಾಲಾ ಭಾರತಿ ಸುತ್ತು  ಸರಸ್ವತಿ 

ಹರಿಯಾಲಿ ಸಮೃದ್ಧಿ ಭೂಮಿ ಕೊಂಕಣಿ , ತಾಂಬ್ಡಿ  ಮಾತ್ತೀ ಕಂಪ ಧರತೀ 

ದಯ್ಯಾರ  ದಯ್ಯಾ ದೋಣಿ ವತ್ತಲಿ , ಸುಂದರ ಮಂದಾರ ಭಾಘ್ಯ ಖಿಲ್ತಾಲಿ    

ಕೃಷಿಕ ದುರ್ಭಳೆ ಉದ್ಧಾರ ಝತ್ತಲೇ , ಶಾಂತ ಪ್ರೇಮ ಅನುರಾಗ ವಾ೦ಟಿತ್ಲೆ 

ಕೊಂಕಣಿ  ನಾಡ  ಸುಂದರ ಭೂ೦ಯಿ  , ಭಾಗ್ಯ  ಉಗಡ್ತಲೆ  ಭಾಂಗರ್ ಜತ್ತಲೇ       

ಉಮಾಪತಿ

 KONKANI SUNDAR BHOONYI         ( konkani Kavita )

हांवा कोंकणी विचार कोंकणी , जीवना मिगेले संस्क्रती चरणी 

कोंकणी मिगेली ध्यासु रमणी , हृदया धरता निर्मल पावनी 

गर्व पाव कोंकणी बंधू , उल्लायी बोरायी प्रतिनित्य कोंकणी 

देवनागरि कोंकणी नित्य बोरै  , साहित्य कविता समाज वड्डायी

येत्ताली मुकरची आमची पीळी , वज्जीतली कोंकणी वर्तली संस्कृती 

उठानु राब कोंकणी बन्धु , उब्बायी हजार पताका कोंकणी 

विश्व पोळोन चकित झाव्वो , कोंकणी  विज्ञान  हांगा  भरती 

गंगा गोदारी यमुना कावेरी  , माला भारती सुत्तू सरस्वति

हरियाली समृद्धी भूमि कोंकणी , तामबड़ी  मत्ति कम्पा धरती 

दय्यारे दय्या दोणि वत्तली , सुंदर मंदार भाग्य खिलताली   

कृषिक  दुर्भाळे उद्धार जात्तले , शांत प्रेम अनुराग वांटीतले 

कोंकणी नाड सुंदर भूई  , भाग्य उगडताले  भंगार जात्तले 

उमापति

MAHABHARATH Part -13 ( Konkani Bhashentu ) Paashupataastra

MAHAABHARATH  Part - 13    ( Konkani Bhashentu ) 

PAASHUPATAASTRA 

                              ಅರ್ಜುನು , ವ್ಯಾಸ ಮಹರ್ಷಿನ ಸಂಘಿಲ್ ತಶೀಚ್ಯಿ ಕೈಲಾಸ ಪರ್ವತ ಪ್ರಾಂತ್ಯಾಕ ಪಾವ್ತಾ . ಸುಂದರ ಮಾನಸ ಸರೋವರ ಪೋಳೋನು ಆನಂದ ಪಾವ್ತಾ  . ಮಾನಸ ಸರೋವರ ತಟಾರಿ ಏಕ್ ರುಕ್ ಮುಳಾಂತು ಶಿವಲಿಂಗ ಸ್ಥಾಪನ ಕೋರ್ನು  ಶಿವಾಲೆ ಸ್ತುತಿ ಕೋರ್ನು ತಪಸ್ಯ ಪ್ರಾರಂಭಕರ್ತಾ.  ." ಓಮ್ ನಮಃಶಿವಾಯ  ಓಮ್.. ಓಮ್ ನಮಃಶಿವಾಯ ...  ಓಮ್ ನಮಃಶಿ

ವಾಯ. ಓಮ್ " ಅರ್ಜುನಾಲೆ ತಪಸ್ಯ ದೀಸ್ ಪೊಷಿ ದೀಸ ತೀಕ್ಷಣ ಝತ್ತಾ ವತ್ತಾ . ಅನ್ನ ಆಹಾರು ನತ್ತಿಲೆ ತಪಸ್ಯಾಕ ಶಿವಾಲೆ ಗಣ ಪೋಳೋನು ಭಿತ್ತಾತಿ . ಅರ್ಜುನಾಲೆ ಓಂಕಾರಾಕ ... ಕೈಲಾಸಾ ಹಿಮ ಕರ್ಗತಾ .. ಭೆತ್ತುನು , ನಿಸೋರ್ನು ' ಧೋ ಧೋ ' ಮೋಣು ಶಿಖರಾ ದುಕುನು ಪ್ರಪಾತಾಕ ಪೊಡ್ತಾ . ನಿಶಬ್ದ ನಿರಾಳ ಶಾಂತ ವಾತಾವರಣಾ೦ತು  ,  ಹಿಮ ಧೆಪ್ಪಳ ನಿಸೋರ್ನು ಪೊಡ್ಚೆ ಶಬ್ದ ಗುಡುಗು ಮಿಂಚಾಕ ಆಮಂತ್ರಣ ದಿಲ್ಲೆ ಮ್ಹಣ್ಕೆ ಕರ್ಕಶ ಜಾವ್ನು ಅಯಿಕುಚಾ ಶುರು ಝಲ್ಲೆ . ಗಂಗಾ ಶಾಂತ ಜಾವ್ನು ದೆಂವ್ತಾಶಿಲಿ ಯೇಕಾನ್ -ಯೇಕಿ ಉಡ್ಡುನು ಹಿಮ ಶೀಲಾ ಘೇವ್ನು ಪ್ರಪಾತಾಕ ಧೋ ಧೋ  ಭೀಭತ್ಸ ಶಬ್ಧು ಕೋರ್ನು ದೆ೦ವ್ಚ್ಯಕ  ಶುರು ಕೆಲ್ಲೆ ...  ಕೈಲಾಸ ಗಡ್ -ಘಡ್ಲೆ . ಕೈಲಾಸ  ವನ ಮೃಗ ಪಕ್ಷಿ ಭೀವ್ನು ಮೆಳ್ಳೆ ಮೆಳ್ಳೆ ದಿಕಾನ ಧಾಂವ್ಲ್ಲೆ. ಅರ್ಜುನಾಲೆ ಓಂಕಾರ .. ಓಂ ಶಕ್ತಿಕ ಮೆಳ್ತಾ . ಶಕ್ತಿ ದೊಳೆ ಸೋಣು ಪೊಳೈತಾ .. ಧ್ಯಾನಾಕ ಬೊಶಿಲೆ ಶಿವಾಕ ಜಾಗೈತಾ . ಸರ್ವ೦ತ್ರಯಾಮಿ ಶಿವಾಕ .. ಯೇಕ ನಿಮಿಷ ಭಿತರಿ ವ್ಯಾಸ ಮಹರ್ಷಿಲೆ ಉಪದೇಶಾ ಪ್ರಕಾರ ಅರ್ಜುನು ಪಾಶುಪತಾಸ್ತ್ರಾ ಖತೀರಿ ಐಲಾ ಮೋಣು  ಕಳ್ತಾ . ಓಮ್ ಶಕ್ತಿಲೆ ವೊಟ್ಟು ಮೆಳ್ಳೆಲೆ ಅರ್ಜುನಾಲೆ ಓಮ್ ಕಾರು ... ಹಗೆಲ್ ಶಕ್ತಿ ಪರೀಕ್ಷಾ ಕೋರ್ಕಾ ಮೋಣು  ಶಿವಾಕ ದಿಸ್ತಾ . " ಪರಾಶಕ್ತಿ ! ಪಾಶುಪತಾಸ್ತ್ರಘೇವ್ಚ್ಯಾ ಆಯ್ಯಿಲೆ ಅರ್ಜುನಾಲೆ ಶಕ್ತಿ ಪರೀಕ್ಷಾ ಕೋರ್ಯಾ .. ಮಿಗೆಲೆ ವೊಟ್ಟು ಯೋ " ಮೋಣು ಅಪ್ಪಾಯಿತಾ ಶಿವು . ಏಕ ರಾನ್ ಡುಕ್ರಾ ಸೃಷ್ಠಿ ಕೋರ್ನು , ತ್ಯೆ ರಾನ್ ಡುಕ್ರಾ ಮಾರುಂಕ ಮಾಕ್ಷಿ ಪೊಳ್ಳೆಲೆ ಕಿರಾತಾಂಗೆಲೇ ವೇಷ ಧಾರಣ ಕೋರ್ನು ... ಫಾಟಿ ಲಗ್ಗಿಲೆ ಶಿಖಾರಿ ಶೇ ..  ಮಾಕ್ಷೀಚ್ಯಿ ವತ್ತಾತಿ . ತ್ಯೆ ರಾನ್ ಡುಕ್ಕರ ಪ್ರಾಣ ಭೀತಿನ ಚೀತ್ಕಾರ ಕೋರ್ನು  ಅರ್ಜುನಾನ ತಪಸ್ಯ ಕೋರ್ನು  ಬಶಿಲೆ ಜಾಗೇರಿ ಯೆತ್ತಾ . ಅರ್ಜುನಾ ಲೇ ತಪಸ್ಯ , ಏಕಾಗ್ರತ ಚುಕ್ತಾ . ಕೋಪು ಆಯ್ಯಿಲೋ ಅರ್ಜುನು , ಗಾಂಡೀವ ಹತ್ತಾ೦ತು  ಧೋರ್ನು ಶಬ್ದ ಭೇದಿ ಬಾಣ ಸೊಡ್ತಾ . ಯೆಕ್ಕ ವೆಳ್ಯೇರಿ ದೋನಿ  ಬಾಣ ಲಗ್ಗಿಲೆ ನಿಮಿತ್ಯ ವರಾಹ ರೂಪಾರಿ ಅಶಿಲೋ ಮೂಕಾಸುರ ವಿಲ್- ವಿಲಾನು ಜೀವು ಸೊಡ್ತಾ . ಶಿಖಾರ್ ಸೊದ್ದುನು ಅರ್ಜುನು ಡುಕ್ರಾ ಲಗ್ಗಿ ಯೆತ್ತಾ . ತ್ಯೇಚಿ  ವೆಳ್ಯೇರಿ ಶಿವ ಕಿರಾತು ಅನಿ ತಾಗೆಲೆ  ಲೋಕು ತ೦ಯಿ  ಯೇವ್ನು ಪಾವತಾತಿ . ಶಿವ ಕಿರಾತು ಭಾರಿ ಸಂತೋಷಾರಿ " ಮಿಗೆಲೆ ಬಾಣಾಕ ಶಿಖಾರ ಮೆಳ್ಳೆ  ... ಆ ಹಾ ಹಾ ಹಾ " ಮೋಣು ಸಾಂಗ್ತಾ . ಅರ್ಜುನಾಕ ಆಶ್ಚರ್ಯ ಝತ್ತಾ " ಅರೆ !... ಮಿಗ್ಗೆಲೆ ಬಾಣಾಕ ಸುರ್ವೆಕ ಶಿಖಾರ ಝಲ್ಲೆಲೆ ಪೋಳೆ ! ಹ್ಯೇ ಮಿಗೆಲೆ ಬಾಣು .... " ಬಾಣು ದಕ್ಕಾಯಿತಾನಾ ದೊನ್ನಿ ಬಾಣು ಅರ್ಜುನು ಪೊಳೈತಾ ... ತ್ಯೇ  ಕಿರಾತಾಲೊ . ಸಾಧಾರಣ ಕಿರಾತಾಲೆ ಎದ್ರಾಕ .. ಸನ್ನ- ಪಣ ದಕ್ಕೋಚೆ ಕಿತ್ಯಾಕ ? ಮೋಣು ಲೆಕ್ಕುನು ಸಮಾಧಾನೇರಿ " ಹ್ಯೇ ಮಿಗೆಲೆ ಶಿಖಾರ ... ಮಿಗ್ಗೆಲೆ ಬಾಣಾಕ ಲಗ್ಗಿಲೆ" ಮ್ಹಳ್ಳಲೋ ಅರ್ಜುನು 

ಕಿರಾತ : " ತುಗ್ಗೆಲ್ ಶಿಖಾರ ಕಶಿ ಝತ್ತಾ ? ಪೊಳೆ ಮಿಗೆಲೆ ಬಾಣಾಕ ಲಗ್ಗಿಲೆ ಶಿಖಾರ .. ಏಯ್ ಮುನಿ ! ಮಸ್ತ ಸೊಕ್ಕು ದಕ್ಕೋನುಕಾ ಮಿಗೆಲೆಗಿ ... ಮಕ್ಕಾ ಕೋಪು ಅಯಿಲೇರಿ ತುಕ್ಕಾ ಆಶೀ ಬಿನಿ ಸೋಣಾ " ಮ್ಹಳ್ಳಲೋ ಕಿರಾತ ರೂಪಾರಿ ಅಶಿಲೋ ಶಿವು                                    

ಅರ್ಜುನ :" ಹಾಂವ ದ್ರೋಣಾಚಾರ್ಯಲೆ ಶಿಷ್ಯ .. ಕ್ಷತ್ರಿಯ .. ಪಾಂಡುನಂದನ .. ಅರ್ಜುನು ಹಾಂವ .. ಶಬ್ದ ಭೇಧಿ ಬಾಣ ಸೊಳ್ಳೆಲೆ ಹಾಂವೆ ... ಶಿಖಾರ ತಿತಲೆ ವಗ್ಗಿ ಸೋಣು  ದೀನಾ " 

ಶಿವ ಕಿರಾತ : ತೂ ಕೋಣ ಝಲ್ಲೇರಿ ಮಕ್ಕಾ  ಕಿತ್ಯೆ  ..! ಹಾಂವ ಕಿರಾತ ಕುಲಪತಿ .. ಶಬ್ದ ಭೇಧಿ ಅಸ್ತ್ರ ವಿಶಾರದು ಹಾಂವ . ಮಿಗೆಲೆ ಏಕ ಬಾಣಾಕ ತೂ ಧೂಳಿ ಝತ್ತಲೋ ಅಲ್ಪ ತೂ ! . ಕಿತ್ಯೆ .. ತೂ ಕ್ಷತ್ರಿಯ ಕೀ ? ಕ್ಷತ್ರಿಯ ಝಲ್ಲೆರಿ ಮಿಗೆಲೆ ವೊಟ್ಟು ಯುದ್ಧ ಕರಿ . ಕ್ಷತ್ರಿಯ , ದ್ರೋಣಾಚಾರ್ಯ ಲೆ ಶಿಷ್ಯ .. ಪಾಂಡುನಂದನ , ಮೋಣು ಅಹ೦ಕಾರ  ದಕ್ಕೋನಕ್ಕಾ .. ತಿತ್ಲೆ ಶಕ್ತಿ ತುಗ್ಗೆಲ್ ಬಾಣಾಕ  ಅಸ್ಲೆರಿ ಮಿಗೆಲೆ ಯುದ್ಧ ಕೋರ್ನು ಶಿಖಾರ ವ್ಹರಿ  "

ಕಿರಾತಾಲೆ  ಉತ್ರಾ೦ಕ ಅರ್ಜುನಾಕ ಇತ್ಲೆ ಕೋಪು ಅಯಿಲೆ .. ಸರ್ರನಿ ಮಾಯಾ ಬಾಣು ಕಾಣು , ಘಾಯ ಕೋರ್ನು  ತಾಕ್ಕಾ ಭೀವೊಚಾಕ .. ಪ್ರಯೋಗ ಕೆಲ್ಲೆ . ಬಾಣು ಕಿರಾತಕ ಲಾಗ್ತಾ ವಿನಾಹಾ .. ಕಿರಾತಾಕ ಘಾಯು ಜಾಯ್ನಾ . ಎಕ್ಕಾ  ಮಾಕ್ಷಿ ಏಕ ತೀಕ್ಷಣ ಬಾಣು , ವಿದ್ವತ್ ಬಾಣು ಸೊಡ್ತಾ . ಬಾಣು ಕಿರಾತಾಕ ಲಾಗ್ತಾ ಝಲ್ಲೇರಿ ಘಾಯು  ಜಾಯ್ನಾ . ಅರ್ಜುನಾಲೆ  ಹತ್ತಾ  ಅಶಿಲೆ ಬಾಣ ಸರ್ತಾ ... ಮಲ್ಲ ಯುದ್ಧಾಕ ಆಹ್ವಾನ ಕೋರ್ನು , ಭೀಮಾ ಲೆ ಉಡ್ಘಾಸು  ಕಾಣು ಮುಷ್ಟೀನ ಕಿರಾತಾಕ ಪ್ರಹಾರು ಕರ್ತಾ .      ಕಿರಾತು ಹಸನ್ಮುಖಿ ಜಾವ್ನು , ಬೊಟ್ಟಾನಿ ಘು೦ವ್ಡಾನು ನೆಲಾರಿ ಘಾಲ್ತಾ ಅರ್ಜುನಾಕ . ಪದೇ ಪದೇ ಉಠಾನು ಕಿರಾತಾಕ ಮುಷ್ಠಿ ಪ್ರಹಾರು ಕೋರ್ನು , ಭೀಮಾಲೆ ಶಿಕ್ಕಿಲೆ ಪಟ್ಟು ಧೋರ್ನು ಮಲ್ಲ ಪ್ರಹಾರು ಕರ್ತಾ ... ತೇದನಾಯಿ ಕಿರಾತು ದೂಕಿ ನತ್ತಿಲೆ , ಹಸನ್ಮುಖಿ ಜಾವ್ನು ರಬ್ಬುನು ಅಸ್ಸ . ಅರ್ಜುನಾ ಕ ಕಾಯಿ ಕೋರು ಜಾಯ್ನಿ . ಕಿರಾತು ಕಿತ್ಲೆ ಹಸ್ತಾ ಕೀ ...  ತಿತ್ಲೆಚ್ಯ್ ಉದ್ರೇಕು ಜಾವ್ನು ಕಿರಾತಾಕ ಪ್ರಹಾರು ಕರ್ತಾ ಅರ್ಜುನು . ಕಿರಾತಾಕ ಲವಲೇಶ ಭಂಯ್ಯ ದಿಸ್ಸನಿ, ಅರ್ಜುನಾಲೆ ಸಿಂಹ ಘರ್ಜನೆಕ . ಅರ್ಜುನಾಕ ಮಸ್ತ ಸಂಕಟ ಝತ್ತಾ . ಛೇ .. ಏಕ ಸಾಧಾರಣ ರನ್ನಾ ಕಿರಾತಾ ಯೆದ್ರಾಕ ..  ಹಾಂವ ನಿಷ್ಪ್ರಯೋಜಕ  ಜಾವ್ನು ಅಷ್ಶಿ ಸೊಲ್ವೊಲೋ ಮೂ .. ಮೋಣು ಮನಾ ಸಂತಾಪು ಝತ್ತಾ .. ಜೀವನಾ ವೈರಿ ತಿರಸ್ಕಾರು ಯೆತ್ತಾ . 

ಅರ್ಜುನ : " ಕೋಣ ತೂ ..? ಕೋಣ .. ಕೋಣ ತೂ ? ಸಾಧಾರಣ ಮನುಷ್ಯ ಖಂಡಿತ ನಯ್ ... ಕೋಣ ತೂ ..!! ? 

ಕಿರಾತ : " ಆಹ ಹ ಹ ಹ ಹಾ ಹಾಂವ ಕೋಣ ? ತುಗ್ಗೆಲ್ ಅಹ೦ಕಾರು  ಅನಿಕಯ್ ದೇವನಿ ... ಹೇ ಅಹ೦ಕಾರು ಸೋಡಿ ... ವಿನಮ್ರ ಜಾವ್ನು ಭಕ್ತೀನ ಪೊಳೆ ... ಸಮ ಪೊಳೆ ... ಮಿಗ್ಗೆಲೆ ದೊಳೆ ಪೋಳೆ .. ಅರ್ಜುನಾ ಸಮ ಪೊಳೆ ... ಹ ಹ ಹ ಹ ಹ ... ಹಾ ಹಾ ಹಾ ಹಾ ... " ನೆಲಾರಿ ಪೊಳ್ಳೋಲೊ ಅರ್ಜುನು ಉಠಾನು ಬೈಸುನು ಕಿರಾತಾಕ ಪೊಳೈತಾ .. ಅಹ೦ಕಾರು ಸೋಣು ವತ್ತಾ .. ಭುದ್ಧಿ ಸ್ತಿಮಿತಾಕ ಯೆತ್ತಾ .. ಅತ್ತ ದಿಸ್ತಾ ... ಸಾಕ್ಷಾತ್ ಶ್ರೀ ಪರಮೇಶ್ವರ್ ಪಾರ್ವತೀ ವೊಟ್ಟು ... " ಹೇ ಪ್ರಭೋ ... ಪರಮಾತ್ಮಾ .. ಪರಂಧಾಮ... ಉಮಾಮಹೇಶ್ವರಾ .. ಗಂಗಾಧರಾ... ನೀಲ ಖ೦ಠಾ .. ಗಣ ಸಾರ್ವಬ್ಹೌಮಾ .. ಗೌರೀಶಂಕರಾ .. ಪಾರ್ವತೀಪತೆ .. ನಟರಾಜಾ .. ನಾಟ್ಯಮನೋಹರಾ ... ಮಾಫಿ ಕರಿ ದೇವಾ .. ಈಶ್ವರಾ ಮಾಫಿ ಕರಿ . ಅಮ್ಮಾ ಭವಾನಿ .. ಚಾಮುಂಡೇಶ್ವರಿ .. ಕಾತ್ಯಾಯಿನಿ .. ದಾಕ್ಷಾಯಿಣಿ .. ಜಗದೇಶ್ವರಿ .. ಪಾರ್ವತಿ .. ಉಮಾಮಹೇಶ್ವರಿ ..  ಪರಮೇಶ್ವರಿ.. ಮಾಫಿ ಕರಿ " ಮೋಣು  ಉದ್ದಂಡ ನಮಸ್ಕಾರ್ ಘಲ್ಲೆ 

ಮಹೇಶ್ವರ : " ಅರ್ಜುನಾ ..!  ಮಕ್ಕಾ  ಸಂತೋಷು ಝಲ್ಲೋ .. ತುಗೆಲಿ ಶಕ್ತಿ ಪರೀಕ್ಷ ಕೋರ್ಚ್ಯಾಕ ಹೇ ನಾಟಕ ಕೋರ್ಕಾ ಪಳ್ಳೆ ... ಘೇ.. ..ಪಾಶುಪತಾಸ್ತ್ರ . ಹೇ ಸಾಧಾರಣ ಅಸ್ತ್ರ ನಯ್ .. ಹಜ್ಜೆ ದುರುಪಯೋಗ ಜಾವ್ಚ್ಯಾ ನಜ್ಜ . ಹೇ ಅಸ್ತ್ರ ನಿಮಿತ್ಯ ಸರ್ವ ಜಗತ್ಯ ನಾಶ ಝತ್ತಲೆ .. ಜಾಗ್ರತ ಕೋರ್ಕಾ .. ತುಕ್ಕಾ ಸರ್ವ ನಮುನೆ ವಿಜಯ ಮೇಳೋ. ಶ್ರೀಮನ್ನ್ ನಾರಾಯಣು ತುಗೆಲೆ ಫಾಟಿ ಬಲಾಕ ಅಸ್ಸ . " ಮೋಣು ಸಂಘುನು ಅಂತರ್ಧಾನು ಝಲ್ಲೋ . ಅರ್ಜುನಾಕ ಮಸ್ತ ಸಂತೋಷು ಝಲ್ಲೋ . ತಾಣೆ ಕಿರಾತಾ ವೈರಿ ಸೊಳ್ಳೆಲೆ ಬಾಣ ಪೂರಾ ಫುಲ್ಲ೦ ಜಾವ್ನು .. ಅರ್ಜುನಾನ ಸ್ಥಾಪನ ಕೆಲ್ಲೆಲೆ ಶಿವ ಲಿಂಗಾ ವೈರಿ ಫೋಣು  ಅಶಿಲೆ ಪೋಳೋನು ಅರ್ಜುನು ರೋಮಾಂಚ ಜತ್ತಾ

ಉಮಾಪತಿ