SATEE DHARMU

Satee Dharmu

ಪಂಚಮ ವೇದಾ ( ಮಹಾಭಾರತ ) ಲೇಖಕ್: ಸಂಸ್ಕ್ರತ್ ಭಾಷಾ ಪ್ರವೀಣ ,ಪಂಡಿತ್ ಶ್ರೀ ಜಿ . ವಿ. ಶರ್ಮಾ (ಪೇಜ್ ೩೩೪-೩೩೮ ) ಕೊಂಕಣಿ ಭಾಷಾ ಅನುವಾದು ಏಕ ಪ್ರಯತ್ನ ..... 

ಸತೀ ಧರ್ಮು 

ಕಾಮ್ಯಕ ವನಾಂತು ಪಾಂಡವಾನಿ ಅಸ್ತಾನಾ  ಕೃಷ್ಣ  ಸತ್ಯಭಾಮ, ಪಾಂಡವಾಂಕ ಮೆಳೂಂಕ ಯೆತ್ತಾತಿ . ರಾನ ವ್ರಕ್ಷ ಪರ್ವತು ನ೦ಯಿ , ವಾಲ್ಲಿ ಫುಲ್ಲ೦ ಪಕ್ಷಿ ಧಾಮ , ಚಿತ್ತಲ ಸಾರಂಗ ವನ್ಯ ಜೀವ ಪ್ಹುಲ್ಲಾ ರಂಗು  ಪೋಳೋನು ಸತ್ಯಭಾಮ ಅನಿ ದ್ರೌಪದಿ ಏಕಾಂತ ಜಾವ್ನು ಅಸ್ತನಾ ಸತ್ಯಭಾಮ ದ್ರೌಪದಿ ಲಗ್ಗಿ ಸಂಭಾಷಣ ಆರಂಭು ಕರತಾ "ವೊನ್ನೀ ಹಾಂವ ಏಕ ವಿಷಯು ತುಗೆಲಗ್ಗಿ ನಿಮ್ಗುಚೆ ವೆ ?ತೂವೆ ಕಸಲೇಯಿ...  ಚೂಕಿ ಲೆಕ್ಕು ನಜ್ಜ !"

ದ್ರೌಪದಿ : "ನಿಮಗೀ ... ಸತ್ಯಾ ! ಮಿಗೆಲೇ ನಿಮಗೂಚ್ಯಾ ಕಸಲಿ ಲಜ್ಜಾ ?... ನಿಮಗೀ .. "

ಸತ್ಯಾ : "ಚೂಕಿ ಲೆಕ್ಕೂ ನಜ್ಜ ... "

ದ್ರೌಪದಿ :"ನಾ ಚೂಕಿ ಲೆಕ್ಕನಾ ನಿಮ್ಗೀ ಸತ್ಯಾ .. "

ಸತ್ಯಾ : "ವೋನ್ನಿ....  ತೂವೆ ಪ್ಹಟ್ಟಿ ಸಂಘೂ ನಜ್ಜ ... ಸತ್ಯ ಸಂಘೂಕಾ ... "

ದ್ರೌಪದಿ : "ಹಾಂವ ಕೆದನಾಯಿ ಫಟ್ಟಿ ಸಂಗನಾ .ಯೆದ್ದೊಳು ತಾಯಿ ಫಟ್ಟಿ ಸಂಗನಿ ... ಅಣಿ ಮುಕಾರಿಯೀ ಸಂಗನಾ ನಿಮಗಿ ಸತ್ಯಾ "

ಸತ್ಯ : "ವೋನ್ನಿ ... !! ತುಗೆಲೇ ಪಾಂಚ ಜನ ಬಮ್ಮುಣಾ ತುಕ್ಕ ಪ್ರೀತೀನಾ ತುಗೆಲೇ ವಯಿರಿ ಅಭಿಮಾನಾನ ಆಪ್ಯಾಯ ಜಾವ್ನು ತೂವೆ ಸಂಗಿಲೆ ಉತ್ರ೦ ಅಯ್ಕತಾಚಿ ತುಗೆಲೇ ಮನೋ ಕಾಂಕಶಾ ಪೂರ್ತಿ ಕರ್ತಾತಿ ... ಹೇ ಪೊಳಯಿತನಾ ಮಕ್ಕ ಆಶ್ಚರ್ಯ ಜತ್ತಾ !! . ಲೋಕಾಂತು ಪೂರಾ ಬಾಯಲ ಮನ್ಶಾಂಕ ಏಕ ಬಮ್ಮಣಾಲಿ ಸೇವಾ ಕೊರ್ನು ಸಂತ್ರಪ್ತ ಜಾಯ್ನಾಶಿ ತಳ್ಮಲ್ತಾತಿ ... ತೂ ಕಶ್ಶೀ  ಪಾ೦ಚ  ಜನ ಬಮ್ಮಣಾ೦ಕ ಸೆರಗಾಕ ಗಾಂಟಿ ಕಶ್ಶೀ ಘಲ್ಲಾ ?ಹೇ ತುಕ್ಕ ಕಶ್ಶಿ ಸಾಧ್ಯ ಜಲ್ಲಾ ??  ಮಂತ್ರ ತಂತ್ರ ಕಸಲೇಯಿ ಕೆಲ್ಲಾಕೀ ?? ವೋನ್ನಿ...  ತಶಿ ಕಸಲೇಯಿ ಅಸ್ಲಾರಿ ...ಮಕ್ಕಾ ಸಾಂಗನಾಕೀ ? ತುಗೆಲೋ ಅಣ್ಣಾ ಕ್ರಿಷ್ಣು ... ಹಾ೦ವೇ  ಸಂಗಿಲೆ ಉತ್ತರ೦ ಆಯಿಕಾನಾ . ತಕ್ಕಾ ತಗೆಲೀ  ವಾಟ . ತಾಣೆ ಸಂಗೀಲೇಚಿ ವೇದು ... ಮಿಗೆಲೇ ಕೃಷ್ಣಾಕ ಪ್ರೀತಿ ಬಂಧನಾಂತು ಧೋರ್ಕಾ ಮ್ಹೋಣು ಮಕ್ಕ ಆಶಾ "
                   ದ್ರೌಪದಿನ ಸತ್ಯ ಭಾಮಾಲೆ ತೋಂಡ ಪೊಳಯಿಲೆ . ನಿಷ್ಕಲ್ಮಶ ಮನ ... ,ಶುದ್ಹಾ ಚಿತ್ತಾ .. ಅಮಾಯಕ ದೊಳೆ ... ಪ್ರಶ್ನೇ ಮಕ್ಷಿ ಕಸಲೇಯಿ ಅನುಮಾನ ಕುಹಕ ವ್ಯಂಗ್ಯ ನಾ . ಅವಹೆಳ್ನಾ ಭಾವ ನಾ . ತಿಕ್ಕಾ ಹಸ್ಕಾ ಕೀ ರೋಡ್ಕಾ...  ಮ್ಹೋಣು ಕಳ್ನೀ . ಪರಮ ಪುರುಶು ವಾಸುದೆವಾಲಿ ಬಾಯಲ ಜಾವ್ನು .... ಯಿತ್ಲೇ ಕ್ಶುಲ್ಲಕು ವಿಚಾರುಕೀ ?ಮಾಯಾವಿ ಕ್ರಿಷ್ಣು ... ಯಶೋಧೆ ಮೇಳ್ನಾ ನತ್ತಿಲೋ , ಗೋಪಾ ಗೋಪಿ ರಾಧೇಕ ಧೋರುಂಕ ಮೇಳ್ನಾ ನತ್ತಿಲೊ ... ಸತ್ಯ ಭಾಮೇಕ ಧೋರುಂಕ ಮೆಳ್ ತಾಲೋ ಕೀ !!!
                   ದ್ರೌಪದಿ : "ಸತ್ಯಾ...  ಆಯಿಕಾ .  ಹಾಂವ ಸತೀ ಧರ್ಮು ತುಕ್ಕ ಬೋಧನ ಕರತಾ --ಸತ್ರಾಜಿತಿ , ದರಲೆ ಮನಶ್ಯಾಂಕ ನಾಟಿ ವಕ್ಕದ , ಮಂತ್ರ ತಂತ್ರಾರೀ ಬಾಯಲ ಮನ್ಶ್ಯಾನಿ  ತಂಗೆಲೆ ವಶ ಕೊರ್ಕಾ ದಾಸ ಕೊರ್ಕಾ ಮ್ಹೊಣು ಕೆದನಾಯಿ ಲೆಕ್ಕು ನಜ್ಜ . ಅಸಲೇ ವಿಷಯು ದರ್ಲೆ  ಮನ್ಶ್ಯಾಂಕ ಕಳ್ಳೇರಿ ... ಭಯಂಕರ ದುಶ್ಪರಿಣಾಮು ಭೊಗ್ಗೂಕಾ ಜತ್ತಾ . ನಾಟಿ ವಕ್ಕದ ಪ್ರಯೋಗಾ ನಿಮಿತ್ಯ ದರಲೇ ಶಕ್ತಿ ಹೀನ ಶಂಡ ಜತ್ತಾತಿ . ಮರಣ ಪ್ರಾಪ್ತಿ ಜಾವ್ಚಾಕ ಪೂರೊ . ತಿಕ್ಕಾ ಆಪ್ಯಾಯತೇರಿ ,ಪ್ರೀತೀರಿ ಪೊಳೊನು ಪೂರಾ ನಮೂನೆ ಭಧ್ರತಾ ದೀವ್ನು , ಚರ್ಡುವಾಂಕ ಮೊಗು ದಕ್ಕೊನು ಪೊಶ್ಶಿಚೊ ಬಮ್ಮುಣಾಕ ಮಂತ್ರ ತಂತ್ರಾರಿ ಕುತಂತ್ರಾರಿ ಜವ್ಣಾ೦ನ್ತು ವಕ್ಕದ ಬೋರ್ಸುನು ಖವೊಚೆ ವಶ ಕೊರ್ಚ್ಯ ಪ್ರಯತ್ನ ಕೊರ್ಚೆ ಮಹಾ ಪಾಪ . ತಸಲೇ ಬಾಯಲ ಮನಿಷಿ ... ಹೇ ಲೋಕಾಂತು  ಸೂಖ ಬ್ಹೊಗ್ಗನಾ .. ಅನಿ ಪರ ಲೋಕಾಂತುಯಿ ಮುಕ್ತಿ ಪಾವ್ನಾ . "
                   ದ್ರೌಪದಿಲೆ ಉತ್ರ೦ ಅಯಿಕುನು ಸತ್ಯಭಾಮೇಕ ಲಜ್ಜಿ ಜಲ್ಲಿ . ಅಯ್ಯೋ ದೇವಾ ಕಸಾಲೆ ಪ್ರಶ್ಣೋ ನಿಮ್ಗಿಲೆ ದೇವಾ ... ಸಂಕಟ ಜಲ್ಲೆ  ಲಜ್ಜೆನ ಮತ್ತೆ ಬಗ್ಸೂನು ಸೆರಗಾ ಅಂಚು ಬೊಟ್ಟಾನಿ ಘು೦ವಡಾಯಿತಾ ರಾಬ್ಲಿ . " ಕೃಷ್ಣ ಸಾಥಿ , ಮಿಗೆಲೇ ಪಾಂಚ ಬಮ್ಮಣಾಂಕ ಕಶ್ಶಿ ಸಮಾಧಾನ ಹಾಂವ ಕರತಾ ಮಳ್ಳೆಲೆ ವಿಷಯು ತುಕ್ಕ ಸಂಗ್ತಾ ಆಯಿಕ .....  ಮಿಗೆಲೆ ಬಮ್ಮಣಾಂಕ ಹಾ೦ವ  ನಾಶಿ.... ವಿಂಗಡ  ಬಾಯಲ೦ ಅಸ್ಸತಿ . ಅತ್ತಾ ತನ್ನಿ ಪೂರಾ ಜನ ತಾಂಗೆಲೆ ಕುಳಾರ ಅಸ್ಸತಿ . ಇಂದ್ರಪ್ರಸ್ತಾ ಆಸ್ತಾನಾ ತನ್ನಿ ಪೂರಜನ ಮಿಗೆಲೆ ವೊಟ್ಟು ಅಶ್ಶಿಲೀ೦ತಿ . ಪೂರ ಜನಾಂಕ ಹಾಂವೆ ಮಿಗೆಲೇ ಭಹಿಣೀ ಮಣ್ಕೆ  ಫೊಳೊನು ಘ್ಹೆತ್ಲಾ . ತಂಗೆಲೆ ವಿಷಯಾಂತು ಕೆದನಾಯಿ ಜಾಳ ಬ್ಹೊಗ್ಗಿಲಿ ನಾ . ದ್ವೇಶು ಕೆದನಾಯಿ ಕರನಿ . ತೆದನಾಚಿ ರವಳಾರ ಸುಖಾಂತು , ಕಷ್ಟ ವಿಸರ್ನಿ . ಅತ್ತಚೆ ವನ ವಾಸ ದಿವಸಾಂತು ದುಃಖ ಪಾವನಿ . ಮಿಗೆಲೇ ಬಮ್ಮ್ಣಾಂಗೆಲೆ ವೊಟ್ಟು , ನರಕ ಜಲ್ಲಾರಿ .... ಮಕ್ಕಾ ಸ್ವರ್ಗು ಜಾವ್ನು ದಿಸ್ತಾ . ಮಿಗೆಲೇ ಬಮ್ಮ್ಣಾಂಕ ಹಾಂವ ಆವ್ಸು ಮಣ್ಕೆ ಪೊಳಯಿತಾ ;ದಾಸಿ ಮಣ್ಕೆ ಸೇವಾ ಕರತಾ .... ಪ್ರೇಮಿಕಾ ಮಣ್ಕೆ ಪ್ರೀತಿ ಕರತಾ . ಕಾಯ ವಾಚಾ ಮನಸಾ ದೇವ ಲೋಕಾ ರತಿ ಮಣ್ಕೆ ದೈಹಿಕ ಮಾನಸಿಕ ಸರ್ವ ಸೂಖ ದೀವ್ಚಾ ಪ್ರಯತ್ನ ಕರತಾ . ತಂಗೆಲೆ ಆಂತರಿಕ ವಿಶಯಾ೦ತು , ರಾಜ ಕಾರಣಾ೦ತು , ತಾನ್ನಿ ಘೆತ್ತಿಲೆ ನಿರ್ಧಾರಾಂತು ಹಾಂವ ಹಸ್ತಕ್ಷೇಪ ಕರನಾ . ತನ್ನಿ ಜಾವ್ನು ಮಿಗೆಲೆ ಅಭಿಪ್ರಾಯು ನಿಮ್ಗಿಲೆರಿ ಮಾತ್ರ ; ಮಿಗೆಲಿ ಸೂಚನಾ ದಿತ್ತಾ . 

                      ಸದಾ ಹಸನ್ಮುಖಿ , ಪ್ರೇರಣೀಯ , ಉತ್ಸಾಹಿತ ತಂಗೆಲೆ ಒಟ್ಟು ಮಿಳ್ಮಿಲಿತ ಜಾವ್ನು ಅಸ್ತಾ . ಆಡ ರಬ್ಬುನು ತಂಗೆಲಿ ಸಂಭಾಶಣ ಆಯಿಕನಾ . ಮಿಗೆಲೆ ಉಪಸ್ತಿತಿ ಜಾವಕ ಜಲ್ಲರಿ ಮಾತ್ರ ತಂಗೆಲೆ ವೊಟ್ಟು  ಬಯಿಸುನು ಸಂವಾದ ಕರತಾ . ತಂಗೆಲೆ ಘರಾ ಮಂತ್ರಿ ಜಾವ್ನು , ಕುಟು೦ಬೆ ಮರ್ಯಾದಿ ಮನಾ  ದೊವೋರ್ನು, ಪ್ರಜಾ ಹಿತ ದ್ರಶ್ಟಿರಿ ಮಿಗೆಲೆ ಅಭಿಪ್ರಾಯು ಸಂಗ್ತಾ . ಮಿಗೆಲೇ ಉತ್ತರ ಅಯಿಕೂಕಾ ಮ್ಹೋಣು ವತ್ತಾಯ ಕರನಾ . ಸನ್ನ ಸನ್ನ ವಿಷಯಾಂತು ಮತ್ತೆ ವಾಯಿಟ ಕೊರ್ನು ಗ್ಹೇನಾ . ಪರ ಪುರುಷ ಸೌಂದರ್ಯವಂತು , ಬುದ್ದೊಂತು ಸಿರಿವಂತು , ಮಹಾ ಮೇಧಾವಿ , ಜಾವ್ನು ಅಸ್ಲಾರಿಯಿ ಹಾಂವ ತಂಗೆಲೆ ವಿಷಯು ಬಮ್ಮಣಾಂಗೆಲೆ ಯೆದುರ ಉಲ್ಲಯಿನಾ . ತಾಂಕ  ಉಡ್ಗಾಸು ದೊವೊರ್ನು ಗ್ಹೇನಾ ; ಯಿತಲೆನಯಿ , ಪರಪುರುಶಲೇ ಹಾಸಾಕ, ಸಂಭಾಷಣೆಕ , ಬುದ್ದೊಂತ್ಕಾಯಿ ಉತ್ರಾಂಕ ವಿಚಲಿತ ಜಾಯ್ನಾ . 

                      ಮಿಗೆಲೆ  ಭಮ್ಮ್ಣಾಂಗೆಲೆ ಜವ್ಣಾ ಪಶಿ  ಮುಕಾರಿ , ಹಾಂವ ಜವಣ ಕರ್ನಾ . ಆತಿಥ್ಯ ಮರ್ಯಾದಿ ಘರಾ ಬಾಯಲ ಮನ್ಶಾನಿ ಪಾಲನ ಕೊರ್ಕಾ . ನಿದ್ರಾ ಶಯ್ಯೇರಿ ಬಮ್ಮಣಾ ಪಶಿ  ಫೂಡೆ ಹಾಂವ ವೋಚ್ಚುನು ನಿದ್ದನಾ . ತಂಗೆಲೆಗಿ ಸಂಗನಾಶಿ ಹಾಂವ ಕಸಲೇಯಿ ಕಾಮ ಕರ್ನಾ . ತಂಗೆಲೆ ಒಪ್ಪಿಗಾ ನಾಶಿ ಕಸಲೇಯಿ ವಿಷಯಾಂತು ಆಸಕ್ತಿ ಉತ್ಸಾಹ ದಕ್ಕಯಿನಾ . ಯಜಮಾನಿ ಜಾವ್ನು ಬಮ್ಮಣಾಂಕ ಹಾಂವಾಚಿ , ವಾಣು ವೋತ್ತಾಯಾರಿ , ಪ್ರೀತಿರಿ , ಮೊವಾಳು ಉತ್ರಾನಿ ದೋನಿ  ಘಾಸು ಚಡ  ಜವಣ ಕೊರ್ಚೆ ತಷಿ ಕರತಾ . ಯಜಮಾನಾಲೆ ಪೋಟ ಥಂಡ ಅಸ್ಲಾರಿ , ಮನ ಹ್ರದಯ ಥ೦ಡ  ಅಸ್ತಾ . ಕೋಪು, ತಾಪು ಉದ್ರೇಕ ಮಾನಸಿಕ ಹಿಂಸಾ ಜವ್ಣಾ ವೇಳ್ಯೇರಿ ; ಯೇನಾಶಿ ಪೊಳೋಕಾ . ಜವ್ಣಾ ವೆಳೆಚ್ಯಾ ಪರಿಜ್ಞಾನ ದೊವೊರ್ನು ತಾಂಕ, ತಂಗೆಲೆ ವೊಟ್ಟು ಅಶಿಲೆ ಅಥಿತಿ ಲೋಕಾಂಕ ಪ್ರೀತಿ ಪೂರ್ವಕ , ಹಸನ್ಮುಖ ಆದರ ಸ್ವಾಗತ ಕೊರ್ಕಾ . ಆರೋಗ್ಯ ಆಹಾರ ವಿಶ್ರಾಮಕ ಪ್ರೋತ್ಸಾಹ ಕೊರ್ಕಾ . ಬಮ್ಮಣಾಲೆ ಸಂಭಂಧಿ , ಸ್ನೇಹಿತ ಲೋಕಾಂಕ ಹ್ರತ್ಪೂರ್ಣ ಆದರ ಕೊರ್ಕಾ . ಸಂಭಂಧಿ ಲೋಕು ಕಶ್ಟಾರಿ ಅಸ್ಲಾರಿ ;ತ೦ಕಾ ಜಲ್ತಿತ್ಲೇ ಸಹಾಯು ಕೊರ್ಚ್ಯಾ ಬಮ್ಮಣಾಕ ಪ್ರೋತ್ಸಾಹ ಕೊರ್ಕಾ . ದಿವಸು ಭರಿ ಪ್ರಯಾಣ , ಯುದ್ಧ , ಪ್ರಜಾ ಸೇವಾ , ಗುರು ಮುನಿ ಲೋಕಾಲಿ ಸೇವಾ ಕೊರ್ನು ಅಯ್ಯಿಲೆ ಬಮ್ಮಣಾಕ , ಹಸನ್ಮುಖ ಸ್ವಾಗತ ಕೊರ್ಕಾ . ತಾಣೆ  ಕೆಲ್ಲೇಲೆ ಕಾಮಾ ವಿಷಯಾರಿ ಅಪ್ಣೆಲೆ ವ್ಯಯಕ್ತಿಕ ಹೊಗಳಿಕ ದಕ್ಕೊಕಾ , ಪ್ರೋತ್ಸಾಹ ಕೊರ್ಕಾ ಅನಿಕಯಿ  ಚಾಂಗ ಕಾಮ ಕೊರ್ಚಾ. 

                         ತನ್ನಿ ಘರಾ ನತ್ತಿಲೆ ದಿವಸಾಂತು ಅಲಂಕಾರು ಕೋರ್ನು ಗ್ಹೇನಾ . ಬಮ್ಮಣಾನ ಘರ್ಲೇ ಅಶ್ಶಿಲೆ ದಿವಸು ಅಲಂಕಾರು ನಾಶಿ ರಬ್ಬನಾ . ಸುಘಂಧ , ಪ್ಹುಲ್ಲಾ ಶ್ರಂಗಾರ , ಕಜ್ಜಳ ಕುಂಕುಮ ಗುಲಾಲಿ ರಂಗಾ ಲೇಪನ , ಕಂಕಣ ಗಗ್ಗರಿ ಝಣಕಾರ , ವಯ್ಯಾರ ಮೊಹಾ ಪಾಶ , ದೇವನು ಅಯಿಲೆ ಸ್ವರ್ಗುಕಿ ? ಇಂದ್ರಲೋಕ ,ಕೈಲಾಸ , ವೈಕುಂಠ ಕಿ !!.... ಮಲಘಡೆಲೆ ಉತ್ರಾಂಕ , ಬುಧ್ಧಿ ಬ್ಹೋಧನಾಕ ಅಡ್ಡಿ ಉಲ್ಲೋಚ್ಯಾ ನಜ್ಜ . ಬಮ್ಮುಣು ಮಿಗೆಲೇ ಉತ್ರ೦ ಅಯಿಕತಾ ಮ್ಹೊಣು ಅಹಂಕರು ಪಾವ್ಚ್ಯ ನಜ್ಜ . ಬಮ್ಮಣಾಲೆ ಖಾಣ  ಜೇವಣ  ರುಚಿ ಅಬಿರುಚಿ ಪೊಳೊಣು ಗ್ಹೆತ್ತಾ ಅಸ್ಸೂಕಾ . 

                          ಶ್ರ೦ಗಾರು ಕೊರ್ನು ಘರಾ ಭಾಯಿರಿ ಕೆದನಾಯಿ ರಬ್ಬುನುಕ್ಕಾ . ದುಸ್ರಾಲೆ  ಖಬ್ರೆಂತು ಕಾನು ದೀವ್ನುಕ್ಕಾ . ತಂಗೆಲೇ ಖಬ್ಬರ ಅಯಿಕುಚೆ ಹಿತಾಸಕ್ತಿ ದಕ್ಕೊನುಕ್ಕಾ . ದುಸ್ರಾಲೆ ಸಂಸಾರಿಕಾಸಮಸ್ಯಾ ವಿಮರ್ಷ ಕೊರ್ನುಕ್ಕಾ ಚರ್ಚೆ ಕೊರ್ನುಕ್ಕಾ . ಸಮಸ್ಯಾ ವಿಷಯಾಂತು ಕೊಣಾಲೆಯಿ ತರ್ಪೆನ ವಾದ ಕೊರ್ನುಕ್ಕಾ . ಘರಾ ಸಮಸ್ಯಾ ಘರಾ ಕಾಂಮ್  ಕೊರ್ಚೆ ಜನಾ ಲಗ್ಗಿ ವಿಮರ್ಶಾ ಕೊರ್ನುಕ್ಕಾ . ಸಂಸಾರಾ  ಘುಟ್ಟು ಕೊಣಕಯಿ ಸಂಘುನುಕ್ಕಾ . ಉತ್ರ ಉತ್ರಾಕ ಕುಳಾರ್ಚೆ ಸಂಭ್ರಮು , ಸೂಖ , ಶಾಂತಿ , ಬಮ್ಮಣಾಲೆ ಎದುರ ಉಲ್ಲೋನುಕ್ಕಾ , ಕುಳಾರ ವತ್ತಾ ಮ್ಹೊಣು ಬಮ್ಮಣಾ ಭಿವೋನುಕ್ಕಾ . ಸಂಸಾರ ಕಷ್ಟ ನಷ್ಟ ಕುಳಾರ್ಚೆ ಜನಾ ಲಗ್ಗಿ ತಂಗೆಲೆ ಅನುತಾಪ ಖಾತಿರಿ , ಸಂಘೂನು ತುಗೆಲೇ ಸಂಸಾರಾ ಘುಟ್ಟು ಸೋಣು  ದೀವ್ನುಕ್ಕಾ. ಸತ್ಯ ಭಾಮಾ ಮಿಗೆಲೇ ಭಮ್ಮಣಾಂಕ ಪ್ರೀತಿ ಮಮತಾ ದಕ್ಕೊನು ಸೇವಾ ಭಾವ  ಹ್ರತ್ಪೂರ್ತಿ ದಕ್ಕೊನು ತಂಗೆಲೆ ಹ್ರದಯ ಜಿಕ್ವಲೇ . ಮಂತ್ರ ತಂತ್ರಾನಿ  ನ೦ಯಿ"

ಸತ್ಯಾ :" ಚೂಕಿ ಜಲ್ಲಿ .... ವೊಹನ್ನಿ ! ಮಾಫಿ ಕರಿ ಕಳ್ನಾಶಿ .... ಕಸಲ್ಕೀ .... ಉಲ್ಲಯಿಲಿ . ಮನಾ ಕಷ್ಟ ಪಾವ್ನುಕ್ಕಾ"

ದ್ರೌಪದಿ : " ಸತ್ರಾಜಿತಿ , ಮಿಗೆಲೇ ಅಣ್ಣಾ..  ವಾಸುದೆವಾಲೆ ಪ್ರೀತಿ ಅಭಿಮಾನು ಕಶ್ಶಿ ಗ್ಹೇವ್ಚೆ ಮ್ಹೊಣು ತುಗೆಲೇ ಮನ ಅತಂತ್ರ ಜಾವ್ನು ಅಸ್ಸಾ . ತುಗೆಲೇ ಮನಾ ಅಶ್ಶಿಲೆ  ಕಳ್ಳೆ . ಭಮ್ಮಣಾಲೆ ಪ್ರೀತಿ ಅನುರಾಗ ಮಮತಾ ಬಾಂಧವ್ಯ ಕಶ್ಶಿ ಗ್ಹೆವ್ಚೆ ಮ್ಹೊಣು ಸಂಗ್ತಾ ಆಯಿಕ .... ಸತ್ಯಾ ,   ಖಂಚೆಯಿ ಬಾಯಲ ಮನಶೇಕ ಬಮ್ಮಣಾಲಿ ಪ್ರೀತಿ ಮಮತಾ ಅನುಬಂಧ ಅನುರಾಗ ಸನ್ಮಾನ ಮಳ್ಳೇರಿ ಭಾರಿ ಆನಂದ...  ಆನಿ ಹೇಚಿ  ತಿಕ್ಕಾ ಹೊಡಿ ಆಸ್ತಿ . ಪೂರಾ ಧರ್ಮ ಶಾಸ್ತ್ರ ಹೇಚಿ ವಿಷಯಾಂತು  ಧ್ರಡೀ ಕರಣ ಕರತಾ . ಗಾ೦ವ್ಚೆ  ಯಜಮಾನು, ಮಲ್ಘಡೆ ದೂರ ದುಕುನು ಅಯಿಲೆ ಸತಾನ..  , ಎದುರ ವೊಚ್ಚುನು ,ಪಿವಚ್ಯಾ  ಉದ್ದಾಕ ದೀವ್ನು ,ಪ್ರೀತೇರಿ ಮಮತೇರಿ ಮಧುರ ಸ್ವರಾರಿ ತಂಗೆಲಗ್ಗಿ ಉಲ್ಲೋಕಾ . ಭಾಯಿರಿ ದುಕುನು ಯೇವನು ಬಸಲೆ ಸತಾನ ಘರಾ ಜಲ್ಲೇಲೆ ವಿಷಮ ವಿಷಯಾಂತು ಟಿಪ್ಪಣಿ ಠೀಕಾ ಹಾವ ಭಾವ ಮಿಳ್ವಾನು ಉಲ್ಲೋಚ್ಯಾ ನಜ್ಜ . ನಣ೦ದ , ಜಾವ ,ಸೂನ , ಮಾಯಿ ಮಾವು ,ದೇರು ಚರ್ಡು೦ವ ಹೇಚಿ ಸಂಸಾರ ಸದಸ್ಯ . ತಂಗೆಲೆ ವಿಷಯು ಬಮ್ಮಣಾಲೆ ಸಂಗುನು ಮನಾ ಕ್ಲೇಶು ಹಾಡೂ ನಜ್ಜ . ಸನ್ನ - ಸನ್ನ ವಿಷಯಾಕ ಅಮ್ಮೀಚಿ ಪರಿಹಾರು ಸೊದ್ದುಕಾ . ತಾಂಕಾ ಜಾಯಿ ನಜ್ಜಾ ವಿಷಯು, ತಾಂಗ್ ತಂಗೆಲೇ ಆಶಿ ಅಬಿಲಾಶಿ ಮನಾ ದವೂರ್ನು ತಂಗೆಲೆ ಮನಾ ಹರ್ಷ ಹಾಡುಕಾ . ಬಮ್ಮಣಾಲೆ ಹ್ರದಯಾಂತು ತಂಗೆಲೆ ವಿಷಯಾಂತು ಆದರ , ಪ್ರೀತಿ , ಗೌರವ ಯೆವ್ಚೆ ತಶ್ಶಿ ಕೊರ್ಕಾ . ಪೂರಾ ವಿಷಯು ಬಮ್ಮಣಾಲೆ ಸಂಗ್ಚೆ ನಿಮಿತ್ಯ , ತಗೆಲೆ ಮನಾ ಶಾಂತಿ ದೂರ ಜ್ಹತ್ತಾ . ಅಶಾಂತಿ ಮನಾ ಪುರುಷು , ತನ್ನಿ ಕೊರ್ಚೆ ಕಾಮಾಂತು ಪರಾಜಯ ಜತ್ತಾತಿ ;ಸಮಾಜಾಂತು ಮರ್ಯಾದಿ ಕಾಣು  ಗೆತ್ತಾತಿ . ಘರ್ಚೇ ಯಜಮಾನನ ಮತ್ತೆ ಉಬ್ಬಾರ್ನು ಸಮಾಜಾಂತು ರಾಯಾ ಮಣ್ಕೆ ಅಸ್ಸುಕಾ . ದರಲೆ ಮನ್ಶಾಲೆ ಉನ್ನತಿ ತಗೆಲೆ ಮಕ್ಷಿ ರಬ್ಬಿಲೇ ಸತೀ ಹತ್ತಾಂತು ಅಸ್ಸಾ . ಸಂಸಾರು ಸ್ವರ್ಗು ಕೋರ್ಯೆತ ತಶೀಚಿ ನರಕ ಕೋರ್ಯೇತ . ಜಲ್ಲೇಲೆ ನಿಮಿತ್ಯ , ಘರಾ ಸಮಸ್ಯ ಜೆವಣಾ ಬಸ್ತನಾ , ನಿದ್ದೋಚೆ ಕೂಡಾ೦ತು ಸಂಗನಾಶ್ಶಿ ..... ಸಮಾ.. ವೇಳು ಪೊಳೊನು , ಶಾಂತ ಜಾವ್ನು ಬಮ್ಮಣಾಲೆ ಕನ್ನಾ೦ತು ಸತೀ ಸ್ನೇಹಾರಿ ಸಾಂಘೂಕಾ . ಸಾಂಗ್ತಾನ .... ತೊಂಡಾರಿ ಹಾವ ಭಾವ ಮೋಡಿ ನಾಟಕಾ ದೊಳೆ ಈರ್ಶಯಾ ,ಅಸೂಯಾ ವರ್ತನಾ ಕೊರೂ ನಜ್ಜ . 

                            ಬಮ್ಮಣಾನ ಸಂಗಿಲೆ ರಹಸ್ಯಾ ವಿಷಯು , ಘರ್ಚ್ಯಾ ಲಗ್ಗಿ ಮಕ್ಕ ಗೊತ್ತಸ್ಸ ಮೊಹ್ಣು ಅಹಂಕಾರರಿ ಉಲ್ಲೋಚ್ಯಾ ನಜ್ಜ . ಬಮ್ಮಣಾ ಲಗ್ಗಿ ಕೆದನಾಯಿ ಫಟ್ಟಿ ಉಲ್ಲೋಚಾ ನಜ್ಜ . ಏಕ ಫಟ್ಟಿ ಉಲ್ಲಯಿಲ್ಯಾರಿ ; ತೇ ಫಟ್ಟಿ ನಿಪ್ಪೋಚ್ಯಾಕ ಹಜಾರ ಫಟ್ಟಿ ಸಂಗ್ಚೆ ಪಡ್ತಾ . ಫ್ಹಟ್ಟಿ ಕೆದನಯಿ ಏಕ ದಿವಸು ಭಾಯಿರಿ ಪಡ್ತಾ . ತೆದನಾ ಘರಾ ಯಜಮಾನಾಕ ಅನುಮಾನ , ಸಂಶಯು , ಬಾಯ್ಲೇ ವೈರಿ ತಾತ್ಸಾರು ಯೆತ್ತ . ಮಕ್ಷೀಚಿ ಕೋಪು ಯೇತ್ತಾ . ಕೋಪು ಮಳ್ಳೊಲೊ ರಾಕ್ಷಸು ಅಗ್ನಿ ಮಣ್ಕೆ ಜೊಳೂ ಶುರು ಜತ್ತಾ . ದರಲೆ೦ಕ  ತಂಗೆಲೆ  ಬುಧ್ಧಿ ಸ್ತಿಮಿತ ಚುಕ್ತಾ . ಸ್ವರ್ಗ ಸಂಸಾರ ದುಕುನು ದೂರ ಜತ್ತಾತಿ  . ಕೋಪಿಷ್ಠ  ಸನ್ಯಾಸಿ ಕಿ ?, ಸ್ಮಶಾನಾ ರಕ್ಕಸು ಕೀ ? ಘರ ಲಗ್ಗಿಲೋ ಪಾಪಾತ್ಮ ಕೀ ?ಸ್ವಾಗತ ಕೆಲ್ಲೆಲೋ ಶ್ರಾಪು ಕೀ ?. ಘರ ಸ್ವರ್ಗ  ಕೊರ್ಚೆ , ಅಷ್ಟ ಲಕ್ಷ್ಮಿ ವಾಸ ಕೊರ್ಚೆ , ಧನ ಧಾನ್ಯ ಭೋರ್ನು ಸೂಖ ಶಾಂತಿ ಆನಂದ ಧಾಮ ಕೊರ್ಚೆ ಸಾಧ್ಯತಾ ಘರ ಯಜಮಾನಿಲೆ ಹತ್ತಾಂತು ಅಸ್ಸ . ಸ್ತ್ರೀ ಸಹಜ ರೂಪ , ಲಾವಣ್ಯ , ಲಾಸ್ಯ ನಾಟ್ಯ ಸಂಗೀತ ನವ ರಸಾ ಭಾವ , ಜನ್ಮಾ ಯೆತ್ತನಾಚಿ ದೇವಾನ ದಿಲ್ಲೇಲೆ ವರು . ವಾಸು ದೇವು ಮಾಯಾವಿ ತಕ್ಕ ವಶ ಕೊರ್ಚೆ ಸಾನ್ ಸುಮಾರಾ ಕಾಮ ನಯಿ . ಸತ್ಯಾ ದೇವಿ .... ಕಾಯಾ ವಾಚಾ ಮನಸಾ ತುಕ್ಕ ತೂವೆಂಚಿ ಭಕ್ತೀರಿ ಸಮರ್ಪಣ ಕೊರ್ಕಾ . ತೋ ಸರ್ವಾಂಕ ರಕ್ತಲೋ ಭಗವಂತು . ಮತ್ತಿ ತೊಂಡಾ ಘಾಲ್ನು ಯಶೋದೆಕ ಬ್ರಮ್ಹಾಂಡ ದಕ್ಕಯಿಲೋ ಕ್ರಿಷ್ಣು ... ತುಗೆಲೇ ಬಮ್ಮುಣು ಜಾವ್ಚ್ಯಾ ತುಗೆಲೇ ಪೂರ್ವ ಜನ್ಮಾ ತಪಸ್ಯ ಮ್ಹೊಣು ಲೆಕ್ಕುಕಾ" . 

                            ದ್ರೌಪದಿನ ಸತ್ಯ ಭಾಮೇಕ ಅನೇಕ ಸತೀ ಧರ್ಮಾಚೆ ಮರ್ಮು ತಿಕ್ಕಾ ಕೊಳಚೆ ತಶೀ ಸಂಗ್ತಾ . ಸತ್ಯಭಾಮೇಕ ಸಂತೋಶು ಜತ್ತಾ . ಹೆರ್ದಿವಸು , ಶ್ರೀ ಕ್ರಿಷ್ಣು ಸತ್ಯ ಭಾಮೇಕ ರತ್ಹಾರಿ ಬಸ್ಕರಾನು ದ್ವಾರಕೆ ದಿಕಾನ ಪ್ರಯಾಣ ಶುರು ಕರ್ತಾ . 

ಉಮಾಪತಿ