He migele baalyaa ... yeka poTi vaapaas yenaa .. ? ( konkani vichaaru )
ಹೇ ಮಿಗೆಲೆ ಬಾಲ್ಯ .... ಏಕ ಪೋಟಿ ವಾಪಾಸ್ ಯೇನಾ ... ?
ಮಿಗೆಲೆ ಸನ್ಪಣಾರಿ ಸರ್ವ ನಿ೦ಮ್ ಗೀತಾಶಿಲೀಂತಿ .. ಹೋಡು ಝಲ್ಲೆ ನಂತರ ಕಸಲೆ ಕರ್ತಾ .. ? ತ್ಯೇ ಕಾಲಾಂತು ಕಸಲೆ ಜವಾಬ ದಿವ್ಚೆ ಅಬ್ಬಾ.. ! ದಾಂತ ದಕ್ಕೊನ್ ಹಸ್ತಶಿಲೋ ' ಅಹ ಹ ಹ ' . ಹೋಡು ಝಲ್ಲೋ ಬ್ಯಾಂಕಾಂತು ಕಾಮ .. ಎಕ್ಕ ಸಕಾಣಿ ಟ್ರೈನ್ ಧೋರ್ನು ಘಾಟ್ಕೋಪಾರ ದುಕುನ್ ದಾದರಾಕ ವೊಚ್ಚುನ್ ... ಆನ್ನೇಕ ಟ್ರೈನ್ ಧೋರ್ನ್ ಖಾರ್ ವೆಸ್ಟಾ೦ತು ದೇವ್ನ್ ಆಫೀಸಾ ಕ ವೊಚ್ಛೆ .. ತಶೀ೦ಚಿ ವಾಪಾಸ್ ಘರಾಕ ಯೆವ್ಕಾ . ರಾತ್ರಿ ಯೆತ್ತಾನಾ ಪುರೊ ಝತ್ತಾ ... ಕಂಪ್ಯೂಟರ್ ಮಧ್ಯೆ ಹ್ಯಾಂಗ ಝಲ್ಲೆರಿ ರೀಸ್ಟಾರ್ಟ್ ಕೊರ್ನ್ ರಾತ್ರಿ ಯೆತ್ತನಾ ಇಕ್ರಾ ಘಂಟೆ . ಏಕ್ - ಏಕ್ ಪೋಟಿ ದಿಸ್ಚೆ ... ಕಾಮಾ ಖಾತ್ತಿರಿ ವಾಂಚೆ ಕೀ .. ವಾಂಚೆ ಖತಿರಿ ಕಾಮಾ ವೊಚ್ಚೆ .. ? ಮೋಣು . ಕಿತ್ಲೆಕಿ ವರ್ಸ ಫೂಡೆ ಘಲ್ಲೆಲೆ ಪ್ರಷ್ಣೆ ಕ ಉತ್ತರ ಮೆಳ್ಳೆ ಮೋಣು ಲೆಕ್ಲೆ .. ವಾಪಾಸ ಮಿಗೆಲೆ ಬಾಲ್ಯ ಮೇಳ್ಕಾ ಮೋಣು .. ವಾಪಾಸ್ ಬಾಲಕ ಜಾವ್ಕಾ ಮೋಣು ದಿಸ್ಲೆ . ಬಂಧು ಮಿತ್ರಾ೦ಕ ಸೋಣು ದೂರ ಗೆಲ್ಲೆ ನಂತರ ಕಳ್ಳೆ .. ತನ್ನಿ ಕಿತ್ಲೆ ಮಹಾನ್ ... ಜ್ಞಾನೋದಯ ಕೆಲ್ಲೆಲೆ ದೇವ ಲೋಕುತನ್ನಿ ಮೋಣು ...! ಲೋಕಾ ವ್ಯವಹಾರು , ಫಟ್ಟಿ- ಬದ್ಧ , ಕಷ್ಟ - ಸುಖ , ಶಿಖಯಿಲೆ೦ಚಿ ತನ್ನಿ ... ಮೋಣು . ಚಿಲ್ಲಾಂತು ದುಡ್ಡು ಭರಿ ಆಸ್ತಾನಾ .. ಪಾರ್ಟಿ ಬಾಟ್ಲಿ ಇಸ್ಪೀಟ್ ಶಿಖಯಿಲೆ೦ಚಿ ತನ್ನಿ ..! ಉಷಿಣೆ ದೀವ್ನ್ ಫಟೀ ಬಲಾಕ ರಬ್ಬಿಲೆಯಿ ತನ್ನೀಚಿ .. ತೊಡೆ ವೇಳಾ ಹತ್ತಾ ಅಶಿಲೆ ದುಡ್ಡು ಪೂರ್ತಿ ಸೋರ್ನ್ ಹಾಂಕಾ ಸಕ್ ಡಾ೦ಕ ದೂರ ದವರ್ಲೆಲೆ ಲೆಕ್ತಾನಾಚಿ ... ರೋಡ್ಕಾ ಕೀ .. ಹಾಸ್ಕಾ ಕೀ ಕಳ್ನಾ ನಾತ್ತಿಲೆ ಕಾಲು . ಬಂಧು ಲೋಕು .. 'ತಾಕ್ಕಾ ಕಿತ್ತರೆ ... ಗಮ್ಮತೇ ರಿ ಅಸ್ಸ ರಾಯು ಸೊ ಅಸ್ಸ' ಮೋಣು ಸಾಂಗ್ತಾನ .." ಒಳಗಿನ ಗುಟ್ಟು ಶಿವನೇ ಬಲ್ಲ " . ಹೇ ಜೀವನ ಏಕ ನಾಟಕ .. ಹಂಗ ಸರ್ವ ಲೋಕು ಪಾತ್ರ ಧಾರಿ .. ಹಶ್ಚೇ ರೋಡ್ಚೆ , ಕೊಪ್ಚೆ . ಪ್ರೀತಿ ಕೊರ್ಚೆ , ಏಕ ನಟನಾ ಕ್ರಮು .. ಅವಾರ್ಡ್ ಘೆವ್ಚೆ ಖತಿರಿ ನಯ್ಯ್ ... ಜೀವನಾ ದಿವಸ ಕಾಡುಂಕ . ಚಂದ ಕೋರ್ನ್ ಜೀವನ ಕೊರ್ನ್ ಅಸ್ಸ ... ಮೋಣು ದಕ್ಕೋಚೆ ಖತಿರಿ .
ಏಕ್ ಕಾಲಾಂತು ಮನುಷು ಉಜ್ಜೋ ಕೊರುಂಕ ಸಂಕಟ ಪಾವ್ಲೋ ... ವತ್ತಾ ವತ್ತಾ ಶಿಖ್ಲೋ .. ಅತ್ತ ಮನುಷಾ ಕ ಮನುಷು ಪೊಳೋನ್ ' ಭಗ್ಗ್ ' ನಿ ಜೊಳ್ತಾ .. ಸೈ೦ಟಿಸ್ಟ ಕಿತ್ಲೆ ಕೀ ನಮುನೆ ಚೆ ಪ್ರಾಯೊಗು ಕರ್ತಾತಿ ... ಬಾಹ್ಯ ಅಂತರಿಕ್ಷೇ೦ತು ಖಂಯ್ಯ್ ಪುಣಿ ಜೀವಿ ಅಸ್ಸ ಕೀ .. ನಾ .. ಮೋಣು .. ಝಲ್ಲೆರಿ ಮನುಷ್ಯಾ ನ ಜೀವನಾಂತು ಸಂತೋಷು ಅಸ್ಸ ಕೀ ನಾ ಮೋಣು ಸೊದ್ದುಚ್ಯಾಕ ಪ್ರಯತ್ನ ಕರ್ನಿ . ತೊಡೆ ವಾದ ಆಮ್ಗೆಲೆ ಭಿತರಿ ಆಸ್ಸ ಮೋಣು ... ತೊಡೆ ವಾದ ಪ್ರಕೃತೀ೦ತು ಆಸ್ಸ ಮೋಣು ... ತೊಡೆ ವಾದ ಓಂಕಾರಾಂತು ಅಸ್ಸ ಮೋಣು .. ತೊಡೆ ವಾದ ದೇವಾಲಿ ಮೂರ್ತಿ೦ತು ಅಸ್ಸ ಮೋಣು ... ಸೋದ್ದಿತಾ ಆಸ್ಸತಿ . ಜ್ಞಾನಿಕ ವಗ್ಗಿ ಮೆಳ್ತಾ .. ಸಾಮಾನ್ಯ ಮನುಷ್ಯಾಕಾ ಮೇಳಯಿನಾ ..ಎಕ್ಲೆ ವೈರಿ ಎಕ್ಲೇಕ ವೈರತ್ವ , ಈರ್ಷಾ , ಜಾಳ . ಹಗೆ , ದೀಸ್ ವತ್ತಾ ವತ್ತಾ ವಾಡ್ತಾ ಅಸ್ಸ ... ಕಾರಣ ಬಾದಲ್ ಜಾವ್ಚೆ ಟೆಕ್ನಾಲೊಜಿ .. ಹೇತಾ೦ತು ಆಮ್ಗೆಲೆ ವೇದಾಂತ ಅನುಸರಣ ಕೋರೂ ಜಾಯ್ನಾಶಿ .. ತ್ಯೆತಾಂತು ಟೆಕ್ನೋಲೊಜಿ ಅರ್ತು ಜಾಯ್ನಾಶಿ .. ತ್ರಿಶಂಕು ಸ್ಥಾನಾರಿ ಅಷ್ಶಿಲೆ ನಿಮಿತ್ಯ . ಮತ್ತಿಯೆಂತು ನವ್ವೆ ಝಾಢ ಘಾಲ್ಕಾ .. ಮನು ಶ್ಯಾ೦ಗೆಲೆ ಮನಾಂತು ಮಾನವತ್ವ ಮ್ಹಳ್ಳೆಲೆ ಬಿಯ್ಯಾಳ ವೊವ್ಕಾ ... ಚಾಂಗ ವಿಷಯು ಉಲ್ಲೋಕಾ .. ಚಾಂಗ ವಿಷಯು ಆಲೋಚನಾ ಕೋರ್ಕಾ .. ಲಗ್ಗಿ ಮನುಷ್ಯಾಲೆ ಕಷ್ಟ ಅರ್ಥ ಕೊರ್ನ್ ತಕ್ಕ ಸ೦ಮ್ಮ್ ಜಾವ್ನ್ ಸ್ಪಂದನ ಕೋರ್ಕಾ . ಸಂತೋಷು .. ಕಷ್ಟಾರಿ ಅಶಿಲೆ ಮನುಷ್ಯಾಕ ಸಹಾಯು ಕೊರ್ನ್ ತೊಂಡಾರಿ ಪೊಳೊಕಾ .. ಮಾನವತ್ವ ಜೀವನಾಂತು ನಿತ್ಯ ಆಸ್ಸುಚೆ ತಶಿ ಪೊಳೊಕಾ . ನಿದ್ರೆಕ ಅನಿ ಮೃತ್ಯು ಕ ಕಸಲೆ ವ್ಯತ್ಯಾಸು ಮೋಣು ನಿ೦ಮ್ಗಿಲೆ .. ತಾಣೆ ಸಂಘಲೇ ಕಿತ್ಲೆ ಚಂದ ಕೋರ್ನು .. ! ನೀದ ಅರ್ಧ ಮೃತ್ಯು ಖಂಯ್ಯ್. ಮೃತ್ಯು ಆಖೇರಿ ನೀದ ಖಂಯ್ಯ್ ... ಪ್ರಶಾಂತ ನೀದ ನಾಶಿ ಕಿತ್ಲೆ ವರ್ಷ೦ ಗೆಲ್ಲಿಂತಿ ... ! ಹೇ ಮಿಗ್ಗೆಲೆ ಆಯಿಚೆ ಪರಿಸ್ಥಿತಿ ....
ಬಾಲ್ಯ ದಿವಸಾಂತು ಕಸಲೆಯ್ ಜವಾಬ್ದಾರಿ ನಾಶಿ ಸಂತೋಷಾರಿ ಗೆಲ್ಲೆಲೆ ಕಾಲು ಲೇಕ್ಲೇರಿಚಿ ಸಂತೋಷು ಝತ್ತ . ಸ್ಕೂಲಾಕ ವೊಚ್ಛೆ ಸಂತೋಷು .. ಚೂಕಿ , ಲಡಾಯಿ ಕೋರ್ನ್ , ಹೋಂ ವರ್ಕ್ ಕರ್ನಾಶಿ ಕ್ಲಾಸಾ ಭಾಯಿರಿ ಹೀರೋ ಜಾವ್ನ್ ರಬ್ಬಚೆ ಕಿತ್ಲೆ ಸಂತೋಷು ... ! ಟೀಚೆರಿ ನ ಕಾನು ಧೋರ್ನ್ ಲಂಬಯಿಲೆ ಸಂತೋಷು ... ದೋನಿ ಚೆಲ್ಲಿಯಾ೦ಗೆಲೆ ಮಧ್ಯೆ ಬೊಸ್ಕರಾಯಿಲ್ ತೆದ್ನಾ.. ಜಾವ್ಚೆ ಅವಮಾನ ... ಅಂಬುಲಿ ರುಕ್ಕಾಕ ಫತ್ತೊರು ಮಾರ್ನ್ ಮೀಟ್ ಲಾವ್ನ್ ತರ್ನಿ ಅಂಬುಲಿ ಖಲ್ಲೆಲಿ ಘಡಿ ವಿಸೋರು ಜತ್ತ ವೇ .. ? " ಲೂಟಿ ಮಸ್ತ ಕರ್ತಾ .. ಲಜ್ಜಿ ಮಾನ ಮರ್ಯಾದಿ ಮ್ಹಳ್ಳೆಲಿ ನಾಕೀ ಹಕ್ಕಾ .. ? " ಮೋಣು ಘರ್ಲೆಗಿ ಸುದ್ದಿ ಪಾವತಾನಾ ರಣ್ಣೆ ಚಿ ಯೆವಚೆ ಅಷ್ಶಿಲೆ .. ! ಲೂಟಿ ಮ್ಹಳ್ಳೆರಿ ಕಸಲೆ ಅಬ್ಬಾ .. ! ಅನಿ ಕಷ್ಶಿ ವರ್ತನಾ ಕೋರ್ಕಾ .. ? ವೆಂಕಟರಮಣ ದೇವಸ್ಥಾನಾಂತು ದೋಸ್ತಾ೦ಗೆಲೆ ವೊಟ್ಟು ಖೆಳ್ಚೆ ... ಪಂಚಕಾದಾಯಿ ದೋನ್ - ದೋನ್ ಪೋಟಿ ಘೇವ್ನ್ ಖಾವ್ ಚೇಚಿ ಏಕ ಹೀರೋ ಗಿರಿ .... ಆಹಾ ಏಕ ಕೀ ದೋನಿ ಕೀ ... ಕೆಲ್ಲೆಲಿ ಮಸ್ತಿ ಸಂಗ್ತಾ ಗೆಲ್ಲೇರಿ ಹೋಡ ಏಕ ಕಾವ್ಯ ಜಾವಚಾ ಪೂರೋ ..! ಭಾಡೇ ಸೈಕಲ್ ಘೇವ್ನ್ ಕರ್ನಾ ನಾತ್ತಿಲೆ ಕುಸ್ತಿ ನಾ ... ಡಬಲ್ .. ತ್ರಿಬ್ಬಲ್ ರೈಡ್ ... ಬ್ರೇಕ್ ಲಗ್ಗನಾಶಿ ಆಕ್ಸಿಡೆಂಟ್ ಕೊರ್ನ್ ಏಕ್ ಮಮ್ಮಾಲೆ ಪಾಯು ಫ್ರೆಕ್ಚರ್ ತಾಂಯ್ಯ್ ಕೆಲ್ಲಾ ... ಕ್ರಿಕೆಟ್ ಖೇಳು ... ದೋಸ್ತಾ೦ಗೆಲೆ ಹಾಸು ನಿಡ್ - ನಿಡು .. ಜೋಕ್ಸ್ .. ತಿಕ್ಕಾ ಹಿಕ್ಕಾ ಲೈನ್ ಮಾರ್ಲೆಲೆ ಹೀರೋ ಗಿರಿ ... ಏಕ ಕೀ ದೋನಿ .. ? ಜೀವನಾಚೆ ಕಷ್ಟ ಕಳ್ ನಾ ನತ್ತಿಲೆ ಕಾಲು ... ಆಹಾ ಮಜಾ ಕಾಲು ... ಆಹಾ ಸುಖಾ ಕಾಲು .. ಬಹುಷಃ ಬಾಲ್ಯ ಕಾಲಾಂತು ಹಾಂವೆ ಪಾವ್ವಿಲೆ ಸುಖ ಕೋಣೆ ಭೋಗ್ಲಾ ... ?
ಉಮಾಪತಿ
No comments:
Post a Comment