MAHABHARATH Part - 4 ( Konkani Bhashentu ) DYOOTA AMANTRANA

MAHABHARATH   Part  4    ( Konkani Bhashentu )

                             DYOOTA  AMANTRANA

ಮಹಾ ಮಂತ್ರಿ ವಿದುರಾಕ ಧ್ರತರಾಷ್ಟ್ರ ಅಪ್ಪಾಯಿತಾ  " ವಿದುರಾ  ! ಫಲ್ಲೇ ..  ಯೆವಚೆ .. ತ್ರಯೋದಶಿ ಸೋಮವಾರು ಚಾಂಗ ದಿವಸು ..ತೆದುಸೂಚಿ  'ತೋರಣ ಸ್ಪಟಿಕ  ' ಸಭಾ ಭವನ ಉದ್ಘಾಟನಾ ದಿವಸು  . ಪುರೋಹಿತಾನಿ ಮುಹೂರ್ತ ದವರ್ಲಾ. ತೂ ಇಂದ್ರಪ್ರಸ್ಥಾಕ ವೊಚ್ಚುನು ಪಾಂಡವಾಂಕ , ಕುಂತೀ  ಸಮೇತ ಆಮಂತ್ರಣ ಕೋರ್ನು  ತಾಂಕಾ ಅಪ್ಪೋನು ಘೇವ್ನು ಯೋ  "

ವಿದುರ: " ಸಂತೋಷು .. ಜಾಯ್ತ  ಮಹಾರಾಜ  ! ಅಮ್ಗೆಲೆ  ತೋರಣ  ಸ್ಪಟಿಕ  ಸಭಾ ಇಂದ್ರಪ್ರಸ್ಥ ಮಯ ಸಭೆಕ ಸಮಾನ .. ಭಾರಿ ಚಂದ ಕೋರ್ನು ಶಿಲ್ಪಿ ಲೋಕಾನಿ ಬಂಧಿಲಾ .ಶಂಬರಿ ದ್ವಾರ , ಹಜಾರ ಚಂದ್ರಶೀಲಾ ಖಂಭೆ  ...  ವಾಲಿ , ಝಾಡ , ವೃಕ್ಷ , ಪಕ್ಷಿ ,ಫುಲ್ಲಂ , ಫಲ ...  ಕುಸುರಿ ಶಿಲ್ಪಕೆತ್ತಿಲೆ ಕಾಮ ಭಾರಿ ಲಾಯಕ್ ಜಲ್ಲಾ . ವಜ್ರ ವೈಢೂರ್ಯ, ಗೋಮೇಧಿಕ  ,ಮಾಣಿಕ್ಯ ನೀಲ , ಪವಳೇ , ಮೋತಿ ದವೋರ್ನು ವಾಲಿ ಫುಲ್ಲಂ , ಜಲ ಯಂತ್ರ ಕಾರಂಜಿ , ಸರೋವರ , ಶಯನಮಂದಿರ , ನರ್ತನ ಶಾಲಾ , ತಂಪು ಶೀತಲ ಕೂಡ೦, ಕ್ರೀಡಾ ಮಂದಿರ ,ಉದ್ಯಾನ....ಆಹಾ ..! ಕಿತ್ಲೆ  ಚಂದ್ ಕಾಮ್ ಜಲ್ಲಾ !ಮಹಾರಾಜಾ ಹಾಂವ ಫಲ್ಲೆ  ಸಕಾಣಿಚಿ ಭಾರ್ಸರ್ತಾ " 

ಧ್ರತರಾಷ್ಟ್ರ: "ವಿದುರಾ ! ಆಮ್ಗೆಲೆ ನವ್ವೆ ಸಭಾ ಮಂದಿರಾಂತು ಚೆರ್ಡುವಾನಿ  ' ಚದುರಂಗ ಕ್ರೀಡೆ ' ಖೆಳ್ನು ಸಂತೋಷಾರಿ ಬಾಬ್ಭಾ೦ವಾನಿ ಆನಂದಾರಿ ಅಸ್ಸುಕಾ ಮೊಣು ಮಿಗೆಲಿ ಆಶಾ  "

ವಿದುರ: "ಮಹಾರಾಜಾ ! ಚದುರಂಗ ಕ್ರೀಡೆ ಮ್ಹಳ್ಳೆರಿ ...ದ್ಯೂತ ಖೇಳು ನವೆ ! ಪರಮ ನಿಶಿದ್ಧ ಖೇಳು ಮಹಾರಾಜಾ  ! ಪೂರ್ವಾ೦ತು ನಳ ಚಕ್ರವರ್ತಿನ ಅಸಲೆ  

ದ್ಯೂತ ಖೆಳ್ನು , ಸಮಸ್ತ ರಾಜ್ಯ ವೈಭವ ಕಾಣ್ ಘೆತ್ತಿಲೆ . ಆಖೇರಿಕ .. ಬಾಯ್ಲೆಕ ದೂರ ಜಾವ್ನು, ದುಸ್ರೆಲೆ ಘರಾಂತು ದಾಸ ಜಾವ್ನು ಜೀವನ ಕೆಲ್ಲೆ . ಕೋಣ ಜಾಲ್ಲ್ಯಾರಿಯ್  ದ್ಯೂತ ಚಾಂಗ ನಯ್  .

ಧ್ರತರಾಷ್ಟ್ರ: " ವಿದುರಾ ! ಪ್ರತೀ ಏಕ ವಿಷಯಾಕ ತುಗೆಲೆ ಕಸಲೆಯೀ ಯೇಕು ರಾಗ ಆಸ್ತಾಚಿಮೂ ...ತುಕ್ಕಾ ಅಭ್ಯಾಸು ಜಾವ್ನು ಗೆಲ್ಲಾ  .ದ್ಯೂತ ಖೆಳ್ತಾಲೆ ಅಮ್ಗೆಲೆಚಿ ನವೆ ...ಹಾಂತು ಕೊಣಯ್ ಭೈಲಚೆ ನಾತಿ ನವೆ ವಿದುರಾ ! . ತುಗ್ಗೆಲ್ ಅನುಮಾನ ಪೂರಾ ಸೋಡಿ  ."

ವಿದುರ: "ಮಹಾರಾಜಾ  ! ದ್ಯೂತ , ವ್ಯಭಿಚಾರ ,ಮಧ್ಯಪಾನ , ಮೃಗಬೇಟೆ , ಚೊರ್ಪಣ , ಫಟ್ಟಿಉಲ್ಲೋಚೆ ... ಹೇ ಸಪ್ತ ವ್ಯಸನ  . ಹಂತು ದ್ಯೂತ ಮಹಾ  

ಉಪದ್ರವ ಕಾರಿ ! ಬಪ್ಪುಸು ಚೆರ್ಡು೦ವ ಅಸ್ಸೋ  , ಭ -ಬ್ಭಾವಚಿ ಅಸ್ಸೋ , ಆತ್ಮೀಯ ದೋಸ್ತಚಿ ಅಸ್ಸೋ ; ಅಭಿಮಾನಿ ಲೋಕು ದೂರ ಝಾವನು , ಅನುಬಂಧ ಮತ್ತಿಂತು  ಮೇಳ್ನು  , ದ್ವೇಷಾಕ ಕಾರಣ ಜತ್ತಾ  "

ಧ್ರತರಾಷ್ಟ್ರ: " ಸಾನು ಫತ್ತೋರು ದೊಳೆಕ ಲಗ್ಗಿ ಧರ್ಲೆರಿ ... ತೋ... ಹೊಡು ಪರ್ವತು ಶೀ ದಿಸ್ತಾ ಖೈ ! ಉಜ್ವಾಡಾ ಮಾಕ್ಷಿ ಕಾಳೊಕು ಅಸ್ತಾ ಮೋಣು ,ಅಮ್ಮಿ  

ಉಜ್ವಾಡಾಕ ಸೊಡು ಝತ್ತವೆ ? ಆಮ್ಗೆಲೆ ಆಮ್ಗೆಲೆ ಭಿತರಿ ತಷಿ ಕಸಲೆಯ್ ಜಾಯ್ನಾ . ತಷಿ ಕಸಲೆಯಿ ಜಲ್ಲ್ಯಾರಿ ಅಮ್ಮಿ ನಾತಿ ವೇ ?" ಮ್ಹಳ್ಳೊಲೋ ಧ್ರತರಾಷ್ಟ್ರ  

ವಿದುರ: " ಮಕ್ಕಾ ಕಳ್ಳೆಲೆ ವಿಷಯು ಸಾಂಗ್ಲೆ ಮಹಾರಾಜಾ ! ಜಾಯ್ತ . ಹಾಂವ ಫಲ್ಲೆ ಸಾಕಾಣಿ ಇಂದ್ರಪ್ರಸ್ಥಾ ಕ ಭಾರ್ ಸರ್ತಾ  . " 

                       ಹೆರ್ ದಿವಸು ರಥಾರಿ ಚೋಣು ರಾಜಾಜ್ಞೆ ಘೇವ್ನು ಇಂದ್ರಪ್ರಸ್ಥ ದಿಕಾನ ಪಾಂಡವಾಂಕ ಆಮಂತ್ರಣ ಕೊರುಂಕ ಭಾರ್ ಸರ್ಲೊ.ವಿದುರಾನ ಆಯ್ಯಿಲೆ  

ಪೋಳೋನು ಪಾಂಡವಾಂಕ ಸಂತೋಷು ಝಲ್ಲೋ .ಎದುರ ಯೇವ್ನು, ಪಯ್ಯಾರಿ ಪೋಣು ಆಶೀರ್ವಾದು ಘೆತ್ಲೊ . ಅನಿ ಅಂತಃಪುರಾಕ ಸ್ವಾಗತ ಕೆಲ್ಲೆ .ದ್ಯೂತ  

ಆಮಂತ್ರಣ ಧರ್ಮರಾಯ ಕ ದಿಲ್ಲೆ  . 

ಪಾಂಡವ ಕುಂತಿ ಸಮೇತ ಹಸ್ತಿನಾವತಿಕ ಯೇವ್ನು ಪಾವಲೆ . ಭೀಷ್ಮ ದ್ರೋಣ ಕೃಪಾಚಾರ್ಯ ಸರ್ವ ಮಲಘಡೆಂಕ ಮೇಳ್ನು ಚರಣ ಸ್ಪರ್ಶ ಕೋರ್ನು ನಮಸ್ಕಾರುಕೆಲ್ಲೆ . ಕೌರವ ಪೂರಾ ಭಂವ೦ಡ ಯೇವ್ನು ಹಾರ್ದಿಕ ಶುಭಾಶಯ ಸಂಘುನು ಸ್ವಾಗತ ಕೆಲ್ಲೆ . ಹೇರ ದಿವಸು , ನವೀನ ಬಂದಿಲೆ ಸ್ಪಟಿಕ ಸಭಾ ಮಂದಿರ ಉದ್ಘಾಟನ  . ತೇ  ರಾತ್ರಿ  .. ಧುರ್ಯೋಧನಾಕ ಏಕಾಂತಾರಿ ಅಪ್ಪೋನು "ಕುಮಾರಾ  ! ಮಿಗ್ಗೆಲೆ ಮನಾಂತು ಮಸ್ತ ಖರ್- ಖರ ಜತ್ತಾ ಅಸ್ಸ . ಬಪ್ಪುಸು ನಾತ್ತಿಲೆ ಮಿಗ್ಗೆಲೆ ಭಂವ್ಡಾಲ್ ಚೆರ್ಡುವಾಂಕ ಅಪ್ಪೋನು ಹಾಂವಚಿ ತಾಂಕಾ ವಾಟ್ಟೇರಿ ಲಕೈತಾ  ಮ್ಹಣ್ಕೆ... ಮಿಗ್ಗೆಲೆ ಹೃದಯ್ ತಳ - ಮಳ್ತಾ . ಧುರ್ಯೋಧನಾ  ! ಫಲ್ಲೇ  ಜಾವ್ಚೆ  ದ್ಯೂತ ರಬ್ಬೊಕಾ ಮೋಣು  ದಿಸ್ತಾ  ! ಅಧರ್ಮ ದ್ಯೂತಾಂತು ಪರಾಜಯ ಝಲ್ಲೆರಿ ಫಲ್ಲೆ ಜಾವ್ಚೆ ಪರಿಣಾಮು ಲೆಕ್ತಾನಾ ಭಂಯ್ಯ ಜಾತ್ತಾ  " ಧ್ರತರಾಷ್ಟ್ರಲೆ ಸ್ವರಾಂತು ಭಂಯ್ಯ , ಕಂಪನ , ದುಃಖ , ಚಿಂತಾ ದಿಸ್ಲಿ  .

ಧುರ್ಯೋಧನ  : " ಪಿತಾಶ್ರೀ  ! ತುಗ್ಗೆಲ್ ಭಂಯ್ಯಾ , ಉತ್ರಾ೦ವಕ್ಕದ ... ಮಿಗ್ಗೆಲೆ ನರಾಂಕ ಲಗ್ಗನಾ . ಹೇ ಧಾರ್ಮಿಕ ಉತ್ರ೦ ಮಕ್ಕಾ ನಕ್ಕಾ ... ಹಾಂವ ಎಕ್ಲೊ ಹಠ  

ವಾದಿ  ! ಛಲ ವಾದಿ ! ಮಕ್ಕಾ... ಹಾಂವೆ  ಲೆಕ್ಕಿಲೆ ಜಾವ್ಕಾ  ! ಮನಾ ಅಯಿಲೆ ಮೇಳ್ಕಾ ! ಮಿಗ್ಗೆಲೆ ಉತ್ತರ೦ ಚೊಲ್ಕಾ ! ಅಯಿಕೂಕಾ ! ಮಿಗ್ಗೆಲೆ ಮನ ಮಕ್ಕಾ.. ಗುರು ! ಕೊಣಯ್ ಕಸಲೆಯ್ ..ಲೇಕ್ಲ್ಯಾರಿ ಮಕ್ಕಾ ತಾಜ್ಜೆ ಲಕ್ಷ್ಯ ನಾ ...! "  ಮ್ಹಳ್ಳಲೋ ಧುರ್ಯೋಧನು .  

ಧ್ರತರಾಷ್ಟ್ರ : " ಕುಮಾರಾ ... ! ತು .. ಅತ್ತ ಹೊಡು ಜಲ್ಲಾ  ... ತುಕ್ಕ ಸರ್ವ ರೀತಿಚೆ ಜ್ಞಾನ  ಅಸ್ಸ  . ಹಾಂವ ಜನ್ಮಾ ಯೆತ್ತಾನಾಚಿ ದೊಳೆ ನಾತ್ತಿಲೊ ಅಂಧ . ರಾತ್ರಿ  ದಿವಸ  ವ್ಯತ್ಯಾಸು ಕಳ್ನಾ ನಾತ್ತಿಲೊ ಪ್ರಜ್ಞಾ ಹೀನ ಹಾಂವ  ! ಹಾಂವ ಪಿಕ್ಕಿಲೆ ಪಾನ  ! ತೂ .. ಚಿಗುರು  ಪಚ್ವಿ  ಪಾನ  ! ಮುಕಾರ್ಚೆ ರಾಜ್ಯ ಭಾರ ತೂವೇ೦ಚಿ ಪೋಳೋಕಾ   . ತುಗ್ಗೆಲ್ ಮನಾ ಅಷ್ಶಿಲೆ ತಶಿ ಕರಿ " ಮ್ಹಳ್ಳಲೊ ಧ್ರತರಾಷ್ಟ್ರ  .

                       ಧುರ್ಯೋಧನು , ಕರ್ಣ , ದುಃಶ್ಶಾಸನು , ಶಕುನಿ ತೋರಣ ಸ್ಪಟಿಕ ಸಭೇ೦ತು ಏಕ್ ಜಾಗೇರಿ ಬಯ್ಸೂನು ದ್ಯೂತ  ಖೆಳ್ಚೆ ವಿಷಯಾಂತು ಸಮಾಲೋಚನಾ ಕರ್ತಾ ಆಸ್ಸತಿ . ಕರ್ಣಾಕ ದ್ಯೂತಾಂತು  ಪಾಂಡವಾಂಕ  ಮೋಸು  ಕೋರ್ನು ರಾಜ್ಯ ಅಪಹರಣ ಕೊರ್ಚೆ ಖುಷಿ ನಾ  . ಶೌರ್ಯ ಪರಾಕ್ರಮ ದಕ್ಕೋನು ಯುದ್ಧ ಕೋರ್ನು ರಾಜ್ಯ್  ಘೇವ್ಕಾ ಮ್ಹಳ್ಳೆಲೆ ಅಭಿಪ್ರಾಯು .

ಕರ್ಣ : "ಮಿತ್ರ ಧುರ್ಯೋಧನಾ ! ಕಪಟ ದ್ಯೂತ ಖೆಳ್ಕಾಚಿ  ವೇ  ? "

ಧುರ್ಯೋಧನ : "ವ್ಹಯ್ ಕರ್ಣಾ ! ಆಮ್ಗೆಲೆ ಶತ್ರು ಆಮ್ಗೆಲೆ ಪೊಶಿ ಬಲವಾನು ಜಾವ್ನು ಅಷ್ಶಿಲೆ ತೇದನಾ ಕುಹಕ  ನೀತಿರಿ ಖೆಳ್ಚೆ ... ಮಕ್ಕಾ ಸಮ್ಮ ಮೋಣು ದಿಸ್ತಾ . ತಂತು ಕಾಯಿ ಚೂಕಿ ನಾ  ."

ಕರ್ಣ : "ಧುರ್ಯೋಧನಾ  ! ತುಮ್ಗೆಲೆ  ಪೊಶಿ  ಬಲವಂತ  ಕೀ  ಆಮ್ಗೆಲೆ  ಶತ್ರು  ? ಭೀಮಾಕ  ತೂ  ; ಅರ್ಜುನಾಕ  ಹಾಂವ  ; ವರ್ಲೆಲೆ ಭಂವ್ದಾಂಕ ತುಗ್ಗೆಲ್ ಬಾಕಿ ಭವಂಡಾನ  ಪೋಳೋನು  ಘೆತ್ಲೆರಿ ... ಯುದ್ಧಾ೦ತು ಪಾಂಡವಾಂಕ ರಕ್ಷೆ  ಕೋರ್ಚ್ಯಾಕ  ತೇ ಪರಮಾತ್ಮಾಕ  ತಾಯಿ ಜಾಯ್ನಾ  ."                                            ಧುರ್ಯೋಧನ : " ತೂ೦ವೆ ಸಂಗಚೆ ಸಮ್ಮ ಕರ್ಣಾ! ಆಮ್ಗೆಲ್ ಭೀಷ್ಮ ಪಿತಾ ಮುಕಾರಿ ಹೇ  ಪ್ರಥ್ವಿ೦ತು ಕೋಣ  ಅಸ್ಸ ! . ತಗೆಲೇ ಅಶಿಲೆ ದಿವ್ಯಾಸ್ತ್ರ ಕೊಣಾಲಗ್ಗಿ ನಾ  . ತೊ  ಇಚ್ಚಾ ಮರಣಿ . ಪಾಂಡವಾಂಕ ನಂಕಾ ದೊರಿ ಘಲಕಾ ಝಲ್ಲೇರಿ ತೊ ಎಕ್ಲೊ ಪೂರೋ .. "

ಕರ್ಣ : " ಪಾಂಡವಾಂಗೆಲೆ ವಿಷಯು ತೂ ಆಲೋಚನಾ ಕರ್ತಾ  ಜಲ್ಲೇರಿ ... ಹಾಂವ ತುಗ್ಗೆಲ್ ವಿಷಯಾಂತು ಆಲೋಚನಾ ಕರ್ತಾ ಅಸ್ಸ  . ಫಲ್ಲೆ ಚರಿತ್ರೆ೦ತು ತೂ ಎಕ್ಲೊ ಅಪರಾಧಿ ಜಾವ್ನು ಆಸ್ತಲೊ ... " 

ಧುರ್ಯೋಧನ : " ಪಾಪ -ಕರ್ನಾಶಿ .. ಕೊಣಾಯ್ ರಾಯು ಜಾವಚಾಕ ಸಾಧ್ಯ ನಾ . ಧರ್ಮಶಾಸ್ತ್ರಾ೦ತುಚಿ ಸಾಂಗ್ಲಾ . ಹೇ ದ್ವಾಪರ ಯುಗ ಅಂತ್ಯ ಕಾಲಾರಿ ಧರ್ಮ ನಿಷ್ಠಾಕ  ಸ್ಥಾನ ನಾ ಕರ್ಣಾ  ! ... ಕರ್ಣಾ ! ಚಾಳೀಸ  ವರ್ಷ  ಸುಧೀರ್ಘ ಸ್ನೇಹ ಆಮ್ಗೆಲೆ  .ಆಮ್ಗೆಲೆ ಸ್ನೇಹ  ಶುರು ಜಾವ್ಚೆ ಫೂಡೆ   , ಅಸ್ತ್ರ ವಿದ್ಯಾ ಪರೀಕ್ಷಾ ವೆಳ್ಯೇರಿ , ತುಕ್ಕಾ  ದ್ರೋಣಾಚಾರ್ಯನ ತುಗ್ಗೆಲ್ ಸ್ಥಾನ ಮಾನ ಪ್ರಶ್ನೋ ಕರ್ತನಾ ... ಹಾಂವ ತುಗ್ಗೆಲ್ ಬದಿ , ಬಲಾಕ  ಯೇವ್ನು ರಬ್ಬಿಲೇ ತುಕ್ಕಾ ಗೊತ್ತಸ್ಸ ಕೀ  ! ತೂ ಅರ್ಜುನಾಕ ಪ್ರತಿ  ಸ್ಪರ್ಧಿ  ಝತ್ತಲೋ ಮೋಣು ನಯೀ  . ತೇ  ಕಿತ್ಯೆಕೀ ಮಿಗ್ಗೆಲೆ ಮನಾಂತು ತುಗ್ಗೆಲ್ ತೊಂಡ ಪೊಳೈಲೆ ಸತಾನ ಮಕ್ಕಾ ತುಗ್ಗೆಲ್ ವೈರಿ ಆತ್ಮೀಯತಾ ವಾಡ್ಲಿ  . ತೂ  ಮಿಗೆಲೋ .. ಮ್ಹಳ್ಳೆಲಿ  ಭಾವನಾ  ಆಯಿಲಿ  .ಖಂಚೆ ಜನ್ಮಾಚೆ ಋಣಾನುಬಂಧ ಕೀ  ...ಹಾಂವ ಅನಿ ತೂ ವೊಟ್ಟು ಝಾಲ್ಲಿಂತಿ . ಮಕ್ಕಾ ಕೊಣಾಯ್ ವಿಮರ್ಶಾ ಕೆಲ್ಲೇರಿ ತಂಕಾ  ಹಾಂವ ಲಕ್ಷ್ಯ  ಕರ್ನಾ . ಝಾಲ್ಲೇರಿ i... ಕರ್ಣಾ  ....ತೂ೦ವೆ ಮಿಗ್ಗೆಲೆ ವಿಮರ್ಶಾ ಕೆಲ್ಲೇರಿ .. ಮಕ್ಕ ಸಹನಾ ಕೊರ್ಚೆ ಶಕ್ತಿ ನಾ  ."  ಧುರ್ಯೋಧನು ಉದ್ವಿಗ್ನ ಝಲ್ಲೋ , ದೊಳೆಂತು ಉದ್ದಾಕ   ಅಯಿಲೆ . ಕರ್ಣಾನ ಧುರ್ಯೋಧನಾಲೆ ಖಂಧೇರಿ ಹಾತು ಘಾಲ್ನು .

ಕರ್ಣ : " ಧುರ್ಯೋಧನಾ  !! ಆನ್ನೇಕ ಪೋಟಿ ಅಷ್ಶಿ ಉಲ್ಲೋನುಕ್ಕ ! .... ತೂ ರಾಯು . ಅಮ್ಮಿ ... ತುಗೇಲೆ ಸಹಚರ  ! ಆಮ್ಗೆಲೆ ವೈರಿ ಶಾಸನ ಕೊರ್ಚೆ ಅಧಿಕಾರು  ಅಷ್ಶಿಲೋ . ಮಿತ್ರಾ ..!  ಹೇ ಪ್ರಾಣು ಮಿಗ್ಗೆಲೆ ಮೋಣು   ಹಾಂವೆ  ಕೆದನಾಯಿ  ಲೆಕ್ಕನಿ  . ತೂ೦ವೆ  ಧರ್ಲೆಲೆ ವಾಟ್ಟೇರಿ  ತುಗೇಲೆ   ಮಾಕ್ಷಿ  ಯೆವಚೆ  ಕಾಮ ಆಮ್ಗೆಲೆ . ತ್ಯೆ  ವಿಷಯಾನ ವಿಚಾರ ವಿಮರ್ಶಾ ಕೆದನಾಯಿ ಕರ್ನಿ..  ಅನಿ ಮುಕಾರಿಯಿ ಕರ್ನಾ. ತೂ ಮಿಗೆಲೋ ಸ್ವಾಮಿ ! ಬಂಧು ! ಮಿತ್ರು ! ಮಿಗ್ಗೆಲೆ ಅಂಗಾಂತು ಜೀವು ಅಸ್ಚೊ ತೆದೊಳು  ತಾಯಿ ... ಮರಣ ಲಗ್ಗಿ ಯೇನಾ ತಶಿ ಪೊಳೈತಾ .ಮಿತ್ರಾ ! ಮಿಗ್ಗೆಲೆ ನಿಮಿತ್ಯ ಕಸಲೆಂಯ್ ಚೂಕಿ ಝಲ್ಲೆರಿ ಸಾಂಗ , ಕ್ಷಮಾ ಕರಿ " ಮ್ಹಳ್ಳಲೋ ಕರ್ಣ .  

ಧುರ್ಯೋಧನ: " ಕರ್ಣಾ ! ಮಕ್ಕಾ ತೂ ಫಟೀರಿ ಪೊಳ್ಳೋಲೊ ಭಾವಾ ಪೋಷಿ ಚಡ . ತೂ ಏಕ್ಲೊಚಿ .. ಏಕ ಬದಿ ಜಲ್ಲೆರಿ ... ಆನ್ನೇಕ ಬದಿನ ಮಿಗ್ಗೆಲೆ ಶತ ಭಂವ್ಡ . ನಾವಾಕ   ತಕೀತ ಹಾಂವ ರಾಯು , ಜಲ್ಲಾರಿ  ಹಸ್ತಿನಾವತಿಚೆ ರಾಜ ಸೂತ್ರ ತುಗ್ಗೆಲ್ ಹಾತ್ತಾಂತು ದಿಲ್ಲಾ  . ಹಾಂವೆ ನರಕಾ ಗೆಲ್ಲೆರಿ  ತೂ ನರಕಾ ಕ ಯೆತ್ತಾ  ; ಹಾಂವ ಸ್ವರ್ಗಾ ಗೆಲ್ಲೆರಿ  ತೂ ಸ್ವರ್ಗಾ ಯೆತ್ತಾ ಮ್ಹಳ್ಳೆಲೆ ನಂಬಿಕ ಮಕ್ಕಾ ಅಸ್ಸ"  ಮ್ಹಳ್ಳಲೋ ಧುರ್ಯೋಧನು  

ಕರ್ಣಾನ ಮಾಯಾ ದ್ಯೂತ ಖೆಳ್ತಾನಾ ಧುರ್ಯೋಧನಾ ವೊಟ್ಟು ಮೇಳು೦ಕ ಕಾರಣ ಹೇ ಜಾತ್ತಾ  .

ಉಮಾಪತಿ