MENAKA VISHWAMITRA ( Konkani Bhashentu )
( ಹೀ ಕಾಣಿ ಮಹಾ ಕವಿ ಕಾಳಿದಾಸ ನ ಶ್ರಾಂಗಾರ ರಸ ಮುಖ್ಯ ಜಾವ್ನು ಬೋರಯಿಲೆ ... ತಾಜ್ಜೆ ಅನುಕರಣ ಕೊಂಕಣಿ ಭಾಶೆಂತು ಬೊರೊಚ್ಯಾಕ ಪ್ರಯತ್ನ ಕೆಲ್ಲಾ . ಶಬ್ಧಾವಳಿ ಪ್ರಯೋಗ ಕೆಲ್ಲೆಲೆ ಕಸಲೆಯೀ ಚೂಕಿ ಜಾವ್ನು ಅಸ್ಲೆರಿ ಕ್ಷಮಾಪಣ ಅಸ್ಸೋ . )
ತ್ಯೋ ಎಕ್ಲೊ ರಾಯು ; ಸರ್ವ ... ಜಾಯಿ ಝಲ್ಲೆಲೆ ಐಶ್ವರ್ಯ ತಗೆಲೆ ಅಷ್ಶಿಲೆ . ಜಲ್ಲೇರಿ ತಕ್ಕ ವಸಿಷ್ಠ ಮಹರ್ಷಿ ಲಗ್ಗಿ ಅಷ್ಶಿಲೆ ಕಾಮಧೇನು ಜಾವ್ಕಾ ಮೋಣು ದಿಸ್ಲೆ . ತೀ .. ಸಾಧಾರಣ ಗಾಯಿ ನಯೀ ...ನಿಮಗಿಲೆಲೆ ಸರ್ವ ಕಾಮನ ಪೂರ್ತಿ ಕೊಚ್ಯೇ ಗೋ ಮಾತಾ ಝಾವನು ಅಷ್ಶಿಲಿ . ಏಕ ದಿವಸು , ದಿಗ್ವಿಜಯ ಕೋರ್ನು , ರಾಜ್ಯಾಕ ವಾಪಸ್ ಯೆತ್ತನ ... ಅರಣ್ಯ ಮಾರ್ಗು ಜಾವ್ನು ಯೆವ್ಕಾ ಪೊಳ್ಳೇ .ವಾಟ್ಟೇರಿ ವಸಿಷ್ಠ ಮಹರ್ಷಿಲೆ ಆಶ್ರಮಾಂತು ರಬ್ಬುಕಾ ಝಲ್ಲೆ . ವಸಿಷ್ಠ ಮಹರ್ಷಿನ ಸಗಳೇ ಸೈನ್ಯಾಕ ರಾಜೋಪಚಾರು ಕೆಲ್ಲೊ . ಸರ್ವಾಂಕ ಭೂರೀ ಜೇವಣ ಘಾಲ್ನು ತೃಪ್ತಿ ಕರಯಿಲಿ . ಅರಣ್ಯಾ೦ತು ರಬತಾಲೆ ಸಾಧಾರಣ ಮುನಿ ಸನ್ಯಾಸಿ ಕ ಇತ್ಲೆ ಶಕ್ತಿ ಕಶಿ ಆಯಿಲಿ ಮೋಣು ಆಶ್ಚರ್ಯ ಝಲ್ಲೆ !. ಕಾಮಧೇನು ಅಶಿಲೆ ನಿಮಿತ್ಯ , ಅ ಶ್ಶ್ಯಿ ಭೋಜನ ಘಾಲೂ ಸಾಧ್ಯ ಝಲ್ಲೆ .. ಮೋಣು ಕಳ್ಳೆ . ತಸಲೆ ದಿವ್ಯ ಕಾಮಧೇನು , ರಾಯು ಜಾವ್ನು ಅಶ್ಶ್ಯಿಲೊ ತಗೆಲ್ಯಾಗೀ ಅಸ್ಸುಕಾ ಮೋಣು ಆಶಿ ಪಾವಲೋ . ಅನಿ ವಸಿಷ್ಠಾ ಲಗ್ಗಿ ಮಕ್ಕ ದೀ ಮೋಣು ನಿಮಗಿಲೇ . ಕಾಮಧೇನು ಬದ್ಲಾಕ .... ಸಹಸ್ರ ಸಹಸ್ರ ಗಾಯ್ಯೊ , ಭ್ಹುಂಯಿ , ನಗ , ನಾಣ್ಯ ಮಸ್ತ ಸಂಪದ ದಿತ್ತಾ ಮಳ್ಳಲೋ . ಝಲ್ಲೇರಿಯಿ , ವಸಿಷ್ಠಾನ ಕಾಮಧೇನು ದಿವ್ಚ್ಯಾಕ ಸಹಮತಿ ದೀನಿ . ರಾಯಾ ನ ಬಲಾತ್ಕಾರ್ ಕೋರ್ನು ವೊರ್ಚ್ಯಾಕ ಪ್ರಯತ್ನ ಕೆಲ್ಲೆ . ಝಲ್ಲೇರಿ ... ತ್ಯೆ ದಿವ್ಯ ಧನು , ಏಕ ಹುಂಕಾರಾರೀ , ಲಕ್ಷ ಲಕ್ಷ ಸೈನ್ಯ ಸ್ರಷ್ಠಿ ಕೋರ್ನು ರಾಯಾಕ ಯುದ್ಧಾ೦ತು ಪರಾಭವ ಕೆಲ್ಲೆ . ರಾಯಾನ ದಿವ್ಯಾಸ್ತ್ರ ಪ್ರಾಯೊಗು ಕೆಲ್ಲೊ ಝಲ್ಲೆರಿಯಿ ವಸಿಷ್ಠಾ ಮಹರ್ಷಿಲೆ ಬ್ರಹ್ಮ್ಮದಂಡಾ ಎದುರ ಖಂಚೇಯಿ ಅಸ್ತ್ರ ರಬ್ಬನಿ .ಬ್ರಹ್ಮ್ಮ ಬಲಾ ಎದುರ ಕ್ಷಾತ್ರ ಬಲ ; ಉಜ್ಜೆ ಎದುರ ರಬ್ಬಿಲೇ ಪತಂಗಾ ಮ್ಹಣ್ಕೆ ನಿಷ್ಫಲ ಝಲ್ಲೆ . ತೇಜಸ್ವಿ 'ಬ್ರಹ್ಮ್ಮಬಲ ' ಚ್ಯಿ ... ಸ್ರೇಷ್ಠ ಮೋಣು ಲೆಕ್ಕುನು , ಹಾಂವೆಯ್ 'ಬ್ರಹ್ಮ್ಮರ್ಶಿ ' ಝತ್ತಾ ಮೋಣು ಕಠೋರ ತಪಸ್ಯ ಕೋರು ಲಾಗ್ಲೊ . ರಾಜ್ಯ , ಭೋಗ ಭಾಗ್ಯ , ಚದುರಂಗ ಬಲ , ಸರ್ವ ಸೂಖ ಸೋಣು ಅಖಂಡ ತಪಸ್ಯ ಕೋರ್ನು , 'ರಾಜಋಷಿ ' , 'ಮಹರ್ಷಿ ' , ಝಲ್ಲೋ . ತಗೆಲೆ ಆಶ್ರಮಾ ಲಗ್ಗಿಚ್ಯಿ .. ಹೊಳ್ಚ್ಯಿ ನಯೀ ಸ್ರಷ್ಠಿ ಕೆಲ್ಲಿ . ತಾಣೆ ರಾಜ್ಯಾ೦ತು ನಾತ್ತಿಲೆ ವೆಳ್ಯೇರಿ ಬಾಯ್ಲೆಕ ರಕ್ಷಣಾ ದಿಲ್ಲಿ ಮೋಣು ಮಾತಂಗ ಮಳ್ಳೆಲೆ ರಾಯಾ ಕರೇನ್ ಯಜ್ಞ ಕೊರೋನು ತಗೆಲೆ ಶ್ರಾಪು ವಿಮೊಚನ ಕರಯಿಲೊ . ಸ್ವರ್ಗಾ ದುಕುನು ಸರ್ವ ದೇವ ಲೋಕಾಂಕ ಆಮಂತ್ರಣ ಕೋರ್ನು ಸಂತೃಪ್ತಿ ಕೆಲ್ಲೆ . ತ್ರಿಶಂಕು ಮ್ಹಳ್ಳಲೋ ರಾಯು , ವಸಿಷ್ಠಾ ಲೇ ಶ್ರಾಪ ನಿಮಿತ್ಯ ಚಾಂಡಾಲ ಝಾವನು ಸ್ವರ್ಗಾ ವೋಚ್ಚಾನಾಶಿ ; ಹೇತಾ೦ತು ಪ್ರಥ್ವಿಕಾ ದೇವನಾಶಿ ರಬ್ಬಿಲೆಕ ಏಕ ವಿಂಗಡ ಸ್ವಾರ್ಘು ಸ್ರಷ್ಠಿ ಕೋರ್ನು ದಿಲ್ಲೆ . ಅಸಲೆ ಸಾಹಸಿ , ಮಹರ್ಷಿ ಖುಷಿ ವಂಶಾಂತು ಜನ್ಮು ಘೆತ್ತಿಲೊ ವಿಶ್ವಾಮಿತ್ರ ... !
ಕಠೋರ ತಪಸ್ಯ ಕೋರ್ಚ್ಯೇ ಪೋಳೋನು ದೇವಾ ಲೋಕಾಂತು , ಇಂದ್ರ ಲೋಕಾಂತು ಉದ್ವಿಗ್ನ ಝಲ್ಲೆ . ಮಿಗ್ಗೆಲೆ ಸಿಂಹಾಸನ ಖತೀರಿ ವಿಶ್ವಾಮಿತ್ರು ಪ್ರಯತ್ನ ಕರ್ತಾ ಅಸ್ಸ ಮೋಣು ಸಂಶಯು ಝಲ್ಲೋ ಇಂದ್ರಾಕ . ತಗೆಲೆ ತಪಸ್ಯ ಭಂಗ ಕೋರ್ಚ್ಯಾ ಕ ಸುರಾ ಸುಂದರಿ ಅಪ್ಸರೆ ಝಲ್ಲೆಲಿ ಮೇನಕಾ ಕ ಅಪ್ಪೋನು .... " ಮೇನಕಾ ... ! ಅತಿ ಸ್ರೇಷ್ಠ , ಅಂಗ ಸೌಷ್ಠವ ಅಷ್ಶಿಲಿ ತೂ . ತುಗೆಲೆ ರೂಪಾ ಕ ಮೋಹಿತ್ ಜಾಯ್ನಾ ನಾತ್ತಿಲೊ ಪುರುಷು ನಾ . ತೂವೆ ... ಭೂಲೊಕಾಕ ವೊಚ್ಚುನು ವಿಶ್ವಾಮಿತ್ರಾಲೆ ತಪೋ ಭಂಗ ಕೋರ್ಕಾ .. " " ಹಾಂವ ಕೋರ್ಕಾ ವೇ ... ?" ನಿಮಗಿಲೆ.... ಮೇನಕಾ ಭಿಲ್ಲಿ .. " ತ್ಯೋ ವಿಶ್ವಾಮಿತ್ರು ... ಮಹಾ ತಪಸ್ವಿ ..ಸೂರ್ಯ ಚಂದ್ರಾ ಮ್ಹಣ್ಕೆ ಆಶಿಲೆ ತಗೆಲೆ ದೊಳೆ ಪೋಳಯಿತನಾಚ್ಯಿ ಭಂಯ್ಯ ಕರ್ತಾ . ಕ್ರೂರ ದ್ರಷ್ಠಿ ನ ಸಗಳೆ ಭೂಯಿ ಕಾಂಪ್ಚ್ಯೇ ತಶಿ ಕೋರ್ಚ್ಯೆ ಶಕ್ತಿ ಅಶಿಲೋ ಮಹಾ ತಪಸ್ವಿ . ಮೇರು ಪರ್ವತು , ಸಾನ ಫತ್ರಾ ಕುಡ್ಕೊ ಶೀ ಕೋರ್ಚ್ಯೇ ತಾಕತ ಅಶಿಲೋ , ದಶ ದಿಶಾ ಕ , ಘು೦ವಡಾನು ಘಲ್ಚಯೇ ಶಕ್ತಿ ಅಷ್ಶಿಲೋ ತಪಸ್ವಿ ... ಮಹಾ ಕೋಪಿಷ್ಟು . ಮಕ್ಕ ತ್ಯೋ ಭಸ್ಮ ಕೋರ್ನು ಘಾಲ್ತಾಲೊ . " ಮ್ಹಳ್ಳೆಲಿ ಮೇನಕಾ . "ತ್ಯೋ ಕಸಲೆಯ್ ಅಸ್ಸೋ ...ಕಿತ್ಲೆಂಯ್ ಜಿತೇಂದ್ರಿಯ ಜಾವ್ನು ಅಸ್ಸೋ ... ಸ್ತ್ರೀ ಕಟಾಕ್ಷ ದ್ರಷ್ಠಿ ಬಾಣಾ ಕ , ಕೋಣ ಝಲ್ಲೆರಿಯಿ ಬಲಿ ಝತ್ತಲೇ ಚ್ಯಿ . ಕಿತ್ಲೆಯ್ ದೃಢ ಜಿತೇಂದ್ರಿಯ ಪುರುಷು ... ಸ್ತ್ರೀ ಲೇ ಗರ್ಭ ಪಾಷಾ ಕ ಸುತ್ತುನು ಪೊಡ್ತಾಲೊ ... ಹ್ಯೇ ಬ್ರಹ್ಮ್ಮ ಸ್ರಷ್ಠಿ ..... ತೂ ವಸ ... ಭೀವ್ನುಕ್ಕ... . ತುಗೆಲೆ ವೊಟ್ಟು , ಮನ್ಮಥ , ವರುಣ, ವಾಯು , ತುಗೆಲೆ ಸಹಾಯಾ ಕ ಯೆತ್ತಾತಿ . ಶಿಖಾರಿ ... ಬಲೇ ಘಾಲ್ತಾನಾ ತಾಜ್ಜೆ ವೈರಿ ತಂದ್ಲಾ ದಾಣ ಘಲು೦ಕ ವಿಸರ್ನಾ ... ತಶಿಂಚ್ಯಿ ... ತೂ ನರ್ತನ ಕರ್ತಾನಾ ... ವಾಯು ತುಗೆಲೆ ಕಪ್ಪಡಾ ಸೆರಗ ಉಬೈತಾಲೊ ... ವರುಣು ಪಾವ್ಸು ಹಾಡೋನು ತುಗೆಲೆ , ತಗೆಲೆ .. ಅಂಗಾಂತು ಉನ್ಮಾದ ಭರ್ತಲೊ ... ಮನ್ಮಥ ... ಕಾಮ ಪುಷ್ಪ ಬಾಣು ಮಾರ್ನು ಉತ್ತೇಜನ ಕರ್ತಾಲೊ .. ಹಾಂಗೇಲೆ ಎದುರಾ ... ವಿಶ್ವಮಿತೃ ... ಏಕ ತೃಣ ಸಮಾನ ... ಪ್ರಲೋಭನಾ ಹಾಡೋಚ್ಯಾ ಕ ಹನ್ನಿ ತೀನಿ ಜನ ಪೂರೋ . " ಇಂದ್ರಾಲೆ ಉತ್ತರ ಅಯಿಕುನು ಮೇನಕೆಕ ಧೈರ್ಯ ಅಯಿಲೆ . ವರುಣ , ವಾಯು , ಮನ್ಮಥಾ ವೊಟ್ಟು ಭೂಲೋಕಾಕ ಭಾರಸರ್ಲಿ ..
ಹಿಮವತ್ ಪರ್ವತ ಸುಂದರು ಜಾಗೊ . ಮನ್ಮಥಾ ನ ಏಕ ಬಾಣು ಮಾರ್ನು ಥಂಚ್ಯೆ ವಾತಾ ವರಣ ಅತೀ ಸುಂದರ ಕೆಲ್ಲೆ . ಸುಗಂಧ ಭರ್ಲೆಲೆ ಪುಷ್ಪ ಲೋಕ... ತ್ಯೆ ಮಧ್ಯೆ ವಿಹಾರ ಕೋರ್ಚ್ಯೇ ಚಕ್ರ ವಾಕ ಪಕ್ಷಿ ಜೋಡಿ , ಹಂಸ ಜೋಡಿ . ಕೀರ , ಮೊರ , ಚಿಲಿ ಪಿಲಿ ಪಕ್ಷಿ ಧಾಮ , ಸುಶ್ರಾವ್ಯ ಕೊಯಲ ಗಾನ , ಫಲ ಭರಿತ ಉದ್ಯಾನ ... ತ್ಯೆ ರಮ್ಯ ವಾತಾವರಣ ಇತ್ಲೆ ಚಂದ ..... ಪೋಳೋಚ್ಯೆ ಭಿತರಿ ಸ್ರಷ್ಠಿ ಝಲ್ಲಿ .
ಮೇನಕಾ .. , ವಿಶ್ವಮಿತ್ರಾಲೆ ಯೆದ್ರಾಕ ಆಯಿಲಿ . ಅಖಂಡ ತಪಸ್ಯ ಧ್ಯಾನಾರಿ ಅಶಿಲೋ ಮುನಿಕ ಹ್ಯೇ ಕಸಲೆಯೀ ಕಳ್ ನೀ . ಸುರ್ವೆಕ ವಿಶ್ವಮಿತ್ರಾಕ ನಮನ ಕೆಲ್ಲೆ .ಅನಿ ತಿಗೆಲೆ ನಾಟ್ಯ ಶುರು ಕೆಲ್ಲೆ ... ನಯನ ಮನೋಹರ ಭಂಗಿ ದಕ್ಕೋನು , ತಿಗೆಲೆ ನರ್ತನಾ ವೊಟ್ಟು ದೊಳೆಚ್ಯೆ ಚಂಚಲ ಕುಡಿದ್ರಷ್ಠಿ , .... ವೊಂಟಾರಿ ಚಿರು ಹಾಸು .... ಶ್ರದ್ಧಾ ಭಕ್ತಿ ನ ಭರ್ಲೆಲೆ ಪ್ರೀತಿ ಭಾವ .... ಕಾರವಿನ್ಯಾಸ ,.... ಅತಿಶಯ ಜಾವ್ನು .... ಲಚಕ ಲಾಸ್ಯ .... ಕೂರ್ಟ್ , ಫುಲ್ಲಾ ವಾಲಿ ಮ್ಹಣ್ಕೆ ಥಳಕು ಬಳಕಾ ಕಂಬರ ,.. ಮಿಂಚಾ ವಾಲೀ ಮ್ಹಣ್ಕೆ ಉಬ್ಚ್ಯೆ ತಿಗೆಲೆ ನೀಲ ಫಂತಿ , ... ಮಂಜುಳ ನಿನಾದ ಝಲ್ ಝಲ್ ಜಿಲ್ ಜಿಲ್ ...ಕರ್ಣ ಮಧುರ ಪಯ್ಯಾ ಘೆಜ್ಜೆ , ... ಆಲತಿಕಾ ... ರಸಾನ ಆಲಂಕಾರು ಕೆಲ್ಲೆಲೆ ತಿಗೆಲೆ ಪಯ್ಯಾ ಪಾಂವ್ಲ , ... ಘೆಜ್ಜೆ ನಾದಾ ಸಮ್ಮ ಜಾವ್ನು ಉಡ್ಚ್ಯೇ ಕುಚದ್ವಯ .... ವಿಶ್ವಾಮಿತ್ರನ ದೊಳೆ ತಿಗೆಲೆ ಅಂಗಾ ವಯ್ಲ್ಯಾನ ಕಾಣಾಶಿ ಕೆಲ್ಲೆ . ಮನಾ ಆನಂದ ಝಲ್ಲೆ .... ಮನ ಮೋಹಕ ಆನಂದ ಝಲ್ಲೆ ... ಮೋಹ ಹೃದಯಾಂತು ಭರ್ಲೆ ... ನಾಟ್ಯ ಪಳಯಿತಾ - ಪಳಯಿತಾ.... ವಿಶ್ವಮಿತ್ರು ಹ್ಯೇ ಲೋಕ ವಿಸರ್ಲೊ ... ಧರ್ಲೆಲೆ ಮನಾ ಧ್ಯಾನ , ಧ್ಯಾಸ , ಪುರುಷಾರ್ಥ ಸಿದ್ದಿ ಮಂತ್ರ ವಿಸರ್ಲೊ ... ಮನಾ ಪ್ರತಿಷ್ಠಾ ಕೆಲ್ಲೆಲೆ ಬ್ರಹ್ಮ್ಮಾ ಕ ವಿಸರ್ಲೊ . ಮೇನಕೆಲೆ ನಾಟ್ಯ ಪೋಳೋನು ಮೊರಾಂಕ ಲಜ್ಜಿ ಕೆಲ್ಲಿ ... ಅಂಗಾರಿ ಭರಿ ದೊಳೆ ಕೋರ್ನು ತಿಗೆಲೆ ನಾಟ್ಯ ಪೋಳಯಿಲೆ ... ! ಮೇನಕೇನ ತಿಗೆಲೆ ಮಧುರ ತಾಳೇನ ನಾಟ್ಯ ಸಂಗೀತ ಸಾಂಗ್ತಾನಾ ..... ಕೋಯಲ್ ಲಜ್ಜಿ ಕೋರ್ನು ಅಯಿಕಲಿ೦ತಿ . ನರ್ತನ ಕೋರ್ಚ್ಯೇ ಮೇನಕೆಲೆ ತುಂಬುರು ವಾರೆಕ ಸೊಡ್ವಾನು ಘೆಲ್ಲೇ ... ಕೂರ್ಟಾಕ ಬಂಧಿಲೇ ಒಡ್ಯಾಣ ನಿಸೋರ್ನು ಪೊಳ್ಳೇ ... ! ವಾಯು ತಿಗೆಲೆ ಅಂಗಾರಿ ರಬ್ಬಿಲೇ ಸೆರಗ ಉಬ್ಬಾಯಿಲೆ ... ! ಅಂಗಾರೀ ಸೋಯ ನಾತ್ತಿಲಿ ಮೇನಕಾ ಏಕ ಏಕ ಭಂಗೀ೦ತು ದೇವ ಶಿಲ್ಪಿನ ಕಡೆಯಿಲೆ ಶಿಲ್ಪ ಮುರ್ತಿ ಶೀ ದಿಸ್ಲಿ ...! ದಷ್ಠ ಪುಷ್ಠ ಚಿವ್ವೆ ... ನಿಮ್ನ ನಾಭಿ ... ಮುಷ್ಠಿ ಕ ಮೆಳ್ಚ್ಯೇ ತಿಗೆಲೆ ಕೂರ್ಟ್ ... ಭರ್ಲೆಲೆ ನಿತಂಬ ಎಕ್ಕೇಕ ಅಂಗಾಂತು ಶ್ರಾಂಗಾರ ಮಧು ಭೋರ್ನು ಅಶಿಲೇ .
ವಿಶ್ವಾಮಿತೃ ...ಧ್ಯಾನ ವಿಸೋರ್ನು ತಿಗೆಲೆ ಚಂದಾಯೇರಿ ಮಗ್ನ ಜಾವ್ನು ಅಷ್ಶಿಲೋ . ಹ್ಯೇ ಚ್ಯಿ ಸಮ್ಮ ಸಮಯು ಮೋಣು ... ಮನ್ಮಥಾ ಲೇ ಪುಷ್ಪ ಬಾಣ ಪ್ರಹಾರು ಶುರು ಝಲ್ಲೋ ....ವರುಣಾ ನ ತುಂತುರು ಪಾವ್ಸು ಹಾಡಾಯಿಲೊ ... ವಿಶ್ವಮಿತ್ರಾ ಲೇ ಹೃದಯ ಫುಲ್ಲಾ ಮ್ಹಣ್ಕೆ ಫುಲ್ಲೇ ... ಕಾಮ ಬಾಣು ಏಕ ಏಕ ಝಾವನು ಹೃದಯಾ ಕ ಲಾಗ್ಲೆ ... ಸೆರಗ ಉಬ್ಬುನು ತಿಗೆಲೆ ಚಿ೦ವ್ವ ಪಾವಾಸ ಉತ್ಕಾಂತು , ಜಾಗ್ಮಾಗಾಚ್ಯಾ ಶುರು ಝಲ್ಲೆ ... ಮೇನಕೆಕ ಲಜ್ಜಿ ಕೆಲ್ಲಿ . ಮತ್ತೆ ಮುಳಾ ಘಾಲ್ನು ವೊಂಟಾರಿ ಸಾನ ಹಾಸು ತಿಕ್ಕಾ ಕಳ್ನಾ ಶಿ ಅಯಿಲೆ . ಮನ್ಮಥ ಪುಷ್ಪ ಬಾಣು ಮೇನಕೆ ಲೇ ಅಂಗಾಂತು ಮಿಂಚಾ ಕಾಮ ಉದ್ಭವ ಝಲ್ಲೆ . ಚಿಗುರು ಪಲ್ಲೆ ಮ್ಹಣ್ಕೆ ಅಷ್ಶಿಲೆ ತಿಗೆಲೆ ಹತ್ತಾನಾ .... ತಾಂಬ್ಡೆ ಕಮಲಾ ಮೊಗ್ಗಾ ಮ್ಹಣ್ಕೆ ಅಷ್ಶಿಲೆ ಹಸ್ತಾ ನ ಚಿ೦ವ್ವ ನಿಪ್ಪೋಚ್ಯಾ ಕ ಪ್ರಯತ್ನ ಕೆಲ್ಲೆ . ವಿಶ್ವಮಿತ್ರಾ ಕ ಪೋಳೋನು ಭಿಲ್ಲೇಲೆ ಚಿತ್ತಲಾ ಪಿಲ್ಲಾ ಮ್ಹಣ್ಕೆ ... ಗಡಿಬಿಡಿ ಕೋರ್ನು ಕಪ್ಪಡ ಸುತ್ತುವಾನು ಘೆವ್ಚ್ಯೆ ಖತಿರಿ ಝಾಡ್ ಕೂಟಾ ಮಧ್ಯೆ ನಿಪ್ಚ್ಯಾಕ ಸರ ಸರ ನಿ ಗೆಲ್ಲಿ .
ವಿಶ್ವಮಿತ್ರಾನ , ಮೇನಕೆ ಕ ಅಪ್ಪಯಿಲೆ " ಯೋ ಮೇನಕೆ ... ! ಮಕ್ಕಾ ಸಂತೋಷು ಕೋರ್ನು ಮಿಗ್ಗೆಲೆ ಆಶ್ರಮಾಂತು ರಾಬ . ಮಕ್ಕಾ ತುಗೆಲೆ ವೈರಿ ಮೋಹ ಝಲ್ಲಾ ..!! " ಮೇನಕೆಲೆ ತೊಂಡಾರಿ ಮಂದ ಹಾಸು ಅಯಿಲೊ ...ಭಿತ್ - ಭೀತ್ತಾಚ್ಯಿ ... ಹಳೂಚ್ಯಿ ವಿಶ್ವಮಿತ್ರಾ ಲಗ್ಗಿ ಆಯಿಲಿ .ಪಯ್ಯಾರಿ ಪೋಣು ಅಭಿನಂದನಾ ಕೋರ್ನು ಮರ್ಯಾದಿ ದಿಲ್ಲಿ . ಕಾಮ ಆವೇಶು ಯೆಕ್ಕ ಪಂಕ್ತಾ ಅಂಗಾರಿ ಅಯಿಲೆ ... ವಿಶ್ವಮಿತ್ರಾನ ತಿಗೆಲೆ ಕೂರ್ಟ್ ಧೋರ್ನು ಲಗ್ಗಿ ತಾಂಡಿಲೆ ...! ಲಜ್ಜಿ ..ಲಜ್ಜೇನ ಉದ್ದಾಕ ಝಲ್ಲಿ .. ಲಗ್ಗಿ ಯೇವ್ನು ಆಕಾಶಾರಿ ಮೋಡ ಭರ್ಲೆ ಮ್ಹಣ್ಕೆ .. ತಿಗೆಲೆ ದುಂಡು ಚಿವ್ವ ವಿಶ್ವಾಮಿತ್ರಾಲೆ ವಿಶಾಲ ಹರ್ದೇರಿ ಭರ್ಲೆ . ವಿಶ್ವಮಿತ್ರಾಕ ರೋಮಾಂಚನ ಝಲ್ಲೆ .. ಮೇನಕೆಕ ತಗೆಲೆ ನೀಳ ಹಾತ್ತಾನ ಬಂಧಿ ಕೆಲ್ಲೆ ...ಕಮಲ ದಳಾ ಮ್ಹಣ್ಕೆ ಅಶಿಲೆ ತಿಗೆಲೆ ದುಂಡು ಗಲ್ಲಾಕ ಉಮ್ಮೋ ದಿಲ್ಲೆ .... ಚುಂಬನ ಕೋರ್ನು ತಿಗೆಲೆ ಅಧರ ಮಧುರ ಅಮೃತ ಪಿಲ್ಲೊ . ಮನಾ ತೃಪ್ತಿ ಝಾವೊ ತಾಯಿ ತಿಕ್ಕಾ ಸೊಣಿ ...ಮನ ಅನಿಕಯಿ ಜಾಯಿ ಮ್ಹಳ್ಳೆಲೆ . ಮನ್ಮಥಾಲೆ .. ವರುಣಾಲೆ ... ವಾಯು ದೇವಾಲೆ .... ಪ್ರಭಾವು ತಿಗೆಲೆ ಅಂಗಾರಿ ಮನಾರಿ ಇತ್ಲೆ ಪ್ರಭಾವು ಪಳ್ಳೊ ..... ತೀ ಯೆಕ್ಲಿ ದೇವಲೋಕಾ ಅಪ್ಸರಾ ಮ್ಹಳ್ಳೆಲೆ ವಿಸರ್ಲಿ ... ಸಾಧಾರಣ ಮನುಷ್ಯ ಜೀವಿ ಶೀ .. ,...ಹತ್ತಾ ಮೆಳ್ಳೆಲಿ ಚಿತ್ತಲಾ ಪೀಲ ಶೀ ,....ಆವ್ಸೂಲೆ ದೂಧ ಪೀವ್ನು ಆಯ್ಯಿಲೆ ವಸ್ರು ಶೀ ,... ವಿಶ್ವಾಮಿತ್ರಾ ಲೆ ಬಾಹು ಬಂಧನಾಕ ಸಿರ್ಕಲಿ . ತಾಣೆ ಧರ್ಲೆಲೆ ನಮುನೋ ,.. ತಗೆಲೆ ಉನ್ಮಾದ ಪ್ರೀತಿ , ಪ್ರೇಮ .... ಪ್ರಣಯ ಕ್ರೀಡಾ ಓಂಕಾರ ಝೇಂಕಾರ್ ... ಝಾವನು ವಿಶ್ವಮಿತ್ರಾಲೆ ಪ್ರೀತಿ ಬಂಧನಾ೦ತು ಪೊಳ್ಳಿ . ಮೇನಕಾ- ವಿಶ್ವಮಿತ್ರಾಲೆ ಪ್ರಣಯ ಶ್ರಾಂಗಾರ ಕೇಳಿ ಪೊಳೋನು ಪ್ರಕ್ರತಿ ಕ ಲಜ್ಜಿ ಕೆಲ್ಲಿ .
ಶುಕ್ಲ ಪಕ್ಷಾ ಚಂದ್ರು ದೀಸ್- ದೀಸಾನಿ ವಡ್ಚ್ಯೇ ತಶಿ ... ವಿಶ್ವಾಮಿತ್ರ - ಮೇನಕೆ ಲೆ ಪ್ರೀತಿ ನಿತ್ಯ ನೂತನ ಝಾವನು ಚಿಗುರ್ತಾ ಅಶಿಲೆ . ಮೇನಕೆಲೆ ನವ ಯೌವ್ವನಾ ... ಸುಧಾ ಅಮೃತ ನಿತ್ಯ ಪಿಲ್ಲೆಲೆ ತಿತ್ಲೆ ಪಾವನಾ ಅಶಿಲೆ . ಆನಿಕಾಯಿ ಪೀವ್ಕಾ ಮೋಣು ದಿಸ್ತಾಶಿಲೇ ವಿಶ್ವಮಿತ್ರಾಕ . ಅಶೀಚ್ಯಿ ... ಧಾಹ ವರುಷ ...ಗೆಲ್ಲೆ . ದಿವಸ ಮಾಕ್ಷಿ ದಿವಸ ಘೆಲ್ಲೆ ... ಕಾಲ ಚಕ್ರ ಘು೦ವತ ಘೆಲ್ಲೆ. ಮೇನಕೆ ಕ ,... ವಿಶ್ವಾಮಿತ್ರಾಲ್ ನಿಮಿತ್ಯ ಏಕ ಸುಂದರ ಚೆಲ್ಲಿಯೇ ಚೆರ್ಡು ಝಲ್ಲೆ . ಮೇನಕೆ ನ ತ್ಯೆ ಚೆಲ್ಲಿಯೇ ಚೆರ್ಡಾಕ ಹಾಣು ವಿಶ್ವಮಿತ್ರಾ ಕ ದಕ್ಕಯಿಲೆ .. ತಾಕ್ಕಾ ಮನಾಂತು ಖೇದ ಝಲ್ಲೆ ... ಮಿಗೆಲೆ ಸಾಧನ , ತಪಸ್ಯ , ಲಕ್ಷ್ಯ , ವಿಸರ್ಲೊ ಮು ದೇವಾ .. ! ಹಕ್ಕಾ ಕಾರಣ ಕಸಲೇ ... ? ಆಲೋಚನಾ ಕೆಲ್ಲಿ .ದಿವ್ಯ ದ್ರಷ್ಟಿರಿ ಇಂದ್ರಾಲೇ ಕುಹಕ ಬುದ್ಧಿ ನಿಮಿತ್ಯ ಇತ್ಲೆಯ್ ಜಾವ್ಚ್ಯಾ ಕಾರಣ ಮೋಣು ಕಳ್ಳೆ . ಮಹಾ ಕೋಪು ಅಯಿಲೊ ... ಉದ್ವಿಗ್ನ ಝಲ್ಲೋ . ಚೆರ್ಡಾಲೆ ತೊಂಡ ಪೋಳೋ ಚ್ಯಾಕ ನಕಾರಾತ್ಮಕ ಝಾವ್ನು ರಾಬ್ಲೊ . ಚೆರಡಾಕ ಧೋರ್ನು , ಚೆರಡಾಲೆ ತೊಂಡ್ ಪೋಳೋನು ಮಮತಾ ಧಾರ ಕೋರ್ಯಾ ಮೋಣು ದಿಸ್ಸನಿ . ತಾಪಸಿ ವಿಶ್ವಾಮಿತ್ರಾ ಕ ಹೃದಯ ಪಾಷಂಢ ಝಲ್ಲೆ . " ಮಹತ್ವಾ ಕಾಂಕ್ಷಿ ಜಾವ್ನು ತಪಸ್ಯಾಕ ಆಯ್ಯಿಲೆ ಮಕ್ಕ ಅನಿ ಕಿತ್ಯಾ ಸಂಸಾರ ಬಂಧನಾ ...! ಅಸಲೆ ಸಂಸಾರು , ರಾಜ್ಯ , ರಾಜ ವೈಭೋಗ ಸಕ್ಕಡ ಸೋಣು ಆಯ್ಯಿಲೆ ಮಕ್ಕ ವಾಪಾಸ್ ಸ೦ಸಾರಾಂತು ಪೋಡ್ಕಾ ವೇ ... ? " ಮೋಣು ನಿಮಗಿಲೆ ... " ಪ್ರ್ರೇತಿ ಕೆಲ್ಲೆಲೆ ಫಲ ನವೆ ಹೀ ... ತ್ಯೆ ಫಲ ಜೋಪಾನ ಕೊರ್ಕ ನವೆ .. ? " ಮ್ಹಳ್ಳಲಿ ಮೇನಕಾ ..
" ಪ್ರೀತಿ ಕಸಲೆ ನಮುನೆ ಪ್ರೀತಿ ... ಅಮ್ಗೆಲೆ ಅಂಗಾ ದಾಹ ಕಾಡ್ಚ್ಯೇ ಖಾತ್ತಿರಿ ಕೆಲ್ಲೆಲೆ ಕಾಮ !! ಮಕ್ಕ ತುಗೆಲೆ ಉದ್ದೇಶು ಗೊತ್ತಶಿಲೇ .. ದೇವೇಂದ್ರಾ ಲೆ ಆಜ್ಞೆ ಪ್ರಕಾರ ತೂ ಹಾಂಗಾ ಅಯಿಲೆ .ತುಜ್ಜೆ ತಸಲೆ ಅಪ್ಸರೆ೦ಕ ಹ್ಯೆಚಿ ಕಾಮ ... ಭೋಗ ದಿವ್ಚ್ಯೆ ಭೋಗ ಘೆವ್ಚ್ಯೆ ಇಂದ್ರಾಲೆ ಆಜ್ಞೆ ಪ್ರಕಾರ ... ತಪಸ್ಯ ಭಂಗ ಕೋರ್ಚ್ಯೇ .. ಹಾಂವ ಜಿತೇಂದ್ರಿಯ ಜಾಯ್ನಾಶಿ ... ತುಗೆಲೆ ಮೋಹಕ ರೂಪಾ ಕ ವಶ ಝಲ್ಲೋ ! ಮಿಗೆಲೆ ಮ್ಹಣ್ಕೆ ಕಿತ್ಲೆ ಕೀ ಅಪರಿಪಕ್ವ ಸಾಧಕ , ಪ್ರೀತಿ ಮೋಣು ಲೆಕ್ಕುನು ಮೋಹ ಜಾಲಾಂತು ಪೊಡ್ತಾತಿ . ಕಾಲ ಚಕ್ರ ಸರ್ಲೆಲೆ ಕಳ್ನಾಶಿ .. ತಾಂಗೆಲೆ ಜೀವನಾ ಲಕ್ಷ್ಯ ವಿಸರ್ತಾತಿ . ಮೇನಕಾ ..! ಅನಿ ತೂ ಚೆರ್ಡಾಕ ಘೇವ್ನು ತುಗೆಲಿ ವಾಟ ಪೊಳೆ . ಹ್ಯೇ ಚೆರ್ಡಾಕ ತೂಚ್ಯ್ ಪೋಷಿ . ಹಾಂವ ತಪಸ್ಯಾ ಕ ಹಿಮಾಲಯ ಕ ವತ್ತಾ " ಮ್ಹಳ್ಳಲೊ ವಿಶ್ವಾಮಿತ್ರು . ಚೆರ್ಡಾಕ ಉಬಾರ್ನು ಘೇವ್ನು ಮೇನಕೆ ಬಾರ್ಸರ್ಲಿ . " ಸ್ವರ್ಗ ಲೋಕಾಂತು ಹಾಂವ ಅಪ್ಸರಾ ಜಾವ್ನು ಕಶಿ ಪೊಸ್ಸುಚ್ಯೇ ? ಮುನೀಶ್ವರಾನ ಸಂಗ್ಲ್ ಮ್ಹಣ್ಕೆ ಹಾಂವ ಭೋಗ ಜೀವಿ . ಹಜಾರ ಮಧು ಬೃಂಗಾಂಕಾ ಆಶ್ರಯ ಝಲ್ಲೆಲೆ ಫುಲ್ಲ೦ , ರಸಿಕ ಲೋಕಾಂಕ ಶ್ರಾಂಗಾರ ರಸಾಂತು ಬುಡ್ಡಯಿತಲಿ .... ಮಕ್ಕ ಹ್ಯೇ ಚೆರ್ಡಾಕ ಪೋಳೋಣು ಘೆವ್ಚ್ಯಾ ಸಾಧ್ಯ ಕೀ ... ? " ಆಶಿ ಲೆಕ್ಕುನು ... ಮಾಲಿನಿ ನಯ್ಚ್ಯೇ ತಟಾರಿ ಏಕ ರುಕ್ಕಾ ಮುಳಾಂತು ಚೇರ್ಡಾಕ ನಿದ್ಕರಾಯಿಲೆ .... " ಚೆರ್ಡಾ .. ! ಮಕ್ಕ ಕ್ಷಮಾ ಕರಿ ... ಮಿಗ್ಗೆಲೆ ಮ್ಹಣ್ಕೆ ಅಂಗಾರಿ ಸೋಯ ನಾಶಿ ... ಪ್ರೀತಿ ...ಮೋಹ ಜಾಲಾಂತು ಕೊಣಯಿ ತಾಂಗೆಲೆ ಕರ್ತವ್ಯ ವಿಸೋರೂ ನಜ್ಜ . ಸಾಧ್ಯ ಝಲ್ಲೆರಿ ಮುಕಾರಿ ತುಕ್ಕ ಸಹಾಯು ಕರ್ತಾ . ತೂ ಸಕಲ ಸೌಭಾಘ್ಯ ಮೇಳ್ನು ... ಸುಖಾರೀ ರಾಬ ಭಾಂಗ್ರಾ " ಮೋಣು ಆಶೀರ್ವಾದು ಕೆಲ್ಲೊ ಅನಿ ಸ್ವರ್ಗಾ ಕ ಚಮ್ಕಾಲಿ . ದೇವಾಲಿ ಇಚ್ಚಾ ಆನ್ನೇಕ ಆಸ್ತಾ . ವಾರೆ , ಪಾವ್ಸು , ಥಂಡಿ , ವತ್ತಾಕ ಚೆರ್ಡಾಕ ರಕ್ಷೆ ಕೋರ್ಚ್ಯೇ ಹೊಡ ವಿಷಯು . ಸುತ್ತು ರಬ್ಬಿಲಿ ವಾಲಿ ಝಾಡ ಚೆರ್ಡಾಕ ಸಂರಕ್ಷಣೆ ಕೋರು ಶುರು ಕೆಲ್ಲೆ . ಅನಾಥ ಜಾವ್ನು ಅಷ್ಶಿಲೆ ಚೆರ್ಡಾಕ ಶಕುಂತ ಪಕ್ಷಿ ನ ರಕ್ಷಣಾ ದಿಲ್ಲಿ . ಏಕ ದಿವಸು ಕಣ್ವ ಮಹರ್ಷಿ ತ್ಯೆ ವಾಟ್ಟೇನ ವತ್ತನಾ ಚೆರಡಾಲೆ ರಣ್ಣೆ ಅಯಿಕುನು ... ಚೆರ್ಡಾನ ಅಶಿಲೇ ಜಾಗೇರಿ ಅಯಿಲೊ . ಚಂದ ಚನ್ನಿನೆ ಚಂದ್ರಾ ಕ ಪೋಳಯಿಲ್ ತಾಷ್ಶಿ ಅನುಭೂತಿ ಆಯಿಲಿ . ಲಾಗ್ಗಿ ಶಕುಂತ ಪಕ್ಷಿ ... ಚೆರ್ಡಾಕ ಆಹಾರ ದಿವ್ಚ್ಯೇ ಪೋಳಯಿಲೆ .... ತ್ಯೆ ನಿಮಿತ್ಯ ಕಣ್ವ ಮುನಿನ ತಿಕ್ಕಾ.. ಚೆರ್ಡಾಕ " ಶಕುಂತಲಾ " ಮೋಣು ನಾ೦ವ ದವರ್ಲೆ , .... ಆಶ್ರಮಾಂತು ಶಾಕುಂತಲ ತಗೆಲೆ ಧೂವೆ ಮ್ಹಣ್ಕೆ ವಾಡ್ಲಿ . ಮುಕಾರಿ ದುಷ್ಯಂತ ರಾಯಲಿ ರಾಣಿ ಝಲ್ಲಿ .
ಉಮಾಪತಿ ......
ART : ರಾಜಾ ರವಿ ವರ್ಮಾ ಆರ್ಟ್ ಗ್ಯಾಲರಿ
No comments:
Post a Comment