Manaa Bhraanthi - Yeku Vicharu ( Konkani Bhashentu )
ಸ್ವಲ್ಪ ಲೋಕಾಂಕ ಪೋಳಯಿಲ್ಸತಾನ ತಾಂಕಾ ಖಂಯ್ ಕೀ ಪೋಳಯಿಲಾ ... ಮ್ಹಳ್ಳೆಲೆ ಅನುಭೂತಿ ಮನಾಕ ಎತ್ತ . ಖಂಯ್ ಪೋಳ ಯಿಲೆ ಹಾಂವೆ ... ? .. ಕಿತ್ಲೆ ಉಡಗಾಸು ಕಳ್ಳೇರಿಯಿ ಮನಾಕ ಕಳ್ನಾ . ದೋನಿ , ತೀನಿ , ಚಾರಿ , ಪೋಟಿ ಪೋಳಯಿತನಾಯಿ ಆಮ್ಕಾ ಕಳ್ನಾ . ಉಡಗಾಸು ಕೋರ್ನು ಕೋರ್ನು , ಮತ್ತೇಚ್ಯಿ ಸುಕ್ಕ್ಲೆ ಮ್ಹಣ್ಕೆ ಝತ್ತ . ಭಾವನಾ ತಡಸೂನು ಘೆವ್ಚ್ಯಾಕ ಜಾಯ್ನಾಶಿ ... ತ್ಯೆ ಮನ್ಶ್ಯಾಲಾಗಿ ಅಮ್ಮಿ ಉಲ್ಲಯಿತಾತಿ . excuse me ... ತುಕ್ಕಾ ಖಂಯ್ ಕೀ ಪೋಳಯಿಲಾ ಮ್ಹಣ್ಕೆ ಝತ್ತಾ ... ತೂ ಉಡ್ಪಾಚೊ ವೇ .. ? ಬೊಂಬೈಂತು ಅಶೀಲ್ ಕೀ ....? ಅಶಿ ಪ್ರಶ್ನೋ ಘಾಲ್ತಾತಿ .... ಸಮ್ಮ ಉತ್ತರ ಮೆಳ್ನಾಶಿ ಸಂಕಟ ಝತ್ತಾ . " ನನಗೆ ಕೊಂಕಣಿ ಬರುವುದಿಲ್ಲ " ಮ್ಹಣ್ತಾನಾ ಕಪಾಲ ಮೋಕ್ಷ ಝಲ್ಲೆ ಮ್ಹಣ್ಕೆ ಅನುಭವು ಝತ್ತ . ಛೆ ! ... ಮಿಗೆಲೆ ಪೂರ್ವ ಜನ್ಮ ಕಸಲ್ಕಿ ಋಣ , ಸಂಬಂಧು , ಪ್ರೀತಿ , ಅಸ್ಸುಕಾ ... ಮೋಣು ದಿಸ್ತಾ . facebookaari friends ಜಾವ್ನು ಮೆಳ್ತಾತಿ . ಫೋಟೋ ಪೋಳಯಿಲ್ ಸತಾನ ಹ್ಯೇ ಕೋಣ ಅಬ್ಬಾ .. ! ಮೋಣು ದಿಸ್ತಾ . ತಾಂಕಾ ಅಮ್ಮಿ ಅಣ್ಣ ಶಿ , ಬಪ್ಪುಸು ಶಿ , ಮಾವು ಶಿ , ಭಾವು ಶಿ , ದಿಸ್ತಾ ... ಚಾಟ್ ಕರ್ತಾತಿ .. ತಾಂಗೆಲೆ ಮನಾ ಅಶೀಲೆ ಭಾವ ಸಂಘುನು .... ತೂ ಕೋಣ ಮೋಣು ವಿಚಾರು ಕರ್ತಾತಿ . ಕಷ್ಠಾ ವಿಷಯು ಅಯಿಕಲೆ ಸತಾನ ಅಂತಾಃ ಕರುಣ ಉದ್ದೇನ ಅಯಿಲೆ ಮ್ಹಣ್ಕೆ ದಿಸ್ತಾ . ಸಹಾಯು ಕೋರ್ಕಾ ಮೋಣು ದಿಸ್ತಾ ... ಥೋಡೆ ಸೆ ಲೋಕಾಂಕ ಪೋಳಯಿಲ್ ಸತಾನ ತಾಂಗೆಲೆ ತೊಂಡ ಚಂದಾಯಿ ಪೋಳೋನು ಮನ ಪಿಶ್ಶೆ ಶೇ ಝತ್ತ . ಕಿತ್ಲೆ ಕೀ ವರ್ಷಾ ಅನುಬಂಧ ಆಸ್ಲೆ ಮ್ಹಣ್ಕೆ ದಿಸ್ತಾ . ಹೀ ಭಾವನಾ ಕಸಲೇ ಯೆತ್ತಾ .. ? ಪ್ರೀತಿ , ಆದರ , ಗೌರವ ದೀವ್ನು ಚಾರಿ ಚಂದ ಉತ್ತರಾನಿ ಜವಾಬ ದಿಲ್ಲೆರಿ ಮನಾ ಕ ಸಂತೋಷು ಝತ್ತಾ . ಆಮ್ಗೆಲೆ ಮನಾ ಕಷ್ಠ ವಿಸೋರ್ನು ಸಾಂತ್ವನ ಮೆಳ್ಳ್ಯಾ ಮ್ಹಣ್ಕೆ ದಿಸ್ತಾ . ಮನಾ ಕ ಏಕ ಆನಂದ ಮೆಳ್ತಾ .
ಥೋಡೆ ಸೆ ಲೋಕ , ವಿಚಿತ್ರ ರೀತ್ಯೇರಿ ಉಲ್ಲೋನು , ವ್ಯವಹಾರು ಕೋರ್ನು ಜೀವನ ಪರ್ಯಂತ ಶತ್ರು ಝತ್ತಾ ತಿ . ದಾಯಾದಿ ಲೋಕ ಮೋಣು ದೂರ ರಾಬ್ತಾತಿ , ವಾಯಿಟ ಬೋರೆಪಣಾ ಕ ಯೇನಾತಿ . ಏಕ ಆನಮ್ಮಾಲೆ ಚೆರ್ಡು೦ವ ಜಾವ್ನು ದೂರ ರಬ್ತಾತಿ . ಮನಾ ಸಂತೋಲನ ನಾಶಿ ತನ್ನಿ ಕಷ್ಠ ಪಾವತಾತಿ ; ದುಸರೇ೦ಕಯಿ ಮನ ದುಕ್ಕಯಿತಾತಿ . ಕೆದನಾಯಿ ಸಂಷಯು ...ಉಲ್ಲಯಿಲೆ ಉತ್ರಾಚ್ಯೆ ದುಸರೇ ಅರ್ಥ ಕೋರ್ನು ವೈಷಮ್ಯ ಅನಿಕಾಯಿ ವಡ್ಡಯಿತಾತಿ . ಅಸಲೆ ಮಾನಸಿಕ ಪರಿಸ್ಥಿತಿ ಹಾಡೋನು ಘೇವ್ನು ಮನ ಕ್ಷೋಭೆ ಕೋರ್ನು ... ಸಂಕಟ ಪಾವತಾ ಅಸ್ತಾತಿ . ಅಸಲೆ ಪರಿಸ್ಥಿತಿರಿ , ಜೀವನಾಂತು ಕಸಲೆ ಸೂಖ ಮೆಳ್ತಲೆ ? ಮನ ಶಾಂತಿ ಕಶಿ ಎತ್ತಲೇ ? ಕುಟುಂಬೆಂತು ಕಸಲೆ ಸಹನಾ , ಮಮತಾ , ಭಕ್ತಿ , ಶ್ರಧ್ಧಾ ವಡ್ಡಯಿತಲೇ೦ತಿ ? ಮನ ಶಾಂತ ದೊವೋರ್ನು ಘೇವ್ನು ಜೀವನ ಮೂಲ ರಹಸ್ಯ ಸೊದ್ದುನು ಕಾಡಕಾ ... ತೆದ್ನಾಚ್ಯಿ ಸೂಖ ಸರ್ವಾಂಕ ಸೊದ್ದುನು ಯೆತ್ತಾ .
ಉಮಾಪತಿ
No comments:
Post a Comment