Chanda Utran

ಪ್ರಶಾಂತ ರೀತಿರಿ … ಚಂದ … ಉತ್ರಾನಿ … ಉಲ್ಲೋಯಾ

ಭಮ್ಮುಣು ಬಾಯ್ಲಾ ಮಧ್ಯೆ ಅನೇಕ ನಮೂನೆ ವಾದ ವಿವಾದ ಯೆವ್ಚ್ಯಾ ಸಾಧ್ಯ ಅಸ್ಸ . ತೋ ವಾದು ಅಶ್ಶಿಲೆ ಸಮಸ್ಯಾಕ ಪರಿಹಾರು ಸೋದ್ದುಚೆ ಖತೀರಿ ಅಸ್ಲೆರಿ ಅಡ್ಡಿನಾ . ಏಕ ಏಕ ಪಂಕ್ತಾ ವಾದು ಅನಿ ವಿವಾದು ಖಂಯಿ ತಾಯಿ ಪಾವ್ತಾ ಮಹ್ಳ್ಳೆರಿ ಡೈವೊರ್ಸ ಜವ್ವೋ ತಾಯಿ ,ನತ್ಲೇರಿ ಜೀವು ಕಾಣು ಗ್ಹೆವ್ಚೋ ತಾಂಯಿ ವಿವಾದು ಪವ್ತಾ . ಹಜ್ಜೆ ಖತೀರಿ ವಾದು ಕೊರ್ಚೆ ಫೂಡೆ ತೊಡೆ ನಿಯಮ ಪಾಲನ ಕೊರ್ಚೆ ಲಾಯಿಕ . ಫ್ಹಟ್ಟ್ ಅನಿ ಅಯ್ಯಿಲೆ ಕೋಪಾಕ ... ಕಿರ್ಚುಚೆ ... ಆವೇಶು ದಕ್ಕೊನು ಅ೦ಗಾರಿ ಪೊಡ್ಚೆ , ಮಾರ್ಚೆ , ಮಾರಾ ಮಾರಿ ಕೊರ್ಚೆ ,ಸಂಬಂಧಿ ಲೋಕಾಂಕ , ಆನು ಅಮ್ಮಾಂಕ ನಿಂದಾ ಕೊರ್ಚೆ , ಘರ್ಲೆಗಿ ಮಲ್ಘಡೆ ಅಸ್ಸೂನು ಮೆಲ್ಲೆ ಮಣ್ಕೆ ನಾ ಕೊರ್ಚೆ ,ಸನ್ನ ಚರ್ಡು೦ವ ಅಯಿಕತಾತಿ ಮಹ್ಳ್ಳೆಲೆ ಪರಿಜ್ಞಾನ ನಾಶೀ ... ವಿವಾದು ಕೊರ್ಚೆ , ಹೇ.. ಕುಟು೦ಬೇ೦ತು , ಸಂಸಾರಾಂತು ಶೋಭಾ ದೀನಾ . ಸಮಸ್ಯಾ ಮದ್ಯ ಸ್ಥಾಯಿ ದುಕುನು ತಾರಕ ಸ್ಥಾಯಿ ವೋಚ್ ಫೂಡೆ ಪರಿಸ್ತಿತಿ ಹತೊಟಿಕ ಹಡ್ಚೆ ಲಾಯೇಕ . ಉಲ್ಲೋಚೋ ಅಮ್ಗೆಲೇ ಸ್ವರು ಮ್ರಧೂ .... ಅಸ್ಸುಕಾ ಚಂದ ಉತ್ತರ೦ ಅಮ್ಮಿ ಉಲ್ಲೋಕಾ . ಊಲ್ಲಯಿತ ಉಲ್ಲಯಿತಾ ತಾರಕಾಕ ವೊಚ್ಚುನು ಬ್ಲಡ್ ಪ್ರೆಶರ್ ಚೊಣು ಹಾರ್ಟ್ ಅಟ್ಯಾಕ್ ಯೇನಾ ನತ್ಲೆರಿ ಪೂರೊ . ವಿವಾದು ಶುರು ಜಲ್ಲೆ ಸತಾನ ...ದೋನಿ ಮಿನುಟ ಮೌನ ಜಯ್ಯಾತಿ . ಸುರ್ವೇಕ ಕೋಣ ಉಲ್ಲಯಿತಾತಿ ಮ್ಹೊಣು ನಿರ್ಧಾರು ಕರ್ಯಾತಿ . ಯೆಕ್ಲೆನ ಉಲ್ಲಯಿತರಿ ಅನ್ನೆಕ್ಲ್ಯಾಕ ಉಲ್ಲೋಚ್ಯಾಕ ಆಸ್ಪದು ದಿಯ್ಯಾತಿ . ವಾದು ಕೋರ್ನು ಸಮಸ್ಯಾಕ ಏಕ ಪರಿಷ್ಕಾರು ಸೊದ್ದಿಯಾತಿ . ತೆದನಾ ಮಾತ್ರ ಮಮತಾ ಅನುಬಂಧ ವುರ್ತ . ಪ್ರಶಾಂತ ಜ್ಹಾವ್ನು ವಾದ ಕರ್ಯಾತಿ
ವಾದ ವಿವಾದ ಕರ್ತನಾ ಯೆಕ್ಕ ರೀತಿಚೆ ಪೋಟಿ ಅಸ್ಚೆ ಸಹಜ . ಯೆಕ್ಲೆ ವಯಿರಿ ಯೆಕ್ಲೆನ ವಿಜಯ ಪಾವ್ಕಾ ಮ್ಹಳ್ಳೆಲೆ ಮನಾಂತು ಅಸ್ತಾ . ಉಲ್ಲಯಿತನಾ "ಮಿಗೆಲೇ ಮನಾಂತು ಕಾ೦ಯೀ ಅಸ್ಸ ನಾ... ಹಾಂವೆ ಸಂಗ್ಚೆ ಮಾತ್ರ ... ಫಲ್ಲೇ ಅಶ್ಶಿ ಜಾವಚ್ಯಾ ನಜ್ಜ ನವೆ ?? ಜಾಗ್ರತೆ ಖತೀರಿ ಸಂಘಿಲೆ ... " ಮ್ಹೊಣು ಪೀಠಿಕಾ ಘಾಲ್ನು .... ಪರಿಸ್ತಿಥಿ ವಿಷಮ ಕರ್ತಾಲೆ ಅಸ್ಸತಿ . ಏಕ ವಿಷಯು ಉಡ್ಗಾಸು ಅಸ್ಸುಕಾ , ಕಸಲೆ ಮಹ್ಳ್ಳೆರಿ... ಉಲ್ಲಯಿಲೆ ಉತ್ರ೦... ಪೆಸ್ಕಾತಿ ಮಣ್ಕೆ ಘಾಯು ಕರತಾ . ಹ್ರದಯಾ ಬಶ್ಶಿಲೋ ಘಾಯು , ಮನಾ ಝಾಲ್ಲೋಲೋ ಘಾಯು , ಜೀವನ ಪರ್ಯಂತ ವಿಸೋರು ಜಾಯ್ನಾ . 'ಮಾತಿನಿಂ ನಗೆ ನುಡಿಯು , ಮಾತಿನಿಂ ಹಗೆ ಕೊಲೆಯು , ಮಾತೆ ... ಮಾಣಿಕ್ಯವು ಸರ್ವಜ್ನಾ' ಮ್ಹೊಣು ಉವಾಚ ಅಸ್ಸ . ತೇ ನಂತಾ... ಸೊಳ್ಳೊಲೊ ಬಾಣು, ಹೊಳ್ನು ಗೆಲ್ಲೇಲೆ ಉದ್ದಾಕ , ಕಾಲ ಚಕ್ರಾಂತು ಧಾ೦ವನು ಗೆಲ್ಲೇಲೆ ವೇಳು , ಆವೇಶಾರಿ ಉಲ್ಲಯಿಲೆ ಉತ್ರ೦ ಕೆದನಾಯಿ ವಾಪಾಸ್ಸ ಹಾಡೂ ಜಾಯನಾ ಮ್ಹೋಣು ಮಲ್ಘಡೆ ಸಂಗ್ತಾತಿ .
ವಿವಾದಾ೦ತು ಭಾಗಿ ಜವ್ಚೆ ಫೂಡೆ , ಕಸಾಲೆ ಜಾಯಿ ಮ್ಹೊಣು ನಿರ್ಧಾರು ಕರ್ಯಾತಿ . ಕಸಲೆ ಖತೀರಿ ಉಲ್ಲಯಿತಾ ಮಳ್ಳೆಲೆ ,ಹಾಂವ ಕಸಲೆ ಜಾವ್ನು ಉಲ್ಲಯಿತಾ ,ಯೆದುರ ಅಷ್ಶಿಲೆ ಮನಶ್ಯಾಕ ಭಾಧಾ ದೀವಚ್ಯಾಕಿ , ನಾತ್ಲೆರಿ ... ಸಮಸ್ಯೆ ಪರಿಹಾರು ಪೊಳೊಚೆ ಖತಿರಿಕೀ ... ಮಹ್ಳ್ಳೆಲೆ ನಿರ್ಧಾರು ಕೊರ್ಕಾ . ಉತ್ರಾಂತು ಸ್ಪಷ್ಟತ ಅಸ್ಸೂಕಾ . ವಾದ ನಿಮಿತ್ಯ ಫಲಿತಾಂಶ ಯೇನಾ ಜಲ್ಲ್ಯಾರಿ.. ತೆ ವಿಷಯು ಮನಾ ಅಸ್ಸುಕಾ , ಸಮಾಧಾನೇರಿ ಉಲ್ಲೋನು ಯೆದುರ್ವೈಲೊ ಮನುಶು ತಗೆಲೆ ಕಶ್ಠ ಶಾಂತ ರೀತಿರಿ ಅಯಿಕುನು ಏಕ ಸಮಾಧಾನಾ ನಿರ್ಧಾರು ಘೆವ್ವೂ ಜತ್ತಾ . ಅಯಿಕಲೇಲೆ ತಿತ್ಲೆ ವೇಳು ಸಂಭಾಷಣ ಅರ್ಥ ವತ್ತಾರಿ ಅಯಿಕುನು , ಸಂಘುನು , ತಗೆಲೆ ಮನಾಂತು ಸ್ನೇಹಿತ ರೂಪಾರಿ ವರ್ತನ ಕೆಲ್ಲೇರಿ ;ಸಮಸ್ಯೇಕ ಪರಿಹಾರು ಪೊಳೊಚ್ಯಾ ಸಾಧ್ಯ ಅಸ್ಸ .

UMAPATHI