SWARGHU KARTALO ( konkani kavita )

SWARGHU KARTAALO ( Konkani Kavita )

ಎತ್ತಲೋ ಎತ್ತಲೋ ಧಾವನು ಎತ್ತಲೋ ,ಮೋಡ ಮಧ್ಯೆ ಮಿಂಚು ಕರ್ತಾಲೊ
ಆರ್ಭಟ ಗುಡುಗ ರಂಪಾಟ ಕರ್ತಾಲೊ , ಮಾಡಾರಿ ಝಾಡಾರಿ ಭೋರ್ನು ಪೊಡ್ತಾಲೊ

ಮನ ಹೃದಯ ತಂಢ ಕರ್ತಾಲೊ ,ಪ್ರೀತಿ ಭಕ್ತಿ ಉಗಮ ಕರ್ತಾಲೊ
ಕೊಂಕಣ ನಾಡ ಸಿಂಚನ ಕರ್ತಾಲೊ , ಪ್ರೇಮ ರಾಗ ಹೃದಯ ಭರ್ತಾಲೊ

ಪ್ರಕೃತಿ ಪುರುಷ ಮಿಲನ ಕರ್ತಾಲೊ ,ಫುಲ್ಲ ಮಧ್ಯೆ ದುಂಬಿ ನಂತಲೋ
ಝೇಂಕಾರ ರಾಗಾರಿ ವೊಕ್ಕುಳ ಖೆಳ್ತಾಲೊ ,ಮಿಡಿ ಫಲ ವರದಾನ ಕರ್ತಾಲೊ

ಋತು ಚಕ್ರ ಘು೦ವ್ಡಾನು ಸೊಡ್ತಾಲೊ , ಪಕ್ಷಿ ಧಾಮ ಚಿಲಿಪಿಲಿ ಅಯಿಕತಾಲೊ
ಮಂದಿರ ಗೋಪುರ ಗಾ೦ಠ ಅಯಿಕತಾಲೊ, ಭಕ್ತಿ ಭಾವ ತಾಳ ಮಾರ್ತಾಲೊ

ರಮಾ ರಮಣ ಗೋವಿಂದ ಸಾಂಗ್ತಾಲೊ , ಶಿವ ಪರಮಾತ್ಮ ಜಪ ಕರ್ತಾಲೊ
ಜ್ಞಾನ ವಿಜ್ಞಾನ ಮಾರ್ಗ ದಕ್ಕಾಯಿತಾಲೊ , ಗುರು ಚರಣಾ ಶಕ್ತಿ ಪಾವೈತಾಲೊ

ರಾಗ ರಂಗ ಮೋಹ ಕರೈತಾಲೊ , ಜೀವನ ಸೂತ್ರ ಪ್ರೀತಿ ಶಿಖಾಯಿತಲೊ
ಹಾಸು ತೊಂಡಾರಿ ಹಾಣು ಹಂಗಾ ,ಕೊಂಕಣಸ್ಥ ನಾಡ ಸ್ವರ್ಘು ಕರ್ತಾಲೊ

ಕೊಂಕಣಸ್ಥ ನಾಡ ಸುಂದರ ನಾಡ , ಕೊಂಕಣಿ ಸರಳ ಜೀವ ನಾಡ
ಜನುಮ ಅಯಿಲೆ ಭಾಗ್ಯ ನಾಡ , ದೇವ ಲೋಕ ಪ್ರತಿಬಿಂಬ ನಾಡ

ಉಮಾಪತಿ

SWARGHU KARTAALO ( Konkani Kavita )

येतालो येतालो धावनु येतालो ,मोडा मध्ये मिंचु करतालो
आर्भठ गुडुग राम्पाट करतालो , माडारी झाडारीं भोरनू पोडतालो

मन ह्रिदय थंङ करतालो ,प्रीति भक्ति उगम करतालो
कोंकण नाड सिंचन करतालो , प्रेम राग हृदय भरतालो

प्रकृती पुरुष मिलन करतालो ,फुललं मध्ये दुंबी नांतलो
झेंकार रागारी वोक्कुळ खेळतलों , मिडि फ़ळं वरदान करतालो

ऋतु चक्र घुंवडानु सोडतालो , पक्षी धाम चिलीपिली अयिकतालो
मंदिर गोपुर घॉंन्ट अयिकातालो , भक्ति भाव ताळ मारतालो

रमा रमण गोविन्द सांगतालो , शिव परमातमा जप करतालो
ज्ञान विज्ञान मार्ग दक्केयीतालो , गुरु चरणा शक्ति पावैंतलो

राग रंग मोह करैतालो , जीवन सूत्र प्रीती शिखैतलो
हासू तोंडारी हाणू हांगा ,कोंकणस्त नाड स्वार्घ् करतालो

कोंकणस्त नाड सुंदर नाड , कोंकणी सरळ जीव नाड
जनुमा अय्यिले  भाग्य नाड , देव लोक प्रतिबिम्ब नाड

उमापति

SONA PHULLA VAHKKALA ( Konkani Kavita )

SONA PHULLA VAHKKALA      ( Konkani kavita )

ಮೊಗಾರೆ ಫಾಡ್ಡೆ ಅಲಂಕಾರು , ಸೋಣ ಫುಲ್ಲಾ ಕೊಂಕಣಿ ಶೃಂಗಾರು
ಮಿಗೆಲಿ ಭಂಗರ ರತ್ನಾ ಮಾಳ್ಕಾ , ಫೂಲ ಸುಗಂಧ ಮೊಗಾರೆ ಮಾಳ್ಕಾ

ನಿಡ್ಲಾ ತೀಳೋ ಗಲ್ಲಾ ದ್ರಿಷ್ಟಿ ,ಭಂಗರ ಕಂಕಣ ವಕ್ಕಲ ರತನ
ಸಂತೋಷ ಹಾಸು ದೇವಾಲೆ ಹಾಸು , ಶಾರದೆ ಕಲಾ ದಿವ್ಯ ಹಾಸು

ಚೆಲ್ಲಿ ಚೆರ್ಡು ತೂ ಮಿಗೆಲಿ ,ಹೃದಯ ಪ್ರೀತಿ ವಂಟೂನು ಘೆತ್ತಿಲಿ
ತುಕ್ಕಾ ಮಕ್ಕಾ ಅಂತಾ ಗಾಂಟಿ , ಚರ್ಡಾ ಕಳ್ನಾ ತುಕ್ಕ ಪ್ರೀತಿ

ಮೊಗಾರೆ ಕಳೊ ದಂತಾ ಪಂಕ್ತಿ , ಗುಲಾಬ ಪತ್ತೆ ವೊಂಟಾ ಚಂದಾಯಿ
ಕಜ್ಜಳ ಲಾಯಿಲೆ ಸುಂದರ ದೊಳೆ , ಹೃದಯ ಭೇಧಿ ಬಾಣ ಬಾಳಾ

ಚಂಪೇ ಮೊಗಾರೆ ನಂತಾ ಫುಲ್ಲ೦ , ಶ್ವಾಸ ಕಂಪು ಶ್ರ೦ಗ ತಂಪು
ಜನ್ಮ ಅಯಿಲೆ ಕುಟುಂಬೆ ಆಮ್ಗೆಲೆ , ಸೂರ್ಯ ಚಂದ್ರ ತಾರಾ ದುಕುನು

ಸಾಥ ಜನ್ಮ ಋಣ ಪಾವ್ನಾ , ಪ್ರೀತಿ ಜನ್ಮ ಅನುಬಂಧಾ೦ತು
ಪೊಳೈತಾ ಹಾಂವ ದೇವಾಲೆ ರೂಪ , ಮೋಗು ಕರತಾ ಭಂಧನಾಂತು

ಪ್ರೀತಿ ಪ್ರೇಮ ಅನುರಾಗ ಮಮತಾ ,ದೊಳೆಂತು ದಿಸ್ತಾ ನಿರ್ಮಲ ಹಾಸಾಂತು
ಆನಮ್ಮಾಲೆ ಕೀರ್ತಿ ಶೇಷು ಝಾ , ಕುಳಾರ ಘರಣ್ಯಾ ನಿಡ್ಲಾ ತಿಲಕ ಝಾ
 
ಸರ್ವ ಸೂಖ ಶಾಂತಿ ಮೇಳೋ , ಭಾಗ್ಯ ಲಕ್ಷ್ಮೀ ಪದಾರ್ಪಣ ಝವೋ
ತುಗೆಲೆ ಘರಾ ಮಕರಂದ ಝಾ , ಮಾಯಿ ಮಾವಲೆ ಧೂವ ಝಾ

ದೇರು ನಣ೦ದಾ ಸ್ನೇಹ ಝಾ , ಜಾವ ಬಂಧು ಭಕ್ತಿ ಝಾ
ಘರಾ ನಂದಾ ದಿವ್ವೊ ಝಾ , ಕುಟುಂಬೆ ಮುಕುಟಾ ಮಾಣಿಕ್ಯ ಝಾ
ಪ್ರೀತಿ ಸ್ನೇಹಾ ವೈಕುಂಠ ಝಾ , ರಮಣ ಕರುಣಾ ಮೂರ್ತಿ ಝಾ
ಉಮಾಪತಿ

SONA PHULLAA VAHKKALA ( konkani Kavita )

मोगारे फड़डे अलंकारू , सोण फुल्ला कोंकणी शृंगारू
मिगेलि भांगर रत्ना माळका , फूल सुगंध मोगारे माळका

निडला तीळो गल्ला द्रिश्टि , भांगर कंकण वक्कल रतन
संतोषा हासु देवाले हासु , शारदे कला दिव्या हासु

चेल्लिये चेरडु तू मिगेलि , हृदया प्रीति वांटूनु घेत्तिलि
तुक्का मक्का अंता गांटि , चेरडा ... कळना तुक्का प्रीति

मोगरे कळों दंता  पंक्ती , गुलाब पत्ते वोंटा चंदायी
काजळ लायिले सुंदर दोळे , हृदय भेधि बाण बळा

चांपे मोगारे नंता फुल्लं , श्वास कंपु शृंग तंपु
जन्मा गायिले कुटुंबे अमगेले  , सूर्य चंद्र तारा दुकुनू

साथ जन्मा ऋण पावना , प्रीति जन्मा अनुबंधांतू
पोळैता हांव देवाले रूप , मोगु करता बंधनांतु

प्रीति प्रेम अनुराग ममता , दोळेंतु दिसता निर्मल हासांतू
आन अम्माले कीर्ति सेषु झा , कुलारा घरण्या निडला तिलक झा
   
सर्व सूख शांति मेळो , भाग्य लक्ष्मि पदार्पण झव्वो
तुगेले घरा मकरन्द झा , मयि मावाले धूव झा

देरू नणंदा स्नेह झा , जाव बंधु भक्ति झा
घरा नंदा दिव्वो झा , कुटुंबे मुकुटा माणिक्य झा
प्रीति स्नेहा वैकुंठ झा , रमणा करुणा मूर्ती झा  
उमापति 

POORABBA SAMSAARU .. ! ( Konkani Kavita )

POORAABA SAMSAARU .. !    ( Konkani Kavita )  

ಪೂರಬ್ಬಾ ಸಂಸಾರು .. ! 

ಬಾಯ್ಲೆಕ ಹತ್ತ ಧೋರ್ನ್ , ವ್ಹರ್ಡಿಕ ಜಾವ್ನ್ ಭಾರ್ ಸರ್ಲೊ 

ದೋಳೆ ಉದ್ದಾಕ ಕಾಣು ಕಾಣು , ವಿದಾಯ ಸಂಘತಾತಿ ಸಂಬಂಧಿ ಲೋಕು 

ಹಿತ ವಚನ ಬುದ್ಧಿ ವಚನ , ಕಶಿ ಚೋಲ್ಕಾ ಘರಾ ಬಾಧ್ಯತಾ 

ನವ ದಂಪತಿ ಆಶೀರ್ವಾದ , ಚಂದ ಸಂಸಾರ್ ಕರ್ಯಾ ಹಿತ ವಾದ

 

ಮಾವನ ಮೆವ್ಣೆನ ಫೊಟೊನ್ ಧೋರ್ನ್ , ಕನ್ನಾ೦ತು ಸಂಘಿಲೆ ಪ್ರೀತಿ  ಉವಾಚ

" ಮಿಗೆಲಿ ಧೂವ ಆತ್ತ ತುಗೇಲಿ ಬಾಯ್ಲ್  , ಮೊಗಾನ ಸಂಸಾರ್ ಕರಿ ಜಾವೈ ... 

ಉಳ್ಳೊಚ್ಯಾ ಕಳ್ನಾ ನತ್ತಿಲಿ ಸಾಧು ಗಾಯಿ , ಹಾಂಡೂ ಕಳ್ನಾ ಹುಂಕಾರು ಕಾಣಾ .. " 

 

ದೊಳೆ ಉದಾಕ ಕಾಡೂ ಸೋಣ , ನಿತ್ಯ ಹಾಸಾರಿ ಸುಖಾರೀ ಪೊಳಯಿತಾ

ಭೀಷ್ಮ ಪ್ರತಿಜ್ಞಾ ಕೆಲ್ಲಿ ಹಾಂವೆ , ಕಾರಾರಿ ಬಯಿಸುನ್ ಭಾರ್ ಸರ್ಲೊ 

ತ್ಯೇ ಚಿ  ಮಿಗೆಲೆ ಅಖೇರಿ ಪಯಣ . ಸಂಸಾರ್ ಶುರು ಝಲ್ಲೋ ಮಿಗೆಲೊ

ಬಾಯ್ಲೆನ್ ಕಳ್ಳೇಲಿ ಆಖೇರಿ ದೊಳೆ ಉದಾಕ , ಹಾಂವ ಕಾಡ್ತಾ ನಿತ್ಯ ಉದಾಕ

ಭಟ್ ಮಾಮಾನ ಬೊಸಯಿಲಿ ದಾವೆ ದಿಕಾನ , ಬೋಸ್ಲೆ ಮೆಜಾ ಮತ್ತೇರಿ ಅತ್ತ      

ರಾಣಿ ಜಾವ್ನ್ ಘರಾ ಬೋಸ್ಲೆ , ತ್ಯೇ ಕರೀ .. ಹ್ಯೇ ಕರೀ .. ಆರ್ಡರ್ ದಿತ್ತಾ ಮಾಕ್ಷಿ ಮಾಕ್ಷಿ 

ಸಂಘಿಲ್ ಉತ್ತರ ಆಯಿಕ ಮ್ಹಣ್ತಾ , ತೋಂಡ ಸೊಳ್ಳೇರಿ ಜಾಗ್ರತೆ ಮ್ಹಣ್ತಾ

ನೇಲ ಪುಸೂನ್ ಅಂವ್ ಗಾಲೆ ಉಂಬೋಳ್ನ್ ,ರಾಂದಯ್ ಕಾಯಿ ಕತ್ತೊರ್ನ್ ರ೦ದಪ ಕರ್ತಾ

 

ಕುರ್ಕುರೊ ಪೋಳೋ ಮಸಾಲ ದೋಸೋ  , ಪಾನ್ನ ಪೋಳೋ ಇಡ್ಲಿ ಸುರ್ನಳಿ 

ಸಾತ್  ದಿವಸಾ ಸಾಥ್ ಬಗಾ , ಕೊರ್ನ್ ಹತ್ತಾ ದೀವ್ಕಾ ತಿಕ್ಕಾ

ಕೊಣಾಲೆ ಘರಾಂತ್ ಅಶಿ ಝತ್ತಾ  .. ? ತೋಂಡ  ಧಾಂಕೂನ್ ನುತ ಬೊಸ್ಲೋ 

ಮಾಂವು ಆಯ್ಯಿಲೋ ಪೋಳೋ ಚ್ಯಾ ಘರಾ , " ಡೈವೋರ್ಸ್ ದಿತ್ತಾ ಅಪ್ಪೋನ್ ವ್ಹರಿ " ಸಾಂಗ್ಲೆ

   

ತುಗೆಲೆ ಉತ್ತರ ಐಕನಾ ಅನಿ  , ಘರಾ ಕಾಮ ತೂ೦ಚಿ ಕರಿಮ್ಹಳ್ಳೆ  

ಬುದ್ಧಿ ವಾದು  ಸಂಘಾಯ್ಲೆ , ನಾತ್ತಿಲೆ ಮನಾರಿ ಸರ್ವ ಕಾಮ ಕರತಾ ತೀ 

ಹಾಂವ ವಸರಿ ಹೆಲ್ಪ್ ಕರತಾ  , ಆರ್ಡರ್ ಖಾತಿರಿ  ರಕ್ಕುನ್ ರಾಬತಾ 

ಕುರ್ಟಾ ದುಕ್ಕಿಕ ತೇಲ ಲಾಯಿತಾ , ದೇವಾ ಕಡೇ ಮಾಗಣೆ ಕರತಾ

 

ತುಳಸಿ ಹುಂಬ್ರಾರಿ ದಿವ್ವೋ ಲಾವ್ನ್ , ಆಯುಷ್ಯ ಆರೋಗ್ಯಾ ಮಾಗ್ನೆ ಕರತಾ 

ಐ ಲವ್ ಯು ಅರ್ಥ  ಅತ್ತ ಕಳ್ತಾ , ಆರೋಗ್ಯ ಖತೀರಿ ಮಾಗಣೆ ಕರತಾ ,

ಹೂನೀ ಕಾಫಿ ಪೀವ್ಯಾ ಕೀ , ಕಚ್ರಿ ಚಿಪ್ಸ್ ಹಾಡೂ ಕೀ ... ಮೊಗಾನಿ ನಿಂಮ್ಗೀತ

  

ಪೊಟ್ಟಾ ಉಜ್ಜೋ ಯೆತ್ತಾ  ಮಕ್ಕಾ , ಫೇಸ್ ಬುಕ್ಕಾರಿ 40 ವರ್ಷಾ ವ್ಹರ್ಡಿಕೆ ಫೋಟೊ ಪೊಳೈತಾನಾ 

ಮಾಳಾ ವಾಪಾಸ್ ಗಳೇ ಘಾಲ್ನ್ , ಮಕ್ಕಾ ಪೊಳೊನ್  ಹಸ್ತಾತಿ ಕೀ

ಮಸ್ಕಿರಿ ಮಕ್ಕಾ ಕರ್ತಾತಿ ಕೀ  .. ? ಕಿತ್ಯೇ  ಕೊರು .. ? ತುಮ್ಮಿಚಿ ಸಾಂಘಯಾ ...   

ಭಿತ ವೈಲೆ ಘುಟ್ಟು ಕೊಣಾ ಗೊತ್ತು ... ? ಹೆಪಿ ಮೇರೆಜ್ ಏನಿವರ್ಸರಿ ಸರ್ವಾಂಕ ಸಾಂಗ್ತಾ

   

ಆಹಾ .. ! ಕಿತ್ಲೆ ಚಂದ ಬಮ್ಮಣು ಬಾಯ್ಲ್೦ , ಕಿತ್ಲೆ ಸುಖಾರಿ ಅಸ್ಸತಿ .. !

ಮಿಗೆಲೆ ಸಂಸಾರು ಆಶೀ ಸುಖೀ .. ಕೋರು ನಜ್ಜ ಕೀ ದೇವಾ !

" ಎಲ್ಲರ ಮನೆಯ ದೋಸೆಗೆ ತೂತು " ಮೋಣು ಸಾಂತ್ವನ ಕೋರ್ನುಕ್ಕಾತಿ 

ಕಷ್ಟ ಸುಖ ವಾಂಟುನ್ ಘೆವ್ಯಾ , ಎಕ್ಲೇಕ ಎಕ್ಲೊ ಆಧಾರ್ ಜಾವ್ಯಾ  

ಉಮಾಪತಿ