KAALO KRISHNU ( Konkani Kavita )

KAALO KRISHNU       ( Konkani Kavita )
ಕಾಳೊ ಮೋಣು ಅಪ್ಪೋ ನುಕ್ಕಾ , ಚೋರು ಮೋಣು ಸಂಘು ನುಕ್ಕಾ
ಲೂಟಿ ಕರ್ತಾಲೊ ಲೋಣಿ ಚೊರ್ತಾಲೊ , ಹಸ್ಸುನ್ ಖಂಭೆ ಮಾಕ್ಷಿ ನಿಪ್ತಾಲೊ    

ಕಾಳೊ ಮೋಣು ಅಪ್ಪೋ ನುಕ್ಕಾ , ಪೋರು ಮೋಣು ಮಾಯಾ ಶೀರ್ಕುನುಕ್ಕಾ
ಗಲ್ಲಾ ಗೂಳಿ ದಕ್ಕೋನ್ ಹಸ್ತಾಲೊ , ಪುನ್ನವೇ ಚಂದ್ರಾ ಶಾಂತ ಆಸ್ತಾಲೊ

ನಿಡ್ಲಾ ಕಸ್ತೂರಿ ತಿಲಕ ಕಾಳೆ , ದೊಳೆ ಲಾಯ್ಯಿಲೆ ಕಜ್ಜಳ ಕಾಳೆ 
ಕಾಳೊ ಮೊಣು ಅಪ್ಪೋ ನುಕ್ಕಾ , ಚೋರು ಮೋಣು ಸಂಘು ನುಕ್ಕಾ
   
ಋವ್ವಾಣ ಗಾಂಧಾ ನಾಮ ಕಾಳೆ , ಪಯ್ಯಾ ಗಗ್ಗರಿ ಮಣಿ ಕಾಳೆ    
ನವನೀತ ಕಜ್ಜಾಯಾ ತೀಳು ಕಾಳೆ , ಕುಟಿಕಾ ವಜ್ರಾ ಮೂಲ ಕಾಳೆ

ಕಾಳೊ ಮೊಣು ಅಪ್ಪೋ ನುಕ್ಕಾ , ಚೋರು ಮೋಣು ಸಂಘು ನುಕ್ಕಾ    

ದಿವ್ವೆ ಮುಳಾ ಸಾವ್ಳಿ ಕಾಳಿ  , ಉಜ್ವಾಡು ನಾತ್ತಿಲೊ ರಾತಿ ಕಾಳಿ 
ಕಾಳೊ ಮೊಣು ಅಪ್ಪೋ ನುಕ್ಕಾ , ಚೋರು ಮೋಣು ಸಂಘು ನುಕ್ಕಾ

ಪಿರಡುಕಿ ಖಂಟಿ ಗಳೇರಿ ಕಾಳೆ , ಹತ್ತಾ ಘಾಲ್ಲೆಲಿ ಕಂಕಣ ಕಾಳೆ
ಕಾಳೊ ಮೊಣು ಅಪ್ಪೋ ನುಕ್ಕಾ , ಚೋರು ಮೋಣು ಸಂಘು ನುಕ್ಕಾ        

ತಾಂಡವ ನಂತಲೋ ನೀಲಖಂಠ್ ಕಾಳೊ, ಕಾಳಿಂಗ ಮರ್ದನ ಶೇಷು ಕಾಳೊ
ಕಾಳೊ ಮೊಣು ಅಪ್ಪೋ ನುಕ್ಕಾ , ಚೋರು ಮೋಣು ಸಂಘು ನುಕ್ಕಾ    

ಪಿತೃ ರೂಪಾ ಕಾಯಳೆ ಕಾಳೆ , ಕುಹೂ ..  ಕೂ ..  ಕೊಯಿಲ ಕಾಳೆ
ದೇವಾ ರೂಪ ಶಲ ಗ್ರಾಮ ಕಾಳೆ , ಗಂಡಕಿ ನಂಯ್ಯ್ ಚೆ ಫತ್ತರ ಕಾಳೆ
 ಕಾಳೊ ಮೊಣು ಅಪ್ಪೋ ನುಕ್ಕಾ , ಚೋರು ಮೋಣು ಸಂಘು ನುಕ್ಕಾ

ನೀಲ ಶ್ಯಾಮಾ ದೊಳೆ ಕಾಳೆ , ಮತ್ತಿ ಖೆಲ್ಲೆಲೆ ತೊಂಡ ಕಾಳೆ
ಯಶೋಧೆ ದಕ್ಕಯಿಲೆ ವಿಶ್ವ ಕಾಳೆ , ಲೋಣಿ ಖೆಲ್ಲೆಲೆ ಮಟಕಿ ಕಾಳೆ
ಕಾಳೊ ಮೊಣು ಅಪ್ಪೋ ನುಕ್ಕಾ , ಚೋರು ಮೋಣು ಸಂಘು ನುಕ್ಕಾ

ಹಸ್ಸೋನ್  ಹಸ್ಸೋನ್ ಪ್ರೀತಿ ದಕ್ಕೊನ್ , ವಸ್ತ್ರ ಚೋರ್ನ್ ರುಕ್ಕಾರಿ ಬೊಸ್ತಾಲೊ
ಗೋಪಿ ಲೋಕಾ೦ ಬಾಧಾ ದಿತ್ತಲೋ , ಗೋಪಿ ಲೋಕಾ೦ ಹೃದಯಾ ಆಸ್ತಲೊ
 ಕಾಳೊ ಮೊಣು ಅಪ್ಪೋ ನುಕ್ಕಾ , ಚೋರು ಮೋಣು ಸಂಘು ನುಕ್ಕಾ

ಮಸ್ತ ಮೋಗು ನಕ್ಕಾ ಯಶೋಧೆ , ಸೆರಗಾ ಗುಟಲಾನ್ ಶ್ಯಾಮಾ ಧೋರ್ನ್
' ಕರುಪ್ಪಾ ' ಪ್ರೀತ್ ದಕ್ಕೋನುಕ್ಕಾ
ಕಾಳೊ ಮೊಣು ಅಪ್ಪೋ ನುಕ್ಕಾ , ಚೋರು ಮೋಣು ಸಂಘು ನುಕ್ಕಾ

ಉಮಾಪತಿ 

KAALO KRISHNU       ( Konkani Kavita )
काळो मोणु अप्पो नुक्का , चोरु मोणु संघु नुक्का
लूटि कर्त्तालो लोणि  चोरतालो , हस्सुन खम्भे माक्षि निपतालो        

काळो मोणु अप्पो नुक्का  , पोरूमोणु माया शिरकु नुक्का
गल्ला गूळि दक्कोंन हस्तालो , पुन्नावे चंद्रा शांता अस्तालो  

निड़ला कस्तूरी तिलक काळे , डोले लायीले  कज्जळ  काळे
काळो मोणु अप्पो नुक्का ,  चोरु मोणु संघु नुक्का

रुव्वाण गान्धा नाम काळे , पय्या गग्गरि मणि काळे
नवनीत कज्जया तिळु काळे ,  कुटिका वज्रा मूल काळे
 काळो मोणु अप्पो नुक्का , चोरु मोणु संघु नुक्का

दिव्वे मुळा सावळीं काळि  , उजवाडु नात्तिलो राति काळि
काळो मोणु अप्पो नुक्का , चोरु मोणु संघु नुक्का
       
पिरडूकि खंठी गळेरि काळे  , हत्ता घाल्लेले कंकण काळे          
काळो मोणु अप्पो नुक्का , चोरु मोणु संघु नुक्का

तांडव नांतलो  नीलखंठ काळो , कळिङ्ग मर्दन सेशु काळो
काळो मोणु अप्पो नुक्का , चोरु मोणु संघु नुक्का

पित्रु रुपा कयिळे काळे , कुहू  .. कू ... कोयला काळे
देव रूपा शलाग्राम काळे , गंडकी नयीचे फत्तर काळे
काळो मोणु अप्पो नुक्का , चोरु मोणु संघु नुक्का

नील श्यामा दोळे काळे , माती खेल्लेले तोन्ड काळे
यशोधे   दक्कायिले विश्व काळे  , लोणी खेल्लेले मटकी काळे
काळो मोणु अप्पो नुक्का , चोरु मोणु संघु नुक्का
       
ह्ससोन हससोन प्रीति दक्कोन , वस्त्र चोरन  रुक्कारि बोसतालो
गोपि लोकां भाध दित्तालो , गोपी लोकां हृदया अस्ताला
 काळो मोणु अप्पो नुक्का , चोरु मोणु संघु नुक्का

मस्त मोगु नक्का यशोधे , सेरगा गुटलान श्यामा धोरन
' करुप्पा ' प्रीति दक्को  नुक्का
काळो मोणु अप्पो नुक्का , चोरु मोणु संघु नुक्का
उमापति 

           

VRUDDHAASHRAMA AMGELE SAMAJAANTU JAAYIVE .. ? ( Yeka Konkani Vichaaru )

VRADDHAASHRAMA AMGELE SAMAAJAANTU JAAYIVE .. ?  ( Yeka Konkani Vichaaru )

ವೃದ್ಧಾಶ್ರಮ ಅಮ್ಗೆಲೆ ಸಮಾಜಾಂತು ಜಾಯಿವೇ .. ? 

                      ಕಾಲು ಬದಲ್ ಝತ್ತಾ ಅಸ್ಸ ... ಫುಳ್ಳೆ ಕಸಲೆಯ್ ವಿಚಾರು ಅತ್ತ ಲೋಕಾಂಕ ಲಗ್ಗನಾ ... ಕಿತ್ಯಾ ಲಗ್ಗನಾ .. ? ಕಾರಣ ಕಸಲೆ ಜಾವ್ನ್ ಆಸ್ಚ್ಯಾ ಪೂರೊ .. ? ಅತ್ತ ನವ್ವೆ ಪೀಳಿ ಕಸಲೆ ಲೆಕ್ತಾ ಆಸ್ಸತಿ .. ? ಕಸಲೇಕ ಮಂಥರೆ ಆನಮ್ಮಾ೦ಕ , ಮಾಯಿ ಮಾವಾಂಕ ವೃದ್ಧಾಶ್ರಮಾಕ ಪೆಟೋಕಾ ಮೋಣು ಲೆಕ್ತಾತಿ .. ? ತಾಂಗೆಲೆ ಮನಾಂತು ಕಸಲೆ ಅಸ್ಸ .. ? ಯೆಕು ವಿಚಾರು ಕೊರ್ಯಾ .... 

                      ಅತ್ತ ಕಾಲಾಂತು ಚೆಲ್ಲಿಯೋ ಜವ್ವೋ ..  ಚೆಲ್ಲೆ ಜವ್ವೋ ಮಸ್ತ ಶಿಕ್ಲೆಂಚಿ ಆನ೦ಮ್ಮಾನಿ ಕಷ್ಠ ಕಾಣು ತಂಕಾ ಮಸ್ತ ಶಿಖಯಿಲಾ ಡಾಕ್ಟರ್ , ಇಂಜಿನೀರ್ , ಕಂಪ್ಯೂಟರ್ ತಜ್ನ್ ಕೊರ್ನ್ ... ಅತ್ತ ತಾಂಕಾ ಮಸ್ತ ಸಂಭೋಳು ಏಕ ಮಹೀನೇಕ ... ಕಿತ್ಲೆ ಸಂಭೋಳು  ಮೋಣು ಆನಮ್ಮಾ೦ಕ ತಾಂಯ್ ಸಂಘನಾತಿ ಪೂರಾ ವಿಷಯು ಘುಟ್ಟು . ಪ್ರಾಯೇರಿ ಯೆತ್ತರಿ ತಾಗೆಲ್ ಮ್ಹಣ್ಕೆ ಶಿಕ್ಕಿಲಿ ಚೆಲ್ಲಿ ಜಾಯಿ ಮ್ಹಣತಾ ... ತಿಕ್ಕಾಯಿ ಹಗೆಲ್ ಮ್ಹಣ್ಕೆ ಸಂಬೋಳು ... ದೊಗ್ಗಾಯಿ ಬೆಂಗಳೂರಾಂತು ಕಾಮ ಕರ್ತಾತಿ . ಪಾಪ ಕಾಮಾ ಚೆ ಕಷ್ಟ ... ಕೆದನಾ ,  ಪ್ರಾಜೆಕ್ಟ್ ವರ್ಕ್ ಕಯಿದ ಝತ್ತಾ ... ಕೆದನಾ , ಸ್ವಲ್ಪ ರೆಸ್ಟ್ ಮೆಳ್ತಾ ಮೋಣು ಆಶಿ ಪಾವತಾತಿ . ರಾತ್ರಿ ಕೆದನ ಮೋಣು ನಾ ... ಏಕ್ ಏಕ್ ಪೋಟಿ ಘರ್ಲೆಗಿ ಯೆವ್ಚ್ಯಾ ಜಾಯ್ನಾ ... ತೊಂಡಾರಿ ಯೇಕು ಹಾಸು ನಾ ... ಭಾಯಿಲ್ಚೆ ಖಾಣ .. ಭೂಕೆಕ ಕಸಲೆ ಕೊರ್ಚೆ ... ? ಮೆಳ್ಳೆಲೆ ಖಾಣ ಖಾವಚೆ . ಸಂಸಾರು  ಮ್ಹಳ್ಳೆರಿ ತಜ್ಜೆ  ಅರ್ಥು ... ,  ಅಷ್ಶಿ ಕಷ್ಟ ಕಾಣು ಕಾಮ ಕರ್ತಾಲೆಂಗಿ ನಿಂಮ್ಗೂಕಾ . ಕೆದನಾ ಪೊಳೈಲ್ಯಾರಿ ಪ್ರೊಜೆಕ್ಟ್ .. ಪ್ರೊಜೆಕ್ಟ್ , ಮೋಣು ಧಾಂವ್ಡಿ ಬಲಿ . ಹಜ್ಜೆ ಮಧ್ಯೆ ತಿಗೆಲೊ ಬಾಳಾ೦ತಿರೋ ... ಚೆರಡಾಕ ಬೇಬಿ ಸಿಟ್ಟಿಂಗ್ , ಘರಾ ಕಾಮಾಕ ಜನ , ಚೆರ್ಡಾಕ ಪೋಳೋಚ್ಯಾಕ ಜನ ... ತಾಂಗೆಲೆ ಖರ್- ಖರ ... ಅಯ್ಯೋ ಪೂರೊ ಅಬ್ಬಾ..  ಸಂಸಾರು ಮೋಣು ದಿಸ್ತಾ . ಕಷ್ಟಾರಿ ಅಸ್ತನಾ ಎಕ್ಲೊ /ಎಕ್ಲಿ ಪುಣಿ ಸಹಾಯಾಕ ಮೆಳ್ನಾತಿ . 

" ಅಂಮ್ಕಾ  ಘರ ಸೋಣು ವೋಚ್ಚಾ ಝತ್ತವೇ ಗೋರ್ವ೦ , ಗದ್ದೆ , ತೋಟ , ಕಾಮಾಂಚ್ಯಾ ಸೋಣು ವೊಚ್ಛೆ ಖಂಯ್ .. ? "

" ಅನಿ ಆ೦ಮ್ಕಾ ತ್ಯಂಚೋ  ಹವೊ ಲಾಗ್ತ ವೇ ... ? " 

" ಆಮ್ಕಾ ಥಂಯ್ಯ್ ಗೆಲ್ಲೆರಿ ..  ಜೈಲಾಂತು ಬೋಸ್ಲೆ ಮ್ಹಣ್ಕೆ ದಿಸ್ತಾ " 

" ಚೆರ್ಡು೦ವ ತಾಂಕಾ ಪ್ರಾಯ ಸಾನಿ ... ಕಶೀ ಪುಣಿ ದಿವಸು ಕಾಡ್ತಾತಿ .. ತನ್ನಿ ತಾಂಗೆಲೆ ಪೋಳೋನ್ ಘೇವೊಂತಿ ... ಅಂಮ್ಕಾ ಜಾಯ್ನಾಬ್ಬಾ .. ! " 

" ಅಂಮ್ಕಾ ಪ್ರಾಯ ಝಲ್ಲೆಲೆ ವೆಳ್ಯೇರಿ ... ಅ೦ಮ್ಮಿತಾಂಕಾ ಬಾರ್ದನ್ ನವೇ .. ? ಹೇ ಸಂಕಟ ಘೇವ್ನ್ ತ೦ಯ್ಯ್ ವೊಚ್ಛೆ ವೇ .. ? "

" ಅಂಮ್ಕಾ ... ಆಮ್ಗೆಲೊ ಗಾ೦ವೂಚಿ ಸಮ್ಮ ಅಬ್ಬಾ ... ಹಾಂಗಾ ಚಾರಿ ಜನ ಜಾಯಿ ಝಲ್ಲೆಲೆ ಆಸ್ಸತಿ . ಥಂಯ್ ಕೋಣ ಅಸ್ಸ .. ? " 

"ಹಾಂಗಾ ... ದೇವಸ್ಥಾನ , ಭಜನ , ಚಾರಿ ಜನಾಲೆ ಫರ್ಡಿ ... ಕಶೀಯ್ ಪುಣಿ ವೇಳು ವತ್ತಾ ... ಥಂಯ್ಯ್ ... ? "    

             ಅಸಲೆ ಖಠಿಣ ಉತ್ತರಂ ಅಯಿಕುನ್ ಮನಾ ಬೇಜಾರು ದಿಸ್ತಾ ಚೆರ್ಡುವಾಂಕ . ಪ್ರಾಜೆಕ್ಟ್ ವಿಷಯಾನ ಫೋರೆಯಿನ್ ಗಾವಾಂಕ ಗೆಲ್ಲೆರಿ ತಾಜ್ಜೆ ಕಷ್ಟ ಅನಿಕಾಯ್ ಚಡ . ತಸ್ಲೇರಿ .. ತಾಂಗೆಲೆ ಭವಿಷ್ಯ ಕಷ್ಶಿ ಕಲ್ಪನಾ ಕೋರ್ಕಾ .. ? ಆನಮ್ಮಾ ...  ಗಾವಾಂತೂಚಿ ಚೆರ್ಡು ವಾಲೆ ಹಂಗು ನಾಶಿ ರಾಬ್ತಾತಿ . ತೀರಾ ಪ್ರಾಯು ಝತ್ತರಿ ಅಶ್ರಾಮ ಲಗ್ಗಿ ಅಸ್ಲೆರಿ ವೊಚ್ಚ್ಯಾಮೋಣು ವತ್ತಾತಿ . 

                     ಕಿತ್ಲೆಕೀ ಘರ್ಲೆಗಿ .. ಎಕ್ಲೇಚಿ ರಬತಾತಿ ... ಬಮ್ಮ್ಮುಣ ಬಾಯ್ಲೆ ಮಧ್ಯೆ ಕೊಣಯ್ ಎಕ್ಲೊ ನಾ ಝಲ್ಲೆ ಸತಾನ . ಪಿಶ್ಶೆ ಲಾಗ್ಲೆ ಮ್ಹಣ್ಕ್ ದಿಸ್ತಾ ತಾಂಕಾ . ವೃದ್ಧಾಶ್ರಮಕ ವೊಚ್ಚ್ಯಾ ಮೋಣು ದಿಸ್ತಾ . ಥೊಡೆ ಲೋಕಾಂಕ ಚೆರ್ಡು ಬಾಳ ಅಸ್ಸ ನಾತಿ . ಪೊಳೈತಲೆ ಲೊಕು ಕೊಣಾಯ್ ನಾತಿ ತಸಲೆ ಲೋಕು ಆಶ್ರಾಮಾಕ ವತ್ತಾತಿ . ಸಂಬಂಧಿ ಲೋಕು ತಾಂಗೆಲೆ ಪಾಪ ಪೊಳೊನ್ ತಂಕಾ ರಬ್ಬೋನ್ ಘೇತ್ತಾತಿ . ಪ್ರಾಯ ಜತ್ತಾ - ಜತ್ತಾ , ತಂಕಾ ಪೊಳೋನ್ ಘೇವ್ಚೆ ಹೋಡ ಕಾರ್ಯ ಶೇ ಝತ್ತಾ . ಪೋಳೋಚ್ಯಾಕ ನರ್ಸ್ ದವರ್ತಾತಿ . ಘರ ತಾಂಕಾ ಆಸ್ಪತ್ರಿ ಶೀ ದಿಸ್ತಾ  . ಟೀವಿ ಕಾರ್ಯಕ್ರಮು ಸಮ ಪೊಳೋಚ್ಯಾ ಜಾಯ್ನಾ ... ಘರ್ಲೆಗಿ ಕೊಣಯ್ ಪುಣಿ ದೋಸ್ತ್ , ಸಂಬಂಧಿ ಲೋಕಾಂಕ ಅಪ್ಪೋನ್ ಪಾರ್ಟಿ ಕೊರ್ಯಾ  ಮ್ಹಳ್ಳೇರಿ ಜಾಯ್ನಾ  . ಗೀಳೂ೦ಕ ಜಾಯ್ನಾಶಿ ...  ಥೂ ಕೋರ್ಚ್ಯಾಕ ಜಾಯ್ನಾಶಿ ... ಉಲ್ಲೋಚ್ಯಾಕ ದಾಕ್ಷಿಣ್ಯ ಕೊರ್ನ್ ಸಂಕಟ ಪಾವ್ತಾತಿ .  ಅರ್ತಾಚಿ ಚೆರ್ಡುವಾನಿ ಅನ್ನಾಕ , ಅಮ್ಮಾಕ , ರಬ್ಬು೦ಕ ಫ್ಲ್ಯಾಟ  ಘೆವೊನ್  ದಿತ್ತಾತಿ . ಪೂರಾ ಸವಲತ್ತು ಘರಾಂತು ಅಸ್ಸ . ಟಿವಿ , ಫ್ರಿಡ್ಜ್ ದುಕೂನ್ ಫರ್ನಿಚರ್ ತಾಂಯ್ಯ್ ಅಸ್ಸ . ಸಿಕ್ಸ್ತ್ ಫ್ಲೋರ್ ,  ಏಯ್ತ ಫ್ಲೋರ್ ಲಿಫ್ಟ್ ಅಸ್ಸ . ವರ್ಸಾ ಏಕ ಪೋಟಿ ಆನಮ್ಮಂಗೇಲೇಗಿ ಪೋಳೋಚ್ಯಾಕ  ಆಯಿಲ್ಯಾರಿ ಪುಣ್ಯ . ತಾಂಕಾ ಪೊಳೈತಾನಾ ... ನಿಸ್ತೇಜ ತೊಂಡ ... ಹಾಸು ನಾ .. ಕೊಣಾಲೆ ಖತಿರಿ  ರಾಕ್ತಾ ಆಸ್ಸತಿ ಕೀ  ... ಮೋಣು ದಿಸ್ತಾ .ತಾಂಕಾ ಜಾವ್ಕಾ.... ಪೊಟ್ಟಾ ಜಲ್ಲೆಲೆ ಚೆರ್ಡುವಾ೦ಗೆಲೆ ಪ್ರೀತಿ ...ತಾಂಗೆಲೆ ಪ್ರೋತ್ಸಾಹ , ತನ್ನಿ ಕೆಲ್ಲೆಲಿ ಪ್ರೀತಿ ಚೆ ಪ್ರತಿಫಲ ... ಹೇ  ಮೌನ ಜಾವ್ನ್ ತಂಡುನ್ ವೊರ್ಚೆ ಜೀವನಾ ಅಖೇರಿ ಅಂಕ . 

                       ಆಮ್ಗೆಲೆ ಸಾರಸ್ವತ ಮಲಘಡೆ ಲೋಕಾನಿ , ಸಮಾಜಾಕ ಸೇವಾ ಕೋರ್ಕಾ ಮೋಣು ವೃದ್ಧಾಶ್ರಮ ಥಂಯ್ - ಥಂಯ್ ಬಾಂಧುನ್ ಘಲ್ಲಾ . ಹೇ ಆಶ್ರಮ ನುಪ್ರೊ ... ಅನಿಕಯ್ ಚಡ ಜಾವ್ಕಾ . ಪ್ರಾಯ ಝಲ್ಲೆಲೆ ಸೀನಿಯರ್ ಸಿಟಿಜನ್ ತಂಕಾ ಆಖೇರಿ ಘಡಿಂತು ಶಾಂತಿ , ತೃಪ್ತಿ ದೀವ್ಕಾ . ಇಂಗ್ಲೆಂಡ್ , ಯುರೋಪ್ , ಅಮೇರಿಕಾ ದೇಶಾಂತು ಸುರ್ವೆಕ ಚಿ ಚೆರ್ಡು೦ವ ಪ್ರಾಯೇರಿ ಅಯಿಲೆ ಸತಾನ ದೂರ ವತ್ತಾತಿ . ಮಂಥರೆ ಆನಮ್ಮ ...  ತಾಂಗೆಲೆ ವಿಂಗಡ ಘರ ಬಂಧುನ್ , ತಾಂಗೆಲೆ ಪೆನ್ಷನ್ ದುಡ್ಡು ಘೇವ್ನ್ ದೂರ ಅಸ್ತಾತಿ . ಪ್ರಾಯ ಜಾಲ್ಲೆಲೆ ವೇಳ್ಯೇರಿ ... ತಂಕಾ ಸ್ಟೇಟ್ ಪೊಳೋನ್ ಘೆತ್ತಾ ... ರೇಷನ್ ದುಕುನ್ ವಕ್ಕದ೦ ತಾಂಯ್ಯ್ ಫ್ರೀ ಜಾವ್ನ್ ಗವರ್ನಮೆಂಟ್ ಪೋಳ  ಯಿತಾ . ಆಮ್ಗೆಲೆ ಭಾರತಾ೦ತು ಆಮ್ಗೆಲಿ ಸಂಸ್ಕೃತಿ ವಿಂಗಡಿ ... ಆಮ್ಗೆಲೆ ಪುರಾಣ ..." ಮಾತೃ ದೇವೋ ಭವ , ಪಿತೃ ದೇವೋ ಭವ , ಗುರು ದೇವೋ ಭವ , ಆಚಾರ್ಯ ದೇವೋ ಭವ  " ಮೋಣು ಸಾಂಗ್ತಾ . ಅಮ್ಮಿ ಆಮ್ಗೆಲೆ ಸ೦ಸ್ಕೃತಿ ಪ್ರಕಾರ ಚೋಲ್ಕಾ ಝತ್ತಾ .  ಸರ್ವೇ ಜನೋ ಸುಖಿನೋ ಭವಂತು . 

ಉಮಾಪತಿ